Ka Nupepa Kuokoa, Volume XX, Number 11, 12 Malaki 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ka Au Okoa

I HUHA.

No ka Makahiki. $2.  Eono Mahina, $1.

Da@@ Kuike ka Rula.

 

KOMITE HOOPONOPONO.

SAMUELA KAAIKAULA.

HEZEKIA AEA.

 

POAONO MARAKI 12, 1881.

 

Hoolaha no Haleiwa.

 

            E OLUOLU na Makua a me na Makamaka o na Haumana o ke Kula Hanai o Waialua e hoomanawanui ao keia mau la; no ka mea, ma keia ke papa ia aku nei na mea a pau aole e hoolauna wale aku ma ka ano makaikai iloko o ka pa o ia Hale Kula Koe wale no ka poe i kuleana ma o ka hana me ke kumu. No ka pomaikai o na haumana a me na makua keia hoomalu ana, oiai ke laha nei ka Mai Puupuu Hepela. Me ka manaolana ke mau la koe a mao ae keia pilikia.       MA KE KAUOHA.

1006 if.

 

Haawina Kula Sabati.

 

Helu 12. Sabati Mar. 20, 1881.

 

Kumuhana.

Hoi i hope

Pauku Baibala. Luk mai ka mok 1 a mok 7.

            Mele, him 82. Hamau e na kanaka.

            Pule hoomaikai no ka loaa ana mai o ka Mea Hoola.

Na Ninau.

            1 Ka manawa. Ka manawa hea i hana ia ai kela, a keia mea iloko o keia hapaha?

            2 Na wahi i hana ia ai kela, a me keia mea?

            3 Na luna, na lii, na kiaaina, owai?

            4 Na kumuhana, hai mai.

            5 Ma ka haawina hea i loaa ai na mea hooluolu, hoolana, hoohauoli e pili ana i ka poe hewa, i ko na aina e, i na kamalii, i na makuahine, i ka poe ilihune, i ka poe mai?

            6 Elua elemakule maikai, he kahunapule kekahi, he kaula kekahi. Ma ka luakini no laua i kekahi manawa. Owau laua? Owai kai ike i ka anela? Heaha ka ka anela i hai mai  ai? Paa ka leo o keia elemakule, no ke aha? Phea ka loihi?

            A wehe ia ka waha, heaha kona mele me ka wanana? Heaha ka hana o ka lua o naelemakule ma ka luakini?

            7 He mau wahine ehia iloko o na haawina o keia hapaha? Owai ka luahine i pa? Owai ka wahine nana ke keiki kupanaha? Nawai i hai mua mai e loaa ana ke keiki?

            Nawai i hai mua i ka hanau ana o ia keiki me kahi i hanau ia ai? Nawai i mele mua i ka hanau ana? Nawai i hai i ka hanau ana i na kanaka? Heaha ke mele a Maria?

            Owai ke wahine kanemake i hauoli a wanana no ka ike ana i ua keiki nei?

            8 A loaa na la 8 i ua Keiki nei. Ua aha ia e na makua? A loaa na la he 40, ua lawe ia i hea e hoolaa ia aku ai? A loaa na makahiki he 12 i ua Keiki nei, ua hele Oia ihea me na makua? Heaha ka mea kupanaha i kakau ia Nona ia wa?

            9 Owai kai hoea mai mai ka waonahele mai me ka kapa huluhulu? Heaha kana oihana?

            Pehea ka lehulehu? Mahea i bapetizo ia ai? Owai kekahu mea nui i bapetizo ia e Ioane?

            10 He Sabati ma kahi kuaaina, he halawai malaila, a komo kekahi kamana a haiolelo?

            Owai ia wahi? Owai ia kamana? Heaha ke kumu olelo? Heaha ka hope?

            11 Pehea ka lawelawe o ka poe mai? Hai mai i na mai kupanaha elua i hoolaia e Iesu. Owai ke poe hoohalahala i ka Iesu mau hana ma ka la Sabati @@@?

            12 He halepaahao. Owai kekahi mea nui i hoolei ia iloko? No ke aha? Heaha ka hope?

            Iloko o ka halepaahao, heaha kona ninau no Iesu, me ko Iesu pane?

