Ka Nupepa Kuokoa, Volume XX, Number 32, 6 August 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

Kuokoa me ke Au Okoa

I HUIIA.

No ka Makahiki, $2.  Eono Mahina, $1.

Dala Kuike Ia Rula.

KOMITE HOOPONOPONO.

HEZEKIA AEA.

POAONO. AUGATE 6, 1881.

OLELO HOOLAHA.

Kula Nui o Lahainaluna.

E hoomaka ana ke Kula Nui o Lahainaluna mai ka la 18 o Iulai a hiki i ka la 18 o Iulai a hiki i ka la 14 o Sepatemaba o keia makahiki, a ma ia la e hoomaka ana ka makahiki 51 o ke Kula.

Nolaila, ke Kauoha ia aku nei na Haumana a pau i keakea ia ko lakou Hoi hou ana mai i ke Kula, e ka Mai Puupuu Liilii o na mahina i kaa hope ae nei.  E makaala a e Hoi mai i ka Home Naauao ma ka la i olelo ia maluna.

A ke Kauoha ia nei no hoi na Luna Kula o na Apana, na Kumu Kula, me ka poe e ae a pau e manao ana e Hoouna mai i na Keiki i ke Kula, e Hoouna mai mamua o ka la i olelo ia maluna.

H. R. HITCHCOCK.

Imua o na makua keiki o Haleiwa Waialua keia mau manao.

E wehe ia ana ke kula ma Haleiwa i ka la 15 o Augate, oia no ka Poakahi hora 8 1/2 malalo o ke alakai ana a Miss L W Timpson.  E makaala mai na makua e lawe ana na buke heluhelu hou a me kekahi mau buke hou e ae.  Mai nele na keiki i ka hoi mai me na baibala haole, me na himeni Hawaii, a me Lei Alii.

E hoolako i ko oukou mau keiki me na pahi, o, puna, pa, bola, kiaha aniani, sopa, pia, lopi, kawele holoi maka, dala mahina hou.  E hoike pu mai i ka wa i hanau ai na keiki a oukou, i mea e hoike imua o ka Papa Hoonaauao.

Eia kekahi mea nui, ka hoihoi ana mai o na keiki i ka wa i kauoha ia e hoi mai i ka wa i pau ai ka hoomaha ana o ke kula.  O ka hoopanee ana i ka hoihoi pono ana mai i ka wa i hoolaha ai e hoomaka ana ke kula, he mea ia e hoopilikia ai i ke kula holookoa He mea ia e hoike ai i ke ano kanaka Hawaii he hoopanee.  Nolaila, mai hana oukou pela.     Mary E Green

KU A NAUE.

Marching Home.

Songs of Glory Land.

1

Ku a naue i ke Kanaana hou.

Naue ae     naue ae 

naue ae     naue ae

Hiki koke no i kahakai ma o,

Cho.:  Naue ae      naue ae,

ae, ae,     naue ae, 

Ua paipai mai Iesu.

I na pii ke kai aole e makau,

Ieus pu no me kakou.

2

Ku a mele me ka oli pu,

Naue ae     naue ae 

naue ae     naue ae

Pili ia Iesu a lana ka manao,

Emo ole pae i o.     Cho.

3

Aina nani e ke Kanaana hou,

Naue ae     naue ae 

naue ae     naue ae

A malaila no na kula pua mau,

Me na hoaaloha pu.     Cho.

BELE AHA HOOPAU RAMA.

Temperance Bells.

Good as Gold,

1

Kani, kani, kei ke kani

O na bele e kani nei

No na aha kinai rama,

Oli i ka lohe e.

Cho.:  Kani ke      Olo e

Kani ke     olo e    

Ma na mauna, ma na kai.

Kani e     kani ke

kani e     kane ke

A hookani Iubile.

2

Lanakila a loihi

Ke Lii o ka Rama e,

Ke Lii ino, hookaumaha,

Pau kou manawahahee.     Cho.

3

E na aha kinai ona,

Hui, ala, paio pu.

Hookuu i na pio Rama  

Ma ka Inoa o Iesu.     Cho.

Hawaii.

Kaawina Kula Sabati.

