Ka Nupepa Kuokoa, Volume XX, Number 52, 24 December 1881 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XX. HELU 521 POAONO, DEKEMABA 24, 1881. NA HELU A PAU 1047.

 

KA

NUPEPA KUOKOA

NO

1882.

Ma ka malama o Ianuari, e komo aku ai ke

KUOKOA

i loko o ka IWAKALUAKUMAMAKAH o kona mau makahiki. He makahiki hou keia a he ano nui, pela no hoi e pahola aku ai ke KUOKOA i na waiwai kilakila ano hou imua o kona poe heluhelu he lehulehu wale.

 

E HOOPUKAIA ANA O UNCLE TOM ʻ S CABIN

He Moolelo Walohia keia no ke Au o ka noho ana Kauwa Kuapaa ma Amerika Hui, i kakauia e MRS. H. B. STOWE kekahi wahine kaulana i ke kakau moolelo No ke kaulana o keia moolelo, ua unuhi ia mai ka olelo Enelani aku a iloko o na olelo okoa o ka Honua nei he IWAKALUA, a ua kaulana loa ma Europa a puni. Akahi no a unuh@ia iloko o ka olelo o ko kakou aina makuahine.

 

E PUKA ANA NO HOI KA MOOLELO

HOLOOKOA O

George Washington,

Oia o KEOKI WASINETONA, ke A@hikaua kaulana a Peresidena mua loa o Amerika Hui, ka mea i kapaia KA MAKUA O KONA LAHUI, E pau pu ana me kana mau kaua weliweh.

 

A E HOOPUKA PU IA ANA NO HOI KEKAHI KAAO KAULANA O HAWAII PONOI, O KEANINIULAOKALANI.

He moolelo kaulana keia, a he nanea no ke Kau a me ka Hooilo.

 

O KA MAKANA A KE KUOKOA NO KEIA MAKAHIKI AE,

OIA NO KE KU O

KA OHANA ALII O BERITANIA NUI,

He Umikumamalima poe okoa iloko o ke ia kii nui, i hooleleia iloko o na waihooluu like ole he umikumamaono. He @@@@ maoli ka nana ana, a he kahiko hanohano no na Home Hawaii.

 

MAKEMAKE KE KUOKOA

E hoolako i kona poe heluhelu a pau loa me keia makana waiwai loa. E loaa wale ana keia makana waiwai i na Mea a pau e lawe ana i ke

KUOKOA NO 1882,

ME KA HOOKAA MUA I NA

DALA ELUA

O ka Pepa, mamaa ae o ka

La 31 o Maraki,

NA KA HIKI MUA KA LOAA MUA.

E hooikaika ana ke

KUOKOA

No kekahi mau Helu Manao e pili ana i ke

OLA KINO

O ka Lahui, no ka pomaikai o kona poe heluhelu o ka Makahiki hou.

 

A ina he mea hiki, e puka hou no kahi mau helu o

“KE KANAWAI.”

AOLE E NELE NA MEA HOU O NA AINA E,

A ME KA MOOLELO PIHA O KE

KE KAU AHAOLELO O 1882.

 

E hoomakaukau mua na Luna me ka lakou mau Kauoha. A ina o ka Poe makemake e LAWE PAKAHI ma ke KEENA, e kauoha mai ma ka leta, me ka hooili pu mai i ke DALA.

AOLE E LOAA KA PEPA I KA POE E OHO AIE ANA.

 

KA NUPEPA

Kuokoa me ke Au Okoa

I HUILA

 

NA OLELO HOOLAHA: O na Olelo Heolaha he 10 laina kakau lima, he Hookahi Dala no ka puka mua ana; elua puka ana, he $1.50; no hookah mahina, he $2.00

NA KANIKAU A ME NA MELE: He 10 Keneta ka uku no ka lalani hookah, ua like me $1.00 no 10 lalani.

HOOLAHA MAU: E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.

E hoomanao e na lehulehu, aole e hoopuka kekahi Olelo Hoolaha, Kanikau a me ke Mel eke ole e hookaa mua ia mai ka uku.

