Ka Nupepa Kuokoa, Volume XX, Number 5, 29 Ianuali 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA.

No ka Makahiki, $2. Eono Mahina, $1.

Da@ Kuike ka Rula.

 

KOMITE HOOPONOPONO

Hezekia Aea.

POAONO. IANUARI 29, 1881

 

HOOLAHA I NA HAUMAMA MUA O

@ KULA HANAI O WAIALUA, OAHU.

 

NO HALEIWA.

     O Haleiwa ka inoa kaulana o ke Kula Hanai o Waialua nei, kahi hoi e hoonaauao ia ai na kaikamahine.

    O O. H. Kulika ke kumu mua i noho mai ia nei, mahope mai o kona haalele ana ia Waiohinu, Kau. ua kukulu hou iho ia i keia kula. Iloko o kona wa e noho alakai ana i ku kula. a ua kapaia iho la keia kula o HALEIWA.

     A eia ka leo e kahea ana ia oukou, e na haumana o ke Kula o Haleiwa, mai ka wa o Kulika a hiki i keia wa, ina aole i poina ko oukou, e hoouna pakahi mai oukou ia’u he mau pane no keia mau ninau a’u e ninau nei ia oukou. No ka mea, he nuikuu aloha ia oukou, a ke makemake nei au e hai pakahi mai oukou ia’u ma ke ano o ka Leta no keia mau pane:

     1 Owai kou inoa?

     2 E noho ana oe Mahea i keia wa?

     3 Heaha kau hana i keia wa?

     4 Ua mare anei oe?

     5 Ina ua mare oe, ehia au mau makahiki?

     6 He kane haole paha, hapa haole paha, kane Hawaii hapha kau?

     7 E oluoiu oe e hoike mai ia’u i ka moolelo nou iho, mai kou wa i haalele ai i ke kula a hiki i keia la.

     A ina ua make kekahi o keia poe a’u e kahea nei, e oluelu mai oukou na kane, na makua paha e pane mai ia’u no lakou.

MARY E. GREEN.

Waialua, Ian. 15, 1881.

 

HE MAU ANOAI NO LOKO AE O KA TALMUD.

     Owai ka mea Ikaika? O ka mea e noho alii aua maluna o kona mau kuko.

     Owai ka mea waiwai? O ka mea i lawa oluolu kona makemake ma na wahi loaa o ka la.

     O ka mea mohai aku i ke akahai imua o ka Haku a me na kanaka, he mohair piha kana.

     Eha ano o na haumana, he hikiwawe i ka lohe a he hikiwawe i ka poina, ua panai ia kona waiwai me ka nele. He hakalia ma ka lohe ana a he hakalia ma ka poina ana, ua panai ia kona nele me ka waiwai. He hikiwawe ma ka lohe a he hakalia ma ka poina, oia kai naauao. He hakalia ma ka lohe a he hikiwawe ma ka poina, he haawina ino ia.

     He ekolu no hoi ano o ka poe e noho ana malalo o ka poe naauao, he huakai, he kanuku, a he kanana; e omo ana ka huakai i ka ike a pau, e hookuu aku ana ke kanuku i kana loaa ma o a maanei, a e hookaawale ana ke kanana mawaena o ka io a me ka opala.

 

UNITY MUST VICTORY BRING.

Joy and Gladness.

1

Hui, alu, hana pu la

Me na lima, na naau,

No ka Haku, no Iesu la,

Ke Lii mana oia mau,

 

Cho – Kui, alu no Iesu,

          Hana like alu pu,

          Paio kuikahi, e,

          I loaa ko luna lei.

2

Hui, naue wiwo ole,

Iesu no ke Alakai.

Paio no ka kei mae ole,

Ke waiho la maluna’e.

 

Cho – Hui, alu, &c.

3

Hui, alu no ka nani.

Iesu no ke Hoa maikai.

Aia Oia ma ka lani.

Paio nona a mau ae.

 

Cho – Hui, alu, &c.

4

Hui, alu, paio pu la,

Mai makau ke make e,

No ka Haku, no Iesu la,

Nona mai na lei alii.

 

Cho – Hui, alu, &c.

HAWAII

 

Haawina Kula Sabati.

 

HELU 7, SABATI, FEB. 13, 1881.

 

KUMUHANA. – Ka haiolelo a Ioane

 Bapetite.

Pauku Baibala – Luka 3:7 – 18.

 

7     Alaila olelo maila oia i na ahakanaka i hele aku i o@a la e bapetizoia e ia, E ka poe hanauna moonihoawa, nawai oukou i ao aku e halo i pakele ai i ka inaina e kau mai ana?

