Ka Nupepa Kuokoa, Volume XX, Number 13, 26 March 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha no Haleiwa.

 

            E OLUOLU na Makua a me na Makamaka o na Haumana o ke Kuia Hanai o Waiaiua e hoomanawanui no keia mau la; no ka mea, ma keia ke papa ia aku nei na mea a pau aole e hoolauna wale aku ma ke ano makaikai iloko o ka pa o ia Hale Kula Koe wale no ka poe i kuleana ma o ka hana me ke kumu. No ka pomaikai o na haumana a me na makua keia hoonalu ana, oiai ke laha nei ka Mai Puupuu Hepela. Me ka manaulana he mau a koe a mao ae keia pilikia.

            MA KE KAUOHA. 1006 tf

 

KA NUPEPA Kuokoa me ke au Okoa i huiia.

no ka Makahiki $2. Eono Mahina, $1. Dala Kuike ka Rula. KOMITE HOOPONOPONO. SAMUELA KAAIKAULA. HEZEKIA AEA. POAONO, MARAKE 19, 1881.

 

IN SHE BLEFT OF THE ROCK.

Song Treasurer.

1

A auwana au la i o a ianei,

I na wahi kokoke, a ma e loa ae,

I na wahi nahele, na kula laelae,

O Iesu kuu kuhi, me kuu alakai.

Che. - Ma ka malu no Ou, malu au, malu au,

Ke kau mai la na ao ino no, ino no.

Malu au a ka ao, a laelae, a laelae,

Ma o Iesu o kuu alakai.

2

E kai aku ia'u la i kuu malu e,

Kuu Pohaku paa mau la e hoomalu mai:

Ma na wahi panoa, a wewela e,

O Iesu kuu kuhi me kuu alakai,

Cho. - Ma ka malu no Ou, &c.

3

A uhi na ao a paapu maluna ae,

A kau mai la ka po a pouli loa ae,

Ala ae la no au a e hoomanao ae,

O Iesu kuu kuhi, me kuu alakai.

Cho. Ma ka malu no Ou, &c.

4

E kai aku ia'u la i kuu punawai,

Punawai i wehea a kahe mau ae,

O ka wai e ola ai la ka mea makewai,

O Iesu kuu kuhi me kuu alakai.

Cho. - Ma ka malu no Ou, &c.

            Hawaii.

 

Haawina Kula Sabati.

HAPAHA ELUA 1881.

Na Kumuhana no ia Hapaha.

1 Aperila 3 ka hahai'na ia Iesu, Luk 9:51-62

2 " 10 Ka Samaria aloha; " 10:25-37

3 " 17 Ao ia na Parisaio, " 11:37-47

4 " 24 Ka puniwaiwai, " 12:13-21

5 Mei I Nalowale a loaa. " 15:1-10

6 " 8 Ke keiki uahauha, " 15:11-24

7 " 15 Ke kanaka waiwai me Lazaro Luk 16:19-31

8 " 22 Olelo nane no ka pule Luk 18:1-14

9 " 29 Olelo nane no na paona Luk 19:11-27

10 Iune 5 Ke kaulia ana ma ke Kea Luk 23:33-46

11 " 12 Ka hele ana o Emausa Luk 24:13-32

12 " 19 Hoi i Hope,

13 " 26 Ka hai ana i ka euanelio Luk 24:44-53

 

Helu 1, Sabati Apr 3.

Kumuhana, ka hahai ana ia Iesu.

Pauku Baibala. Luka 9:51-62.

Pauku Gula p 62.

Manao nui, Pono ke hahai ia Iesu.

Na heluhelu la. 1 Luk 8:1-26, 2 Luk 8:27-56, 3 Luk 9:1-27, 4 Luk 9:28-50, 5 Luk 9:51-62. 6 Il Na Lii 1:1-18, 7 Mat 19:1-15.

            Mele. Sabati Oli. Lei Alii 32.

            Pule i lilo ka la Sabati i la @ oli nui ai.

            Ka wehewehe me ka Ninau ana

            Ka manawa A D 33 paha. Ka wa e haalele loa ana Iesu ia Galilaia.

            Kahi i hana ia ai. Ma ka palena o Galilaia me Sameria.

