Ka Nupepa Kuokoa, Volume XX, Number 1, 1 January 1881 — Page 3
| This text was transcribed by: | Cyndi Defenbaugh |
| This work is dedicated to: | grandpa |
Ka Nupepa Kuokoa
KE KILOHANA POOKELA NO KA LAHUI HAWAII.
D H A KINIAKUA.
@@@ makaukau oia e hana i na an@ palapala pili kanawa a pau. Palapala kuai, Hoolimalima, Aelike, Oki @@ a me na @@ palalpala hoop@ kipaku aina,no ka uku kaakaa @@@@ no wau ma ka Hale Kula ma Pulehu, kula apana o Kakawae 972 @@
HOOLAHA I KA POE AIE.
O ka pau a pau i @@@ i ka mea @@@ ka inoa malalo ike, ke @@ke ia aku nei e hook@@ @oke mai iloko o na malama eula ma kea la aku, e waho ia aku ke lakea mau aie iloko o ka @@ e ka mea @@@. H A HEEN
Makawao, Nov 19, 1880 990-2m-997
kauka N. H. VINEBAGA.
MEDALA GULA. KULANUI McGILL
CANADA.)
UA NOHO lawelawe loko o ka Halemai of na Mai Wahine a me na Kamalii, mahope iho o ka lawa ana o kaua aoia @@ ma Lod@@@, Enelani.
LE@NA HANA—A@ea: Papa Helu 60
@@@ @@@@ --8—10 A.M, 2---4 @@@ 7-9 P. M.
No ka po, e buk! ka bele. 9@0 lm
BENI H. AUSTIN,
LOIO A HE KOKUA MA KE KANAWAI.
alanui Kaahumanu, Helu 13. 970 tf.
KAKELA a me HAKI.
UA IKE aku @@@ ke oukou mau Lolo mai ka pili pu ana me ke Keena Kookea a i ke Alanui Kaahumanu Helu 13, ma o mai o ka Baeko o Bihopa ma.
Ua makaukau mau maua e lawelawe i na hihia a pau ma @@@@@ a me ko na mokupuni. E hooko la na Palapaia K@@. Hooil@mal@ma a me ka Mo@aki me ka eleu. He Luna @@@@@ Palapala no hoi o W R Kakela 980 tf
UA MAKEMAKE IA
NA ILI BIPI,
NA KIWI BIPI,
NA IWI BIPI,
I haawi ia no ke kumukuai kiekie o ko kakou makeke nei e H. Haokfeld & Co.
Honolulu, Mei 22, 1880 964 ly
He Nui Anei Kou Makemake i no
Mekini Humuhumu Lole?
Ina pela, alaila, e kipa mai no ma ka Halekuai
---:0:----
KAKELA A ME KUKE.
A malila oukou e ike ai a makaikai i na ana MEKINI a WHEELER a me WILSON mai ke $40 a hiki i ke $50 ke kumukuai o ka mea hookahi.
Ka MEKINI a SINGER,
ma ke $50pakahi, a me ke ano
MEKINI a WILCOX me GIBBS, ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka no ke kupono o keia mau ano Mekini, e @@@@ mai no me ke kuihe ole, a e ike no oukou hoi. 862 tf
MAKEMAKEIA.
Ua makemake ia ka poe mea ILI KAO MALOOO a me na ILI BIBI, a pela hoi me @a ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke
C BREWER & CO. (Burua Ma.)
Honolulu, Sept. 29, 1880. 9-3 3m
HOOLAHA WEHE I KA HUI!
O ka Hui mawaena o ALFRED MELLIS a me CHARLES J. FISHEL, ua wehe a ua hoopau loa ia i keia la 9 o Sepatemaba, 1880, me ka manao maikai.
Ua pau o Mellis; a o Fishel ke hoomau aku ana i ka lawelawe ana i ka nana ma kahi i ku mua ai ka oihana; a e lawelawe no ia i na mea a pau o ke kuai ana ma kona inoa wale no.
