Ka Nupepa Kuokoa, Volume XX, Number 4, 22 January 1881 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XX. HELU 4}            POAONO, IANUARI 22, 1881.       {NA HELU A PAU 999.

 

KA NUPEPA

Kuokoa me ke Au Okoa

I HUIIA.

@HOOLAHA :--O na Olelo Hoolaha @kakau lima, he Hookahi Dala no ka mua ana: elua puka ana, he $1.50; ka mahina, he $2.00

@KA@ A ME NA MELE: He 10 Ke@ ka lalani hookahi, ua like m@ lalani.

@AHA MAU: E hoomanao na maka@ kom@ mai i na olelo hoolaha ma@ awakea Poaha, i ole e kaukai ia @ i pule ae.

@ na lehulehu, aole e hoopuka @ laha, Kanikau a me ke Mele @ kaa m@a ia mai ka uku.

@ pololei mai i na leta i ka Nupepa

 

@LELO O NA LA

--O KA—

@u Visakauna Nelekona,

@E DUKE O BERONETI.

@A@ a ANA O NA AUMOKU KAUA

@E@ANIA,--A ME KO ENELANI

MAU PAPU LAAU, &c.

A@A KAUA MA KOPENAHEGENA

@E@A mau olelo maikai a ke Keiki @ maloko o keia leta, komo hui@u la ia mea iloko o ka puuwai o ka Nelekona, no na hookipa aloha a ke @ Denemaka, aka, o ka manao paa o @a, aole oia e luli ana, nolaila, ma@ kona hooko ana i keia noi a ke Keiki @akau mua iho la oia i kekahi palapala K@kahi ana i manao ai he kupono ke ak i imua o ke Keiki Alii.

@ hora 2 o ka auwina la, kau aku la @ Nelekona maluna o kona waapa i @ na Kapena Haki me Frementle. @ i aku la ka waapa o ka Adimara@ u la ma ka uwapo alii maloko o na @ Kopenahegena.

            @ manawa i pili aku ai ka waapa o ka @a, kani koke mai la ka leo o na me na pahu, e ku laina ana na koa aoao elua, e ku kokoke ana o Kenela o @na ma ka aoao o ke k@a Moi me @apa piha, he Elele na ke Keiki Alii o ka Haku Nelekona, pii mai la ua @akona nei a ku iho la ma ke kae o ka o a ia manawa na kanaka i hooke ae a @anei—na leo huro he mau tausani @ pihoihoi, no ke kanaka a lakou i lohe @--na ua eueu la i pailata mai na au@ Beritania no ke kahua enaena o ke o keia mau leo hauoli i huro ia aku a hanohano, wehe ae la ka Haku Ne@ kona papale gula mahiole a pa@ ma @a hema, a ia manawa ka Elele Alii @pa aku ai i ua Nelekona nei no ke @o@, a i kona lohe ana i keia mea, ua @u ia oia i ka hanohano o ke kaa alii, @wi aku oia i ka mahalo no ka hoouna @ mea, a ua oluolu hoi oia e hele aku me kona mau hoa'loha imua o @Alii.

            @awae aku la ka Adimarala me na ei@a, a e ukali ia ana hoi lakou e na o na kanaka, a i ko lakou wa i hiki iloko o ka halealii, hele mai la ke Alii me ka hanohano nui, a aloha mai Adimarala e like me ke ano mau a, iki iho o ko laua aloha ana, hoolau@a ka Haku Nelekona i kona mau Ka@ke Keiki Alii.

            @he mau mea ano nui no keia ike alii @, hookahi wale no mea nui, mahope @o lakou paina awakea ana, waiho aku @aku Nelekona i na kumu o ke Kui@a i makemake ai imua o ke Keiki @e ka olelo o kekahi pauku o keia Kui@ oiala, iloko o na la elima,--e pane @e Keiki i ka alihihaua o ke ahi Ha@ kona, a i ole oia e apono i keia mau ma ke ahiahi o ua la elima la—e ki@ hu ia ai ke kulanakauhale o Kope@ na iloko o na lapalapa ahi.

