Ka Nupepa Kuokoa, Volume XX, Number 46, 12 November 1881 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XX. HELU 46!

POAONO, NOVEMABA 12, 1881.

NA HELU A PAU 1041.

 

KA NUPEPA

Kuokoa me ke Au Okoa

I H@HA

 

NA OLELO HOOLAHA: -O na Olelo Hoolaha @ 10 laina kakau lima, he Hookahi Dala no ka puka mua ana: elua puka ana, he $1.50; @ hookahi mahina, he $2.00

NA KANIKAU A ME NA MELE: He 10 Kene@a ka uku no ka lalani hookahi, ua like me $1.00 no 10 lalani:

HOOLAHA MAC: E hoomanao na makamaka e hookomo mai i na olelo hoolaha mamua ae o ke awakea Poaha, i ole e kauki ia aku a kekahi pule ae.

            E hoomanao e na lehulehu, aole e hoopuka kekahi Olelo Hoolaha, Kanikau a me ke Mel eke ole e hookaa mua ia mai ka uku.

            E hoouna pololei mai i na leta i ka Nupepa Kuokoa.

 

MOOLELO O NA LA

-O KA-

Haku Visakauna Nelekona, KE DUKE O BERONETI.

 

KE KAUA ANA O NA AUMOKU KAUA BERITANIA, - A ME KO ENELANI MAU PAPU LAAU, &c.

 

@ LOKAHI KA MANAO,-AKA, HE HOOKAHI WALE IHO NO O ‘NELEKONA’

-Earl @ Vincent.

 

KE KAHUA KAUA KAULANA MA KA LAE TARAFALAGA.

 

I KA hiki ana aku o ka Haku Nelekona imua o kona mau aumoku, papa aku la oia, aole e kipa aloha ia kona ha@ no kona hiki ana aku, no ka mea, he hoike ana aku ia i na enemi no kona hiki hou ana aku. O kana mea mua, i hana ai, oia no kona hoomaopopo iho i ke kulana o kona mau aumoku, ua kokoke loa lakou i na kahakai o Kadita he 30 wale no mile ke kaawale. O ka makemake o ka Haku Nelekona, o ka loaa o na enemi iaia iwaenakonu o ka moana a nolaila, ua kauoha ae la oia i kona mau aumoku a hoopuka hou aku la lakou iwaho o ka moana, he 60 a he 80 mile iwaho o na kahakai o Sepania.

            I mea e mama ai na hana me ka l@loiahili ole, a e mau ai hoi ka ike ia o na enemi iloko o ko lakou punana, hookohu aku la ka Haku Nelekona i na moku kialua holo Hydra a me ka Euredlka, o laua na moku kiai iwaho o na kahakai o Kadi@a, ma kahi hiki ia laua ke kau mai i kekahi hae hoailona me ka ike ole mai o na enemi. Ma ka la 1 o Okatoba, hoopii aku la ka moku Euredika ma ka nuku o ke awa o Kadita, a helu aku la i ka nui o na @umoku kaua nui,- he 18 mokukaua Fareni, a he 16 moku Sepania, na makaukou e puka mai iwaho i na manawa a pau.

            Ma ka la 9 a me 13 o Okatoba, hiki hou mai la na mokukaua Royal Sovereign, Blisalio, Aferika a me ka Agemona, no ka hoopuipui ana mai i na aumoku o ka Haku Nelekona, a piha iho la ka ikaika o kona mau aumoku he 32 mau moku ikaika o ka laina hookahi. O kea no kokoke ana e pau na lako ai a me ka wai o na aumoku, nolaila, ua hoouna aku la ka Haku Nelekona ia Rear-Adimarala Louis me na mokukaua elima, e holo i Gibaraleta no na lako ai me ka awiwi nui a o ka holo ana o keia mau aumoku, ua hakahaka hou iho la ko lakou laina kaua ma ka emi ana mai o ka ikaika o na aumoku i ka 27.

