Ka Nupepa Kuokoa, Volume XX, Number 19, 7 Mei 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUHA.

No ka Makahiki. $2.  Eono Mahina, $1.  Dala Kuike ka Rula.

 

KOMITE HOOPONOPONO.

SAMUELA KAAIKAULA.

HEZEKIA AEA.

 

POAONO.  MEI 7, 1881.

 

MELE KULA SABATI

Ua mele ia ma ka la hoike kula Sabati, ma Iole, Kohala.  March 4 1881.

1

Hoonani nui na pokii,

I ko oukou Alii,

Hui ae, mele ae, oli e,

Iesu ke ‘Lii o ka malu.

Cho.  Hoi aku kuu Haku i ka io,

A heahea mai e naue,

Kau pono na maka imua,

I ko lei e alohi la iluna.

2

A onou mai na ino,

Mai ku a huli hope ae,

A kena Iesu imua,

I loaa ko lei iluna.

3

Imua ma na pono lani,

Oiai na la opio,

Ma ke kula maikai nei,

Kahi apulu kono e ola.

 

Haawina Kula Sabati.

HELU 7, SABATI MEI 15, 1881.

KUMUHANA.

Ke kanaka waiwai me Lazaro.  Pauku Baibala.  Luk 16;19—31.

19  O kekahi kanaka waiwai ua aahu ia oia i ka lole makue a me ka ie nani, ua ahaaina olioli ia i kela i keia la.

20  A o kekahi kanaka ilihune, o Lazaro kona inoa, ua waiho ia aku Ia ia ma kona ipukaua paapu i na mai hehe;

21  E ake ia e hanai ia mai i na hunahuna i haule mai luna iho o ka papaaina o ua kanaka waiwai la.  A hele mai hoi ua ilio a palu iho la i koina mau mai.

22  Eia hoi kekahi, make aku la ia kanaka ilihune, a lawe ia aku la oia e na anela ma ka poli o Aberahama, a make aku la hoi ua kanaka waiwai la, a kanu ia iho la.

23  A maloko o ka po oia i nana aku ai, me ka eha nui, ike aku la ia Aberahama i kahi loihi aku a me Lazaro ma kona poli.

24  A kahea aku la ia, i aku la, E ka makua, e Aberahama, e aloha mai oe ia’u, a e hoouna mai ia Lazaro e o iho i ka welau o kona manamana lima iloko o ka wai, a e hoomaalili mai i ko’u alelo, no ka mea, ua eha loa au iloko o keia lapalapa.

25  Alaila i ma la o Aberahama, E ke keiki, e hoomanao oe, ua loaa ia oe kau mau mea maikai i kou wa e ola ana; a ia Lazaro hoi na mea ino.  Ano hoi ua hooluolu ia oia nei, a ua hoehaeha ia hoi oe.

26  A he mea e ae no hoi, ua waiho ia mai he awawa nui iwaena o makou a me oukou, i ole ai e hiki ka poe e manao ana e hele aku mai keia wahi aku io oukou la, a o ko laila poe aole e hiki ke hele mai io makou nei.

27  I aku la hoi oia.  Nolaila ke noi aku nei au ia oe, e ka makua, e hoouna oe ia ia i ka hale o ko’u makuakane;

28  No ka mea, he mau hoahanau kane ko’u elima, e ao’ku oia ia lakou, o hiki mai lakou i keia wahi eha.

29  I mai la o Aberahama ia ia.  Aia no hoi ia lakou o Mose a me ka poe kaula, i lohe lakou ia mau mea.’

30  A i aku la oia, Aole e ka makua, e Aberahama, aka, ina e hele aku kekahi mai waena aku o ka poe make, e mihi no lakou.

31  I mai la hoi oia ia ia, Ina i lohe ole lakou ia Mose a me ka poe kaula, aole no lakou e hoohuliia ke ala hou kekahi mai waena aku o ka poe make.

  Pauku Gula.  Sol 14;32, huli a hoopaa.

