Ka Nupepa Kuokoa, Volume XXI, Number 1, 7 January 1882 — Page 2
| This text was transcribed by: | Pmshawaii |
| This work is dedicated to: | The Gamiao ʻOhana |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke kauoha.
HOOLAHA KOHO BALOTA.
O ke koho balota no na Lunamakaainana i keia Ahaolelo ae, e malamaia ana ma na wahi koho balota lehulehu a puni ka Aina ma ka Poakolu, la 1 o Feberuari ae nei. E hamama ana na wahi Koho Balota mai ka hora 8 kakahiaka, a e paniia i ka hora 5 ahiahi. Penei na wahi Koho Balota i hookaawaleia:
HAWAII.
Apana o Hilo. Ma ka Hale Hookolokolo ma Hilo.
Na Luna Nana.
GWA Hapai - Lunakanawai Hoomalu
L Severence - Luna Helu
Jos. Nawahi - Luna Auhau
Apana o Hamakua. Ma ka Hale Hookolokolo ma Honokaa.
Na Luna Nana.
JP Miau - Lunakanawai Apana
RA Lyman - Luna Helu
Chas. William - Luna Auhau
Apana o Kohola, Hale Hookolokolo ma Waimea, Kohala Hema.
Na Luna Nana.
SH Mahuka - Lunakanawai Apana
Geo. Bell - Luna Auhau
Wahi koho balota alua. Hale Hookolokolo ma Kohala Akau.
Na Luna Nana.
H Johnson - Lunakanawai Apana
DS Hookano - Luna Auhau
Apana o Kona Akau. Halekula ma Kailua.
Na Luna Nana.
JG Hoapili - Lunakanawai Apana
D Makainai - Luna Auhau
Apana o Kona Hema. Hale kula ma Hookena.
Na Luna Nana.
CWP Kaeo - Lunakanawai Apana
DH Nahinu - Luna Helu
J Nahinu - Luna Auhau
Apana o Kau. Halekula o Spencer ma Honuapo.
Na Luna Nana.
JHS Martin - Lunakanawai Apana
HM Whitney - Luna Helu
J Kauhane - Luna Auhau
Apana o Puna. Hale Hookolokolo ma Pohoiki.
Na Luna Nana.
JW Naeole - Luna Kanawai Apana
T Kaaihili - Luna Helu
Mokuhia - Luna Auhau
MAUI
Apana o Lahaina, Olowalu, Ukumehame a me Kahoolawe. Hale Hookolokolo ma Lahaina.
Na Luna Nana.
D Kamaiopili - Lunakanawai Hoomalu
JW Kalua - Luna Helu
SE Kaiue - Luna Auhau
Apana o Kahakuloa a me Kaanapali. Halekula ma Honolua.
Na Luna Nana.
Apana o na Waieha, e hoomaka ana mai Waihee a e hele loa ana a komo pu o Honuaula. Hale Hookolokolo ma Wailuku.
Na Luna Nana.
H Kuihelani - Lunakanawai Hoomalu
TW Everett - Luna Helu
WB Keanu - Luna Auhau
Apana o Makawao, e hoomaka ana mai Hamakualoa a e hele loa ana a komo pu mai me Kula. Hale Hookolokolo ma Makawao.
Na Luna Nana.
WF Mossman - Lunakanawai Apana
FH Hayseldon - Luna Helu
A Fornander - Luna Auhau
Apana o Hana, me ke komo pu ana o Kahikinui, a hele loa aku a komo pu mai me Koolau. Hale Hookolokolo ma Hana.
Na Luna Nana.
SW Kaai - Lunakanawai Apana
P Kawaiku - Luna Helu
P Kamai - Luna Auhau
Apana o MOLOKAI a me LANAI. Hale Hookolokolo ma Pukoo, Molokai.
Na Luna Nana.
SK Kupihea - Lunakanawai Apana
J Nakaleka - Luna Helu
J Kaluapihaole - Luna Auhau
Wahi Koho Balota Alua. Ma ka Halekula ma Kaohai, Lanai.
Na Luna Nana.
S Kahoohalahala - Lunakanawai Apana
RW Meyer - Luna Kula
R Newton - Luna Kula
OAHU.
Apana o Kona. Ma Alilolani Hale.
Na Luna Nana.
RF Bickerton - Lunakanawai Hoomalu
JE Bush - Luna Helu
GH Luce - Luna Auhau
Apana o Ewa ma Waianae, Halekula ma Honouliuli.
Na Luna Nana.
