Ka Nupepa Kuokoa, Volume XX, Number 16, 16 April 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Kuokoa me ke Au Okoa

I HUIIA

No ka Makahiki $2.  Eono Mahina, $1.

Dala Kuike ka Rula.

KOMITE HOOPONOPONO

SAMUELA KAAIKAULA

HEZEKIA AEA

 

POAONO APERILA 16, 1881.

HOOLAHA LUNAKAHIKO.

 

            E noho ana ka Ahahui Lunakahiko o na mokupuni o Maui ma ka luakiai hoolepope ma Haiku, Maui, ma ka Poalna elua o Mei la 10, hora 10.

            A malaila pu no ka ahahui kula Sabati, nolaila, ke kahea pu ia aku nei na ekalesia a me na kula Sabati, e hoouna mai i ko lakou poe kupono, no ia hana.

            A o na kahu hoi a pau iloko o keia ahahui, mai noho hoi lakou mamuli o na pilikia, kanu uwala, kanu ko, a pela aku.  Ina o ka mai kino, oia ke naho.  Me ka mahalo O Nawahine.

 

HAMAU E, HE HEHI KOA.

 

Battle Hymn of the Reformed.

Joy & Gladness.

1.

Hamau e, he hehi koa.

Naue, hehi ikaika e.

Naue me na kini pule,

Me na leo himeni

I ke Akua Sabaota,

I pau ae na hewa e

Ma ka paio ae a mau.

Cho.  Nani, nani, mele no lakou.

Nani, nani, mele noi no

I ke Akua Sabaota,

I pau ae na hewa e

Ma ka paio ae a mau.

2.

Hamau e! ke moku ae la

Na mea paa, a kuu ia ae

Na kauwa, na pio luhi.

Nani e ka pomaikai!

Loaa no ke kuokoa

Me na pono nui e

Ma ka paio ae a mau.

Cho.  Nani, nani &c.

3.

Hemo ae la ka auamo

O Satana, o ke ao.

Mama ko lesu ukana.

Maha ia la, maha mau,

Lawe, hali, e kokua

@@@@@@@@@@@@@@,

A hahai ia lesu Kristo

Ma ka paio ae a mau.

Cho.  Nani, nani, &c

Hawaii.

 

Haawina Kula Sabati.

Helu 1, Sabati, Aperila 24, 1881

 

KUMUHANA

 

Ka puni waiwai.  Pauku Baibaia.  Luk 12: 13—21

            13 Alaila olelo aku la kekahi o ka ahakanaka ia la.  E ke Kumu, e olelo ae oe i kuu hoahanau e mahele mai i ka waiwai no'u.

            14 I mai la Ia, E ke kanaka, nawai Au i hoplilo i lunakanawai, a i mea mahele waiwai no oukou?

            15 A olelo mai la Oia ia lakou, E manao, a e malama ia oukou iho i ka puni waiwai; no ka mea, aole no ka nui o ko ke kanaka waiwai kona ola  ana.

            16 A o'elo mai la Oia i ka olelo nane ia lakou, i mai ia.  O kekahi kanaka ua hoohua nui mai la kona aina;

            17 A nalu iho la ia iloko ona, i iho la Pehea la Wau e hana ai@ no ka mea, aole o'u wahi e hoahu ai i ka'u ai.

            18  I iho la hoi oia.  Penei au e hana ai e wawahi au i ko'u mau hale papaa, a e kukulu hou i mahuahua ae, a malaila au e hoehu ai i ka'u ai a me kuu waiwai a pau.

            19  A e olelo iho au i kuu uhane.  E ka uhane ua nui kou waiwai i hoahu ia no na makahiki he nui wale, e noho nanea oe; e ai no, a e inu no me ka lealea.

            20  Aka, olelo mai la ke Akua iaia, E ke kanaka naaupo! i keia po, e kii ia aku ai kou uhane, alaila no wai la ia mau mea au i hoomakaukau ai?

            21  Peia hoi ka mea i hoolakolako waiwai nona iho, a i lako ole i ko ke Akua.

            Pauku Gula p 15.