  Manao nui.  He ao hoomakaukau keia no kela ao mau loa.

  Na heluhelu la.   1  Luka 16;1-18, 2  Luk 16;19-31,  3 Mat 25;31-46,  4 Mar 9;41-50,      5 Hoik 21;23-27, 22;1=15,  6 Sol 14;16-35,  7 Iak 5;1-11

  Mele.  A ia hee ka malu po.  Lei Alii 45.

  Pule i ola a mihi i makaukau no ka lani.

Ka wehewehe me na Ninau ana,

  Heaha ke kumuhana o ka helu 6?  Mahea ka hauoli nui ke hoi mai na haumana i hele uhauha a auwana ana?

  Ua hoi mai anei kekahi poe uhauha a auwana hewa maanei ma keia mau la.

  Heaha kekahai mau mea nui ma Luk 16;1-18?  He puuku i hoopau ia no ke aha?  Heaha Kana hana naauao i hookipa oluolu ia’i Oia ma na hale o na makamaka?  Pehea oukou e hana ai me ko oukou waiwai i hookipa ia ai oukou ma ka lani?

  P 19-31.  He haawina nui keia.  He haawina hooluolu i ka poe pono, a hooweliweli i ka poe hewa.  Ke ano nui ia o ka Iesu ao ana, e hoike maopopo he mau ao e ae kahi e hele ai na kanaka mahope o ka haalele ana i keia ao.  He mau ao pau ole no.  He maikai wale kekeahi. He ino loa kekahi.

  Eia ma keia ao wale no kahi e hoomakaukau ai no ke ao maikai ma o.

  I na loaa ole ka makaukau maanei ka haule no ia iloko o ka po, kahi eha a wela mau loa.  Aole loa e hiki ke hemo ae.  Ina loaa ka makaukau maanei, ke komo no ia iloko o ka lani a mau no ka noho oluolu ana malaila.

  Ua hoike mai no Iesu i ke ala o ke ola, a me ka ala o ka make.  Aole pohipohi na ala elua.  Aole e hele mai ana kekahai mea e mai kela ao mai e ao mai i na ala e ae.

  P 19-21.  Elua kanaka.  Hai mai i ko laua ano like ole ma keia ao.  Lako wale ahaaina olioli i kela la ia keia ia.

  Pela anei kekahi poe maanei?  He ilihune loa Lazaro, a paapu i ka mai.  A waiho ia mahea?  A ake e ai i ke aha?  A aha na ilio i kona mau mai?

  Pilikia loa ea.  Pela anei kekahi poe mawaena o kakou?

  P 22-24.  Hai mai i ka like ole o ko laua make me ka noho ana ma kela ao.

  Make kekahi me ke kanikau nui ia me ka hoolewa hanohano ia a kanu hanohano ia.  Make no Lazaro me ke kanikau ole ia paha.  Ua kanu wale ia paha me ka lole weluwelu, me ka pahu ole paha, me ka ike ole ia ua make.  Aka, ua ike na anela a kii mai lakou a lawe aku i kiona uhane ihea?  Ka poli o Aberahama kahi ia no n punahele, o Paredaiso ia.

  Mahea nae ia haule ai ua kanaka waiwai nei?  Heaha oia malaila?  Eha loa.  Nana ka maka iluna.  Ike ia wai?  Heaha kana noi ia Aberahama?  No ke aha?  Eha loa iloko o ka lapalapa ahi.  He ahi aha ia?  He ahi pili mau i ke ao, i ka po me ka maha ole.  Aohe wai, aohe mea e hoopio ai.  Heaha ka hala i haule ai oia iloko o keia ahi?  Ka hoolilo ole i kona waiwai i mea e pono ai ka poe ilihune a pilikia i ka mai.

  P 25, 29.  A pane mai Aberahama pehea?