HELU 8, SABATI, AUG 21, 1881.

KUMUHANA.

Ka Mane.     Pauku Baibala.     Puk

16;1--8

1  Hele mai la lakou, mai Elima mai, a hiki mai la ka poe mamo a pau a ka Iseraela i ka waonahele i Sinai, he wahi ia mawaena o Elima a me Sinai, o ka la umikumamalima ia o ka malama elua, mai ko lakou puka ana mai iwaho, mai ka aina o Aigupita mai.

Ohumu ae la ka poe mamo a pau a Iseraela ia Mose ma iaua o Aarona, ma ka waonahele;

3  I mai la na mamo a Iseraela ia lana, Ina i haawi ia mai ka make no kakou, i ka lima o Iehova, ma ka aina o Aigupita, i ka wa a kakou i noho ai ma na ipu ia, a ai aku no hoi kakou i ka ai a maona; no ka mea, ua lawe mai olua ia kakou maloko o keia waonahele, e pepehi i keia poe a pau i ka pololi.

4  I mai o Iehova ia Mose, Aia hoi, e houna aku au i ka ai, mai ka lani aku; a e hele aku na kanaka mawaho, e houluulu i i ko ka la ma ia la, i hoao aku ai au ia lakou, e hele paha lakou ma ko'u kanawai, aole paha.

5  A hiki i ka la aono, e hoomakaukau lakou i ka mea a lakou e lawe mai ai iloko; e papalua ia i ka mea a lakou e houluulu ai i kela la i keia la.

6  Olelo mai la o Mose Iaua o Aarona i na mamo a pau a Iseraela, A ahiahi, alaila oukou e ike, na Iehova no oukou i lawe mai nei, mai ka aina mai o Aigupita:

7  A kakahiaka, alaila oukou e ike ai i ka nani o Iehova; no Kona hoolohe ana i ka mea a oukou i ohumu aku ai ia Iehova: heaha hoi maua. i ohumu mai ai oukou ia maua?

8  I mai la o Mose.  E haawi mai ana o Iehova i ke ahiahi, i ia na oukou e ai ai, a kakahiaka i ai e maona ai; no ka mea, ua lohe mai o Iehova i ka ohumu ana a oukou i ohumu aku ai ia Ia:  Heaha hoi o maua?  aole no maua ka oukou ohumu ana, aka, no Iehova.

Pauku Gula.  Io 6;32.

Manao nui.  Iesu ka berena io mai ka lani mai.

Na heluhelu la.  1 Puk 15;1--17, 2 Puk 16;1--8, 3 Puk 16;9--36, 4 Io 6;27--58, 5 Hal 78,19--28, 6 Kan 8;1--20, 7 Nah 11;4--33.

Ka wehewehe me ka Ninau ana.

Pau Parao ma i ka make.  Lanakila ka poe Iseraela.  Heaha ka hana hoomaikai mahope iho?  Mok 15;1--21.  Hele lakou mai ke kai ula a i hea?  Ehia la i haalele me ka wai ole?  A loaa ka wai, he wai aha?

Nohea ka inoa Mara?  Pehea ka ohumu ana o ka Iseraela?  Pehea i pau ai ka mulea o ka wai?  Heaha ka olelo kupaa?  Mahea i loaa ai ka wai?  Eha punawai, ehia laau pama?

Mok 15;22--27.

Mok 16 p 1.  Hoomaha iki lakou ma Elima.

Alaila, pii ae ke kia ao a ku pu ae lakou a hele aku a hiki i hea?  I ka la ehia, o ka malama ehia?

P 2--3 Ka ohumu ehia keia?  Heaha ke kumu, heaha ka lakou mau olelo?

Paupau aho koke ea.  Makemake ka e hoi hou i ka hooluhi a Parao?

P 4--5 Olelo Iehova ia Mose pehea?  Ma ke aha oia e hoao ai i na Iseraela?

Heahea ka hana ma ke ano o ka la?  No ke aha e papalua ai ka mane ma ia la?  No ka mea, ka hiku o ka la Sabati ia, ka la hoano, aole pono ke ohi i ka mane ma ia la.