8     E hoohua hoi oukou i na hua e ku i ka mihi, mai hoomaka e ohumu iloko e oukou iho, O Aberahama ko kakou makua; no ka @, ke olelo aku nei au ia oukou, e hiki no i ke Akua ke hoala mai i mau keiki na Aberahama no keia mau pohaku.

9     ano hei, ke waiho ia nei ke koi ma ke humu o na laau; nolaila, o kela laau keia laau i hoohua ole mai i ka hua maikai,oia ke kuaia ilalo a kiola ia aku i ke ahi.

10  Ninau aku la ia poe kanaka iaia, i aku la lakou. Heaha la ka makou e @aos ai?

11  Hai mai la oia, i mai la ia lakou, O ka mea nona na kapa komo elua. e haawi aku oia i kekahi no ka mea i nele; a pela no e hana aku ai ka mea nana ka ai.

12  Alaila hele ae la hoi na lunaauhau e bapetizo ia, i aku la iaia. E ke kumu, heaha ka makou e hana ai?

13  I mai ia oia ia lakou. Mai hooi oukou mamua o ka mea i hooponoia no oukou.

14  A ninau aku la ka poe koa iaia, i aku la. Heaha hoi ka makou e hana ni? I mai la oia ia lakou. Mai kolohe ia hai. mai alana, a e oluolu oukou i ko oukou uku.

15  A i ke kanalua ana o na kanaka kukakuka iho la ka naau o lakou a pau, no Ioane. o ka Mesia paha ia?

16  Olelo mai la o Ioane ia lakou a pau, i mai la. Owau no ke baptetizo nei ia oukou me ka wai; aka, e hele mai ana kekahi, he oi aku kona mana i ko’u, aole au e pano ke wehe ae i na kaula o kona mau kamaa; oia ke bapetizo ia oukou me ka Uhane Hemolele a me ke ahi.

17  A o kona peahi, aia no i kona lima, a e hoomaemae loa oia i kana huapalaoa, a e hioliili i kana huapalaoa iloko o kona hale papaa, a e hoopau hoi oia ka opala i ke ahi pio ole.

18  He nui no hoi na mea e ae ana i hoike mai ai i na kanaka i kana olelo hooikaika.

  Na heluhelu la. 1 Luk. 3;1 – 22. 2. lo. 1; 19 –36. 3. Mat. 3; 1- 17. 4. Is. 40; 1- 11. 5. Mal. 4; 1-6. 6 Io. 3; 23-36. 7. Mar. 6, 17-29.

  Mele. Him. 200. “Auwe ka poe hoopanee.”

  Pule. i ala a mihi koke.

  Ka Wehewehe meka Ninau ana.

  Ka manawa. 30 a. D. 18 mak. mahope iho o ka helu 6.

  Kahi i hana ia’i. Ka waonahele o Iudea.

  Na luna. Kaisara Tiberia, ka Moi o Roina Ponetio, ke Kiaaina o Iudea, Herode Anetipasa, ke kiaaina o Perea &c.

  Na wahi like. Mat. 3;1-12. Mar. 1; 1-8.

  Ka moolelo o Iesu mai ka mak. 12 a 30, aole i kakau ia. Noho oia me Iosepa ma Nazareta a kokua ma ka oihana kamana. Make paha Iosepa ma ia wa. Pela hoi ka moolelo o Ioane Bapetite, aole i kakau ia mahope iho o kona oki poepoe ia ana a hala na mak. he 30. Noho mehameha oia ma na waonahele, e ikaika ana, noonoo ana, pule ana. Oia wale no na mea i maopopo. A hala na mak. he 30, hoea mai oia mai na waonahele mai a hoomaka e haiolelo no ke aupuni o ka Mesia. Eia hoi ia. Ka mihi ka hana mua e makaukau ai no ke komo ana iloko o ia aupuni. He ano e kona aahu he lole hulu kamelo i hoopaa ia e ke kaei ili me ke kaula Elia mamua. Nui ka poe i hele mai e hoolohe iaia.

  P. 7. Ka bapetizo ana no ka mihi oia ka oihana a Ioane. Nolaila mai kona inoa bapetite. He bapetizo no mamua. Aka, aole ia i like me keia. He bapetizo hou keia ma ka nana aku, na ke Akua mai. He elele keia, he kaula. Ua kauoha ia e ke Akua e hoohuli i na kanaka, e paipai e mihi i ka hewa, e hoike i ka hewa, e haalele i ka hewa, e bapetizo i ka poe mihi me ka wai me ke kuhikuhi ana ia lakou i ka Mesia nana e bapetizo me ka Uhane Hemolele a me ke ahi, a nana hoi e kala mai i ko lakou hewa.

