Ka Nupepa Kuokoa, Volume XXI, Number 7, 18 Pepeluali 1882 — Page 3
| This text was transcribed by: | Bernardette Piilani Akiona |
| This work is dedicated to: | No kaʻu keiki kāne i aloha nui ʻia - Jace Jin Kaʻelekū Akiona |
Ka Nupepa Kuokoa
KE KILOHANA POOKELA NO KA LAHUI HAWAII.
KUAI HOEMI NUI, KUAI HOEMI NUI.
MA KA HALE KUAI O
CHARLES J. FISHEL!
KIRI O NA ALANUI PAPU ME HOTELE;
UA HIKI IA'U KE KUAI I KO'U MAU WAIWAI HOU A NANI I KO'U MAU MAKAMAKA ME KA ʻEMI I OI AE MAMUA O KEKAHI MAU HALEKUAI E AE O HONOLULU NEI.
EIA MA KO'U HALEKUAI
He Heluna Nui o na Lako Aahu o na Kane a me na Kamaiki,
Na Kamaa, Papale, Papale Kapu,
AKAHI NO A HOIKEIA MA HONOLULU NEI.
Eia ke kumukuai o kekahi mau Waiwai;
P@a Lole Holoholo o na Kane, $10 wale no, a ma kekahi mau Halekua e ae he $18
Pahehoe, $1 o ka La
Palemai, he 50 keneta wale no.
Palule Kalakoha hou a nani me na Pulima elua me elua
A i kala, he $1.50 wale no.
E Kilohi Mua i Ko'u Mau Waiwai
MAMUA O KE KILOHI ANA I KO HAI HALEKUAI
KA HUI
LOLE AAHU NUI O KA HONU NEI.
Nu Ioka, Ladana, Parisa.
O KA HUINA PUU WAIWAI,
$3,000,000.
ARNOLD FITZGERALD, Peresidena
A.M. MELLIS, (MELEKI)
O KA
HALEKUAI LOLE AAHU NUI, OIA KA AGENA NO KA PAEAINA HAWAII.
Ua hoomakaukau a ua hoopaa ka mea nona ka inoa malalo iho nei me ka Hui Nui i oleloia ae la, e hoolawa i na makamaka o Hawaii nei a puni me na lako aahu i hana mua ia a paa, a ke kono aku nei i ka lehulehu e hele mai e nana a ike maka i na waiwai i loaa mua mai nei ma ka moku D.C. Murray - oia hoi na Lole Paina o na kane, a me na Aahu o kela a me keia ano.
NA AAHU SEKOTIA -- NA KUKA
NA AAHU SEKOTIA -- NA LOLEWAWAE
NA AAKU KUKA O KE ANO HOU LOA. HE MEA NUHOU.
Na aahu no na kanaka makua a me na kamalii o kela a me keia ano, maika loa, a he ano hou. Ua hanaia keia mau aahu a pau no ka manao nui ia e hoolawa i na mea a pau no keika Kulanakauhale a me na apana mawaho aku. He mau aahu no ka maemae a me ka nani, a ua kii pololei ia aku, a loaa mai ka hale hana lole mai; A HE MAKEPONO LOA MALALO O NA MAKEPONO A PAU KE KUMUKUAI, malalo o na halekuai e ae a pau o keia Kulanakauhale.
N. B. He mau aahu a me na ano waiwai e ae o kela a me keia ano, ke waiho nei no ke kuai aku me ka
Uku Haahaa Loa!
A.M. Meleki.
Halekuai Lole Nui o ke Kaona, ma ka Halepohaku Nui o Burua Ma.
Helu 104, Alanui Papu
Jan 18 t
NU HOU, NU HOU
NA WAIWAI HOU LOA
NA PAIKINI O KEIA AU,
E Loaa no ma ka Halekuai o
DILINAHAMA MA!
