Ka Nupepa Kuokoa, Volume XX, Number 18, 30 April 1881 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

$6,000                                                                                     $6,000

KA WEHE KAOKOA ANA O

NA WAIWAI AIWAIWA O KA NANI

HE NUI WALE!

 

NA LOLE O NA KANE, MAI NU IOKA, PILADELEPIA

A ME EUROPA MAI!

HE WAIOLU NA KUMUKUAI,

A he Kaulike ka Panai ana.

 

@ lehulehu a makaikai mai i kuu mau Waiwai Nani o Europa me Amerika mai, me ka ninau ole @

 o ke ku o ke ahua, a i wae pono ia ma keia kaona.  He oi loa aku ka haahaa o ka‘u kumukuai, no na @. E ao o epa ia mai oukou.  E naue e ikemaka no oukou iho, i ko‘u mau Waiwai Maemae he nui @ kua no hoi i ka helu pepa aku.

 

NA LOLE HOU O LOKO MAI MA KE KUAI HOOPAKI!

 

@ i ko‘u mau Waiwai me na Kumukuai.  Aohe olelo ana no ka hoikeike wale no @ kauoha mai a pau.     

                                                                                                            CHAS. J. FISHEL.

C. O. P. BAZAR.

                                                                                                Kihi o na Alanui Papu me Hotele.

 

BENJ H. AUSTIN,

LOIO A HE KOKUA MA KE KANAWAI.

Alanui Kaahumanu, Helu 13.             970 tf.

 

JOHN RUSSELL

LOIO A HE KOKUA MA KE KANAWAI.

Alanui Kalepa, Helu 22, kihi o Alanui Papu.

@ H. I.                                    1002 1 yr.

 

D H A KINIAKUA.

Ua makaukau oia e hana i na ano palapala pili kanawai a pau.  Palapala kuai, Hoolimalima, Aelike, Oki mare, @ palapala hoopii kipaku aina, no ka uku haahaa @ ma ka Hale Kula ma Pulehu, kula apana o @                                                                                                        992 6m.

 

JNO. LOTA KAULUKOU.

LOIO A HE KOKUA.

UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni @ no hoi ke hana i na palapala a pau e pili ana @ me ka eleu.  E loaa no au ma Heeia Koolau @ ma Honolulu no hoi i keia manawa.                                  901 tf.

 

S. B. DOLE

HE LOIO A HE LUNA HOOIAIO PALAPALA.

E @ ke lawelawe i na hihia o kela a me keia ano @ Ahahookolokolo a pau o keia aupuni.

Keena hana ma Alanui Papu, maluna ae o ka Halekuai o @

Honolulu, Oahu, Iulai 10, 1880.                                 971 tf.

 

KAKELA a me HAKI.

UA IKE aku maua ko oukou mau Loio mai ka pili pu ana ma ke Keena Kuokoa a i ke Alanui Kaahumanu Helu 15, ma o mai o ka Baneko o Bihopa ma.

Ua makaukau mau maua e lawelawe i na hihia a pau ma Honolulu a me ko na mokupuni.  E hooko ia na Palapala Kuai, Hoolimalima a me ka Moraki me ka eleu.  He Luna Hooiaio Palapala no hoi o W R Kakela.                                                                                                 980 tf.

 

CECIL BROWN.

LOIO A HE KOKUA MA KE KANAWAI

A HE AGENA no ka Hooiaio ana i na Palapala no ka Mokupuni o Oahu.

Helu 3, Alanui Kaahumanu.   Honolulu, H. P. A.      2y.

 

ASA KAULIA,

Loio a Kokua ma ke Kanawai.

UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu.  E hana no au ma Koolaupoko, Heeia, a ma Honolulu i kekahi wa Hoike ia na kauoha mai na wahi a pau o ke mokupuni me ka eleu a me ka hikiwawe.

 

RICHARD F. BICKERTON.

[PEKETONA.]

LOIO  a he KOKUA ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

            Ua makaukau mau oia i ka hana ana i na Palapala pili kanawai o kela a me keia ano.

            Ua hiki no hoi iaia ke hoaie dala aku ma ka moraki ana ina dala ma ka ukupanee haahaa loa.

            E hanaia na hana me ka hikiwawe a ma ka uku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kauka Minuteole.                                                                                                       840 1y

 

J. W. M. POOHEA.

He Loio a he Kokua ma ke Kanawai.

 

NO NA kanaka a pau imua o na Aha Apana a pau, a me na Aha Hoomalu o na Apana Hookolokolo Kaapuni a pau keia Aupuni, a imua o ka Lunakanawai Kaapuni o ka Apana 11 ma ke Keena ma Molokai no na makahiki elua, a he Agena Hooiaio Palapala Kepa no hoi no ia Apana.  E @ aku no na koii-koi o ko oukou mau makemake me ka eleu.  E loaa no au ma “Kalauonaona Home,” a i ole ia, ma na wahi e halawai ai.