            13 He ahaaina ma kekahi hale, nowai ia hale? Owai kei hono ia e hele ia ahaaina? Ua ae anei Iesu? Hai mai i ka moolelo no kekahi wahine lawehala.

                        Mele, him 232. Iesu ka moku holo.

                        Pule i @@ koke na haumana ma ia moku.

                        Haawina no Maraki 27. Luk 9;1-6

 

Haawina Kula Sabati.

 

HELU 13, SABATI, MAR. 27, 1881.

KUMUHANA.

Ka hai ana i ka Euanelio. Pauku Baibala.

Luk 9;1--6.

 

            1 Ho@koakoa mai la oia i ka po@ umikumamalua o Kana mau haumana, haawi mai la i ka mana no lakou, a me ka ikaika maluna o na daimonio a pau, a e hoola hoi lakou i na mai.

            2 A hoouna aku la Oia ia lakou e hai'ku i ke aupuni o ke Akua; a e hoola hoi i ka po@ mai.

            3 A olelo mai la Oia ia lakou, Mai lawe ukana no ko oukou hele ana, aole i kookoo, aole i ek@, aole i berena, aole i dala, aole hoi e papalua i ke kapa komo.

            4 A ma ka hale a oukou e komo mua ai, malaila oukou e noho ai, a hele oukou mai kela wahi aku.

            5 A o ka poe e hookipa ole ia oukou, a hele aku oukou mai kela kulanakauhale aku e lolu aku i ka lepo mai ko oukou mau wawae aku, i mea hoike no lakou.

            6 Hele aku no hoi lakou mawaena o na kauhale e hai aku ana i ke eu@nelio, a e hoola aku ana hoi, ma na wahi a pau.

                        Mele, him 475. Na luna haiolelo.

                        Pule i hoonui ia na haiolelo.

Ka wehewehe a Ninau ana

                        Ka manawa, 32 A D paha.

                        Kahi i hana ia ai. Galilaia.

Na Mahele.

            1 Na paahana, p 1. Owai ka poe a Iesu i hoouna aku ai he 12? Owai ka inoa? Mat 2--4. Mahea lakou ia wa? Owai na paahana i keia wa? He poe anei i hookuu ia? Pehea ko Iesu kahea a hoouna ana i keia wa?

            2 Ka hana p 1--2. Ehia hana i haawiia Hai mai i na hana ekolu. Pono anei ke hai ia ka euanelio a na wahi kokoke, me na wahi loihi? Ke hana nei anei oukou pakahi i ko oukou hapa o keia haiolelo ana? Heaha ka hope o keia lahui me na lahui e aeke lohe ole, a malama ole i ka ke Akua olelo?

            Heaha na hana i na daimonio? Hiki anei ia kakou ke mahiki aku i na uhane ino? A hoola i ka poe mai? Na ino aha e hiki ke hoopau ia e kakou?

            Na mai aha? Na daimonio aha, na makapo aha? No olelo aha? Heaha na hana no ka poe ilihune? No ko na aina e?

            3 Ke ano o ka hana ana, p 3--4. Pehea na haumana e hele ai i ka hana? No ke aha ka lawe ole i kekahi mau mea e pono ai?

            Na na kamaaina paha e malama. He poe ludaio lakou a pau. Hookahi no hanauna.

            No ke aha e noho ai ma kahi hookahi? Pela anei i keia wa e nohopaa na paahana ma kahi hookahi? Pela paha ke oluolu na kamaaina.

            Pehea e hiki ai ia oukou ke kokua?

            Ma ka hoala ana i na aha hana maikai aka misionari, aha kula Sabati, aha kinai rama, me na aha e ae.

            4 Ka mana, p 1. Nohea ka mana? Heaha ia mana? Nawai i haawi mai? Loaa anei ia mana ia kakou? Hiki anei ke lanakila, ke pale aku i na enemi?

            Ka pule aha ka pule mana? Ka manaoia aha, ka manaoio mana?

            5 Ka hua o ka hana, p 56. Heaha na hua elua i puka mai mailoko o ka hana a na haumana? Pono anei ke paupau aho koke, ke loaa ole o na hua? Heaha ka pono ke hoomaauia ma kekahi kulanakauhale? Akaka anei e loaa ana na hua ke hoomau i ka lili anan me ka paulel mau ana i ka mana o ka Uhane Hemolele?

