Ka Nupepa Kuokoa, Volume XX, Number 19, 7 May 1881 — Page 3
| This text was transcribed by: | Lynn Mangel |
| This work is dedicated to: | MacKenzie and Kendall Mangel |
Ka Nupepa Kuokoa
KE KILOHANA POOKELA NO KA LAHUI HAWAII.
$6,000 $6,000
KA WEHE KAOKOA ANA O
NA WAIWAI AIWAIWA O KA NANI
HE NUI WALE!
MA LOLE O NA KANE, MAI NU IOKA, PILADELEPIA
A ME EUROPA MAI!
HE WAIOLU NA KUMUKUAI,
A he Kaulike ka Panai ana,
Ke aoao akkk@ nei au i ka lehaleha, e makaikai mai i kuu mau Waiwai Nani o Europa me Amerika mai, me ka ninau ole @ @ @ @ ka @ keia o ke ka o ke ahua, a i wae pono ia ma keia kaona. He oi loa aku ka haahaa o ka'a kumukuai, no na @ @ @ @ kaa maoli. E ao e ep@ ia mai oukou. E nane e ikemaka no oukou iho, i ko'u mau Waiwai Maemae he nui @ @. He manaka okoa no hoi i ka helu papa aku.
NA LOLE HOU O LOKO MAI MA KE KUAI HOOPAKI!
Ke aoao hou aku nei @ @, e ao i akahele i ko'u mau Waiwai me @ Kumukuai. Aohe olelo ana no ka hoikeike wale no @ @ aku no na kauoha mai a pau. CHAS. J. FISHEL.
C. O. P. BAZAR.
@ @ Kihi o na Alanui Papu me Hotele.
BENJ H. AUSTIN,
LOIO A HE KOKUA MA KE KANAWAI.
A!anui Kaahumanu, Helu 13. 970 tf.
JOHN RUSSELL
LOIO A HE@KOKUA MA KE KANAWAI.
Alaunui Kalepa, Helu 32, kihi: o Alanui Papu.
@ H I. 1002 1yr
D H A KINIAKUA.
Ua makaukau ole e hana i na ano palapala pili kanawai a pau Palapala kuai, Hoolimalima, Aelike, Oka mare, @ @ @ palapala hoopu kipaku aina, no ka uku haahaa @ loaa no wau ma ka Hale Kula ma Pulehu, kula apana o @ 992 6m.
INO. LOTA KAULUKOU.
LOIO A HE KOKUA.
UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupana. Ua hiki no hoi ke hana i na palapala a pau e pili ana @ ka @hana Loio me ka eleu. K loaa no au ma Heeia Koolau@ @ a ma Honolulu no hoi i kek manawa 901 tf
S. B. DOLE.
HE LOIO A HE LUNA HOOIAIO PALAPALA.
E hiki no iaia ke lawelawe i na hihia o kela a me keia ano imua e na Ahahoakolokolo a pau o keia aupuni.
Keena hana ma Alanui Papu, maluna ae o ka Halekuai o @ Honolulu, Oahu, Iulai 10, 1880. 971 tf.
KAKELA a me HAKI.
UA NEE aku mana ke oukou mau Loio mai ka pili pu ana me ke Keena Kuokea a i ke Alanui Kaahumanu Helu 15, ma @ mai e ka Baneko o Bihopa ma.
UA makaukau mau mana e lawelawe i na hihia a pau ma Honolulu a me ko na mokupuni. E hooko iana Palapala @. @ @ a me ka Moraki me ka eleu. He Luna @ Palapala no hoi o W R Kakela. 980 tf
CECIL BROWN.
LOIO A HE KOKUA MA KE KANAWAI
A HE AGENA no ka Hooialo ana i na Palapala no ka Mokupuni o Oahu.
@ @ Alanui Kaahumanu. Honolulu, H. P A. 2y.
ANA KAULIA,
Loio a Kokua ma ke Kanawai.
UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa me au ma Kooiaapoko, Heeia, a ma Honolulu i kekahi wa @ ia na kanaha mai na wahi a pau o ka mokupuni me ka eleu a me ka hikiwawe.
RICHARD F. BICKERTON.
[PEKETONA.]
LOIO a ke KOKUA ma ke KANAWAI!
E HELE ANA OIA IMUA O NA AHAHOOKOLOKOLO a pau o keia Aupuni ma na ano hilia a pau, ina paha ma Oahy nei, a ma na Mokupuni e ae.
Ua makaukau mau oia i ka hana ana i na Palapala pili kanawai @ keia a me keia ano.
Ua hiki no hoi iaia ke hoaie dala aku ma ka moraki ana ina @, ma ka akupanii haahaa loa.
E @ @ ua hana me ka hikiwawe a ma ka uku haahaa.
Keena hana, Helu 23 Alanui Kalepa, elua puka ma o aku o ka hale hauka o Kauka Minnieole. 840 1y
J. W. M. POOHEA.
He Loio a he Kokua ma ke Kanawai.