MA ALANUI PAPU,
OIA NA WAIWAI MALALO IHO NEI;
Na Palau, Kaa Huilapalala, Kopala, Piki, Oo, Koi, Koilipi, Na Hamare Kamana o na ano a pau, Na Mea Hana a na Kamana, Poe Hamo Puna, na Amara a me na mea hana o ka Poe Akeakamai a pau.
Pena, Aila, Waniki a me na Palaki, Pauda, Poka a me na Kukaepele, Palaki namo Pua, Pulumi, Pakeke, Kapu Holoi Lole a me na Papa Holoi Lole, na Ipu@ti na Pa Palai, Na Makau Lawaia, na Aho Lawaia o na ano a pau, na Kaula o na ano a pau, na Pahi, O, a me na Puna,
A HE NUI AKU NO NA MEA I KOE,
I KUPONO NO KA HOOHIWAHIWA ANA I NA HALE,
I hiki ole ia makou ke huai pau uku, aka, na oukou no e hele mai a e hoonuu iho. O keia maluna ae, e loaa no ma ka Halekuai o
DILINAHAMA MA,
1036 3ms Ma ka Helu 37, Alanui Papu.
KKE@@ a me HAKI
Ua nee aku maua ko oukou mau Loio mai ka pili pu ana me ke Keena Ku@k@a a i ke Alanui Kaahumanu Helu 1A, ma o ma@@ ka Banako o Bihopa ma.
Ua makaukaua mau maua e lawelawe i na hihia a pau ma Honolulu a me ko na mokupuni. E hooko ia na Palapala Kuai, Hoolimalima a me ka Moraki me ka ek@. He Luna H@@@@ Palapala no hoi o W @ Kakela. 960 tf
ASA KAULIA,
Loio a Kokua ma ke Kanawai.
Ua makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. @ i@@@ @@ au ma Koolaupoko, Heeia, a ma Honolulu i kekahi wa @@@@ ia na kauoha mai na wahi a pau o ka mokupuni me ka eleu a me ka hikiwawe.
CECIL BROWN.
LOIO A HE KOKUA MA KE KANAWAI
A HE AGENA no ka Hooiaio ana i na Palapala no ka Mokupuni o Oahu. Helu @, Alanui Kaahumanu. Honolulu, H.P.A. @y.
E. Cook Webb, M.D.
HOMEOPATIKA.
(@@@@@ o ka Halemai Homeopatika, ma ka Mokupuni W@rd's, N. Y.)
KEENA OIHANA. -- Helu 60, Alanui Papu. Makuakau mau e lawelawe i na pilikia mai o na wahine a me na kamalii.
HORA HANA -- Mai kakahiaka a hora 10 am. -- 2 a i ka 4 pm. 967 4m
He Nui Anei Kou Makemake i na MEKINI HUMUHUMU LOLE@
Ina pela, alaila, e kipa mai oe ma ka Halekuai o
KAKELA & KUKE.
A malaila oukou e ike ai a makaikai i na @@@
MEKINI a WHEELER a me WILSON
mai ke @40 a hiki i ke @@0 ke @@@@@@@@ o ka mea hookahi
NA MEINI A SINGER,
ma ke @3@ hiki i ke @50 ke @@@@@@@
mea e paa ai ko oukou @@@@@@@ e ma @@@@@@ @@ @@ @ pono o keia mau Mekini, e @@@@ mai no me ke kuihe ole, a e ike no okou iho
628 tf
S.B. DOLE.
HE LOIO A HE LUNA HOOIAIO PALAPALA
E hiki no iaia ke lawelawe i na hihia o kela a me keia ano imua o na Ahahookolokolo a pau o keia aupuni.
Keena hana ma Alanui Papu, maluna ae o ka Halekuai o Likikini. Honolulu, Oahu, Iulai 10, 1880. 971 @@
JAMES M. MONSARRATE.
[MAUNAKEA.]
Loio a he Kokua ma ke Kanaawai.
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
A HE LUNA HOOIAIO PALAPALA.