            Na na kahu e hoolawa i na ninau.

            Mele, him 282. Komo Iesu i kou mala.

            Pule i kaule mai ka ua o ka Uhane Hemolele ma na mala a pau o Hawaii nei.

            Haawina no Aperila 3. Luk 9;51--62.

 

Na Misiona.

Helu 50.

Siama

 

            Aia no Siama ma ka Akau o Kina, elima miliona ka nui o na kanaka, he poe pake kekahi hapalua miliona.

            Nui no na haole no kahi e mai. Ka elepani keokeo ka holoholona i mahalo nui ia ma Siama. He holoholona laa ia. Pomakai wale wale ke kanaka nana i hookei kekahi elepani keokeo.

            Ma ko lakou manao he mea e oia ma kinohi. Ma ke komo ana nae iloko o na mea e he mau miliona, ua lilo ai i elepani keokeo. A mahope aku e lilo ana oia i akua nui. Eia ka pomaikai no ke kanaka nana i hookei a paa kekahi elepani keokeo, ua hookuu ia na auhau a pau me ka oihana koe, aia me kana mau mamo. Pehea la e hiki ai ua elepani nei i ke kulanakauhale alii? Elua mea hiki ai, he kaa ma ka ululaau a hiki i ka muli wai.

            He waa laau, ʻ Kau' ma ka muliwai. He hale lole maluna ae o kona poo i ole e wela i ka la. He mea nui o ka Moi paha, kai hele pu e hanai iaia i na mea ono. A kokoke i ke kulanakauhale, hele mai ka @ana mele me na mea hookani. Lawe ia oia i ka hale alii a kau ia ka inoa hanohano a hoolei ia i ka lei alii, a hoopuni ia kona mau niho i na pohaku nani.

            Alaila, hohola ia ka mamalu alii maluna on a a lawe ia oia i kona hale alii okoi. Malaila oia i malamaia ai, a hanai ia i na mea ai maikai a pau ana e makemake ai. Nui na Kauwa ana, na luna aupuni, ka poe hanohano. Poina wale ke ka wa i ae ole aku i ka makemake o ua elepani nei. Lawe ia oia i kekahi manawa e hoauau ia. Me ka hanohano me ka mamalu alii me na ukali alii ka lawe ia ana.

            A make ua elepani nei ua malama ia na hulu o ka huelo. He mau mea laa ia. Ua kanu ia ke kino me ka hanoha no alii. Ke makana makamae loa ka huelo o ka elepani keokeo. Ua hoouna ia aku kekahi ia Vitorio, ka Moiwahine o Beritania.

            Ka hoomana o Siama, ka hoomana Buda he hoomanakii ia. Ua akaka i kanaka Hawaii ke ano o ka hoomanakii, na hana a na kahuna, no mohai, na kuahu, na heiau. Ikaika ko Siama poe ma ka malama i ko lakou hoomana. 25 miliona dala i lilo i ka oihana hoomana, i kela a i keia makahiki, nui na luakini nani wale.

            He luakini kup@pau alii kekahi. Aia a make @ Moi, a kekahi @@@@ alii paha @ laila e hookomo ia ke kupapau iloko o na @@ @@@ nei, a puhipuhi ia i ke ahi.

            Lanakila ke hoomanakii ma Siama a hiki i ka mak 1550. Komo na misonari katolika a hoomaka e ao i ko lakou h@@@na. Aka, mau no ka naaupo, aole i @@@@ hou ia kanaka, no ke ano like paha o @ hoomena.

            Ma ka makahiki 1828, komo na misonari euanelio malaila, ma ka makahiki 1814 komo kekahi poe misionari hou, hana @@ na misionari ma ke au ana, ma ka paipai ana ma ke pai ana i ka ke Akua olelo a h@lana makahiki he 12, loaa ke mea huli hookahi, a bapetiza ia oia a ka makahiki 1859.

            Elua no alii nui ma Siama, ka Moi oia ke aluu mua, a o ke kuhina nui, oia ka lua @na alii, kapu no ke kino o ka Moi.