  Hui ka poe i hele i ona la e bapetzo ia. Hele kekahi poe me ka oiaio, hele nae kekahi poe me ka hookamani, oia hoi na Parisaio, me na Sadusaio. A kapa Ioane ia lakou, he hanauna aha? A heaha kona ninau ia lakou? Me he la aohe mea i ao ia lakou e hele io Ioane ia e bapetizo ia oiai iloko o ka hewa. Na ko lakou manao hookamani wale iho no.

  P. 8. Heaha ka lakou e hana ai i akaka ka mihi io? Mai aha hoi? Me he la, e ola ana lakou ma ka pono o Aberahama. E nele ana Aberahama i na mamo ole ke ole lakou. Oiai e hiki i ke Akua ke hoala mai i mau keiki nana hohea mai? Na pohaku ka poe hewa, na luna auhau, me ko na aina e.

  P. 9. Ke waiho ia nei ke koi lipi mahea? E aha ia ana na laau hua ole i na hua maikai? Ke koi lipi, ka mea hoopai. Na laau hua ole ka poe hewa i mihi ole. E kua ia ana a hoolei ia ana lakou ihea? I ke ahi pio ole o Gehena.

  P. 10. Owai keia poe kanaka? He poe kanaka e hui io ana. Heaha ko lakou ninau?

  P. 11. Pehea Ioane i pane aku ai? Mai nana ia oukou wale iho a hoolako ia oukou wale iho no. E kokua i ka poe i nele.

  P. 12, 13. owai kekahi poe i hele e bapetizo ia? A heaha ka lakou ninau? Heaha ka pane ana?

  P. 14.Heaha ka ninau o na koa me ka pane ana?  

  P. 15, 16. Heaha ke kumu o ke kanalua ana o na kanaka no Ioane? A pehea oia i hoopau ai i ko lakou kanalua ana? Ma ke aha ke laua like ole?

  P 17. Heaha ma ko Iesu lima? E aha oia i kona huapalaoa? E aha hoi i ka opala? Peahi kona olelo? Huapalaoa ka poe pono. Hale papaa ka lani. Opala ka poe hewa.

  P 18. Nui anei na mea e ae a Ioane i hoike ai? Uuku paha? Heaha kai hoopokole i kana mau hana?

  Mele. Him. 115, “Ma ka wai o loredane.”

 

Na Ninau a na Kahu.

Na Kane – Heaha ke Kumuhana? Ehia mak. mawaena o ka Helu 6 me ka 7? Heaha na hana a lesa me Ioane ma ia wa?

Ehia mak. o Ioane e hoomaka oia i kana oihana? Owai ke la o Komana wa? Ma ka mak. ehia o kona alii ana? Owai na Kiaaina me na Kahuna Nui? Mahea ka Ioane Kaahele ana? E aha ana? He bapetizo aha kona? He leo aha oia? E kahea ana e aha? Mahea ia wanana?

  Na Wahine – Ua ae anei o Ioane e bapetizo i na mea a pau i hele i ona la? Owai kai hooleia? Heaha ka Ioane oleloao ia lakou? Heaha ka ninau o ka poe i hele me ka oiaio i o Ioane la? me kona pane? Pehea ko Petero pane ma Oih. 2;37, 38?

  Na Ui me ua Keiki – Heaha ko Iesu pane i ke kanaka ui ma Mat. 19:16 – 22? Heluhelu. Ke ninau mai mei anei oukou, heaha ka makou e hana ai i ola ko makoa uhane? E mihi ano. E hoohua mai i na hua ku i ka mihi.

  Ke Kula a pau – Owai ka haiolelo hope ma ke Kauoha Kahiko? Owai ka mua ma ke Kauoha Hou? Aole anei he haiolelo mawaena? E huli ma ka wa mawaena o Makai me Ioane Bapetite.

 

Na Manao Pili.

  1 Ka Mihi ke kapuai mua

  2 Ka Hua maikai ka hoailona no ka mi hi io.

  3 Elua wale no mahele nui. Ka huapalaoa, oia ka poe pono. Ka opala, oia ka poe hewa mihi ole.

  4 Elua wale no wahi e noho ai ma kela ao. Ka lani. Ka lua ahi pio ole.

  E wiki, e imi i ka lani. E wiki e holo i pakele i ke ahi pio ole.

  Mele. Him. 230, “Nani ka Iesu Olelo.”

  Pule i huli a mihi a paulele.