            Ke ala i hele ai. Mai Galilaia a Samaria, @o ke keakea ia, hoi hou Iesu i Galilaia a hele ia ka aoao hikina o Ioredane i Perea, 15 mile ma ka hema o ka moanawai o Galilia.

            Na hana mawaena o ka helu 11 me keia Hana no Iesu me Galilaia, hele i Turo, i Sidona, Dekapote, i Ierusalema i ka ahaaina kauhale malumalu.

            P 51. He pauku pohihihi keia, eia paha ke ano. E kokoke ana ka wa e make ai Iesu, a lawe ia aku i ka lani. Akaka ia Iesu e make ana Oia ma Ierusalema.

            Aole nae oia waiho ana i kona hele ana ilaila, @li @ maka ilaila a hele aku.

            P 52. E hele mai ana Iesu mai Galilaia mai. A kokoke ma Samana, owai Kana i hoouna e mamua ilailei No ke aha? E ioai i wahi e hookipa ia ai.

            P 53 Aole nae i ioaa kahi e hookipaia ai. No ke aha? He mau enemi na Samaria me Ierusalema. Ma ka nana ana e hele ana Iesu i Ierusalema i ke iakou enemi, no aila aole make e hookipa ia O a.

            P 54 Pehea ka manao o la@oba ma? Heaha ka hana a Elia? 2 Na Lii 1:10,12.

            P 55 Pehea Iesu i pane aku ai?

            P 56 Owai ke Keiki a ke kanaka? Heaha ke kumu o Kona Hele ana mai i keia a@? Nana hoi Io 3:16,17. 12:47.

            P 57 He kanaka kai halawai me Iesu ma ke alanui. heaha kana olelo ia Iesu? He oiaio anie kona olelo?

            P 58 A pane aku Iesu pehea? Aole o Iesu wahi ku@noono ponoi nana iho ma ia aina. Ina hahai mai oe Ia'u e hui pu me A'u ma na pilikia ma keia ao.

            P 59 He kanaka olelo wale kela, aole Iesu i kena iaia e hahai mamuli ona. Pehea nae Oia i keia kanaka elua? Aka, ua kanaiua oia, no ke aha?

            P 60 A pane aku Iesu pehea?

            Na ka poe hea e kanu i ka poe make? Ehia ano o ka make? He make maoli, a he make iloko o ka hewa, oia ka poe lilo i ka hewa. Na lakou e kanu i ka poe make maoli. Ua hookuu aku anei Iesu iaia? Aole. E hele oe, a hai aku i ka euanelio.

            P 61 62 Pehea mai keia mau kanaka ekolu?

            Heaha ka mea keakea i kona hahai koke ana ia Iesu?

            A pane aku Iesu pehea? O ka ka mea i lalau i ka palau, aole pono ke nana i hope. Lalau paha ka palau, a lilo ka hana i mea ole. E nana pololei i ka palau. E hooponopono mau. E hele mau aku imua.

            Aole make e nana ihope me ke kanalua, me ka minamina.

 

            Na manao Pili.

            1 Ina ua ikea ua kokoke mai ka hopena a he ake ka hope o ka hana, heaha ka mea e lana ai ka manao? Heaha ka uku e loaa ana ia Iesu ke hele aku oia i ka make? Heaha ka uku e loaa ana ia kakou ke make kakou no Iesu a iloko o Iesu? Pehea Paulo ma 2 Tim 4:6-8 heluhelu.

            2 Owai kai hele e aku e hoomakaukau i wahi e noho ai na haumana? Io 14:1-3.

            3 Ka Iesu no ana mahea kai kue i ka manao o Iakoba ma no na enemi? Mat 5:39, 44, 45, 48.

            4 No ke aha ko Iesu hele ana mai i keia ao? Ma ke aha kakou e hoohalike ai me ia? E imi mau i ka mea e ola ai kanaka me kamalii.

            Heaha ka pono o poe makemake e hahai mamuli o Iesu? Nana Mat 16:24,25.

            6 Heaha kekahi mau mea keakea i ka hahai ana mamuli o Iesu?

            Na makamaka &c nana Mat 22:5; Luka 14:18-20.

            7 Owai ka poe mua i haalele koke i na mea a pau a hahai ia Iesu? Heaha hoi ko lakou uku? Mat 19:27-29.

            8 Heaha ka hope o ka poe kanalua, a haalele i na mea a pau no Iesu? Mat 10:37, 38, Luk 14:26, 27; 9:62. Owai kai nana i hope a loaa ka poino nui?