            Manao nui.  Hoahu ka poe naaupo i ka waiwai ma ka honua.  Hoahu ka poe naaupo i ka waiwai ma ka iani.

            Na heluhelu la.  1 Luk 12;1—12.  2 Luk 12, 13-21, 3 Luk 12;22-48, 4 Mat 6; 18—24, 5 1 Tim 6; 6-19, 6 Hai 73;1—28, 7 Luk 16; 19—31.

            Mele. Ke Kahu maikai, Lei Alii 44.

            Pule i malama e ke Kahu maikai.

            Ka wehewehe me ka Ninau ana.

            Owai ka lesu i no ai ma ka helu 3@ 1 mi na Parisaio e hoohihia ia Iesu.  Ko anei ko lakou makemake, Luk mok 12; 1—12, nana ma keia mau pauku.  I ke ao nui ana a Iesu i @@ Parisaio, pehea na kanaka?  Heaha ka iesu i ao ai i na haumana no ka hookama@@?  E makau lakou ia wai?  E hooia lakou ia la imua o wai?  Heaha ka pomaikai ke hana lakou pela?  Heaha ka poino @@ @@oia ole?  Heaha ka hewa hiki ole ke kela ia?

            Nawai e kokua i na haumana ke lawe ia imua o na aha hookolokolo?

            P 13 Heaha ka kekahi kanaka i noi aku ai ia Iesu e hana?  He mau heahanau elua Hoopaapaa no ko laua waiwai.  Ua ike ia he kanaka maikai Iesu.  He kanaka hana paewaewa ole.  Hoao laua e mahele maikai i ko laua waiwai.  Aole nae i like ko laua manao.  Hoopii kekahi ia Iesu e uwao.

            P 14  Pehea Iesu i pane aku ai?  No ke aha Kona hoole, aole e mahele i ko laua waiwai?  Aole Oia he lunakanawai maoli, Aole no keia ao Kona aupuni.  Ua akaka ia la he kumu pono ole no ka hoopii ana o keia kanaka.

            Ina mahele oia i ko laua waiwai, oluolu paha kekahi, hoohalahala paha kekahi a enemi aku ia Iesu.  Enemi like aku paha laua a elua.  A hiki ole ia Iesu ke hana mahope i kekahi mea e pono ai ko laua uhane.

            P 15 Ua ike Iesu, ka puni waiwai ke kumu o keia hoopii ana.  Heaha kana i ao ai i na kanaka?  He aha kana i ao ai i na kanaka?  He aha kana i ao ai i na kanaka?  Heaha ka i hoole ai?

            Heaha kana ma Mat. 16;26.

            P 16 He olelo nane nowai?  Pehea Kona aina?

            P 17 Heaha kana i nalu ai?  Heaha Kona pilikia?

            P 18 Pehea i loaa ai kahi akea?

            P 19 Heaha kana olelo i kona uhane?

            P 20 Heaha ka ke Akua olelo ia ia?  A heaha Kona ninau?

            P 21 Heaha ka hope o ka poe hoolakolako ia lakou iho, aole nae i lako i ko ke Akua?

            Ina loaa ka waiwai, heaha ka pono?  E hoohelelei paha, e kokua i ka poe ilihune, e haawi aku no ko na aina e.  Nana Mataio 19;21.

            Hiki anei i ka waiwai ke hoola i ke kino me ka uhane?  Hal 49;6—9.

            Pehea Iesu no ka waiwai o keia ao, me ko kela ao? Mat 6;19—21.

            He mea aha ke dala me ke gula?

            Hiki anei ke lawe ia i kela ao?  Heluhelu Iak 5;1—4.

            Owai kai waiwai loa a lilo i mea ilihune i waiwai kakou?  A pela e hoohalike ai ka poe waiwai a pau.

            He kanaka naaupo keia.  Owai kekahi poe naaupo?  Nui wale lakou.

            E noho oluolu, a kuikahi.  Mai hoopii nui no ka mahele waiwai, no ka hooponopono waiwai o mahuahua auanei na enemi.

            Mele.  Hosana oli, Lei Alii 47.

            Pule i ole e puni waiwai, a lilo i ka poe naaupo a make ka uhane.