  Haawina no Feb. 20, Luka 4:14 – 21.

 

Na kanaka waiwai o ke ao nei.

 

  E hoike ana kekahi nupepa o Ladana no na kanaka waiwai o ke ao nei, wahi a ua nupepa nei; o ke Duke o Westminister, nona ka loaa makahiki 800 000 paona, nona na dala io 4,000,000; o kona loaa mahina 333,333 dala, o kona loaa pule he 83,3331/2 dala, o kona loaa ma ka la he 11,904 dala, o kona loaa, ma ka hora he 496 dala, no ka minute 8 dala. Ua hiki no i keia Duke ke hoolilo aku i 2,000 paona i kela la keia la me ke koena o kekahi puu dala ma kona waihona. O ka lua o na kanaka waiwai, o Senate Jones o Nevada, o kona loaa makahiki he 1,000,000 me ka hapa; ua hiki no iaia ke hoolilo i 10 dala i kela hora keia hora. O ke kolu o na kanaka waiwai o Rokekaila, nona ka loaa makahiki he 10,000,000 dala. O ka ha, oia o J. W. Mackey, oia ka oi o keia mau kanaka waiwai, nona ka loaa makahiki 12.760,000 dala, o kona loaa mahina 980.000 dala, o kona loaa ma ka hora he 1.500 dala, o kona loaa ma ka minute he 25 dala, oia ka oi o keia mau kanaka eha o na knanka mua ekolu. he waiwai ko lakou mai na makua mai, aka o J. W. Mackey, nama ponoi no i imi kona waiwai, he 30 makahiki i hala aku nei, he wahi keiki ilihune loa oia i ke kanakolukumamaono o kona mau makahiki, ua hoopaa ia kona mau waiwai no ka aie kaa ole. Aka, i keia manawa, ke noho ona nei oia maluna o na Maina waiwai loa o ke ao nei. O ka huina o kona mau waiwai a pau he 275,000,000 dala; o ke Duke o Westminster 100,000,000 dala; o Senate Jones o Nevada 60,000,000 dala; o Rokekaila ka Iudaio waiwai 200,000,000 dala. O ka huina iho la ia o ka waiwai o keia mau kanaka waiwai o ke ao nei.

S. L. D.

 

Hunahuna o na Aina e.

 

  He $10,258 ka loaa o kekahi kanaka o ka mokuaina o Kanasa ke uku ia kona mau lilo a pau, mailoko mai o 20,320 busela huita i ohi ia eia mai luna mai o na eka aina 1,270.

  O ka nui o na kanaka o ka mokunina o Piladelepia he 846,980; na kane 405,899; na wahine 441,081; na kamaaina 642,638; ko na aina e 204,332; na ilikeokeo maoli 815,182; na paele 21,798; ua komo pu iloko o keia huina 80 pake, 3 Iapana a me 25 Ilikini.

  Ua makana ia aku o Kenela Hanekoka me kekahi uhi moe kilika i ulanaia, i kau ia me ka hoailona oihana kaua oia mokuaina, ai kau pu ia me na pulima kakau pakahi o ka Peresidena Hayes, ka Hope Peresidena Wheeler, na Kuhina a pau o ke Aupuni, na Kiaaina he 31 o na mokuaina o Amerika, na Kekela Seridana, Sherman, Hanekoka a me Gafila; eha mau Adimarala Beritania o ka oihana kaua moana a me 600 mau lulima kakau e ae o kekahi poe.

  O ka la @ o Dekemaba i hala, oia ka pau ana o ka Iudaio waiwai Rokekila; ea hana hou ia ka palapala aelike hui o na Iudaio la me na lala mua, a e pau ana i ka makahiki 1905. O ka waiwai io o ka hale i hoahu ia i na mea kuai o kela a me keia ano, ua hoopaa ia me kahi o na $10,000,000 oia hoi he hapakolu ka kela  ame keia lala o ka hui e uku ai o keia huina.

  Ua hiki aku ke Keiki Alii o Wale i keia wa i ke 39 o kona mau makahiki.

  Ua uku ia aku ka Haku Beaconsfield e ka luna hoopuka o kekahi pepa o Ladana he $50,000 ao kekahi buke hou ana i kakou ai.

  O ka pua Aliiwahine opio o Sepania, ua hoonaoea ia kona hiamoe iloko o kona wahi moe lewa, nona ke kumukuai he $1,400.

  Ua oleloia, aole ka Moiwahine Vitoria e kanalua no ka hooko ana i kehahi hana i manao ia. A i hoike ia ka manawa, ina he ua a nui ke anu o ua la la i manao ia ai. e hooko no oia ia mea ma ia la.