Keena hana helu 9 alanui Kaahumanu.
Jan. 3 1880. 944lv
UA MAKEMAKE IA NA ILI BIPI, NA KIWI BIPI, NA IWI BIPI
E haawai ia no ke kumukua i kiekie o ko kakou makeke nei e
H. Hackfeld & Co.
Honolulu, Mei 22, 1880. 964 ly
E Nana, E Nana,
A E IKE
I KA MEKINI HOU,
HE HIKI KE HANA MA NA AOAO ELUA,
O ka Mekini Humuhumu
ST. JOHN, ST. JOHN,
Oia wale no ka Mekini maikai a kupono i na Kanaka Hawaii, no ka mea,
AOLE E LOAA KEKAHI UILA O KA MEIKINI
E HELE MA KA HALEKUAI MEA KANI O GEO. F. WELLS.
A e Kuai i keia ano Mekini Hou, a e lona no ke GITA Makana wale: O na Kauoha mai na Mokupuni e ae, e hoolawaia me ka eleu.
GEO. F. WELLS,
Helu 66 me 68 Alanui Papu 1044 tf
PAPA! PAPA!
NO
ALLEN & ROBINSON
UA WEHE AE NEI MAUA I
PA KUAI PAPA
MA KA UWAPO O PAKAKA
Na Papa Ulaula o na ano a pau.
Na Papa Painu o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena!
NA KUI O NA ANO A PAU.
NA PANI PUKA a me
N PANI PUKAANIANI.
NA PANI PUKA a me
NA OLEPELEPE
NA LAKO KUKULU HALE O NA ANO A PAU!
E KUAIIA MA KE
KE KUKUMKAHI HAAHAA LOA
O kea Makeke.
ALLEN & ROBINSON.
Honolulu Ian @ 1@1@ @@@@
HALEKUAI MA HANAKAPO
E na Lede maka palupalu a me na Keonimana puukani o ua Lai Ulu nei o Hauola, a me kona mau eheu, ma ka Akau a ma ka Hema. -- E naue mai oukou ma ko'u Halekuai Hoopahee, a e wae no oukou iho, i na mea a ka manao e hoohihi ai. E kuai aku ana au i na Waiwai a paa me ke Kumukuai E@@ a Waipahe hou ma ke Dala Kuike: anolaila, e na Makana k@ aloha, e kipa mua mai oukou e ike ia'u, mamua o ko oukou kipa ana aku ma kahi e.
E loaa no au ma ka Helu 155, ma Lahaina, Maui. C. ATONG.
Lahaina, Ian. 10, 1882 1051 3ms
JNO. LOTA KAULUKOU.
LOIO a HE KOKUA.
UA makaukau au e lawelawei na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pii ana i ka Oihana Loio me ka eheu. E loaa no au ma Heeia Koolaupoko, a me Honolulu no hoi i kek manawa. 901 tf
HELE MAI HOOKAHI!
Hele Mai a Pau Loa! Eia Mai a Pau Loa! EIA KA NANI LA MA HALEALOHA!
Ka Halekuai Pohaku e ku nei ma Monikahane, ma ka Huina o na Alanui Papu a me Hotele.