WG Needham - Lunakanawai Apana
@ank Brown - Luna Helu
@ Kauhi - Luna Auhau
Apana o Waialua. Hale Hookolokolo ma Waialua.
Na Luna Nana.
SK Mahoe - Lunakanawai Apana
J Amara - Luna Auhau
Apana o Koolauloa. Halekula ma Hauula.
Na Luna Nana.
@ Kaluhi - Lunakanawai Apana
H Kauaihilo - Luna Helu
Paukialani - Luna Auhau
Apana o Koolaupoko. Hale Hookolokolo ma Kaneohe.
Na Luna Nana.
L Kaulukao - Lunakanawai Apana
A Lloyd - Luna Helu
C Lane - Luna Auhau
KAUAI.
Apana i Waimea. Halekula ma Waimea.
Na Luna Nana.
J Kauai - Lunakanawai Apana
I H Kapuniai - Luna Helu
A Kaukau - Luna Auhau
Wahi Koho Balota Alua. Halekula ma Niihau.
Na Luna Nana.
Geo. Gay - Lunakanawai Apana
J H Kaika - Luna Helu
E Kahale - Luna Auhau
Apana o Puna. Hale Hookolokolo ma Lihue.
Na Luna Nana.
S R Hapuku - Lunakanawai Apana
J G Tucker - Luna Helu
A W Maioho - Luna Auhau
Wahi Koho Balota Alua. Hale Hookolokolo ma Koloa.
Na Luna Nana.
Jacob Hardy - Luna Helu
- - -
Rev. J W Smith - Luna Kula
Apana o Hanalei. Hale Hookolokolo ma Hanalei.
Na Luna Nana.
J Kakina - Lunakanawai Apana
R Puuiki - Luna Helu
W Lovell - Luna Auhau
Wahi Koho Balota Alua. Halekula ma Anahola.
Na Luna Nana.
J H K Kaiwi - Lunakanawai Apana
Jas. Bush - Luna Auhau
S W Wilcox - Luna Kula
W.N. ARMSTRONG,
Kuhina Kalaiaina no ka manawa.
Keena Kalaiaina,
Dek. 15, 1881.
17 1047 6t
KUAI O KA HOOLIMALIMA O NA AINA AUPUNI
Ma ka Poakolu, ka la 18 0 Ianuari, M H 1882, ma ke alo o Aliiolani Hale, ma ka horo 12 o he awakea, e kualia aku ana ma ke kudala akea ka Hoolimalima o kela apana aina o ke Aupuni e waiho la ma KAPAHU, HAMAKUA, HAWAII. Palena ma ka Ilikina aina o Kama a me Beniamina, ma ke Komohana aina o Keehia, ma ka aoao mauka Alanui Aupuni a hiki aku i ka palena i kahakai, o kona ili 100 eka a oi a emi mai paha.
Manawa, 15 makahiki hoolimalima. Udu koho $80 no ka makahiki, e hookaa mua ia i kela a me keia makahiki.
H A P Carter, Kuhina Kalaiaina.
Keena Kalriaida, Honolulu, Dek. 13, 1881 1046 4 t
Hoolaha o na Hoololi i manao ia o ke Kumukanawai, e like me ka hooholo ana o ke Kau Ahaolelo 0 1880.
HE HOOLOLI
manaoia no ka Pauku 56 o ke Kumukanawai i haawiia e ka Moi Kamehameha V ma ka la 20 o Augate, M.H. 1864, i hoohooholoia a aponoia ma ka la 13 o Mei M. H. 1868 e like me na olelo o ka Pauku 80 o ia Kumukanawai.
Pauku 56 o ke Kumukanawai, a penei e heluheluiaʻi:
"Pauku 56. E ukuia ka Poekohoia e na makaainana no ka lakou hana e like me ka mea i oleloia ma ke Kanawai no loko ae o ka Waihona Da la o ke Aupuni, aole no nae e hoonuiia keia uku i ka makahiki i hooholoiaʻi ka olelo e hoonui i ka uku, aole hoi e kaulia kekahi Kanawai e hoomahuahua ana i ka uku o ka Poeikohoia mamua o na Dala Elima Haneri no kela me keia halawai ana o ka Ahaolelo."
Ke hooiaoi nei au, o ka Bila Kanawai maluna, ua hooholoia e ke Kau Ahaolelo o ko Hawaii Pae Aina ma ka heluhelu akolu ana i ka la 9 o Iulai, M. H. 1880.