            I ka manawa i haawi aku ai ka Haku Nelekona i ke kauoha ia Rear-Adimarila Louis, e holo oia i Gibaraleta no na lako ai huli ae la keia Adimarala a pane aku la i ua Nelekona nei i keia mau olelo: “E kuu Haku,” wahi a Adimarala Louis, “ke hoouna nei oe ia makou, a ke makaukau mai la hoi na enemi e puka mai iwaho, a e loaa ole ana ka hoi ka manawa e kuleana ai makou iloko o keia kaua.” “E kuu hoa’loha Louis.” Wahi a ua Nelekona nei, “aole he ano e a eke ano o ka’u malama ana i ke ola o ko’u mau aumoku-e laa na lako ai a me ka wai, ma ka hoouna ana aku i kekahi hapa o ko’u mau aumoku i Giberaleta no ia mau mea loa e puka mai na enemi, alaila, e hoouka no au i ke kaua me lakou, a e loaa ana no ia ae he manawa nou e komo ai iloko o keia hooili kaua. Ke hilinai nei au maluna ou no na lako ai, a oia ko’u lima akau, a ina aole ia mea, alaila, ua nele au i ka ikaika i ai ae @ amua o ka hinuhinu o keia mau lako kaua.”

            O na moku kiai a ka Haku Nelekoua i hoouna ai, ua hoopae ia aku iuka o ka aina i ka po kekahi mau koa kiai i na aumoku hui iloko o ke awa o Kadita, he 15 mile ko lakou kaawale. O keia mau koa i oleloia, e noho lakou iluna o kekahi puu kiekie, a ina lakou e ike i ka manawa a na enemi e puka mai ai, e kau koke aku lakou i kekahi hae hoailona i kela mau moku elua e lana la i ka moana, a o keia mau moku elua hoi, hoi, na laua e kau hou aku i na hae hoailona i na aumoku o ka Haku Nelekona, me ke ki ana he hookahi pukuniahi, i kokua oiaio no na hae hoailona, ua puka io main a aumoku kaua hui iwaho o ke awa o Kadita.

            Ma ke kakahiaka nui o ka la 19 o Okatoba, oia ka Poaono, hiki mai la i ke kulana o na aumoku kekahi moku nana e lawe mai ana i na nupepa a me na leta a na kona o keia mau aumoku a mai loko mai olaila, loaa mai la i ka Haku Nelekona kekahi leta mai kana kaikamahine hanai mai e noho ana ma kea lo o Ema Hamiletona; a o na olelo aloha a ke keiki i kona makua, oiai oia ma ka moana, kakau iho la ua Nelekona nei i kana leta hope loa i kona Ohana penei”:

 

“Mokukaua Lanakila, ma ka “Moana, Oct. 19, 1805.

 

            “E kuu kaikamahine aloha-Ua loaa mai ia’u kau leta ma kekahi kakahiaka, a ua olioli au no ko’u lohe ana, he kaikamahine maikai loa oe ma ka hoolohe a me ke aloha ia Ema Hamiletona. E honi aku oe iaia no’u iho. O na aumoku kaua hui o ka eami, ua lohe wale ia mai, e puka io mai ana lakou mai ke awa o Kadita no keia alahele; a nolaila, ke hai aku nei wau ia oe e kuu Horitia aloha, o oe ka’u mea e noonoo mau nei i na wa a pau. E hilinai no au no ko’u pakele iloko o ke kahua kaua ma kau pule, i huli hoi aku ai au e ike hou i ko kakou home, a me ko kaua hoa’loha oiaio Lede Hamiletona. E noho me ka maluhia a e hooko hoi i na kauoha e haawiia aku ana ia oe, a e poina ole hoi i kou papa ma ka moana.

“NELEKONA.”

            Ma keia wahi o ko lakou moolelo e na poe heluhelu, e hoomaka kakou i ka heluhelu i ka hoouka ana o ke kahua kaua kaulana o Tarafara’aga i hoouka ia e keia mau aumoku me ka hoomaopopo pono ia o na aoao elua. E waiho iki kakou i na aumoku Beritania e kiai nei iwaho o ka moana, a e kamailio iki kakou i ka puka ana mai o na aumoku hui a me na moku kiai hoomakakiu.