KE hoolako mau ia nei ia Halekuai me na Lole nani o kela a me keia ano, a me na mea hookinohi@ohi i na paikini o na wahine a me ko na kamalii, i ku i ka iini o kela a me keia aina, a eia ua mau mea hoonuanua ia:
Na Silika mae ola o kela a me keia ano o ka Aina Pua, na lole hapa silika o na ano he lehulehu wale, na lilina maoli o na ano a pau, na hapa lilina, na makalena aeae paheehee, na nahonahe, na halu-a, na puu, na kalakoa, na alapia, na kalePa, na iliwai, na huluhulu, na veleveta, na keokeo paina, na leponalo paina, na lipine, na lihilihi maoli a me na lihilihi kuwelu, na mea paa o na wahine. oia na muumuu komo lole a me na muumuu moe po, na palekoki hu-a a me na palekoki lihilihi nui, na leia-l silika o na ano a pau, na kainaka silika nui a liilii Na Lole o na Kane: na lolewawae paina, ka@imia, huluhulu, na kuka loloa a ekekei o na ano a pau, na lole paa o na kamaliiwahine a me na keikikane. Na papale wahine o kela a me keia ano a me na ohu o luna, na papale keiki, na papale kane. Na kamaa wahine me ko na kamalii, na kamaa kane Na kakini wahine o na ano a pau a me na kakini pua silika ma ka aoao no no kaikamahine, na kakini o na keikikane a me ko kanaka makua o na ano a pau Na mamalu silika nunui a liilii o na ano he lehulehu wale. Na pale holoi wawae he nui wale eia maanei.
I mea e maopopo ai ia oukou e na hoa'loha, ua oluolu ia ke komo ana mai maloko o Halealoha, a e nana pono i ike pono ke au nui a me ke au iki, a e loaa no me ke kumukuai oluolu. O keia mau waiwai i halia oe la maluna, e hiki mau mai ana ma kela a me keia ku ana mai o na mokuahi.
GOO KIM.
Homolulu, Oct. 11, 1881 1039 6m@
KALE KULIKA
Luna Hooiaio Palapala kuai,
MOLAKI A ME NA PALAPALA OIA ANO.
Luna Hooiaio Palapala Aelike mawaena O na Haku a me na Kauwa.
Luna Haawi Palapala Mare.
Ma ke kihi o ke Alanui Moiwahine me Kaahumanu, kulana kauhale o Honolulu ko Hawaii Pae Aina. 906 tf
MRS. A.M. MELEKI,
MEA HUMU LOLE MAIKAI A ME Na Koloka, Holoku ano hou.
104 Alanui Papu, Kuea o Burua.
Honolulu, Ian. 15, 1881. 998 ly
HALEPAI HOU.
No ke pai ana i na ano a pau i makema keia e na kanaka, oia hoi:
NA PALAPALA, NA BALOTA, NA LIPINE I PAIIA ME NA HUA, NA PALAPALA KUHIKUHI HAAWINA, A ME NA OLELO HOOLAHA.
O na ano Humuhumu Buke o kela a me keia ano, e humu ia me ka eleu a me ka maiau, he hoounaia mai na kauoha ia
Thos. G. Thrum,
(Kalame)
1029 6m Ma Alanui Kalepa, Honolulu
KO BIHOPA MA
BANAKO MALAMA DALA.
E MALAMA NO MAUA I KE DALA O na kanaka maloko o ka Banako, penei:
Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri ukupanee ma kahiki, mai ka la o ka lawe ana mai a hiki i ka la o kona ohi ana, ke waihola ke dala hoomoe i ekolu malama a keu paha. Aole ukupanee e helu ia no ka hakina e ke dala hookahi aole no hoi ka hapa malama.
Ina ohi koke oia i kana dala, aole i hala na malama ekolu aole ukupanee.
Ina i manao ke kanaka e ohi i kana dala, e pono ke hoike mai oia ma ka Banako i kona manao ohi, i kanakolu la mamua o kona ohi ana, a o kana @@ke kekahi kelaw@@a mai.
Me ke kikoo wale no a ka mea dala e haawi ai kana, o ka Buke kekahi ke lawe mai.
Ma ka la mua o Septemaba i kela makahiki a i keia, !@@@@@@@ ai i ke dala, a e huipuia ka ukupanee me ke kimepaa o na dala i hoomoeia no na malama ekolu a keu, a mah@@@@@ ke kumupaa e loaa i ka ukupanee
Ina oi aku ke dala hoomoe mamua o $300, alaila, hooh@@@ pu ka olelo.
@@ wehe@@ ka Hale Banako i na la hana a pau.