JAMES M. MONSARRAT,
Kakauolelo,
HOOLOLI
I manaoia no ka Pauku 61 o ke Kumukawai i haawiia e ka Moi Kamehameha V ma ka la 20 o Augate, 1864, e like me ka Pauku 80 o ia Kumukanawai.
E hoololohia a ma keia ua hoololiia ka Pauku 61 o ke Kumukanawai i haawiia e ka Moi Kamehameha V ma ka la 20 o Augate, 1864, e like me ka Pauku 80 o ia Kumukanawai, ma ke kapae ana i na huaolelo "elima haneri" a e hookomo ana ma ia hakahaka "elua tausani" a me kapae ana i na huaolelo "elua haneri me kanalima" a e hookomo ana ma ia hakahaka "hookahi tausani" a panei e heluhelu ai i ua Pauku la:
"Pauku 61. Aole no e kohoia kekahi Lunamakaainana in a he pule a he hupo paha, a ke ole ia he kanaka malalo o ka Moi, a ke hiki ole aku oia i na makahiki he iwakalua-kumamakahi, a ke ike ole hoi i ka heluhelu a me ke kakaulima, a ke maopopo ole hoi iaia ka helu waiwai, a ke ole hoi oia i noho ma keia aupuni i ekolu makahiki, a o ka makahi hope mamua iho o kona kohoia ana, a ke ole hoi o na waiwai paa hihia ole iloko o keia aupuni e like me elua tausani dala, a i ole ia, o kona loaa nae i kela makahiki keia makahiki aole i emi malolo o na dala hookahi tausani i loaa no loko mai o kekahi waiwai, a o kekahi hana kupono ma ke Kanawai paha."
Ke hooiaio nei au, o ka Bila Kanawai maluna, ua hooholooia e ke Kau Ahaolelo o ko Hawaii Pae Aina ma ka heluhelu akolu ana, i ka la 9 o Augate, M. H. 1880.
J. M. MONSARRAT,
Kakauolelo
1039 3ms.
Ma ka po Poalima o ka pule i hala ua hoao ia iho la ka pahu hao dala o Hoppers e kekahi mau mea e kolohe. Ma ka oana pono ia ana ua ike ia ua haki ka poheoheo aole nae i loaa aku kahi i waiho ia ai o na dala. Ke imi ia nei ka mea nana i kolohe.
Mai ka la 23 o Oct 1881 a hiki iloko o keia mahina i ka la 1 iho nei, o ka huina nui o na mai i hele ma ka halekauka o ka Papa Ola ma Kikihale he 1537, a o ka nui omole laau i haawi ia he 2385, ma keia hoike, he mea pono e haawi ia na mahalo maikai no keia kauka no kona makaala, eleu a hoo ikaika ma na mea e pono ai ke ola o ka lehulehu a pau.
MAKANA
A KA
NUPEPA KUOKOA
NO 1882.
KE KII O
Ka Ohana Alii o Beritania!
He Umikumamalima põe okoa, i paiia iloko o na waihooluu like ole he Umikumaono. E loaa wale no keia Makana Hiwahiwa, a kahiko hoonani hoi ao na Home, i ka poe a pau e lawe ana i ke
KUOKOA NO 1882,
Me ka Hookaa Mua mai i ka ku o ka Pena,
$20.0,
Iloko o keia Keena. E waiho akea ana ka puka no keia pomaikai a hiki aku i ka
LA 31 O MARAKI.
Eia kekahi, e hiki no i ka Poe e lawe ana i keia Makana waiwai ke lawe ae i ka Hale Hana Wai Hinuhinu o J. H. BRUNS ma ke Kihi o ke Alanui Moi me Betela, ma Polelewa, a e hoopaaia iloko o ke Aniani no EKOLU DALA wale no.
E nana pono i na Hoakaka ana o keia Kii ma ka Papa Ki i hoopukaia ma ka Helu Akahi o ke KUOKOA no keia Makahiki.
NA KA HIKI MUA KA LOAA MUA.
KA NUPEPA
kuokoa me ke Au Okoa
I HUIIA.
No ka Makahiki, $2. Eono Mahina, $1.
Daia Kuike ka Rula.
POAONO, IANUARI 7, 1882.
AHAHUI O NA KUMUKULA.
MA ka Poakahi o keia pule i hookumuia ai kekahi Ahahui hou e pili ana i ka pomaikai o na hana hoonaauao kuloko o kakou, oia hoi ka Ahahui nona ka inoa e kau ae la ma ke poo o keia kukulu manao ana. Ma ka hale Lyceuma a Mr. J T Waterhouse, (ka halepule a Walakahauki) keia hana i kukulu ia ai, no na la hana elua, Poakahi a me ka Poalua. Ua kohoia o Mr. Jones, ka Peresidena o ke Kula Nui o Punahou i Peresidena no kei Aha. Kohoia o Mr. A Mac@intosh o ke Kula o Kahehuna i hope Peresidena; a o Mr. A T Atkinson o ke Kula o ke Alanui Papu i Kakauolelo a me ka Puuku.