NO NA kanaka a pau imua o na Aha Apana a pau, a me na Aha Hoomalu o na Apana Hookolokolo Kaapuni a pau e keia Aupuni, a imua o ka Lunakanawai Kaapuni o ka Apana 11 ma ke Keena ma Molokai no na makahiki elua, a he agena Hooiaio Palapala Kepa no hoi no ia Apana. E a @ aku no na koii-koi o ko oukou mau makemake me ka @ E loaa no au @ "Kalauonaona Home," a i ole ia, ma @ wahi e halawai ai.
Ke hoike akua aku nei au i ka lehulehu, ua wehe au i ko'u hoopaa ana he Loio no ka Hoi Mahiko o Moani, Molokai, a e @lawe no au i ka'u Oihana no ka pono o ka lehulehu mai o @ @ @ ia'u, @ kea mai e kokua i ua pilikia pili Kanawai. @ a kuk@ na maka ilalo. 1004 6m
JAMES M. MONSARRAT.
[MAUNAKEA.]
Loio a he Kokua ma ke Kanawai
IMUA O NA AHA HOOKOLOKOLO A PAU o keia Apuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
A HE LUNA HOOIAIO PALAPALA.
Keena hana helu 9 alanui Kaahumanu.
Jan. 3, 1880, 944 1y
J. B. KAOHI.
LOIO A KOKUA MA KE KANAWAI.
IMUA e na Aha Hookolokolo a pau ma ka Mokupuni o Hawa@ a i mau hoi e na Aha Hooma la a Apana a pau o keia Aupuni. E loaa no au ma Kohala Akau Hawaii.
@ 1y
He Nui Anei Kou Makemake I no
Mekini Humuhumu Lole?
Ina p@la, alaila, e kipa mai no ma ka Halekuai
-:O:-
KAKELA A ME KUKE.
A malaila oukou e ike ai a makaikai i na ana MEKINI a WHEELER a me WILSON mai ke $40 a hiki i ke $50 ke kumukuai o ka mea hookahi.
Na MEKINI a SINGER,
ma ke $50 pakahi, me ke ano
MEKINI a WILCOX me GIBBS,
ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka ao ke kapono o keia mau ano Mekini,
e @ mai no ma ke kuih@ ole, a o ike no oukou hoi.
MRS. A. M. MELEKI.
MEA HUMU LOLE MAIKAI A ME
Na Koloka, na Holoku ano hou.
104 Alanui Papu, Kuea o Burua.
Honolulu, @ 15, 1881. 998 1y
KALE NILEKONA,
KAUKA LAPAAU,
Keena ma ke kihi o Alanui Papu me Hotele
HONOLULU,
O na mai o ka Maka,
Pepeiao a me ka Puu,
UA MAKAUKAU OIA MA K LAWELAWE ANA. 955 1y
KAUKA EMEKONA.
E LOAA O KAUKA EMEKONA MA KONA Keena Hana ma ka Hale Kauka o Dr. Hoffmann, (Kauka Hopemana) ma ka Helu 24 Alanui Kalepa, mai ka hora 9 a 11 o ke kakahiaka, a mai, ka hora 2 a 4 o ke ahiahi.
He keiki keia o ka aina o Hawai nei, a ua noho oia he mau makahiki ma Nu Ioka, a ua makaukau i ke pale keiki, a ika lapaau ana i na mea mai fiva, na mai maoli a me na mai henui o na ano a pau. Ua akamai oia ma na olelo elua. 981 6m
KAUKA BERODI.
(O KE KULA NUI O KANADA)
Ua makaukau au i ka lapaau ana i na kanaka Hawaii no na ano mai a pau. Ke kahea aku nei au i na poe i loohia i ka mai e hele mai ia'u
KEENA OIHANA
Aia ma Alanui Papu, Helu 129, mauka iho o ka Hale Kamana o D. Burrous.
996 tf.
DR. E. H. THACHER.
KAUKA HUKI NIHO.
Aia kona keena hana ma Alanui I'apu helu 104 1-2 maluna. Malaila ola e loaa ai i na poe a pau i loohia ia me na niho eha. E loaa no ola mai ka hora 9 am a hiki i ka hora 5 pm
Ua loaa hou kekahi mea huki niho, a o ka poe e makemake ana e huki ia ko lakou mau niho eha, e naue ae i keia hale, no ka uku kupono.
Honolulu, Dec. 01, 1880. 993 1y
E. Cook Webb, M. D.
HOMEOPATIKA.
(Kauka o ka Halemai Homeopatika, ma ka Mokupuni Ward's. N.Y.)
KEENA OIHANA. - Helu 60, Alanui Papu. Makaukau mau e lawelawe i na pilikia mai o na wahine a me na kamalii.
HORA HANA. - Mai kakahiaka a hora 10 am. - 2 a i ka 4 pm. 967 4m
MAKEMAKEIA.
