Ka Nupepa Kuokoa, Volume XX, Number 14, 2 April 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa

Kuokoa me ke Au Okoa

@ HUHA.

@@@ Makahiki @@ Eono Mahina, $1.

@@@a Kuike ka Rula.

 

KOMITE HOOPONOPONO.

SAMUELA KAAIKAULA.

HEZEKIA AEA

 

POAONO. APELILA 2, 1881.

 

OLELO HOOLAHA

Ke kauoha @a aku nei na lala a pau o ka Ahahui E@@nelio o ka mokupuni o Oahu. E haiawai ana ia A@a ma Waialua, i ka Poa@@@ elua o Apelila oia ka la 12 hora 10 am. W hele ae @@ me ka makuakau i na haawina.

S Paaluhi. Kakauolelo.

 

Hoolaha no Haleiwa.

E OLUOLU na Makua a me na Makamaka o na Haumana o ke Kula Hanai o Waialua e hoomanawanui @o keia mau la; no ka mea ma keia ke papa ia aku nei na mea a pau aole e hoolauna wale aku ma ke ano makaikai iloko o ka @@ o ia Hale Kula @oe wale no ka poe i kuleana ma o ka hana me ke kumu. No ka pomaikai o na haumana a me makua keia hoomalu ana, @@@@ ke l@@@ nei ka Mai puupuu Hepela. Me ka manaulana he mau ia koe a mao ae keia pilikia.

            MA KE KAUOHA.

1006 tf.

 

Haawina Kula Sabtai.

HELU 2, SABATAI, APERILA 10, 1881.

KUMUHANA.

Ke kanaka aloha no Samria. Pauku Baibala. Luk 10,25-37.

25 Aia hoi ku ae la iluna kekahi kakaolelo e hoao ana ia ia, ninau aku la, E ke Kumu, heaha ka'u e hana ai i loaa mai ai ia'u ke ola mau loa?

26 a ninau mai la Oia ia ia, Heaha ka mea i kakau ia ai iloko o ke kanawai? Pehea kau heluhelu ana?

27 Hai aku la ke kakauolelo, i aku la, E aloha aku oe i ka Haku i kou Akua me kou naau a pau, a me kou uhane a pau, a me kou ikaika  a pau, a me kou manao a pau, a i kou hoalauna e like me oe iho.

28 I mai la Oia ia ia, Ua hai pololei mai nei oe; o kau ia e hana ai, a e ola no oe

@@ Aka i kona makemake ana e hoapono ia ia iho, ninau aku la oia ia Iesu, Owai la @@@ kou hoalauna?

30 Olelo hou mai la o Iesu, i mai la, O kekahi kanaka e iho ana mai @erusalema i ieriko, a haule iho la iwaena o na powa, kaili ae la lakou i kona kapa pepehi iho la, a haalele aku la ia ia, e wahio ana me ka aneane make.

31 A iho no kekahi kahunapule ma ia alanui a ike aku la ia ia, maalo wale ae la ma kekahi aoao

32 Pela no hoi kekahi pua na Levi i kena hiki ana ma ia wahi, hele ia a nana aku ia maalo @e la ia ma kekahi aoao.

33 Aka, o kekahi kanaka no Samaria. i @@@ h@le ana, hiki aku la ia i kahi on a e waho ana; a ike aku la ia ia, hu ae la kona aloa iaia.

34 Hele iho la io na la a wahi iho la i kona mau eha e ninini ana i ka aila a me ka wa@na iloko, a kau ae la ia ia maluna o kona holoholona iho, a lawe ae la ia ia i ka halehookipa a malama iho la iaia.

35 A ia @a @e i kona hele ana aku, unuhi @e la ia i @@ derani elua, a haawi aku la i ka mea @@@@ ka hale, i aku la ia ia, E malama oe ia ia nei a oi aku ka mea lilo, a hoi mai au na@ e @@@ aku ia oe.