  O na hele eha o Vanabila e kukulu ia nei ma ke kulanakauhale o Nu Ioka, o lakou na hale oi aku o ka nani a me ka oikela ma Amerika; me kahi o elua makahiki alaila makaukau keia mau hale no ka noho ia. He makahiki holookoa ka ka mea kaha ki@a me @o@ mau kanaka eono e hana nei i ke kahua o ka hale o W. K. Vanabila, a o na ano o loko o ka hale, aole i hoomaopopo pono ia. Oka poe okioki kii pohaku a me ma hana akeakamai, ua lawe ia mai Europa mai. Ma ko W. H. Vanabila hale, o ka uhi o ka pipahele o ka hale o lalo a me na keena nui akea, na ka haku Mele Morris o enelai e hookinohinohi, malalo o ka liko he $30,000.

  Mailoko mai o na pepa i pa@ia ma Kaleponi he 223, he 74 wale no pepa, he 10 makahiki ke kahiko.

  Ua loaa i kekahi kanaka kanu uala kekahi mea eli uala i kauoia e na lio elua me ke kanaka, a ua hiki ke li mai ka 200 a hiki i ka 250 eke uala i ka ia, e like me ka nui o ka hua ana o ka uaia; a ewalu kanaka e lawe i na eke a waiho iloko o ka hale hoahu.

  He 2000 kanaka i akoakoa ae ma kekahi halawai i maloko o ke kulanakauhale o Berelina, a apono i kekahi mau olelo hooholo i heluhelu ia, oia hoi, aile loa e hookuu akea ia na ludio, e koho balota a lawelawe ma kekahi oihana aupuni, a e kuai aku hio i kekahi mau mea mai na halekuai mai o na ludaio e me ko lakou mau hui kalepa o kela a me keia ano.

  He $700 ka loaa ia Adelina Patti i ka minute, ina oia e himeni ana ma kekahi aha mele.

  He 2,600 hui pila-kuolo-waha (hamoica), ma Belegiuma; 3,000 hui himeni a me 31 hui hoahu leo mele.

  He 4 mau kaahi ukana i hoopiha ia me na hua enuhe kilika mai Omaha ae, e lawe ana i ka ukana no Farani.

  O na lilo a pau o ke aupuni o Iapana i ka makahiki i hala, he 55,000,000 dala Iapana; a i keia makahike he 60,000,000.

  He 14 paa mahoe i hanau ma ka okana aina o Humboldt i ka makahiki i hala.

  Ma ka okana aina o Santa Babara, he 3,655 mau hale nalo meli momona, a he 257,800 paona meli i oki ia a kuai ia aku.

  Ma ka loaa ana o kekahi opeapea, ua ana ia ka loa o kona eheu mai kekahi welau a i kekahi he 20 iniha, a o ka loa o kona kino mai ka nuku a i ka puapua, he 51/2 iniha.

  Ua pakolu aku ka nui o ka ulu o ke olona ma Kaleponi i kela makahiki aku nei mamua aku o ia makahiki i hala.

  Ua pii ino loa ae ke kumukuai o ka mauu maloo a me ka hua bale ma ke kauhale o Tuolumne a me kekahi mau kauhale kuaaina e ae.

  Ma ka okana aina o Napa, ua hoohua mai ehiku eka malawaina i ulu no ka makahiki he 58 tona hua waina; a no na kumu waina i ulu eona makahiki, he 15 tona huawaina o ka eka hookahi.

  O ke kukui i ho-aia e ka uwila, oia ke kukui o na lua mine i keia wa e hoomalamalama ana i ka poe hana.

  Ma kekahi lakekuai liilii ma ka okana aina o Tucson, ua hoikeiki ia ae ma ka puka aniani kekahi mau holoholona a me na mea kolo i hoomaloo ia, a iloko o ia mau mea, he kanapi kekahi, nona ka loa he 12 iniha.

  Ua loaa nui aku ke gula ma na wahi he kanakima o ka mokuaina o Mesiko Hou.

  O ke poka mua i ki ia no ke kaua ana ma kekahi kulanakauhale, kekahi kahua hoomoana o ka Boers, kahi hoi a lakou i hoomaka mai ai e lele mai maluna o na koa Beritania. Aia keia wahi malalo o na Boers he 600; he wahi e ae no kekahi malalo o keia poe he 300.

  Ua haawi pio aku o Maj. Clarks me na koa he 25 i na Boers iloko o ka hahana o ke kaua no 48 hora.

