Ka Nupepa Kuokoa, Volume XX, Number 33, 13 August 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA Kuokoa me ke Au Okoa I HUIIA.

 

Na ka Makahiki, $2.  Eono Mahina, $1.  Dala Kuike ka Rula.        

 

KMOITE HOOPONOPONO.  HEZEKIA AEA.

 

POAONO, AUGATE 13, 1881.

 

OLELO HOOLAHA.

            Kula Nui o Lahainaluna mai ka la 18 o Iulai  a hiki i ka la 14 o Sepatemaba o keia makahiki, a me ia la e hoomaka ana ka makahiki 51 o ke Kula.        Nolaila, ke Kauoha ia aku nei na Haumana a pau i keakea ia ko lakou Hoi hou ana mai i ke Kula, e ka Mai Puupuu Liilii o na mahina i kaa hope ae nei.  E makaala a e, Hoi mai i ka Home Naauao ma ka la i olelo ia maluna.

            A ke Kauoha ia nei no hoi na Luna Kula o na Apana, na Kumu Kula, me ka poe e ae a pau e manao ana e Hoouna mai i na Keiki i ke Kula, e Hoouna mai mamuao ka la i olelo ia maluna.

H R HITCHCOCK.   1023. 2M.

 

Haawina Kula Sabati.  Helu 9, Sabati, Aug 28, 1881.

 

KUMUHANA.  Na Kanawai he 10.  Pauku Baibala.  Puk 20;1-11.

            Olelo mai la ke Akua i keia mau olelo a pau, i mai la.

            20 wau no Iehova o kou Akua, ka mea nana oe i lawe mai nei, mai ka aina o Aigupita mai, mailoko mai hoi o ka hale hooluhi.

            3  Aole ou akua e ae imua o ko'u alo.

            4  Mai hana oe i ke kii i kalai ia nou, aole ma ke like ana o kekahi mea i ka lani iluna, a me ko ka honua ilalo, a maloko hoi o ka wai malalo o ka honua.

            5  Mai kulou oe ilalo ia lakou, aole hoi e hoomana ia lakou, no ka mea, Owau no o Iehova o kou Akua, he Akua lili, e hoopai ana i ka na makua hala i na keiki, a hiki aku i ke kuakahi a me ke kualua o ka poe e inaina mai la'u:

            6  A e aloha ana hoi i na tausani o ka poe e aloha mai la'u, a e malama hoi i Ko'u mau kanawai.

            7  Mai hoohiki wahahee oe i ka Inoa o Iehova o kou Akua; no ka mea, aole loa e hoapono o Iehova i ke mea hoohiki wahahee i Kona Inoa.

            8  E hoomanao i ka la Sabati, a e hoano ia la.

            9  I na la eono e hana ai oe i kau hana a pau;

            10  Aka, o ka hiku o ka la, he Sabati ia no Iehova no kou Akua, aole loa ae e hana ia la, aole oe, aole hoi kou keikikane, aole hoi kou kaikamahine, aole hoi kau kauwakane, aole hoi kau kauwawahine, aole hoi kou holoholona, aole hoi ikou kanaka e ma ma kou mau ipuka.

            11  No ka mea, i na la eono i hana ai o Iehova i na lani, a me ka honua, a me ke kai a me na mea a pau maloko o ia mau mea, a i ka hiku o ka la i hoomaha ai; nolaila hoi i hoomaikai ai o Iehova i ka la Sabati, a hoano ai hoi Oia ia la.

            Pauku Gula.  Mat 22;37,38.

            Ka manawa.  Mei B C 1491.  Ua hiki na Isernela i Sinai mahope o na hebedoma eono mai ko lakou haalele ana ia Aigupita.

            Ua haawi ia mai ke kanawai mai Sinai ma ke kanalima o ka la mai ka ahaaina Pasoa mai.  A ua hoomanao ia ia la ma ka ahaaina Penetekota ka la kanalimake ano.

            Kahi i hana ia ai.  Mauna Sinai ma ke kamohana akau o Arabia, e kokoke ana i ke kai ula, elua piko o keia mauna.

            Maka piko kiekie paha i haawai ia ai na kanawai ia Mose, a ma ka piko haahaa ma ka papu o Raba i hai ia ai na kanawai e Mose i na kanaka.

