Ka Nupepa Kuokoa, Volume XXI, Number 3, 21 January 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Luokoa me ke Au Okoa

I HUIIA

No ka Makahiki, $2.  Eono Mahina.  $1.

Dala Kuike ka Rula.

POAONO.  IANUARI 21, 1882

 

COME FOR THE FEAST IS SPREAD.

 

Gospel Hymns, No 191

1

 

Ku no a hele mai,

            Hea Iesu.

Kuu ahaaina nei.

Ua makaukau.

Ai lani no ka ai,

Wai lani hoi ka wai,

Ai no a inu ae.

Oukou a pau.

2.

Ku no a hele mai,

            Paipai Iesu.

            Eia ka puna wai,

            Wai kahe mau;

            Wai mana e ola'i,

Wai eno no o mai

Wai uku ole nae,

Kii mai ano.

3.

Ku no a hele mai,

Kali Iesu.

            Ku no a pule ae,

A mihi pu

I pau na hewa nei,

Na eha, na uwe;

I hee na enemi.

A malu no.

4.

Ku no a hele ae

I kela ao,

Ao malihini nei,

Pau ole no.

Aia na lira lai,

Na mele hoomaikai,

Na lei olino e Ma kela ao.

5.

Eia makou, Iesu,

Hookipa e,

ahaina pu,

A pomaikai.

A hiki ne i o,

E hui me lakou,

A mililani pu

A mau a mau.

                                    Hawaii.

 

Haawina Kula Sabati.

HELU 6.  FEBERUARI 5.

 

Iesu me Kana mau haumana.  Mar. 3;

6—19.

 

6 Hele aku la ka poe Parisaio iwaho, a me ko Herode poe, ohumu aho la lakou e pepehi ia la a make.

7 Hele aku la Iesu i ka moanawai, me Kana poe haumana; he nui no hoi ka poe i hahai aku ia Ia, no Galilaia a no ludea.

8 A no Ierusalema, a no Idumia, a no kela aoao o Ioredane, a me ka poe e kokoke ana i Turo, a me sidona, he poe nui loa; i ko lakou lohe ana i na mea Ana i hana'i, hele mai la lakou i Ona la.

9 A no ka nui o kanaka, kauoha mai la Ia i Kana poe haumana, i wahi moku iki Nona, o hooke mai lakou ia Ia.

10 No ka mea, ua hoola Oia i na mea he nui loa, nolaila lakou i lulumi mai ai e hoopa aku ia la, o ka poe a pau i loohia i ka mai.

11 A ike aku la na uhane ino ia la, moe iho la lakou imua Ona, kahea ae la, hai ae la, O Oe no ke Keiki a ke Akua.

12 Papa ikaika mai la Oia ia lakou e hoike ale aku ia la.

13 Alaila pii ae ia la i ka mauna hea mai la i ka poe Ana i makemake ai, a hele aku la lakou i Ona la.

14 Wae mai la Ia i umikumamalua e noho pu me la, i hoouna Oia ia lakou e ao aku.

15 I lako hoi lakou i ka mana e hoola i na mai, a e mahiki aku i na daimonio.

16 Haawi ae la Oia ia Simona i ka inoa hou, o Petero.

17 O Iakoba a Zebedaio, a me kona kaikaina o loane kapa mai la hoi la ia laua, o Boanerege, oia hoi keia, Na keiki a ka hekili;

18 A me Anederea, a me pilipo, a me Baretolomaio, a me Mataio, a me Toma, a me lakobo a Alepaio, a me Tadaio, a me Simona no Kanaana,

19 A me lada Isekariote, ka mea nana i kumakaia'ku.  Komo aku la lakou iloko o ka hale.

            Pauku Gula.  Ioane 15;16.  Huli a hoopua.

            Manao nui.  Ua kahea ia kakou e lilo i mau haumana na Iesu i mea e hoomau ai i Kana oihana.

            Na heluhelu la.  1. Mar. 3;6-19.  2. Mat. 12;14-21.  3. Luk 6;11—23.  4. Oih. 1;1—25. 5. Oih.2;1-21.  6. Oih 2;37—47.  7. Oih. 4; 1—26.

            Ka wehewehe me ka ninau ana.