  Ehia mea keakea i ak hooko ana i keia mau noi ana?  Ua hala ka manawa a me kahi e hiki ai ke hooluolu ia.  He awawa nui hoi mawaena o ka lani me ka po.  Ua palena ia hookahi komo ana iloko o ka po, ka paamau loa ia.  Aole hiki i kekahi ke homo ilaila e hooluolu i ko laila poe eha i ke ahi.

  P 27-28  A pane aku la ua kanaka waiwai la pehea?

  P 29-31  A pane hou mai Aberahama pehea?  A pane hou aku ua kanaka la pehea?  Heaha ka pane hope o Aberahama?  Ke oki no ia o ko laua kamailio ana.

  Aohe hana hou e hana ia ai i mea e oluolu ai keia kanaka i ehaeha loa iloko o ke ahi, a i mea e hiki ole mai ai kona mau hoahanau ilaila.

Na manao Pili.

  1 Ua maopopo loa elua no wahi e hele aku ana kanaka mahope o ka make, ka lani, ka po.

  2 Ma keia ao wale no ka hana e loaa ai ka lani.  Ua akaka hoi ia hana.

  3 Ina hana ole i@ ia hana e haule ana iloko o ka po.

  4 Ina haule iloko o ka po ka paa mau loa ia ilaila, aohe mea e hemo ai.

  5 Ka poe ma ka po, aole o lakou makemake e hui na hoahanau o lakou malaila, aole makemake na makua e ike i na keiki, aole makemake na keike e ike i na makua, o ka hele o kekahi hoahanau ilaila, he mea ia e mahuahua ai ka wela o ke ahi.

  6 Mai kuhihewa.  Aole o ka waiwai ka mea e make ai ka uhane, aka, o ka hoolilo ole i ka waiwai i mea e pono ai kanaka, a i mea e holo ai ka hana a ke Akua.  Aole e pau ana ka poe ilihune me ka paapu i ka mai i ke ole, aka, o ka poe ilihune a mai e paulele ana ia ke Akua, e hoopili mau ana i ka Haku ia Iesu.

  7 E kokua ia ka hoolaha ana i ka ke Akua olelo i ike na kanaka, na kamahi, i ke ala e ola ai, me ke ale e make ai.  A na ka Uhane Hemolele e alakai ia lakou ma ke ala o ke ola.

  Mele.  Maha mau.  Lei Alii, 18.

  Pule i loaa ka maha ma ka lani a pakele i ke ahi ma ka po.

  Haawina no Mei 22.  Luk 18;1-14.

 

KUMUMANAO

 

Ka Oihana Mele.

  Aole akaka ua ao Marie ia Iesu i na mele Aole akaka he haku mele Iesu.  Ua ao Iesu i kana mau haumana i ka pule.  A pela paha Oia i ao ai ia lakou i na himeni.  Ua himeni pu Iesu me lakou ma ka ahaaina barena hu ole, Mat 25;30.  He mau himeni nae ia no loko mai o na Halelu, aole he mau himeni hou.

  Ua makaukau no na haumana ma ka himeni ana, no ka mea himeni no lakou iloko o na hale paahao kahi i hoopaaia’i lakou no ka hai na i ka Iesu olelo.

  Ma Mataio mokuna 21, he mea hou kai hoike ia mai no ka oihana mele no ka poe kupono ke mele, oia hoi na kamalii, a huhu loa na Parisaio no ko lakou hosana ana no Iesu.  A olelo ia ia, e pape oe i na kamalii i ole lakou e hooho hosana &c.

  Pane oia, ina e olelo ole lakou nei, e hooho koke mai no na pohaku, kupono ea ke komo ana o na kamalii iloko o ka oihana mele.

  O Paulo paha kekahi luna mele, oia kekahi kai mele pu me Sila iloko o ka halepaahao.

  Oia kai pii i ke kolu o na lani, a lohe i na mele lani.  Oia kai papa aku i ka himeni me ka leo maopopo ole.