            @ia mau kumu ana i waiho aku ai, @ne mai ke Keiki Alii no ia mea, @iho ae la oia ia mea imua o kona Aha

            No ka mea, ua hooholo mua ke @hi opiopio i kona manao, aole oia e @ku i ka lanakila a hiki i ka wa e a @ kulanakauhale e na lapalapa ahi @ai oia @ o ke aupuni la o Rusia, @ mai laila mai e loaa mai ai na kokua no kekahi kahua kaua hou aku.  Ma ka auwina la o ua la nei, huli hoi mai la ka Adimarala i kona mau aumoku.

            Oiai na aumoku e lana nei i keia manawa, ua loaa iho la kekahi hoopaapaa ana mawaena o ka Haku Nelekona a me ka Alihikaua Sir Haida, a o ka hopena o ia mea, aole i hooko ia na kauoha a ka Alihikaua.  O keia mau hana ano e hou a keia Alihikaua e makemake nei, e lawe ae i ka mana o na aumoku pio malalo ona, he mea ano hou ia iloko o na lawelawe kaua moana ana.  O na kumu ano nui a Nelekona i kakau ai no ke kuikahi a waiho ia aku imua o ke Keiki Alii, o Sir Haid Paka ae la kekahi kuleana iloko o keia hoolala ana o ke kuikahi ma o kona hoouna hou ana aku he Kuikahi hou Ke hele nei ka Alihikaua imua ma kana mea i manao ai he pono, a ke hele nei no hoi ka Haku Nelekona ma ia kulana hookahi ma kana mea i manao ai he pono.  Ina me keia nei keia mau Alihikaua e hana ai, o ke kulike ole o ka manao o kekahi me kekahi, alaila, e kahea aku ke aupuni o Enelani i Alihikaua hou ae, a i ole oia e hana pela, alaila, e hoolilo ia no auanei ka inoa laahia o na aumoku Beritania e keia mau kanaka i mea ole.

            O keia mau hoopaapaa ana mawaena o ka Alihikaua a me ka Haku Nelekona, waiho loa aku la ka Alihikaua i keia mau hana hookiekie a ua Nelekona nei imua o Adimarala Earl St. Vincent, ka Alihikaua Kiekie o na aumoku ma ke Keena Kaua ma Enelani, a na keia kanaka hookahi e hoapono mai na mea pololei o laua.

            O ke ano nui o na olelo no na pauku o ke Kuikahi a Nelekona i ke Keiki Alii, e hana ia ke Kuikahi iloko o na la pokole, a e loaa hoi ka maluhia i na aoao elua.  O ka Aha Kuhina o Denemaka, nolaila kekahi kumu i paakiki loa ai ka manao o Keiki Alii, mamuli o ko lakou noho aloha hou ana ae me ka Aha Kuhina o ka Moi Lui o Farani, i kokua pu ia mai hoi e na Kuhina o Paulo, ka Moi o na Rukini.  O keia mau mana nui a pau,--aia o Enelani iloko o kekahi kulana pilikia loa, me kona wahi Aha Kuhina uuku, aka, o ka manao lili o ke kanaka puuwai oiaio no kona aina, ua olelo o Wiliama Piti, ke Kuhina Kaua o Enelani, i ka lohe ia aku ai ke auhee ana o na Denemaka maloko o ka Hale o na Haku i keia mau olelo:

            "He hookahi no o'u kanaka," wahi a keia Kuhina, "nana e ulupa aku i ka ikaika o @a mau aupuni—oia o Nelekona."

            Iloko o keia mau la pokole e nee hele nei aole no i loaa mai kekahi haina mai ke Keiki Alii mai.  O na lono mai ke kulanakauhale ae, wawa ae la ia e like me ke ano mau, a ua ku keia mau lono i ka weliweli a me ke kaumaha i na kanaka maloko o ke kulanakauhale.  Ua haawi aku ke Keiki i kana kauoha, e malama ia ka waha o na pukuniahi me ka makaukau ma na papohaku o Kopenahegena, a e ku makaukau na puali kaua no ka malama ana i ka maluhia o ka hale alii.  "E kaua i ka la apopo, a i ole ia la aku," wahi a ke Alii imua o kona Aha Kuhina, "aole au i ike i ke kumu e kanalua ia ai keia mau mea, oiai, ua makauke aupuni no na mea kaua, a heaha ka mea i koe."  "A no na enemi," wahi hou a ke Keiki Alii, "aole i makaukau loa na moku o ua Moi Pelekane nei iloko o keia kahua kaua i hala iho nei, a he mea hiki ole hoi i ke koa a me ke akamai o ua Adimarala la o ua Moi nei ke kii mai a kaili ae i ka ikaika o na papohaku o Kopenahegena."