            Ma ka la 10 o Okatoba, haawi aela na Adimarala Nui o na aumoku kaua hui i ke kauoha i ko lakou mau aumoku, e makaukau no ka haalele ana iho i ke awa o Kadita no Toulana. O ka pa pono ana mai o ka makani mai ka hema mai, a puhi pololei aku la i ka nuku o ke awa, na ia mea i hookaulua aku i ka puka ana mai o na aumoku. Mai ka la 10 o Okatoba a hiki i ka la 17, ua mau no keia makani o ka pa ana, aku, ma ke ahiahi nae o ka la hope, ua ano akakuu loa mai la ka makani, a ma ke kakahiaka nui o kekahi la ae, ua hoopuka aku la na aumoku kaua hui iwaho o ke awa, a he 12 wale no mau moku i puka, a koe aku la no na moku nui iloko, a nolaila, ua hookaulua hou ia no lakou mamuli o ka pio ana o ka makani, aka, ma ke ahiahi nae o kekahi la ae, pa pono mai la kekahi makani maikai mai ke kukulu hikina mai, nolaila, o na aumoku aku la i koe iloko o ke awa, ua hoopuka mai la lakou a pau iwaho me ka hoomakakiu ia e na wahi koa o luna o ka puu a me na moku liilii.

            I ka manawa i puka mai ai na aumoku kaua hui iwaho, a ikeia aku la na aumoku liilii hoomakakiu e lakou, manao iho la o Vilenua a me Garavina, ua kokoke loa lakou e hui me na aumoku Beritania iloko o na hora pokole, nolaila, ma ke ahiahi o ua la nei, malama ae la o Vilenua i kekahi halawai holomoana o na aliimoku, a iloko hoi o ia halawai ana a lakou i waho aku ai o Vilenua i ka papa kuhikuhi kaua o na aumoku e like me keia.

            He 33 m@u aumoku kaua ikaika o na enemi ma ka laina hookahi, a ua mahele ia i na mahele nui elima, a he elua hoi Alihikaua Nui nana e alakai ana i keia mau mahele. O na mahele mua ekolu, malalo ia o Adimarala Vilenua, a o na mahele hope elua malalo ia o Adimarala Garavina. A aia hoi malalo o Vilenua, he elua Adimarala Paniolo, o Vice-Adimarala De Alava, nana e alakai ana ka mahele mua, o ka mahele iwaena malalo ia o Vice-Adimarala Vilenua, o ka mahele ekolu, malalo ia o Rear-Adimarala Domanoir. O na aumoku kaua hope malalo o Adimarala Garavina, o ka mahele mua malalo no ia o kana alakai ponoi ana, a o kona hope aku hoi mahope aku ona, o ka lima o na mahele, malalo o ke alakai ana a Rear-Adimarala Mago@a. I ka manawa i haalela aku ai na aumoku kaua hoi i ke awa o Kadita, ua makaukau mau lakou ma ko lakou laina i na wa a pau, no ka hui ana aku me na enemi. O keia papa kuhikuhi malalo iho nei, e hoike ana ia i ka inoa o na moku a me na alakai kiekie o na aumoku kaua hui i komo a kahe ko lakou koko iloko o keia kahua kaua kaulena.

NA AUMOKU FARANI.

Bucentaure-Vice-Adimarala, P, Ch. J. B. Vilenua; Kapena Jean-Jacques Magendie.

Formidable-Rear-Adimarala P R M E Dumanoi-le-Pelley; Kapena Jean Marie Letellier

Neptune-Ko@odoa Esprit-Tranquilee Maistral.

Indomptable-Komoda Jean Joseph Hubert.

Algesiras-Rear-Adimarala Chas Magon; Kapena Gabriel Auguste Brouard.