  1 Kor 14.  Oia kai paipai i ko Epeso, me ko Kolosa no ka himeni ana, Epe 5;19, Kol 3;16.

  Iakoba kai paipai i ka mea hookahi e himeni keolioli.  Iak 5;13.  Ioane kai hoike mai i ka oihana mele ma ka lani, ke ano o na mele, me ka poe mele, oia ka lehulehu o na anela me na haipule, nana ma Hoikeana. Pau na kuhikuhi ma ka baibala no ka oihana mele.

  Pau na haumana mua, Petero ma, Paulo ma i ka make, mau nae ka oihana mele, ua hoala ia na kumu mele, na haku mele, nui na mele karisetiano i haku ia, a mele ia, ma no ohana, ma na halawai liilii, ma na halawai nui, nui na kumu mele e pili ana ia Iesu i Kona hanau ana, bapetize ia ana, make ana ma kea, ke ala hou ana, pii ana i ka lani a pela aku.  Ua hoonoho ia i mau papa himeni, papa kane, papa wahine, papa keiki papa himeni, himeni huihapa, himeni hui pau loa.

  Eia no ia’u kekahi buke himeni kahi i kakau ia ai kekahi mau himeni o na ekalesia karisetiano mai ke Ceneturia ekolu a hiki i keia wa, ua unuhi ia mai loko mai o na olelo mua a i ka olelo Beritania.

  Aole i haku ia na mele mua, na himeni mua, ma na kanawai, a ma na rula, ma na meta, na ana, 8.8-6, 6-8, 8-7-7, 8, 88-8-6, 11, 12-11, 10-11 &c, a e like me keia manawa, he hana hope ia.  Ane like ke ano mua me na mele Hawaii kahiko.

  Maikai a maemae na leo o na himeni karesetiano mua i mele ia ma na anaina.

  Mahope iho nae, ua huikau ia kekahi mau leo kupono ole i na anaina hoomana, me na mea hookani kupono ole.

Ma ka hoopili ana.

  He oihana mele ma Hawaii, mai ka wa kahiko mai.  Nohea mai la ia?  He mau haku mele, me na mele he nui wale, o kela a me keia ano, no ka akua, no na ahaaina, maikai kekahi, maikai ole kekahi.

  Aole i haku kanawai ia, aole akaka na meta, na ana, L, M, C, M, S, M. 8,8-6, 6-8, ana loihi, ana pokole, ana mawaena &c, nui ka poe i mele pu, a maikai paha kekahi leo, a maikai ole paha kekahi.

  Puka mai na misionari, akaka ole ia lakou ka oihana mele Hawaii.  Akaka nae, ua kupono ka leo Hawaii i ka leo mele, hiki ke ao ia ma ke ano o ka oihana mele ma Amerika, a ma Beritania, nolaila, ua hoomaka lakou e ao i ke ano mele haole, ua haku ia na himeni ma ia ano, ua pai ia, a ua himeni ia, a hala kekahi mau makahiki, ua pai ia kekahi buke himeni, me na kuhikuhi, na rula, kanawai ehiki ai ke lilo kanaka Hawaii i poe akamai i ka himeni ma ke ano mele haole.

  Oia hoi ke mele ana ma na meta, na ana, na hua heluhelu haole, na hoailona mua, L M, C M, S M, a mahope iho, na huahelu 88-6, 6-8 &c.

  Ma ka manao o na kumu misionari, pono ke pau ke ano mele kahiko, a o ke ano mele haole ke pani.  A pela io no, ua pau ka nui.  Ua koe nae na mele kanikau me, kekahi mau mele e ae a na kanaka Hawaii e haku nei, aole nae ma ke ano mele haole.

  Ua hookumuia ka oihana mele ano haole ma keia paeaina. Ua hoopiha ia na luakini, na anaina hoomana, na kula Sabati me na kula e i na buke himeni, ua kukulu ia na papa himeni, me na kula himeni.  Nui no ka poe akamai ma ka himeni ana, hookahi nae hemahema i koe, ke kula ao i ka haku mele ano haole, no ke kukulu ole ia o ia kulu nolaila paha ka loaa ole o ke kanaka Hawaii i akamai ma ka haku mele ano haole aka.  Mahope paha e kakau au i kekahi mau mea no ia hana.