UA MAKEMAKE IA NA
ILI BIBI MIKO HOU
A ME NA
ILI KAO
E haawiia ke kumukuai kiekie ma ke dala kuike e
HUGH MACKAY.
Luna o ka Hale Hana Ili ma Kaholaloa, Honolulu.
E Kuai ia aku ua Huluhipa he nuui wale ma ke kumukuai makepono no ke dala kuike.
Honolulu, @eb. 16, 1880. 951-tf
NA KAHAKA O HAWAII NEI!
INA I MAKEMAKE
OUKOU E KUAI I
GITA, AKODIANA,
BANJO, OHE, VIOLINA,
PAHU Hookani Nunui a Liilii,
HE PONO LOA IA OUHOU KE
HELE MAI I KA HALEKUAI O
GEO. F. WELLS,
HELU 66 m3 68 ALANUI PAPU.
Ke malama nei no au i na Lako Hale o na ino a pau.
Na Noho no $1.00
Na Moe Laau no $7.00
Na Punee nani loa no $15.
A me na ka lako hale piha no ke $45.
Ina i makemake oukou i na Mekini Humuhumu lole, e loaa no ia oukou ka
MEKINI HUMUHUMU AMERIKA
o ke kumukuai makepono, me ka makana he pila Gita maikai a he kii nui paha.
Ua pai iho nei o Mr. Wells he Buke kuhikuhi no ka Huila Humuhumu ma ka olelo Hawaii. A i keia wa, o ka poe e noho ana ma na wahi kuaaina, ua hiki ia lakou ke kuai i ka Huila Humuhumu me ka haawi manawalea ia aku o ka Buke kuhikuhi, a mailoko aku o keia buke e ike ai i na loina o ka humuhumu ana.
O na kumukumu o ko makou mau Mekini Humuhumu, mai ke 40, 45, 50, a hiki i ke $55.
I na i makemake oukou i ka Mekini maikai loa me ke pakaukau akea a me ka huila kala, ua hiki no ia oukou ke hoouna mai ma ka leta ia
GEO. F. WELLS ma HONOLULU.
Me ka hooko@ pu iho i ka $55., a nana no @ @ aku me ka buke kahikuhi a me ia makana i hoi ia. Na oukou @ @ @ mai i ka makana a oukou e makemake ai.
E loaa no na WATI maikai no ka $7.
Na WATI kau hale mei $2.50, $3, $4, a hiki i ka $5.
Na KAULA WATI no ka $2.00 wale @.
Kia no hoi ma keia hale @. Loaa kii emi lea o ke @
GEO. F. WELLS,
Helua @ me @ Alanui Papu. 9@2 @
HE MAKUA UA HALA
E ka Nupepa Kuokoa e; Aloha oe:
Ma ka la 11 o Aperila, loohia iho la ko makou Papa D H Holualoa i ke onawaliwali mai o ke kino, a ma ka la 12 ae oia mahina no, ua akakuu iki mai ka hele uluulu ana mai o ka mai ma kona kino, a ma ka Poakolu ae, ua hele aku la oia makai o Kaluaahole i ka pahoe malolo i mea e pono ai ka ohana; a pau ka lawaia ana, hoi mai la oia a hiki i ka hale, ia manawa hoomaka hou mai la ka mai e kalele iluna o kona kino, oia ke anu a me ka wela ma na wawae a hiki i ke poo, a kaumaha mai la ke kino. a mai ia la mai a hiki i ka Poalima Maikai, ano emi iki mai la ka anai ana o ke anu a me ka wela maluna ona, koe nae ka eha o ka poo, a ma ia po a ao ae Peaono. ua hehiku iho la ka mai puupuu hepela makamaka ole iluna o kona kino mai ke poo a hikili na wawae; i ka wa i ike pono ia ai o ka elele a ke aloha ole ke hooalii ana maluna o kona kino, ua hoike koke ae la kana kauwawahine i na kanaka o ke aupuni, a ua holo koke aku la ke kanaka o ke aupuni a hoike aku i keia i ka halewai, a ia wa ua hoounaia mai ke Kauka Rokeke e ike i ke ano o ka mai. a ma kona nana ana, ua ike ola he mai hepela, a ua ho oholo ke Kauka e lawe ia Holualoa ma Kahakaaulana, a ma kakahiaka Sabati Apr 17, ua hiki mai la ke kaa mai e lawe ia Holualoa no kahi i hookaawaleia, me kana wahine a me kahi bebe uuku ; a mai ia la mai a hiki i ka wanaao o ka Poalima a ao ae Poaono, Apr. 23, ua uiha mai la oia i keia ola ana, a waiho iho la kona kino e moe hooilo ma na aeone koo-u puanuanu o Kahakaaulana.