Pluton-Komodoa Julian Marie Cos-Kerjulien

Mont Blanc-Komodoa Guill Jean Noel L@ Villegris.

Intrepide-Komodoa Louis Antoine Cyprien Infernet.

Swiftsure-Kapena C E L’Hopitalier Vilemadrin.

Aigle-Kapena Pierre Pau Gourrege.

Scipion-Kapena Charles Berenger.

Duguay-Trouin-Kapena Claude Touffet.

Berwick-Kapena Jean Gilles Filhol-Camas.

Argonaate-Kapena Jacques Eproa.

Achille-Kapena Gabriel Denieport.

Redoutable-Kapena Jean Jacques Etienne Lucas.

Fouguex-Kapena Louis Alexis Beaudouin.

Heros-Kapena Jean Bap. Jos. Remi Poulain.

Na Moku liilii-Cornelie, Hermione, Hortense, Rhim, Themis.

Na Kialua-Argus me Furet.

NA AUMOKU PANIOLO.

Principe de-Asturias-Adimarala Don Frederiko Garavina; Rear-Adimarala Don Antonio Escano.

Santa-Ana-Vice Adimarala Don Ign. Maria de Alava; Kapena Dona Josef Gardoqui.

Santisima-Trinidad-Rear Adunaraka Don B Hidalgo C@sneros; Komodoa Don Franc sco de Uriate.

Rayo-Komodoa Don Enrique Macdonal.

Neptuno-Komodoa Don Gayetano Valdes

Argonauta-Komodoa Dona Antonio Parejas.

Bahama-Kapena Don Dionisio Galiano.

Montanes-Kapena Don Josef Salzedo.

San-Augustin-Kapena Felipe Xado Cagigal.

San-Idelfonso-Kapena Don Josef Bargas.

S. Juan-Nepomuceno-Kapena Don Cosme Churruca.

Monarca-Kapena Don Teodoro Argumosa.

S. Francisco-de-Atis-Kapena Don Luis de Flores.

San-Justo-Kapena Don Miguel Gaston.

San-Leondro-Kapena Don Josf Quevudo.

Aole i pau.

 

Nuhou o ko na Aina e!

 

IAPANA.

            O na nune nui ma Iapana i keia wa oia no na hookee a me na kuee mawaena o ka poe hana Silika. Ua hoalaia he mau hui hana Silika ma na makeke kuai Silika o Iapana. Ua ala keia mau hana kuee mawaena o na hui hana Silika o Iapana e hoopii ana i na kumukuai a e hoemi ino loa ana hoi kekahi hui.

            Ua hiki ae ma na kapakai o Iapana kekahi makani ikaika loa ma ka honua nei oia ke Typhoon, a ua hoopoinoia na moku e ku ana ma na awa. Aole i hiki aku ka i aika o ka makani i ke kulanakauhale o Iapana nolaila aole i nui loa na mea i hoopoino ia ma ke kulanakauhale. O kekahi moku kalepa i piha me ka lanahu mai Enelani mai, ua puhi ia e ua makani nei iuka o na kapakai a ua pau i ka nahaha.

            Ua hiki ae ma Iapana na aumoku kaua o Kina malalo o Adimarala Willes.

            Ua pahola e kekahi lono ma Iapana penei: Ua manao ke Aupuni o Kina e hooko i na kuee mawaena ona a me Iapana ma o kekahi hihia mawaena o laua ma o ko Kina lawelawe ana i na mea kaua.

            O ka huina nui o na kanaka e noh nei ma Iapana me ka helu ole ia o na kanaka e noho nei ma ka mokupuni o Bo@i@, he 35,925,311.

            O ka mai Kolela i laha iho nei ma Iapana, ke hoomakaukau nei ke Aupuni e hana i kekahi hana e hoopau ai i ka laha ana o ua mai nei ma na palena o ka aina.

            Ua make mai nei ka Hooilina Moi o Iapana ma hope iho o kona kea mai ana no ka manawa loihi.

KINA.