  Ke ano o na mele. 1  Ke mele kahi, pili ia i ka mea hookahi, nui ia mau mele ma ka buke himeni Hawaii &c.

  2  Ke mele ohana, nui ia mau mele ma ia buke, mele kakahiaka, mele ahiahi, mele Sabati &c.

  3  Mele hoahanau, e pili ana i na halawai hoahanau,  4  mele anaina e pili ana i na halawai nui ma na luakini,  5  mele kula Sabati.

  6  Mele kula maoli, nui na mahele o na himeni, nana i na mahele ma ka buke himeni Hawaii ma na papa kuhikuhi.

  Eia ka ninau.  Ke himeni nei anei oe e ke hoa ma kahi mehameha i na himeni e pili ana i ka mea hookahi?  Ina aole, e hoomaka koke, a e himeni me ka leo, me ka maau.

  Oukou na ohana, ke himeni nei anei oukou i na himeni e pili ana ia na ohana?

  Ina aole, e hoomaka koke, a e himeni me ka leo, me ka naau, e hoonaauao ana, hoohaaoli ana a pela aku, kekahi lala i kekahai lala.

  Na hoahanau ekalesia, ke himeni nei anei oukou i na mele i pili ana i na haawina haipule?  Ina aole, e hoomake koke, a e himeni e like me ka paipai ana a Paulo ma Epe 5;15, Kol 3;16. 

  Na anaina hoomana nui, ke himeni nei oukou i na himeni e pili ana i na anaina ma na luakini?

  Aole paha, pehea la e hiki ai ia makou ke himeni?  Aole makou i ao ia i na leo mele, kuhi makou aia ia hana i na papa himeni i hoomakaukau ia no ia hana, koe makou ka lehulehu, ka nana wale aku no ko makou i ka papa himeni, me ka hoolohe a hauoli me ka mahalo, me ka hoahewa ana paha.

  Aole paha pela, nana i na Halelu 148 149, 159.  Aole mea i hookuu ia iwaho o ka oihana mele.

  He maikai no ke wae ia kekahi poe uuku a ao ia a akamai loa ma ka himeni ana, he papa okoa ia me kona alakai. 

  Aka, oukou ke anaina nui, e hui a koho i ko oukou komite mele.  E lulu dala oukou a me ia puu dala e imi aku ai, a uku i kumu e hoohaahaa ia ia iho e ao ia oukou i na leo himeni kupono ia oukou.  Na leo pohihihi, i ka papa mele ia.  I ka papa mele kekahi mele ana, i ke anaina kekahi mele ana a hui pu paha ka papa mele.

  Ua hewa keia noho wale ana o ke anaina me ka himeni ole, hoomaikai ole, hoonani ole ana ia Iehova ma na luakini.

  Ma Amerika me Beritania, a ma na wahi e ae, haalulu kekhai mau luakini a halehalawai i na leo mele o na anaina.  Nui ka mahalo ia ma ka hana a ma ka iani.  E hoomaka na anaina.

  Hawaii e hoohalike ma keia makahiki kaulana 1881.  E hoomanao ea i keia.

  E hoomaka ia ma Ierusalema, oia hoi o Kawaiahao me kana kaikamahine o Kaumakapili.  A emo ole a laha aku ia i na wahi e ae a pau a puni keia paeaina.  Na ka Uhane Hemolele e kokua mai i hooka ia keia manao.

  Ka pule nui ia a ka haku mele Hawaii.

                        L LAIANA.               

Waimea, Hawaii, Feb 17 1881.

 

MOOLELO O KA AHAHUI EUANELIO O HAWAII HIKINA.

  La hana, Aperila 12 1881, hora 10 am.

  Halawai ka ahahui euanelio o Hawaii Hikina ma ka luakini o Haili, Hilo.  Wehe ia ka halawai me ka pule, koho ia o Rev T Coana i lunahoomalu, J S Kalana i kakau olelo.