36 A o keia mau kanaka a ekolu owai @@ @@ hoalauna i kou manao, no ke kanaka i haule iwaena o na powa?

37 Hai aku la ia, O ka mea i hana lokomaikai ia ia, I mai la o Iesu, E hele oe a hoo@@like me ia.

P@@ke Gula, p 27.

Ma@@@ @@@. Ke aloha @@ ka mea nui.

Na heluhelu la. 1 Luk 10;1-24. 2 Luk 10;25-42. @Mar 10;13-27. 4 @@@ 1;19-27.5 @@ 3;10-24 6 Gal 5;14-25, 7 Luk 6;27-36

Mele. Paa ka Papu. Lei Ahi, 36.

Pule i kokua mai Iesu.

Ka wehewehe me ka Ninau ana. P 25 He kakaolelo he kumu wehewehe i ka ana o ka ke Akua Olelo. Ua hele oia i o Iesu la me ka ai@@@ nui. Heaha ia ninau?

Mahea kekahi ainau like? Ua makemake io a nei oia e ike i ka mea e ola ai? He ainau hoohihia @ nei ia Iesu!

P25 P@@e aku Iesu pehea? He kumu ae; aole paha oe i naaupo ma ke kanawai. Pehea kou heluhelu?

P 27 A pane mai oia pehea? Ua p@@na@@ @@@ na kanawai nui elua. Mahea i kakau ia ai ia mau kanawai? Kan 6;5 Oi@k 19;18.

@@@@ ka nainau a kekahi kakaolelo me ko Iesu pane ana ma Ma@ 22;25-40?

P 28 A pane aka Iesu pehea? Mahalo Iesu i hana hewa. I@@ hana oia me ia o @@@ no ia.

P29 Ua kahi pe@a ke kakaolelo, @@ ma@@@@ aia i keia ana kanawai elua, a hiki ke @@@@@@ ia@@ iho. Pehihi @@@ kekahi mea. Owai la @@@ @@@@@@? He @@@@@@ anei? He mea e paha. Ina ka Iudaio na hoalauna oa aloha no oia ia lakou. I na he poe e ae; akaka ole kona aloha.

P30 Ma keia mau olelo e hoike ana Iesu i na mea e maopopo ai ka hoalauna oiaio o keia kanaka i leohia ai i na pilikia, ke ladaio no oia, e hele ana mai hea, a i hea? He 15 mile mai lerusalema a Ieriko ma ka hikina akau. He alanui ino, he nahelehele, he ano mauna. Kakaikahi na kanaka, He wahi powa ia. Heaha ka pilikia i loohia ai keia kanaka? Ua manao ia o keia poe powa he hapa ia o ke 40,000 paahana a Heroda i hoohana ai ma ka luakini ma Ierusalema. Ua pau ka lakou hana, a ua hookuu ia e hoi aku. A lilo lakou i poe powa.

P 31 Ua olelo ia, he 12,000 kahuna me na Levi ma Ieriko. Hele pinepine lakou i Ierusalema e hana i ka lakou oihana. E hai ana paha keia kahuna. Ua ike no oia i ka mea i powa ia e moe ana ilalo. Ua lohe paha i kona uwe ana. Pehea nae oia? He mau Iudaio laua elua. He kahuna keia. Heaha kana pono? Aka, ua kaalo wale'ku. He kahuna aha la oia? Nui nae ka poe hoohalike me ia, na makua, na keiki, na kumu, na haumana paha.

P32 Owai kekahi i maalomalaila? I kona ike ana i ua kanaka nei, pehea oia? Ua oi iki kona aloha, ua hele a nana pono i ka pilikia. A kokua anei oia iaia? He hoalauna io anei oia no keia kanaka poino? No ke aha la kona kokua ole? Ua nele i ke aloha hoalauna.

33 He kanaka e kai ma@lo ae. Nohea ia kanaka? Hai mai i kana mau hana no keia kanaka pilikia. 1 ua ike, 2 ua hu ke aloha, 3 ua hele iona la, 4 ua wahi i kona mau eha, 5 ua lapaau me ka aila a me ka waina, 6 ua hapai a kau iaia maluna iho o kona holoholona, 7 ua alakai iaia i ka halehookipa, 8 ua malama iaia ma ia po a ao. 