            Ka manawa.  A.D. 32.  Iulai paha.

            Kahi i hana ia'i.  Na kapa komohana o ka Loko o Galilaia, me na wahi e kokoke ana.

            Na lii.  Tiberio. Pilato, Herode Anetipasa, Herode.  Pilipo.

            Na hana.  I Imi na enemi e pepehi ia Iesu.  2.  Hele Oia i kapa o ka moanawai o Galilaia.  3.  Nui ka poe habai.  4.  Kauoha Oia i wahi moku iki Noaa  5. Hauna uhane ino i Kona ano.  6.  Kapa Iesu, mai hoike i Kona ano.  7 Pii Iesu i ka mauna a wae i na haumana he 12.

            Ma ka helu 5, ua hoka na Parisaio.  Ua imi i mea e hewa ai Iesu.  aole nae i loaa Aole Oia i oki i ka hua palaoa ma ka la Sabati.  Aole hoi i hewa ma ka houla ana i ka lima maloo ma ka la Sabati.

            Aole nae i pau ko lakou ukiuki ia Iesu.  Imi hou no e hoohihia a e pepehi ia Ia.

            P. 7—12.  Mahea ka Iesu hana ma ka helu 5?  Ma ka hale halawai ma Kaperenauma. Heaha ia hana?  3:5.

            Hele Oia ma ia hale halawai aku, a i hea?  No ke aha?

            Owai kai ohumu e pepehi ia Iesu?  Owai ko Herode poe?  Kekahi hapa o na Iudaio i makemake e hahai mamuli o Herode.  Kue nae na Parisaio i ko Herode aoao. Hui nae me lakou ma ka imi ana e pepehi ia Iesu.

            Nohea mai na lehulehu i hahai ia Iesu?  mahea Galilaia, Iudea, Ierusalema, Idumea, Ioredane, Turo, Sidona?  No ke aha ko lakou hahai ana ia Iesu?  No ka imi e pepehi anei, e like me na Parisaio?  Aole, aka, no ke kaulana o Kona Inoa, no kana mau hona mana, me na olelo maikai.  Makemake lakou e ike, e lohe e hoolaia.

            Pehea na uhane ino, oia hoi ka poe i uluhia i na daimonio?  Pehea lakoba 2;19?  Ola anei na daimonio ne ko lakou manaoio?  Heaha ka like ole o ka manaoio o na daimonio me ka manaoio e ola'i?  He mea ole, ea, ka manaoio i hui ole ia me ka hana maikai.

            Papa Iesu i na uhane ino, mai aha lakou?  Aole makemake Iesu e kokua na daimonio i Kana mau hana, e kokua ka poe hea i ka hai ana i Kana olelo.

            P. 13—19.  Ko Iesu pii ana i ka mauna.  Owai la ia mauna? Aole akaka ka inoa.  Aia nae ia ma Galilaia, ma ke komohana ne o ka Loko o Galilaia.  Ekolu paha mile ke kaawale ana.  heaha ka Iesu hana ma ka mauna?  Luk 6:12.  no ke aha Kana pule?  He hana nui Kana.  E kukulu ana i Kona aupuni.

            E koho ana i mau haumana, i mau lunaolelo, i poe kokua, a hoomau i na hana e pili ana i Kona aupuni mahope iho o Kona make ana.

            Pule Oia ma Kona ano kanaka i kumu hoohlike na na ekalesia, na aha ekalesia na aha euanelio.  Ina he hana nui ka lakou e pule e mamua i loaa ka Uhane Hemolele e kuhikuhi i ka hana me ke ano o ka hana ana.

            He mau haumana no ka Iesu mamua.  Aole nae lakou i hoolaaia, a hoolilo i poe luna olelo. 

            Ehia haumana i kohoia i mau luna olelo? Owai ko lakou mau inoa?

            Owai ka inoa mua o Petero?  Simona, me Simeona. Heaha ke ano o Petero?  Pohaku me Kepa.  No ke aha ia inoa?  He mea nui oia, he kia paa ma ko Iesu ekalesia.  Ua haalele no oia ia Iesu i ka wa pilikia nui.  ua hoole loa ia Ia.  Aka, mihi koke iho la oia, a kupaa loa mahope iho.  Owai kekahi inoa o Mataio?