Ekalesia                       Kahu                           Elele Laupahoehoe & Kakalau,

Onomea                       Rev J H Pahio             Kailihao

Haili                            Rev T Coan                 Honuakau

Puula, Puna                 J N Kamoku                Hulu

Kalapana, Opihikao                                        Alapai.

  Na lala mau, Rev D B Kymana, Paakaula, J S Kalana, W M Kalaiwaa, B Manoa, Daniela, na keike a ka aha.

  Koho ia o Kalana, Pahio, Paakaula i komite imi kumuhana.

  Heluhelu ia na kumuhana:

  1  Hapalua hora haipule,  2  hoike kihapai,  3  kiomite hoike no na ekalesia no ka ahahui nui ma Iune, Honolulu,  4  komite hoike no na hana a keia aha ma Honolulu,  5  no ke ola o na kahu,  6  no na ekalesia kahu ole,  7  no na kula Sabati,  8  no ke kula kaikamahine o Kohala,  9  heluhelu haawina, 10  komite imi haawina,  11  no ke kula kahunapule,  12  no ka oihana kuloko,  13  no ka oihana kuwaho,  14  na elele no ka ahahui ma Honolulu,  15  kahi a me ka manawa hui hou ai keia aha.  Apono ia ka hoike a ke himite imi kumuhana.

Hapaiia ka hoike Kihapai.

  Na Pahio i hoike mai no Onamea, holopono na hana ma ke kokua no ka luakini.

  Na Coan i hoike no ka ekalesia o Haili, ua holopono ka hana a ka Haku.

  Na Kamoku i hoike mai no Puula, oia mau no na hana.

  Na Paakaula i hoike mai no Opihikai me Kalapana, maikai no na hana me ko lakou kahu ole.

  Koho ia o Pahio i komite hoike no na ekalesia a me Kalana komite hoike no na hana a keia aha ma Honolulu.

Hapai ia ke ole o na Kahu.

  Hoike mai ke kahu o Puula, Puna, no ka hanai hapa o kona ekalesia iaia.

Hapai ia no ka ekalesia Kahu ole.

  Hooholo ka aha ia Paakaula e haamau aku kona malama ana no ka ekalesia o Kalapana me Opihikai, a o Kamoku no ka ahaaina a ka Haku no ia ekalesia.

  Hoopanee ia ka halawai a ka la apopo hora 9 am.

La hana 2, Aperila 13, hora 9 am.

  Wehe ia ka halawai me ka pule.

  Hapaiia no ke kula kaikamahine o Kohala, hooholo ia; he kanalima dala a keia aha e kokua aku ai no ia kula.

 

  Hoopanee ia ka halawai a apopo hora 9 am.

La hana 3, Aper 14, hora 9 am.

   Weheia ka halawai me ka pule, hapalua hora.

  Heluhelu mai ka luna hoomalu o ke komite imi haawina i na haawina.

  1 He mea pono anei i na kanaka ke paulele nui i ko ke kino a haalele i ka waiwai o ka uhane, J H Pahio.

  2 E wehewehe ia Petero 8;19, T Coan,

  3 Heaha na makana mua o ka uhane iloko o ke kanaka, S J Kalana.

  4 Heaha ka olelo hoino i ka Uhane Hemolele, J W Kamoku.

  5 E wehewehe ia Ieremnia 31, 14, Paakaula.

  6 Pehea e hoomaemae ia ai ka naau o ke kanaka, W M Kalaiwaa.

  7 Heaha na mea e pau ai ka palaka o kanaka, B Manoa.

  8 Pehea ka emi ana o ka naau i ka pono, Honuakau.

  9 E wehewehe ia Roma, Daniela.

No ke kula Kahunapule.

  Hooholo ka aha ia Honuakau, Daniela, Iosepa, no Haili, Hilo, ia W M Kalaiwaa, no Puula ia Kaaikauna, no Kalapana, Puna.