Ua weheia na hana i ka Poakahi me ka haiolelo hookina aloha a ka Peresidena. Ua noho iho nei ka Aha no na halawai eha, elua ma ka Poakahi a elua i ka Poa'ua/
Ua akoa ae na Kumukula mai na mokupuni a pau o kakou, a ua aneane paha e piha ka huinahelu he kanalima. Ua wehewehe nui mai o Mr. Scott, kekahi o na kumu o ke Kula o ke Alanui Papu no na mea pili i ka hoonaauao ana ma Iapana.
Heluhelu mai o Mr. Macintosh he kumumanao e pili ana no ka hoonaauao ana i na keiki Hawaii ma ka olelo Enelani. Hoakaka nui mai o Mr. Dyer o Kohala no na hooponopono ana iloko o na hale kula e pono ai. Wehewehe nui mai o Mr. Atkinson no kana mau loina o ke ao ana i na moolelo kahiko. Na Mr. Moore o Kaui i hoakaka mai i kana mau loina o ke ao ana i ka huinahelume ka heluhelu.
Ua hoike mai o Mr. Mackintosh i kona manao, e hoalaia he mau hoike hookuku naauao, mamuli o ka makemake ponoi o kela a me keia e ake ana no ka hookelakela. Ua maikai na hana a pau, a ua hookuuia na hana i ka auina la Poalua, me ka olelo hooho lo e mahalo ana ia Walakahauki, no kona oluolu i ka haawi ana mai i ka hale no keia hana. O ko makou manao, he pono e komo nui mai na Hawaii maoli o kakou e ao nei ma na kula haole, iloko o na hana o keia Ahahui He mau hana keia e hoomahuahua aku ai i ko lakou makaukau ma ka oihana ao kula.
NA HALAWAI O KEIA PULE.
Ua hoomakaia na halawai hui o keia pule ma ka la Sabati iho nei. Ua hui ae na anaina o Kaukeano a me Polelewa, ma ka luakini o Polelewa i ke awakea o kela a me keia la, a ma Kaukeano i na po a pau. Ua hoohuiia no hoi na anaina o Kawaiahao a me Kaumakapiii ma na halawai po, a o na halawai o ke ao nae kai hookaawale ia. Aohe mea ano hou ae o keia mau halawai i ko na makahiki i hala. O na kumuhana, ua ike mua ia e ko makou poe heluhelu maloko o ka pepa o na pule hope o Dekemaba. He makahiki pomaikai nui keia no ka aina ke ala hou mai na hana pono a ulu mai iwaena o ka lahuikanaka. Na ka pono i hapai keia lahui mai ke ano lapuwale a kau iluna, a ma ua pono hookahi nei no lakou e ola ai, ke ola. Nolaila, o ka mea hoowahawaha i ka pono, oia kai hoowahawaha i ka pono, oia kai hoowahawaha i ke ola o ka lahui.
NA LONO O NA AINA E.
O KEKAHI o na mea ano nui ma Wasinetona iloko o keia mau la, oia no ka hookolokolo ana o Guiteau imua o ka Aha Kiekie no kona karaima pepehikanaka, ma ka laweana i ke ula o ka Peresidena Gafila. Ua kokua ia ka Loio Kuhina o ia Aupuni ma ka aoao hoopii e kekahi mau kanaka akamai ma ke Kanawai. O ke kaikoeke o Guiteau, oia no ke pale ma ka aoao o ka lawehala, a ma na la mua o ka hana ua kokua ia oia e kekahi loio a ae; a no kekahi mau la wale no ia, a ua haalele oia i ka hana; ua ike paha i ka pono ole. Iloko o ka wae ana o ka poe kiure no keia hihia, ua nui loa na hoohalahala ana, a he mau haneri paha inoa i kapaeia. Mahope nae o na hoohalahala loihi ana ua loaa he poe kiure kupono, hookahi o lakou he paele.