O ka poe a pau i aie i keia Hui mamua, e uku mai lakou ia J Fishel, oiai, oia wale no ka mana e ohi i na dala a pau, a e haawi i na Palapala Hookaa.
A. M. MELLIS,
Honolulu, Sept. 9, 1880. CHAS. J. FISHEL.
HOOLAHA.
ANO KA WA NO OUKOU E KUAI AI!
ME KA MAKEPONO LOA.
E kuai aku no au i kuu mau waiwai nona ka huina he $18,000, imua o ka lehulehu ma ke kumukuai emi loa e kahaha loa ai oukou, ma na kumukuai i emi iho i ko na hale e ae, a malalo iho hoi o ka hapaloa o ke kumukuai io
.
E HELE MAI E KAANA NO OUKOU IHO!
E hooemi ana au i ko’u mau waiwai a pau, i kaawale ai no kahi o ka waiwai hou a’u e upu mau nei i kela a me keia la mai Europa a ma Enelani mai.
C. O. P. BAZAR.
CHAS. J. FISHEL.
Honolulu 981 tf
KALE KULIKA,
LUNA HOOIAIA PALAPALA KUAI,
Molaki, a me na palapala oia ano.
LUNA HOOIAIO PALAPALA
Aelike mawaena o na Haku me na Kauwa.
Luna Haawi Palapala Ae Mare
Ma ke kihi o ke alanui Moiwahine me Kaai @@manu, kulanakauhale o Honolulu, ke Hawai Pae Aina. 906 tf
KALE NILEKONA,
KAUKA LAPAAU.
Kaena ma ke kihi o Alanui Papu me Ho@le
HONOLULU
O na mai @ ka Maka,
Pepeiao a me ka Puu,
UA MAKAUKAU OIA MA K LAWELAWE ANA.
961 ly
KO BIHOPA MA
BANAKO MALAMA DALA!
E MALAMA NO MAUA I KE DALA o na kanaka maloko o ka Banako, penei:
Ina @@@@ mai ke kanaka hookahi i na dala $500 a @@@ paha alaila, o aku mana i @@@@ hapahaneri @@@@@ makahiki, mai ka la o ka lawe ana mai a hiki i ka ia o kona ohi @@@ ke dala hoomoe i ekoia malama a kea paha. Aole @@@@ e hela la no ka kakina o ke dala hookahi, aole no hei no ka hapa malama. i eko@@ malama a k@a paha.
Ina @@@ @@@ @@@ i k@@ dala, aole i hala ua malama ekolu @@@@.
Ina i manao ke kanaka e oiwi i kanaka @@@ ke hoike e mai oia ma ka Banako i kona manao ohi, i kanakola manao o kona ohi ana a o kan @@ ekekahi ke lawia mai.
Ma ka @@@ waie me a ka a @a@a haa@i@i i k@na, a @@@@@@ ka@@@ mai.
Ma ka la @@@@@@@ i hela makahiki a i keia, o ho@@@@ @@@@ me ke kumupaa o na dala@@@@@ no na malama eloku a keu , a mahuahua ke @@@ e loaa i ka ulupanee.
Ina @ aku ke dala hoemoe mamua o $300. alaila, hooholo pa ka@@@.
@@@ BISHOP & CO
NU HOU! NU HOU!
MAHOPE AKU O KA LA 10 IANUARI, 1880, I HOO maka ana makou malalo o na @aia
DALA KUIKE,
I ka Loaa ana aku o ka Waiwai i ka Mea Kuai.
E hookahua ana makou i ka makou oihana malalo o ke DALA KUIKE, kuai ia aku ana na loko waiwai a pau no ke Kumukuai malolo iho o ka
MEA I IKE IA MAMUA
E LIKE ME KA LILO.
He Huina nui ko makou o na Oo, Kopala Ho, &c., &c. i kuai ia mamua ae o ka hoopii ia ana o ka auhau o ka poe nana i hana.
HE MAU LAKO NUI KO MAKOU
O NA
PALAU
A makou e kuai aku ai no ka $7 a hiki ka $7.50 Malalo iho o ke Kumukuai mua no kela a me keia PALAU.