P35 a ao ae, aha oia nona? Me ka olelo pehea ke lawa ole? Ke aloha aha keia?

P 36 Heaha ka ninau o Iesu i ke kakaolelo.

P 37 Aole paha loihi kona noonoo ana a pane oia owai ka hoalauna io? A kena Iesu iaia e hele a aha?

Ua enemi na Iudaio i na kanaka o Samarin. Ua hoowahawaha ia lakou.

Aka, o keia kanaka no Samaria, aloha oia i keia enemi. Aole paha on a manao no ka lahui hea oia. Ua ike oia he kanaka pilikia loa keia. Pono ke aloha ia a kokua ia. Ua paipai kona luna manao e hana pela. Ua lohe paha oia i ka Iesu olelo. E aloha i na enemi. E hana maikai aku i ka poe kanaka a pau.

Na Manao Pili

1 Nui ka poe i lohe @ ka mea e ola ai, aole nae i hana

2 Nui ka põe i ike i na kanawai, aole nae i malama.

3 Nui ka põe hele i na halawai, me he la ua makemake lakou e lohe i na olelo e ola'i. Noho wale nae me ka lohe ole.

4 Nui ka põe i ninau, heaha ka makou e hana ai i ola, oiai ua ike mamua i ka e ola ai.

5 Nui ka põe kuhi hewa, ua malama i na kanawai, ua aloha i na hoalauna me ia ia lakou iho, aole ka!

6 uni ka põe hoohalike me ke kahuna a me ka pua a Levi ma keia moolelo.

7 Ina makemake oukou e ola, e hoohalike me keia kanaka no Samaria. E hoohalike hoi me Iesu Kristo, nana i hoole ia la iho a make me ka hewa ole no ka poe hewa. Nui ka poe pilikia maanei ma na aina e, o kela ano o keia ano, o kela lahui o keia lahui. Hookahi no makua o lakou a pau. He poe hoalauna kakou no lakou. He poe hoalauna lakou no kakoku. E hoike aku i ke aloha io aku ia lakou ma na hana e ku ana i ke aloha io.

Mai aloha hookamani. Mai aloha ma ka waha, ma ka uwe waimaka, ma ka nana wale aku no. E lawelawe na lima, na wawae. E hele e haawi, e hanai, e no aku, e kuhikuhi i ke ala o ke ola.

Mele. Komo anei makou. Lei Alii.

Pule i makukau e komo i loko o ka lani.

Haawina no Aperila 17. Luk 11;37-47.

 

HE MOOLELO NO KALANIMOKU

O Maui ka aina hanau o Kalanimoku; a nolaila kona mau kupuna a me kona mau makua, no ka ohana alii Moi o Maui na kupuna o Kalanimoku.

O kona ohana hookahi o ka hanau aha: O Kalanimoku ka mua, a o Kahakuhaukoi ke kaikuahine, ka makuahine o Kahalaia me Kekauonohi. O Poki ke alii kiaaina Oahu, oia ke kaikaina o Kalanimoku.

Ua hanau o Kalanimoku ma Makaopalena i Kauai no Hana ma Maui. O Kamakahukilani ka makuahine ke kaikamahina a Kauhiaimokuakama ke keiki a Kekaulike ka Moi o Maui.

O Kekuamanoha ka makuakane ke kaikunane o Namahana, ka makuahine o Kaahumanu, nolaila, he kaukunane o Kalanimoku no Kaahumanu a me kona ohana.

O ka A D 1738 ko Kalanimoku hanau ana. He pio kona mau makua no ke kaua a me na kipikipi no ka ohana moopuna  ame na keiki a ka moi o Maui.

Ua kokua o Kekuam@@oha mahope o K@@@@moku ke kane a kona kaikuahine, nolaila, ua kipi lakou ia Kahekili ka Moi o ke aupuni, aka, ua pau lakou i ka hee iloko o na hoouka kaua kaulana, o Kalaeiliili ma Waihee, O Kal@@onakukui ma Molokai.