Me he mea la, ua akaka ia lakou, he la hoano ka hiku o ka la.  Ua kapu ka hana no ke kino.  Malaila ko ke Akua heao ana ia lakou.  E hoomanao ana lakou ia la, aole paha.

P 6 Ma ke aha e ike ai lakou, ua lawe o Iehova ia lakou mai Aigupita mai?

P 7 Heaha ka nani o Iehova?  Nana ma ka pauku 10.  He ao kamahao paha ia.

Ke kia ao paha.  He ao okoa paha, he mea hoike i ka nani, i ka mana, i ka lokomaikai o Iehova.  He ao hooweliweli paha ia lakou no ko lakou ohumu ana.  Heaha ka Mose i ninau aku ai ia lakou?  Ia wai ko lakou ohumu ana?

P S Heaha ka ke Akua e haawi mai ana ma ke ahiahi?  I ko lakou ohumu ana ia Mose me Aarona, ua like ia me ka ohumu ana ia wai?

I ka wahahee ana o Anania ma ia Petero, ua wahahee laua ia wai?  Oih 5;3,4.  I ko oukou hoowahawaha ana, hana ino ana i na kahuna pule, ua hoowahawaha, a hana ino oukou ia wai?  Ia Iesu ea, pela mai Iesu, Luk 10;16.

Na ninau i o ia nei.

Ekolu la hele me ka wai ole, mai hea mai?  Mahea kahi e auwana ai me ka wai ole a mau loa aku no?

Hele no ka Iseraela a loaa kahi o ka wai, he awaawa nue, a kapa ia wahi owai?

Mara, hoike mai i kekahi mau Mara maanei.  Na hale kuai rama, inu rama, hale hookipa okolehao, me ka awa.  Nui na wai mulea, na wai awaawa a hoopailua.  Ina inu ia a luai ia no, mahea ka like ole o ka Iseraela me kanaka oonei?  Aole lakou i mu i kela wai mulea.  Na kanaka nae oonei inu no me ka ono no i keia wai awaawa?

Heaha ka laau e lilo ai keia mau wai awaawa i wai ono?

Ehia mea i ohumu ai ka Iseraela, wai ole, wai mulea, a i ole, ia ole.

Hai mai i kekahi mau kumu o ko kakou ohumu ana.  Nohea mai na pilikia e ohumu nei?  Pehea mai Paulo ma Pil 2;14?

Heaha ka mane, heaha koea ano, pehea ka ohi ana, heaha ka barena a me ka wai e oia ai na uhane?

Nui na mea mulea e loaa ana ia kakou ma keia ao, nui na kaumaha, na mai, na make, na luhi.  Nawai e hoomama, a e hoomaha mai, Mat 11;28.

He mau mea aha na pilikia, he mau mea hoao paha.

Ka nani o ke Akua, ehia ano, he nani hoaia i ka mahalo. he nani hoala i ka makou me ka weliweli, e like me ke ahi pele ma Hilo i keia mau malama. he nani pepehi, he nani hooia.

Ke hoike mau mai nei ke Akua i Kona Nani ma ka lani, ma ka aina, ma ke kai, ma ke ala o ka poe pono, ma ka make o ka poe hewa.  Heaha ko kakou pono?

Haawina no Aug 28.  Puk 201--11

HE HOIKE NO HALEIWA

(Kakauia e Mary E Green.)

Hoko o keia mau makahiki he 10 o keia kula malalo o keia poo o ke kula, ua loaa na haumana he 188.

He 15 na hope kumu,

Ua mare 24,

"     make 12.  Malalo o na makahiki 12 he 24.

I keia la he 62 na haumana. mai Honolulu mai    19

Mai Ewa          19

 " Waialua       11

 " Maui                        8

 " Kauai           2

 " Hawaii         1

 " Koolau        1

 " Makala        1

Ua kokua mai ka Papa Hoonaauao me ka Papa Misionari o Bosetona, me kekahi mau makamaka aloha i keia kula.

Ua makana mai kekahi haole ma Bosetona he kaa lio, he kaa nui a ke kali nei no makou no na lio me na ili.