            Ke hoike akea aku nei au i ka lehulehu, ua wehe au i ko‘u @ ana he Loio no ka Hui Mahiko o Moanui, Molokai, a e lawelawe no au i ka‘u Oihana no ka pono o ka lehulehu mai o @ ia‘u, e hea mai e kokua i na pilikia pili Kanawai. @ na maka ilalo.                          1004 6m.

 

JAMES M. MONSARRAT.

[MAUNAKEA.]

Loio a he Kokua ma ke Kanawai

IMUA O NA AHA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.

A HE LUNA HOOIAIO PALAPALA.

Keena hana helu 9 alanui Kaahumanu.

Jan. 3, 1880.                                                                            944 1y

 

J. B. KAOHI.

LOIO A KOKUA MA KE KANAWAI.

IMUA o na Aha Hookolokolo a pau ma ka Mokupuni o Hawaii a i mua hoi o na Aha Hoomalu a Apana a pau o keia Aupuni.  E loaa no au ma Kohala Akau Hawaii.

988 1y

 

He Nui Anei Kou Makemake i na

Mekini Humuhumu Lole?

Ina pela, alaila, e kipa mai no ma ka Halekuai

—:o:—

KAKELA A ME KUKE.

A malaila oukou e ike ai a makaikai i na ano MEKINI a WHEELER  a me WILSON mai ke $40 a hiki i ke $50 ke kumukuai o ka mea hookahi.

Na MEKINI a SINGER,

ma ke $50 pakahi, me ke ano

MEKINI a WILCOX me GIBBS,

Ma ka $30 a hiki i ke $50 ke kumukuai.

            I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou hoi.                                              862 tf

 

MRS. A. M. MELEKI.

MEA HUMU LOLE MAIKAI A ME

Na Koloka, na Holoku ano hou.

104 Alanui Papu, Kuea o Burua.

Honolulu, Ia 15, 1881.                                                                        998 1y

 

KALE NILEKONA.

KAUKA LAPAAU,

Keena ma ke kihi o Alanui Papu me Hotele

HONOLULU.

O na mai o ka Maka,

Pepeiao a me ka Puu,

UA MAKAUKAU OIA MA K LAWELAWE ANA.

955                                                                  1y

 

KAUKA EMEKONA.

E LOAA O KAUKA EMEKONA MA KONA Keena Hana ma ka Hale o Dr Hoffmann, (Kauka Hopemana) ma ka Helu 24 Alanui Kalepa, mai ka hora 9 a 11 o ke kakahiaka, a mai, ka hora 2 a 4 o ke ahiahi.

He keiki keia o ka aina o Hawaii nei, a ua noho oia he mau makahiki ma Nu Ioka, a ua makaukau i ke pale keiki, a i ka lapaau ana i na mea mai fiva, na mai maoli a me na mai he nui o na ano a pau.  Ua akamai oia ma na olelo elua.                                                  981 6m

 

KAUKA BERODI.

(O KE KULA NUI O KANADA)

Ua makaukau au i ka lapaau ana i na kanaka Hawaii no na ano mai a pau.  Ke kahea aku nei au i na poe i loohia i ka mai e hele mai ia‘u.

KEENA OIHANA

Aia ma Alanui Papu, Helu 129, mauka iho o ka Hala Kamana o D. Burrous.

996 tf.

 

Dr. E. H. THACHER.

KAUKA HUKI NIHO.

Aia kona keena hana ma Alanui Papu helu 104 1-2 maluna.  Malaila oia e loaa ai i na poe a pau i loohia ia me na niho eha.  E loaa no oia mai ka hora 9 am a hiki i ka hora 5 pm.

Ua loaa hou kekahi mea huki niho, a o ka poe e makemake ana e huki ia ko lakou mau niho eha, e naue ae i keia hale, no ka uku kupono.

Honolulu, Dec. 01, 1880.                                                                                993 1y

 

E. Cook Webb, M. D.

HOMEOPATIKA.

(Kauka o ka Halemai Homeopatika, ma ka Mokupuni Ward’s. N. Y.)

KEENA OIHANA.—Helu 60, Alanui Papu.  Makaukau mau e lawelawe i na pilikia mai o na wahine a me na kamalii.

HORA HANA.—Mai kakahiaka a hora 10 am.—2 a i ka 4 pm.                   967 4m

 

MAKEMAKEIA.

UA MAKEMAKE IA NA

ILI BIBI MIKO HOU

—A ME NA—

ILI KAO

E haawiia ke kumukuai kiekie ma ke dala kuike e

                                                HUGH MACKAY.

Luna o ka Hale Hana Ili ma Kaholaloa, Honolulu.

E kuai ia aku na Huluhipa he nui wale ma ke kumukuai makepono no ke dala kuike.

Honolulu, Feb. 16 1880.                                                                                 951-tf

 

NA KANAKA O HAWAII NEI!

INA I MAKEMAKE

—OUKOU E KUAI I—

GITA, AKODIANA,

BANJO, OHE, VIOLINA,

PAHU Hookani Nunui a Liilii,

HE PONO LOA IA OUKOU KE

HELE MAI I KA HALEKUAI O

GEO. F. WELLS,

HELU 66 me 68 ALANUI PAPU.