            O keia mau huaolelo koikoi a ke Keiki Alii i olelo ai, aole paha oia e hiki ke kapa ia,--ua koa oia no ia hana ana pela.  Ua makapo anei kona mau maka i ka leta kaua a ka Haku Nelekona a ike ole oia i na manao maloko o ia leta kaulana?  O keia mau hana ino a pau a ke Keiki Alii no kona aupuni,--o ka Nelekona mau kumu o ke Kuikahi i waiho aku ai iaia, aole i loaa mai kona Aha Kuhina mai,--a o ka Sir Haida Paka mau kumu o ke Kuikahi i waiho hou aku ai imua o na mana o Denemaka, na ke ia mau mea i paila ae i kona inaina iloko o kona puuwai no keia mau hana, a i kona lohe ana hoi no na olelo i puka ae mai ke Keiki Alii ae, na ia mea i paumi ae i kona inaina me ka ikaika i ko ka mua.  A no ka ehaeha loa o kona naau no keia mau mea e hana ia nei, kakau iho la oia i keia leta ano nui malalo iho nei na kona Haku ma ke Keena Kaua ma Enelani, a o ka makamua hoi keia o kana leta iaia mai kona haalele ana'ku i na ae kai o Enelani, penei:

            "Heaha aku la ka mea i koe no keia Kuikahi," wahi a Nelekona i ka Alihikaua Kiekie, "ina wa@ e mau ma keia kulana, e hakihaki liilii aku au i ka lakou mau Kuikahi, a e puhi aku i ke kulanakauhale o Kopenahegena i ke ahi.  Ke ike nei au i na mea ino e hana ia nei—i ku i ka lepo a me ke kapulu, a o ke Keiki Alii ka Hooilina Moi o Denemaka nei ma ke poo o keia mau hana a pau.  O ko'u mau aumoku i keia manawa, ua makaukau mau lakou i na wa a pau,--ua ku na kia hou iluna, ua humuhumu ia na pea, ua makaukau na pukuniahi ma ko lakou mau wahi, a koe wale no na rigini aole i paa pono loa ma ko lakou mau wahi, aka, aole nae ia he mea no'u e kanalua ai ina o kekahi hemahema ia o ke Kuikahi."  "Ehaeha kuu naau a me ka wela o ka manao," wahi hou a Nelekona, "ke Iohe aku i na olelo koikoi a ke Keiki Alii, me he mea la e hoino ana i ko lakou Moi a me kuu aina; aka, ina o kona manao ia pela,--alaila, e haulehia auanei kona aupuni ke hoomau oia i keia mau hana, e like me Iakobine i rula ai ia Denemaka.  Aole i maopopo ia'u, heaha aku la ka hana i koe no ka'u Kuikahi mahope iho o kona apono ole ia ana, no ka mea, aole i loaa ia'u he mana e hana ai ia mea imua o ka Aha Kuhina o Denemaka, a pehea hoi ke Kuikahi a ko makou Alihikaua waiwai.  O ka'u mea wale no e noi aku nei ia oe, e haawi mai ko makou Alihikaua i na kauoha me ka moakaka, no ka mea, ina aole oia e hooko i keia mea, alaila,--e hakihaki liilii ana au i ka lakou mau Kuikahi, ina lakou e hana—i iwakalua Kuikahi a lakou i makemake ai, a i ole au e hana ia,--o lawe mai auanei au i ua Keiki Alii la no kana mau olelo—a e kunou haahaa aku oia me ka oluolu imua o na mea kaua o Beritania."

            O keia leta a Nelekona, hoouna aku la oia i ka moku kialua Laka, e lawe i kana leta imua o ka Alihikaua Earl St. Vincent ma Enelani, e hai ana no na olelo ino a ke Keiki Alii a me na hana loloiahili hou a ka Alihikaua Sir Haida.

            Ma ke kakahiaka o ka la 9, poha mai la na kukuna o ka la ma ka hikina mai me ka malamalama nui, a o ka piha ana hoi keia o ka lima o ka la i olelo ia ai maloko o kekahi Pauku o ke kuikahi, e pane aku ke Keiki Alii ia Nelekona, no kona apono ana a me ka ole, i kana mau hoolala ana no keia kuikahi; a iloko o keia kakahiaka i loaa hou mai ai kekahi leta ia Nelekona mai ke Keiki Alii mai, e kono mai ana iaia, e hiki aku oia i ka halealii ma ka hora 10 o keia kakahiaka.