            O ka makani ikaika i hoea ae ma na kapakai o Iapana, ua hoea loa ae ma Kina, a ua oi loan a mea i hoopoina ia ma Kina mamua o Iapana. Ua hiki ae ua makani ikaika nei ma Amoy a me Foochow, a ua nui na moku, na ukana e hoomakaukau ana e hooili maluna o na moku, na kanaka ma na uwapo a ma na hale i ka naliaha, lilo i mea ole a pau i ka make.

            Ua hiki mau ae na nuhou weliweli ma ke kulanakauhale o Kina main a apana aina e hoike ana no na hana weliweli a keia makani i hana ai maluna o ko lakou mau hale a me na waiwai. Ma na aoao a pau o na alanui, e waiho mokaki ana na hale i hoohiolo ia e ka makani, a me na kino kanaka i make ma o ka hiolo ana o na hale maluna o lakou.

            Ma Ningpo, ua oi loa aku ka weliweli o na hana a ka makani. Ua pii ae ke kai he 30 kapauai a oi ma na muliwai a hu aku la ma kela a me keia aoao o na alanui, a nolaila ua hooholia na waapa ma na alanui i alahele e hiki aku ai i na hale. O na kanaka e hele ana ma ua alanui ua pau i ka make ma o ka pa hikiwawe ana o ka makani a me ka pii hikiwawe ana o ka wai o na muliwai a halana i na alanui. He mau moku ke ku ana ma ke awa, ua lilo he mau luahi na keia makani.

            O ka mai Kolela e laha nei ma Iapana, eia ke @uha nei ma Kina ma ke kulanakauhale o Shanghai.

            Ua hae@ ia na mahalo maluna o kekahi Alum@ ma Kina ma o kona hoopakele ana i ke ola o 23 kanaka mai luna mai o kekahi waapa oiai ua waapa nei iloko o ka poino nui a e uhi ana ke kai maluna o ua waapa nei, a e pa ana hoi ua makani nei maluna o ke kai a me ua wahi waapa nei me ka ikaika.

            Ke laha nei he lono ma na aina e mai kekahi mau apana aian o ka Hema loa o Kina no kekahi hana powa ma ka moana i hanaia e kekahi mau moku o Kina. Ua loaa aku he waapa me 7 kino kupapau maluna ua pae ma kahakai o kekahi mokupuni liilii.

NA MOKUPUNI PILIPINE.

            Ua hoike ae ka nupepa o ke kulanakauhale Manilla i kei mau lono malalo iho:

            O ka makani ikaika Typhoon i hoopoino ai i na moku a me na hale o Kina a me Iapana, ua hiki loa aku ma na kapakai o keia mau mokupuni hulu. O na hana a ua eu nei ma keia mau mokupuni, ua oi loa aku ka poino. O na kauhale ma kekahi kulanakauhale i kukuluia me na laau mama, aole hookahi o lakou i pakele mai keia makani aku a he kuanea wale no na hiona o keia kulanakauhale i keia wa.

            Ma manilla, ua hoonau@@e ae kekahi olai ikaika, a hoohanee ia ka puo’a o ka luakini e ku nei ma ia wahi. Ua ikeia kekahi luapele ma kekahi mokupuni o keia poai hookahi. Ua oleloia no ka ikaika loa o ka makani, aole he hiki i ke kanaka ke ku imua o ua makani nei.

(E nana ma ka Aoao 3.)

 

KOKUA I KA OIAIO.

 

            Ua ikeia ma “ka Elele Poakolu” o ka la 26 o Okatoba i hala, na hoakaka ana i na olelo a Limaikaika i ikeia ma kekahi nupepa o Nu Ioka, e pili ana i kona olelo ana i ka Lahui Hawaii nei, a ua lilo ia olelo ana i mea e manawahua ia ai, oia hoi keia:

            I kona manawa i ninauia mai ai i ke kulana a me kea no o keia  lahui, a ua hai aku la oia, aole e hala he Kanalima makahiki i koe, alaila, e pau loa ana ka Lahui Hawaii.