E hoouna pololei mai i na leta I ka Nupepa Kuokoa.

 

MOOLELO O NA LA

O KA

Haku Visakauna Nelekona,

KE DUKE O BERONETI.

 

KE KAUA ANA O NA AUMOKU KAUA

BERITANIA, A ME KO ENELANI

MAU PAPU LAAU, &C.

 

UA LOKAHI KA MANAO, AKA, HE HOOKAHI WALE INO NO O ʻ NELEKONA. ʻ

Earl St. Vincent.

 

KE KAHUA KAUA KAULANA MA KA LAE

TARAFALAGA.

 

OIAI o Kapena Haki i huli hoi aku ai iluna o ka oneki, aia hoi, ike aku la lakou in na koa Farani e kuu ana i na waapa, na koa I ka holo iluna, oiai i keia Manawa, ua puka loa ae la kea hi e a ana ilalo o ka moku. He mea ehaeha ka ike ana aku i keia ahi nui e a nei i kona puka ana ae mawaho o na pukapu, a no ka pili kokoke loa o ka maku Lanakila ma kona aoao, nolaila, o keia mau lapalapa ahi e puka nei ma kona aoao, ua loaa ae la na kaula a me na pea i nahaehae ma ka aoao o ka moku Lanakila i keia ahi, lalapa ae la ma na rigi@ ekolu a me na kapolena. O Kapena Haki, ike mai la oia i keia pilikia nui o ko lakou moku, kauoha koke ae al oia i kona mau wahi koa kakaikahi i na pakeke wai, a holo aku la e kinai i ke ahi e lalapa ana ma kona aoao.

 

Iloko o na minute pokole mahope mai o ke kau ana aku a Kapena Haki i ka hae ho@@lona i ka moku Pelekane Timirea, e hele mai e kokua ia lakou, ua holo pololei mai la keia moku a hookui pu mai la ma kekahi aoao mai me ka moku Farani Rekukabela ma ka aoao akau, nolaila, pau pono iho la keia poe moku ekolu ma kahi hookahi, aka, o ka moku Timirea nae, aole oia i hoouka iki i ke kaua, a akahi no oia a komo, a oiai oia i kona wa i hookui pu mai la me ka moku Farani poino e a ia ana e ke ahi, ua iliki koke mai la oia i kona mau pukuniahi he S0 i ka manawa hookahi, a o keia mau poka i ki ia mai, o na koa Farani e pinana ana iluna o na rigini a e lele ana hoi ma na aoao, ua lele liilii loa lakou i o a ianei me he puahiohio la, i ka manawa i loaa mai ai i keia mau poka. O keia moku hou i hiki mai la ua loaa koke i na koa Farani he poino nui no lakou e hiki ai ke manao ole ae no ko lakou ola. Iloko o na minute pokole wale no he 15 mahope o ka pili ana mai o kela moku, ua hiki loa ae la ke kai maluna o ka oneki, a ia manawa @ Kapena Haki i hoouna aku ai i kekahi aliiwaapa o David Ogilioi, me kekahi mau koa marina eha, e lele aku iluna o ka mokukaua Farani Rekukabela, a e h@ki iho i ka hae Farani e kau ana, a e kau ae i ko lakou hae ma ia wahi. I ko lakou wa i lele aku ai iluna o keia moku, ia manawa ke aliiwa pa opio i huki iho ai i ka hae Farani ilalo, a hukiia ae la ka hae a@puni o Enelani iluna, a iloko o ia manawa, kani koke mai la ka leo o na pahu a me na ohe mai luna mai o ka mokukaua Lanakila, e hoike ana i na aupuni kaua o ke ao nei, ua lilo pi@ mai keia moku Farani malalo o ka mana o na aumoku Beritania mamua o kona piholo ana ilalo o ka h@honu.

