Ka Nupepa Kuokoa, Volume XX, Number 36, 3 September 1881 — Page 4
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
HUIIA.
No ka Makahiki, $2. Eono Mahina, $1.
Daia Kuike ka Rula.
KOMITE HOOPONOPONO
HEZEKIA AEA.
POAONO SEPATEMABA 3, 1881.
HOOLAHA EUANELIO.
Ua hoololi ia ka halawai ana o ka ahahui euanelio o Hawaii hikina, mai Opihikao aku, aia ma Kalapana, Puna.
No ka hoolaa ana i ko laila mau luakini, aia ma ka la 8 o Sepatemaba, Poalua elua 1881.
Nolaila, e eleu na lala o ka aha euanelio a me na kahu kula Sabati, na elele oia oihana me ka makaukau, ma ka manawa i olelo ia maluna me ke kuipehe ole.
Ma ke kauoha,
J S Kalana, Kakauolelo.
HOOLAHA HALAWAI EUANELIO.
E hui ana ka aha euanelio o Hawaii akau ma Kohala komohana ke hiki aku i ka la 7 o Sepatemaba 1881.
He pono i na lala a pau oia aha hui e eleu mai.
S C Luhiau
OLELO HOOLAHA.
Kula Nui o Lahainaluna.
E hoomaka ana ke Kula Nui o Lahainaluna mai ka la 18 o Iulai a hiki i ka la 14 o Sepatemaba o keia makahiki, a ma ia la e hoomaka ana ka makahiki 51 o ke Kula.
Nolaila, ke Kauoha ia aku nei na Haumana a pau i keakea ia ko lakou Hoi hou ana mai i ke Kula, e ka Mai Puupuu Liilii o na mahina i kaa hope ae nei. E makaala a e Hoi mai i ka Home Naauao ma ka la i olelo ia maluna.
A ke Kauoha ia nei no hoi na Luna Kula o na Apana, na Kumu Kula, me ka poe e ae a pau e manao ana e Hoouna mai i na Keiki i ke Kula, e Hoouna mai mamua o ka la i olelo ia maluna.
H R HITCHOCK.
1023 2m.
Haawina Kola Sabati.
HELU 12, SABATI, SEPT 18, 1881.
KUMUHANA.
KA HOI HOPE.
Pauku Baibala. Puk 1 a hiki i ka mokuna 32.
Pauku Gula,
Mele,
Pule,
Na ninau &c.
Na kane. Owai ka inoa o ka buke i kula ia ai ma keia hapaha?
Nohea ia inoa, Pukaana?
Aia mahea na Iseraela?
I ka manawa hea ko lakou hele ana i Aigupita? Heaha ke kumu o ko lakou hele ana? Pehea kolakou nui ia wa? Nawai lakou i malama ma Aigupita? Owai Iosepa?
Owai ka moi ia wa? Parao ehia keia? He Parao anei mamua aku?
Mahea i maopopo ai? Kin 12;15, heaha a mahea Aigupita?
Na wahine. Nohea ka inoa, Iseraela? Heaha ke ano? Owai lakoba, owai Isaaka, owai Aberahama, mahea kona wahi mua, ka makua ia o ka poe hea?
Heaha ka ke Akua hoohiki nona, a no kona poe mamo? Mahea lakou ma Puk 1? Ehia lakou i ka hoomaka ana e noho ma Aigupita?
Pehea ko lakou mahuahua ana? He Parao aha i ka wa e ola ana Iosepa A make Iosepa me ia Parao, he Parao aha maope iho? Oluolu anei oia i ka mahuahua ana o na Iseraela? No ke aha ka makau? Ma ke aha i manao ai oia e hooemi i na Iserala? Ua hooko ia anei kona manao? Pehea lakou?
Na keiki. No ke aha i pepehi ia ai na keikikane Iseraela i ka wa i hanaua ai, owai kai kauoha e hana pela? Owai kai imi e pepehi ia Iesu i Kona wa uuku? Ko anei ka manao o Herode, Mat mok 2.
Mai imi oukou e pepehi ia Iesu ma ka hana hewa ana. Owai ke keiki liilii i minamina nui ia e na makua, a hoopakele ia i ka make? Owai na makua o Mose? Heaha ka laua hana i ole e make ke keiki, huna ia ehia malama?