He nui ka mahalo o ke poo o ke kula no ka hoomanawauui ana o na makua mea keiki i ka wa i hoomalu ia ai o Halewiwa no ka hiki ana o ka mai hepela ma Hawaii nei, aole oia i lohe i hookahi ohumu ana.

Ke haawi aku nei ke poo o ke kula i kona mahalo imua o na makiua no ko lakou makaala ana, me ko lakou ae oluolu ana i na rula, a me na kanawai i kau ia ma Haleiwa, a me ko lakou ae oluolu mau ana no ke noi ana a ko lakou mau keiki i buke a me na mea a pau i hoonaauao ai i ka lakou mau keiki.

Ua ao nui ia na haumana he 20 a oi ma na mea kani, ogana a piano, a ua makaukau pono no kekahi poe i lawe ia hana ma na kula Sabati.

Ka oi nui keia o ka apana o Ewa iloko o keia makahiki no ka hooikaika ana o na makua ma ka hookomo ana i na keiki ma Haleiwa, ke heihei nei o Ewa me Honolulu.

Ke noi nei ke poo o ke kula i na makua e hookaa koke i ko lakou mau aie a pau, aoiai, he wa pilikia keia no Haleiwa, ua pii ke kumu kuai o na mea ai a pau, nolaila, e hoomanao oukou i ke ola o Haleiwa.

Ke ala mai nei o Waialua i keia makahiki ma ka hookomo keiki.  O na inoa o H N Kahulu he inoa e pili ana me keia hoal@ ana a ka manao o na makua. Ua hai mai oia, aia umi ka nui o kana mau keiki ma Haleiwa, alaila, ua olioli ia.

Ua hala na kukuna malamalama a hiki i Keawewahine, a ua ono ia makou na io bipi o kahi makua keiki, oia no o Hakumuholani

O keia hoike kula, he hoike malalo o ke alakai ana a Mrs Anna Nathaniel a me kona mau hope kumu.  O ka hana o ke poo o ke kula i keia la, oia ka noho aku a me ka nana ana i ka hana a kona mau keiki, nolaila, no loko mai o Haleiwa ponoi kona akamai, i keia la a me ka po, ke hakilo nei ke poo o ke kula ia Anna Nathaniel me na wahine hoole naauao, a ke hilinai nei no o Haleiwa iaia ma na mea a pau, aka, e hoi aka oia me ke aloha a me ka mahalo piha imua ona.

O ka mae e pani hakahaka nona, oia no o Miss Annie Cuper.

Ua hiki mai ke kumu hou Miss L W Simpson (Timekona,) i keia mau pule aku nei, ua haalele oia i kana kula nui, kahi oia i ao ai me me kona ohana, me na makamaka he lehulehu, a ua hiki mai iwaena o makou ma ke ano he kumu kula, a he misionari.  Ma ko makou launa ana me ia ua nui ko makou olioli ma o na la.  Eia kahi, ma kona mikaneri a ka Haku i haawi mai ia makou i keia kumu hou.

Ua hoouna mai ka Haku i Kona Uhane iwaena o na haumana o ke kula, a ua nui na hana, ua huli mai kekahi poe iloko o ka pono, a ua komo iloko o ka ekalesia, eiwa mau haumana.

Ua hala kekahi o makou i na aina pegana a malaila aku, ua lawe ia e na anela i ka poli o Aberahama, nani kona misionari, puka pona ka luhi o ke kumu ma ke ao ana i ka haumana oia ano.

Eia me makou kekahi makua o keia lahui, kahi makua aloha no Haleiwa.  Ma kona lokomaikai i na la i hala a me keia mau la no, ua loaa ia makou kahi ai me kahi ia i kokua maoli mai ia makou, oia no ka Mea Kiekie Liliu Dominis.

He ninau keia.  Pehea ka manao o na makua no na dala he 94.80, oia no na dala a na makua i haawi no ke kukulu ana i mau hale hou ma Haleiwa i ka wa e noho ana o Hattie Kahia me makou.

Aole makou e hoopoina i na kanaka kui ai o Haleiwa a me Teka me ka luhi o na aumoe o ka po, a me ke ala ana o na wanaao.