            O keia la, ua manao na poe a pau, he la hookahe koko hou keia.  O keia po, o ke ahiahi ia e puhi ia ai o Kopenahegena i ke ahi, wahi a Nelekona e olelo ai.  O ke Keiki Alii, he mea pono no kona mau Kuhina ke hana i kekahi kuikahi me ka moakaka me ke kaulike o na aoaoa a elua, a e kamailio aku lakou i ka Haku Nelekona me ka oluolu, no ka mea, o ka manao o keia kanaka, ua paakiki loa ia e like me ka pohaku, a o ka hopena o kana mau hana, o ka hoohaahaa aku i ka hanohano o ke Keiki Alii a me kona Aha Kuhina, a o ka hoolilo aku i ke aupuni o Denemaka i mea ole.

            Mamua o ko Nelekona haalele ana iho i kona mau aumoku, wae ae la oia i mau hoahele nona iloko o ka Ahaolelo Kuikawa o Denemaka, oia hoi o Kenela ka Hon, Sir Chas. Steart, Kapena Sir Edewada T. Paka a me ka Rev. Mr. Scott, ko Nelekona kahunapule, &c.  No ka nui o na manao lili o kakehi poe no keia mau hana a Nelekona, kauoha ae la oia he 150 koa marina e hele pu ai me lakou ma keia huakai, a waiho aku la oia i ka maluhia o kona mau aumoku malalo o kana aikane Kapena Haki, me kekahi kauoha iaia, e makaala ae no na hana a ka Ahaolelo.

            Holo aku la ka waapa o ka Adimarala a me kona mau ukali iuka o ka aina, a i ko lakou pili ana aku i ka uwapo, pii wawae aku la lakou me na koa marina he 150, e malama i ko lakou maluhia oiai lakou ma ke alanui a me ka hiki ana aku imua o ke Keiki Alii, a i ko lakou wa i hiki aku ai iloko o ka halealii, hookipi aku la ke Keiki Alii ia lakou maloko o ka rumi Ahaolelo, oiai lakou e kali ana no kona hiki aku.

            O keia Ahaolelo a ke Keiki Alii, aole oia i hana i keia mea i kumu e pau koke ai ka pioloke o na mea a pau no ke kaua.  Ua kahea aku ke Keiki Alii i na Kuhina Noho o na aupuni e, na lakou e apono mai keia mau hoolala ana o ke Kuikahi a ka Haku Nelekona.  O na aupuni o Rusia, Suedena, Perusia a me Farani, he mau enemi ia no ke aupuni o Enelani, a ina keia poe Kuhina Noho o na Aina e a olelo ae iloko o keia Hale Hanohano, e hoomoo ia keia Kuikahi a e lawe hou mai i Kuikahi hou, alaila, ua kue keia Hale i kekahi pauku o ka Nelekona Kuikahi e olelo ana.—"Ina aole na mana o Denemaka e ae mai no ka apono ana i keia Kuikahi iloko o na la elima, alaila, na makaukau ka Haku Nelekona o na aumoku Beritania e puhi aku ia Kopenahegena iloko o na lapalapa ahi."  O keia mau olelo o kana pauku, ua lilo ia he kanawai no keia kanaka, a he mea hiki ole hoi iaia ke hoihoi hou i kana mea i olelo ai, ina aole i makemake na Kuhina Noho o na Aina eno ia Kuikahi, aia wale no a komo ka Alihikaua Sir Haida ma ka hooholo ana i ko lakou aoao, alaila, hiki ole mia ke hooko i kana kanawai, no ka mea, aia no oia malalo o ka mana o keia Alihikana.

            Oiai na mea a pau e noho nei me ka maluhia, ua koho ae la ka Hale he ekolu mau Komisina no ka hooponopono ana i kela kumuh@na ano nui.  O ka pauku ehiku a ke Komisina Rusia i heluhelu mai ai o ke Kuikahi hoolala a Nelekon@ e olelo ana,--"Mahope iho o ka apono ana o na mana Denemaka e lawe aku i keia Kuikahi, aole ka Haku Nelekona a ka@au inoa aku no ka hooholo loa ana i ua Kuikahi la, a hiki i ka hala ana o na hebedoma he 16.  No ka mea, o ka loihi o ka manawa, oia ke kumu e hiki ai kekahi kahua kaua hou aku iloko a na kai o Rusia, nona ka loa mai keia wahi aku he 600 mile a oi.