Mahope waiho ia mahea, maloko o ke aha, owai ia muliwai? Ike ia ka waa kome e wai? Haawi ke kaikamahine a Parao ia wai e malama nona? Owai ke kaikamahine a Mose? Kii oia ia wai e malama i kona kaikunane liilii no ke kaikamahine a Parao, Puk mok 2.
E aloha a malama pono oukou i na hoa liilii.
Ke kula a pau. Aia ka poe Iseraela ma Aigupita. E mau ana anei ko lakou noho ana malaila? Ua hoohiki ke Akua e lawe ia aku lakou mai Aigupita a i hea? Aia mahea Kanaana? Ehia makahiki e noho ai lakou ma Aigupita a lawe ia aku i Kanaana? Ua mahuka nae Mose i hea? No ke aha, ehia ona mau makahiki ia wa, ehia ona mau makahiki ma Midiana? Me wai, heaka kana hana?
Mahea oia i ka wa i hea aku ai ke Akua ia ia e hele i o Parao la, a kena ia ia e hookuu i ka poe Iseraela e hele mai Aigupita aku? Ua ae koke anei Mose e hele? Kamailio ke Akua ia ia mai loko mai o ke aha? No ke kanalua ana o Mose, owai kai koho ia e hele pu? Ehia makahiki ka oi o Aarona i ko Mose? Hele laua me ke aha ma ko laua lima? He poe kauwa kuapaa na Iseraela na wai ia wa? Heaha na hana hooluhi a lakou i hana ai?
Ae kokoke anei Parao e hookuu i na Iseraela?
Heaha kana mau olelo hookano?
Mele,
Na kane. Heaha ka hana a Mose me Aarona i maopopo i ka poe Iserala, na hoouna o Iehova ia laua e hookuu ia lakou e hele aku i Kanaana?
I ko Parao hoole ana, aole e hookuu, e hia hana mana hoopai a ke Akua i hana ai ma o Mose la mamua o ko Parao ae ana e hookuu i ka poe Iseraela.
Na wahine. Owai ka wahine i hiki ke hai paanaau mai i keia mau hoopai he 10? E ku iluna a hai mai. Paa ole ka ia oe. Hoao kekahi mea e. Aole ole, hoao kekahi kane, haule ea kekahi, hoao kekahi keikikane, paa ole ea.
Malama ua paa i kekahi kaikamahine, hoao paha, koko, rana, mai puupuu, makika, hua hekili, pouli, make o na hiapo, aole pololei loa. Owai ke hiki ke hai pololei; mai? maikai.
Nou kekahi buke @imeni hou ke puka mai?
Na keiki. Heaha ka hoopai he10 a ae Parao e hookuu i ka poe Iseraela? Owai ke keiki i pepehi ia?
Weliweli anei na kapapau ma na hale Aigupita? Pehea ma na hale Iseraela?
Heaha ka hoailona i akaka i ka anela na hale Iseraela, nohea ia koko?
Heaha ka ahaaina i kukulu ia i mea hoomanao i ko Iehova hoopakele ana i na keiki hiapo a na Iseraela? Kela Keiki Hipa kina ole me Kona koko i hapala ia ma na puka, he hoailona ia no wai? hai mai Io 1 29, 1 Pet 1;18.19.
E nana oukou ia Iesu, e paulele ia la, e hai mamuli Ona, i kala ia na hewa, i ola oukou.
Mele. Make Iesu no'u.
Ke kula a pau. Owai ka malama i puka aku ai na Iseraela mai Aigupita aku? Lilo ia i malama hea o ka makahiki Iseraela? Owai ka malama mua mamua?
Ua hookuu Parao i na Iseraela, pehea oia mahope?
Pehea i pakele ai lakou i kona alualu ana, ma ke aha i pau loa ai Parao ma?
Nohea ka ai, ka ia, ka wai no Iseraela ma ka wa@na hele? owai ka inoa o ka ai?
Owai ko kakon barena io me ka wai io?
Heaha ka hana kupanaha loa ma ka mauna o Sinai? Hai mai a pau pono.