 

I ke piholo ana o keia moku, ua ka@wale ae la ka mokukaua Lanakila mai iaia mai, nolaila, iloko o keia manawa pokole wale no a laua i kaua ai, ua hala loa aku la na aumoku o ka mahele mua malalo o Adimarala Vilenua, a o na mahele hope mai malalo o ka Adimarala Farani Dumoea le Pale, hoopii koke mai la lakou i kahi a ka moku Lanakila e kaua ana, a e hoomanao ko makou poe heluhelu no keia mau aumoku hou, aole lakou i hoouka i ke kaua mamua. Nolaila, o ke alahele a kela puulu moku e hoopi@ @@i la, i ko lakou wa i kokoke loa mai ai ma kahi he kanalima anana ke kaawale, iloko o ia manawa i haawi hou aku ai o Kapena Haki i ke kauoha e ki koke aku na pukuniahi i keia mau aumoku e hoopuu mai la. O keia kaua elua ana, ua hoouka ia ia mawaena o ka moku Lanakila me ke Timirea me na aumoku Farani ehiku, a o ka heluna nui hoi o na aumoku, he hoouka la lakou i ke kaua me na aumoku o ka mahele mua o Vile@ua. Ua oleloia, i loko o keia la hookahi wale no, aole i kaua ka Haku Nelekona (oiai oia e waiho eha ana) i kekahi kaua mamua aku i elua manawa e hoouka ai i ke kaua. O keia hoouka kaua hou ana o keia mau aumoku, ua pouli hou ka lewa a me ka honua, a e ko hou ana hoi ka leo weliweli o na p@k@niahi e like me ka hekili ikaika e ku i ana, a iloko hoi o kela a me keia p@p@pu he haneri e ki ia ai e ka moku Lanakila, ua haalulu ka moku mai o a o, a e luliluli ino ana na kia me na @a, a o keia haalulu o ka moku e kupinai o ka moku a loaa ka Haku Nelekona poino e waiho ana ma ka oneki, he mea keia e hoehaeha loa ana i kona manao, me kona makemake loa, ina aole oia i haalele ia luna o ka oneki. O ke kani ana o na puk@niahi he haneri i ka manawa hookahi, paipai ae la ka Haku Nelekona i kona umauma, me ke kahea ana ae i k@ inoa o kona moku me keia mau huaolelo:

“E ka Lanakila, E ka Lanakila,” wahi ana me ka nui o kona leo, “Pehea la oe e hoehaeha nei i ko ʻ u puuwau poino.”

 

O keia mau olelo a ua Nelekona nei, huli ae la oia a pane ae la i kona kahunapule, “Ua makemake loa au, ina owau kekahi ma ka oneki i keia manawa, alaila, e make koke no au mamua o ko ʻ u hoomanawanui ana i keia mau eha.” I ka wa i hiki mai ai o Kauka Biute ma kona wahi, hele mai la oia a ma ka aoao o kona Haku poino, me kona manao, ma kona ano iho he kauka kana oihana, a e nana oia i na palapu i loaa i kela a me keia, aka, o ka Haku Nelekona, ike mai la oia i kona kauka ma kona aoao, huli ae la oia a pane ae la i keia mau olelo: “E Kauka Biute,” wahi ana, “Aole au i manao, e hiki ia oe ka hoao ana e loaa kekahi oluolu ia ʻ u, e l@a keia eha nui i loaa ia ʻ u, a e lapaau aku hoi oe i kekahi o ko ʻ u mau koa wiwo ole e waiho eha nei.”

 

O Kauka Biute, no kona lohe ana i ka Nelekona olelo ua nui kona eha, nolaila, ninau aku la oia iaia, Pehea la ka nui o kona eha i keia wa? Huli koke ae la ua Nelekona nei, a hapai ae la i kona lima hema iluna e like me ka hiki iaia ke hapai, “O keia kiekie a ko ʻ u lima hema he hapai iluna, aole no @ emi mai malalo o laila ka eha a keia poka e konikoni new iloko o ko ʻ u puuwai.”

