Ka Nupepa Kuokoa, Volume XXI, Number 5, 4 Pepeluali 1882 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXI. HELU 5

KA NUPEPA

Kuokoa me ke Au Okoa

 

I HULIA.

 

KE COLONELA A ME KE KOA.

 

            Ma ka lanai o kekahi wahi hale keokeo @ e kokoke ana ma Winesetera ma ka Mokuaina o Viriginia, elua mau a opio o ka aoao palapalu e kamailio @.  O ka mua he ano pilalahi loihi kona kino, lauoho eleele me na maka uliuli e ua nani hoi kona oiwi kino ke ki@ aku, oiai, ua uhiia iho me ka pahee o ke silika, me kahi lakeke keokeo, a me ka lei @ ulaula.  O kekahi hoi, he ano pahaahaa iho kona pauku kino, aka, he mau hiohiona nani nae kona, nona na @ pahee uliuli e luhe iho ana ma @ mau poohiwi, a o kona mau maka @ nohea hoi i hoopuni ia e ke aloha e @ mai ana me na hiona oluolu ano @pahe mai loko mai o kona mau papa @ pua rose.

            O keia mau kaikamahine elua, o Luisa laua o Mele, he punahele laua na ko @ makuakane na R@; a o ko laua Ma na hoi, ua hala aku ma ka aoao mau o ka honua.  O ka hana a ko laua Papa he mahiai, he ilihune hoi ka noho ana, a oia hoi kekahi i kue ikaika loa i ka poe Kipi o ka Hema no ke Kuokoa o na Moku Hui o ke Aupuni o Amerika. 

            O Luisa ka mua, he ano hookana oia, he puni hoi i ka nani a me na mea maikai, aia kona makemake i ka waiwai a me ka hanohano; me kona ike no i kahi mai o laua he ilihune ka noho'na, ne aku ia no nae e kuai i mea maikai nona, a me ka nana aku iaia, ua uhi ia kona kino mai luna a lalo me na lole kumukuai @ a ko laua luahi i hoiluli ai i kahi kenikeni no ka wa loihi.

            A o Mele hoi ke kaikaina he akahai @ a me ka oluolu, aole hoi ona hooulu@ wale i ko laua makuakane e kuai i mau mea nani nona; aka ua oluolu oia i na mea i loaa, a o na wahi kenikeni i haawi ia mai iaia e kuai i lole nona, ua malama iho ia oia a hoolilo aku la he wahi lole eleele, me ka hana ana me kana @ ulaula, a he maemae hoi ma ka nana aku, a malama iho la no i ke koena o kana mau wahi kenikeni.

            O keia mau opio, e kali ana laua no ka laua mau Ipo Aloha, mai na poali koa hui mai, oiai hoi ko lakou wahi hoomoana aole i mamao mai ko lakou home aku; e lohe mau ana hoi lakou i ke kani a ka pahu me ka ohe i kakahiaka me ke ahiahi.

            "Manao au, aole paha laua e hiki mai ana," wahi a Luisa.

            "No ke aha hoi," wahi a Mele.

            "No ka mea, he okoa ke kulana o @ a me kau," i pane aku ai o Luisa a ka hikiwawe.

            "O ka'u he Colonela, a o kau hoi he a @ koa wale iho no i maopopo ole kona ano.

            I ka wa i lohe ai o Mele i na olelo a kona kaikuaana e pili ana no Habata ka@ mea i aloha ai, pii ae la ka ula o kona mau papalina, uila ae la kona mau @ no kekahi mau minute a emi mai a kona huhu no na olelo a kona kaikuana no na mea e pili ana ia Habata kana aloha.

            Ma kona hoomaopopo ana, a nana ana au haule ia oia i ke aloha no ke koa opio a ua oi aku kona aloha iaia mamua o na @ koa i hele a luhiehu me na pilali gula na mahiole e hulali ana i ka la, a me na pahi hoi e oaka ana ma ka aoao, a ua oi aku nei ke ano oluolu o kona mau nana @ me ke ano keonimana mamua o ke Colonela; a e ike ia aku no ke kulana @ a kilakila a me ka ui nohea, ke @ aku oe me kona aahu koa bulu, ma mua o na alii i ke komo i ke kapa piha.