Ehia kanawai i haawi ia mai? Ma na papa pohaku ehia? Ehia makahiki papa, ehia ma kekahi, nowai ka mua, nowai ka lua, owai na kanawai nui elua?
Pualu like mai i na kanawai he 10.
Heaha ka hana kipoi ia Mose ma ka mauna?
Heaha ka hoopai? Ma ka uwao o wai i pakele ai ia lahui a pau i ka make.
Owai ko kakou mea uwao? Heaha ka mea e mana ai ko Iesu uwao ana?
Na manao paipai,
Mele,
Pule,
Haawina no Sept 25. I Kor 9;22—27.
HAINA O NA NINAU BAIBALA A BENI.
He mahalo nui ko'u i ka ike ana i na ninau baibala a Beni o Honolulu, i hoopukaia ma ka Helu 25 o "Ka Elele Poakolu," a he ku i ka noiau—a eia mai na ninau a me na haina pu i ku i ka noiau.
Ninau 1—Owai ka iaoa o ke Kaula nana i lawe aku i ka liona a ke alo o Iehova pepehi, a paa mai o Iehova ma ke alelo, a paa aka ke Kaula ma ka huelo?
Haina—O Beni ke Kaula nana i lawe aku i ka liona. Penei no ia; O oe no ka mea i lawe i ka palapala hoopii imua o ka Ahaolelo o ka M H 1880, e hoonoaia ka inu ana o na kanaka i ka rama; o ka rama, oia ka liona i pepehiia.
Ninau 2—Owai o na holoholona a ke Akua i hana ai i hoohalikeia kona iwi me ka auka hao a me ke keleawe?
Haina—O oe no e Beni, ua holoholona 'la, oiai o kou mau iwi iloko o na la au e la we hele ana i kela palapala hoopii, ua oolea loa ia e like me ko ka hipopokamu, me ka manao ole i ka maluhia o kou aina a me kou lahui.
Ninau 3—Owai ka inoi o ke kulanakauhale i hoohalikeia me he kiowai 'la?
Haina—O ka Opu o ka ope makamake i ka inu rama, e like me oe e Beni, oiai, o kou makemake, o ka lilo o na opu @o kou lahui i kiowai no ka rama.
Ninau 4—I ka makahiki hea o ke ao nei i lilo ai o Aarona i levi iwaena o ka Iseraela?
Haina—M H 1880, oia ka makahiki i lilo ai na kahuna i levi, i poe @wao i ka Lahui Hawaii, a hele lakou imua o ka Moi, e noi aku ai, mai kakau inoa i ka bila rama.
Ninau 5—Heaha ka mea i ikeia ma Ierusalema i na la o Isaia?
Haina—O ka lokahi o na haipule mai Hawaii a Kauai, e noi ana i ke Akua aole e aeia ka Bila Rama a Beni e holo. Penei: o Honolulu nei oia o Ierusalema, Isaia oia @a poe haipule.
Ninau 6—Owai ka inoa o kekahi kanaka kiekie iwaena o @ mam@ a ka Isaraela, @ pahi ana i ka pu keleawe?
Haina—O oe no e Beni @a kanaka la e puhi ana i ka pu keleawe, oiai, o oe ke kanaka kiekie iloko o ka Lihui Hawaii, e hele ana iwaena o ke kulanakauhale o Honolulu nei, e kahea ai i na kanaka e kakau inoa malalo o ka palapala hoopii hoonoa @a ma.
Ninau 7—O ka inoa o ka lahui he ao ke ao nei ka hoohalikeia me na laau Oliva?
Haina—O ka Lahui o Hawaii nei; ua heluia ma ka papa o ka maluhia; ina o kau e Beni o ka inu akea o na kanaka Hawaii i ka rama, ina ua hoohalikeia me ka laau oliva.
Ninau 8—O ka poe hea o ke kulanakauhale kai hoohalikeia me na ilio hae o ke ahiahi. No ka mea, i na ahiahi o na la e noho ana ka Ahaolelo, he nui na leo e hooho ana, e noa ana ka rama, a pela aku; ua kohu iho hae.
Ninau 9—Heaha ka mea i oleloia a i hoohalikeia me ke kao hihiu?