Nolaila, na hoopio na makua a noho ma Kona, no ka mea; he poali okoa ia nno Hawaii, malaila na makua i noho ai, a hiki i ke hanau ana o Kalanimoku, a me Kaahumanu.

I ka A D 1778, na lawe ia ma Hawaii; a o ke kaikuahine o ka makuakane oia o Namahana a me Keeaumoku k@@@ kane a me Kuakini ke kaik@@ne mua o Kaahumanu. Ua pau lakou i ka holo p@ i Hawaii.

Aka, o na makua o Kalanimoku, o Kekkaamanoha me Kamakahukilani, ua kii ia mai lakou e noho me Kahekili, a ua noho no lakou i Maui.

Ua hanap pu ia o Kalanimoku me Kaahumanu a nui pu laua.

I ko Kalanimoku i hoa aloha aikane na Kamehameha, a i hoa moe pu no Kamehameha.

I ko Kalanimoku lilo ana i kanaka makua Ua ao ia oia i ka Oihana koa; a ua like ko laua koa me Kamehameha.

Nolaila, hoonoho aku la o Kamehameha ia Kalanimoku i pukana, a i alihikaua nui no kona aupuni.

Hoolilo aku o Kamehameha ia Kalanimoku i lunakanawai kiekie, ia ia ke ola a me ka make.

Haawi aku la o Kamehameha i ka mana maluna o na alii a me na Kuhina. O na a  me na lako a pau. O Kalanimoku maluna oia mau mea a pau.

O Kalanimoku ka kamehameha punahele kaulana; maluna o kona aupuni a me kona mau panalaa, iaia ka mana e hiki ai ke haawi i ka aina i na alii a me na Kuhina, i na kaukaualii, a me na puali a me na aialo a me na koa.

Aole hiki ia kamehameha ke haawi, ke ae ole o Kalanimoku. Ua like pu o Kalanimoku me Kamehameha. A o na kaikaina a me na hoahanau ponoi o Kamehameha, a ia lakou a pau malalo o Kalanimoku.

Ua mau no ko Kalanimoku punahele a hiki i ko Kamehameha make ana.

I ko Liholio Kamehameha II noho alii ana maluna o ke aupuni o kona makuakane o Kamehameha I. Ua lilo no o Kalanimoku i Kuhina kaua no ke aupuni mai Hawaii a Kauai.

I ka make ana o Kamehameha I, ua ulu mai ke kaua kuloko, oia hoi ke kaua aina me ke kaua Aikapu, oia ke keiki a ke kaikaina o Kamehameha.

O Kalanimoku ke Kuhina kaua nana i kaua aku me Kuamoo, a ua make ua alii la nana ke kaua, a ua hoopuehu ia ke kaua Aikapu.

O Kalanimoku ke alii kaulana i ka on a rama mahope iho o ke kaua i kuamoo.

Ua Bapetizo ia o Kalanimoku i ka A D 1819 mahope iho o ka make ana o Kamehameha e kekahi kahuna ka@olika maluna o ka moku Parani i ku ma Kawaihae. Aka, aole i maopopo ia Kalanimoku i ke ano oia mea. Aole oia i ike i ka waiwai io o keia mea, he bapetizo, ua lohe oia ma ke kamailio a John Rive kekahi punahele a Liholiho he haole Farani.

Ua kuhihewa o Kalanimoku i ke ano o ka wai a me ka aila i poni ia iaia. Ua maa o Kalani moku no ka huikale me ke kaiolena a me ke kopipi ana i ka wai no ka mea lawehala, me ka ike ole i ke ano o ka wai o ka bapetizo ana no ka Uhane o ke Akua.

Aka, o ke kahua mua paha ia o ka lilo ana i katolika o ka lahui kanaka Hawaii;

He nui na wahine a Kalanimoku o na kaikamahine a ko Kamehameha mau hoahanau a me na Kuhina, oia na wahine a o Kihohana o ka wahine ia na ke kaikamahine haku a lakou, oia ka lani wahine a lakou.