O Kapena Haki, iloko o keia hora @koa ona maluna o ka oneki, nana aku la oia mawaho o ka palekai, a ike aku la oia i na aumoku o Kolinawuda e ku olohelohe ana aohe kia, ua pau i ka nahaha kekahi mau aumoku e a ia ana e ke ahi kekahi; a o ka uwahi o ka p@@da a me ka uwahi o na moku e a ia ana, ua like ke kahua kaua moana me kekahi mau kula laula e a ia ana e ke ahi ka punohu iluna o na moku. Ma ko Kapena Haki hoomaopopo ana aku i keia mau moku, ua ike aku la oia i kekahi o na aumoku e kau ana ka hae Pelekane iluna o lakou, ike pu aku la no hoi oia i na koa marina Pelekane me na k@ka ulaula e hoholo ana i luna o ka oneki. O keia mau mea ana e ike nei, helu koke aku la oia i ka nui o na aumoku e kau ana i keia poe hae a he 18 ko lakou nui mawaho ae o na moku e a ia ana e ke ahi a piholo hoi, nolaila, e like hoi me ke kauoha a kona Haku iaia, e hai aku @a na pio kekahi o ko lakou mau aumoku a i ole o na enemi paha, nolaila, holo koke aku la o Kapena Haki ilalo, a i kona wa i hiki aku ai ma ka puka o ka @umi kauka, ike mai la no ka Haku Nelekona i kona komo ana aku, huli koke ae la oia iaia @ lulu lima aloha hou iho la laua no ka manawa elua. O Kapena Haki, hai aku la oia i ka mea hou, ua loaa ia lakou ka lanakila, oia hoi, ma kana hoomaopopo ana aku, he 18 paha moku i pio, a o ka nui o na aumoku hui, aia lakou ke hoopii la i ke awa o Kadita no ko lakou pakele. O ka Haku Nelekona, h@li ae la oia me ka mino aka ana iho, a pane ae la me keia mau olelo, “Oia ka pono, aka, i 20 no ko ʻ u makemake.”

 

O na aumoku i pio i keia manawa, he, eiwa moku Farani a he eiwa moku Sepania, mahope iho nae o ka hai ana aku a Kapena Haki iaia i keia mau mea, huli hou ae la oia a pane @@ la ia Kapena Haki, “E kou ka heleuma o @a aumoku, e Haki,” wahi a ua Nelekona nei; “Ua manao au e kuu Haku,” wahi a Kapena Haki, “O Adimarala Kelinawuda @paha ka mana no ke alakai ana maluna @ na aumoku i keia manawa? Huli hou ae @ ke koa poino a pane hou ae la i kona Kapena, “Aole,” wahi a ua Nelekona nei, “A@e e lilo iaia ka mana no ke alakai ana i ke@a mau aumoku malalo o ko ʻ u hanohano, no ka mea, eia no au ke ola nei.” Nolaila, hoao ae la ka Haku Nelekona e ala iluna o @ona wahi moe, ma ka pane hou ana ae i keia mau olelo, “Aole, ua kuu anei or i ka hele ma e Haki,” wahi hou a ke koa poino; “E kau anei au i ka hae hoailona no ha hookuu ana i ka heleuma e kuu Haku; “Ae,” wahi a ua Nelekona nei, “Ina au e ola ana, e kuu no oe i ka heleuma o na aumoku.”

 

O ka Haku Nelekona, oiai oia e moe ana ma kon@ aoao eha, huli ae la oia a pane ae la ia Kauka Biute, “Ua makemake loa au, ina aia @u ma ka oneki i keia manawa.” He mau minute pokole mahope mai o ia manawa, hoomaka mai la kona hanu e paupauaho, a o kona leo hoi, ano uuku iho la kana kamailio ana; a oiai kona hanu e paupauaho ana, kamailio ae la oia i keia mau olelo aloha imua o kona kahunapule Mr. Scott, Kauka Biute a me Kapena Haki, penei:

 