Ke malama nei no au i na Lako Hale o na ano a pau.

Na Noho no $1.00

Na Moe Laau no $7.00

Na Punee nani loa no $15.

A me na ka lako hale piha no ke $45.

 

Ina i makemake oukou i na Mekini Humuhumu lole, e loaa no ia oukou ka

MEKINI HUMUHUMU AMERIKA

o ke kumukuai makepono, me ka makana he pila Gita maikai a he kii nui paha.

Ua pai iho nei o Mr. Wells he Buke kuhikuhi no ka Huila Humuhumu ma ka olelo Hawaii.  A i keia wa, o ka poe e noho ana ma na wahi kuaaina, ua hiki ia lakou ke kuai i ka Huila Humuhumu me ka haawi manawalea ia aku o ka Buke kuhikuhi, a mailoko aku o keia buke e ike ai i na loina o ka humuhumu ana.

O na kumukuai o ko makou mau Mekini Humuhumu, mai ke 40, 45, 50, a hiki i ke $55.

I na i makemake oukou i ka Mekini maikai loa me ke pakaukau akea a me ka huila kala, ua hiki no ia oukou ke hoouna mai ma ka leta ia

GEO. F. WELLS ma HONOLULU.

Me ka hookomo pu iho i ke $55. a nana no e hoouna aku me ka buke kuhikuhi a me ka makana i hai ia.  Na oukou no e hai mai i ka makana a oukou e makemake ai.

 

E loaa no na WATI maikai no ka $7.

            Na WATI kau hale mai $2.50, $3. $4, a hiki i ka $5.

            Na KAULA WATI no ka $1,00 wale no.

Eia no hoi ma keia hale na Laau kii mai loa o ke kumukuai

GEO. F. WELLS,

Helu 68 me 69 Alanui Papu.                                                                                       912 3m

 

OLELO HOOLAHA.

Mai keia la aku a mau aku, aole au e hookaa ana i kekahi aie i aie ia ma ka‘u inoa ke ole e kau aku kekahi palapala hoapono mai ia‘u aku.                                     J. PAAKAULA.

            Honolulu, Aperila 30 1881.                                                                            1213 3m,

 

OLELO HOOLAHA.

            O ka poe a pau e hele wale ana a lawe paha i kekahi mea uku a mau mea e paha, malama o  na aina o Kipu, Kapukahi, Haiku, a me Kalapaki, ma ka mokupuni o Kauai, e hoopii ia no ma ke kanawai.                                                 W. E. RICE

1013 4t.

 

            AHA Hookolokolo Kiekie o ka Hawaii Pae Aina, ma ka hooponopono waiwai.  Ma ka hana o ka waiwai o D Pohakahi o Waialua, Oahu i make kauoha ole, imua o ka Lunakanawai McCully.  Ma ka heluhelu a ma ka waiho ana mai o ka palapala noi a Kahawaii Collins w, o Waialua, Oahu e hoike mai ana o Daniela Pohakahi no Waialua, Oahu, ua make kauoha ole ma Waialua, ma ka la 11 o Maraki 1881 a e noi ana e haawi ia ka palapala hookohu Lunahooponopono a kahu waiwai hoi no ke keiki oo ole oia o Haia k, ke keiki a ua Daniela Pohakahi i make.

            Ua kauohaia o ka Poakolu, ka la 18 o Mei, ma ka M H 1881 hora 10 am oia la, oia kahi a me ka manawa i kohoia no ka hoolohe ana i ua noi la, imua o ua Lunakanawai la, ma ke Keena ma ka Hale Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.  A o keia olelo kauoha e hoolaha ia ma ka olelo Hawaii i ekolu pule ma ka Nupepa Kuokoa, he nupepa ma Honolulu.

            Kakauia ma Honolulu, ko Hawaii Paeaina, Apr. 27, 1881.

            Kakela a me Haki, na loio na Kahawaii Collins.

            L McCULLY, Lunakanawai o ka Aha Kiekie.

Ikea:    A. Rosa,

1013 3t.                                                                             Hope Kakauolelo o ka Aha Kiekie.

 

Hoopulu Meakanu.

Ua papa loa ia ma keia hope aku ka

HOOPULU ANA I NA MEAKANU

Koe wale no mawaena o na

Hora 6 a me 8 A.M. a me 4 me 6 P.M.

                                                                                          G. D. FREETH,

                                                                                          Luna Oihana Wai.

            Aponoia,

            Kakau inoa ia, H. A. P. CARTER,

            Kuhina Kalaiaina.

            Honolulu, Apr. 19, 1881.                                                                    1012 3t

 

OLELO HOOLAHA.

            O ka poe a pau he mau koina ko lakou i ka waiwai o Hah Lee, ke hoike ia aku nei lakou e waiho koke mai i ka lakou koi iloko o ekolu pule mai keia ia aku, o hoole mau loa ia aku lakau, a o ka poe i aie i keia waiwai, ke kauoha ia aku nei e uku koke mai ia.                                                             C AFONG.