  Koho ia o T Coana, J S Kalana i mau mea nana pono i na haumana i hookaawale ia no ke kula kahuna, a o J W Kamoku me Alapai ko Puna, no na haumana oia apana.

 

Ka oihana Kuwaho.

  Hooholo ia; e hoi na lala o keia aha o paipai i na ekalesia, ma na kokua o ka mahinahou i lawa ke ola o na paahana ma na oihana kuwaho.

  Na elele o ka ahahui ma Honolulu, Honuakau me Poakaula.

  E halawai ana keia aha ma Opihikao Puna, ma ka malama o Sepatemaba 7 1881, Poaha elua.

  Hooholo ka aha e uku ia na elele 5 dala pakahi.  Hoopanee ka aha.

            J S KALANA,  Kakauolelo.

 

  Ke mama loa mai nei ka mai hepela i keia mau la.

 

  O J M Oat Jr ke kakauolelo a ka Luna Leta nui i keia wa, ma kahi o ke kakauolelo mua Mr Dubois i ulia ia e ka nawaliwali o ka ike o kona maka a ano hapopo.

 

  He elua mau kalepa i ku mai i ka pule i hala me na tona lanahu no na mokuahi paha o kakou nei a me na mokuahi leta.

 

  He mau la ikiki wela keia o Honolulu nei i ka pa ahe makani ole, nana aku ia moa unounoo na kamahele o na ala loa, a auau hou hoi na paahana o kela a me keia oihana.

 

LOLE MAKEPONO

Ke Kuike.

E LOAA NO IA MA KAHI O KAKELA ME KUKE!

- E LAA NA –

Ahinahina, Kalakoa, Keokeo, Leponalo, Pena, Aila, Auiani, NA MEA PAULA!

KOPA, AILA HONUA, AILA HOOMALOO

Kui Kakia, Pakeke, Tabu, Kaula, Noho Lio, Hulu Palaki, na Pulumi.

- A HE –

AGENA NO HOI NO NA NOKUPUNI O HAWAII NEI NO NA

Lainakini-nao, Lainakini Moali, Palule Kalakoa, Alapia., Kelepa, Kilika,

Na lole kukpono i ka wawae, Palule Huluhulu, Na Lole Huluhulu, Na Lole no ka hoohehelo ana, Lipini, Lihilihi, &C

LIPINE, LIHILIHI, &C.

- A ME NA –

Mikini Humuhumu MakeponoLoa!

- A HE –

MAU MEA AI KAUI

Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c

A he Laau Lapaau Kaulana Loa

A DR. JAYNES.

Laau Kunu, Laau Hoomaemae Koko, Laau Hoopau Naio, Penikila, Huaale.

A ME NA LAAU HAMO, A PELA ‘KU

840 tf

 

PAPA, PAPA

AIA MA KAHO O LEWERS & COOKE!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA Papa Nouaiki o kela a me keia ano.

Na Papa Nani a Paa no ke Kukulu ana ia na Hale!

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na papa Ku,

A me na Papa Moe nui loa

NA PILI O KA HALE O NA ANO A PAU.

Na Pepa Hoonani, Na Pena o na Wai a pau, Na Kui mai ke Nui a Ka Makalii, Na Ami Puka, Na Ami Puka Aniani, Na Ami o na ano a pau,

Na Aila Pena, o kela me keia ano, Na Aila Hoomaloo, he lehulehu wale,

Na Aila e ae o na ano a pau.

NA WAI@ANIKI

- A ME NA –

WAI HOOHINIHINU NANI!

O na ano a pau loa.

NA BALAKI ANO NUI WALE

A ke hai ia aku nei ka lono ia na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

- NO KA-

UKU HAAHAA LOA!

E like me ka mea e holo ana mawaena o LAUA a me ka MEA KUAI.

E hele mai!  E na Makamaka!

A e lawa no hoi ko oikou makemake me ka oluolu a me ka maikai!

8454tf.

 

AINA KUAI MA KOHALA AKAU.