“E o’u mau hoa’loha,” “Owau kekahi o na kanaka hewa ole ma je ao nei, --aka hoi, e hoomanao iho oukou, --ua waiho aku au ia Lede Ema Hamiletona a me ka’u kaikamahine hanai Horat@a, he mau hooilina ma ko’u inoa no ko’u aina.” Hoomaha iki hou iho la k@ hanu o ua Nelekona poino nei, a pane hou ae la oia me ka leo malie loa, “Aole hoi e poina ia Horatia.” O kona makewai, ua p@i mahuahua ae la ia iloko o ia manawa, a oiai oia e kamailio ana i wai, kukuli iho la o Kapena Haki ma kona aoao, a h@@ aku la ma ka lae o kona Haku aloha, haha ae la ua Nelekona nei i kana aikane, a pane ae la iaia, “Owai kela,” wahi ana me kona leo paupauaho, “O oe anei ia e Kapena Haki, --na ke Akua e malama mai ia oe.”

 

Iloko o ia manawa, huli hoi aku la o Kapena Haki @lun@ o ka oneki e hooko i kana kauoha, a iloko hoi o kela a me keia manawa, e kamailio ana ua Nelekona nei e haawi aku i wai a e lomi aku hoi iaia. O ka nui o ka eha e konikoni ana iloko o kona puuwai, lalau ae la oia i ka lima o kona kahunapule, a kau iho la ma kona um@uma me ke ko@@ malie ana iho maluna, a i ke ku pololei ana o ka manamana kuhikuhi hora he 30 minute i hala o ka hora 4, oia hoi ka manawa i hiki ai ke hooiaioia, ua lanakila na aumoku Beritania maluna o na aumoku hoi, a ua pau hoi ke kani ana o na p@kuniahi, pane ae la ka Haku Nelekona i keia mau huaolelo hope loa i puk@ ae mai kona lehelehe: -“E HOOMAIKAI IA KE AKUA;” wahi ana, “UA HOOKO AU I KA HANA I HAAWI IA MAI IA’U E HANA!!”

 

A i ka pau ana o keia mau olelo, lele loa ae la ka hanu o ka Haku Nelekona, iloko o ka hora o ka lanakila nui, ka hora ana i manao ai, aia a loaa ka lanakila ma kona aoao, alaila waiho mai oia i keia oia ana no kela ao. Ke ao o ka maluhia a me ka ehaeha ole, aka hoi, he mea ehaeha no k@ puuwai o na koa wiwo ole i hoouka i kela kaua ka lohe ana aku, --Ua make ko lakou alaka o keia la hooili kaua, aole hoi oia wale, aka, --he kaikuaana a he pokii no ia kahua enaena o ke ahi, --a he Maku@ hoi no ke aupuni o Enelani.

 

Aole i pau.

 

EIA KA MANAWA.

 

I KE KUOKOA; Ke ike nei au ma na Nupepa, e kuai kudalaia ana na Aina o Lunalilo ke hiki mai ka Poakahi, la 9 o Ianuari, 1882. Eia na aina:

 

Keaau,     ma     Puna, Hawaii.

Kahaualea,    “          “      “   

Keahialaka,   “      “       “

Honolua,     “     Kaanapali,  Maui.

Kaapahu     “     Kipahulu,     “

Puako        “      Waimea, Hawaii.

Kapahulu     “      Waikiki, Oahu.

Kaea     “      Palolo,   “

Pau          “       Waikiki,  “

 

A me ona mau Lele, a pela aku, a me ka Loko ma Kawela, Molokai.

 

He wa kupono loa keia i na kanaka Hawaii e hoouluulu i ka lakou mau dala, a e kuai i mau aina no lakou. O ka aina i ku@@@ me ke dala i luhi nui ia, he p@@ ia waiwai, aole e uhauha ana e like me na waiwai i haawi wale ia mai.

 

Aole paha manawa e ae e like me keia. Ua pau ka nui o na Aina o ke Aupuni. Eia mai na aina maikai e kuaiia ana; nolaila, e makaala @a kanaka Hawaii, a e kuai i aina no oukou. A.F.J.

 

NA KILIPATI O KAUAI.

 

E ka “Nupepa Kuokoa;” Aloha oe.

 

Ma Kauai nei kekahi poe Kilipati, ma na pa mahiko i hiki aku ko lakou heluna ke huiia me na keiki, i ka 400 a oi aku.