@@@ tf Bishop & CO
MAKEMAKEIA.
Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke
C BREWER & CO. (Burua Ma.)
E Hoolohe!
O D.W. AIWOHI wale no kai aeia e Kakauinoa no na Dala i Hookaaia mai ma ke Keena o ka NUPEPA KUOKOA.
NU HOU KULOKO.
O kau e J Nalua Kona, a keia pole ae.
Ke hana mau la no ka @ei ana a ka ua i ka apana o K@hala.
E holo hou ana ka Moi no ka mokupuni o Maui i keia pule ae.
Ua manao ia i keia la e hiki loa aku ai ka waea olelo, ma Waimanalo ae nei.
Ua nui ka ino ma Kauai i ka pule i hala a he nui ka pohopoho o na alanui, wahi a ka lono.
Ua ili a poin@ ma Puu@luu ae nei ke k@na Giovani Apiani me ka poin@ pu he 1400 eke laika.
Ua huli hoi aku no ka ua kipuupuu o Waimea o Sam Parker, ma ka Likelike o ka auina la Poalua nei.
Ua hoike mai he lono mai Maui mai eia he mai fiva ano e ke laha nei mawaena o na paahana o na mahiko.
Ma ka Iwalani o ka Poalua iho nei, i huli hoi mai ai ka Lunakanawai Kiekie A F Judd mai Hawaii mai.
Ua ku mai ma ko kakou awa nei ka mokuahi pake Mary Tatnam mai Kapalakiko mai no Honokona i ka po Poalua nei.
Ua hoonee ae nei ka loio Bekekona i kona keena hana a i ka hale ma nae iho o kona hale oihana mua a ma ia kahua hou oia e loaa ai i na makamaka.
E nama ma kekahi wahi o ka pepa a e ike ia no ka W A Kinney @et@ no ke ano o ke ao ia ana o na haumana ma ke kula nui o Michigana.
O ka waiwai @o o na waiwai Hawaii i hoounaia aku no na makeke o Kapalakiko iloko o ka mahina o Ianuari o keia makahiki he $281,823.88.
Ma keia pule iho nei, ua holo aku ka Likelike no kekahi mau awa o Maui, a me Mahukona a me Kawaihae a i keia pule e hiki loa aku ai oia no ka ualehua o Hilo.
Ua make ma ka Poaono nei o J Fraser kekahi o na hoa hui o ka hui o Pok@ ma, ma ka po Sabati mai o Kimo Lemona a ma ka Poalua o keia pule o Keoki Kiliva.
Ma ka Poaono i hala i holo aku ai ka moku Juna no na paeaine o Maikonisia me ka lawe pu ana mawaena o 50 a me 60 kilibati o Rev Walkup kekahi i hoi aku nei.
Ua lohe mai makou i kekahi makamaka mai Kau mai, ua ano maluhia iki ka on a ma ia apana, aole hoi i like me na mahina i kaa hope aenei ke kaneawai o ka on a ma ia apana.
Eia ma ko makou keena nei ke kii o na halekula nui o Michigana ma Amerika Hui. Ua hoouna ia mai ke kii o keia mau hale e W A Kinney kekahi o na keiki Hawaii i hoouna ia ma ia kula mai Hawaii aku nei. Ke haawi nei makou i na mahalo maikai ana nona.
Ua hoike aku makou i ka pule i hala no ke kah@awai o ka on a ma Waipio Hawaii, a me keakea ole ia o kekahi wahi puhi okolehao ma keia pule, ua hiki hou mai he lono e i ana ua ki@a kekahi kanaka i ka pu e kekahi pake o keia hui hookahi a ua make loa, a eia ke imi ia nei ua pake nei. Ua hala aku nei ka Ilam@k@ nui ilaila i ka Poalua nei.