O keia Holualoa, he keiki papa oia no ke Kai Maokioki o Kona, ua noho loihi oia no na makahiki he 30 a oi ; nolaila, e na kini makamaka o Holualoa e noho ana ma na Kona, ke hoike ia aku nei ka lono kaumaha ia oukou, ua hala a ua nalo o Holualoa ma kela aoao o ka muliwai eehia.
Ma ka makahiki 1872, ua haalele aku la oia i na Kona, a holo mai la me kona ohana a noho ma Kamoiliili, a mailaila mai a hiki i kona make ana aku la, ua piha he 9 makahiki ma keia aina.
Ua hanauia mai na laua he 10 mau keiki, make ka umi a koe makou eiwa e ola nei, he eha keikikane a he elima kaikamahine. O keia Holualoa, he kanaka oia i aloha nui ia e ko Kamoiliili nei, he kanaka mikiala oia ma na hana pono a ka Haku, e hele ana ma na wahi a pau e malama ia ana na hana a ka Haku. He kanaka hilinai oia no ke ola o ka ohana, na imi oia i mea e loaa ai he pono no kona ohana, ua hooikaika oia i mea no makou e pono ai ma keia ola kino ana. Nolaila, e ka bele o lmiola, aole oia e lohe hou ana i kou leo, e na paia laahia ou e Kawaiahao, aole oia e ike hou ana i kou nani, oiai, ua hala oia, ua ukali aku la i ka Luna Nui ma kela ao, kahi ane i imi nui ai e hui pu me na puali o ka lani, e Hosana a e Halelu aku i ka Haku Iesu, a oia hoi ka mea i hoikeia mai e ka Buke nui weliwelik, "Aia no he wahi e maha ai ko ke Akua poe kanaka."
Nolaila, me ka walohia, eehia a luuluu keia maka peni e hoike aku nei, no ka ili ana mai o keia haawina maluna o ko makou mau puuwai, no ka hoonele ia ana mai i ka makuakane ole no keia ola ana. Ua haalele mai oia ia makou na keiki a me ko makou mama, e ku-o a e paiauma aku ma keia aoao o ka luakupapau me ke kaniuhu a me ka mokumokuahua o ka naau, no ka nalo ana o ka makua, ko makou mea e pono ai ma deia ola kino ana. Aka, ua hoomaha ia mai nae e kela olelo kaulana, "Na ia la i haawi mai a Nana i lawe aku, e hoonani ia ka inoa o lehova. Owau no me ka naau kaumaha.
JULIA KAPONO.
Kamoiliili, Kona, O., Apr. 28, 1881.
OLELO HOOLAHA.
Mai kela ia aku a mau aku, aole au e hookaa ana i kekaha aie i aie ia ma ko'u inoa, ke ole e loaa aku kekahi palapal hoapono mai ia'u aku. J PAAKAULA.
Honolulu, Aperila 30 1881. 1013 2t.
OLELO HOOLAHA.
O ka poe a pau e hele wale ana a lawe paha i kekahi mea ulu a mau mea e paha. maluna o na aina o Kipu, Kapukahi, Haiku, a me Kalapaki, ma ka mokupuni o Kauai, e hoopii ia no ma ke kanawai. W H RICE.
1013 4t.
AHA Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o D Pohakahi o Waialua, Oahy i make kauoha ole, imua o ka Lunakanawa! McCully Ma ka heluhelu a me ka waiho ana mai o ka palapala noi a Kahawaii Collins w, o Waialua, Oahy e hoike mai ana o Daniela Pohakahi no Walalua, Oahu, ua make kauoha ole ma Waiahua, ma ka la 11o Maraki 1881 a e noi ana e haawi ia ka palapala hookohy lunahooponopono a kahu waiwai hoi no ke keiki oo ole oia o Ilaia k, ke keiki o ua Daniela Pahakahi i make.
Ua kauohaia o ka Poakolu, ka la 18 o Mei, ma ka M H 1881 hora 10 am oia la, oia kahi a me ka manawai i kohoia no ka hoolohe ana i ua noi la, imua o ua Lunakanawai la, ma ke Keena ma ka Hale Hookolokolo o Keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kanoha e hoolaha ia ma ka olelo Hawaii i ekolu pule ma ka Nupepa Kuokoa, he nupepa ma Honolulu.
Kakauia ma Honolulu, ko Hawaii Paeaina, Apr. 27, 1881. Kakela a me Haki, na loio no Kahawaii Collins.
L McCULLY, Lunakanawai o ka Aha Kiekie.
Ikea: A Rosa,
1013 @t Hope Kakauolelo o ka Aha Kiekie.
Hoopulu Meakanu.
Ua papa loa ia ma keia hope aku ka
HOOPULU ANA I NA MEAKANU
Koe wale no maioaena o na
Hora 6 a me 8 A. M. a me 4 me 6 P. M
G. D. FREETH,
Luna Oihana Wai.
Aponoia,
Kakau inoa ia, H. A. P. CARTER,
Kuhina Kalaiaina.