            He mau minite ko laua kali ana ma@, lohe ia aku la ka halulu ana mai o ekahi mau kapaai wawae, aole no hoi i huhu iho, ku ana imua o laua ke Colonela nona ke kino pilalihi loihi, kolou imua ka hele ana, me kona kapa piha hoi @ wale a anapa i ka la, he mau maka eleele kona, a pela no hoi kona mau lauoho i hamo ia me ka aila ala, a e kuuwelu iho ana hoi kona mau owili lauoho i milo ia ma kona mau aoao; mai oi aku paha ka ui.

            I kona wa i hiki mai ai i ka puka pa, ku malie iho la oia, me ka mino aka ana a kunou mai la hoi me ka haahaa, alaila, huki ae la i kona hainaka a hamo ae la i kona papalina, hele mai la a apo aku la i na lima o Luisa.

            O Mele hoi nee aku la ia ma kekahi aoao o ka luali a kali iho la no kana aloha.  Lohe aku la keia i ka pane ana mai a ke Colonela a Luisa.

            Apopo e hele ana makou no ka hoouka ana i kekahi kaua, a nolaila, au loaa ia makou he manawa no kela a me keia alu e hooikaika ai no ka loaa ana mai o kekahi lei hoohanohano.

            "Na ke Akua e kiai mai ia oe iloko o kahi manoanoa o ke kaua," wahi a Luisa.

            "Aole no e haalele i ko'u kulana ina e okioki hulu ia ano au i na apana he kausani," wahi a ke Colonela.

            I ka wa i lohe ai o Mele i ka laua mau olelo, puiwa ae la ia a huli ae la me na nanaina kaumaha, "Auwe!" wahi aoa, "aole auanei ka piha au e ike hou aku ana ia oe mamua o kou hele ana aku no ke kahua kaua, aole anei e loaa he manawa kaawale ia oe e hele mai ai e ike ia'u."

            Kulu iho la kona mau waimaka, me ka nana ana a puni.  Aole i hulia, ku ana imua ona kekahi kanaka opiopio, nona ka oiwi kino pololei, me na helehelena oluolu, na maka mohaha uliuli a o kona mau papalina ua hele wale a "Unounoa Puna i ke Akua wahine."

            Ua hauoli loa au i kou hiki ana mai nei, wahi a Mele; ua manao au aole la oe e hiki mai ana no ka hoomakaukau o oukou no ka nee ana.

            Mahope iho o kuu noi pinepine ana i ka oluolu o ke Kapena o ka makou puali, ua ae mai la oia ia'u e hele, a oia keia i hike mai nei.

            Auwe! E Habata e; kokoke oe e komo iloko o ke kahua kaua, nolaila ke noi ae nei au i na Lani e malama a e kiai mai ia oe.

            E hele no au i ke kahua kaua no ka pomaikai o ka ulaula, keokeo a me ka bulu, wahi a Habata i pane ae ai, me ka puliki ana aku ia Mele me kona mau lima.  A me na waimaka e kahe ana ma na papalina o Mele, pela oia i nana aku ai ia Habata a hiki i kona nalowale ana.

            I kekahi la ae i hoouka ia ai ke kaua; e lohe aku ana no lakou i ke kani o na pu e like me na helili ikaika, a e ike aku ana no hoi lakou i ka uwahi pauda, oiai, aole i mamao loa mai ko lakou wahi aku.

            Ua lanakila, wahi a ko laua Papa ia laua, ua auhee na Kipi.  I Winesetera aku nei au a lohe i na mea hou.  O ke colonela a me Habata, au eha ia laua, a aia laua ma Winesetera; a he nui hoi o na 'lii i eha, a pela hoi na koa, i laweia mai malaila.  Ua loaa mai hoi ia'u kekahi palapala ae a me olua pu no ka hele ana aku e kokua i ka poe i poino.