            O keia hoike ana a Limaikaika, he hoike ana ia i ka oiaio o na mea e oleloia iwaena o keia lahui, oiai aia iwaena o na Hawaii Ponoi, he nui ka poe i olelo e pau ana keia lahui, a o na lahui e ka mea nona ka aina. Penei na kumu:

            He nui ka Mai Lepera e puka nei iloko o keia lahui; o ka hoea mau o keia nao mai iwaena o keia lahui he kumu ia e hoemi ai i keia lahui; i ka wa e loaa ai i keia ano mai, aohe manaolana ana i koe e pakele mai ana kekahi hapa o ka lahui.

            Ke noho mau nei ka mai kaokao iloko o keia lahui. He mea maopopo, o keia mai kekahi mea ana e hoemi nei i keia lahui. Ina e nana aku i ka Halemai Moiwahine, oia ano mai ka hapanui o na mai e noho nei, aka, e ola ana no ke lapaauia aka, o na keiki e puka mai ana mai loko mai o lakou, aohe maikai o ko lakou ola kino, a aole emo make no; alaila, ua lilo keia ano mai i kumu e hoomailo ai iloko o keia lahui, a nele ka ulu o ka lahui.

            Aole i ike keia lahui i ka malama ana i ke ola kino. He mea mau iwaena o na lahui naauao o ka honua nei, hooikaika mau lakou i ka malama i na @@l@ o ke ola kino, no ka mea, o ka malama pono ia o ka rula o ke ola kino, oia ke kumu e pili ole mai ai na mai ino i ke kino, a e maikai ai hoi ke ola kino; o na keiki e puka mai ana mailoko mai o lakou, he maikai na ola kino, a he poe ola loihi hoi, aka, no ka ike ole o keia lahui i ka malama ana i ke ola kino, he kumu ia e hoemi ai i ka ulu ana o keia lahui.

            Aole i hoomalu pono keia lahui i ko lakou noho maemae ana. Ua manaoia o na Kula Hanai e ku nei iloko o keia Aupuni, o lakou na home o ka hoomalu pono, aka a pau ka noho ana o na keiki ma keia mau kula, i ka puka ana o na keiki ma keia mau kula, i ka puka ana mai o ka hoomaka no ia o ka auwana ana; o ka mana hoomalu i ao ia ai ma na kula, ua lilo i ole, o ka pili mai no ia o na mai inoino loa, o ka hopena aole e loaa na keiki, ina e loaa ana na keiki he mau keiki nawaliwali loa, aohe manaolana no ka ulu o ka lahui, nolaila, o ka ike ole o keia lahui i ka hoomalu pono ia lakou iho, he kumu ia e hoemi ai i keia lahui.

            Aole i pau ke koena naaupo o keia lahui Hawaii, ke ku nei keia lahui iwaena o ka malamalama o ka naauao kanaono makahiki a oi, aka, aole i pau ke koena naaupo. Ina e nana pono ia na kumu i hai mua ia ae la maluna, alaila, he mau hoike ia no ka pau ole o ke koena naaupo iwaena o keia lahui. O ka piha o ka lahui holookoa a pau loa i ka naauao, oia kekahi kumu e ulu ai ka lahui; o ka pau ole o ke koena naaupo, he mea no ia e hoemi ai i ka ulu ana o ka lahui.

            Owau no, J W WAIANUHEA.

 

KAUKA EMEKONA.

MA ka la mua o keia malama ae, oia o Novemaba 1, e nee ana o KAUKA EMEKONA mai kona Keena Hana ma ka Hale Laau o Hopamana ai kona wahi noho ma Kaakopua, huina o ke Alanui Kukui me ke Alanui Papu.

            HORA HANA. -9 a 11 o ke kakahiaka, 2 a 4 o ke ahiahi. E loaa no ia ke kaheaia ma ka uwea telegarapa.

1038 @

KALE NILEKONA

KAUKA LAPAAU,

Keena ma ke kihi o Alanui papa me Hokele

HONOLULU

O na mai o ka Maka,

Pepeiao a me ka Puu.