            Haawina no Mei 1.  Luk 15;1—10.

 

KUMUMANAO.


 Ka Oihana Mele.

            I ka wa i na lunakanawai, ua hoea mai kekahi haku mele wahine o Debora.  Aia kana mele ma Lunk mokuna elima.  He haku mele nae mamua ae ma ka aina e, ma Alabia, o loba ia o ka buke o Ioba, aia kana mau mele me ke kokua ia paha e kekahi mau hoa.

`I ka wa i hanau ia ai Samuela, ua hoea mai kekahi haku mele wahine hou, oia o Hana kona makuahine.  Aia kana mele ma I Sam mokuna elua.

            I ka wa i hooponopono ai Samuela he haku mele kaulana loa kai loaa iwaena o ka ohana a Iese, oia hoi Davida kana keiki hope loa, ke kahu hipa.  Akamai oia ma ka haku ana, mele ana, hookani ana i na mea hookani.  He mea mana hoi kona hookani ana, nana ma 1 Sau 16; 17—23.

            He poe akamai no ia wa i ke mele ana.  He poe wahine kekahi. He kanaka ikaika Davida i ke kaua aku i na enemi o Saula ke lii.   Mele mahalo na wahine.  Hooi i ka mahalo ana ia Davida mamua o Saula, mai lilo ia i mea e make ai Davida.  Mahope iho lilo Saula i enemi nui no Davida, a hiki i ka wa i make ai Saula.  Nui na pilikia o Davida no Saula mai.  Mahuka oia, a pee ma na mauna, ma na ana, ma na aina e.

            Iloko o ia wa pilikia nui na mele a Davida i haku ai.  Aia lakou ma na Halelu.

            No ka lili o Saula, no kona ike ana e lilo ana kona aupuni ia ia, nolaila kona imi ana e pepehi ia ia.  Aole nae Davida i manao ino, a hana ino ia Saula.

            I ka wa i make Saula, haku oia i mele kanikau aloha nui nona, a no kana mau keiki.

            Nana ma 2 Sam 1; 17—27.  Kakaka ka inoa o ia kanikau.

`Davida ka mea i kapa ia ka mea haku mele maikai no ka Iselaela.  2 Sam23;1.  Oia ka ke Akua i koho ai i poo nui no na haku mele, a i luna hooponopono i ka oihana mele, a i luna hooponopono i ka oihana mele.  Iaia i lilo ai i alii no ka poe Iseraela, hoomaka koke oia ia hooponopono ana.  Nana I Oih Lii 16,4,5.  Aole maopopo ka poe mele mamua.

            Akahi no a maopopo, no na Levi ka oihana mele.  Ua hoohiki ia keia poe e Davida e hoomaikai a hoolea ia lehova no na Iseraela.

            Ma 1 Oih Lii 23;5.  Ua hai ia mai ka nui o ia poe mele, 4,000 ia.  Davida ka mea nana i haku i na mele, nana hoia hana i na mea kani.  Oia hoi ke kumu mele.  He mau hope nona, nana i kokua ma ke ao ana, me ke alakai ana.

            Ma 1 Oih Lii 25.  Oiai e koe ana ke ola o Davida hooponopono hou oia i ka oihana mele.  Mahele oia ia poe 4,000 i mau papa he 24 me ko lakou mau luna pakahi he 24, ua like ia me ka nui o na papa kahuna.  Hana hebedoma na papaa.  Pakahi ka hebedoma i kela a i keia papa mua.  He mau Iuna nu ekolu i hoonoho ia maluna o na luna he 24.  Na ia poe ekolu e ao e hoomakaukau, e kuhikuhi i na hana, i na wahi e hana ai, ma ka luakini paha, ma na halehalawi paha.

            Ua hoomau ia keia hooponopono e Solomona, a e na alii e ae a hiki i ka wa i lawe pio ia ai ka poe ludaio i Babulona.  Ua waiho ia no i kekahi manawa, no ka hewa o na lii me na kanaka.  Hoala hou ia nae i loaa ana o na alii maikai.