            Mamua o ka napoo ana o ka la, ua ikeia aku ke kaoo nui nui o na kaa o ka poe i loohia e na poino a ke kaua e lawe ia mai ana a waiho ia ma na kauhale, a me na hale waaho mauu hoi.  O na 'lii, a me na poe o ke kulana kiekie, ua loaa ia lakou he mau moe a me na pela maikai maloko o na kauhale o ia wahi, a o na koa hoi, me ko lakou mau wahi huluhulu i hele a oki loa i ka lepo, ko lakou mau kino i loaa i na palapu a ke kaua, ua kapae wale ia ae no lakou ma na hale hoahu mauu a me na hale hanai holoholona.

            O ke colonela hoi, ua laweia aku ia a waiho iloko o kekahi hale i lako i na pono a pau, me na mea maikai, aka o kona wahi eha he malani wale no, ua ku ia mai la kona lima i ka poka a pohole ka ili; oia hoi ka wa mua o ka hoomaka ana o ke kaua.

            No ka loaa ana mai ia lakou nei o ka ae e kokua i ka poe pilikia, nolaila, hele aku la o Luisa a uwe iho la ma ka aoao o ke colonela iwaena o na 'lii, me ka lawelawe ana hoi i na mea a pau i hiki iaia ke kokua i ka mea popilikia.

            E hoomanao hoi na poe heluhelu, mawaena o na koa i loohia i ka poino, o ka kakou Habata kekahi.  Ua koia ka oloolo wawae me kekahi poka a puka pu, nolaila, au nui kona poino i loaa mai ma ia kaua ana, a au hiki ole hoi iaia ke hele no kekahi mau pule.  Ua I aweia aku Ia keia a loko o kekahi hale i piha i ka mauu, waihoia aku la keia me ka noa o ka poe poino.  Ua hoomanawanui keia no ke eha i loaa iaia, aka, hookahi mea nana i hoeha loa mai iaia, oia hoi kona ike ole aku ia Mele, oiai kona mau hora pilikia.  Auhea la ia?  Ua poina anei ia no'u nei?  Aka, ia mau minute no ana i moeuhane ole ai e hiki mai ana ia, aia hoi, ku ana o Mele imua ona me na hiona kaumaha, a me na waimaka hoi e hiolo ana ma kona mau papalina, hele aku la ia a kukuli iho la ma ka aoao o Habata, hon@ho la, a pane aku la me ka leo haalulu, E kuu Habata e, pehea la ka loihi e hoeha ia ai ko'u naau nei nou, i ka ike ana ia oe e waiho ana me ka poino.

            Pane ae la o Habata me ka leo nawaliwali, Ua oi aku ka maikai ke hooloihiia ko'u mau ehaeha ana. ina oia kou mea e kokoke mau mai ai io'u nei, a e ike mau aku ai hoi au i kou @an helehelena.

            A ma ke noi ana a Mele, ua hookaawale ia aku la kona wahi me kahi hikiee ma kekahi kihi o ka hale waiho mauu; a he kaawale aku hoi mai ka nui mai o na poe i loohia i na poino a ke kaua.  Hala ae la he mau la, loaa iki mai la ia Habata ke ano oluolu, malalo o ka malama maikai ana a Mele.

            No kekahi wa i hala ae, au hoihili o Mele i na dala a kona Papa i haawi mai ai iaia e kuai i lole hou nona, a me ia mau dala ana i hoihili ai, i kuai aku ai ia i na mea a pau e hoolako mai i ko Habata poino.

            He mau pule ka waiho ana o Habata i ka mai, a oluolu; hiki mai la hoi ke kauoha i ke colonela a me Habata, no ka nee ana aku o ka puali ma kekahi wahi okoa aku.  A ma ka laua noi ana hoi ia Rini ka makuakane, ua ae ia mai la ko laua makemake, oia hoi, ua mare ia iho la lakou nei mamua o ko laua komo hou ana i ke kaua.

            Elua la mahope iho, haalele iho la ka pualikaua ia wahi, a hele aku la no kekahi wahi kaawale aku.