Ma ke kakahiaka o ka Poaono o ka pule i hala, ua hala aku i ka make o Lydia Kolomoku Pahau, ka Kolomoku me kana wahine keiki elua. He mau la pokole wale no kona kaa @na i ka mai a hookuu mai la i na mea o keia no@o ana kino, ua waiho iho oiamahope nei he keiki a he heluna nui o na makua a me na hoaloha me na manao kaumaha, a o makou pu kekahi e hui pu nei ma ia haawina hookahi.
Ua hoike ae ke kakaolelo nana i haku kekahi manao nona ke poo "Akaaka ka Mahina." Ma keia hoomikioi ia ana o ka olelo ua maopopo loa ua halahu loa o Elele mawaho o na palena kupono, ua hoike mai oia i kekahi mea kino, i hiki ole ke kamailio mai he waha a he waha, e akaka io ai la hoi kona akaaka io ana, he mea io keia e akaka ai i ka poe heluhelu o ke Kuokoa, he opala wale no kela mau manao o Elele.
Ua huli a poino ka moku lawe pape Rainer mai Puget Sound mai no Honolulu nei mawaho ae o lae Blanco he 200 mile ka mamao, ma ka la 5 iho nei o Ianuari, @a opa pu ia ke kapena me kia i ka wa i huli ai ka moku a make iho ia ia he hookahi hora mahopeiho, ua hoomanawanui na laina ma ka @k@@ ana ma ke kualala o ka moku a hiki i ka hoopakele ia ana e ka moku Oriana iloko o na la elua o ka hiki ole ke hookokoke mai i kahi o na luina e noho nei.
Ua make i ka Poaha nei o Malakaia, wahine aloha a Kawailemi o Honolulu nei.
Ua make o Pilipo Naone iloko o ke 79 a oi o kona mau makahiki. Aloha ino ia makoua o ka pono.
Ma ka Poaha iho nei ua mareia e Paleka o James Mattoon me Miss Mary Mehiki O@@@a.
Ma keia mua iho e pani ia ana ka puka o ka hale lapaau o ka Papa Ola ma Kikihale, ma ka la Sabati a pau no ka haawi ana ia wahi la i la hoomaha no ke kauka a me kona mau hope.
Ke minamina nei makou i ka olelo a kekahi kanaka opio e hoino ana i na kumu misionari in a paha he wa mamua aku o Kamehameha ma. oia paha kona iini nui loa. e hoi hou keia lahui iwaena o na hana naaupo, me he hehena ia na manao o keia kanaka opiopio.
Ua hookohuia o W A Kinney kekahi o na keiki Hawaii i hoounaia aku nei ma kekahi halekula kaulana me Amerika Huipuia he hope Peresidena no kekahi ahahui Kristi ano o na opio ma Ann Arbor Michigan, he nuhou hoohauoli keia a he pono e kaena iho o Hawaii nei no ka holomua o ka ike o na keiki Hawaii e hoouna nei ma na kula kiekie o na aina e.
Ma ka nupea Garette o kela pule i ike iho ai makou he leta mai Hamakua Hawaii e olelo ana no ke kahe a wai o ka okolehao ma ia apana, aia ma ke kahawai o Waipio kahi e puhi ia nei o ka okolehao malalo o ka lawelawe ana a Ioane Paele a me kona mau hope kokua a i olelo ia ua lako keia poe me na mea make.
HEAHA LA KA HOPENA?
E na @L@@ @@ Lunamakaaina ka poe hoi i kohoia e ka lehulehu i mau Wahaolelo no lakou, a me ka poe hanohano o ka Hale Kau Kanawai o ka Pae Aina Hawaii o ka makahiki 1882, e hahu like ae kakou a nana, a noonoo like iho i ka hana o kela ninau e kau ae la make poo o keia kalai manao.