            Ua hoolei ia, a ua hoolaaia, no ka Moi no ka mana a pau, aka ua hana oia ma ke kanawai, a ma ka mea i maa mai ka wa kahiko mai. Hiki iaia ke hoakaka i koni @ooilino. Aia nae i ka ahaluna nui o na lala he 12 ka hoiaio me ka hoololi.

            Ina manao ia ana, aole kupono ka @@@ilina a ka Moi i kai mai ai, koho lakou i mea e ae i Moi.

            O ka Moi i make ma 1868 mahalo @@ oia no kona makemake e hoonaauau ia kona aupuni a no kona ikaika i ka imi anai ka naauao.

            O kana keiki oia ke lii i keia wa. O kana hana mua, ka hookuu ia ana o ka poe i paa iloko o ka hale paahao no kekahi @a@aima ma aupuni.

            Ka hana maikai elua, ka hoopau ana i na mea keakea i na hoomana. E hoomana no kela me keia e like me kona makemake me ka hoomaau ole ia.

            Ka hana maikai ekolu, ka hookuu ana i na kauwa kupapaa, me ka uku ana o ke aupu i na haku no ko lakou poho.

            Ka hana maikai eha, ka ae ana i kona poe kanaka i kahiko hapa ia ma ke ano haole, e ku lakou imua o kona alo, aole h@omoe ia lakou iho imua on a e like me ka hana mua.

            O kona makemake, e hele aku kona lahui imua. Ua alii oia ma na kanawai ikaika kekahi mau kanawai o ka pepehi lanaka, e hoopai ia i ka make. Ina loaa o@@ ka mea pepehi kanaka maluna o kahi i pepehi ia ai ka hewa.

            Ina he haku alii ka mea pepehi kanaka, aole pono ke hookahe ia kona koko, alii, e hoopaa ia oia iloko ke eke, a e paopao ia e la laau iliahi a make. Pau ole ka naaupo ea. Nui no ka naaupo i koe, e pau ana nae ma ka mana o ka ke Akua olelo.

            Ke holo iki nei no ka pono, ua huli mai kekahi poe, ua kukulu ia na luakini karisetiano, me na hale kula. He mau ekalesia no, he mau kula Sabati me na kula hanai. Ua kau ke kanawai e malama ia ka la Sabati, ua koho ia kekahi misionari i kahu kula nui no na kula aupuni. E mau ka pule no Siama kahi i hoomana ia ai ka elepani keokeo. Aole i pau.

 

E KE KUOKOA; --- Aloha oe:

            Ua lohe no paha oe i ku laha na o ka mai hepela ma Waipake, koolau, apana o Hanalei, Kauai nei; in a mahina i hala iho nei?

            Ua laha ka mai hepela ma ua aina la, ma no ohua mei no o ka mokuahi Maki i lawe mai ai, a hoolele ia ma ke awa o Kapaa apana o Kawaihau. Me ka nana ole ia a me ka hoomalu ole ia i ka wa i hiki ai ma Koolau, mamua ae o ka puka maka ana ae o ka hepela. O kela mau ohua nana i lawe mai i ka hepela, ua halawai me a'u ma Anahola ma ke alanui o Isaaka k a me Kahina kua w, mawaho o ka pa hale o G B Meheula e hoi ana no Koolau, he wahi muumuu ulaula wale no ko Kahinakua w me kahi papale, ua ano uhi ia ka maka e holo ana ma ke alanui, a he wahi keikikane e huipa ana i ka lio o kahinakua w.

            Eia ka maluna o kela wahine ke kupueu o ka 1853--54 "ka hepela weliweli nana i lawe aku he umi tausani a oi aku na kino ola i make."

            A he mea hoolele hauli keia i keia mau la, i ka mano o ka lehulehu, no ka hana naaupo mawaena o kahi poe kanaka, i manao ole i ke ola o ka lehulehu.

            Ua laha ka hepela mai uka a kai o kela aina o Waipake, na kela mau ohua i lawe mai ka anoano he hepela, a kanu iho, oia hoi, huna iho, a maopopo o ka ulu no ia, a hoohua mai i ka make.