Honolulu, Apr. 19, 1881 1012 3t
MAKEMAKEIA.
Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke
C BREWER & CO. (Burua Ma.)
Honolulu, Sept. @, 1880 996 tf.
LETA NA KEKAHI HAWAII
Vernon Nicholaus, Sutter Co., Cal.
Malaki 28, 1881.
Mr. Binamu ; Aloha nui oe:
I keia la ke hoouna aku nei au i na dala he kanakolo ($30.00) no ko na Aina e ma kou lima e like me mamua, a nau no ia e haawi aku ia Mr. Holo. A na ke Akua no ia e hoouna aku i Kona aloha i na aina pouli i mea e nani ai Kona Loaa, e like me ka manomano o Kona ahonui i malama mai ai Oia ia'u i na la o keia noho malihini ana ma ka Aina e.
Aka ua i mai ka olelo Ana i hai mai ai ia'u. "Nana no ka honua a me na mea i piha ai." Nolaila, aole no he hopohopo o ka noha ana. E kikoo aku no kuu waha me kuu manao a pau Iaia, a Nana no au e malama mai, Oia no ke kokua kokoke loa, ua piha ka honua i Kona hemolele a me Kona aloha, aole mea e ae, Oia wale no.
Eia no makou; na kanaka Hawaii e ola maikai ana i keia la me na wahine Kaleponi 2 me na mea liilii 3. O ko makou nui e akoakoa nei maanei, 8 kanaka Hawaii maoli, 5 hapa Kaleponi. Aka o ka noho ana, aole maikai, he hoonaukiuki i ke Akua, aka, o Kona ahoaui wale no. Ke aloha aku nei au ia oe me kou ohana, a me na makua o ka pono. Ua pau me ke aloha. Owau no ka Hipa auwana. LUKA KUALAWA.
NA PERESIDENA O AMERIKA.
O ka nui o na Peresidena o ka Repuba. like o Amerika Huipuia mai ia Keoko Wasinetona a hiki ia Gafila i keia manawa, he iwakalua no ia, a penei ka loihi o ka noho Peresidena ana o kela a me keia o lakou:
Wasinetona. I ke 57 o kona mau makahiki, 2 malama a me 8 la, lilo oia i Peresidena, a noho no 7 makahiki, 9 malama a me 4 la i ka noho Peresidena, a make i ke 67 o kona mau makahiki, 9 malama a me 22 la.
Ioane Adamu. I ke 57 o kona mau makahiki, 4 malama a me 4 la, lilo oia i Peresidena; a noho no 4 makahiki wale no i ka noho Peresidena, a make i ke 90 o kona mau makahiki, 8 malama a me 4 la.
Jefferson. I ke 57 o kona mau makahiki, 11 malama a me 2 la, lilo oia i Peresidena; a noho no 8 makahiki i ka noho Peresidena, a make i ke 83 o kona mau makahiki, 3 malama a me 2 la.
Madison. I ke 57 o kona mau makahiki, 11, malama a me 16 la, lilo oia i Peresidena, a noho 8 makahiki i ka noho Peresidena, a make i ke 85 o kona mau makahiki, 2 malama a me 12 la.
Monroe. I ke 58 o kona mau makahiki, 9 malama a me 4 la, lilo oia i Peresidena, a noho no 8 makahiki ma ka noho Peresidena, a make i ke 73 o na makahiki, 3 malama a me 6 la.
John Q Adams. I ke 57 o kona mau makahiki, 7 malama a me 21 la, lilo oia i Peresidena, a noho no 4 makahiki wale no ma ka noho Peresidena, a make i ke 80 o na makahiki, 7 malama a me 13 la.
Jackson. I ke 61 o kona mau makahiki, 11 malama a me 17 la, lilo oia i Peresidena, a noho no 8 makahiki ma ka noho Peresidena, a make i ke 77 o na makahiki, 9 malama a me 24 la.
Va Buren. I ke 54 o kona mau makahiki, a me 3 malama, lilo oia i Peresidena, a noho no 4 makahiki wale no ma ka noho Peresidena, a make i ke 79 o na makahiki, 7 malama a me 19 la.
Harrison. I ke 68 o kona mau makahiki a me 23 la, lilo oia i Peresidena; a noho no 1 malama ma ka noho Peresidena, a make i ke 68 o na makahiki, 1 malama a me 23 la
Tyler. I ke 51 o kona mau makahiki a me 8 la, lilo oia i Peresidena, a noho no 3 makahiki a me 11 malama ma ka noho Peresidena, a make i ke 71 o na makahiki, 9 malama a me 19 la.
Polk. I ke 49 o kona mau makahiki, 4 malama a me 2 la, lilo oia i Peresidena, a noho no 4 makahiki ma ka noho Peresidena a make i ke 53 o na makahiki, 7 malama a me 13 la.