            E kou mau kaikamahine, wahi a Rini i kana mau kaikamahine, i keia wa aku e kaawale aku ana olua mai ko'u malu aku, oia hoi ko olua mare ana i na kane, a o ko mau makua aku hoi ia ma keia hope aku.  I ka wa e pau ai ke kaua, e hoi mai ana na kane a olua a lawe aku ia olua no ke kulanakauhale nani o Nu Ioka.  Aole laua i hoopuka mai ia'u i ko laua ano, a me ka laua oihana, aka, ke manao nei au e malama ana no laua ia olua me ka maikai, a me ka oluolu.

            Papa, wahi a Luisa, ua kamailio mai ke colonela ia'u, he kanaka waiwai nui oia, he mau hale nani, nui na kauwa, a he mau kaa a me na lio nani.

            Pela anei, wahi a kona makuakane, me ka hoihoi hoi, ua hauoli nui au i kou laki nui i ka loaa ana o kekahi o na kanaka waiwai.

            Aole anei oe i lohe, ua kamailio pinepine aku au ia oe e mare ana au i kekahi kanaka waiwai, wahi a Luisa.  O ka nui o ka waiwai io ke hui ia a pau loa, ua oi aku mamua o ka elua miliona dala.

            I ka manawa hoi e kamakamailio nei ka makuakane me Luisa, ke noho mamule wale aku nei no o Mele ma kahi e me ka hoolohe ana i ka laua mau olelo no na mea e pili ana a ke kane waiwai.  Aka, oia mau olelo a pau ua lilo loa ia i mea ole imua o ko ianei manao, e aho ia e ai i kahi popo barena i loaa mai ia Habata mai, me ke aloha oiaio hookamani ole iloko o kona puuwai no'u, mamua o ka waiwai nui, aole nae ke aloha iloko.

            O ka'u kane, wahi a Mele, he ilihune, he koa wale no kona kulana, aka, ua oi aku nae kona nanaina oluolu mamua o kela colonela, nolaila mai keia wa aku, e hoopili aku no au iaia i na wa a pau, ina he ilihune, a ilihune ole.

            I ka wa hoi i pau ai ke kaua kipi, hoi mai la na kane.  O ke colonela kai hoi mua mai, hoolimalima iho la i kekahi kaa, a holo aku la no Nu loka.  Ia laua nae i hiki aku ai mawahe o na palena o ke kulana-kauhale, he wahi halelaau pupupu kahiko ke ku ana, lele iho la laua nei a komo aku la iloko o ua wahi pupupu nei, a hui iho la me ka ohana o ua colonela nei.

            Ninau aku la ka wahine i ke kane, O keia anei kekahi hapa o kou waiwai?  Pane mai la kela, Aole keia e lilo ia'u a hiki i ka make ana o kuu Mama, alaila, ili mai keia waiwai ia'u.  O ka'u hana nui i ike he kamana, a ua akamai hoi au ma ia hana, aole hoi o kaua mau ilio e ae.

            Ia manawa, mihi iho la ka wahine no kona hoowalewale ia e keia kanaka me na olelo pelo e olelo ana he waiwai ia' a hoomanao ae la hoi ia no kona pokii.  Pehea aku nei la ia me kana kane, heaha la kana oihana a me kona kulana?

            He mau pule hoi mahope iho, hoi mai la o Habata a lawe aku la i kana wahine ia Mele i ke kulanakauhale o Nu Ioka, kahi hoi e ku ana ka hale nani o kona makuakane.  Ua kahaha nui ia o Mele i ka ike ana i keia hale nani, a me na aina mea kanu e ulu ana, na wai e pipii ana, na kauwa he nui, a me na mea nani a pau.

            O ka makuakane o Habata, oia kekahi o na Kueka waiwai kahiko oia mokuaina, a ua ikea nui ia hoi e na poe a pau oia kulanakauhale.

            He mea maa mau i na keiki a ka poe waiwai ka haalele ana i ko lakou mau makua a komo aku iloko o ka oihana koa, aka, aole o Habata i piikoi aku me ke noi ana e haawi mai i kulana Alii, a i ole i Kapena paha, aka komo aku la ia ma ke ano he koa, a o ke kulana kupono loa hoi ia iaia; oiai, aole oia i ike i ka lawelawe ana o na mea kaua, aole loa hoi i honi i ka uwahi pauda, e kupono ai la hoi ka lilo ana i Alii, Lutinela, Colonela a Mekia paha.