  He heluna nui o na poe kipi i kamoe ae i ko lakou alahele i Utrecht, a o ka poe e hui ole ana me keia poe, ua ki ia lakou i ka pu; he 120 koa Beritania e malama nei i ka maluhia o ko lakou mau wahi hoomoana.

  500 Boers e hakilo nei i na koa Beritania ma New Castle/ o P. Kruges ke alakai o na kipi, a me ka heluna nui o na kipi malalo ona ua lilo he mau pio.

  Ua kuahaua ae o Alabama i na kane a pau no lakou na makahiki maluna aku o 18, e hoolako me na lako kaua; he heluoa nui o na kanaka i akoakoa ae ma kekahi kulanakauhale no ka hoomakaukau ana no ke kaua ana me Monetenegero; ua hoouna ia aku kekahi mau kaukaualii i Centije, e noi aku ia Monetenegero e hoihoi aku i kona mau koa mai Dulcaino. Ina e hoole ia mai keia noi, alaila, o ka hoomaka koke no ia o ke kaua.

  Ke hooikaika nei o Helene i ka lahui Porte, e hoomakaukau i na lako kaua; ua hoouna ia he elua mau moku kaua hao i na mokapuni liilii e pili ana i keia wahi. a ua hoopaipai hou ia ka papu o ka Dardanelles.

  Ua hoike ae ka nupepa “Time,” penei; Ma ka nama ana iwaena o na poai o na makaainana o Beritania, me he mea la ua makau lakou no keia nune kaua mawaena o Rosia a me Kina, me ka loaa ole o kekahi kumu kupono e hoolele ia ai ko lakou hauli; no ka holonoao ole ana o na hana e pili ana i na hoopaapaa mawaena o Rosia a me Kina no Koldja, ua manao ia he hana ho@laela kuee wale iho no keia oa Rosia, i kumu e kaua ai oia me Kina. Ma keia hana a Rosia, he makemake kona e loaa he mana nona mawaena aku o Kina a hiki i ke kai i loaa kona alahele me ke keakea ole ia, a e hookahua ai hoi i awa no kona mau aumoku kaua ma na kai o Kina. O keia mai o Rosia, aole no keia mau makahiki koke iho nei, aku no na makahiki he nui i hala; ua hooikaika o Rosia e loaa ona awa no kona mau moku kaua e hoolulu ai a puni ka makahiki, aku oia manao ona. ua hoonele ia; a ma ka nona ana i keia, me ke inea la e loaa io ana paha kona awa ku moku.

 

ASA KAULIA,

Loio a Kokua ma ke Kanawai

Ua maka@@@@ au e lawelawe i na hana a pau ma keia

Oihana @@@@ o na Aka a pau o ka mokupani @ Oahu. E

loaa no au ma Koolaupoko, Heeia, a @@@ Honohala I @@@@@

wa Hooku ia na Kaneohe @@ ai na wahi a pau o ka mokapuai me ka

eleu a me ka hikiwa@@.

 

JAMES M. MONSARRAT.

(MAUNAKEA.)

Loio a he Kokua ma ke K@@@wai

IMUA O NA AHA HOOKOLOKOLO A PAU

o koia Aupuni. E lawelawe ana no hui ma na hana pili i ka hooponopono waiwai, me ka

imi ana i na palapala Sila Aina. ka hana ana i na Palapala Kuai, Hoolimalima a me ka hoaie dala ana.

A HE LUNA HOOIAIO PALAPALA.

Keena hana helu 9 alanui Kaahumanu.

Jan. 3, 1880.    944lv

 

PAPA KUHIKUHI MANAWA HOLO

O KA

MOKUMAHU HAWAII

“LIKELIKE,”

KAPENA KING.

Poalua, Nov.   9, hora 5 pm…Hilo

      “       “     16,   “       “……Kaapuni ia Hawaii

      “       “     23,   “       “ …..Hilo

      “       “     30,   “       “ …..Kaapuni ia Hawaii

      “     Dek.   7,   “       “ …..Hilo

      “       “     14,   “       “ …..Kaapuni ia Hawaii

      “       “     21,   “       “ …..Hilo

      “       “     23,   “       “ …..Kaapuni ia Hawaii

 

AOLE AIE NO NA UKU OHUA?

     Ke hooleia aku nei ka aie no ka uku ohua, a ke hiokeia aku

nei i kea kea, ina he mau paiki, ukana a puole hooili ko lakou,

a pono e hoailona ia me ka moakaka lea. Aole no e ae ia ka

lawe ana i na ukana, paili a puolo i hoailona ole la ke ole e

kakoala loaa ana mai.

 

HE KUIKE KA UKU UKANA.