            O na olelo a keia pauku, he mea ia e hookaakaa ae ai i na maka o ke Komisina Rukini, ma o kona ik@ maka ana iho i na olelo a keia kanaka ko@ nui wale.  O ke Komisina Denemaka, h@li ae la oia a kamailio aku la ma ke ano like me keia pauku no ka hookahe koko, a i manawa i lohe mai ai ka Haku Nelekona i kona kamailio ana aku, me kona huna i ka oiai@ o kona manao hookahe koko, nolaila, huli ae la oia me ka wikiwiki, a pane aku la ia Kenela Stewart me ka leo hawanawana ma ka olelo Farani, penei:  "E hoouka hou anei ke kaua!" wahi ana, "E hai aku oe iaia, ua makaukau kakou i na minute a pau.  Ua makaukau e kipoka pahu i keia kula@akauhale i keia po."

            O keia mau olelo a Nelekona olelo aku ai ia Kenela Stewart, ku ae la oia iluna a pane aku la imua o keia hale hanohano e like me ke keikikane, a ma kahi e olelo ana e kipoka pahu aku i ke kulanakauhale, ua pioloke ae la na mea a pau o loko, a ia manawa i pale mai ai ke Komisina Rukini i ka mana o keia kamailio ana imua o ka hale, oiai oia e kamailio an@ he Komisina i koho ia no keia hana, a ne ia kumu o kona hana ana pela, ua ulu ae la ka haunaele hoopaapaa mawaena o na Komisina a me na Kuhina Denemaka kue i ka Haku Nelekona a me kona mau ukali.

Aole i pau.

 

KO LIMAIKAIKA MANAO.

            Oiai ua hoopuka ia ma ko "Hawaii Paeaina o ka la 15 o Januari he leta na Wilikoki, kekahi kanaka opio i lawe ia i Europa no ka hoonaauao ana, a ma ia leta ke hoopuka nei oia i na olelo hooio no ke kulana kiekie o Moreno, ua manao au he mea pono ia'u ke noi aku i ka poe heluhelu e hoolohe iki mai i ka'u olelo no keia wa.

            Ma Wasinetona au he mau la pokole mahope iho o ka hiki ana ae o ka lono ua hoonoho ia o Moreno ma ka oihana aupuni.  Ua hai ia mai au e na luna aupuni o laila ua kamaaina lakou ia Moreno no na makahiki he nui, a he kanaka kuewa ia; a o kana hana ma ia wahi, oia no ka lawelawe ana ma na hana e hoea ae ana imua ona, ina paha he pono a ina he hewa, i mea e loaa ai kona ola; a ina no aole i hoike ae o Mr. Comly a mea e ae paha i kona ano, ua ike mua no lakou.  Ia'u i hiki ai ma Nu Ioka, ua hai mai ke Kanikela Italia ia'u aole i hoike ae o Moreno ia ia iho ma ke ano he Italia; a o ua Kanikela Italia nei, aole no oia i makemake ia Moreno e hele mai i kona Keena.

            Oiai ua olelo o Moreno ua lawelawe pu oia me ka "Ahahui no ke pale ana i na hana hoomainoino i kamalii," ua ninau aku au i ka Luna nui nona.  Hai mai kela ua ike no ia iaia, aka aole oia i makemake e lawelawe pu me ia.  Ua hai mai ia'u na kanaka e pili ana i na nupepa, he kanaka kupono loa o Moreno no ka hoopunipuni ana i ka lahui Hawaii.  Ia'u i hiki ai i Kapalakiko na halawai au me Gyrus W. Field, oia ke kanaka i kaulana a puni ka honua nei no ka hoomoe ana i na uwea olelo malalo o na moana.  Ua ninau aku au ia ia ina ua ike oia ia Moreno.  Pane mai la oia:  "Ae, ua ike kahiko au iaia, a ke manao nei au he kanaka ino oia.  He hana ka'u i lawelawe ai me ia.  Ua maa oia i ka hoala mau ana i na noonoo ano ole no na uwea telegarapa.  Ua apuka oia i k@'u waiwai a hiki i ka $2500.  He ma@lea oia, a e hoopunipuni mau ana oia nona iho imua o kanaka, me he mea la oia kekahi o ka p@e maikai."