            Owai na keiki a ka hekili?  Nohea ka inoa?

            No ke aha ko Iesu wae ana i keia poe?  p. 14, 15.  no ke aha ka wae ana i 12?

Na ahu me na kumu.

            Heaha ke ano o na hua A.D.?  Anno Domino ma ka olelo Latina; Makahiki o ka Haku ma ka olelo Hawaii, oia hoi na makahiki mai ka hanau ana mai o Iesu.

            Heaha ke ano o na hua B.C.?  Before Christ ma ka olelo Beritania; Mamua o ko Kristo hanau ana, ma ka olelo Hawaii.

            Heaha ke ano o na hua.  A.M.?  Anno Mundi ma ka olelo Latina; ka makahiki o ke ao nei ma ka olelo Hawaii, oia hoi na makahiki mai ia Adamu mai.

            A.M., 4004, ke ano keia.  4004 makahiki mai ia Adamu a hiki ilaila, i kahi paha i hanau ai Iesu.

            Owai na Parisaio?  Owai na Sadukaio?  owai na Herodeana?  Owai na Esene?

            Owai na uhane ino?  Heaha ko lakou ike?

            Ola anei lakou no ko lakou ike ana ia Iesu?

            Owai ka inoa o ka mauna, kahi i haiolelo loihi ai Iesu.  oia hoi na mokuna 5,6,7 o Mataio?

            Nohea ka mana i mahiki ai na haumana he 12 i na uhane ino, a hoola koke i ka poe mai?

            Ke mau nei anei ia mana i na haumana a Iesu i keia wa?  No ke aha ka mau ole?

Na haumana.

            Nui anei ka poe habai ia Iesu i keia wa?  Ae, nui no, he mau miliona.

            Nui anei ka poe hahai ole ia Iesu?  Ae, he mau haneri miona.  Aia mahea ko lakou wahi?

            Ma na wahi kanaka a pau a puni ka honua.

            Heaha ka hana nui a ka Iesu mau haumana i ke a wa?  Ke ao ana me ka hoolaha ana i ka Iesu olelo, me ka paipai ana i na kanaka, i na kamalii e hahai ia Iesu.

            Pehea e huli ai ka poe hewa, a e mahiki ia'i na uhane ino?  Ma ke noi ana ia wai?

            Pehea e hiki aku ai ka olelo a Iesu i na aina naaupo?  Ma na moku paha.

            Pehea e hiki aku ai na moku?  Ma ke dala paha.  Owai ko Hawaii nei moku misionari?

            Auhea na misionari Hawaii e holo aku?  E holo aku i hea?  Aia mahea Maikonisia me Nuuhiwa? Owai kekahi mau moku, me kekahi mau misionari?

            Ke kokua nei anei oukou a pau i ka oihana misionari?

Haawina no Feb 12.  Mareko 3:20—35.

 

LETA A J. W. KANOA

 

Butaritari, Sept. 22, M.H. 1881.

Rev. H. Bingham ma:  Aloha nui oukou. –

            Ua hoouna leta mau aku nei au na oukou, ma ka moku Kalaponi kekahi mau leta, ma ka moku Teroti kekahi mau leta, a ma keia moku Kalaponi no hoi kekahi mau leta a'u.  O ke koia keia o ka'u mau hoauna leta ana ia oukou, iloko o keia mau mahina elua.

            Hoolaa Luakini.—Ma ka la 4 o Sepatemaba, ua hoolaaia ka Luakini o Kuma.  A ma ka la ww o ldia malama no, ua hoolaaia ka Luakini ma Bikati.  Ua kahesia na boahanau o na apana a pau e hui ma Kuma, a mahope i Bikati.

            Eia na apana i hiki mai:  o Makini, o Kiebu, o One, o Keuea, o Butaritari, o Ukianari, Bikati a me Kuma.

            Kokoke e paa ka luakini i Makio; a ina e paa mai ia luakini, alaila, akolu luakini iloko o keia mau mahina eha, mai Iune mai a hiki i keia malama o Sepatemaba.  Ua holo nui loa na hana maikai ma keia mau kihapai elua iloko o keia mau makahiki elua.