            O keia iho la hoi ka moolelo e pili ana no keia mau kaikamahine e kuhihewa nei he waiwai kana kane, a pela hoi kahi e kuhihewa nei he ilihune kana.        J.P.

 

NU HOU O KONA AINA E.

 

GUITEAU IMUA O KA AHA

HOOKOLOKOLO,

 

KANA HAIOLELO

 

            Ma na logo hope mai nei ua hoike ia eia no ke hana ia nei ka hihia o Guiteau.  Hookahi hoike i koe ma ka aoao aupuni.  Eia kana haiolelo imua o ka aha.

            I ka makahiki 1878 ma Sana Lui au, i ka makahiki 70 i Pilakalapia au, i ka makahiki 76 i Kikako au, a i keia makahiki, i keia la karisimaka iho nei, ma ka hale paahao a ma keia rumi hookolokolo hoi e ume ia nei i o a ianei, iluna a ilalo, a e halawai mau ana me nanaina huhu a lili o na kanaka makaainana a me ka poe hanohano, a ua hauoli au ke puana ae, eia au i keia manawa he lala hanohano a he puuwai aloha aina.

            Ua hala ka la Karisamaka a ke haawi nei au i ko'u aloha karisumaka i ka poe puuwai Amerika a pau.

            Ma Na Ioka au i ka la karisimaka o kela makahiki 1880, a ma kekahi hale hoolimalima au i noho ai me ka maikai o ko'o aahu a me na mea a'au e ai ai, a he hele ma@ au i na halawai, he elua makahiki i hala ae nei ma Bosetona au a ma kela wahi ua mea ko'u noho ana, au komo au ma kekahi halekula aka aole i holopono ka'u mau hana.

            Ua hooikaika no au ma na hana a ka Haku a e hai hoi i Kona enanelio, ua nui na pilikia i halawai mai me a'u a me ka'u hana e like me ko Paulo wa e hai ana i ka olelo a ka Haku.

            Ua pololi oia, ua makewai, ua nele i ka aahu, a me ka home kupono ole, aka na hai no oia i ka eoanelio a ka Haku oiai Oia iloko o na inea he nui.

            Ua hana ko kakou Iesu Kristo ia mea hookahi a ua waiho aku i ka hopena o Kana hana ma ka hana o Kona Makua, a oia mau hanau hana ia e Laua oia no ka'a e haoa nei.

            Ma ka halepaahao au a ma keia rumi hookolokolo hoi e ume ia nei i o a ianei iluna a i lalo, a e halawai mau ana me ea nanaina hohu a lili o na kanaka makaikai a me ka poe hanohano, a ua hauoli au ke puana ae, eia ao i keia manawa he lala hanohano a he pouwai aloha aina.

            He pauwai aloha aina ko Wasinetona a pela pu no me ko Kalani, na Wasinetona @ kai ka puali koa iloko o 8 makahiki o ke kaua a me ka hookahe ana i ke koko iloko o ka lanakila a me ka hanohano.  Na Kalani i alakai ka puali koa o ka akau iloko o ka lanakila a me ka hanohano a ua loaa ka maluhia a me ka holomua.

            O Wasinetona a me Kalani iloko o ka laua mau hooikaika ana a loaa ka lanakila ma ke kahua kaua, na ia mea i aloha ia ai laua e na makaainana o ka aina nei.