            Mele, him 413. Eia au e Iesu Kristo.

            Pule i haalele na haumana i na mea a pau a hahai ia Iesu.

Haawina no Aperila 10. Luk 10:25-37.

 

LETA MAI NUUHIVA MAI.

 

Atuona, Hivaoa, o ka la 9, 1881

Rev H Binamu. Aloha nui oe, a me kau wahine:-

            Ua laua mai ko'u wahi manao aloha no olua, a me na haipule a pau mai Hawaii a Kauai, a me na kahu ekalesia, a me ko kakou Alii, a e ola ko kakou Alii i ke Akua, a me Kona ohana Alii, me lakou ke aloha nui.

            Ua haohao paha oukou no ka hiki wahi leta ole aku a makou i o oukou la, he oiaio no ia, aka, he mau leta no ka'u i kau aku ai ma ka mahina o Ianuari a me ka mahina o Iulai, aohe no paha i hiki aku i o oukou, aia no apha ma ka Hale Leta kahi i waiho ai me ka hiamoe, mai o oukou mai ka hikiwawe loa, a o ko makou aku, aole he hiki pono.

            O na leta dala, ua loaa mai no ia mai ka lima mai o Rev J Kekela a me na bila aku mamua, aole mau bila i haule oia mau makahiki.

            No maua iho, aole o maua pilikia mai ma na kino, he oluolu maikai no maua a me ka maua kaikamahine, he ola pono makou e noho mei ma keia aina o Atuona Hivaoa.

            Na mea Hou o keia mau Aina a pau o Nuuhiwa nei.

            Ua noho pio na lahui Nuuhiva, ina haole Farani i keia wa, no ka mea, ua hiki mai ka Adimarala Farani, i ka mahina o Iune 188 1880.

            Me kona mau moku ekolu, o ka moku o ka Adimarala he 400 kanaka, o ka lua o ka moku he 160, a o ke kolu o ka moku he 118 kanaka, huina pau o na Farani ma na moku ekolu, he 678 kanaka.

            No Tahiti mai he 160 kanaka, no Nuuhiva me Uapou he 200, hui pu me na mau koa mamua e noho ana ma Atuona he 35, o ka nui o na kanaka me na haole Farani ke ke hui pu ia he 1,073.

            O ka aina i hele ia mai ai e kaua o Hanaiapa me Kaamau, no ka pepehi ana o kahi mau kanaka elua a me na wahine elua i ka haole o Suedena o Europa a make loa. Nolaila, holo mai ai keia Adimarala e pulumi i keia palahea a pau.

            Ina aole i hana ia ma ke ano kaua, ina ua pau na haole i ka pepehi ia, a me na mea e ae paha, oia paha makou, a me na kumu katolika Farani.

            Ua kokoke loa ka make o ke ku@ Pope ma kahawai o Hanaiapa me Hanasetuna, hiki e aku ka mokuahi manuwa i ka po, a malamalama ae la, i nana aku ka hana o kanaka e ku mai ana ka moku manuwa, o ka pau no ia o kanaka i ka pee ma ka nahelehele.

            O ka poe hewa o Haamau he 40 kane a me na wahine me na keiki, ua lawe ia i Tahiti, a me Nu@h@v a Ka@ofae e huna ai o ka poe hewa o Atuona, ua lawe ia, o ko Pu@mau ua lawe ia me ko Etuoho me ko Kanaiapa, me ko Moea.

            Aole i pau ka poe hewa, ke imi nei no na Farani ma na wahi a pau o Hivaoa nei, ua pau na pu a me na pauda i ka lawe ia e ka Adimerala, o na kanaka, ua hoka wale iho no e noho nei.

            Ua kulou ilalo na poo o ka poe aikanaka, ke hana nei i na alanui aupuni, ke uhau nei na Farani ma na kua o kanaka i ke kaula, a ke uwe nei no ka nui o ka eha.

            Oia paha ka piha ana o ko lakou mau kiaha a hanini mawaho, o na aina e hana ia nei e na Farani, o Hivaoa o Tahuata, Uahuna Fatuhiva.