            Kokoke e pau loa na apana i ke kikulu luakini no ko ke Akua aupuni.  Ua wawahi kahi apana i ko lakou luakini hula oia o Bikati, a ua kukulu lakou i luakini no ko ke Akua aupuni, he umikumamakahi anana ka loa  a eha anana ka laula.  O ka loa o ka luakini o Kuma he ewalu anana, a eba anana ka laula.  O ka loa o ka luakini o Kiebu he umi anana, a ekolu anana me ka hapa ka laula.  Ua makaala loa na hoahanau a pau ma na a pana a pau.

            Ma ka luakini nei o Butaritari nei, ua hana na hoahanau i na noho, ua kokoke e piha pono i na noho.  He hana nui ano e keia a ka Haku iloko o keia mau kihapai elua.

            Ua nui loa na hana maikai a'u e ike nei.  Eia ka mua, o ke kaahele ana o na hoahanau iloko o na apana a pau.  Eia ka lua, o ke kokua mahina hou no ko ke Akua aupuni.  Eia ka ha, o ka hoopaanaau i kekahi mau pauku o ka Baibala.  Ua hoike nu i na apana a pau, a ua ike au i ka paanaau ana o kahi mau mokuna a me kahi mau pauku o ke "Kauoha Hou."  Ua nanai maoli i ka lohe ana o ko'u mau pepeiao, ua pahee maikai ka heluhelu ana a ka mea paanaau, aole e like me ka heluhelu maoli he akuku a lauwili.  Eia ka lima, o ka ae ana o kahi mau hoahanau e hele i na aina e e hoolaha i ka Euanelio.  Ua hala aku nei o Nan Tibwe i Nonouti, na keia Misiona i hoouna aku nei iaia, e like me M Nakanoara i Apemama.  Ua lohe mai nei au, ua haneri a oi ae ka poe i hookomoia i ka Ekalesia.  Mamuli lohe pono kakou no Abemama.

            Ua emi ka hula i keia manawa, aole lohe ia o na leo hula, o na himeni ke loheia nei.  Ua nani na himeni hou, nani maoli kela himeni 101, Bon iai te aba' e Mimiton Ae nonoraki n te onimaki, Bon te Koaua.  Mahalo piha ia olua e o'u mau kaikuaana, ia kakou i noho haomanawanui ai i na la kikiki welawela o Apaiang, Tarawa, Maiana a me Murakei.

            O ka hora elua keia wa a'u e noke nei i ke kakau mai ke ahiahi mai.  Ua pau ka inu rama ana a kanaka a me na 'lii, ua maikai loa ka aina i keia wa, ua maluhia; ua nui ka poe imi e kali ia nei.

            Ua pau au maanei. Owau no kou wahi pokii,     J W KANOA

 

LETA MAI A G . LELEO MAI

Apaing, Sept 15 1881

            Rev A O Porepe a me na hoa o ka Papa Hawaii.  Aloha oukou: --

            Ua hiki mai i o makou nei o Hokuao, Iulai 22 a maluna ona i kau pu mai ai na hoa o keia misiona no ka hui makahiki ma Apaiana nei, i ke ku ana mai o ka moku e hapa aku ana na hae o ko makou mau pahu hae, no ka mea, ua kahea hou ia mai kekahi mau kaikuahine o kakou e ka Haku i keia makahiki, o Loe Leleo ua haalele mai ia makou Mei 17, a o Mrs Taylor ua hahai aku no ma ia hukai Iune 2, a e aahu ana no makou me na holoku eleele o ke kaumaha a e kanikau ana o loko o makou me na use'na, aole e hiki ke hai ae.

            I ka Poakahi ae la 25 ua hoomaka ka halwai ana o ka misiona a maloko o ka leta a ka Papa Hawaii kekahi mau kumuhana no ka misiona, a i loko oia mau la hana ua hiki aku ka hana no kahi e pili ana no'u a ua ninau ka aha ia'u, ua hoike aku no au i ka mau no o ko'u makemake e hapai i ka hana e like me na makahiki mua, a ua komo pu hou makou ma na hooponopono ana ma na mea e pili ana no ka hana o ka misiona.