Taylor. I ke 64 o kona mau makahiki, 5 malama a me 9 la, lilo oia i Peresidena, a noho no 1 makahiki, 4 malama a me 5 la ma ka no Presidena, a make i ke 65 o na makahiki, 9 malama a me 14 la.
Fillmore. I ke 50 o kona mau makahiki 6 malama a me 3 la, lilo oia i Peresidena, a noho no elua makahiki, 7 malama a me 25 la, a make i ke 74 o na makahiki, 2 malama a me 1 la.
Pierce. I ke 48 o kona mau makahiki, 3 malama a me 9 la, lilo oia i Peresidena, a noho no 4 makahiki ma ka noho Peresidena, a make i ke 64 o na makahiki, 10 malama a me 15 la.
Buchanau. I ke 65 o kona mau makahiki, 10 malama a me 11 la, lilo oia i Peresidena, a noho no 4 makahiki ma ka noho Peresidena, a make i ke 77 o na makahiki, 1 malama a me 9 la.
Linekona. I ke 52 o kona mau makahiki a me 20 la, lilo oia i Peresidena, a noho no 4 makahiki, 1 malama a me 11 la ma ka noho Peresidena, a make i ke 66 o na makahiki, 2 malama a me 3 la.
Johnson. I ke 56 o kona mau makahiki, 3 malama a me 17 la, lilo oia i Peresidena, a noho no 3 makahiki, 10 malama a me 19 la, ma ka noho Peresidena, a make i ke 67 o na makahiki, 7 malama a me 2 la.
Grant. I ke 46 o kona mau makahiki, 10 malama a me 5 la, lilo oia i Peresidena, a noho no 8 makahiki ma ka noho Peresidena, a eia no oia ke oia nei.
Hayes. I ke 54 o kona mau makahiki, 5 malama a me 1 la, lilo oia i Peresidena, a noho no 4 makehiki ma ka noho Peresidena a eia no oia ke ola nei.
Gafila. I ke 49 0 kona mau makahiki, 3 malama a me 13 la, lilo oia i Peresidena, a ke noho nei oia i ka noho Peresidena i keia wa, akahi no a hoomaka aku e hehi i ke anu@ mua o kona noho hookeie ana no ka lahui Amerika.
Wai. Wai.
O ka poe no lakou na Uku Wai i p@u i Ianuari 1, a e waiho uku ole nei a hiki i ka la 31 o Mei, e oki ia ko lakou mau pono wai me ka hoolaha hou ole ia aku. G D. FREETH.
1014 4t Luna Oihana Wai.
E O ! E O ! !
KE kauleo hou aku nei makou i na makamaka a pau loa. Mai palaka oukou. Ano ka wa, e O na mea o apu i makaukau ole mamua. O ka O wale no ka mea e pakele ai ke kanaka i ka wa e laha ai ka Mai Puupuu Hepela. O ke kumu i poino nui ai kahi poe, no ka O ole ia, a no ka pono ole paha o ka O. E wiki, o O ano, a hala na la ewalu, e hele e hoikeike hou i ke Kauka, i ikeia ka pono. O ka lohe ke ola.
NUHOU KULOKO.
KE puka aku nei ka helu mua o ka moolelo o Keoki Wasinetona ma ka pepa o keia la.
UA hoopii ae na Poola o kakou o na uapo i ko lakou uku ma ka $2.50 o ka la.
UA kaulua iki ia ka "Hele makaikai ana i ka aina o na Parao i keia pule, no ka nui o na kope manao e ae i ake ia e pai.
MA Leleo i ka wanaao Poalima nei, make iho la o Heneri A Kahanu, kekahi o na'lii o ka Hale Ahaolelo a me Kukamalu ma kona home noho.
I ka Poaono i hala, i haalele mai ai ka moku manuwa Farani i ke awa nei, a holo aku la no Maikonisia.
I KA waokele o na' kuahiwi ke Kahu Aupuni i ka pule i hala kahi i makaikai ai a hoi mai, me ka lupea ia o ka huakai a pulu elo i na paka ua hehi lau laau o ka mauna.
HE mau ike alii kai malama ia i ka auina la Poaono i hala na na aliimoku o ka manuwa Amerika a me Farani i ke Kahu Aupuni, ma Iolani Hale manua ae o ko laua haalele ana mai i keia mau kapaka i a holo aku la.
MA Waialua, ua moku iho la ka lima o Ku i ke giana pauda a lele ka peahi lima oiai oia e hoopahu i-a ana makai o Mokuleia; aka, iaia i hoi ai i ka hale, hoike aku la oia i moku kona lima i ka mano.
I KA wanaao o ka Poalima nei, ua kaili ia aku la ke aho o Mahiai makai, ma kona home noho ma Kaakopua. Hala keia makua maikai i noho lawelawe loihi i ke kulana makai, a hakahaka hou ia keena o ka oihana.