            O ka makou hana i keia wa, o ka ohi mai i na keiki a ka poe naaupo i keia wa ma ke ano aupuni Farani; ke ao nei au he 50 haumana, na keikikane me na kaikamahine ke huipu, aole nae i pau loa i ka ohi mai ko na wahi loiki, aia a mahope e hele mai ai. Ua hoihoi mai nei na makua mea keiki me maua e noho ai, na ke aupuni i olelo i na makua, ina e lawe malu na makua i na keiki mai ke kula aku, e hoopaa ia ka makua a ina no ke keiki ka hewa, e hoopaa i ka hao.

            Ua kau kanawai ke Kiaaina, aole e hele aku ka'u mau keiki kula ma ka hale kula Pope, a pela hoi kana mau keiki, aole e hele mai ma ko'u halekula, a pela no ma Puamau a me Uapou i keia wa. Ua pau ke kaua o na kanaka ma na wahi a pau, ua p@u ka aikapu ana ma na wahi a pau. Ua hiki aku 200 haneri poe hele mai i ka pule i keia wa, a ua huli mai kahi poe i ka pono o ke Akua i keia wa. A nolaila, ke hea leo nui aku nei au ia oukou e na haipule a pau mai Hawaii a Kauai, ua hanana ka puka o ka olelo a ke Akua, e hele nui mai e na haipule o ke Akua, ua nui ka mahinaai me na kihapai ua uuku ka poe ma Nuuhiva e noho nei, ua noho pio na pegana i na Farani. O ka nui o na koa Farani ma Atuona nei he 20, he 2 mau kaiko, ma Puamau 15 koa, 1 kaiko, ma Hamaiapa 1 kaiko, ma Oomoa Fatuhiva he 2 kaiko, ma Tahuata 2 kaiko, ua koho ia he mau kaiko kanaka ma na wahi a pau, aole i pau ka hana a na Farani ma keia hope.

            Ua hele au ma Puamau i ka mahina o Sepatemaba a hui pu me J Kekela, he ola maikai lakou a pau. o Rev J Kekela paha ko makou e hoihoi aku i na keiki a laua, me ka maua kaikamahine ke hiki mai ka makahiki hou, ke ae mai ke akua no ia mana wa, nolaila kahi manao e hai aku ia oe me ke aloha nui, a e piha aku ana paha keia mau aina i ka olelo Farani, ma keia hope aku.

            Me ko aloha nui ma ka inoa o ko kaua Haku o Iesu Kristo. Amene.

            Ke hui pu aku nei maua ma ka'u wahine i ke aloha ia oukou a pau.

            Z HAPUKU.

 

MOOLELO O KA AHAHUI EUANELIO O HAWAII KOMOHANA.

 

            Halawai ka Ahahui Euanelio o Hawaii Komohana ma ka luakini ma Iole Kohala Akau, ma ka la 2 o Mar 1881.

            Ka lunahoomalu mua ma ka noho, Rev J Waiamau, Rev S C Luhiau kakauolelo no ka manawa.

Kihapai Kahu Elele Waiohinu Kapa@lua Rev S W Makaike komite Pukaana

Kealakekua Kona Waena G K Kahikina

Helani & Kailua, J Waiamau T N Simona

Kekaha G P Kaonohimaka J Kaie Ko i Kohala-hema S C Luhiau, komite S Kau wewahine Kohala homo W Bila akau E Bona W Kapaona Waimea S H Mahuka Hamakua Komohana Rev J Bicknell G W Kaumelelau Hamakua waena P Kaaekuahiwi hikina.

            Koho ia o Rev S C Luhiau @lunahoomalu, P Kaaekuahiwi kakauolelo.

            Na Komite mau i koho ia.

            1 komite imihana, Rev J Waiamau, Rev S W Makahiki, T N Simona.

            2 komite imi haawina, Rev J Bicknell, G W Kaumelelau, W Bila.

            Hoike mai ke komite i na hana - 1 hapalua hora haipule, 2 na hoike kihapai, 3 heluhelu haawina, 4 na palapala hoopii, 5 hoike o ke kula kaikamahine, 6 haumana o ke kula kahuna, 7 ka hoohuihui a mahele i na ekalesia, 8 kahu ku i ka wa no na ekalesia kahu ole, 9 komite hoike kihapai o keia ahahui iua o ka Aha nui ma Honolulu, 10 ke ola o na kahu me na elele, 11 ka ha@e o na kahu, 12 komite hoeueu i ke ola o na kahu, 13 i kahu kula Sabati nui, 14 ke kuleana o na kahunapule kihapai ole e noho nei.