Ano ko ou kou manawa kupono e looa ai na waiwai makepono loa.
E hele mai Hookahi, e hele mai a pau loa.
Dilinahama MA.
942 ii 73 Alanui Papu.
ANO NO I LOAA MAI NEI!
NA KAA LIO HOLO LEALEA!
Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa maio ka Hui o Cortland ma Nu Ioka.
Dillingham & Co.,
876 tf Na Agena kuai ma Hawaii nei.
CECIL BROWN.
LOIO A HE KOKUA MA KE KANAWAI
A HK AGENA no ka Hoolalo ana i na Palapala no ka Mokupuni o Oahu.
Helu 8. Alanui Kaahumanu. Honolulu, H.P. A. 2y.
MAKEMAKEIA
NA MAKEMAKE IA NA
ILI BIBI MIKO HOU
A ME NA
ILI KAO
E haawaiia ke kumukuai kiekie ma ke dala kaikee
HUGH MACKAY.
Luna o ka H@le Hana Ili ma Kaholaloa, Honolulu.
E kuai ia aku na Huluhipa he nui wale ma ke kumakuai makepono no ke dala kuike.
Honolulu, Feb. 16, 1880. @61-lf
Hoolaha Haukipila
Ua hamama na puka o ka Hale Mai o ka Moiwahine i na wa a pau no ka lapaau ana i na mai o na kanaka Hawali me ka uku ole. Ua wehe ia no hoi ke keena haawi laau o ka Hale Mai i na la a pau mai ka hora 11 a hiki i ka hora 1 o ke awakea, no ka haawi wale ana i na laau lapaau i ka poe mai o kela a me keia ano.
O ka poe makemake ole no ka noho ana ma ka Hale Mai, he hiki ia lakou ke kii i ka laau iloko o na hora i olelo ia, a ma ko lakou mau home e lapaau ai.
Eia kekahi: Ina ua hemahema kekahi poe mai i kahi kaa ole a mea e ae paha e hiki @ i ka Hale Mai, e mo@o ia Mr. J H Brown, (Palaunu) a e kokua ia no me ka oluolu, Ma ke Kauoha, F. A. Schaefer.
982 @m Kukauolele.
KE KANAWAI.
HELU 1.
NO KA WAIWAI PAA
Ua manao ka Mea Kakau he mea pono e hoomaka i na pepa nona ka poo “Ke Kanawai” i keia M. H. 1881, ma ka wehewehe ana i ke ano a me na Kanawai i pili i ka Waiwai paa.
(1) Oa ka Waiwai-paa, oia ka aina, a ua manaoia ua pili keia olelo i na mea a pau e ulu ana a i kukuluia maluna, a me na mea a pau maloko o ka lepo, oia hoi na metala. He olelo kaulana, “He kuleana ko ka mea nona ka aina a hiki i ka lani maluna iho o kona aina a hiki hoi i ka piko waena o ka honua malalo iho o kona aina.”
(2) Pehea hoi na kai, na loko ia, na muliwai? He waiwai paa anei lakou? Ina i ukuhiia ka wai, a lawe ia ma ka pakeke a hookahe ia ma ka aina alaila ua pau paha kona ano waiwai paa a lilo iho la i waiwai lewa. O ka pono lawaia no kekahi Ahupuaa he waiwai paa paha—he waiwai lewa peha? O ka ia maloko o na loko a me na kai he maopopo loa he waiwai lewa no. Ua manaoia o na kai lawaia he pomaikai ia e pili ana i ka aina;----ina e lilo ka aina ma ke kuai, lilo pu ke kai lawaia. O na loko ia i puni ia me ka honua a me na kuapa he waiwai paa no ia.
(3) Ina i kukulu o A he hale ma ka aina o e me ka ae ana o E, aohe nae kuleana o A ma ka aina, alaila o keia hale he waiwai lewa ia no A. Aka hoi ina he kuleana ko A ma ka aina —(penei ina oia ke kane hou a kekahi wahine kane make nona ka aina a he hapakolu kona (Dowa,) alaila o ka hale a A i kukula he waiwai paa no ia.