            He nui na mea i kamailio ia ai, noonoo ia a ua hooholo ia kahi, a ua koe ka noonoo ana no kekahi mau mea a hiki aku 1 Butaritari a ua koho ia i mau komite no kahi mau mea kaumaha &c.  Eia kekahi mau mea i hooholoia.  I e noho aku o Mr Tibe i Nonouti e hapai i ka hana a ka Haku, a o I Teraoi e kokua i ka hana me Kanoaro ma Abemama, a o A Tekea e noho aku a hapai i ka hana ma Maiana.

            2 e ae aku keia misiona ia W N Lono e hoi i keia makahiki a pela no ia S Kahea, a o Taylor no hoi kekahi ma ia huakai luulua a o kekahi hoa oia huakai kaumika e hoomanawanui aku a loaa ka ae ia mai e ka P H, he nui no na mea e ae aole no e kakau pau ia ma keia leta.

            I ka la 29 ae o Iulai ka hoopau ana i na hana a ka misiona ma Abaian a hoopau aku ka hana ma Butaritari.

`I ka la 2 o Aug kau aku la makou na eemmoku maluna o Hookuloa a hohola aku la ko makou hoku lele i kona mau eheu aiai a lawe aku la ia makou no na hana i koe ma o aku o Abaian, o ka @ nui o makou he 52 penei ka hele ana:

            He 5 no @, 1 no @, 2 no Abemana, 4 no maiana, 4 no @, 4 no Marake, 15 makou @ nei, o ko makou huina he 35 a hui pu me ka poe he 18, alaila, 53, no ka @, ua noho o Lono wahine me Makipi.

            Ua hiki mua makou i Marakei a ua lele aku ko laila poe, Aug 4, ua holo no Butaritari ia la no, ua ku aku ka moku ma ka nuku o ke awa ma Butaritari i ka hora 12 paha o ka po.

            I ka la 5 ae komo i ke a wa a halawai aku la me W Kanoa a me ka ohana, oluolu ka maka i ka ike ana i kkona mau hale na mea kanu a lako a kuonoono pono maoli no i ka nana a ku, momona maikai kona mau pa, nui loa ka aina a pono no ke olelo ae, ke keiki lalawai o Makin.

            Mahalo aku la au ia Kanoa wahine ikaika i ka hana a piha pono ka pakaukau i nameaono, a ke hoomanao nei no au ia mau mea ai ono.

            I ka la 6 ae ua hui hou ka misiona maloko o ka betera o ka Haku a ua hoopau ia na hana i koe a koe na hoike kihapai, a ua hooholo ka aha e hoike mai na hoa o keia misiona i ko lakou mau hoike kihapai ma ke Sabati ua hooholoia, Sabati Aug 7 ua hoolohe ia na hana a ka Haku mai ka waha mai o na hoa, maikai kekahi mau mea e hoomaka ana mai Tabiteuea a o ka hope ko Butaritari.

            Olioli au i na mea hou no Abemama, penei ke kumu o ko'u olioli:

            I ka wa i hoomaka ai o Kanohoaro e ao i ke kakaulima ua aua ke alii aole e ao i na kanaka i ke kakaulima, ia ia wale no, a lohe na kanaka a makau aku aole pau ka ono a me ka makemake, nolaila ua kakau na kanaka maluna o ke one, nolaila ua loaa ke kakaulima i kekahi poe a i keia wa ua wehe ia ka puka.

            Ke holo nei ka hana ma Butaritari, ua hiki ka manuwa Beritania a ua papa i ka inu rama, a ke hui nui mai nei ma ka pono, he $115 mahina hou a ua pau loa na buke i ke kuaiia.

            I ka la 8 ae kau hou maluna o ko makou hoku aukai, a mawaho aku o ke awa o Butaritari ua kokua aku la makou ia Teube o Nonouti oia ka mea nana i ao i ko Nonouti i na makahiki i hala a ua holo mai i Abaian e noi i kumu a ua loaa kona makemake.

            Ua piha kekahi pahu i ka lole a me na mea e ae, a ua 20 paha na dala maoli, o makou me ka makou mau keiki kai kokua, o ke kapena kana wahine ka laua keiki me ka malama moku kai kokua ma keia hana aloha.