            Hoomaha ka aha a hoi hou mai ma ka hora 1 pm.

            Heluhelu ia na hoike kihapai.

            Hamakua waena J Bickness " komohana "

            Waimea, na ke kakauolelo.

            Hooholo ia E hoomaikai aku i ke Akua keia aha no ka makua Lyons i pau pono kana mau hana.

            Hooholo ia. Na J Bickness komite nana o hai aku ia L Lyons i ke aloha o keia aha ia ia.

            Kohala akau na Rev E B@na " komo " " S C L@hiau " hema " ke komite "

            Kekaha Rev G P Kaonohimaka.

            Hooholoia J Waianau S W Makaike, G K Kahikina, J Kaiekoili ke komite nana e hui pu na hoahanau o ka ekalesia o kekaha, a e hooponopono i hale no ke kahu.

            Hoike kihapai o Kailua me Helani na J Waiamau, Kona waena Kealakekua, Pukaana, na ke kakauolelo.

            Hooholo ia. E Bond ke komite nana e hoike i ka hoike kehapai o keia aha i ka Ahahui nui ma Honolulu.

            Hoopanee ia ka halawai ma ka hora 10 am o ka ia apopo.

            Mar 3. Halawai ka aha ma ka manawa i hoopanee ia malama ia ka manawa haipule, heiuhelu is ka moolelo o ka aha a aponoia.

            Heluhelu o S W Makaike i ka hoike kehapai o Kapalilua.

            Heluhelu haawina, na E Bona, na ouli o ka manawa. L Lyons ka oihana mele, na ke kakauolelo.

            Hooholoia, e hoouna i keia haawina e pai ia ma ka Nupepa Kuokoa.

            Hoopanee ka halawai a ka hora 1 pm.

            Halawai ka aha ma ka manawa i hoopaneeia, ia W Kapaona ka pule.

            Heluhelu o S C Luhiau i kona haawina ma Epes 5:26, G P Kaonohimaka ma Mat 16:19, J Waiamau. Ikea anei kekahi mau hoailona o ko Iesu hiki koke ana mai i ka honua nei? Ina pela, heaha la kekahi oia mau hoailona, S W Makaike I Tim 4:8.

            Hoike mai ke komite i na haawina no ka halawai hou ana o ka aha.

            1 Na ouli o ka manawa, na E Bond

            2 Ka manawa e komo mai ai ko na aina e, Rom 11:25, L Lyons.

            3 Ua pau anei ka makemake ia ana o ka oihana kahunapule e na kanaka Hawaii, J Waiamau.

            4 Ka manao o Iesu Kristo, I Kor 2:16, S C Luhiau.

            5 Ka noho ohana ana o na makua Hawaii a me na keiki, J Bicknell.

            6 Pono anei ke koho ia ke kanaka haipule ole i kumu kula Sabati, S W Makaike.

            7 Ka inoa euanelio, e wehewehe i kona G P Kaonohimaka. Apono ia ka hoike a ke komite.

            Olelo hooholo, hooholoia. Ke uwe pu nei keia aha me na makaainana o Honolulu no ka hiki ana mai o ka pilikia mai iwaena o lakou, a ke noi ia nei ka Haku e hoopakele i ka lahui mai ka make nui ana o na kanaka.

            Hooholo ia e lilo ka ia Sabati elua o Mar nei, i manawa pule nui i ke Akua, e hoopau ai i keia, apono ia.

            Hoopanee ka halawai ma ka Poaono.

            Mar 5 halawai ka aha me ka haipule - heluhelu ia, aponoia ka moolelo.

            Heluhelu ia he @ a oia paha hoike no Hamakua hikina 2 malama.

            Koho ia na olele o keia aha, no ka Ahahui nui ma Honolulu, T N Simeona, J Kaiekoili, W Kapaona, P Kaaekuahiwi.

            Hooholo ia, e kokua na ekalesia maloko o keia aha i ke ola o na elele, eha dala pakahi no kela me keia ekalesia.

            Na palapala hoopii. Palapala na kekahi hapa o ka ekalesia o Kapalilua.

            Hooholo ka aha na ke kakauolelo e pane aku i ke komite.