            He mau ohua e ae no kahi ma ia moku mai no, a ua lawe ia mai ma Waipake a ke hoomalu ia nei no. A he mau ohua e ae no kahi, aole nae i hoomalu ia, a ua laki no nae laua, aole i hoea iki ka hepela maluna o laua, a hiki i keia wa a ua hala lua ka wa e puka ai, a ua manao au, ua palekana laua, a aole no paha laua i kuhinu i kahi o ka mai hepela ma Ho@olulu.

            Ua hoomalu ia kela aina o Waipake, Koolau e ka agena o ka Papa Ola oia ka Il@muku nui o ka mokupuni o Kauai nei S W Wilikoki a me kona hope a mau hope makai a mau makai.

            A ua kukala aku la ka Ilamuku i ka olelo papa, aole e hele na kanaka ma kela aina i laha ia e ka mai hepela, ua kapu ka hele ana o na ano kanaka a pau, a o ka mea kue e hopu ia, a e hoopii ia i ke kanawai.

            Hao ka mana o ka Ilamuku. A iloko o keia hoomalu ana ke lawelawe nei ka Kauka haole i ka nana ana i na mai hepela, a ua lohe mai au @a make kekahi.

            A ke O nei ke Kauka i na lima o na kanaka Hawaii a me na haole, no pukiki, na kilibati a me na ano kanaka a pau.

            He mea i ku i ka mahalo piha, ka ike ana i na hooikaika ana a ka Ilamuku me kona mau hope, a me ke kanaka i @e p@le ana i ka laha lua ana o keia mai ma Kauai nei. He mau pule ke ki@i ana o ka Ilamuku me ka Kauka, i ka malama ana i ke ola o ka lehulehu.

            A ke mea kupono i ka lehulehu, e kokua pu i ka hooikaika ana e pale aku i ka mai hepela. E hoomaikai aku i ke Akua, me @e @oi pu aku e kokua mai i ka paa ana i ke ola o ka lahui, no ka mea, he mea mana ka pule.

            A he pono i ka lehulehu e haawi i ka mahalo i ka hana a ka Makai nui o Kauai nei, a me kona mau hope, a me na makai a me ke Kauka Piki (Dr G Fitch,) he kauka malihini iloko o keia mau malama i hal@ iho nei ka noho ana mei ma Kilauea nei. A ke lawelawe nei ma ka oihana kauka apana no ke ola o ka lahui.

            A o ka oi o kana hana ma keia mau la, o ka O lima a me ke kiai i na mai hepela o Waipake, a ua makaale ma kana pauku hana.

            No ka Ilamuku, he keiki Hawaii oia, a o kona mau makua he Amerika no kekahi huakai misionari o ka Papa Amerika, a ua hanau ia ma Hawaii nei, he keiki Hawaii oiaio. E hana ikaika ana no ke ola o Hawaii; o S W Wilikoki Esq no ia.

            Na ke Akua e kokua mai i ka mea e hana ikaika ana no ka pono a me ke ola o Hawaii nei.

            Me ka mahalo i kou Lunahoopuka.

            Owau no J H MAHOE.

            Kalihi, Kilauea, Mar 2 1881.

 

AOHE OIAIO.

 

MR. LUNAHOOPONOPONO, Aloha oe:

            E ae mai kou oluolu ia'u e kamailio aku ma ka kakou hiwahiwa e pili ana no keia poo manao maluna ae.

            Aia maloko o ka Elele Poakolu o kela pule, i ike iho ai au i kekahi itamu e olelo ana, he hookahi mai hepela i huno ia e na kanaka o Kapaakea, Waikiki-waena."

            Ma keia, ko hoike aku nei keia maka pani, aohe oiaio oia hoolaha ana. Pehea la o Elele Poakolu i hoao ai e hoolaha i ka mea oiaio ole?

            Ke hoike aku nei kaia maka peni me ka hookamani ole imua o ke akea, aole he mai hepela hookahi i ike ia ma Kapaakea nei, he ole loa no.