Haina—O ka pae inu rama, oia ka mea i kapaia a i hoohalikeia me ke kao hihiu, no ka mea, he poe ahiu lakou mai ka maluhia aku.
Ninau 10—I ka makahiki hea o ka honua nei, i kaheaia o Aberahama?
Haina—M H 1880, kahea mai ke Akua i na poe haipule e komo ma na luakini e haipule ai, i ko ole ko makemake e Beni.
Ninau 11. I ka makahiki hea o ka honua nei i hookahuliia ai ka hale pakui o Babela ma ka aina o Nota.
Haina. M H 1880, hookahuliia ka makemake o na Lunamakaainana i kokua i ko bila rama e Beni, a me ka Morino mau hana; o lakou ka hale pakui o Babela.
Ninau 12. I ka makahiki hea o ke ao nei i noho alii ai o Davida no ka Iseraela?
Haina. M H 1820, noho alii iho la o Davida maluna o ka lahui ou e Beni ma o kana keiki la, a hoomalu mai la ia Hawaii nei.
Ninau 13. I ka makahiki hea i lawe ola ia ai o Elia i ka lani?
Haina. M H 1880; oia ka makahiki i laweia ko bila rama e hoolewa, a ka@uia i Waikiki i ka ilina o Hamohamo.
Ninau 14. I ka wa hea i lukuia ai ko Sodoma a me Gomora?
Haina. M H 1880, lukuia na manao kiekie o Beni a me na hoa ona, e pili ana no ka bila rama.
Nina@ 15. I ka makahiki hea hoi i pio ai o Iehoakima ke Alii o Iuda, ia Nepukaneta ke Alii o Babulona?
Haina. M H 1880, oia ka makahiki i pio ai o Beni ke Alii a o ka Luna Nui o ka Bila Rama.
Ninau 16. I ka makahiki hea o ke ao nei i noho alii ai o Geruta no Peresia?
Haina. M H 1880, oia ka makahiki i noho alii ai ka lanakila maluna o ka Bila Rama.
E ka makamaka e--o ka pau keia o na ninau me na haina kupono. He nui kuu mahalo i keia mau ninau Baibala, aka, he wahi anuu iki ko'u, oia keia: He makau loa oe e Beni i ka puka o na hale i waiho ai ka Baibala, ua hoohiki ka oe aole e hele a kiei ma ka puka o na hale halawai, o ike aku ka oe i ka Baibala, hoomakaukau mai ka ia oe; A haohao no hoi au i ka loaa ana o keia mau ninau ia oe, oiai, he huhu ka Baibala i ka ona rama; manao au, ua hiamoe ka Baibala kii malu ia e oe keia mau ninau a lawe ia mai, pela i loaa ai ia oe.
Eia hoi kekahi minamina loa au i ko hiki ole ana ae i ka po i haiolelo ai ka haole hoole waiona ma Peleula, ina ua lohe pono oe i ka hewa o ka rama. Ma keia inoa Beni penei ka unuhi ana: "John-Beni-William-Kaulainamoku,--Honolulu, Mokupuni @ Oahu." Ke hooki nei au maanei, a mai huhu e ka io o kuu io, a me ka iwi o kuu iwi. P N HONOLULU.
NA HUNAHUNA MEA HOU O KIPAHULU.
Ua manumanu a pukapuka o luna o ka hale o ke Akua, ma Kipahulu, ke hoolei iho la na kukuna o ka la i kona kilohi ana i na noho o loko, a ke kuupau mau iho lahoi na paka-na lokuloku i kona kuha kelekele, ma na paia puna o ua Betela ala. Minamina wale.
Ua pii ae ke kul@na o ka noho ana o na kamaaina i keia wa ma ke ano ulakolako, ua laha ae na hale laau maemae i ko laila mau kupa, o ka uala a me ke ko ka waiwaiwai nui o ka aina, no ka mea, ua kokoke loa ka mahiko malaila.
Ua launa pu ae ke komite kaahele, Rev O Nawahine, me ke anaina mahuahua i hialaai ae ma na luakini, ma ke Sabati la 21 o Augate no ka lohe ana i ka leo makamaka hou, no na hua maikai o ka pono, no ka pomaikai hoi o na uhane.