O ke kumu pale ikaika a ka aoao pale iloko o keia hihia, oia no @@ hoomaopopo ana i ke ano pupule o ka lawehala. Aia malaila wale no kahi @anaolana iki o ka loio o keia lawehala nu@ i kumu e pakele ai keia pepehikanaka. Ua kii ia ka moolelo kahiko o ka oh@na o Guiteau mai na makua me na kupu@a mai, a ua hoikeia he ohana pupule lakou, a pela hoi i hooiliia mai ai ke ano pupule mai o na makua mai a hiki iaia nei. O Guiteau no hoi kekahi, ke hoopupule nei oia iaia iho ma ka noonoo o kahi poe. Ua hana mau oia i na mea ano pono ole imua o ka aha hookolokolo. He pane okoa aku no i ka loio a i ka Lunakanawai ma ke ano pakike. He lele iluna a kui ikaika maluna o ka papa kaukau me ke ano huhu i kahi wa, a he ano nuha a mumule loa i kahi wa. A he lehulehu wale kana mau hana apiki. E nui loa ana paha na lilo o ke Aupuni ma ka hookolokolo ana i keia hihia hookahi.
Iloko o na pule hope o 1881 he nui loa na ulia poino ma ka moana Atelonetika; nui wale na moku i make i ke kai me ka poino pu o na ola o kanaka he lehulehu wale. Ua oleloia he kikina ino keia iho nei ma ia moana.
KAPAPAHUILANI
MA ka la 1 o keia makahiki i haalele mai ai o Kapapahuilani w, i keia noho kino ana a hoi aku la kona uhane i kela aoao. Ua make aku oia iloko o ke kanawalu o kona mau makahiki, ua piha pono na la o keia noho ana; o ka hopena maluhia o ka poe ele makule, oia kona hopena; he nui na hoaaloha e noho @ nei no ka hoonele ia i kona mau helehelena oluolu a me kona leo aloha O Kailua i Hawaii kona one hanau. Ua ike oia i na au elua o kona aina hanau, ko ka poeleele a me ko ka malamalama; a ua apo oia me ka hooiaio o ke au malamalama no ka oi. Ua hoomaopopo no oia ia Kamehameha a me kona mau alii. He wahine oia i aloha nui ia no kona ano oluolu. Aloha na hoa pili.
NU HOU O KONA AINA E.
KA PAUAHI NUI MA VIENA,
AUSETURIA.
KA POINO NUI O NA OLA.
NA HIONA WELIWELI.
GUITTEAU IMUA O KA AHA KANAWAI.
KANA MAU HAIOLELO.
Ma kela ple aku nei, ua hoike aku makou i ka pauahi nui ma Viena, Auseturia, a me ka poino ana o ke ola o kekahi mau kanaka, a i keia pule hoi ke hoike hou ia aku nei na lono piha e pili ana i ua pauahi nei penei:
Ma ka hora 2 o ka wanaao ua hiolo iho la ka papa noho helu 4 iloko o ke kino o ka hale a ua ikeia aku na kanaka kinaiahi o kela a me keia hui e lawe mai ana i na puu lehu o ke kino o ke kanaka i hiki ole ke hoomaopopo ia. Ua hoike ia ae na hiona weliweli a manaonao o ke kanaka i ka wa i hoomaka ao keia poino nui, a i loaa aku i na kanaka kinaiahi penei:
Ua loaa aku kekahi poe e waiho ana ma na noho, a e noho ana iluna kekahi poe, ua hina aku kekahi poe imua, ihope, a he puulu nui o na kanaka kai loaa aku i kahi hookahi ua apo kahi i kahi ua pau i ka make. Aole he wahi no keia poe e pakele ai, no ka mea ua paa ka puka mawaho mai oiai ma keia po ua hopohopo ia o piha loa auanei ka papa noho helu 4 a aole e nele ka ulu o na uluaoa mawaena o na kanaka. A in a e hemo ka puka a hoomaka kanaka e iho ilalo o ke alapii, he mea maopopo e pau loa ana no i ka make no ka mea he haiki ke alapii, he poeleele a ua akea kupono ke alapii no elua wale no kanaka e pii a iho hoi ilalo i ka wa hookahi.
Ua hoike ae kekahi kanaka Hunegari i pakele mai keia poino nui ae oiai oia ma ka papa helu 3 kahi i noho ai, i ka wa i hoomaka ai ka a ana, ua piho koke ae la o loko o ka hale i ka uwahi, a ua pau iho la kekahi poe i ka maule no ka hiki pono ole ke hana oiai ka punohu uwahi e pii ana mai lalo ae a iluna a mai luna iho a ilalo.