E HOLO ana o Keo Kaaka i Palolo ina ke ke kakahiaka o ka la apopo no ka O ana i ko laila poe, a i ke awakea e hoi ana i Waikiki-kai no ia hana hookahi. E pono i ko Waikiki-kai e akoakoa pau mai ma ka halepule i ke awakea. E hele pau mai na keiki me na makua, i pau pono i ka O ia i pakele i ka mai. E hoolohe i ola.
I KA auina la Poaha nei, mawaho o Kulaokahua, ua pakele iho la he kaikamahine i kekahi poka aea wale i lele a ku ma kona kua, aole nae i komo iloko o ke kino, aka, he alina nae kai loaa. E pono i ka poe ki manu a ki poka lealea, e malama i na hana o keia ano, a e hookaawale loa, aole e hookokoke mai ma kahi o na kauhale.
Ma ka pepa o keia la, e ike ai ka lehulehu i ka Papa Kuhikuhi o na lealea o ka la 11 o Iune ae nei, a ua konoia ka poe mea lio i makemake e hookomo iloko oka heihei oia la, e waiho ae i ko lakou mau inoa ma kahi o Mika Uilama hana wai hinuhinu O keia kekahi o na heihei maikai loa i ike ole ia mamua, pela ka hoike mai a na Komite Hoomakaukau.
UA hoolaha mua aku makoa i ka makahiki i hala, e hoopokole ana makou i na moolelo o na Ahahui Euanelio a me na Kula Sabati e hoouna ia mai ana e pai, mai hoohalahala no ke kapae ia ana o kekahi mau manao, oiai, aole no makou ia hewa, aka, no na Kakauolelo i ka hooloihi i na kamailio ana, aole lawe ma ke ano nui.
UA pahola ae ke Kama Aliiwahine Pauahi a me kana kane he anaina luana nanea ma ko laua home i ka Adimarala a me kana wahine a me na aliimoku o ka moku kaua "Pensacola" i ke ahiahi Pualua iho nei, a na hoohauoliia na malihini a me na kamaaina he nui wale i koao ia ma keia anaina me ka olioli.
I KE ahiahi Poakahi nei, he anaina puhi ohe kai haawiia ae ma ka Hotele Hawaii mawaena o ka puali puhi ohe aupuni o kakou nei. Ua hauoli ka lehulehu i akoakoa ae i ke kani o na ohe a me ka maikai @ na leo i hookani kike ia e na puali puhi ohe a elua, a ua mahalo loa ia na keiki puhi o kakou i ko lakou puhi huikau pu ana me ka poe puhi ohe o ka Adimarala i ka wa hookahi i kekahi leo mele a lokou i ike ole ai mamua, aka, hookahi no nae ka pae ana i kula me ka poe i kamaaina i ka leo mele.
HE elua pule mai keia la aku, Mei 21, oia ka la hanau o ka Moiwahine Victoria o Be@tania Nui.
KE hookokoke mai nei ka la 11 o Iune, he mau pule wale no ke kaawale.
E hele aku ana o Henere Waterhouse i Manoa i ka la apopo e O i ko laila poe. E hele nui ae na mea a pau i ka halekula e O ia ai a mai palaleha.
UA minamina makou i ka hiki ole ke puka i keia pule kekahi manao waiwai, i lawe ia mailoko mai o ka Buke a Kauka Wahine, e pili ana no ka Luakiei Pili Kahiko mua o Kawaiahao. I keia pule ae nae e hoolaha ia aku ai.
I KA wa e liuliu, ia ana kekahi mea mai hepela e lawe i Kahakaaulana, ua make e iho la ka mea mai i ka hale, a kii ia ka pahu a laweia i kai. Ma Kapalama ae nei keia mea i hanaia ai.
UA hoikeia mai ia makou ka lohe, ua hopu ia he pake i ka po Poaha nei a hoopaa ia i ka Halewai, a i kona kii ia ana aku e hookolokolo i ke kakahiaka Poalima nei, aole oia ma kona keena i hoopaaia ai. Mahea la kona hemo ana.
KA Hone Ao. - E holo ana ka "Hoku Ao" no kona hana ma Maikonisia, iloko o ka hebedoma mua o June e hiki mai ana. Nolaila, @ hoomanao na makamaka, a e hooili mua mai i na leia ma ke keena o ka Papa Hawaii. A. O. POLEPE.
KE komo mai nei ke ko a na hale wiliko e nau mai nei a kupai i Honolulu, mai kela a me keia pea o ka aina; a ke hoounaia nei na moku me ka awiwi me ka ukana wale no he kopaa i na makeke o ka hikina i kala a me keia wa.
I ka Poaono i hala, mai holapu ia e ke ahi na kauhale ma ka huina o na alanui R@keke a me Kalepa, aka, mamuli o ka ike ia ana o ka uwahi e punohu ana iloko o kekahi hale e ka poe hele o ke alanui, ua hoopio koke ia a palekana iho la.