            Ia lakou ma Bablona, ua kena ia na pio e oli mai i ke oli o Ziona.  A pane aku la lakou. Pehea la makou e oli ai i ka oli o Iehova ma ka aina malihini?   Nana Hal 137.

            I ka hoi ana nae o lakou i Ierusalema, ua hoala hou ia ko Davida hooponopono ana.  Nana Ezera 3,10,12.  Neh 12;45—47.

            Ma ka moolelo o na na ludaio mawaho o ka ba@bala, ua akaka, ua hoomau ia no ka oihana mele mahope o Nehemia ma kekahi mau ia kaulana a hoea mai Ioane Bapetite me Iesu.

            Ua pau ke kauoha Kahiko me na mea e pili ana i ka oihana mele.  Aole nae i pau loa.  E loaa kekahi mau mea ma ke Kauoha Hou e pili ana i ka oihana mele i haule ma ke Kauoha Kahiko.

            Heaha ka mea nui i hoomaopopo ia mai?  Eia paha.  He mea Kahiko loa ka oihana mele.  He oihana maikai na ke Akua mai.

            Pili ia i na kane, i na wahine i ka poe i hookaawale ia no ia oihana ponoi, a i ka anaina hoi nana e hui a kokua ia poe i hookaawale ia. E ao ia kanaka Hawaii i keia mea.  E hoao e hoobalike ma kekahi mau mea, na mea pili ana i na leo mele, me na mea hookani.

            I ke komo ana iloko o ke Kauoha Hou, he mau mele kaulana eha kai hoea mai ma ka mokuna 1 me ka 2 o Luka. E@a na inoa iloko o na buke.

            1 Magnificat, 2 Benedictus, 3 Glori in Excelsior, 4 Tunc Dimittis.

            1 Magnificat, hoonani, na Maria i haku, Luk 1;46—55.

            2 Benedictus, hoomaikai ia, na Zakaria i haku, Luk 1;68—79.

            3 Glori in Excelsior, E hoonani ia ke Akua ma na lani Kiekie, na na anela i haku a mele, Luk 2;13—14, mele kakahiaka ka inoa mua.

            4 Tunc Dimittis, ke kuu nei oe ia'u ano.  Na Simeona i haku, Luk 2, 29—25.

            He mau mele hou keia.  Akahi no a haku ia.  Ua komo no kekahi mau lalani no loko mai o ke Kauoha Kahiko.

            Mele 1, 3, 4, pili ia Maria me kana Keiki Iesu.

            Mele 3, pili ia i ka la hanau o Iesu, oia hoi ka la Karisimaka.  Pili ke mele 2 i ke keiki Ioane Bapetite. Noloko mai o keia mau kumu mele i haku ia ai a mele ia ai na mele a nui mai ka ekalesia Karisetiano mu a mai a hiki i keia manaw.   Aole i pau.

 

KA HELE MAKAIKAI ANA I

KA

AINA O NA PARAO

 

KAKAU IA NO KA POMAIKAI O KA POE

HELUHELU O KE KUOKOA.

 

HELU 1.

 

E Mr Lunahooponopono.  Aloha oe.

            Aole wau i poina i ka'u hai mua ana aku i ka poe heluhelu o kau pepa, no ka'u huakai makaikai ma ka aina hikina kahi a ke Alii ka Moi i hele aku nei a e ike aku ana paha oia i na mea kupanaha a'u i ike ai ma ia mau aina ala.

            O ka lua o ka'u huakai i ka aina o na Parao, "A@gupita' mai ke kulanakauhale o Jafa, oia hoi o Iofa i ka wa kahiko.

            Ua haalele aku la makou i ke kulanakauhale o lafa ma ke ahinhi o ka la 29 o Novemaba 1878.  Maluna o ka mokuahi Auseturia Mars, o ke ahiahi a makou i haalele ai ia lafa he ahiahi ua a me ka pouli, a ua pa mai ka makani me ka ikaika nui, aka, ua hoolimalima ia e makou kekahi mau keena o hope, cabin, nolaila, ua oluolu a maikai ko makou holo ana.

I ke kaawale ana o makou mai ke awa aku, a i ka uhi ana mai o ka malu o ka po, pii ae la wau e nana i ke kulanakauhale o lafa.