UA MAKAUKAU OIA MA KA LAWELAWE ANA

 

CHRISTIAN CERTZ

 

Mea Hana Buti

 

-ME-

NA KAMAA MAOLI!

 

Alanui Papu, makai o ke Keena o Lui & Pick@@@

 

KE HAI AKU NEI OIA I NA MEA A PAU

 

Ua hoi mai oia mai Kapalakiko mai,

Ilaila Oia i ohi kino mai nei i na waiwai nani a pau o kona oihana, a ke waiho ia aku nei no ke kuai ana no na kumukuai o ka manawa

 

HE MAU WAIWAI PIHA O NA BUTI

 

Na KAMAA HAAHAA a me na ano kamaa no na Lede. Na Buti, na Kamaa Haahaa a me na ano kamaa e ae a pau no na Keonimana.

 

NA BUTI & KAMAA HAAHAA

A ME NA ANO KAMAA E AE A PAU

NO NA KAMALII!

NA KAMAA O Na ANO HE NUI

O NA KAMAIKI OPIOPIO.

 

            O neia mau mea a pau ua hanaia me ke akamai loa a me ka paa o na ano hou loa, a ke @ ia aku nei ia mau mea e like me ka mea i olelo ia.

            @ E lawe ia no na kauoha main a Mokupuni me ka ma@@ me ka eleu. @

 

E. Cook Webb. M. D.

HOMEOPATIKA.

 

(@ka o ka Halemai Homeopatika, ma ka Mokupuni Ward’s N.Y.)

            KEENA OIHANA-Helu 60, Alanui Papu. Makaukau mau e lawelawe i na pilikia mai o na wahine a me na kamalii.

            HOLA HANA-Mai kakahiaka a hora 10 am-2 a i ka 4 pm. 967 4m

 

MAIKAI KA HOI KA PAPA

-A ME-

KA LAAU O KOU HALE!

NO HEA IA?

KAI NO HOI NO KAHI O

WAILAMA!

 

Nana aku no hoi ia ia

Ohi ka lo o ka Laau o Makawao

I ka ua mea hoi o ka nani

 

Na PAPA! Na PAPA!

-A ME-

NA PONO KUKULU HALE

O NA ANO NO A PAU

 

Aia ma ke kihi o na

 

ALANUI PAPU me MOIWAHINE

 

HONOLULU

 

MALAILA E LOAA AI

E LIKE me ka MAKEMAKE

-NO KE-

KUMUKUAI MAKEPONO LOA

 

PAPA, PAPA, PAPA,

Na Papa Huluhulu,

Na Papa Manoanoa.

Na Papa i kahiia

Na Papa Kepa.

Papa Hole Keokeo.

Papa Hole Ulaula.

 

NA LAAU, NA LAAU

Na Kua.

Na Kaola.

Na Aaho.

Na Molina.

 Na Paupea.

Pine Huluhulu,

Pine @

 

NA Papa a me na Laau @

 

Pili ulaula,

Pili Keokeo,

Pani Puka,

 

Pani Puka Aniani,

Ipuka Aniani,

Puka Olepelepe.

 

PENA O NA ANO A PAU

Hulu Pena mai ka Liilii a ke Nui,

Aila Pena.

Aila Hoomaloo,

Waniti, Pate.

NA LAKO O KELA A ME KEIA ANO

Na Ami Puka Hale.

Na Ami Puka Pa

ANIANI!

 

Pepa Hale a me na Lihilihi

E LOAA NO MALAILA

 

PAAKAI HELU 1 O KAKAAKO me PUULOA

            No ka Dala Kuike, e loaa no na mea a pau i hai ia ae la, no ke Kumukuai Emi loa. O na kauoha mai Hawaii a Niihau, e loaa aku n oia lakou, e hooko koke ia no ia mea ka lawa pono. E kipa mai ilaila i i ike ka oiaio. 906 tf.