Aka, o na hua i loaa mai loko mai o ua lani la aole e manao ia ua loaa ia nana, ua lilo ia hua na Kamehameha oia iho la ka hooilioa Moi o ke aupuni.

O ka inoa o ua kaikamahine haku nei a lakou, oia no o Kalanikauikaelaneo Keopuolani.

I ka hiki ana mai o na misiona puritano i Hawaii nei aole no i hoomaopopo o Kalanimoku i ka pono ia manawa mamuli o ka lewalewa a me na hana haumia ka noho ana.

I ka ha o na makahiki o na misionari o ka noho ana ma Hawaii nei ia manawa, mai iho la o Keopuni ma lahaina a make aku la.

He nui na moe puu i hele mai e make pu me ke alii. Ua makau na kanaka ia Kalamoku me ka manao e hana oia e like me ka wa kahiki. Olelo mai la o Kalanimoku imua o na alii a me na makaainana ma ka Lu@okiha.

"Ua kauoha mai kuu wahine ia'u, e huli au i ka Olelo a ke Akua a me kou alii, nolaila, aole e make, e huli oukou i ka olelo a ke Akua."

I ka make ana o Keopulani, @@@@auwa iho la o Kalanimoku, a like me ka pupale. Ua huipuia ka @@ma me ka hanawai me ka hanoe a pela i hoohainu aku ai i kanaka, aka, no ka noho pu ana o na misiona oia paha ka mea i pau wale ai ka hana naaupo.

Ua puka mai ka malamalama o ka olelo a ke Akua, a ua hoohiolo ia na hana naaupo o ke aupuni pegana.

Mahope iho o ka make ana o Keopulani, alaila, hoomaopopo iho la o Kalanimoku i ke kauoha a Keopulani iaia e huli i ka pono a e pule i ke Akua, a mihi i ka hewa, a e haalele i na wahine he lehulehu, e lawe i hookahi wahine.

Ua ike na alii, @@ makua@@@@@ i ko Kalanimoku heohaahaa ana, a me kona noho haipule ana mahope o ka pno o ka Olelo a ke Akua.

Eia ka hope o kona haalele ana i na hana laealea a me na hana hewa. Lawe ae la oia hookahi wahine, oia hoi o Akahi a Puelua e ola nei i keia wa.

I ka make ana o ke alii o Kauai o Geo Kaumualii. Kauoha mai la O kaamualii o Kahalaia ka hoolina aina ke keiki o ko Kalanimoku kaikuahina. Aka, he keiki hana lealea me ka uhauha, ua lwae ia na wahine he lehulehu, a e noho ana ka on a rama, me ka hoomaopopo ole i ka pono o kona noho alii aimoku ana ia Kauai.

Nolaila, manao iho la ka makuakane o Kalanimoku, e hele aku mahope i Kauai, ua holo ma Hanalei, e nana i ka moku i nahaha ma Hanalei, oia o Haahaa.

Ua pakele @@@ o Kalanimoku i ka poe i @humu e pepehi ia ia.

Aka, ua hoopakele mai ke Akua ia Kalanimoku, e noho ana o Kalanimoku me ka haipule ia manawa.

I ko Kalanimoku pakele ana i na enemi, holo aku ia oia ma kona moku ma Paalua a ko ma Waimea, malaila o Kahalaia a me Kekauluohi ma, a me na alii a me na kaukau alii a me ka poe koekoe a me na puali o Kaumualii.

Malila i kukala aku ai o Kalanimoku i ke kauoha a Kaumualii. O Kahalaia ke alii o Kauai, o ke kumu no ia i ala mai ai na manao kipi, a me na kinopo. Aka malaila o Rev H Binamu me Mr Wini.

I ka po ke kaua kipi kimopoana, a ua make ka nui o ka poe kipi ia po. Hookahi alii i make o ka poe kipi ole, o Niau ka inoa, Ua lanakila ka poe mahope o Kahalaia, ua paa ka papu me na lako kaua.

I ke ao ana, hele mai la o Binamu ia Kalanimoku e olelo e hoi i Oahu nei me Wini ma. Ae aku la o Kalanimoku ia Mr Binamu ma e hoi i Ohau, no ka pilikia o Kauai i ke kaua.