Ua nui ka hauoli no ka ike ana i na leta ma ke Kuokea, mai na haumana mai, ma ia hana, ua lulu lima o Haleiwa o ka wa i hale me Haleiwa o keia wa.

Ua hiki wawe ka holo kiki ana o na olelo o na bele o Haleiwa ma ka namunamu, ma ka olelo Hawai, @ ano hemahema lakou; ma ka olelo haole ua ma@, me he mea ala, o ko lakou olelo ponoi no ia.

Eia kekahi hemahema nui o makou, ke ano kahiko, kupono ole o na hale o makou.  Aole hiki ia makou ke alakai pono i na opio iloko o ke kiekie kuonoono, me keia ano o ka noho ana.

Hookahi mea i koe.  Ma ka lokomaikai o na Lani Kiekie, ua loaa ia Haleiwa a me ko Waialua holookoa, ka mea kokua io, oia no ke kahu o ko Waialua ekalesia.

Ua haawi no oia i kona nanu me kona mau lima a elua iloko o ke kokua ana i na hemahema o kela ano keia ano iwaena o makou i Haleiwa.  O ka noonoo ana o kona poo. o ke aloha ana o kona naau, na haawi no oia, a o ka hua o keia hooikaika ana, ua akaka loa ia ma na wahi a pau, a iwaena o na mea a pau.

E ko makou lunakanawai, ke noho lawelawe nei no oia ma kana oihana kiekie ma Waialua me ka mahalo nui ia.  Ua loaa ko Haleiwa makua ma ke kanawai, a Haleiwa i ike ole ai i na wa i hala.

NA HUNAHUNA MEA HOU O KO-

HALA AKAU, HAWAII.

Ma ka leta a ko makou makamaka H K Kanealai e noho nei i Honolulu nei, mai kona mau hoa mai o ka Makani Apaapaa o Kohala, i ike iho ai makou i keia mau mea hou:

Poalua, Iulai 19--Ua hoopii ia imua o ka Lunakanawai Apana he 3 mau kanaka Hawaii i hula me ka Laikini ole;  ua noho ka Aha e hoolohe, a ua ahewaia $100 pakahi me na koina.  Ea, pehea la ko Honolulu nei poe hula?  A heaha la ka manao o na lima lawelawe o ke Aupuni ma Honolulu nei, a me ko na apana e ae i keia ?  Eo la ia Kohala.

Paha, Iulai 21---Hoopii ia o Akana pake no ka haawi waiona, hoopaiia $200 me na koina.  Ua hoopii aku la nae na Loio o ka mea i hoopii ia i ka Aha maluna ae.

I ka po Poaano, la 23 o Iulai nei, ua ulu ae he haunaele nui na ka Hui Halaula, mawaena o na Makai o ke Aupuni me na Pake o ua Hui nei.  I kii ia ua poe pake nei e hopu no ka puhi opiuma a me ka pepa pili waiwai; a ua loaa pono aku no ua poe kolohe nei e hana ana i ka hewa.  Ua lele mai na pake maluna o na makai me na ho, a ua pale aku na kanaka, aka, ua nui ka eha mawaena o na aoao kue.  Ua hai ia nae, hookahi kanaka ua eha loo, o Auwae kona inoa, aohe i maopopo ke ola; a o ka nui o na pake a me na kanaka, ke aku 'la na alina o ka poino.  A ke paa la na pake i manaoia nana i hana kela hewa.  Elua mau pake e ae i paa no ka hewa pepehi, a @ hoopaiia e ka Aha $200 pakahi, me na koina.  Ua hoopii hou aku la nae ua mau pake nei i ka Aha Kaapuni, Ekolu hoi mau pake i hoopii ia no ka hewa opiuma, ua pau no nae i ke kapi ia.

Ke lumai la no na pulapula ko a na keiki mahia o Kohala.

Ke kukupau la na kulu paka-ua, he olu hoi paha ia o ua mau keiki mahiai la.  Kuia imua, imua no a lanakila.

He mahalo ko makou i na lima lawelawe o ke Aupuni ma Kohala, no ko lakou hana i ka lakou oihana.  A he mahalo nui ko makou i ka hoomau o na kanaka o Kohala i ke kanu ko.