            Hooholo ka aha na J Bicknell ke komite malama i ka ahaaina a ka Haku ma Hamakua hikina me Waimea.

            Ka hoike o ke kula kaikamahine na E Bond ka puuku o ke kula i heluhelu mai, ua mau ka nee ana o ke kula imua. Olelo hooholo, ke paipai ia nei na ekalesia malalo o ka malu o keia ahahui, e malama i ke ola o ke kula kaikamahine o keia mokupuni o Hawaii nei, a e hookupu dala mau no ia kula, apono ia.

            Haumana no ke kula kahuna, ua hooholo ka aha ia Mr Kukapu i haumana no ke kula kahuna, pela no ia G W Waiau.

            I kahu ku i ka wa no na ekalesia kahu ole, hooholo ka aha i mau komite nana e malama, J Waiamau no Kona waena, Pukaana, Kapalilua, S W Makaike i kahu ku i ka wa no Kealakekua..

            S C Luhiau no Kohala hema, J Bickness me Hon R A Lyman no Hamakua hikina.

            Koho ia o S C Luhiau i komite hoike i na hana o keia ahahui i ka Aha nui ma Honolulu.

            Komite hoeueu i ke ola o na kahu.

            Hooholo ia, e lilo na lala a pau o keia aha i komite e hoi aku a paipai i na edalesia a pau, e koho i puuku &c.

            Olelo hooholo. Ke haawi aku nei na lala o keia aha i ko lakou mahalo nui i na kamaaina no ko lakou malama ana mai i na mea ai e oluolu ai ke kino. Apono ia ka olelo hooholo.

            Hoopanee ia ka halawai a halawai ma Imiola ma Waimea ma ka Poakolu mua o Sepatemaba, hora 10 am 1881.

            P KAAEKUAHIWI, Kakauolelo.

 

KA UNUHI KAAO O ROSELANI.

 

M@ Lunahoomalu. Aloha oe: -

            E oluolu mai ia'u e haawi aku i ko'u mahalo piha i ka mea unuhi moolelo kaao o Roselani oiai ko'u mau kii unuhi e kuu ana i kona ike maluna o na kolamu o ka Paeaina mai ka mua a ka hope o ka helu ekahi a hiki i ka 9.

            Mahalo ekahi. - Mai oi ko'u mahalo piha ina e hoike ia na helu mua o ua kaao nei i ka moolelo o na hana koa a Kinikula, kona mau kaua lanakila, kona mau enemi, a me ko lakou make ana, na hana weliweli a kona mau ua-koko.

            Mahalo elua. - He mahalo piha hou ko'u ina e wehewehe mua ia ka pepehi ana o Kinikula i ka Makuakane o Seriana ke kaikamahine @oi o ke aupuni o A@ahau.

            Mahalo ekolu. - O ka oi o ka nani, ina e hoike mua ia kahi o Kinikula a me ka wa i hoikane ai me Pipipi ka mea nana ke kookoo a Kin kula i loaa ai kona mau aahu nani.

            Ea, e kuu hoa kanaka, ke ninau aku nei au ia oe, i ka ninau hanohano e moe ana malalo o na rula o ka poe maikai penei.

            Ninau. - Pehea la ia loaa ai ia oe keia kaao muhee holo imua i hope, ane like me ka mokuahi Likelike.

            Mai uhia ko kaao ina aahu waigula a ka hanohano, ina e kii ia a@na la bookahe koko o Kinikula e like ai me Robianalo ma, i na ua kau i ka hanohano i K@lohana i Kaupoku o Hanalei, ko kaao haku.

            Aole au i manao he mea nou e puiwa mai ai, oiai, he kaaka paha oe malalo o na rula o ka poe maikai.

            Nolaila ke hooki nei au maanei, a ke hoi nei au, oiai, ke kokoke mai nei ke keiki Roselani e kuu pau mai i ka malamalama o ka muliwai koko. Aloha no.

            G W POLEHUA.

            N Kohala, Hawaii, Mar 17, 1881.

 

PAPA! PAPA! NO ALLEN & ROBINSON UA WEHE AE NEI MAUA I PA KUAI PAPA MA A UWAPO O PAKAKA

Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE.

NA LAKO KUKULU HALE O NA ANO A PAU! E KUAIIA MA KE KE KUMUKU @ HAAHAA LOA O Keia Makeke.