            Ua ninau ia mai ka mea e kakau nei, e Mr E Lililehua, no kekahi keiki i hele aku a hiki i ka Halewai me ka mai hepela iluna on a i ka Poaono a hui aku ia lakou i kona wahi i loaa ai i ka mai hepela oia o Kapaakea, ia wa ua ninau au i ua keiki ala i kona inoa ua pane mai oia o Mokuola kona inoa, a o kona kamaaina i noho ai ma Kapaakea, o Kaumaea a me Poepoe, ia wa ua pane aku au ia Lililehua me kuu hoike aku imua on a i ka oiaia, aole loa au i ike iki i kela Mokuola ma Kapaakea, a pela pu no hoi ia Kaumaea ma he ole loa no.

            Nolaila, ua pau ka manao o Lililehua ma, no ka oiaio ole o ka hoike ana a Mokuola ia lakou.

            Ina a manao ana ka Elele e ninau i kekahi mea e ae o Kapaakea, e pili ana no ka oiaio o kana hoolaha ana, ke hoole aku nei au, aole kekahi mea hookahi e apono ana iaia. He keu no ka mahaoi o Elele me kona ike no aole oia i ninau no ka oiaio o keia mea, wikiwiki koke no oia i ka hoolaha.

            Ua hai ia mai au na ke Kuhina Kalaiaina ka keia hoolaha, ea, he oiaio anei keia, ke hoole aku nei au, aohe oiaio o oia, o ahaia no hoi ke hai ai i ka oiaio, no ka Elele Poakolu no i hoolaha?

            Heaha la keia o Elele, ua moeuhane anei, i ole ua uluhia anei i na daimonio? Kupanaha no hoi ka ninau iho. Aohe no ka paha he makai malaila? E, he mau makai mikiala hana ko keia apana e eleua mau ana i na wa a pau, aohe o laua makemake e huna i na kee o ka apana, he mau kanaka laua i hilinai ia e ko Kapaakea poe.

            Nolaila, e ka Elele Poakolu e, mai noho a hoolaha hewa i ka mea aohe i ike pono ia kona oiaio. Me ke aloha no,

Makai Helu 43.

            Waikiki-waena, Mar 3, 1881.

 

UA HALA

            Ua make o Kala Kahaulelio Naone ma ke kakahiaka Poalima la 25 o Feberuari 1881, waiho iho oia he mau makua, he mau kaikunane, na kaikuaana a me na kaikaina me kana kaikamahine pu kekahi i kela ola ana, a hele hookahi aku la oia ma kela ao.

            Ua hanau oia me Pauoa i ka 1859. ma ke kula Hanai ma Waialua a ma ka 1871 noho hou oia ma ke kula Hanai a Binamu ma Kawaiahao, a hiki i ka piha pono ana o kona mau makahiki i ka 15, mare oia i ke kane i ka makahiki 1877, ua loaa mai na laua he keikimahine iloko o na makahiki eha, o ko laua noho pono ana, me kana kane a hiki i ka wa a ka Makua Mana Loa i lawe aku ai i Kana o ka uhane, a waiho iho la i ka lepo, no ke lepo, he oluolu oia, he kaikamahine aloha nui oia ina makua, a me kona ohana. Kunane.

 

E. COOK WEBB. M. D.

HOMEOPATIKA.

            (Kauka o ka Halemai Homeopatika, ma ka Mokupuni Ward's. N. Y.)

            KEENA OIHANA.--Helu 60, Alanui Papu. Makaukau mau e lawelawe i na pilikia mai o na wahine a me na kamalii.

            HORA HANA.--Mai kakahiaka a hora 10 am.--2 a i ka 4 pm. 967 @@

 

Dr. E. H. TEACHER.

KAUKA HUKI NIHO

Aia @ @@ @@@@@ @ana ma Alanui Pap@ helu 104 @@@ maluna. Malaila o@@ @ loaa ai i na poe a pau i @@@hia @a me na @@@@ @@@. @ @@@@ @@ @@@ mai ka hora 9 @@ a hiki i ka hora @ @@

            Ua @@@ @@@ kekahi mea @@@ @@@@ @ @ ka poe e makemake @@@ e huki @ @@ @@@@ mau niho eha e @@@@ @@ i keia hale, no ka @@@ @@@@@@

            H@@@@@@, Dec 10, 1880. @@@ @@

 

J. W. M. POOHEA.e Loio a he Kokua ma ke Kanawai.

NO NA kanaka a pau imua @@@ Aha apana a pau, a me na Aha H@@@alu o na Apana Hooko@@kula Ka@puni a pau o kela Aupuni, a imua o ka Lunakanawai Kaapuni o ka Apana Ilima ke K@@na ma Molokai no na makahiki elua, @ @@ @@@@@ @@@@@@ Palapala Eepa no hoi no ia Apana. E @@@@@@@ aku no na @@@@@@ @ ko oukou mau makemake me ka elua. E loaa no au ma "Kala@@@@@ @@ @@@@," a @ ole ia, ma na wahi e halawai ai.