            Ke ano o ka haawi ana.  Ua hoomaemae na kanaka ia lakou iho ma na la ekolu.

            Alaila, olelo mai la o Iehova me ka leo nui mailoko mai o na ao me na hekili me na uila ma mauna Sinai, a haawi mai i na kanawai he 10, Puk 20;18,19, Kan 5;22.

            A mahope iho kakau ke Akua i na kanawai ma na papa pohaku.

Na Ninau.

            Mahea na Iseraela ma ka helu 8.  Mai ka waonahele o Sinai a i hea?  Heaha ka hana ma Ripidima?  Ka uuku ana me ke kumu, ka loaa ana o ka wai ma ke aha?  Ka inoa hou eia wahi, he aha?

            Heaha ke kaua malaila?  Ka aoao hea kai lanakila, ma ke aha?  Heaha ka olelo hoohiki, Puk 17;1-16.

            Owai kai hele mai i o Mose la?  Me wai?

            Heaha ka Petero mau olelo ao ia Mose?  Mok 18;1-27.

            I ka manawa hea i hiki ai lakou i ka waonahele o Sinai?  Heaha na hana kupanaha malaila?  mok 19;1-25.

            Mok 20 P 1 Aia ke Akua mahea?  Mahea Mose, mahea na kanaka?  Ua aha na kanaka mamua i makaukau e hoolohe i na Olelo a Iehova?  Ehia kanawai i haawi ia mai?  E wai, no ke aha ia i haawi ia mai me ia nani kamahao?

            P 2 Heaha na olelo mua o Iehova?  Nohea Oia i lawe mai ai ia lakou? 

            P 3 Heaha ke kanawai mua?  Heaha kai kauoha ia?  Heaha kai papa?  Pehea e lilo ai kekahi mea i akua no kakou?  No ke aha i kau mua ai keia kanawai?

            P 4-6 Ke kanawai elua, hai mai, heaha ka papa ia?  Heaha kai kauoha ia, ua papa ia anei na kii a pau?  No ke aha keia papa ana?  He Akua aha Ia?  Ma ke aha Kona lili ana?  Pehea e kau ai na hoopai maluna o na keiki, no na hewa o na makua Pehea ka loihi, no ke aha?

            A hoike Oia i Kona aloha ia wai, nolaila, e aha kakou i ke Akua?

            P 7 Hai mai i ke kanawai ekolu.  "Na hoohiki aha kai paipai ia?  Hai mai i kekahi mau hoohiki ino i ka Inoa o Iehova.  Nui wale na makua me na keiki Hawaii e hoohiki ino nei i ka Inoa o ke Akua.  Weliweli ia hoohiki ino ana.  Hoohiki ino naaupo kekahi.  Hoohiki ino kekahi me ka manao ole no ka maa loa.  Pehea ke Akua ia poe?  E hoopai ana no ke mihi ole a haalele ole.

            P 8-11  Ke kanawai eha hai like mai, ka la ehiku, ka la aha ia?  Heaha ke ano o ka hoomanao ana me ka hoano ana i ka la Sabati?  Heaha na hana kupono ma ia la?  Heaha na hana kupono ole?  Ehia la e hana ai?  No ke aha?  Pehea na keiki, na kauwa, na malihini, na holoholona?  No ke aha?  Iloko o na la ehia i hanaia ai ka lani, ka honua a pela aku?  Pehea ke Akua ma ka hiku o ka la?  A aha Oia ia la.

Na ninau o Ianei.

            Ina maloo ka aina, a ua ole, a wai ole, a ulu ole na mea kanu, pehea kanaka, ohumu ea.  Pono anei ka ohumu.  A ina nui loa ka ua, a keakea ia ka hele ana, ka hana aha, pono anei ke ohumu?  No hea mai ka la, ka maloo, ka wi?  Nohea mai ka ua, ka makani, ke ahi pele, na olai, ka hekili, ka uila?  Aia mahea ke ahi pele nui i keia wa?  Ina pau ke kaona o Hilo i ke ahi, pehea na kanaka?  Pehea ke Akua?  Maikai no ke Akua, hewa no kanaka?