Ko Hana mau Hiaai.
Ke hooikaika nui nei kekahi mau keiki lalawi o ka ua apuakea i ka palau ana i ka aina, ua kanalima paha a oi na eka i palau ia, ke ulu nei ke ko o kekahi mau eka.
He kulana hanohano ke kilohi aku ana i ko laila mau keonimana a me na lede, o ka oi nae o ka waipahe a me na hooleina o na huaolelo hoomakeaka walohia, a ku i ka hoolana manao oia no ka mea i mahalo ia S W K.
Ua i@lu mai la ka ekalesia o Hana no ka halepule o kahi ekalesia pokii o Paia he $41,05.
He nui ka i@oiao a me ka pilikia loa o kamahele no ke alanui mai Nahiku mai a i Kaloa, no ke aha la e hoohemahema ia nei keia omaikai n@i o ke aupuni @ kona mau luna aupuni.
Na mea hou o ke Koo@au ma Nahiku.
Ua ike na me ke kamaha@, ka naaua@ a me ka noho haipuleio ana, me ka paanau o ka @ nui o ka ba@bla i kekahi lunakahiko o@a ekalesia, oia hoi o Makuakane.
Ua ala a eleu me ka maemae ka noho ana o ko laila mau kini, he eleu pu no hoi i ka imi ana, ma na mea e holo ai ke aupuni o ke Akua, ua lulu lakou no ka luakini o Paia he $18.60.
No Keanae.
Ua hookelakela ae kekahi keiki opiopio, ma na hana noeau, hana lima ike, oia hoi ka humuhumu i na paalole o na kane a me na lole o na wahine me na pihapiha maikai a me ka ulana ana i ka moena Hawaii, o J@o Kuehu kona inoa, aia ma lao ma Wailuku i keia wa.
Ua hapai ae kekahi kaikamahine i kekahi hana kaulana e hiki ai ke mahalo nui ia iwaena oia apana, ma ka hana hou ana a paa kekahi hapa o luna o ka luakini me ke pili laau hou.
Owai la hoi ke kupua a me ka eueu, nana e hoala hou ae, a paa hou ae kekahi aoao e pukapuka nei. O ka inoa o ka mea i hai ia ae la maluna, oia no o Mrs Kamaka. Welina wale.
NA MEA HOU O HAMAKUA A ME HILO.
Hamakua.
Ua hiki mai ke Alii ke Kahu Aupuni Liliu ma Paauhau i keia la 16 o Augate Poalua, a ua ike kumaka na makaainana ia Ia, a me ke Alii no hoi ia makou, me ke aloha pumehana, ua hookipa ia na Alii me ka maikai a me ka hoohiwahiwa ia me ka hanohano nui e na puuwai aloha alii.
O na alii ma keia huakai. Kahu Aupuni Liliuokalani, Likelike, Kiaaina Kekaulike, Na Hon J M Kapena, J E Bush, a me na keiki ulele ohe keleawe. Ua imi aku na makaainana me na lama kuna kukui o Iwikauikaua, he 10 lamaku a me ka puloulou, he hoailona no ke kapu alii o ka wa i hala, a o ko lakou hoailona ka ia a hiki ia lakou nei, keia puali alii mai ka po mai.
Ua kai mai ka huakai he ekolu mile, ua ukali na makaainana mahope o ke Alii, a o ke alakai o ka huakai alii, oia o Mrs P Parker a me kana laii kane Sam Parker ke ali o Maunakea a me keia apana o Hamakua nei.
A hiki ka huakai ma Honokaa, ua haawi mai na pukuniahi hao i ko lakou aloha a me na pele ma ka lima o na haole ehiku i hoohalike ia lakou ke kani e like me na mele himeni e pii ana ka leo iluna a ilalo me ka hi-o ana o ko lakou mau kino imua a ihope me ke kani ana me he la e uwe ana i na alii.
A ua hele ke alanui a ohuohu i na makaainana, e haawi ana i na leo huro, a ua hele mai ka huakai a hiki ma Paauhau a luana ma ka home o S Parker.