E a ana na kukui me ka nani, a i ka'u nana aku ua like na kukui me he mau hoku la e imoimo mai ana.  No ka mea o ke kulanakauhale o Iafa ua kukulu ia oia ma kahi kiekie a he ku i ka nani ke nana aku, a o ka'u ike hope loa ana no hoi ia i ka aina o Pelesetina.

            Ma ka hora 7 o kekahi kakahiaka ae ua ku aku la makou ma Port Said, aia hoi ke awa ma ka akau o ka auwai eli o Sueza.

            No Port Said a me kona mau Hiohiona.

            He wahi kauhale uuku keia, ma ka aoao komohana o keia wahi kauhale e moe ana kekahi pa pohaku kiekie a ua moe aku keia pa pohaku no hookahi mile me ka hapa iloko o ke kai, a ma ka aoao hikina no he pa pohaku no e like me ka aoao komohana, a ua hai ia mai ia'u o kekahi mau pohaku o keia ma pa ua hiki aku koaa kaumaha i ka 20 tona a ma ka aoao komohana e ku ana kekahi hale ipukukui n@ni nona ke kiekie he 164 kapuai a ua hiki i kona malamalama ke hoolele aku no na mile he 24.

            O ke awa o keia wahi kauhale he hookahi mile kona loa a ua eli ia ke awa me ka mikini eli awa e like me ka Ulu, a o ka hohonu he 26 kapuai, he nui na mokuahi nui e hekau ana a he lehulehu o na mokuahi e like me Pele, a holoholo ana i o a ia nei, a mau mokuahi kekahi e like me Mokolii a me Lehua.

            Ma ka aoao hikina hema o ke awa he wahi auwai uuku a ma ka aoao komohana he loko kai nui i kapa ia ka Loko Mena@ale he lehulehu na waapa o ka poe lawaia e hekau ana maloko o keia loko.

            I ka wa i kuu iho ai ka heleuma o ko makou moku, pii mai la he ahi koa Aigupita i aahu a me ka lole wawae ulaula a he kihei i hoopaa ia ma kona pubaka he papale kapu ulaula a me ke kamas ulaula haahaa, a e lewalewa ana ma kona aoao he pahikaua nui.  Ua hai ia mai ia'u he luna awa oia.

            Ia makou e ku ana ma ka oneki, ua halawai iho la makou me kekahi kanaka Helene a ua hoolimaima aku la makou iaia e alakai ia makou e hoomakaikai i ke kulanakauhale, ua loaa iho la ia makou he waapa, a ua hoe ia eku la makou i ka Hale Dute, i ka wa i hiki aku ai makou, ua haawi aku la ko makou alakai i ko makou mau inoa i ka Luna Dute i ka paa ana o ko makou i kekahi Hotele i kapa ia Netherland Hotle.

            Ua paina iho la makou i ko makou a@oa kakahiaka malaila, i ka pau ana o ka makou paina ana, kau aku la makou maluna o na P@ula, oia na holoholona nui ma keia wahi, a holo aku la e makaikai i ke kulanakauhale.

            I ka wa a makou e holo ana, he nui na keiki lepo a Makoleona ma ka halawai mai me makou, o na alanui o keia wahi kulanakauhale uuku, he maikai a ua kanu ia ma kela aoao keia aoao i na laau o keia ano keia ano.

            A ma kekahi alaoui a makou i hele aku ai, ua helawai mai la makou me kekahi poe Mahomeda mai Alegeria mai e hele ana i ke kulanakauhale o Meka, e noho ana lakou ma kapa alanui a e pule ana, he haahaa na hale o keia wahi kulanakauhale a he mau kaupaku nae ko lakou, aole hoi i like me na hale ma ka hikina ka palalaha o luna, o na kanaka o keia wahi kulanakauhale he poe Alabia, Helene, Polani a me ka Italia.

            He iwakalua makahiki i hala aku nei he wahi puuone wale no keia, aka, i keia manawa, he kulanakauhale nona na kanaka i hiki aku i ka 9,000.