Ua hoike hou ae kekahi mea i pakele mai keia poino nui ae. I ka wa i puai mai ai ka uwahi mai ka paku mai a i ka rumi kahi e moho ana na makaikai, he le@ uwe weliweli kai poha ae mai na makaikai ae a puni ka hale. He manawa weli keia e holoke ana kela a me keia i o a ianei, e uwe ana kekahi poe, @@ maule iho la kahi, a e holo ana hoi kahi no kahi o ke alapii - ma ia wahi na hook@e palena ole, e huki ana kekal@ ihope, e hooke ana i o a ianei, e hehi ana maluna o kela a me keia, a e naku hele ana makou iloko o ka pouli aaki o keia wahi me ka makou nui a hiki i ko makou pakele ana. Ua lohe aku makou i na leo uwe a ka poe i koe aku e hookokina ana hoi i kekahi e lele ma na puka aniani a me na leo uwe o ka poe i hehiia. Ua hoao no kekahi poe e lele ma na pukaaniani, a ua pakele ma ka apo ana mai a ka poe o lalo. He weliweli maoli na hiohiona i ikeia aku i ka poe i koe
O na kaawai i keia manawa he hookahi wale no, a o ka nui o ka wai aole noia i oi ae ka nui mamua o ka manamana lima nui @ aole he hiki ae iluna loa o ka hale. Ua uloloni ka hiki ana mai o ko nui o na kaa a i ka hiki ana mai ua pau ka hapanui o ka hale i ka hiolo aohe he nui o ka hana a ia poe kaawai.
Mawaena o ka poe i pau i ka make, he ohana he 7 ko lakou nui ua pau loa i ka make, aolehe hookahi i ola. He 6 mahina ka loihi o ke kaawale ana o ke poo o keia ohana, a i kona huli hoi ana mai, ua malama ae oia i keia la ma o kono lawe ana i kona ohana a pau i keia hale oiai o @ on a la hanau ia, a oia nae ka panai, ua pau oia a me kona ohana i ka make.
Ua hoike hou ia ae, o ke kumu i nui loa ai ka poino o ke ola o na kanaka, oia no ka haalele ana o ka poe i hoonohoia ma kela a me kei, apana hana. o ka meai hookohuia o kana hana o ka hoouna i ka lohe i na hale kaawai no ka pilikia o keia ano, 2a makau honua iho la oia a holo aku la. O ka mea hoi o kana hana o ka wehe i na puka iloko o keia ano kulana pilikia, ua like no keia mea me ka mea mua, ua holo, aole oia i hooko i kana hana.
Aole he wahi hana hookahi i hanaia no ka hoopakele ana o ke ola o keia poe a pau iho la i ka make he 805 ola. Weliweli maoli keia lono, manaonao maoli na hiohiona o keia poe.
Ma ka lohe ana o ka Emepera Wiliama i keia lono kaumaha, ua haawi koke ae oia i ke kauoha e makaala loa ia na hale keaka a puni o Geremania.
O na hana e pili'na no ka hihia o Guitteau ma Wasinatona i ka pule hope o Novemaba oia no na hana e hooiaoi ana i na he pupule io ko Guitteau. Ua hoike ka loio Corkhill o ka aoao aupuni o ua haiolelo a Scoville a me kana mau hooia ia a me na hana ano pupule a Guitteau, he mau hana wale no ia e manao ia aku ai he pupule o keia Guitteau.
Ma keia mau olelo a Corkhill ua ano pioloke ae la ua Guitteau nei a ku ae la oia iluna a noke ih@ la ka lele me ke kuhi ano e ana o kona lima me ka hoopuka i kekahi mau hua pelapela me ke koe ole mai o ka aha.
Mahope iho o keia mau hana ano ole a ua Guitteau nei ua kukulu ia na hoike o ke aupni a ma keia wa i oi loa ai ka ano e o Guitteau.
Ua hoike mai kekahi hoike o ke aupuni, mamua iho o ke ki ana o Guitteau i ka Peresdena, ua hele o Guitteau imua on a me ka olelo ana e haawi mai $200,000 e hoohana ma kekahi hana a Guitteau nei i manao ai e loaa ana pomaikai, a aole no hoi oia i manao he pupule o Guitteau, no ka mea, ua kamailio aku o Guitteau iaia me @n@ hopunaolelo maikai a aole no hoi he mau olelo ano e kekahi ana iaia.
Ia wa i ku hou ae oia me na nanaina huh a hoopuka mai la i keia mau olelo me ka huhu, 'he mau olelo hoopunipuni wale no keia.'