Olelo mai la o Binamu ia Kalanimoku. I na e kaua oukou, a i lanakila oukou maluna o na enemi; mai pepehi wlae i ka poe hewa ole, mai luku i na wahine a me na kamalii, aole pela ka poe naauao.

Ua malama no o Kalanimoku ia mau kauoha me kona manaoio.

I ka wa i akoakoa ai na alii a pau i Waimea. Ua koho ia o Hoapili kane i puuku; a oia ka alihikaua noi, ua kauoha aku o Kalanimoku e like me ke kauoha a Mr Binamu.

O ka hoomaka ana o ke kaua, ua hana ia ma ke ano kristiano. Ua pule ia i ke Akua kiekie ma ka lani.

He mea kupanaha no kaua, ua maluhia aole a luku wale ia o ka poe pio i hele imua o Kalanimoku, ua hookuu wale ia ma ka lanakila, ua kuakaka ia o ka poe pio i kanahelehele e hele lakou imua o Kalanimoku aole lakou e luku ia nolaila, hele nui loa ka poe pio i o Kalanimoku la.

O ka hua no ia o ko Kalanimoku hooiaio ana i ka aoao kristano.

I ka pau ana o ke kaua ma Kauai, holo aku la o Kalanimoku i ka makaikai ma Niihau a ua pilikia kona moku o Paalua, ua ili ma Niihau.

Olelo o Kalanimoku, ilaila mahuahua kona manaoio i ke Akua, a me ka pule ikaika i ke Akua no kona hewa.

A pau ka pilikia ma Niihau a hoi ma Oahu.

Ua lilo no o Kalanimoku i puukalahala

O Kahalaia no kekahi i manao e hoohaunaele me ka manao ino ia Kaahumanu, me ka manao o Kahalaia e make o Kalanimoku ua pane pono aku o Kahalaia imua o Kalanimoku me ka olelo aku.

"Ina e make oe, alaila, e oni no au mahope o kou make ana."

Noonoo iho la o Kalanimoku, auew iho la no ke aloha i kona kaikuahine o Kaahumanu. Aka, ua lilo ia i mea e kaumaha ai ka manao o Kalanimoku, ua lilo ia i mea e pau ai ka manao kaumaha.

Aka, ua make o Kahalaia a ua pau ia kaumaha ma kana pule i ke Akua.

Ua ulu hou wai kekahi kaumaha ia Kalanimoku, no poki kona kaikaina.

O Poki ke kumu o ka haunaele a me ka ohomu e pepehi ia Kaahumanu. Ua imi no o Kalanimoku e hopu i keia kipi kona kaikaina, a no kona hailahila, oia ke kumu o kona hoi ana i Hawaii a hiki i kona make ana i ka 1827.

Ua kupaa keia alii me kona pau lele i ke Akua, a hiki i kona ia i halawai ai me kona Haku ma ka Lani.

 

KAUMAHA.

Nui no ke aloha a me kaumaha, me ka walohia A me ka manaolana hoi e pau aku ana a mama mai la hoi ka mai luku aole ka.

Ma ka Poakahi nei la 14 o Maraki nei, ua hele kaapuni aku la kahi mau lala hanohano o ko kakou papa Ola, e ike a e nana, a e makaikai i ko laua mahele lahui iloko o ko kakou kulauakauhale alii nei.

Mai ke alanui Nuuanu a i ka muliwai o Kikihale, mai Peleula a Kapuakolo a Ulakeheo, ua ike no laua ua piha loa ia ko laua apana e ka mai, aole mama ka manao, kaumaha luuluu no.

Aloha, aloha no, ke alu nei, a ke pahola ae nei no ka mai hepele, wahi a laua, he kuleana mai kahiko loa mai, no kahi iwaena o ko laua apana.

He hou mai ka mai hepele, ua makaukau kahiko ka hookipa ana mai i na mai na kaumaha, na eha, na pilikia a me ka make maoli.