            Ke manao nei au he mea pono i na kanaka Hawaii ke lawe mai i na olelo @o a Mr Field, he kanaka akama! loa oia, a me ko Wasinetona poe, mamua o ka hoolohe ana ia Wilikoki, ka mea i noho mau maanei, a aole no hoi oia i ike i na hana maalea o ke ao nei.  He lehulehu wale na kanaka ma@lea ma na aina e, e imi nei i ko lakou ola ma ka hoopunipuni ana me ka hoowalewale ana i ka poe anao like me Wilikoki.  He iwakalua makahiki ko'u @o ana ma Nu Ioka a loaaka ike e hiki ai ke hoomaopopo i ke ano o kanaka, a he mea minamina no'u ke hoike

aku, he nui loa ke dala a'u i uku aku no keia ike.  Ia Moreno e noho ana maanei, aole i ike maopopo ia kona ano.  He mau palapala ma kona lima a me na nupepa e hoomaikai ana Ia ia.  Ina ua kuhihewa kekahi poe maanei no kona ano, aole ia he mea kupanaha.  O kela kanaka akamai loa, o Mr. Field, oia no kekahi i kuhihewa no ko Moreno ano.  A pehea, e haohaoanei kakou, ina ua kuhihewa kekahi poe he lehulehu maanei ma ia mea hookahi?  He mau manao maikai no kekahi a Moreno, a me na noonoo kupono.  Ina i hiki ia ia ke hooko ia mau manao, ina no ua loaa he mau pono.  Aka ua ike pinepine ia, i kahi wa ua hoopuka ia na manao maikai e ka poe kolohe loa, a ua hana ia no hoi kahi mau hana maikai loa o keia honua e ka poe lapuwale.  Aia nae ma ka hopena ka poino.  E lawe mai ana lakou he ino no ka poe e noho pu ana a e hana pu ana me lakou.

            O ka poe a pau i heluhelu i na moolelo, ua ike lakou o na lahui ano like me ko Hawaii kai hoopunipuni nui ia e na haole i ao ia a akamai ma na aoao kekee ma na aina nui.  Ke hai aku nei au, o kekahi o na mea kamahao o ka honua mai kinohi mai a hiki i keia wa, oia no ka hana pono ana'ku o na haole i na kanaka maoli ma keia Paemoku.  O makou ka poe i hanauia ma keia aina, he aloha nui ko makou no ka lahui Hawaii, a ua lahui nei i hoomaopopo ole ai.  A aole no paha makou i manao e hoomaopopo ia mai ana.  Aka e hana aku ana no makou i ka pono, no ka mea, ua kauoha ia mai keia ia makou mai na makua mai.

            A ke manao nei makou e hooi aku mamua o keia.  Ke manao nei makou ina he mea hiki, e hoola i ka lahui Hawaii me ka nana ole i kana keakea iaia iho.  Ua hoopuni ia ka lahui me na mea e hoopoino ai, a ka lahui hoi i ike ole ai nona iho.  Aole makou e kali ana a hiki i ka wa e noi ia mai ai e kokua i keia lahui; aku e lawelawe ana no makou e kokua, ina no me ke noi ole ia mai.  Ua noi aku ko makou poe makua i na'Lii kahiko, e haawi i aina no na makaainana.  Ua ae na'lii, a ua loaa i kela a me keia he home nona ilio.  Ua hana o Kamehemeha III., i kekahi o na hana hanohano loa i ikea ae iwaena o na Moi o keia honua.  Ua haawi oia mamuli o kona makemake iho, i kona mau aina no ka pomaikai o na makaainana.  Ua kokua ko makou mau mak@a i keia hana, a ua hooko ia.  Ua noho ona ko Hawaii maluna o na ainu mai Hawaii a hiki i Niihau.  Ina ua nele kekahi poe; nowai la ka hewa?