            O ka wai i loaa mai ai i keia wahi kulanakauhale, he paipu wai i hoomoe ia he kanalima mile mai Isamilia a aia iwnena konu o keia wahi kulanakauhale uuku he mala laau n@ni, a ma ia mala laau wau i ike ai i kekahi mau laau kamaaina o kakou e la@ ka Ohai, Inia a me kekahi mau laau e ae, a he ku i ka nani ke nana aku i keia wahi mala laau.

            Ua haalele a ku Ia makou i kahi kulanakauhale o Port Said, a holo aku la no ke kulanakauhale o Isamilia maluna o kekahi wahi mokuahi Aigupita lawe leta.

            He wahi moku uuku keia i ane like kona nui me Waimanalo.  Ma ka hora umikumakahi o ka po ka makou haulele ana ia Port Said, a ma ka hora ehiku o kakahiaka, hookomo aku la makou ma ka Auwai Eli kaulana o Sueza.     @@@@@@@@@@@@@@

 

ABERAHAMA LINEKONA ME KE KIAHA WAINA.

 

            I ka wa o Aberahama Linekona i koho ia ai i Peresidena no Amerika Huipuia a i ka wa i hiki aku ai keia lohe imua ona.  Haalale aku la oia kahi ana e noho ana ia manawa, a hele mai la i ke kulanakauhale poo Aupuni o Wasinetona, iaia i hiki aku ai i ke kulanakauhale o Cinicinati ua haawiia mai la kekahi ahaaina nui iaia a ua hele mai la ka poe hanohano a pau o ke kulanakauhale.

            I ka wa e paina na mea a pau, ua kono ia aku la o Aberahama e inu i ke kiaha waina, a eia kana pane:

            "He kanakolu kumamahiku ae nei o'u makahiki i noho ai me ka hoopa o@e i kekahi kiaha waina, nolaila ua elemakule loa wau ke hoopa aku ia mea ino."

            Maikai no hoi na olelo a keia kanaka hoopono, nolaila, e hoomahui e na opio mahope o na hana a Aberahama Linekona.  A na ke Akua e kokua ia oukoa.   S L D.

 

KA ALAPEKA ME KA ILIO HAE.

 

He Olelo Nane.

 

            E hele ana kekahi Alapeka ma kekahi ia maikai, a iaia i oiki aku ai ma kekahi lua wai, ike aku la oia i kekahi mau pakeke e lewalewa ana ma ua lua wai nei, komo iho la ka manao iloko o ua wahi Alapeka nei e kau iluna o kekahi pakeke, a i ka wa ana i kau ai iluna o kekahi pakeke, a i ka wa ana i kau ai iluna o kekahi pakeke o ka emi no ia o ua pakeke nei ana i kau ai a hiki ilalo o ka wai.

            I ka ike ana o ua wahi Alapeka nei i kona poino, uwe iho la ia me ka ehaeha a kahea ae la me ka leo nui e kokua, a kahea ae la me ka leo nui e kokua, ia wa ana e kahea nei, lohe aku la kekahi Iliohae alunu a hele mai la a maluna o ua lua wai nei a kahea iho la me ka ninau iho i kona pilikia.  Pane ae la ua wahi Alopeka nei, "e kuu makamaka,'ilio hae' e uwe ae ana wau me ka olioli loa no kaloaa ana iho nei o keia lua waiwai ia'u, a e lilo ana ka hoi au i kanaka waiwai.