     Ma na ukana a pau o na makamaka, e pono e uku mua ia.

A e hookoia no na kaueha no ka lawe a hiki i kahi i makenmake

ia. Ae malama ia no me ka makaala na ukana, paiki a

me na puolo, Ilo, pipi a me ka hoki.

 

E hoailona ia me ka moakaka na Pahu

Rama a me Waina.

     O ka poe no lakou na ukana o keia ano, e pono e hoaliona ia

me ka moakaka, a i ole e kakauia me ka moakaka ka loaa ana

mai o ka poe no lakou keia mau waiwai.

     O na koina no na pilikia a me na poho, e hono e hoike koke

ia mai iloko o ka malama hookahi.

     Aole e aeia na hookele kaa, na keiki a me na mea like a

pii iluna o ka mokuahi i ka wa e pili mai ai i ka uapo, aia wale

no a pau na ohua oepakeke i ka lele.

     No ka ake nui e hoopomaikai ia ka lehulehu kaahele, ua

hoololi ae nei na Ona o Likelike I ka Papa Hoike Manawa oia

Mokuahi e like me maluna.

 

Ma ka Hale Oihana e loaa’i na Palapala.

     Aole Kaena o hope e lilo, ala wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e nolia aku ai.

WAILA MA.

 

NA KANAKA O HAWAII NEI!

INA I MAKEMAKE

OUKOU E KUAI I

GITA, AKODIANA,

BANJO, OHE, VIOLINA,

PAHU Hookani Nunui a Liilii,

HE HONO LOA IA OUKOU KE

HELE MAI I KA HALEKUAI O

GEO. F. WELLS,

HELU 66 me 68 ALANUI PAPU.

     Ke malama nei no au i na Lako Hale o na ano a pau.

     Na Noho no $1.00

     Na Moe Laau no $7.00

     Na Punee nani loa no $15.

     A me na ka lako hale piha no ke $45.

     Ina i makemake oukou i na Mekini Humuhumu

lole, e loaa no ia oukou ka

 

MEKINI HUMUHUMU AMERIKA

     O ke kumukuai makepono, me ka makana he

pila Gita maikai a he kii nui paha.

     Ua pai iho nei o Mr. Wells he Buke kuhihuhi

no ka Huila Humuhumu ma ka olelo Hawaii.

A i keia wa, o ka poe e noho ana ma na

wahi kuaaina, ua hiki ia lakou ke kuai i ka

Huila Humuhumu me ka haawi manawalea ia

aku o ka Buke kuhikuhi, a mailoko aku o keia

buke e ike ai i na loina o ka humuhumu ana.

     O na kumukuai o ko makou mau Mekini

Humuhumu, mai ke 40, 45, 50 a hiki i ke $55.

     I na i makemake oukou i ka Mekini maikai

loa me ke pakaukau akea a me ka huila kala, ua

hiki no ia oukou ke hoouna mai ma ka keta ia.

 

GEO. F. WELLS ma HONOLULU.

Me ka hookomo pu iho i ke $55, a nana no e hoo@na aku me

ka buke kuhikuhi a me ka makana i hai ia. Na oukou no e

hai mai i ka makana e oukou e makemake ai.

E loaa no ma WATI maikai no ka $7.

Na WATI kau hale mai $2.50, $3, $4. a hiki i ka $5.

Na KAULA WATI no ka $1 00 wale no.

Eia no hoi na keia hale na Laau kii e@i loa o ke kumukuai

 

GEO. F. WELLS,

Helu 66 me 68 Alauni Papa.        972 sm

 

MAKEMAKEIA.

 

  Ua makemake ia ka poe mea ILI KAO

MALOO a me na ILI BIBI, a pela hoi me

na ILI MIKO o na ano a pau, e kuai mai i

ko lakou mau ILI me makou. a e haawi no

makou i ke KUMUKUAI KIEKIE LOA

o ko kakou Makeke

 

C BREWER & CO. (Burua Ma.)

Honolulu . Sept. 29, 1880      995tf

 

C. C. Coleman.

Amara a he Mea Hana Mekini

Kapili Kapuai Hao Lio

A ME KA

Hana ana i na Kaa Lio, &c.,

Hale Hana ma Alanui Alii e kokoke la i

905     ke Akanui Papu     tf

 

J. W. M. POOHEA.

He Loio a he Kokua ma ke Kanawai.

No na kanaka a pau imua o ka Aha Apana a 

hiki imua o ka Aha Kaapuni ma ke keena

no ka Mokupani o Molokai; a he Agena Hooiaio

Palapala Kepa no hoi noia Apana. E hookoia

na koi i a ka makemake mo ka eleu loa. E loaa

no au ma ko’u home ponoi oia o “Kalauonaona,”

ma Wawaia, a i ole ia, ma ka Hakeheololokolo

ma Pukoo.