Mahope iho o keia, ua nui na hoopaapaa mawaena o ka loio, a no kona ulu hua loa ua ku hou ae la oia a kamailio imua o ka aha, penei:
"E oluolu e ka aha, kou hanohano e ka lunakanawai, na kiure a me na maikai kai.
Eia au imua o oukou i keia la, he nani na hiona o keia la, aka he omamalu na hiona e hoopuni nei ia'u, ua ake na makaainana o keia aina palahalaha e hoo pokole ia na hana e pili ana no ko'u hihia a pela pu no me ko'u mau iini, ke olelo nei au me na manao uluhua imua o keia aha a imua hoi o ko'u loio, aole au i mahalo no na hana o keia aha, oiai o ko'u @ini e hoopokole ia na hana, aka ke hoololoiahili ia nei.
Owai na hoaloha o ka Peresidena o Amerika Huiia i make aku la mawaena o ka aoao Repubalika? Ke hoole nei au aole.
Heaha ke kumu o kona make ana, Eia ua ike au i na hiohiona omamalu o ke kaua kipi mawaena o ka aoao Repubalika a ua aneane e noha ka maka-ha o ka inaina mawaena o kekahi o lakou, nolaila ke kumu i make ai oia.
E ae hou mai kou hanohano e ka Lunakanawai e hooloihi iki aku ka'u kamailio ana imua o keia Aha. O Kenela Kalani Senate Conkling a me Platt, ka Peresidena o Amerika nei Arthur, a o kekahi poe e ae, k@ iini nei au e kono ia ko akou olu@ e hiki kino mai lako ma keia A@ He mau kokua keia @@. Ua ole ia ih@ @e kekahi mau huike o k@ Aupuni ao @ mai @@@ pupule maluna o u i ka wa @ mua iho o ka make ana o ka Peresidena; ea nani na olelo hoopunipuni a keia mau hoike. E huli ae kakou a nan i na inoa a'u i hoike ae nei, he hiki anei i keia Aha ke hoole in a e hoike mai ana lakou he mau hiohiona pupule io ko'u? He mea oiaio e hoike mai ana lakou he mau hiona pupule i o ko'u. Na lakou au i malama pono iloko o ko'u mau la pilikia loa, na lakou au hoaahu, na lakou au i hanai me ka ai. Ke noke nei ka loio ke Aupuni i ka ninaninau i na hoike ma n@kumuhana mawaho ae o na ninau a ko'u l@ io i waiho ai imua o keia Aha. O ka nina ano nui ana i waiho ai imua o keia Aha oia no keia, Na ka Mea Mana Loa anei i hookikina e ki i ka Peresidena Gafila a na ko'u ano pupule a nei i hookikina i ko'u lunaikehala e hana ia hana? O ka haina o keia @ nou heaha la, aole i loheia aku na wehewehe ana a ka loio o ke Aupuni."
KUAI NUI
O KA
WAIWAI PAA!
MA KA
POAKAHI LA 9 O IANUARI, 1882,
MA KA HORA 12 O KE AWAKEA.
Ma ke kauoha a ua Kahu Malama Waiwai o ka Waiwai o Lunalilo, e kaui aku ana au ma ke Kudala akea he heluna nui o na Aina maikai ma na wahi a pau o ka Paeaina nei, oia hoi:
NA AINA NO NA HOLOHOLONA,
AINA LAAU,
AINA KALO,
AINA LAIKI,
NA PONO KAI A ME
NA LOKO I A,
Me kekahi mau wahi apana aina o na ano like ole i kupono no ka poe wahi loaa uuku ko lakou.
1 - Ke Ahupuaa o Keaau,
e waiho la ma Puna, mokupuni o Hawaii nona na ili eka he 64,275. Palapala Sila 8559 B; hapa 168, Palapala Sila Nui Helu 7223 ia W C Lunalilo.
He aina maikai keia, o ka hapa makai he apana hanai holoholona, a ma ka hapa mauka he apana wahie maikai.
2 - Ke Ahupuaa o Kahaualea,
ma Puna, Hawaii, nona na ili eka he 26,420 a oi, a emi mai paha. Palapala Mahele 8559 B, hapa 1 o ia W C Lunalilo. O ka aoao makai he aina holoholona, a o ka hapa mauka he aina laau.
3 - Ke Ahupuaa o Keahialaka,
e waiho la no ma Puna, Hawaii, nona na ili eka he 1276 a oi a emi mai paha. Palapala Mahele 8559 B; hapa 15, ia W C Lunalilo. O ka noao makai he aina holoholona me na Kumu Niu e kokoke ana i ke kai, a o ka hapa mauka he aina laau.