O keia huakai alii ma na lio he 60 a me na ohana o ke alii ma na kaa 3, he mau kau na na hoki e huki ana mai Waimea mai, a ua hoala ia makou me na alii e ala ae e ike i na keiki puhi ohe keleawe a me na hulahula haole ana o Paauha@, a me na hula Hawaii.
Ua oki au maanei, i wa hou aku, ke oluolu ia.
O ke ahi pele, ua pio i ka la 12 o Augate, Poalima, oia ko'u la i hoi mai ai mai Hilo mai. Owau no,
S Kahiehie.
Iliala, Paauhau, Aug 13 1881.
HUNAHUNA MEA HOU MA KE KAHUA O PELE.
Ma ka Poakolu la 17 o Aug nei, ua pii aku la au me ke Komisina o na hana hou, a me ko makou luna alanui ma ke kahua o ke ahi pele, me ka nana ana i kahi kupono e hoohuli ai i ka pele wahi e kahe ai.
A la makou nae i hiki aku ai, ua ike ia aku ua pio ke ahi, aohe a mai, aohe no hoi uahi, ua maalili loa ka pahoehoe ma kekahi wahi, a he pumehana iki hoi ma kau wahi, me he mea la nae e pio ana.
He luahine me ka pu-a iwi o kana Hanai.
Haalele aku la au i ko'u mau hoa, hele aku la au he wahi okoa, ia wa ike aku la au he luahine, e oli ana, wehe ae la he moa uakea, a wehe hou ae la he ipupaka au-loihi puhi kela a pau. Ninau aku la au, he puolo aha keia au, pane mai la kela ia'u, na iwi no o ka'u h@nai, i hoihoi mai nei au me na kupuna, olelo aku la au iaia, auhea oe e ka luahine, ua kau ka malamalama maluna ou, @hea pau kou naaupo, eia ka pono nou e hoihoi keia mau iwi i ka lepo; a e like hoi me ka olelo, 'e hoi ka lepo i ka lepo, eia ka ua luahine nei, @ohe e pono ana, oi noke aku a he ke@ 'ka paakiki, haalele aku au, e noke ana no i ke oli, me ke ope iwi no i wahi ia i ke kapa Hawaii he Paipaikukui.
Kupanaha, ahea pau ka epa o Hawaii kaulana i ka naauao, na keia poe eepa, awahia ka inoa o Hawaii, he mea pono e kau ia na kanawai koikoi no ka poe eepa e like me keia ke ano.
He ma-u ae la ia. O ke aloha no ko ka Lunahooponopono, a me na Keiki Ulele Huakepau. Owau iho,
J KANAEHOLO.
Hilo, Aug 18 1881.
HE NANE. Ka mua,--he 9 ka nui o kuu mau hua inoa, 12 he inoa au no kekahi kanaka, 34 he inoa au no kekahi i-a ua ai oukou i kuu io. 56 aia au iwaena o na mahiko o ke aupuni Hawaii nei, 789 aia au iluna o ka @ua moena kahi i hiolani malie ai, e nanea ae ana no au me ke Kilioopu.
Me ka lana o kuu manao aole e upu iho a luna mai no.
A ina o ka mea e loaa ai o kuu nane, alaila e hoo@kane mau no kaua ma na huina a@li o ka lewa, alaila, o ke aloha no kou ke hoi nei au, ke kau ae la ka naulu i mauna ala@i.
Me ka lana loa kuu manao, ina e pane ia mai, alaila, na makaukau ka'u peni no ka pane aku, ke pane ia mai nae.
S D W Kahauanu.
Kolopue, Waihee, Iu@i 29 1881.
Nui a nani na kii o Hilo ponoi a me na wahi a pau e pili ana, a me ka pele me loko o ka lua o Halemaumau; aia ma ka hale paikii o Montano, ma alanui Papu, mauka iho o kahi o Kamika opio.
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
-- E LAA NA –
Ahinahina, Kalakoa,
Keokeo, Leponalo,
Pena, Aila, Aniani,
HA MEA PIULA!
KOPA, AILA HONUA,
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulumi.
-- A HE –
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika,
Na lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, LIHILIHI, &C.
-- A ME NA –
Mikini Humuhumu MakeponoLoa!
-- A HE –
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Hoopau Naio,
Penikila, Huaale.