Jan 25           895 ly

 

J. B KAOHI.

LOIO A KOKUA MA KE KANAWAI.

IMUA o na Aha Hookolokolo a pau ma ka Mokupuni o

Hawaii a i mua hoi o na Aha Hamalu a Apana a pau o ke

ia Aupuni. E loaa no au ma Kohala Akau Hawaii

988 ly

 

UA MAKEMAKE IA

NA ILI BIPI,

NA IWI BIPI.

E haawi ia no ke kumukuai kiekie @@@

H. Hackfeld & Co.

Honolulu Mei 22, 1880              @@

 

RICHRDA F. BICKERTON,

(PEKETONA.)

LOIO a he KOKUA ma ke KANAWAII

     E HELE ANA @A @@ A O NA AHAHOOKOLOKOLO

A pua o keia Aupuni ma na ahe hihia a pau. Ina pahu ma

Oahu nei, a na ma Mokupuni e ae.

     Ua maka@@t@@ mau oia i ka hana ana; ua Palapala @@

kanawai o keia a me keia ano.

     Ua hiki no loi iaia ke hoaie dala aku maka @@rak. Ano ka

aina, una ka akupanee haahaa loa.

     E ka naia na hana me ka kikiwawe a ma ka uku haahaa

     Keena  h@@@ Keia 25 Alanui Kalepa, elua paka ma o aku a

ka hale kanaka o Kauku @@@@teole.                        840 ly

 

KAUKA BERODI,

(O KE KULA NUI O KANADA)

     Ua makaukau au i ka lapaau ana i ea kanaka

Hawaii no na ano mai a pau. Ke hahea aku ae

au i na poe i loohia i ka mai e hele mai ia u

KEENA OIHANA

Aia ma Alanui Papa, Helu 129, mauka

Iho o ka Hale Kaman o D. Burro@@

996 tf.

 

E. Cook Webb, M. D.

HOMEOPATIKA.

(Kauka o ka Halemai Homeopatika, ma

ea Mokupuni Ward’s. N. Y.)

KEENA OIHANA. – Helu 60, Alanui

 Papa. Makaukau mau e lawelawe i na

pilikia mai o na wahine a me na kamalii.

HORA HANA. – Mai kakahiaka a hora

10 am – 2 a i ka 4 pm.          967 4m

 

PAPA! PAPA!

NO

ALLEN & ROBINSON

UA WEHE AE NEI MAUA I

PA KUAI PAPA

MA

KA UWAPO O PAKAKA

     Na Papa Ulaula o na ano a pau.

     Na Papa Paina o na ano a pau.

     Na Pili Hale Ulaula.

     Na Pili Hale Keokeo.

     Na Pepa Hoonani Hale.

     Na Pepa Molina.

 

Na Pena a me na Aila Pena

NA KUI O NA ANO A PAU.

 

NA PANI PUKA a me

NA PANI PUKA ANIANI.

     NA PANI PUKA a me

     NA OLEPELEPE.

 

NA LAKO KUKULU HALE

O NA ANO A PAU!

E KUAIIA MA KE

KE KMUKUAI HAAHAA LOA

O keia Makeke.

ALLEN & ROBINSON

Honolulu a o 1, 187@      8@3 tf

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

Keokeo, Leponalo,

Penn, Aila, Aniani.

HA MEA PIULA!

KOPA, AILA HONUA,

AILA HOOMALOO

 

Kui Kakia, Pakeke,

Tabu, Kaula, Noho Lio,

Hulu Palaki, nu Pulumi.

A HE

AGENA NO HOI NO NA MOKUPUNI O

HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

     Na loe kapono I ka wawae.

     Palulu Huluhulu,

     Na Loie Huluhulu,

     Na Loie no ka hoohehelo ana

     Lipini, Lihilihi, &c.

 

LIPINE, HIHILIHI, &c.

 

A ME NA

Mikiai Humuhumu Makeponoloa!

A ME

MAU MEA AI KAHI

Ka palaoa, Kopaa,

Raiki, Pia, Hoohu,

Paakai, Huaala,

Pia Kulina, &c

 

A he Laau Lapaau Kaulana Iea

A DR. JAYNES.

Laau Kono.

     Laau Hoomaemae Koko,

     Laau Ho opau Naio,

     Penikila, Huaale

A ME NA LAAU HAMO,  A PELA’KU

840 tf