                                                                                                                        Agena Kalepa Pake

            Honolulu, Aperila 16, 1881.                                                               1011 3t.

 

KALE KULIKA,

LUNA HOOIAIO PALAPALA KUAI,

Molaki, a me na palapala oia ano.

LUNA HOOIAIO PALAPALA

Aelike mawaena o na Haku me na Kauwa.

Luna Haawi Palapala Ae Mare

            Ma ke kihi o ke alanui Moiwahine me Kaai humanu, kulanakauhale o Honolulu, ko Hawaii Pae Aina.                                                                                                       906 tf

 

KA MOANI ONAONA!

A ME KA PUIA MAU O

HOPEMANA I KE ALA!

Eia me a‘u i keia wa na

Wai-ala Moani hou loa,

Na Aila Lauoho Pahee maikai,

NA BALAKI a me na KAHI LAUOHO

o kela a me keia ano.

            Na Laau Papaau o kela a me keia ano,

            Na Kopa holoi ili aala auau,

            Na Kopa hoopau puupuu o kanaka a me na holoholona.

            Na omole waiu hanai keiki a me na omo waiu,

            Na Paakai naba maikai a me na Hahano.

 

            E loaa no keia mau mea no ke Kumukuai Emi loa ma ka Hale Kauka o HOPEMANA.

            Ma Alanui Kalepa, ma nae iho o ka Baneko o Bihopa ma.

987 6m

 

C. C. COLEMAN.

Amara a he Mea Hana Mekini

Kapili Kauai Hao Lio

—A ME KA—

Hana ana i na Kaa Lio, &c.,

Hale Hana ma Alanui Alii, e kokoke la i

905                                          ke Alanui Papu.                                   Tf

 

MAKEMAKEIA.

            Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke

            C BREWER & CO.    (Burua Ma.)

Honolulu, Sept. 29, 1880.                                                                                           996 tf.

 

UA MAKEMAKE IA

NA ILI BIPI,

NA KIWI BIPI,

NA IWI BIPI,

            E haawi ia no ke kumukuai kiekie o ko kakou makeke nei e H. Hackfeld & Co.

            Honolulu, Mei 22, 1880.                                                                                 964 1y

 

PAPA KUHIKUHI MANAWA HOLO

—O KA—

MOKUMAHU HAWAII

“LIKELIKE,”

KAPENA KING.

            Poalua, Aperila, 5, hora 5 pm………………………..Kaapuni ia Hawaii

            Poalua, Aperila, 12, hora 5 pm………………………Hilo

            Poalua, Aperila, 19, hora 5 pm………………………Kaapuni ia Hawaii

            Poalua, Aperila, 26, hora 5 pm…………………….Hilo

            Poalua, Mei 3, hora 5 pm…………………………..Kaapuni ia Hawaii

            Poalua, Mei 10, hora 5 pm…………………………Hilo

            Poalua, Mei 17, hora 5 pm…………………………Kaapuni ia Hawaii

            Poalua, Mei 24, hora 5 pm…………………………Hilo

            Poalua, Mei 31, hora 5 pm…………………………Kaapuni ia Hawaii

            Poalua, June 7, hora 5 pm………………………….Hilo

            Poalua, June 14, hora 5 pm………………………...Kaapuni ia Hawaii
            Poalua, June 21, hora 5 pm………………………...Hilo

            Poalua, June 28, hora 5 pm………………………...Kaapuni ia Hawaii

AOLE AIE NO NA UKU OHUA?

 

            Ke hooleia aku nei ka aie no ka uku ohua, a ke hoikeia aku nei i ke akea, ina he mau paiki, ukana e puolo hooili ko lakou, e pono e hoailona ia me ka moakaka lea.  Aole no e ae ia ka lawe ana i na ukana, paiki a puolo i hoailona ole ia ke ole e kakauia ka loaa ana mai.

HE KUIKE KA UKU UKANA.

            Ma na ukana a pau o na makamaka, e pono e uku mau ia.  A e hookoia no na kanaka no ka lawe a hiki i kahi i makemake ia.  A e malama ia no me ka makaala na ukana, paiki a me na puolo, lio, pipi a me ka hoki.

E hoailona ia me ka moakaka na Pahu Rama a me Waina.

            O ka poe no lakou na ukana o keia ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na poho, e pono e hoike koke ia mai iloko o ka malama hookahi.

            Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau na ohua eepakeko i ka lele.

            No ke ake nui e hoopomaikai ia ka lehulehu kaahele, ua hoololi ae nei na Ona o Likelike i ka Papa Hoike Manawa oia Mokuahi e like me maluna.

Ma ka Hale Oihana e loaa’i na Palapala.

            Aole Keena o hope e lilo, aia wale no a kaa mua mai ka uku moku.  Aole e ili ka hewa no na paiki, ukana a puolo paha, ke ole e kakauia ka loaa ana mai.  E hookaaia ka uku ukana i ka wa e molia aku ai.                                                                                                                WAILA MA.