            Heaha na hewa nui ma Hawaii nei, pau keia mau kanawai eha i ka haihai wale ia, Nui na akua o kanaka.

            Nui ke kulou ana i na kii, hoomana na makua i na keiki, hoomana  na keiki i na makua.  Nui ke ano o ka hoomana ana.

            Nui wale na hoohiki ino, na hoohiki wahahee.  Nui ka hehi ana i ka la Sabati, mai ka poe uuku a i ka poe nui.

            Hoole ia ka la Sabati, aole Sabati ma kau wahi.  Ke kau nei ko ke Akua inaina maluna o na ohana, o na aina, o ke aupuni, o na ekalesia.  Nui na hoahanau i hoomanao ole e malama e hoana i ka la Sabati.  Ka hewa nui keia o na keiki Hawaii, na keiki haole, pehea kakou e pakele ai i ka ke Akua hoopai weliweli ana?

            Ahea e iho hou mai ke Akua i ka honua nei me ke ahi, me na hekili &c.

            Nana 1 Tes 4;16. 2 Tes 1;7-9, Mat 24 29-31, 2 Pet 2;10, Hoik 1;7.

            Owai ka poe e hoopomaikai ia ana ma ia manawa?

            Pehea ka poe makaukau ole?  Haawina no Sept 4.  Puk 20 12-21.

 

KA HELE MAKAIKAI ANA I KA AINA O NA PARAO.  KAKAU IA NO KA POMAIKAI O KA POE HELUHELU O KE KUOKOA.

 

HELU 7.  No ka Auhau i kau ia maluna o na Kanaka.

            He nui a koikoi na auhau i kau ia maluna o na makaainana ma Aigupita, eia kekahi mau auhau.

            O kela mea keia mea aina ua kau ia ka auhau he 10 a hiki i ka 15 dala no ka eka hookahi no ka makahiki, aole oia wale no, aka, ua kau ia he auhau no na laau hua e laa na kumu alani, kumu waina, a me na laau e hoohua mai ana.

            A o na mekini huki wai, he auhau okoa no kona, a ua loaa mai ka auhau o na kumu laau he mau miliona dala i ka makahiki hookahi.  A ua hoike ia mai no hoi ia'u ua kau ia he eha maluna o ke poo o ka piula a he ewalu dala no ka auhau kino no ke kanaka ilihune, a he okoa no ka auhau kino o ke kanaka waiwai.

            Ua hai ia mai ia''u ua hiki aku i ke kanalima miliona dala i ohi ia mai ka poe ilihune mai a o ka huina o ka loaa makahiki o he aupuni o Aigupita, he kanahiku miliona dala a oi aku.

            A iloko o keia puu dala mahuahua a me keia hookaumaha, na uhauha wale ke alii me ke kauo i kona aupuni iloko o ka aie, a ua molaki aku oia i kekahi mau aina aupuni i na malihini o na aina e, i mea e loaa ai kana dala uhauha.

            Ina hookaa ole kahi kanaka i kona aie, alaila, e hopu ia ana oia e na koa a nakiikii i kona mau lima a hoohuli ia kona alo ilalo,  me ka hookuku ia o kona mau wawae iluna ma no kuli a e hili ia kona mau wawae me kekahi uepa i hana ia mai ka ili mai o ka hipopetamu, a ua hiliia kahi poe a hiki ole ke hele.

            A oia ka hoopai mau no ke kanaka hookaa ole i kona auhau.  Ina o ke kanaka waiwai e noho ana ma kekahi wahi kauhale i na e lawa ole ka auhau i kau ia maluna o ua wahi kauhale ala, alaila, a hao ia ana kona waiwai, no ia kumu, ua huna kahi poe i ko lakou waiwai a hoolilo ia lakou i poe a ea wale i kahi manawa, ua ili mai kahi pilikia ia lakou a make lakou me ka hikiwawe, nolaila, ua nalowale ua mau waiwai la i hana ia.

            O kekahi o na haawe kaumaha loa iwaena o na kanaka o Aigupita, oia no na hana hookaumaha wale a ke alii, i na e makemake ke alii e kukulu i kekahi hale a hale pule paha, alaila, ua kii aku oia i na kanaka e kukulu me ka uku ole ia o ko lakou luhi he mea maa keia ma ka aina o Aigupita mai ka wa mai ia Parao.