            ALLEN & ROBINSON

            Honolulu a h 1, 187@ 853 tf

 

LOLE MAKEPONO Ke Kuike. E LOAA NO IA MA KAHI O KAKELA ME KUKE! E LAA NA Ahinahina, Kalakoa, Keokeo, Leponalo, Pena Aila, Aniani, NA MEA PAULA! KOPA, AILA HONUA. AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu Makepono Loa! A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A he Laau Lapaau Kaulana Loa A DR. JAYNES. Laau Kunu. Laau Hoomaemae Koko, Laau Hoopau Naio, Penikila, Huaale A ME NA LAAU HAMO, A @ELA'KU@ 840 tf

 

J. B KAOHI. LOIO A KOKUA MA KE@

            Imua o na Aha Hook@

 

KALE KULIKA. LUNA HOOIAIO PALAPAI. @ Moleki, a me na @

LUNA HOOLAIO @

            Aelike mawena o na Haku @ Luaa Haawi Palapala @

            Ma ke kihi o ke alanui M@  kuma@, kulanakauhale o H@ Pae Aina.

 

KALE NILEKONA. KAUKA LAPAAU. Keena ma ke kihi o A@ HONOLULU. O na mai o ka Maka. Pepeiao a me ka P@ UA MAKAUKAU OLA MA K@ 9@3 LAWE ANA.

 

KAUKA EMEKONA.

            E LOAA O KAUKA EMEKONA MA @ na Keena Hana ma ka H@ (Kauka Hopemana) ma ka @ hora 9 a 11 ke kakahiaka, a ma @

            He keiki keia o ka aina o Hawaii nei @ makahiki ma Nu Ioka, a ua makaukau @ lapaau ana i na mea mai @ o na ano a pau. Ua akamai oia ma @

 

MAKEMAKEIA

            Ua makemake ia ka poe mea @ MALOO a me na ILI BIBI a @ na ILI MIKO o na ano a pau, @ ko lakou mau ILI me makou. @ makou i ke KUMUKUAI KEIKEI @ o ko kakou Makeke

            C BREWER & CO. @

            Honolulu, Sept. 29, 1880.

 

C. C. Coleman. Amara a he Mea Hana Meki@ Kapili Kapuai Hao Lio A ME KA Hana ana i na Kaa L@ Hale Hana ma Alanui Alii @ 905 ke Alanui Kapu.

 

He Nui Anei Kou Makemake i @ Mekini Humuhumu Lole? Ina pela, alaila, e kipa mai n@ O KAKELA A ME KUKE A malaila oukou e ike ai a makaikai na @ MEKINI a WHEELER a me W@ mai ke $40 a hiki i ke @ mea hookahi Na MEKINI a SINGER, ma ke $50 pakahi, me ke ano MEKINI a WILCOX me GIBBS, ma ke $30 a hiki i ke $50 ke kumukuai.

            I mea e pau ai ko oukou kanalua e na Makamaka no ke kupono o keia mau ano Mekini @ naue mai no me ke kuihe ole, a e ike no @ hoi. @2 tf

 

PAPA, PAPA AIA MA KAHI O LEWERS & COOKE! (O LUI MA.) MA KE KAHUA KAHIKO MA Alanui Papu a me Moi E LOAA AI NA Papa Nouaiki o kela a me keia ano Na Papa Nani a Paa no ke kuhulu ana i na Hale! Na Pani Puka, Na Puka Aniani, Na Olepelepe, Na Pou, Na O@, Na Papa Hale, Na Papa Ku, A me na Papa M@

NA PILI O KA HALE O NA ANO A PAU.

Na Pepa Hoonani, Na Pena o na Wai a @au. Na Kui mai ke Nui a ke Makalii, Na Ami Puka, Na Ami Puka An@ Na Ami o na ano a pau, Na Aila Pena, o kela me keia @ Na Aila Hoomaloo, he lehulehu wale Na Aila e ae o na ano a pau.

 

NA WAIWANIKI A ME NA WAI HOOHINUHINU NANI o na ano a pau loa. NA BALAKI ANO NUI WALE  A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA! E like me ka mea e holo ana mawaena o LAUA a me ka MEA KUAI. E hele mai! E na Makamaka! A e lawa no hoi ko oukou makemake me ka oluolu a me ka maikai! 845tf