 

KE KAUA KIPI MA PERU.

            Ua hoike ae na nupepa Star a me Herald i ka hana hoomainoino a kekahi heluna nui o na Negero a me na Kolo penei:

            Ua lele mai keia poe me ko lakou heluna nui maluna o na kanaka e noho ana ma ke kahawai o Kanete, o ka hapanui nae o na kanaka o keia wahi, he poe pake e noho paahana ana maloko o na hale mahiko, a maluna o keia poe pake ko lakou pepehi ana me ka mainoino nui; he 8,000 ka nui o keia poe paahana, a mailoko mai o keia heluna, aole hookahi o lakou i pakele, ua puhi ia aku na mala ko, na hale hoahu ukana, na hale paahana no lakou na waiwai maoli i hiki aku i ka miliona dala.

            O na malihini kaahele i manao e hookahua iho i ko lakou home ma keia kahawai, ua pau aku lakou i ka holo maluna o na moku i pakele ai ko lakou mau ola, aka, o ka hapa uuku wale no kai pakele aku a o ka hapanui kai loohia i keia make weliweli.  Ua hoole na mana nui o Kile aole e hoouna aku i na koa e hoomalu i keia hana, ke ole e uku mai na ona mahiko i na lilo no ka hoouna ana i na koa; ua manao ia ke ole e hoomalu koke ia keia hana, alaila, o ke kahawai o Chinca kekahi e halawai ana me keia ulia.

            Ma kahi i hana ia ai keia hana mainoino, aia no ia ma ka hema o Peru, a ma ka akau hoi, aia malaila na Ilikini kahi i hana ai i keia hana hookahi, a ua oi aku ka mainoino o ka hana a keia poe imua o na Negero, ua koli ola ia na kanaka, ua puhi ola ia i ke ahi, a o na hana pegana a ano hupo a na Ilikini, oia no ka lakou i hana aku ai maluna o na kanaka.

 

BOETONA KE KANAKA AU, ME KONA PAKELE ANA.

            Ua hoolaha ia ua make o Kapena Paulo Boetona ke kanaka au kaulana, aka, ke ola nei oia me na palapu malani.  He pio oia na Lima i keia wa.  Ua palapala mai oia i kekahi leta i kekahi o kona hoa’loha ma Baltimore e hoike ana i kana huakai ame kona pakele ana mai na poka a na koa Peru, penei kana hoike.

            “I kekahi po, ua haalele iho makou i kahi a makou i ku ai a holo aku no ka mokupuni o Sana Lorenzo a kiola i ko makou heleuma ma kekahi kuono.

            Ma keia wahi aina, he puali Kile a me na moku kaua kakaikahi kahi i hookahua ai.  Ua haalele iho la au i ko makou moku me ka lawe pu ana i ko‘u kapa me kekahi Torpedo a hoe aku la au mauka o ka aina me ka manao e nana a e hakilo pono i ke ano o ka aina, mamua o ko‘u haalele ana, ua kauoha aku au i ko‘u poe kanaka aole e haalele i ua wahi nei, a ina aole au e hoi mai iloko o ka hora hookahi, alaila, ua hiki ia lakou ke holo.

            Ma ka‘u huakai, ua loloiahili loa, ma o na koa e kiai ana i na kapakai, aka, ua ko ka‘u mea i iini ai a huli hoi aku la au no ka moku, aka, i ko‘u hiki ana aku ma kahi a‘u i haalele aku ai i ka moku, he mea e ko‘u kahaha ma o ka haolele ana o ka moku ia‘u, a ma ka‘u hoomaopopo iho, ua hala ka manawa a‘u i hai mua ai ia lakou.  He kulana kupilikii ko‘u ia manawa, no ka mea, aole he hiki ia‘u ke holo aku iuka o ka aina no ko‘u makau o ike ia auanei au e na koa kiai, nolaila, imi aku la au i kahi e nalo ai no ia po, a loaa aku la kekahi ana malalo o na kipapali pohaku, ma keia wahi ko‘u wahi i noho ai no ia koena o ka po a no ko‘u makau o ike ia auanei au e na enemi, nolaila, ua noho no wau ma keia wahi me ke komo ole o kekahi wahi mea ai a po ia la.  I ka napoo ana o ka la, ua hoomakaukau iho la au e haalele i ko‘u wahi i pee ai a hoi aku no Callao a ma keia wahi i ki ia mai ai au i ka pu e na koa kiai, aka, ma o na Mana Lani, ua pakele mai ko‘u ola me ka loaa no o na palapu, ina he poe koa ki pololei keia, ina la ua make au, a ina aole oe e lohe i ko‘u moolelo.”

            Oia iho la ko‘u moolelo pokole e pili ana no ka‘u huakai a me ka pakele ana o ko‘u ola.

 

MOOLELO O KA PENI KILA KAKAU A GILLOT.