E ninau mai ana peha lakou me ke kaumaha a me ka huhu, e olelo ana paha, "he aha la ko makou mea i makemake ai e hookipa mai ka mai a me ka make."

Kia ka hana: He mau rola kahiko ae ke ka Papa Ola i na makahiki he nui o ko kakou ola ana, he mau kanawai no no ke ola kino. E hoomaemae i na hale, hale noho, hale ai, hale auau, hale lualiilii, a pela aku.

Wahi a laua, nui loa ka pelapela o na hale, nui ka pilau. Eia ka loa, e like me ka nui o ka paakiki o ka naau mamuli o kahe wa, mamuli o na lewalewa i olelo @ mai ma ka pelapela o ka naao.

E hana hew, he mea make ka hewa, e ka poe hewa, aole hookaulua ka make a lakou. Eia no ka laau. E mihi, e m@@@@io. E manaoio aku i ka Haku ia iesu Kristo, alaila e ola oe a me ke ka hale ou. D.M.

 

MOKU I KE GIANA PAUDA.

E KA NUPEPA KUOKOA E Aloha oe.

E oluolu mai kou hanohano i keia wahi mea hou, e kau ae la maluna o kou keena hoikeike mea hoe.

Ma Maulihi, Hilo, ea moku iho la na manamana lima o kekahi o ko makou makamaka i ke giana pauda, ia ia i hele ai i ka hoopahu i-a i kahakai, o Kulaimano, i ke In 28 o Feb.

A ma ka lohe wale ia mai, o kana hana mau no ia o ka uhaki kanawai, (hoopahu.) I na la peha e ike mua ia, alaila o ke kanawai la ka mea nana e oki mua na manamana, eia hoi o ke moku o na lima ka mea nana e hoike ae o kana oihana mua ka ia, pela e ko ai ka ka Nainala i hoike mai ai.

"O na mea i huna ia ma kahi mehameha e hoike ia ma ke akea." Nolaila, o ke kauleo hope ia oukou e na makemake e lawe lawe nei i keia hana ino, mai no a h@ o e like me ka @ma o Mr Kala Huai, i mauumuu iho nei.

E oki au me ka mahalo ke kalii mai la ka ohu iluna o pualala. Owau iho no.

R HH KEKUA.

Maulili, Hilo Mar 3 1881.

 

KALE KULIKA,

LUNA HOOIAIO PALAPAL KUAI,

Molaki, a me na palapla oia ano.

 

LUNA HOOIAIO PALAPALA

Aelike mawaena o na Haku me na Kauwa.

Luna Haawi Palapala Ae Mare

Ma ke kihi o ke alanui moiwahine me Kaai humanu, kulanakauhale o Honolulu, ko Hawaii Pae Aina. 906 tf.

 

KALE NILEKONA.

KAUKA LAPAAU,

keena ma ke kihi o Alanui Papa me Hotele

Honolulu.

O na mai o ka Maka, Pepeiao a me ka Puu.

UA MAKAUKAU OIA MA K LAWELAWE ANA.

 

KAUKA EMEKONA.

E LOAA O KAUKA EMEKONA MA KOna Keena Hana ma ka Hale Kauka o Dr Hoffmann, (Kauka Hopemana) ma ka Helu 2 4 Alanui Kalepa, mai ka hora 9 a 11 o ke kakahiaka, a mai, ka hora 2 a 4 o ke ahiahi.

He kekiki keia o ka aina o Hawai nei, a ua noho oia he mau makahiki ma nu Ioka, a ua makaukau i ke pale keiki, a ika lapaau ana i na mea mai @@@, na mai maoli a me na mai henui o na ano a pau. Ua akamai oia ma ae olelo elua. 961 Ona.

 

MAKEMAKEIA.

Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ka lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke

C BREWER & CO.

Honolulu, Sept. 29, 1880.

(Burua Ma.) 996 tf.

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

Keokeo, Leonalo,

Pena, Aila, Aniani,

KA MEA PIULA!

KOPA, AILA HONUA,

AILA HOOMALOO

Kui Kakia, Pakeke,

Tabu, Kaula, Noho Lio,

Hulu Palakai, na Pulumi.