HILI HEWA KA MANAO KE OLE

KUKAKUKA.

Mamuli o ka hoaiai ana ae a ko makou makamaka Kuoakoa i kekahi kumu e pomaikai ai ke kanaka, pela hoi i hakoi ae ai ka puuwai o kau maka peni e panai aku i kekahi mau mamalaoleo nona ke poo e kau ae la maluna.

O ka hoohui ana i na mea elua, a ekolu paha a pela aku, malalo o kekahi hui kalepa waiwai, he mea ia e pomaikai ai a e imi aku ai i ka noho ana kuonoono o ke kanaka hana; aole hoi he molowa e like me ka Solomona i olelo ai.  "O ka lima palaleha he mea ia e ilihune ai."

Aka hoi, mamua ae o kou hoohui ana aku ia oe me kou mau hoa hui, e pono e kukakuka a e nana mua i ke kulana o kou mau hoa. ma ke ano hoopono a me ke ano kanaka makua o ka hana, a e kaana like ia ka pono e loaa mai ana iwaena o na hoa hui, a pela e ike ia ai ka hua o ka mae i haua ia imua o kou mau maka.

Aka, ina aole oe e kuka mua me kou mau hoa i ka hana, ka pono a me ka pono ole, a o ka pahe o na olelo a me na hoomio olelo waiwai a na ka mea au e hilinai aku ai me ke akaka ole ia oe o ka pono, alaila, o ka haulehia aku no kou hopena, a e poho aku kona pokii, a e poino aku ko lakou muli loa.

Nolaila, he mea pono e kuka mua, ilaila no e ike ia ai ka pono a me ka ole, a ilaila no hoi e ike ia ai ka waiwai a me ka waiwai ole, a pela oe e pakele ai ina maunu hoowalewale o ka poino, a e loaa ole ai ia oe na manao pilihua o ka naau, ke mea e moe ole ai o ka po.

Eia kekahi, mai hoohana aku ia oe a me kau wahi loaa u uku malalo o kekahi hana, me ka manao e mahalo ia mai e hai, a oia iho ka waiwai au e manao ai he pono, aole loa pela, ke hahai aku la oe i kahi o ka nele a o ka lalau koke mai no ia o na lima o ilihune a alakai aku ia oe ma kona alahele, a e halawai auanei me popilikia a e puana ae auanei oe i keia wahi kanaenae aloha.

"Hili hewa ka manao

He ole ke kukakuka,

I pono no ka i ka hui mua,

A pa-pa leo pu me Hiku."

Eia hou kekahi, o ka noho ana kuonoono o ke kanaka puni lealea me kana wahine i mare ia, he mea ia e malu ole ai ka waiwai o laua i ka mea puni lealea, e like me ka pili waiwai.

He hana ia i kaunu loa ia e kakahi poe o kakou. a ua lilo ia i pulakaumaka na kekahi poe e moe ole ai o ka po, aia no ka pono a hoolale na ai a ka ui.

O ke kanaka i punihei malalo oia hana, ua lilo ka olelo ao a kana wahine @ i mea ole, a ua lawe no ia i ka laua wahi oke@ i mea nana e lealea ai, a puehu aku la ia ia la, a nele iho la i na mea e pono ai o ka noho ana o ke kane a me ka wahine, a i na e hiki mai kahi ku-ia pilikia kokoke, alaila, heaha la a uanei ka mea e kanaenae aku ai iaia la i olu mai kela.

Nolaila, he mea pono ia kakou e makaala ia kakou iho, i ole e ili mai ia poino maluna o ko kakou kino, ka uhane a me ko kakou mau waiwai a pau, a i ole e noho alii keia moonihoawa maluna o kakou, me kana mau@ ekaeka.

Me na Lunahooponopono o ke Kuokoa ka halia o ka manawa.  Aloha no.

L S KEANIANI

Kawaihae-uka, S Kohala, H Iulai 23 1881.

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

---E LAA NA---

Ahinahina, Kalakoa,

Keokeo, Leopnalo,

Pena, Aila, Aniani,

HA MEA PIULA!