 

            He kakaikahi wale paha ka poe e kakau nei i ka Peni Kila i kuni ia i ka inoa o “Gillot.” oiai he nui na ano peni kakau inika i keia wa e laha nei, aka, no ka peni a “Gillot” ka moolelo i loaa.

            No kekahi wa loihi, ua emi loa mai na hana maloko o Enelani, a nolaila, ua hookuu ia aku he mau tausani o na limahana mai na hale hana aku no ka hana ole, a iwaena o keia poe i hoonele ia i ka hana ole, o Iosepa Gillot kekahi, he kanaka opiopio wale no oia, nona na makahiki he 21 wale no.  No keia nele ana o Gillot i ka hana, ua haalele iho la oia i kahi ana i noho hana ai, a hele aku la no Baminehama me kahi kumu waiwai iloko o kona pakeke, he hookahi wale no “silina” (hapaha Beritania.)  Iaia i hiki ai i keia wahi, hele aku la oia i kekahi wahi pupupu hale kahiko a noho iho la iluna o kekahi noho laau loihi iloko o ka hale; hoolilo aku la oia i ke koena o kona wahi kumu waiwai i koe mai iaia o ke “silina,” oia he “pene,” i (hapawalu) i wahi ai nana, oiai, ua hele mai la oia a pololi a me ka nawaliwali, a o ka nele iho kekahi i na makamaka a me na hoa’loha ole ma keia wahi, hele mai la ka pilikia a kokoke loa imua ona; aka, he wahi aweawea iki no nae iloko ona e loaa wahi hana ana no iaia.

            I ke auhee ana aku nae o keia wahi manaolana mai iaia aku, ua komo mai la keia noonoo iaia, e haalele i ka imi ana e hooikaika ma ka hana a e haawi iaia iho i ka makilo hele ana a me ke kolohe.  Aka, ulu koke mai la kekahi manao hoolana ikaika iloko ona a nana i hooauhee aku i kona mau kuko mua a nalowale.  Kaikai ae la oia i kona lima iluna a kui iho la i ke pakaukau e ku ana ma kona aoao, a hooholo iho la iloko ona, e hoao au e hilinai i ke Akua, a mai Iaia mai e loaa mai ai kekahi hana.  Ia la no, loaa iho la iaia kekahi hana, he hana pihipihi hoopaa lole; ka hana hoi ana i ike.

            I ka loaa ana iaia o kahi umi dala, hoolimalima koke aku la oia i wahi papai hale hana nona e pili koke ana i ke alanui, a ma keia wahi papai i hookele’ku ai oia aiai iho ma ka hana me ka imi ikaika ana i na mea paahana e holomua ai kana hana, oiai, e lawelawe ana no oia ma ke ano kahiko, me ka lima wale no e pono ai ka lawelawe ana a he ano kuanui.  Aka, ua imi nui oia e hookele i kana hana imua ma na mea e hoemi ana i ka nui o ka luhi.  O keia ka waiwai huna o ko Gillot noonoo.

            Iloko o keia wa ana e lawelawe nei, ua hialaai aku la oia i kekahi opio kaikamahine ui nona ka inoa o Mikaela, e noho lawelawe pu ana me kona mau kaikunane ma ka hana peni kila kakau.  Me ka lima wale no i hana ia ai kela a me keia peni i loaa, ma ka hoohinuhinu a me ka paniki ana a poopoo me ka pio, a ua kuai aku no ke kumukuai kiekie loa.  I keia ike ana o Gillot i ka ulolohi o na hana, ua lawe mai la oia i kana mau mea paahana ana i imi ai a hoohana aku la ma ka hana ana i na peni kakau; a mahope mai, imi oia i mikini a loaa, a me ia mikini i hoemi loa ai’i ka luhi, a he mau tausani maka peni e loaa ana i ka manawa i ka ka mea hana lima hookahi.  Iloko o keia manawa, ua lawe mai la oia ia Mikaela i wahine nana ma ko laua mare ia ana; a lawelawe like aku la i ka oihana hana peni no kekahi mau makahiki.

            I ka la o ko laua hoohui ia ana ma ka berita mare, ua hana ia e na paahana he 12 kakini peni, a kuai ia kau no $36, i mea e hookaa ia ai na lilo o ka mare ana.  I na la kanikoo o Gillot, ua ohi mai oia i ka hua o kona hooikaika ana a pakeu wale aku, mamuli o kona hilinai a paulele ana maluna o ka Akua, ka hoopono a me ke akahai.  Iloko o kona mau la aoo a na oho hina e hoalii ana iaia, maalo hou aku la oia i kahi pupupu hale kahiko ana i komo mua ai, kuai aku la i ka noho laau ana i noho mua ai, lawe mai la a hoomaemae hou ae la me ka haawi aku i kona ohana i kia hoomanao na lakou e hoomanao ai nona no na mea huna a kona noonoo i huli ai iloko o na la hune a pilikia.

 

KA MOI LUI A ME KA OHENANA.