            Mai Butaritari a i Beru 14 o makou la, no ka mea, ua malie ka moana ua pohu ka makani.

            He Sab ti ko makou la i hiki ai i Beru a ua kalewa ka moku ua holo makou iuka a ua halawai me kekahi kumu Samoa a me kana wahine, a ua ike i ka holo o na hana ma ia aina.

            Ekolu halepule pohaku nui nona na anana ma ka 20 a oi aku, maikai ka hana ana na makou i malama ka hana ma kekahi kalepule, noho malie na kanaka a hoihoi, ua mau loa ke Sabati malaila, aole a ke ahi, aole waa holo, aole lawaia, aole hana, ikaika ka mana o ke Akua, a poloki keia mau paahana, aole ai mai Samoa mai, aole i hiki mai ka moku William he nui ka ai he hala a me ka ia a kino, aole misinale hawaii momona e like me keia a makou i ike ai haole e ola ke kanaka i ka berena wale no aka i na mea a pau a ke Akua, " ua kono ia kela kumu Samoa e holo i ka moku a ua loaa aku ka ai kupono no ekolu malama aloha no ia.

            I ka Poakahi ae ua ku ka moku ma ka aoao hema o Tabiteuea. a ua holo ke komite i kohoia e imi i na mea e pili ana no ke kaua, a i ka Poalua hiki i kahi o ke kaua a ua ike i na iwi e mokaki ana, a ua halawai me na keiki makua ole a ua lohe no i kahi mau mea, e ike no oukou ma ka hoike a ke komite, a pau na hana me na naau kaumaha nae, kau aku la ma ka waapa e hoi ana i ka moku.

            Nui ka ehaeha o kuu naau no ka hoomanao ana i na wahi a maua hele ai me ka'u wahine, a kapa aku ia lakou he mau keiki aka ua pau e nae i ke ahi mamua o ka halawai ana me ka poe e ola ana.

            Ia la hiki ma ka aoao akau, a ua holo hou iuka e hoihoi ana ia Nalima ma, a ua lohe hou i kekahi mau mea, ekolu wale no nae lala o ke komite i holo ua noho o kapena Bere a me Lono, no ka mea, ua lawa wahi a laua.

            Hui hou au me kuu mau haumana kahiko a nui ke aloha, ninau lakou no ka'u wahine, a hai aku no au ua make, alaila kulu no na waimaka o kekahi poe.

            Maikai ka luakini i kukulu ia e Nalimu me ka hale pele, e kau ana iluna loa a be manu aukuu ke hoike mai ana i kahi o ka makani e pa mai ai, mahope ibo o ka hala ana o na hora elua a oi ua hoi ma ka moku a na lawe ka waapa ia makou iuka e hoonoho aku ia Tibive malaila a ua halawai au me kuu mau haumana a ua lohe i na mea hou, a ua mahalo no, a ua paipai maua o Taylor i na kanaka e malama i ke kumu a ua ae mai no.

            Haalele ia Nonouti ia ahiahi, a ku ma Abemama Aug. 25.  I ka la 26 ae, holo makou iuka, a mahalo aku la makou i ko Abemama, paa loa ne kanaka i ka lole a eluolu na kanaka.  Ua halawai makou me ke ahi Binoka, maikai kona ano, oluolu ka olelo; he nui loa ke kino o ke alii, aole e noho iluna, e moe no a kamailio; he muumuu ke kapa e noho ana, aole hiki ke hele ma kahi loihi. Ua hoi o Taylor i ka moku a ua moe no makou mauka, a ua hele mai @ me makou, a ua ike makou i kona akamai, ua hiki ke kakau lima, ua ike i ka hoonui a me ka puunaue, a he @, Kanakolu paha ana mau wahine ma kekahi pa wahine, a ua kukulu ia i hale @ e pale ai keia poe wahine o lakou wale no @ ike lakou a pau i ka heluhelu buke.