KOPA, AILA HONUA.

AILA HOOMALOO

Kui Kakia, Pakeke,

Tabu, Kaula, Noho Lio,

Hulu Palaki, na Pulumi.

---A HE---

AGENA NO HOI NO NA MOKUPUNI O HA-

WAII NEI NO NA

Lainakini-nao,

Lainakini Maoli,

Palulu Kalakoa,

Alapia, Kelepa, Kilika,

Na lole kopono i ka wawae,

Palulu Huluhulu,

Na Lole Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

LIPINI, LIHILIHI, &c.

--- A ME NA---

Mikini Humuhumu MakeponoLoa!

---A HE---

MAU MEA AI KANI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &c.

A he Laau Lapaau Kaulana Loa

A DR. JAYNES.

Laau Kunu,

Laau Hoomaemae Koko,

Laau Hoopau Naio,

Penikila, Huaale,

A ME NA LAAU HAMO, A PELA'KU!

PAPA! PAPA!

---NO---

ALLEN & ROBINSON

UA WEHE AE NEI MAUA 1

PA KUAI PAPA

---MA---

KA UWAPO O PAKAKA!

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUKA ANIANI.

NA PANI PUKA a me

NA OLEPELEPE.

NA LAKO KUKULU HALE

O NA ANO A PAU!

E KUAHA MA KE

KE KUMUKUAI HAAHAA LOA

O keia Makeke.

ALLEN & ROBINSON.

CHRISTIAN CERTZ

Mea Hana Buti

---ME---

NA KAMAA MAOLI :

Alanui Papa, makai o ke Keena o Lai A Kiek@

KE HAI AKU NEI OIA I NA MEA A PA@

Ua hoi mai oia mai Kapalakiko mai,

Ilaila Oia i ohi kino mai nei i na @

nani a paa o kana oihana, a ke

waiho ia aku nei no ke ku-

ai ana no na kumakuai

o ka manawa

HE MAU WAIWAI PIHA O NA BUTI

Na KAMAA HAAHAA a me na ano kamaa

no na Lede.  Na Buti, na Kamaa Haa-

haa a me na ano kamaa e ae a pau

no na Keonimana.

NA BUTI & KAMAA HAAHA !

A ME NA ANO KAMAA E AE A PAU

NO NA KAMALII !

NA KAMAA O Na ANO HE NUI
O NA KAMAIKI OPIOPIO.

O neia mau mea a pau ua hanaia me ke akamai loa a me @ paa o na ano hou loa, a ke hooia ia aku nei ia mau mea e l@ me ka mea i olelo ia

E lawe ia no na kauoha mai na Mokupuni me ka ma au me ka eleu

NU HOU! NU HOU!

MA HOPE AKU O KA LA 1 O IANUARI, 1880, E HOOmaka ana makou malalo o na rula

DALA KUIKE,

I ka Loaa ana aku o ka Waiwai i

ka Mea Kuai.

E hookahua ana makou i ka makou oihana

malalo o ke DALA KUIKE, e

kuai ia aku ana na lako wai-

wai a pau no ke Kumju-

kuai malalo iho o ka

MEA I IKE IA MAMUA

E LIKE ME KA LILO.

He Huina nui ko makou o na Oo ; Kopala

Ho, &c., &c. i kuai ia mamua ae o ka

hoopii ia ana o ka auhau o ka poe

nana i hana.

HE MAU LAKO NUI KO MAKOU

---O NA---

PALAU

A makou e kuai ai no ka $7 a hiki

ka $7.50 Malalo iho o ke Kumukuai

mua no kela a me keia PALAU.

Ano ko ouko manawa kupono e loa ai na waiwai makepono loa.

E hele mai Hookahi, E hele mai a pau loa.

DILINAHAMA MA.

73 Alanui Papu.

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukulu

ana i na Hale!

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele. Na Papa Ku.

A me na Papa Moe nui loa.

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ke Makalii.

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano.

Na Aila Hoomaloo.  He lehulehu wale.

Na Aila e ae o na ano a pau.

NA WAI VANIKI

---A ME NA---

WAI HOOHINUHINU NANI!

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

---NO KA---

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!