            I ka makahiki 1680, oiai ke aloalii o Farani ma ka hale kakela o Marly, hookauluaia ka huakai hahai holoholona a ka Moi Lui XIV i kekahi la mamuli o ka ikaika loa o ka wela o ka la; a i mea e hoonanea ia ai ka Moi hoouna aku la o Madame de Maintenon e lawe ia mai ka ohenana a Carsini ke kilo honua, a me ia mea ka Moi Lui i hoonanea ai iaia iho no kekahi wa loihi ma ke kilo ana i ka aina a puni e hoopuni ana i ke kakela o Marly.  He ohenana maikai a ikaika keia o ka ike, a ua hiki ke hoomaopopo lea i ke ano o ke kanaka no kekahi mau mile mamao loa.  Oiai nae ka Moi Lui e lupea ia ana e na hiona pahaohao o ka aina a me ka maalo ana i kona mau kii onohi o kona mau makaainana hune no na mile he umi ka mamao ana i ike ai, aia hoi, ua haikea koke ae la kona helehelena a ano e; hoomau aku la nae oia i ka nana pololei ana ma kahi ana i ike ai i kekahi mea kupanaha, alaila, ku ae la oia iluna haalele aku la i ka ohenana me ka pihoihoi nui a haawi mai la i ke kauoha i ke Count de Guichi, e hana koke ia kona lio a me na koa lio he umi e hele pu me ia ma kekahi huakai.

            Iloko o ka wa pokole, ua hiki mai la ka lio a me na koa lio, kau ae la ka Moi me ka nui a hookuu aku la i ka mama o kona lio a pau i ukali ia e na koa lio me ka holo ana ma kapa o ka muliwai Seine; aole i liuliu halawai aku la me lakou ekolu mau kanaka opio e koele wawae ana, i aahu ia me na aahu o ka poe kuaaina me na hiona maopopo ole ke koho ia maluna o lakou, koe wale no keia, e hele ana lakou me na keehina awiwi, a ua hoohikilele ia lakou ma ka ike ana mai i na koa lio o ke aloalii e holo aku ana io lakou la.

            I ka huakai a ka Moi i halawai ai me keia poe kanaka opio, kauoha aku la oia ia lakou e ku iho, a holo aku la oia imua o lakou, a pane aku la. “He hora ae nei i hala, ma kahi kauhale oukou o Maisons a e auau ana hoi iloko o ka muliwai Seine?” kunou mai la ua mau kanaka nei iaia me na nanaina pahaohao.  Alaila, huli ae la ka Moi ia Count de Guichi a pane aku la.  “E hopu i keia poe kanaka a e hoopaa i ko lakou mau lima me na kaula me ka makaala loa ana ia lakou a hoihoi aku no ke kakela o Marly.”  Ua hooko koke ia keia kauoha, a huli hoi mai la ka huakai a ke alii me na pio no ka hale kakela.

            Ua hookahaha nui ia ka lehulehu no keia mea, aole hoi he mea hookahi i aa e ninau aku i ka Moi.  Aka, ua pahola ae la nae ka lono iwaena o ka lehulehu, ua ike ke alii e upu ia ana kona ola e make e keia poe kanaka, a oia ke kumu o keia hopu ia ana o lakou; aka, aole nae oia ke kumu.

            O keia mau kanaka opio ekolu, he mau hoahanau kekahi no kekahi, he mau keiki hoi na Bernard Lerchet, he pokii hoi ko lakou na ka wahine hou a ko lakou makua, nona ka inoa o Sebastian Lerchet, a he punahele oia na ko lakou makuakane.  Komo iho la nae ka lili a me ka ukiuki iloko o kona mau hanau mua a hookae ino loa aku la iaia; nolaila, imi iho la lakou i mea e hookaawale ia ai ko lakou pokii mai ko lakou mau maka aku, hooholo iho la lakou e lawe aku iaia i ka muliwai Seine no kekahi huakai hele auau, a ilaila e hoomake ai iaia, a pela io lakou i hooko ai.

            Oiai lakou e auau ana me ko lakou pokii, pepehi iho la lakou iaia a make iloko o ka wai a huna pu iho la i kona mau aahu a hoi aku la i kapa, komo iho la i ko lakou mau aahu a hoi aku la ma ke ala me na manaolana hauoli ua palekana lakou, aka, ua paa koke iho la nae i ka hopu ia e ka Moi Lui o Farani no ke karaima a lakou i hana ai.  Ua hookolokolo ia lakou a hoopai ia e make lakou a pau ma ka amana.

 

NUHOU KULOKO.

            Ma Lahaina ua make emoole o W. H. Stephenson.

 

            O keia la, e kakele ai na lio holo mawaho Kapiolani Paka.

           
Ma Opihali, Hawaii, make iho la o Luka Aulani w, i ka la 20 o Aperila nei.

           

            Eia no ka manawa Farani ihu palaulau ke ku hoolai nei i ke awa o Kou.

           

            He hale hou kai pakui ia aku i ka hale kula o Kahehuna iloko iho nei o keia wa kula ole.