 

Ma ka manao maikai o ka Papa Hawaii Misionari, ma o ke Kakau Leta ia Rev. H Binamu o na makahiki i hala ae nei, ua koho lakou ia’u e lawelawe ma ka oihana k@ahele misionari iwaena o na ohana Kilipati ma Kauai nei, a ua puui na makahiki elua o ko’u lawelawe ana ma keia oihana. A e oluolu paha ka Luna Hoopuka ke hoakaka au i kekahi mau mea e pili ana i na Kilipati.

 

I ka noho ana mai o keia poe Kilipati ma na pahana mahiko, he nui ka pilikia ma ka hapamua o ka manawa o ko lakou noho ana mai. Ua mai a nawaliwali kekahi poe, a ua make aku kekahi poe o lakou ma keia aina malihini; aole nae no ke akaka ole o na kumu o ko l@kou mau pilikia; ua akaka no ia: no ka malihini i ka noho ana ma keia aina, he malihini ke ea ohuihui, ka makani an@, komo mai ka mai; malihini na mea ai, aole maa ka opu i ka @aiki, b p@, kamano paakai, me ka poi, he ahona ke kalo; he malihini ka lole aahu, ua aahu a lepo loa, aole i maa i ka aahu lole, aohe maa i ka hoomaemae lole, a pelapela ka noho ana, no ka malihini, malihini ke ano o ka hale laau ano e, he malihini na hana, he paa na manawa hana a puni ka mahina, he maa ole i ka hana mau, malihini i na hana, malihini i ke ano o na kanaka o keia aina; i ko lakou nana ana, he okoa na olelo, he okoa ka noho ana, a ua hookaumahaia ko lakou manao ma keia mau mea, a ua nui ko lakou mau pilikia, no ko lakou walea ole i na mea e pili ana i ko lakou ola kino ma keia aina.

 

Ua haalele lakou i ko lakou aina mehana wela, kupono ke ea i ko lakou ola kino; o ka lakou ai kamaaina, he n@u, he hala, a me na i-a o ke kai; o ko lakou, aka, ua hoano e ia ma keia hele ana mai ma keia aina. Ina i akahele ia me ka malama maikai ia, ina ua nui ole ko lakou mau pilikia i ka mua o ko lakou makahiki, aka, ua hala ia wa; ua maikai ae ke ola o na Kilipati i keia makahiki.

 

Ma ko’u launa ana aku me lakou, ma ko’ ano he misionari kaahele iwaena o lakou, e hai aku i ka Olelo a ke Akua ma ko lakou olelo ponoi, a hoike aku i ke alanui o ke ola mau loa ma o Iesu Kristo la, a ua paipai nui au ia lakou e apo i ke ola, “O Iesu ke Ola,” a ua hoolana aku i ko lakou mau manao kaumaha; a ma ko’u ike maka ana ia lakou, ua hauoli lakou i ko’u maalo pinepine ana i o lakou la.

 

Aole oia wale ka’u i lawe aku ai, ua ao aku ia lakou i ke ano o ka noho ana o ka aina malamalama, he aina Kristiano keia a he mau kanawai, ua puni keia paeaina i ke kanawai, ma ko’u nana ana ia lakou ua eleu ma na hana, maikai na ola, ma ka ninau ana hoi i na haku hana o lakou, ua oluolu lakou a mahalo mai i ka pii ana ae o ka ika ika o na kanaka Kilibati

 

He poe oluolu no na Kilibati i na haku, mahalo no lakou i na haole oluolu, i ka ma lama i na mea ai, i ka malama i ka poe mai a pau no ka pilikia

 

Aole no he haunaele loa i keia mak@iwaena o lakou e like me mamua, n@ ko lakou ike ole i na kanawai

 

Aia iwaena o lakou, he poe hoahanau mai na paeaina mai o Kilibati, ke m@u nei no ka haipule, a u@ haule kekahi ina hihia, a ua huli mai kekahi, a he mau hooikaika no i koe e huli mai ana no, me na manaolana no ke ola.

