Ka Nupepa Kuokoa, Volume XX, Number 24, 11 Iune 1881 — NUHOU MA KAWAIHAE. [ARTICLE]

NUHOU MA KAWAIHAE.

Ma Kawaihae nei, ua pahola ae o J H Kaelemakule keiki lalawai o Mahaiula N Kona Hawaii, i kana papaaina ma ka ili kai o Kawaihae,o kahi i ku ai ka papaaina, i luna oka ili kai, aole i kukulu ia i kahi maloo, aka, ua kukulu ia keia papaaina i luna oka ili kai lana malie i ka la lailai o Kawaihae nei, a i ahona i ka pa kolonahe a ka Eka. O ke kahua kahi i ku ai ka papaaina, eha waapa i hoonoho like la, a hoomoe like ia i ka papa mai mua a hope, a maluna olaila, ua elea maoli ka papaaina, a ua keiki ia o Mahaiula a me kona mau ukali, o Cap Allen o Kaupuiehu, a me Capt Hall o Keawaiki a me na hoa paahana pu. Lawa pono na mea ai, poi kalo, poi palau palaoa, ki, ipu haole, na ano ia, puaa, opihi, wai maoli ka waiu bipi, me ka wai momona. A ua kono ia mai ka poe kamaaina o Kawaihae nei, e paina pu aku me lakou, ua ai a lawa i ka lokomaikai o ua keiki huki ahi la o ke kai o auau o Laeakeahole, a he mea hou ia makou ka ike ana aku i ke hoholaana i mai o ka anini i ka ili kai, a me ke kuu welu pu ana mai, a ka maile, ka ieie, ka palai ame ka awapuhi, e palauhi mai ana i ua kahua ili kai la, o ke keiki eueu o Mahaiula, me ka mahalo. J B Kahoohuli Kawaihae, Mei 27, 1881.