            Ke lohe nei au ua hoahewaia makou i kekahi wa.  Ae, ua hemahema no ka hana ana i kahi wa, a ua kuhihewa.  Aka, ke manao nei au, ua maikai o loko o makou.  E like me ka loihi o ko makoa lohe ana i na leo hamau mai na ilina mai o ko makou poe makua, ka poe i hoopau i ka lakou hana a e hoomaha nei i ka luhi, pela no e pono ai o loko o makou.  Ua laahia ia makou keia aina a pau.  Aia mahope iho o ka luakini o Kawaiahao he wahi ilina, he wahi laahia i aloha nui ia e a'u mamua ae o na wahi e ae a pau o keia honua.  Aole makou e hele hewa nui ana ke malama pono makou i na hoomanao ana no ia poe.  Ua ike au, ina e mau ke emi ana o ka lahui Hawaii, e hiki mai ana he manawa e pono ai ke loaa aku ia lakou na malama maikai ana a ka makua e haawi ai i kana poe keiki uuku.  E loaa ana i ka lahui ma, o makou la, ka poe i hanau ia maanei, a me ka poe e hana pu ana me makou, he puuhonua e pono ai oukou no na manawa a pau.

            E hoahewa mai ana no paha kekahi poe alakai o ka lahui ia makou, a e hoino mai no kekahi poe me na hana kuee, a e huhu no paha kahi poe.  Aka, he mea ole ia ia makou.  E hana aku no makou i ka pono mamuli o ka malamalama i loaa mai ia makou, a aole ma ka malamalama ia lakou la.  He nui na kumu keakea e hookui ana me na hana a ka Moi, na mea a ka lahui i ike ole ai.  Ua maopopo ia'u, o Kona makemake o ke alakai pololei, a he pono e hilinai lakou maluna ona.  E hana pu kakou e pono ai.

W. N. LIMAIKAIKA.

 

He Nui Anei Kou Makemake i na

Mekini Humuhumu Lole?

Ina pela, alaila, e kipa mai no ma ka Halekuai

--:o:--

KAKELA A ME KUKE.

A malaila oukou e ike ai a makaikai i na ana MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.

Ka MEKINI a SINGER,

ma ke $50 pakahi, a me ke ano

            MEKINI a WILCOX me GIBBS, ma ke $30 a hiki i ke $50 ke kumukuai.

            I mea e pau ai ko oukou kanalua e na Makamaka no ke kupono o keia mau ano Mekini, e nane mai no me ke kuihe ole, a e ike no oukou iho.          862 tf

 

MAIKAI KA HOI KA PAPA!

-- A ME—

KALAAU O KOU HALE!

NO HEA LA@

KAI NO HOI NO KAHI O

WAILA MA!

 Nana aku no hoi ia la

            Ohi ka lo o ka Laau o Makawao

                        I ka ua mea hoi o ka nani o

Na PAPA!  Na PAPA!!

--A ME—

NA PONO KUKULU HALE

O NA ANO NO A PAU.

Aia ma ke kihi o na

ALANUI PAPU me MOIWAHINE!

HONOLULU

MALAILA E LOAA AI

E LIKE me ka MAKEMAKE

--NO KE—

KUMUKUAI MAKEPONO LOA!

PAPA, PAPA, PAPA,

            Na Papa Huluhulu,

                        Na papa Manoanoa,

                                    Na Papa i kahiia,

                                                Na Papa Kepa

                        Papa Hole Keokeo,

            Papa Hele Ulaula.

NA LAAU, NA LAAU!

Na Kua,

            Na Kaola,

                        Na Aaho,

                                    Na Molina,                                         

                                                Na Peapea,

Pine Huluhulu,

                        Pini i kahiia.

NA Papa a me na Laau Ulaula!

            Pili ulaula,

            Pili Keokeo,

            Pani Puka,

                        Puni Puka Aniani,

                        Ipuka Aniani,

                        Puka Olepelepe.

PENA O NA ANO A PAU!

Hulu Pena mai ka Liilii a ke Nui,

            Aila Pena,

                        Aila Hoomaloo,

                                    Waniti, Pate.

NA LAKO O KELA A ME KEIA ANO!

            Na Ami Puka Hale,

                                    Na Ami Puka Pa.

ANIANI!

Pepa Hale a me na Lihilihi

E LOAA NO MALAILA.

PAAKAI HELU I O KAKAAKO me PUULOA

            No ke Dala Kuike, e loaa no na mea a pau i hai ia ae la, no ke Kumukuai Emi loa.  O na kauoha a pau mai Hawaii a Niihau, e loaa'ku ana ia lakou, e hooko koke ia no ia me ka lawa pono.  E kipa nui ileila, i ike i ka oiaio.            90 tf5.