A MENA LAAU HAMO, A PELA 'KU
840 tf
PAPA! PAPA!
-- NO –
ALLEN & ROBINSON
UA WEHE AE NEI MAUA I
PA KUAI PAPA
-- MA –
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena!
NA KUI O NA ANO A PAU.
NA PANI PUKA a me
N PANI PUKA ANIANI.
NA PANI PUKA a me
NA OLEPELEPE
NA LAKO KUKULU HALE
O NA ANO A PAU!
KAUAIIA MA KE
KE KUMUKUAI HAAHAA LOA
O keia Makeke.
ALLEN & ROBINSON
@
CHRISTIAN GERTZ
Mea Hana Buti
-- ME –
NA KAMAA MAOLI!
Alanai Papa, makai @ ke Keena o Lui & Dickson
KE @AI AKU NEI OIA I NA MEA A PAU
Ua hoi mai oia mai Kapalakiko mai,
Ilaila Oia i ohi kino mai nei i na @ nani a pea o kana oihana, a @e waiho ia oku nei no ke kuai na no na kumukuai o ka manawa
HE MAU WAIWAI PIHA O NA BUTI
Na KAMAA HAAHAA a me na ano kamaa no na Lede. Na Buti, na Kamaa Haahaa a me na ano kamaa e ae a pau no na Keonimana.
NA BUTI & KAMAA HAAHA!
A ME NA ANO KAMAA E AE A PAU
NO NA KAMALII!
NA KAMAA O Na ANO HE NUI
O NA KAMAIKI OPIOPIO.
O neia mau mea a pau na hanaia me ke akamai k@ a me ka paa o na an@ hoa loa, a ke h@ia ia aku nei ia mau mea @ me ka mea i olelo ia
@ E lawe ia no na kanohi mai na Mokapuai me ka na au me ka eku. @
NU HOU! NU HOU!
MAHOPE AKU O KA LA I O IANUARI, 1880, E @ maka ana makou malalo o na rula
DALA KUIKE,
I ka Loaa ana aku o ka Waiwai
ka Mea Kuai
E hookahua ana makou i ka makou oihana malalo o ke DALA KUIKE, @ kuai ia aku ana na lako waiwai ia aku ana na lako waiwai a pau no ke Kumukuai malalo iho o ka
MEA I IKE IA MAMUA E LIKE ME KA LILO.
He Huina nui ko makou o na Oo, Kopala Ho, &c., &c. i kuai ia mamua ae o ka hoopii ia ana o ka auhau o ka poe nana i hana.
HE MAU LAKO NUI KO MAKOU
-- O NA –
PALAU
A makou e kuai aku ai no ka $7 a hiki ka $7.50 Malalo iho o ke Kumukuai mua no kela a me keia PALAU.
Ano ko oukou manawa kupono e looa ai na waiwai makepono loa.
E hele mai Hookahi, E hele mai a pau loa
DILINAHAMA MA.
942 @ 73 Alanui Papu.
PAPA, PAPA
AIA MA KAHI O
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano
Na Papa Nani a Paa no ke Kukulu ana i na Hale!
Na Pani Puka, Na Puka Aniani,
Na Olepelope, Na Pou, Na O-a,
Na Papa Hele, Na Papa Ku,
A me na Papa Moe nui loa
NA PILI OKA HALE
O NA ANO A PAU.
Na Pepa Hoonani, Na Pena o na Wai a pau,
Na Kui mai ke Nui a ka Makalii,
Na Ami Puka, Na Ami Puka Aniani
Na Ami o na ano a pau,
Na Aila Pena, o kela me keia ano
Na Aila Hoomaloo, he lehulehu wale.
Na Aila e ae o na ano a pau.
NA WAIVANIKI
-- A ME NA –
WAI HOOHINUHINU NANI?
o na ano a pau loa.
NA BALAKI ANO NUI WALE
A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka lana oihana
-- NO KA –
UKU HAAHAA LOA!
E like me ka mea e holo ana mawaena o
LAUA a me ka MEA KUAI.
E hele mai! E na Makama ka!
A e lawa no hoi ko oukou makemake ma @ aluaina me ka maikai!
845@