Ka Nupepa Kuokoa, Volume XX, Number 5, 29 January 1881 — Kuu Aloha, ua hala. [ARTICLE]

Kuu Aloha, ua hala.

E ke Kuokoa; - Aloha oe: E oluolu mai kou ahonui e hookomo iho ma kahi kaawale o kou mau kolamu, i ike mai ai na kini makamaka o kua aloha e noho ana mai ka hikina a ka la i Haehae, a i ka welona aku malalo o Lehua. O a keia, ma ka hora 6 o ke ahiahi Poaha o ka pule i hala, Ian. 6, ua oluolu i ka mea Mana Loa ke kii ana mai a lawe aku la i kana o ka uhane, o ka'u wahine mare i aloha nui ia e a'u, oia hoi o Mrs. Elisapeka Keaweamahi, a waiho iho la i ke kino lepo ma keia ili honua, a nolaila, ua koe au, kona ohana, a me kona mau kini makamaka a pau, e paiauma aku iaia ma keia aoao o ka lua, Ua loaa oia i kekahi inai mau hoomailo kino, a ua piha ka makahiki hookahi a oi aku o kona hoanoe ia ana e keia mai, a lilo kona noonoo maikai, kona nani a me kona hanohano i luahi na keia enemi, a hiki i kona mau hora hope loa ma keia ola ana. Ua hanauia o Elisapeka Keaweamahi ma Kainaliu, S. Kona, Hawaii i ka M. H. 1834, na Kuhau (W) me Kamakahui (w), nolaila, ua piha na makahiki he kanahakumamaono a oi o kona ola ana. He mau makahiki loihi ko laua noho pu ana iloko o ka materemonio, me Kahele kana kane mua, a mahope iho o ka make ana o Kahele kana kane mua, ua mare hou oia me ka Mea Hanohano ke 'lii W. L. Moehonua, a iloko o ekolu makahiki a oi o ko laua malama laahia ana i ka berita o ka mare, ua hookuu hou mai la ka lua o kana kane iaia e noho hookahi. A ma ka la 11 o Oct M. H. 1879, ua hoohuiia maua ma ka berita mare e Rev, H. H. Paleka, akahi makahiki me elua malama, a me 25 la o ko maua kaana pa ana i ke aloha, a hala aku la keia ma kela ma keia aoao mau o ka honua. He wahine oluolu, lokomaikai, he heahea, he aloha kane. he aloha ohana, he aloha keiki, a he nui wale aka o kana mau hana maikai. Ke hooki nei au me ke aloha kaumaha nona, me ka Luna Hoopuka koʻu aloha nui, a welina looa aku i na keiki hoonoho hua metala. Owau no G. W. Keaweamahi.