            I keia la, ka la karisimaka e ka 1881, ua hoopaahao ia au ma ko'u ano he aloha aina, no ka mea, ua wiwoole au a ua piha ko'u mau aa koko i ka hopo ole a me ke kuemi ole ma ka make ana o kekahi o na lala o ka aoao hoala nei i na manao kipikipi ma ka aoao Repubalika a ma ia hana ana a'u au pau ke komo hou ana o keia aina iloko o ka hookahe koko Aole au i manao e hiki koke mai ana keia kaua hookahe koko, aka ua ike koke au i na manao lili iloko o kela a me keia o ka aoao Repubilika e hookahua mau ia nei i kela a me keia hora a iloko o 2 a 3 makahiki i koe e puai hou ana na ula ahi o ke kaua kipi a puni ka aina nei.   I ka make ana o au mea nei ua hamau na puuwai a pau, ua hoomaha na hana kalepa a iloko o kela a me keia pule ua haka pono na makaainana i ka mea e noho mana ana ma ka Hale Keokeo, o ke hopena ua hoi oia i kahi mau a ua komo iho keia aina iloko o ke kanikau no ua mea nei.

            I  keia la, ke hookolokolo ia nei au no ka hihia o ka pepehi kanaka.  Aole i pili ka'u mea i hana ai i ka pepehi kanaka.  O ka hana ana i ke karaima o ka pepehi kanaka, he elua mau mana nui i kaulua ia i kahi hookahi a ke pili mau nei laua, o ka mua, oia no na manao ino iloko o ke kanaka no kona hoa kanaka a hana aku oia i ka hana ku i ke kanawai a i olelo ia he hana karainia; o ka lua, oia no na hana kue i ke kanawai a hooko pono ole.

            E nana hou ae kakou, o ka make ana o ka Peresidena ma o ka poka i ku ai, ke i ae nei ko'u lunaikehala aole au i kue i ke kanawai a aole au e kapa ia mai he pepehi kanaka.

            Ina i akamai ka lawelawe ana o na kauka i na la eia oia me kakou i keia la, aka aole pela ka manao o ka Mea Mana Loa, ua ae oia ma ka hana o na kauka e make ai oia, a ma o lakou e hooko loa ia aku ai kona iiai a me ka'u hana.

            Owau, a puni ka honua, ke kanaka hookahi i hoomana ia mai e ka Mea Mana Loa e hana i Kona makemake:

            Ina aole au i kauoha ia mai ina la aole au e ki i ka Peresidena i ka pu, na keia kauoha i hoopau i ka'u mau hana mai ko'u lima ae a no kanakolu la ka hoopuni ia ana o'u a me ko'u noonoo ana no ka lawe ana i ke ola o ka Peresidena i ke ao a me ka po, a iloko oia manawa, ua loaa ia'u he wa kupono a ua ki au ia ia i ka pu ma kahi hoolulu kaa ahi Balatimore a me Potomaka.

            I ka wa i kani ai ka pu a ku ai oia, au ike koke au i ka haalele ana mai oia mau noonoo mai ko'u poo ae a ua mama koke au, aka aole au e hana hou ia ano hana ina e haawiia mai he miliona dala.

            A hike i keia wa, ua waiho pau loa mai ka Mea Mana Loa i Kana hana a me Kona makemake maluna o'u a ua ike Oia ua hooko au i Kona makemake a ua ike hoi kekahi poe a ke hoomaka nei hoi kekahi poe a e ike aku ana hoi ka lehulehu i ke kumu o ko'u hooko ana i Kona makemake.

            Ua haawi au i ko'u kino, ua ae au e hooko i Kana hana, ua hana i Kona makemake, a ke puana ae nei au, me ka hauoli, o ke kanaka e hooko ana a e hahai mau ana ma na ao a kukikuhi a ka Mea Mana Loa, he kanaka ia e piha mau ana kona puuwai me ka hauoli.

            Ke manzo nei au, owau no kekahi kanaka oia ano oiai keia mau hiona hooweliweli e hoopuai nei ia'u, aole i komo iho na manao kuihe iloko o ko'u puuwa, aole au e olelo, aole au e ki ia ana i ka pu a i ole ia e li@ paha, aka aia no ka hooholo ana i ka Mea Mana Loa a make a lanakila paha au, aia no ia ma Kana kauoha; aole au e manao e hoopoina ia ka'u mau hana a me ko'u inoa mai ke ia hanauna a ia hanauna aku a mau loa; a e akahele hoi ka poe e manao ana e hookau i ka hoopai maluna o'u ina ma ke akea a ma na hooholo ana a na kiure.