Oiai ua oluolu i ka mea nona ka @ mai@

I keia mau mokupuni, nolaila, e waiho @ ana @

Ke kuai i kona aina ma na apana, e kulike @

Make o ka poe kuai.  O kuu @

Akau. @ ola hoi

Na Aina Kanu Ko a me na Aina Kula, Na Hale Hana, Na Hale Noho a me ka uapo, Na Lio a me na Bipi, Ke ko @ nei a me Na kaa Lio @

Na Mea Paahana Amara, Na Waiwai Halekuai a me Na Lako Hale & Co

Ina aole e like keia maumea a hiki i ka ia i o @

alaila, e waiho ia aku keia mea waiwai maluna @

dala akea.  No ke kumukuni o keia mea waiwai @

            S STAINES    ma Kohala, Hawaii.                            1008 2m

 

CHRISTIAN GERTZ

Mea Hana Buti

-ME –

NA KAMAA MAOLI

Alanui Papa, makai o ke Keeaa o Lui & Die@

KE HAI AKU NEI OIA I NA MEA A PAU

Ua hoi mai oia mai Kapalakiko mai, ilaila Oia ia ohi kino mai nei i @

nani a paa o kana oihana, a ke waiho ia aku nei no ke kuai ana no na kumukuai o ka manawa

HE MAU WAIWAI PIHA O NA BUTI

Na KAMAA HAAHAA a me na ano kamaa no na Lede.  Na Buti, na Kamaa Haahaa a me na ano kamaa e ae a pau no na Keonimana.

NA BUTI & KAMAA HAAHAA

A ME NA ANO KAMAA EA AE A PAU NO NA KAMALII

NA KAMAA O NA ANO HE NUI O NA KAMAIKI OPIOPIO

  O neia mau mea a pau ua hanaia me ke @

paa o na ano hou loa, a ke hooia ia aku nei ia mau mea @ me ka mea i olelo ia!

  E lawe ia no na kauoha mai na @ au me ka eku.                 @

 

NU HOU! NU HOU!

MAHOPE AKU O KA LA 1 O IANUARI, 1880, @

make ana makou malalo o na rula

DALA KUIKE, i ka Loaa ana aku o ka Waiwai i ka Mea Kuai.

E hookahua ana makou i ka makou @ malalo o ke DALA KUIKE, e kuai ia aku ana na lako waiwai a pau no ke Kumukuai malalo iho o ka

MEA I IKE IA MAMUA E LIKE ME KA LILO.

He Huina nui ko makou a na Oo, Kopaa Ho, &c, &c, i kuai ia mamua ae o ka hoopii ia an o ka auhau o ka poe nana i hana.

HE MAU LAKO NUI KO MAKOU

- O NA –

PALAU

A makou e kuai aku ai no ka $7 a @ ka $7.50 Malalo iho o ke Kumukuai mua no kela a me keia PALAU.

Ano ko oukou manawa kujpono e @ na waiwai makepono loa.

E hele mai Hookahi,  E hele mai a pau loa.

DILINAHAMA MA.

942 tf                                      73 Alanui Papu

 

PAPA! PAPA!

- NO –

ALLEN & ROBINSON

UA WEHE AE NEI MAUA I PA KUAI PAPA MA KA UWAPO O PAKAKA

Na Papa Ulaula o na ano a pau, Na Papa Paina o na ano a pau.

Na Pili Hale Ulauia, Na Pili Hale Keokeo.

Na Pepa Hoonani Hale, Na Pepa Molina.

Na Pena a me na Aila Pena!

NA KUI O NA ANO A PAU.

NA PANI PUKE a me NA PANI PUKE ANAIANI.

NA PANI PUKE a me NA OLEPELEPE.

NA LAKO KUKULU HALE O NA ANO A PAU!

E KUAILA MA KE KE KUMUKUAI HAAHAA LOA O keia Makeke.

ALLEN & ROBINSON

Honolulu @                                                                @43 rf