            Ke hoike akea aku nei au i ka lehulehu, ua wehe au i ko'u hoopaa ana he Loio no ka Hui Mahiko o Mo@nui, Molokai, a e lawelawe no au i ka'u Oihana no ka pono o ka lehulehu mai o @ o. @@@@ ia'u, e hea mai e kokua i na pilikia pili Kanawai Mai @@@@@@@ a kulou na maka ilalo. 1@@@1 @@

KO BIHOPA MA BANAKO MALAMA DALA!

 

            E MALAMA NO MAUA I KE DALA O na kanaka maloko o ka Banaka penei:

            Ina hoomoe mai ke kanaka hookahi i na dala $@00 a emi mai paha, alaila, e uku ma@a i eono hapaha@eri ukupanee makahiki, mai ka la o ka lawe ana mai a hiki i ka la o kona o@i ana, ke waihola ke dala hoomai i eholu malama e kea paha. Aole ukupanee e helu ia no ka hakina o ke dala hookahi, aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu @ mamua o kona ohi ana, a o kan@ kekahi ke lawela mai.

            Ma ke kikoo wale no a ka @@ dala e haawi ai i kana, a ka Buke kakhi ke laweia mai.

            Ma ka la mua oSepatemaba i kela makahiki a i keia, e houluulu ai i ke dala, a e huipuia ka ukupanee me ka kumupaa o na dala i hoomoia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            @ weheia ka Hale Banako i na la hana a pau.

                        @@@ @@ BISHOP & Co

 

PAPA! PAPA!

-NO-

ALLEN & ROBINSON

 

UA WEHE AU NEI MAUA I

 

PA KUAI PAPA

-MA-

 

KA UWAPO O PAKAKA

 

Na Papa Ulaula o na ano a pau.

Na Papa Paina o na ano a pau.

                        Na Pili Hale Ulaula.

                        Na Pili Hale Keokeo.

Na Pepa Hoonani Hale,

Na Pepa Molina.

 

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUKA ANIANI.

NA PANI PUKA  a me

NA OLEPELEPE.

NA LAKO KUKULU HALE

O NA ANO A PAU!

E KUA@@A MA KE

 

KE KUMUKUAI HAAHAA LOA

O keia Makeke.

Allen & Robinson

Honolulu a @. @. 187@ 853 tf

 

LOLE MAKEPONO

Ke Kuike

E LOAA NO IA MA KAHI O

 

KAKELA ME KUKE!

-E LAA NA-

Ahinahina, Kalakoa,

Keokeo, Leponalo,

Pena, Aila, Aniani,

NA MEA PIULA!

KOPA, AILA HONUA,

AILA HOOMALOO

Kui kakia, Pakeke, Tabu, Kaula, Noho Lio,

Hulu Palaki, nu Pulumi.

-A HE-

AGENA NO HOI NO NA MOKUPUNI O HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

 

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

LIPINO, LIHILIHI, &c.

-A ME NA-

Mikini Humuhumu MakeponoLoa!

-A HE-

Ka Palaoa, Kopaa,

Raiki, Pia, Hoohu

Paakai, Huaala,

Pia Kulina, &c

 

A he Laau Lapaau Kaulana Loa

A DR. JAYNES.

 Laau Kunu,

Laau Hoomaemau Koko,

Laau Hoopau Naio,

Penikala, Huaale

A ME NA LAAU HAMO, A PELA'KU!