            I ka wa iho nei e noho ana ke alii mua iho nei o Aigupita, ua kukulu oia i hale mahiko nona a ua kii aku oia i mau kanaka e hele e kanu ko, a ua uku ia keia poe no 15 keneta o ka la.

            O keia uku, ua uku ia no ka poe e hana ana maloko o ka hale wiliko, a o ka poe e hana ana mawaho o na mala ko, he 8 wale no keneta ko lakou uku no ka la.

            Eia nae ka mea apiki, aole e uku ia ana keia poe ma ke dala maoli, aka, ua uku ia iakou maka malakeke.

            I ka wa e makemake ai ke alii i maulima hana no kona mau mahiko, ua hoouna aku oia he puali koa maluna o kekahi wahi mokuahi uuku a holo aku la keia wahi mokuahi me na koa ma na wahi kuaaina ma Aigupita luna.

            I ka wa e hiki ai ma kekahi wahi kauhale uuku, lele aku ia na koa a komo aku la e hopu i na kane a lawe iluna o ua wahi mokuahi nei me ka ike ole o ke kane i kana wahine, a pela hoi na keiki i ko lakou mau makua, eia ka mea apiki o keia poe i lawe ia aole e uku ia lakou hookahi keneta a ua hookaawale ia lakou ma ke ano kauwa kuapaa.

            I ke kau he nui na kanaka i hoohana ia me ka haawi ole ia aku o ka ai, a na ka lakou mau wahine no e lawe mai i ka lakou mau mea ai, a o na ona o na mahiko, aole he nui o na mea i loaa mai ia lakou, me he mea ala, ua hookau ke Akua i Kona haawina maluna o keia mau mahiko a he nui na hana pouliuli o ke ano krisitano e hana ia nei ma Aigupita, o ke kumu nui o keia mau hana ano pegana, oia no ka noho ana o ke aupuni malalo o ka hoomana Mahomeda.

No ka oihana Koa.

            O ka oihana koa, oia no kekahi o na oihana ehaeha loa ma Aigupita a penei ke ano e hana ia ai.

            I ka wa e makemake ai ke alii i puali koa hou, hoouna aku la oia i puali koa e hopu i na kanaka a pau e halawai ana me lakou, a  i ka wa e loaa ai kekahi kanaka, ua hoopaa ia oia mena kaulahao a ua kai ia me he kanaka ala i hana i kekahi karaima a eh mea ehaeha ka ike ana aku i na wahine e uhai ana mahope o ka lakou mau kane meka uwe ana.

            Ua maopopo no i keia mau wahine, ua lawe ia aku ka mea nana e imi i ka lakou mau mea ai, a ma ia ao, ua nui na wahine a me na keiki i hoolilo ia lakou iho i poe makilo e auwana ana ma na alanui me ka hele i ka mea nana e malama a he kanalima a kanaono paha tausani o na kanaka i waiho i ka lakou mau wahine me ka mea ole nana e malama.

            Ua hele aku keia poe a waiho ko lakou mau iwi ma ke kahua kaua ma na waoakua o Aferika a me Abesinia a ma ke kokua ana i ke aupuni nahaha o Tureke a ua ike no ke alii o Aigupita, aole ma ia hana ana e maluhia ai kona aupuni mai na mana mai o Eropa.

            A i ka wa a'u i ike ai i keia mau mea, ua olelo iho la wau, aole no he aupuni i oi aku i ke Aupuni Maluhia o Hawaii, kahi o na kanaka e noho ana ma ke ano Kuokoa, aole hoi he mau auhau hookaumaha wale maluna o lakou a e noho ana lakou me he mau alii la ma ko lakou mau apana aina ponoi me ka hao ole ia o ko lakou mau waiwai, a e hoomalu ia ana lakou e ke aupuni kumukanawai.

            He mau kanawai maikai maluna o lakou aole e hiki i na alii o ka aina e kauoloko ia lakou me ko lakou makemake ole.

            Na ke Akua e hoopomaikai i Hawaii nei.       Aole i pau.

 

HA HUNAHUNA MEA HOU O KA MALU ULU.