            I ka Poaono ae ka halawai ana, a ua kahea ia ka inoa o ka pue e hookomoia i ke Sabati ae, a he kanaiono a keu ka poe i wae ia.  I ka la Sabati ae Aug. 28, ua malama ia ka hana, ua piha loa ka hale nui i na kanaka, a ua paa lakou a pau a ka lole maikai Na S Kahea i mare i ka poe i mareia, na Rev. H J Taylor i bapetizo i ka poe hoa, na G.L. i malama ka berena, a na W N Lono ka waina.  I kuu manao ke holo nei ka ha na a ka Haku ma Abemama, no ka mea ke hoike mai nei ka laau i ka hua maikai.

            I ka Poakahi ae, haalele ia Abemama me na naau hauoli.  I ka la 30 o Aug., hiki Maiana, a ma ka la 31 ae, lele aku o Lono ma me A Tekea; a ua haalele ia Maiana ia la no a ua ku ma Tarawa Sept 1; ua lawe ka waapa ia G Haina ma, a ua kau pu aku o H J Taylor, a ua hiki mauka i ka hora 8 paha o ke ahiahi, a ua kukuluia he ahaaina na ka Haku, a ua hookomoia ekolu poe hou ma ia po no.

            I ka la 3, haalele ia Tarawa, a ua ku maanei Sept. 4.  Aole kanaka i koe ma ka aoao akau o Apaiang nei, e noho ana na kana ka ma ka hema i keia wa no ka holo kaua i Tarawa, aole i akaka ka malu i keia wa.  I ka la 6 o Sept., ua holo aku o Hoku Ao, a ua kau pu aku o Wakapi a me kana wahine no ka noho ma Ualana, a hoi mai o Hoku Ao mai ke Komohana mai.  Ua kaua ma Tarawa, Iulai 17, a ua 20 a oi ka poe i make.  E ike oukou ma keia leta i kekahi mau mea e lana ai ka manao, a e hiki ai ia kakou ke olelo, aole i makehewa ka hana a ka Haku.  E ike no oukou i na mea a pau ma Apaiang nei ma na hoike kihapai.  Ke noho nei no makou me ka naau aloha i ko Apaiang poe paakiki, aole kanalua.  He elima wahine Misionari i kanu ia ma Apaiang a me na keiki eono; e nana aku ma Terronike II.  E pule nai no Maikonisia Hikina i holo imua na hana maikai.

`Ke haawi aku nei au i ko'u aloha ia oukou a pau.  Me ke Akua ka hoomaikai mau loa ia.  Owau no,   G. LELEO.

 

NA RULA O KA AHAHUI KULA SABATI O HAWAII HIKINA.

 

            Ke kauohaia aku nei na Kula Sabati a pau, malalo o ka Ahahui Kula Sabati o Hawaii Hikina, e hooko pono ia keia mau Rula:

            Rula 1 – E hoike hapaha ia na Kula Sabati a pau i kela me keia hapaha makahiki.

`           Rula 2 –Ma keia hoike hapaha ana, e lulu mau no ke Kula Sabati i puu dala i Waihona no ke Kula Sabati, i mea e pau ai na hemahema o ke Kula Sabati, a pela aku.

            Rula 3 –E koho no ke Kula Sabati i Puuku Malama Dala, a me ona Kakauolelo okoa no ke Kula Sabati, malalo o na Rula o ka Ahahui Euanelio.

            Rula 4—O kela a me keia Kula Sabati, e hoolohe pono lakou i na Rula a pau a ke Kahukula Sabati Nui, i mea e holopono ai na hana i makemakeia.

            Rula 5—I hookahi Hoike Hui Nui ana o na Kula Sabati a pau, ma kahi hookahi e hui ai, ma Haili, Hilo; i ka La Mua o Ianuari o kela a me keia makehiki.

            Rula 6—E kokua like na Kula Sabati a pau i na lilo a pau i manaoia ai no na mea a pau e pono ai a e holo ai hoi ka hana o ka Hoike Hui Nui ana o na Kula Sabati a pau.

            Rula 7—I ka wa e hui ai ka Ahahui Euanelio, e hoike piha mai kela a me keia Kahukula Sabati, a o kona Elele paha, i na mea a pau e pili ana i kona Kula Sabati, ma ka Ahahui Kula Sabati.

            Ma ke Kauoha o ka Ahahui Kula Sabati o Hawaii Hikina.   E. P. HOAAI, Kakauolelo no ka manawa.