            I ka wa i lohe ai ua Iliohae nei i keia olelo maalea, komo koke mai la ka manao ohomu iloko ona a ninau aku la.  "Heaha na waiwai oloko o na lua?  Pane mai la kahi Alopeka, he nui ke gula, ke dala a me na waiwai makamae o kela a me keia ano, o ka lohe ana o ua Iliohae nei, o kona noi koke aku la no ia e ae mai iaia e iho aku i lalo e makaikai ai i ua mau waiwai nei, ia pane mai la kahi Alopeka me ka maalea, aole oe e pono e iho mai, mahope hao oe i ko'u mau waiwai, he ae no nae au e iho mai ke hoohiki mua mai oe, aole e hoopoino @@ai ia'u, a e hao paha i ko'u mau waiwai, i ka lohe ana o ua ilio nei, ae aku la ia me ka hikiwawe, me kona olelo iho no nae iloko ona, i na wau e hiki ilalo pepehi ia oe e a'u a hao wau i kou mau waiwai, ia wa kehea mai la ua wahi Alopeka nei, e kuu makamaka, e kau ae oe iluna o kela pakeke, a e iho, kau ae la oa ilio nei iluna i ka wa i kau ai, emi iho la ka pakeke ilalo, no kona kaumaha ioa imua o ka Alopeka, a pii ae la la ka pakeke o kahi Alopeka iluna, no ka mea, he palaka i hoopaa ia maluna o ka laau amana e ku ana maluna o ka punawai, i ka wa i kau ai kahi Alopeka iluna, o kona lele aku la no ia ma ka-e o ka lua wai a kahea iho la, e kuu makamaka, ke haa@i aku nei au i ka hapa a pau o kuu waiwaino'u.  A huli aku la ua wahi Alopeka maalea nei a hoi aku me ke kani o kana wahi mele no kona pakele, a o ka Iliohae hoi, Wa uwe ae la oia me ka ehaeha a hiki i kona wa i poholo ai iloko o ka wai.

 

E. COOK WEBB, M.D.

Homeopatika.

(Kauka o ka Halemai Homeopatika, ma ka Mokupuni Ward's, N.Y.)

KEENA OIHANA.—Helu 60, Alanui Papu.  Makaukau inau e lawelawe i na pilikia mai o na wahine a me na kamalii.

HORA HANA.—Mai kakahiaka a hora 10 am.—2 a i ka 5 pm.   967 4m

KA MOANI ONAONA!

A ME KA PUIA MAU O

HOPEMANA I KE ALA!

 

Kia me a'u i keia wa na

Wai-ala Moani hou loa,

Na Aila Lauoho Pahee maikai,

NA BALAKI a me na KAHI LAU

OHO o kela a me keia ano.

Na laau Papaau o kela a me keia ano,

Na Kopa holoi ili sala auau,

Na Kopa hoopau puupuu o kanaka a me na holoholona.

Na omole waiu hanai keiki a me na onao waiu,

Na Paakai naha maikai a me na Hahano.

E loaa no keia mau mea no ke Kumukuai Emi loa ma ka Hale Kauka o HOPEMANA.

Ma Alanui Kalepa, ma nae iho o ka Baneko o Bihopa ma.  987 6m

 

KALE KULIKA,

LUNA HOOIAIO PALAPAL KUAI,

Molaki, a me na palapaia oia ano.

 

LUNA HOOIAIO PALAPALA

Aelike mawaena o na Haku me na Kauwa.

Luna Hanwi Palapala Ae Mare

            Ma ke kihi o ke alanui Moiwahine me Kaai humanu, kulanakauhale o Honolulu, ko Haw ai Pae Aina.    906 tf

 

KALE NILEKONA.

KAUKA LAPAAU,

Keena ma ke kihi o Alanui Papu me Hotele

Honolulu

O na mai o ka Maka, Pepeiao a me ka Puu, UA MAKAUKAU OIA MA K LAWE LAWE ANA.  955  ly

 

KAUKA EMEKONA.

E LOAA O KAUKA EMEKONA MA KOna Keena Hana ma ka Hale Kauka o Dr. Hoffmann (Kauka Hopemana) ma ka helu 2 4 Alanui Kalepa, mai ka hora 9 a 11 o ae @@@@@@@, a @@@ @@ @@@@ @@@ @@@ @@@@@@

            He keiki keia o ka aina o Hawai nei, a ua noho oia he mau makahiki ma Nu Ioka, a ua makaukau i ke paie keiki, a ika lapaau ana i na mea mai @@@, na mai maoli a me na mai henui o na ano a pau.  Ua akamai oia ma na olelo elua.  981  6m

 

MAKEMAKEIA.

 

            Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI  me makou, a e haawi no makou i ke KUMUKUAI KIEKIE LOA  o ko kakou Makeke    C BREWER & CO. (Burua Ma.)  Honolulu, Sept. 29, 1880.  996 tf.