 

            Ma Hanakawai, Kaanapali.  Ua make iho la kekahi kaikamahine i eli i ka lua one o hohonu a hookomo i ke poo iloko a hanee ke one, o ka paa loa no ia a make.  Ua noho ka aha koronero a ua hooholo, ua make no oia ia ia iho ma ka la 23 o Iulai.

            Ua akoakoa ae na Lahainaluna i hiki mai no ka Iubile, ma Lahainaluna ma ka la 29 o Iulai a ua hoala ae lakou he kia hoomanao laau, ua kanu ia ma kekahi kuea, he 40 niu ma ke kuea o waho, 7 niu ma ka lina poepoe, 3 niu ma ke kiko waena o ke kuea, ua kanu ia keia mau niu ekolu e A Kaimu, Kanakaokai a me Kamanowai.

            O na inoa o keia mau niu ekolu.  E Kaleleonalani, o ka Moi Aukai, a me Kamehameha III.

            Mamua ae o ke kanu ia ana o na laau, ua haawi ia mai la kekahi himeni i kupono no ia hana, e J Kealoalii, J B Kalaihopu, J A Kaukau, pau ka himeni, haiolelo mai la ka Hon L Aholo, a pau ia ia, ia Rev O Nawahine ka pule.

            Ua hooholo ia e kukulu ia ana he kia hoomanao dala.  Ua koho ia ka huina nui e hoahu ai $5,000.

            Ua hooholo ia hoi, e halawai makahiki ana keia ahohui, ma na la hoike o ke kula nui o Lahainaluna nei.

            Ma ka la 12 o Augate e hele kaapuni ana o A Pali a me O Nawahine ke komite o ka aha ma na ekalesia o na mokupu o Maui.

            Ma ia pule hookahi no e hele kaapuni ana o P Kanoho no ka hana a ka Haku iwaena o na Glibati.

            Ma ke Sabati la 31 o Iulai ua kaana pu makou me na manaolana i piha i ka hauoli, no ka ke Akua mau hana kupanaha i Kana kauwa ia Rev W P Kapu.

            Ma ka la 2 a me 3 o Augate, ua mea aku la ka oo a kekahi poe o ka malu ulu nei ma na lio, a ma ka mokuahi, no ka malu he kuawa o Wailuku, no keia kau kiure.

            Ma na wawa i lohe ia mai nei, ua emi loa ke ola kahu o ka ekalesia o Olowalu, he aha mai nei la hoi keia o ua mau hai pule nei.

            Ianei iho nei o P Kawaiku ka luna helu o ka apana o Hana i kii mai nei i kana mau buke oihana.

            O na laau ohai a na Lahainaluna i kanu ai iloko o ke kuea niu, ua maloo na iwi o Hua i ka la.

           

HOIKE O NA KULA O HAMAKUA, HAWAII.

            Ma ka la 21 a me 22 o Iulai, ua lawe ka papa kula, a ua malama me ka makaikai 'na i ke ano o na mea i ao ia e na kumu, iwaena o na kula apana.

            Elua wahi i wehe ia ai ka hoike, oia hoi ko Hamakua hikina mau kula, ma ka hale kula ma Honokaa a o ko Hamakua komohana ma ka luakini hoole pope ma Waipio.  A penei ke ano o na hana mai ka la mua a ka la elua, e hoomaka ana ma Hamakua hikina:

            Joel w Kaale, Mr. J Kekoi:  na mea hoike.

Iulai 21, kula o Honokaa.

1   ka nui o na haumana 15, 2  keikikane 6,  3  kaikamahine 9,

Na mea Ao.

6 arimatika 0, 7 kakaulima 4, 8 pa-ko-li 0, 9 olelo Bertania, 1 kumumua 6, 2 heluhelu 9, 3 helu kamalii 6, 4 helu naau 3, 5 palapala aina 0.

            Ma ka nana ana i keia kula, ua nee malie loa ko lakou ike a mahope no paha ala lea mai.  O Mr. Ruben Kapu ke kumu.

            O ka lua o na kula o Hamakua hikina, o ke kula o Maunahoano, eia ka mea hai aku.  Aole i hoike ia kela kula, aole i hiki mai ke kumu, a me na haumana no ka makau paha i ka ua, a ua ike ole ia hoi na talena iloko o lakou.