Oiai, o ka hapanui no paha o na Lunamakaainana i kohoia iho nei no keia Kau Ahaolelo o ka M.H. 1882, o ka lakou mau bila no paha i manao nui ai e hooikaika, oia ka Bila Aie Miliona a me ka hoonoa i ka Waiona. Aole paha au e kamailio nui no ka Waiona; o ka mua, he hooilihune; o ka lua, he pepehikanaka. Aka, no ka Aie Miliona ka nui o ko'u manao, a nolaila no kela ninau e kau ae ia ma ke poo. Ina paha e puka io ana keia bila, alaila e kikoo hou ae no kakou i kela mau wahi hua e kau ae la ma ke poo a hookomo iho ma keia kowa, "He aha la ka Hopena?"
Aole no he hea o ka Umi Miliona Dala ke loaa mai, he waiwai no ia nou e Hawaii he mea no ia e pale ae ana i kekahi o kou mau pilikia a me kou mau hemahema; eia wale no kona wahi puu, o ka ike ole@ia o kona hopena; he hopena maikai paha, aole paha.
Aole anei o kou ae ana i keia bila e Hawaii, ka mea nana oe e hookuemi mai mai kou holomua ana, a paa oe ma lalo o ka Bona manao lanakila ole o ka Aie Umi Miliona? E makemake ana anei oe, e pau kou noho ana maluhia malalo o ka malu o Kuokoa? A e makemake ana anei oe e holoi i kela mau huaolelo hanohano kaulana a ko kakou makua alii i hala e aku, oia hoi, "Ua mau ke Ea o ka Aina i ka Pono." Nolaila, he mea kupono nou e Hawaii, ke noonoo mua mamua o kou lele ana aku iloko o ke ahi enaena o ka Aie nui.
O ka lilo ana aku o kekahi liki a holookoa paha o kou aina laahia i kekahi o na aupuni o ke ao nei, he mea pili kaumaha no ia no makou na Hawaii Opio e hiliani nei ma ka malu o kou Kuokoa. Aohe a ka poe i oo, e hala ae ana lakou, o makou paha a me ka makou ke ike ana a haawe i keia haawe nui.
O ka bila Aie Miliona, ua like ia me kekahi wahi mu uuku e akiaki ana i ka mole o kekahi laau uliuli, a i ka moku ana o ka mole o keia laau, "Heaha la kona Hopena?" Aole anei ia e mae, e helelei wale aku kona pua, a mimino wale iho no kona hua? Pela no hoi e Hawaii, ua like oe me he laau uliuli ma kapawai, i hoohua mai i kona manawa. A e ae aku ana anei i kela wahi mu (aie miliona) e akiaki mai i ka mole maluhia o kou noho ana Kuokoa? A in a e moku ana ua mole maluhia la ou, a paa oe malalo o ka Kona Aie Miliona, aole anei e mae ana kou lau, oia hoi ka Hae Hawaii, a helelei wale makou kou mau pua (oia hoi na Hawaii Opio,) a mimino wale iho no paha kou mau hua (na Hawaii oiaio).
Nolaila, e Hawaii Makua, e hoohewahewa iho ana ka papa oe i kau keiki? E na Lala hoi o ka Hale Ahaolelo, e maliu mai i keia leo uwalo a Hawaii Opio, a hookaawale mai mai ke ahi enaena o ka aie nui. Ua oi aku ka pono o ka noho ana ilihune mamanu o ka noho ana malalo o ka aie kaa ole. Ke manaolana nei au e loaa mai ana ia'u kekahi leo kokua mai kekahi o ko'u mau hoa Hawaii Opio. Ke polosi aku nei no au i kela a me keia Hawaii Oiaio a Makee Aina hoi, e lawe aku i kela mau wahi huaolelo o ke poo, a kaana like iho, a noonoo like iho i ka Hopena o ka Aie Miliona.
Me ka Luan Hooponopono o ke KUOKOA ko'u hoomaikai piha; me na keiki hoonoho hua metala ko'u mahalo; me ka poe heluhelu ko'u welina; a me ka mea e kokua mai ana i ka'u kumumanao ka iini paha o kuu puuwai. Aloha no.
HAWAII OPIO.