Ka Nupepa Kuokoa, Volume XX, Number 44, 29 ʻOkakopa 1881 — NA ANOAI O KA MAKANI APAAPAA O KOHALA. [ARTICLE]

NA ANOAI O KA MAKANI APAAPAA O KOHALA.

'E ka Nupepa Kuokoa e; Aloha oe : He mau wahi mea hou ka'u e hoouna aku nei, a nau ia e hoolawa ae i na poe puni mea hou o ke Kuokoa. Wai ole. He mea hou ano nui keia i ike ia ma keia apana, aole no pela mai mua mai. Ua maloo loa na kahawai a me na auwai aole wahi pipiwai, a iahona ko Kohala nei mau wiliko e noke nei i wai mapuna o kuahiwi. Ua manao wale ia, ina pela mau aku a hala he mau mahina hou, e pilikia loa ana ko Kohala nei poe kanaka a me nu holoholona. Na hana ku i ka Pono. Ma ka hiki ana mai o Mr Halanabeka ia nei iloko o Sept a haioielo ma loko o ka lua kini o lole. Ua nui na poe haole, ame na kanaka i akoakoa ae e lohe i ka pono, a ua hua nui mai ia hana i keia mau la mawaena o na haole a he kakaikahi o na kanaka Hawaii. Ke oia mau nei ka nee ana o na hana kula Sabati o Kohala nei. Ua koho lokahi ka aha kula Sabati ia O Kahai Jr i mea nana e alakai i ke kula Sabati ma na himeni e pili ana ia hana, a ua lana ka manao e holomua ana kana mau lawelawe ana, No Mahukona. He mea nani i ka poe waiwai, e like me S G Waila & Co, ka lawe ana mai i na mea ano hou a hookahua ma Mahukona, kela wahi panoa a ua kohu taona maoli no i keia mau la, he mau hale laau, a he mau uwapo a ke hoomoe nei ka hao o ke alahao o Kohala nei. He mau ia mau wahi mea hou. O ke aloha no kou, a me na keiki o ka Papapai. Jefferson B Kaleihopu. Kohala, Oct 15 1881.