            Iulai 27, ua hoikeia na kula o Hamakua komohana.  Na kula i Hoike ia.

Kula o Waimanu.

1 ka nui o na haumana 10, 2 keikikane 7, 3 kaikamahine 3.

Na mea Ao.

1 kumumua 2, 2heluhelu 8, 3 helu kamalii 3, 4 helu naau 5, 5 arimatika 0, 6 palapala aina 5, 7 kakaulima 5, 8 pa-ko-li 10, 9 olelo Beritania 10.

            O J W K Kapololu Jr., ke kumu.

Kula o Napoopoo.

1 kanui o na haumana 39, 2 keikikane 23, 3 kakamahi 16.

Na mea Ao.

1 kumumua 21-8, 2 heluhelu 18, 3 helu naau 12, 4 arimatika 2, 5 palapala aina 39, 6 kakaulima 18, 7 pa-ko-li 37, 8 olelo Beritania 18, 9 haiolelo 3.

            O J P Leahi Jr., ke kumu.

Kula o Kapulena.

1 ka nui o na haumana 16, 2 keikikane 10, 3 kaikamahihe 6.

N mea Ao

1 kumumua 3, 2 heluhelu 13, 3 helu kamalii 3, 4 helu naau 13, 5 arimatika 2, 6 palapala aina 13, 7 kakaulima 13, 8 pa-ko-li 16, 9 olelo Beritania 16, 10 haiolelo 2.

            O T K S Nakanelua Jr., ke kumu.

            Eia ka mea i ike ia aku ma keia hoike ana o na kula, ma ka heluhelu buke na mahalo ke anaina holookoa no ka maikai o ka heluhelu ana o ke kula o Waimanu, ma ka moakaka o ka hopunaolelo, a me ka leo pu no hoi.

            Ma ka helu naau, ma ka nana ana i na kula 3, ma ka ikaika o na haumana ma ia buke.  O ke kula o Waimanu, ua ao ia lakou ma ka helunaau, mai ka mok 1-8 oia kahi i ao ia aku ia lakou.

            Kula o Napoopoo, ua ae ia no ka helu naau, mai ke 1-6 ka papa elua, a mai ke 1-14 a oi ka papa ekahi.  A o ke kula o Kapulena, mai ke 1-11 a oi ka papa elua, a ua puka iwaho ka papa ekahi, ma ka nana ana, ua like ke kula o Kapulena me he liona ala, ma na ninau a pau e haawi ia aku ana ia lakou a me na kula e ae, ka eleu ma ka wehewehe ana ma na ninau, e ka helu ekahi no ia o na kula o keia hoike ana ma ia buke ma ka arimatika 4 no keiki i ao ia ma ia buke, 2 no Kapulena a 2 no Napoopoo, ua ao ia ko Kapulena mai ke 1-6 a ai, a e ko Napoopoo mai ke 1-5, ma ka nana ana, ua pii like no na kula a 2 ma ia buke, ma na buke e ae a pau, ua ike ka papa kula ua ikaika na kumu, ma o ka lakou mau haumana ala, ma ka hoike ana mai i ko lakou ano eleu, ma keia 5 kaumana haiolelo, 2 no Kapulena a 3 no Napoopoo, Waipio.

            Ua lawa au maanei, me ka mahalo i na kula o Hamakua komohana.  O J W Kaale a me W A Mio, na mea nana i malama ka hoike.  Eono haumana i manao ia e houna i ke kula nui o Hilo, hookahi no Waimanu, elua no Napoopoo, ekolu no Kapulena-          Kou oiaio,

J H K MAKAIKAI JR.         Hamakua komohana, Hawaii Iulai 28, 1881.

 

LOLE MAKEPONO Ke Kuike.  E LOAA NO IA MA KAHI O KAKELA ME KUKE!  E LAA NA Ahimahina, Kalakoa, Keokeo, Leponalo, Pena, Aila, Aniani, HA MEA PIULA!  KOPA, AILA HONUA, AILA HOOMALOO Kui Kakia, Pakeke, Tabu Kaula, Noho Lio, Hulu Palaki, na Pulumi.  A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c.  LIPINE LIHILIHI, & c.

A ME NA MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina,  A he Laau Lapaau Kaulana Loa A DR. JAYNES.