840 tf

 

J. B KAOHI.

LOIO A KOKUA MA KE K@@

IMUA o na Aha Hook@@@@ @@@@@@@@@@@@@@@@@@@@@@@@@@@ ia Aupuni. E @@@ no au @@ @@@@@@

@@@@@@

KALE KULINA

LUNA HOOIAIO PALAPAL@@ @@

Molokai, a me na p@@@

LUNA HOOIAIO PALAPALA

            Aelike mawaina o na Haku o @@@@@

            Luna Haawi Palapala @@@@@@@

            Ma ke kihi o ke alanui M@@@@@@ humano, kulanakauhale o Honolulu, @@@@@@ Pae Aina.

KALE NILEKONA

KAUKA LAPAAU

Keena ma ke kihi o A@@@ Pa@@@@@

HONOLULU

            O na mai o ka Maka,

pepeiau o ma ka Puu

ua makaukau oia ma @@@@@

955 LAWE ANA

 

KAUKA EMEKONA

E LOAA O KAUKA EMEKONA MA @@@ na Keena Hana ma ka @@@@ @@@@ (Kauka Homepana) ma ak @@@@ @@ @@@@ @@@@@@ hora 9 a @2 o ka kakahiaka, a mai @@@@@@ @@@@

            He keiki keia o ka aina o Hawaii @@@@@@@@ makahiki ma No Ioka, a ua makaukau @@@@@@@@ @@@@@@@ lapaau ana i na mea mai @@@, na mai @@@@@@@@@ o na ano a pau. Ua akamai oia ma @@@@@@@

 

MAKEMAKEIA

            Ua makemake ia ka poe mea @@@@@ MALOO a me na ILI BIB A PE@@@@ na ILI me makou , a e hana @@@ makou i ke kumukuai kiekie @@@ o ko kakou Makeke

            C BREWER & CO. (BUR@@@ @@)

Honolulu, Sept. 29, 1880

C .C.  Coleman.

            Amara a he Mea Hana Mokini

Kapili Kapuai ʻ Hao Lio

-A ME KA-

HANA ANA I NA KAA L@O, &CO

Hale Hana ma Alanui Al@@ @@@@@@@@

905 ke Alanui @@p@

 

He Nui Anei Kou Makemake i @@

Mekini Humuhumu Lole?

Ina pela, alaila, e kipa mai no @@ kA @@@@@

 

KAKELA A ME KUKE

A MALAILA OUKOU E IKE AI A MAKAIKAI @@@@@@ MAKINI a WHEELER a me WILSON mai ke $40 a hiki i ke $50 ke kumuku@@ @@ mea hookahi.

 

Na Mekini a SINGER

ma ke $50 pakahi, me ke ano

MEKINI A WILCOX ME GIBBS. ma ke $30 a hiki i ke $50 ke kumukuai

1 mea e pau ai ko oukou kanalua @ n@ M@@@ maka no ke kupono o keia mau ano Mekini naue mai no me ke kuihe ole a e ike n@@@@ hoi. 862 tf

 

PAPA, PAPA

AIA MA KAHI O

LEWERS & COOKE!

(O LUI MA.)

 

MA KE KAHUA KAHIKO MA

Alanui Papu a me Moi

E LOAA AI NA

 

Papa Nouaiki

o kela a me keia ano.

Na Papa Nani a Paa no ke Kukulu ana i na Hale!

 

Na Pani Puka, Na Puka Aniani.

Na Olepelepe, No Po@, Na O@a,

Na Papa Hele, Na Papa Ku,

A me na Papa M@@@@@

NA PILI O KA HALE

O NA ANO A PAU,

 

Na Pepa Hoonani, Na Pena o na Wai a pau.

Na Kui mai ke Nui a ka Makalii

Na Ami Puka, Na Ami Puka A@@@@

Na Ami o na ano a pau.

Na Aila Pena, o kela me keia @@@

Na Aila Hoomaloo, he lehulehu wale,

Na Aila e ae o na ano a pau.

 

NA WAI@ANIKI

-A ME NA-

WAI HOOHINUHINU NANI

o na ano a pau loa.

NaA BALAKI ANO NUI WALE

A ke hai ia aku nei ka lono i na makamaka

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

-NO KA-

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

 

E hele mai! E na Makemake!

A e lawa no hoi ko oukou makemake

me ka oluolu a me ka maikai!

845tf