            He ulia ko'u pakele mai na poka a me ko'u kau ia ma ka amana ma kahi a'u i ki ai i ka Peresidena.

            Aka, he hana ku ia i ka noonoo maikai ole o ke kanaka a i na la paha ua ulu koke a ike ia na hiona o ke kaua kuloko.

            Ina i ki ia o Jefferson Davis a me ko na mau alakai i ka pu iloko o ka mahina o Ianuari o ka 1861, ina la aole e ulu ae ke kaua kuloko.

            Na Kalani i alakai ka puali koa iloko o ke kaua kuloko iho nei, a loaa ka lana kila, na ka Mea Mana Loa a me a'u i hoopakele hou i keia aina mai ke kaua kuloko weliweli e hiki mai ana.

            E hooiaio ia no keia mau olelo a'u ke hoomaopopo lea iho na makaainana.

            I keia manawa, eia au imua o keia aha a iloko hoi o ka halepaahao a ma keia mau wahi a'u i ike mau ia ai mai ka la 2 o Iulai mai o ka makahiki i hala.

            Ua hoomanawanui wau i na inea o keia noho ana me ke kaniuhu ole a me ka noonoo maikai me ko'u ike e hiki mai'na ka manawa oluolu nani a maluhia maluna o'u, he 3 manawa ko'u hoao ana ia ana e ki ia i ka pu oiai au maluna o ke kaa a he 3 manawa o ko'u pakele ana ma o ke kokua ana o ke Mea Mana Loa e like me Kona hoopakele ana i kona mau kauwa mai ka imu ahi i pahiku ia ka enaena a aole he lauoho o lakou i poino no ka mea, ua hoomana lakou ia Ia a pela pu no me a'u.

 

MAIKAI KA HOI KA PAPA

 

-A ME-

 

KALAAU O KOU HALE!

 

NO HEA LA?

 

KAI NO HOI NO KAHI O

 

WAILA MA@

Nana aku no hoi ia la

           

            Ohi ka Io o ka Laau o Makawao

 

                        I ka ua mea hoi o ka neni

 

Na Papa!  Na Papa!

 

-A ME-

 

NA PONO KUKULU HALE

 

O NA ANO NO A PAU

 

Aia ma ke kihi o na

 

ALANUI PAPU me MOIWAHINE

 

HONOLULU

 

MALAILA E LOAA AI

           

            E LIKE me ka MAKEMAKE

 

-NO KE-

 

KUMKUAI MAKEPONO LOA

 

PAPA, PAPA, PAPA,

 

 

            Na Papa Huluhulu

 

                        Na Papa Manoanoa

 

                                    Na Papa i kahiia

 

                                    Na Papa Kepa,

 

                        Papa Hole Keokeo.

 

                        Papa Hole Ulaula.

 

NA LAAU, NA LAAU

 

Na Kua,

 

            Na Kaola,

 

                        Na Aaho,

                                    Na Molina

                                                Na Peapea

 

Pine Huluhulu

            Pine i kahiia

 

NA Papa a me na Laau Ulani

 

            Pili ulaula,

 

            Pili Keokeo

 

            Pani Puka,

 

                        Pani Puka Aniani,

                        Ipuka Aniani,

                        Puka Olepelepe.

 

PENA O NA ANO A PAU

 

Hulu Pena mai ka Liilii a ke Nui,

            Aila Pena,

                        Aila Hooma@oo,

                                    Waniti, Pate.

 

NA LAKO O KELA A ME KEIA ANO

 

            Na Ami Puka Hale.

                                                Na Ami Puka Pa.

 

ANIANI!

 

Pepa Hale a me na Lihilihi

 

E LOAA NO MALAILA

 

PAAKAI HELU I O KAKAAKO me PUULOA

 

            No ke Dala Kuike, e loaa no na mea a pau i hai ia ae la, no ke Kumukuai Emi loa.  O na kauoha mai Hawaii a Niihau, e loaa aku no ia lakou.  e hooko koke ia no ia me ka lawa pono.  E kipa nui ilaila ike i ka oiaio.                905 tf