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa, Keokeo, Leponalo, Pena, Aila, Aniani, HA MEA PIULA!  KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi.   A HE

 

AGENA NO HOI NO NA MOKUPUNI O HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

Na lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

LIPINE, LIHILIHI, & c.

A ME NA

 

Mikini Humuhumu MakeponoLoa!

A ne

MAU MEA AI KAHI

Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c

A he Laau Lapaau Kaulana Loa  A DR. JAYNES.

Laau Kunu.

Laau Hoomaemae Koko,

Laau Ho opau Naio,

Penikila, Huaale.

A MENA LAAU HAMO, A PELA 'KU  840 tf

 

C.C. Coleman.

Amara a he Mea Hana Mekini

Kapili Kapuai Hao Lio

A ME KA

Hana ana i na Kaa Lio. &c.,

Hale hana ma Alanui Alii, e kokele @@@ 905 ke Alanui Popu  @@

 

He Nui Anei Kou Makemake i na  Mekina Humuhumu Lole?

Ina pela, alaila, e kipa mai no ma ka Hale@@@

:0:

KAKELA A ME KUKE.

 

A malaila oukou e ike ai a makaiki na ana MEKINI a WHEELER a me WILSON mai ke $40 a hiki i ke $50 ke kumukua:  @@ mea hookahi.

Na MEKINI a SINGER.

ma ke $50 pakahi, me ke ano

MEKINI A WILCOX me GIBBS, ma ke $30 a hiki i ke $50 ke kumukuai.

            I mea e pau ai ko oukou kanalua e na Makamaka no ke kupono o keia mau ano Mekini a naue mai no me ke kuihe ole, a e ike no oukou hoi.   S62 tf

 

J. B. KAOHI.

LOIO A KOKUA MA KE KANAWAI

 

IMUA o na Aha Hookolokolo a pau ma ka Mokepuni a Hawaii a i mua hoi o na Aha Hoomalu a Apana a pa@ a keia Aupuni.  E loaa no au ma Kohala Akau Hawaii.  9@@ ly

 

PAPA!  PAPA!

NO

ALLEN & ROBINSON

 

UA WEHE AE NEI MAUA!

PA KUAI PAPA

 

MA

KA UWAPO O PAKAKA

 

Na Papa Ulaula o na ano a pau

Na Papa Paina o na ano a pau

Na Pili Hale Ulaula.

Na Pili Hale Keokeo

Na Pepa Hoonani Hale

Na Pepa Molina.

 

Na Pena a me na Aila Pena

NA KUI O NA ANO A PAU.

 

NA PANI PUKA  a me

NA PANI PUKA ANIANI

NA PANI PUKA a me

NA OLEPELEPE

 

NA LAKO KUKULU HALE

O NA ANO A PAU!

 

E KUAIIA MA KE

 

            KE KUMUKUAI HAAHAA LOA

O keia Makeke.

ALLEN & ROBINSON  Honolulu a @.. 1, 1878   @@@@

 

PAPA, PAPA

AIA MA KAHI O

LEWERS & COOKE!

(O LUI MA.)

 

MA KE KAHUA KAHIKO MA

Alanui Papu a me Moi

E LOAA AI NA

PAPA NOUAIKI

o kela a me keia ano.

Na Papa Nani a Paa no ke Kukulu

ana i na Hale!

 

Na Pani Puka, na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui @@@

 

NA PILI O KA HALE

O NA ANO A PAU.

 

Na Pepa Hoonani, na Pena o na Wai a pau.

Na Kui mai ke Nui a ka Makalii,

Na Ami Puka, na Ami Puka Aniani

Na Ami o na ano a pau.

Na Aila Pena, o kela me keia @@@

Na Aila Hoomaloo, he lehulehu wale,

Na Aila e ae o na ano a pau.

 

NA WAH VANIKI

A ME NA

 

WAI HOOHINUHINU NANU

 

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana.

NO KA

UKU HAAHAA LOA!

E like me ka mea e holo ana mawaena o LAUA a me ka MEA KUAI.

 

E hele mai!  E na Makama ka!

A e lawa no hoi ko oukou makemake me ka oluolu a me ka maikai!  845tf