 

HALEKUAI MAUNAOLU.

 

            E na Lede maka onaona a me na Keonimana puukani o ke Kulanakauhale Alii nei, eia ma kuu Halekuai Hou ma ke Alanui Nuuanu, e loaa ai na Lole Wahine maika, o na ano lehulehu, na Kamaa Wahine nanii na Kamaa Kamalii, na Kihei Wahine i kinohinohiia, na Silika waihooluu like ole, na Lole Alapia, na Makalena Lilina a me na ano Lilina a pau, na Mamalu, na Papale na Hainaka Silika nui a liilii na Leia-i a me na Kakini nuhou Silika ma ka aoao.

            No na Kane:  Na Lole Wawaepaa, mai luna a lalo, kupono no na Kainalii a me na Kenaka nui, na Papale maikai loa, o kela a me keia ano, na Kamaa Haahaa a me na Buti, na Lole Casimia maikai loa Nao, Kikokiko, Uliuli, na Lole Paina Pio maikai a Eleele.  Ina makemakeia e okoiki a humuhumu, he Hale Tela no ko'u e humuhumu ai, me ka Uku Emi Loa, ma ka Hale Tela helu 62 Alanui Nuuanu, ma ka aoao ma Waikiki o kuu Halekuai.

            Na Waiwai Pake, na Moena Pake, Ti lau a me na ano Lole Paa, na Silika, na Hainaka, Lole Ma@u Keokeo Ahiehie, Eleele kupono no ka Holoku.

            E loaa mau ana ia'u na Lole o na ano a pau ma ke ku ana mai o kela a me keia mokuahi Kaleponi.

            E kuai aku ana au i keia mau  Waiwai a pau me na KUMUKUAI WAIPAHE, a he pono ia oukou ke kipa mua mai maanei mamua o ko oukou kipa ana aku ma na halekuai e.  E loaa no au ma ka aoao ma Ewa o ka Hale Bolabola.

GOO KIM, Honolulu, Sept. 30, 1881   1038 6m

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

 

E LAA NA

 

Ahinahina, Kalakoa, Keokeo, Leponalo, Pena, Aila, Aniaui, NA MEA PIULA! KOPA, AILA HONU. ILA HOOMALOO.

Kui Kakia, Pakeke, Tabu, Kaula, Noho Lio, Hulu Palaki, Na Pulumi

 

A HE

 

AGENA NO HOI NO NA MOKUPUNI O HAWAII NEI NO NA

 

Lainakini-nao, Lainakini Maoli.  Palule Kalakoa, Alapia, Kelepa, Kilika.

Na lole kupono i ka wawae.  Palule Huluhulu, Na Lole Huluhulu, Na Lole no ka Hoohehelo ana Lipini, Lihilihi, &c.

LIPINE, LIHILIHI, &c.

 

A HE

 

MAU MEA AI KAHI

 

Ka Palaoa, Kopaa.  Raiki, Pia, Hoohu, Paakai, Huaala, Pia Kulina, &c.

 

A he Laau Lapaau Kaulana Loa

 

A DR. JAYNES.

 

Laau Kunu, Laau Hoomaemae Koko, Lanu Hoopau Naio, Penikila, Huaale

 

A MENA LAAU HAMO, A PELA 'KU

S40 tf

 

PAPA, PAPA

AIA MA KAHLO

LEWERS & COOKE!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukulu

ana i na Hale!

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na papa Ku,

A me na Papa Moe nui loa

 

NA PILI O NA HALE

O NA ANO A PAU.

 

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani

 

Na Ami o na ano a pau,

Na Aila Pena, o kela me keia ano

Na Aila Hoomaloo, he lehulehu wale,

Na Aila e ne o na ano a pau.

 

NA WAI VANIKI

 

A ME NA

 

WAI HOOHINUHINU NANI!

 

 o na ano a pau loa.

 

NA BALAKI ANO NUI WALE

 

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oibana

 

NO KA

 

UKU KAAHAA LOA!

E like me ka mea e holo ana mawaena o

 

LAUA a me ka MEA KUAI

 

E hele mai!  E na Makama ka

A e lawa no hoi ko oukou makemake me ka oluolu a me ka maikai  845 tf