 

Ma ko’u hoomaopopo, ua ike kekahi poe i ka heluhelu palapala, ka olelo o ko lakou aina, ua olioli lakou i ka heluhelu i a ko lakou palapala, a ua kokua nui no hoi o Binamu ma ka hoolaha ana i na buke iwaena o lakou, me ka lakou mau hana a me na @ula o ko lakou ola kino ma keia aina, ua heluhelu au ia pepa ia lakou me ka hoakaka aku i ke ano, ua hoomaopopo ka hapanui o lakou a ua lilo ia pepa i malamalama no ko lakou noho hana ana.

 

He nui na mea i koe, aka he pono e hoonui i ka hana me ka pule a me ka hilinai i ka Mea Mana e hana mai i Kana hana aloha iwaena o kanaka o na ano a pau

 

O ka kakou mau hana o kela me keia ano ma ka lawelawe misonari ana he mau hoomakaukau ana no ia no he alanui o Iehova ko kakou Akua, e like me ka mea i palapala ia, “E hoomakaukau oukou i ke alanui no Iehova, e hana hoi i kona mau kuamoo i pololei.”

 

He nui no na mea e hauoli ai no ko ke Akua aupuni iwaena o na Kilibati a he nui na mea e kaumaha ai, aka ka hana o ka ma naoio ka mea e nui ai ka hoomanawanui, no aila hoomanao au i ka olelo ma Halelu, he oiaio, o ka mea hele a uwe i kona lawe ana i ka hua e lulu ai, he oiaio no e hoi mai oia me ka hauoli, e amo pu ana i kona mau pua Hal 129;5,6. Me ka mahalo no, owau o

J H Mahoe.

Kilauea, Dec 1881

 

MAIKAI KA HOI KA PAPA

 

A ME

 

KA L@AU O KOU HALE!

 

NO HEA LA@

 

KAI NO HOI NO KAHI O

 

WAILA MA @

Nana aku no hoi ia la

 

Ohi ka lo o ka Laau o Makawao

 

I ka ua mea hoi o ka nani

 

Na Papa! Na Papa!

 

A ME

 

NA PONO KUKULU HALE

 

O NA ANO NO A PAU

 

Aia ma ke kihi o na

 

ALANUI PAPU me MOIWAHINE

 

HONOLULU

 

MALAILA E LOAA AI

 

E LIKE me ka MAKEMAKE

 

NO KE

 

KUMKUAI MAKEPONO LOA

 

PAPA, PAPA, PAPA,

 

Na Papa Huluhulu,

 

Na Papa Manoanoa

 

Na Papa i kahiia

 

Na Papa Kepa,

 

Papa Hole Keokeo,

 

Papa Hole Ulaula.

 

NA LAAU, NA LAAU,

 

Na Kua,

 

Na Kaola,

 

Na Aaho,

 

Na Molina

 

Na Peapea.

 

Pine Huluhulu,

 

Pine i kahi@a

 

NA Papa a me na Laau Ulaula?

 

Pili ulaula,

 

Pili Keokeo,

 

Pani Puka,

 

Pani Puka Aniani,

 

Ipuka Aniani,

 

Puka Olepelepe.

 

PENA O NA ANO A PAU

 

Hulu Pena mai ka Liilii ake Nui

 

Aila Pena,

 

Aila Hooma@oo,

 

Waniti, Pate.

 

NA LAKO O KELA A ME KEIA ANO

 

Na A@i Puka Hale.

 

Na Ami Puka P@.

 

ANIANI!

 

Pepa Hale a me na Lihilihi

 

E LOAA NO MALAILA.

 

PAAKAI HELU I O KAKAAKO me PUULOA

 

No ke Dala Kuike, e loaa no na mea a pau i hai ia ae Aa, no ke Kumukuai E@@ loa. O na kauoha mai Hawaii a Niihau, e loaa aku no ia lakou, e hooko koke ia n@ ia me ka lawa pono. E kipa nei ilaila i ike i ka oiaio.    905@