A HE

AGENA NO HOI NO NA MOKUPUNI O HAWAII NEI NO NA

Lainakini-nae, Lainakini Maoli, Palule Kalakoa, Alapia, Kelepa, Kilika,

Na lole kupono i ke wawae, Palule Huluhulu, Na Lole Huluhulu, Na Lole no ke hoohehelo ana Lipini, Lihilihi, @@@.

A ME NA

Mikini Humuhumu MakoponoLea!

 

A ME

MAU MEA AI KAUI

Ka Palaoa, K@paa, Raiki, Pia, Hoohu, Paakai, Heaala, Pia Kulina, @@@

A he Laau Lapaau Kaulana Lea

A Dr. JAYNES.

Laau Kaau, Laau Hoomaemae Koko, Laau Hoopaa Naio, Penikila, Huaale.

A ME NA LAAU MANO, A PELA, KUI 840 tf

 

C.C. Coleman.

Amara a he Mea Hana Mekini

Kapili Kapnai Hao Lio

A ME KA

Hana ana i na Kaa Lio, &ec..

Hale Hana Ma Alanui Alii, e kokoke la i

905 ke Alanui Papa. tf

 

He Nui Anei kou Makemake i na Mekini Humuhumu Lole? Ina pela, alaila, e kipa mai no ma ka H@@@@@@.

 

KAKELA A ME KUKE.A malaila oikou e ike ai a makaikai i na a@a MEKINI a WHEELER a me WILSON mai ke $40 a hiki i ke %50 ke kumukuai e ka mea hookahi.

Na MEKINI a SINGER.

ma ke $50 pakahi, me ka ano MEKINI a WILCOX me GIBBS, ma ke $30 a hiki i ke $50 ke kumukuai.

I mea e pau ai ko oukou kanalua e na Makamaka no ke kupono o keia mau ano Mekini @@ naue mai no me ke kuihe ole, a e ike no oukou hoi. 862 tf

 

J.B KAOHI.

LOIO A KOKUA MA KE KANAWAI

IMUA e na Aha Hookolokolo a pau ma ka M@@@@@@. Hawaii a i mui hoi o na Aha Hoomalu a Apana a @@@ @ @@ ia Aupuni. E loaa no au ma Kohala Akau Hawaii. 933 ly

 

PAPA! PAPA!

NO

ALLEN & ROBINSON

UA WEHE AE NEI MAUA I

PA KUAI PAPA

MA

KA UWAPO O PAKAKA

Na Papa Ulaula o na ano a pau.

Na Papa Paina o na ano a pau

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUNA ANIANI

NA PANI PUKA a me

NA OLEPELEPE.

 

NA LAKO KUKULU HALE

O NA ANO A PAU!

E KUILA MA KK

KE KUMUKUAI HAAHAA LOA

O keia Makeke

ALLEN & ROBINSON

honolulu s m. 1, 187 a

 

PAPA, PAPA

AIA MA KAHI O

LWERS & COOKE!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukulu ana i na Hale!

Na Pani Puka, Na Puka Aniani,

Na Olepelepe, Na Pou, Na O-a

Na Papa Hele, Na Papa Ku,

A me na Papa Moe nui loa

 

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau, Na Kui mai ke Nui a ka Makalii, Na Anai Puka, Na Ami Puka Aniani Na Ami o na ano a paa.

Na Aila Pepa, o kela me keia ano Na Aila Hoomaloo, he lehulehu wale, Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI

o na ano a pau loa

NA BALAKI ANO NUI WALE

A ke @ai ia aku nei ka lopo i na makamaka pau, ua makaukau keia mau makemake o oukou e hoolawa aku ma na mea a pau e pili ana ma ka laua oihana

NO KA

 

UKU HAAHAA LOA!

E like me ka mea e holo ana mawaena o LAUA  ame ka MEA KUAI.

E hele mai! E na Makamaka!

A e lawa no hoi ko oukou makemake me ka oluolu a me ka maikai!

845tf