4 - Ke Ahupuaa o Honolulu,
e waiho la ma Kaanapali, Maui, nona na ili eka he 3860 a oi a emi mai paha. Palapala Mahele 8559 B: hapa 23, ia W C Lunalilo. He aina Kupono no ka hanai holoholona.
5 - Ke Ahupuaa o Kaapahu,
e waiho la ma Kipahulu, Maui, nona na ili eka he 1480. Palapala Mahele 8559 B; hapa 19, ia W C Lunalilo. O keia aina he nui na kahawai, aka, he aina kupono no ka hanai a me ka hoomomona ana i na puaa.
6 - Ku Iliaina o Puako,
e waiho la ma Waimea, Hawaii, nona na ili eka he 7@ Palapala Mahele 8559 B; hapa 6, ia W C Lunalilo. O ka waiwai nui o keia aina he Paakai.
7 - Ka Iliaina o Kapahulu,
e waiho la ma Waikiki, Oahu, nona na ili eka he 2,341 75-100. Palapala Mahele 8559 B; hapa 31, ia W C Lunalilo.
He aina hanai holoholona ka hapanii, a he pono kai lawaia kekahi, a ua hui pu ia maloko o kona mau palena ka luapele kaulana o Leahi.
8 - Ka Aina o Kaea,
he lele no Kapahulu, e waiho la ma ke poo o ke Awawa o Palolo, nona ka ili eka he 110@. O ka hapanui o keia aina he ululaau.
9 - Ka Iliaina o Pau,
e waiho la ma Waikiki, Oahu, nona na ili eka he 24 27-100, Palapala Mahele 8559 B; hapa 29 ia W C Lunalilo. Ua huipu ia ma keia aina he Pa Manaienie, Aina Laiki, a he Loko I-a.
10 - Aina o Kaihikapu a me K@milohai,
e waiho la ma Waikiki, Oahu, he lele no Pau, nona na ili eka he 4 99-100. He Aina Kalo a Laiki.
11 - Loko Opukaala,
e waiho la ma Waikiki, Oahau, he lele no Pau, nona na ili eka he 1 95-100. He Loko I-a wai maoli hohonu keia.
12 - Ka Lele o Pau,
e waiho la ma kela a me keia aoao o ke kahawai o Manoa ma Waikiki, nona na ili eka he 1 68-100, oia hoi he 1 1-10 eka he aina kupono no ke kanu laiki a me ke kalo, a he 38-100 eka he aina kula maluna ae o ka iliwai o ka Auwai.
13 - Elua Lo-i Kalo,
he 82 kapuai ke akea mawaena o laua, he lele no Pau, e waiho la ma Waikiki, Oahu, nona na ili eka he 59-100. He aina helu 1 keia no ke kanu kalo a me ka laiki.
14 - Aina o Kaa @oanui,
he lele no Pau, e waiho la ma Manoa, Oahu, nona na ili eka he 8 92-100. He aina kanu kalo me laiki.
15 - Ka Iliaina o Kamoku
e waiho la ma Waikiki-waena, Oahu, nona na ili eka he 18. Aina Kalo a me Laiki. Palapala Mahele 8559 B; hapa 30 ia W C Lunalilo.
16 - Eha Lo-i Kalo,
ma ka Apana 1 o ka Mahele 1435, Palapala Sila Nui Helu 3047 ia Anee, a o ka lima o ka Lo-i Kalo ma ia Apana no, o ka lo-i kalo mauka e waiho la ma Waikiki, Oahu, nona ua ili eka he 68-100.
17 - He Loko I-a
ma kawela, Molokai, nona na ili eka he 25. Palalapa, hapa o Awan, 8559 B: hapa 28, ia William C Lunalilo.
He Loko I-a nui keia a he nui na makawai e kahe ana iloko on a, a i hookaawale hoi mai ke kai mai ma o kekahi Ahua One, a he 4 a 5 paha mile mai Kaunakakai mai, kahi a Lejua e ku mau nei i kela a me keia pule; kekahi keia o na wahi lawaia maikai loa ma ka Paeaina nei. He wahi hooluana hoi no na manu Koiaa ahiu o na ano he nui, a he wahi maikai hoi no ke ki manu ana, no ka mea, ua puai ka loko me na Akaakai.
No na mea i koe, e pili ana no keia mau waiwai i hoikeia ae la maluna, e ninau ia S. B. DOLE, kekahi o na Kahu Malama Waiwai o ka Waiwai o Lunalilo.
E. P. ADAMU,
LUNA KUDAL
1046 4t