UA ku hou mai nei ke kalepa lawe lima hana Pukiki mai Sana Michael iloko o na la holo he 120 a oi. Ua lawe mai oia he @5 paa i mare ia, 106 kane wahine ole, 2 wahine kane ole a me 104 kamali i. Oiai ma ka moana, ua hanau he 19 keiki a me 13 mau make penei: . 11 keiki, 1 wahine a me 1 kanaka i haule iloko o ke kai ma Lae H@o. Ua nana ia keia poe e ke kauka o ke awa a me ka o ana ia lakou..
HE elua mau aha paani@koloke i hookuku ae i na ike o lakou ma ke kahua manienie o Aliiolani Hale i ke awakea Poaono i hala, mawaena o eha a ke Kahu Aupuni a me eha o Apua, a o ka hopena o ia hookuku ana, oia ka lilo ana o ka lanakila i na eha o ke Kahu Aupuni no elua manawa poloiei, a hoopio ia na eha o Apua; a pela i oiaio ai ka olelo a kahiko, "ma ka apua ke ola o na pokii."
I KELA pule aku nei, ua pahola ae la ka lohe ma ke kulanakauhale, i ka hoopau ia ana o kekahi mau poo o ka Oihana Makai, oia o Keoni Bolabola, Akana Kalauki, elua makai haole, o Wale a me Mehrtens mai ko lakou kulana ae ma ke kauoha a ka Luna kanawai Kiekie; a ua oiaio ia mau lono a ke waiho kakahaka wale nei ia mau wahi o keia oihana. O ke kumu o ko lakou hoopau ia ana, aole i maopopo, aka, ma na lono i wawa ia ae, "no ka lawe ka o keia poe makai i na waiwai kipe a ka poe lawehala."
UA kuhihewa o Hawaii Opio iloko o ka "Elele" o keia Poakoiu ma kana olelo na nuku ka makou i ka poe paani koloke. Aole loa pela, ua hauoli makou i ka paani koloke, a me n@ lealea maikai a@pau, i ka "wa kupono" Aka, aia a ike maka makou i ka poe koikoi, a hoa iloko o na aha hanohano, ka poe i hoomahui ia e na opio o ka aina, a @ manao ia he poe alakai no ka lehulehu, e hoolilo ana i ka manawa a pau, ami ka hora 9 o ke kakahiaka a hiki i ka hora 10 o ka po, i wa lealea wale no i hui pu ia me na hana lapuwale e ae, pono makou ke papa a ao aku, o ko makou kuleana ia A he mea he wa loa ke noho hamau makou. O kekahi poino nui a kumu e make ai o ka lahui, oia ka piha lealea noonoo ole o @a Hawaii opio. Aohe keia he hoohalahala kumu ole, o ke ao ana keia a ke aloha.
O na lilo no ka hoolewa ia ana o Hephaestiona he $1,500.000. O na lilo o Aristotle no ka huli ana i ka oiaio o ka moolelo o ke ao nei he $1,000,000. O na lilo o Ptolemy Philadelphus no kekahi ahaaina he $2,239,000. O ka huina o ka waihona waiwai o keia alii he $375,000,000. Ua ike ia he nui ka waiwai iwaena o ko Koma i ka wa kahiko ; a o na kanaka waiwai loa o keia au mai nei he ewe no mai ia lakou.
O ka waiwai io o na aina o Crassus he $8,5000,000, a no kona hale noho he $400,000. O Caecillus Isidorus ka mea i ah@ nui i kona waiwai a hiki i kona la hope, ua koe iho ke keena he $5,237,000. He $4,000,009 i loaa ia Demetrius, he kanwa kupaa na Poipe. O Leniulus ke kilokilo he $17,000,000 i loaa iaia ma kana hana. He $735,000,000 i uha wale ia e Antony. Ua waiho iho o Tiberiu mahope iho o kona make ana he $118,120,000, a na kana keiki i uhaai a pau iloko o ka wa pokole; ua hoolilo aku keia keiki ma kekahi papaaina hookahi he $150,000.
Ua loaa ia Apicius he $5,000,000, a mahope iho o kona ahuai wale ana no kona hale kuke a me ka lu wale ana i keia a me keia, ua hiki aku ka huina dala 4,166,000, nolaila, ai iho la oia i ka laau make, a waiho iho la i ke koena he mau haneri tausani. Ua hoike ia, ua haawi manawalea aku o Nero i kona poe hoa'loha he 97,500,000. dala O ka waiwai io o na lole o Lollia Paulina he 1,664,480 dala; aole i komo i keia heluna kona mau mea makamae. Ma kekahi papaaina, @a kahiko ia oia me ka aahu i uhi@a me na pohaku momi nona ke kumukuai he 1,662,500 dala; a keia papaaina nae, aole na ka poe kiekie. O ka hoina holookoa nae o kona waiwai he 200,000,000 dala.