Laau, Kunu, Laau Hoomaemae Koko, Laau Hoopau Naio, Penikila, Huaale.  A ME NA LAAU HAMO, A PELA 'KU 840 tf

 

PAPA! PAPA ! NO ALEEN & ROBINSON.

UA WEHE AE NEI MAUA I PA KUAI PAPA MA KA UWAPO O PAKAKA

Na Papa Ulaula o na ano a pau.  Na Papa Paina o na ano a pau.  Na Pili Hale Ulaula.  Na Pili Hale Keokeo.  Na Pepa Hoonani Hale.  Na Pepa Molina.  Na Pena a me na Aila Pena!  NA KUI O MA ANO A PAU.  NA PANI PUKA a me NA PANI PUKA ANIANI.  NA PANI PUKA a me NA OLEPELEPE.

NA LAKO KUKULU HALE O NA ANO A PAU! E @ MA KE KE KMUKUAI HAAHAA LOA O keia Makeke.          ALLEN & ROBINSON        @ @

 

CHRISTIAN GERTZ Mea Hana Buti ME NA KAMAA MAOLI!  Alanui Papu, makai o ke Keena o Lui a Dickson KE HAI AKU NEI AOIA I NA MEA A PAU Ua hoi mai oia mai Kapalakiko mai, Ilaila Oia i oki kino mai nei i na @ nani a paa o kana oihana, a ke waiho ia aku nei no ke kuai ana no na kumukuai o ka manawa HE MAU WAIWAI PIHA ONA BUTI.

Na KAMAA HAAHAA a me na ano kamaa no na Lede.  Na Buti, na Kamaa Haahaa a me na ano kamaa e ae a pau no na Keonimana.

NA BUTI & KAMAA HAAHA! A ME NA ANO KAMAA E AE A PAU NO MA KAMALII! NA KAMAA O Na ANO HE NUI O NA KAMAIKI OPIOPIO.

            O keia mau mea a pau ua hanaia me ke akamai loa a me ka paa o na ano hou loa, a ke hooia la aku nei ia mau mea e like me ka mea i oleloia.

            E lawe ia no na kauoha mai na Mokupuni me ka mai au me ka eleu.

 

NU HOU! NU HOU!

            MA HOPEAKU O KA LA I O IANUARI.  1880.  E Hoomaka ana makou malalo o na rula.

DALA KUIKE, I ka Loaa ana aku o ka Waiwai ka Mea Kuai E hookahua ana makou i ka makou oihana malalo o ke DALA KUIKE, e kuai ia aku ana na lako waiwai a pau no ke Kumukuai malalo iho o ka MEA I IKE IA MAMUA E LIKE ME KA LILO.

He Huina nui ko makou o na Oo, Kopala Ho, & c., & c., i kuai ia mamua ae o ka hoopii ia ana o ka auhau o ka poe nana i hana.  HE MAU LAKO NUI KO MAKOO O NA PALAU

A makou e kuai aku ai no ka $7 a hiki ka $7.50 Malalo iho o ke Kumukuai mua no kela a me keia PALAU.

            Ano ko oukou manawai kupono e loaa ai na waiwai makepono loa.

 

E hele mai Hookahi, E hele mai a paa loa      DILINHAMA MA.    942 tf  73 Alanui Papu.

 

PAPA, PAPA AIA MA KAHI O LEWERS & COOKE! (O LUI MA.) MA KE KAHUA KAHIKO MA Alanui Papu a me Moi E LOAA AI NA Papa Nouaiki o kela a me keia ano.  Na Papa Nani a Paa no ke Kukulu ana i na Hale!  Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa NA PILI O KA HALE O NA ANO A PAU.

Na Pepa Hoonani, Na Pena o na Wai a Pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano o pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

NA WAIVANIKI A ME NA WAI HOOHINUHINU NANI!  o na ano a pau loa.

NA BALAKI ANO NUI WALE

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana; ma ka laua oihana NO KA UKU HAAHAA LOA!

E like me ka mea e holo ana mawaena e LAUA  a me ka MEA KUAI.

E hele mai!  E na Makamaka!  A e lawa no hoi ko oukou makemake me ka oluolu a me ka maikai!         845tf