           

            Ua hoomau ia o Honolulu nei e na paka ua eloelo i kela mau la aku nei o ka pule i newa aku la.

           

            He ike alii i ka pule i hala na na aliimoku o ka manawa Amerika i holo aku nei i ke Kahu Aupuni, a pela pu me na aliimoku Farani.

           

            He hoohakui ikaika ana na ke olai kai hoonaue ae i na kauhale o Hilo, i ka Poaha o ka pule i hala.

            Ke ku makaukau nei na hale mai hepela o na mokupuni, o ka ikea no o ka mai iwaena o kekahi o lakou, ua makaukau mua ka hale e hoomalu ai.

           

            O na Norewai limahana iwaena o kakou, ua hoohui ia kekahi o lakou ma ka berita mare me kekahi o lakou iho.

           

            O na moolelo o ka Ahahui Euanelio o Hawaii Hikina a me na Kula Sabati, na kumumanao, e puka ana ke loaa ke kowa o ka pepa.

           

            Ma ka moku akulikuli o Kahakaaulana, ua waiho ia ke kino o Holualoa a me D M Kahookaumaha iloko o ka poli o ka honua, me ko laua mau ohana a me na kini makou e uwe pu nei no laua.  Niua walania wale ke aloha!

           

            Ua haiakau ae nei he mau haka hou e kau ai na waea olelo telepone a ka hui hoomoe waea olelo, a he hihipea mai koe o ua mau pou laau la me na kaula waea ma keia mua iho.

           

            Ma ka la 14 o Aperila, ua ike ia aku la he punohu uwahi mawaho ae o ka aekai o Honokaa iloko o ka hohonu, aohe nae he mau lapalapa ahi i ike ia, ma ka manao wale aku o ka madame no o Kilauea.

                                                                                                                        Sam’l Kamae.

 

            No ke komohia ana o ka mea unuhi moolelo o Osewoleda iloko o ka pilikia, nolaila, ua kaulua ia ka puka ana o ka moolelo a palekana oia, no keia kumu i nele ai ka puka ana i keia mau helu, a mai uiha a hiki i kona puka hou ana aku.

           

            Ma Opihali, Hawaii, hanau o Kinikula k. na Kahaleula w, me John Namuo i ka la 2 o Aperila nei.

            —Ma ka la 22 o Aperila nei, ma Waihee Maui, hanau he kaikamahine na J Aimoku k, me Kaleianuenue w.

 

            Ua emi ka mai hepela ma Waialua aenei, aole i hoea he mai hou no na la he 21; a mailoko mai o na mai he 14 i hoomalu ia ma ka halemai he 3 mau make.  Pela no ma Honolulu nei, ke akakuu mai nei, mawaena o ekolu a me elima mai o ka la, a mai ka 1 a i ka ekolu make.

 

            He waiwai ke Kuokoa, wahi a ka poe lawe Nupepa Kuokoa.  O kana mau makana he maemae a he nani hoi, a ke haaheo nei ma na home, na kii makana a ka Nupepa Kuokoa.  Heaha la ia, i ke Kii nani o Ema Kaleleonalani, aahu kinohinohi, me na waihooluu like ole. Huro! Huro!  Ke Kuokoa maoli kela.  Me ka mahalo no,     

                                                                                                                        Lawe Pepa.

 

            HE LEO KAHEA.—Ke kauoha ia aku nei na poe a pau i kuleana iloko o ka pa ilina o Kawaiahao e hele mai i ka Poakahi, la 2 o Mei, a e kokua no ka hoomaemae ana i ka pa.  A ina o ka poe mea kuleana, a hele ole mai, e manao ia ana aohe o lakou kuleana, ua haalele; a e komo aku no ka poe hana no ka hoomaemae ana.

 

            He mea kaumaha no‘u ka hoike ana aku na kini a me ka lehulehu o na hoa’loha, no ka make ana o Kalunaauhau Kukahuna, ka‘u wahine ma ka la 3 o Maraki i hala, mamuli o ka pili mau ana me ia o ka nawaliwali, ua waiho mai oia ia‘u a me ka ohana e hoomanao aku ma keia aoao o ka lua nona.  Aole i makala ia ka berita mare mawaena o maua no 10 makahiki a hiki i kona hele ana aku la i ke ala mau o ke kanaka.  He mea makee loa ke kane iaia.

                                                                                                                        J Kukahuna.

 

            He leo kahea.—E halawai ana na Lahainaluna o ka apana o Kohala akau nei, ma ka la 2 o Mei 1881 hora 10 o ka Poakahi, ma ka hale hookolokolo o Kapaau, no ka noonoo pu ana i na mea a pau e pili ana i ka Iubile Lahainaluna ma Honolulu i ka malama o Iune.  A i mea hoi e makaukau ai ka hoike a ke komite, mamua oia wa e hiki mai ana, nolaila keia leo kahea e hele pau loa mai ma ia la, na hoa a pau, mai ke komo akahi ana a hiki i keia manawa.

            Me ke aloha,

            John Kekipi a me D. S. Kupahu, Na Komite.