(4) O na mea ai ulu i kanu ia e ka mea nona ka aina he waiwai paa ia. Aka ina i kanu ka hoa hoolimalima o ka aina i na mea olu e oo ana i ka makahiki hookahi a ua oo no, a i ole ia ua kanu ia ia paha e ka hoaaiana i akaka ole ka loihi o kona noho ana, alaila ua manao ia he waiwai lewa keia mea kanu” aka ina i haalele wale ka hoa hoolimalima i ka aina, alaila lilo iho la ka mea kanu i mea paa i ka honua—waiwai paa.
(5) O na laau i kanu ia no ka wahie a no hua ai paha (trees) a i ulu wale ma ka aina he mea paa no lakou i ka aina a he waiwai paa lakou. Aka ina e hoolimalima kekahi mea i ko hai aina i mea e kanu ai na laau a nui kupono alaila oki a kuai, o keia laau oiai e mau ana kona noho’na hoolimalima laau oiai he waiwai lewa ia. Pela no, hiki ke hoomalu ia (ma ke ano waiwai lewa) ka mea ulu i kanu makahiki ia a oo kupono no ke oki i mea e hookaa ai ka aie no ka poe hoopii.
(6) I kekahi manawa ma ke kanawai, o na mea lewa, hiki ke lawelawe ia ma ka lima a ua kaawale lakou mai ka aina aku, loaa no ia lakou i ano waiwai paa, a ina i kuai ia ka aina lilo pu lakou i ka hoa kuai, a i ka hooilina o ka aina. Penei, o na kio na puka komo hale, na olepe, puka aniani, na apana o kekahi mekini hao, i hookaawale ia i mea e hana hou ai, a pela no na apana o kekahi hale i hioloia e ka makani. Ina i kuai kekahi hale olo papa, lilo pu na kaulaliao huki i na pihaa. Pehae hoi ke ko e ulu nei ma na mahiko he waiwai paa ia he waiwai lewa paha? Mahope e pane aku i keia.
(7) Ina he hui i hoohui ia mamuli o ka aelike (Partnership) a i hoohui ia malalo o ka palapala hoohui o ke Aupuni (Charter) ina he aina ko ia mau hui, lilo iho la i waiwai lewa no ka poe iloko o na hui, a ua pili malaila na kanawai a pau o ka waiwai lewa. Ina i make kekahi o ka poe hui o ka mahiko o Haiku, Wailuku a o Pahala paha, ili kona mau mahele i kana wahine a me na hoolina e like me ka ili ana o na waiwai lewa. Pela no hoi i na e kuai aku o C. Brewer & Co (Burua ma) i kekahi apana aina o kela hui no na pono oia hui kalepa aole e kakau pu na wahine o na hoa o ka hui, ma ka palapala hoolilo, no ka mea he waiwai lewa ke ano o kela aina. Aka ina kuai hui i na mea elua a ekolu a oi aku paha i aina, aole nae i hoohui maoli ia keia poe i hui kalepa a lawelawe kalepa, lakou, aole e lilo keia aina kuai i waiwai lewa.
(E nana i ka pauku 1446 o ke Kanawai Kivila.)
(8) O na lepo holoholona i haule maluna o ka mahinui i mea o hoomomona ai ka lepo he waiwai paa ia, aole hiki ka lawe ia ina i kuai ia ka aina; lilo pu no me ka aina.
(9) O ka rula nui ma keia mea mawaena o na hoa kuai aina penei:o na mea i kukulu paa, a i kakia paa ia, lilo pu no me ka aina i kuai ia—he mea ole no i na i hiki ke wehe ia mau mea me ka poino ole o ka aina—ua lilo no.
Ma ka Poakahi iho mei o keia pule e iho mai ana ke keiki a Awaawa mauka mai o ka hale paula o Puoina, maluna o ka lio a o kai ana i ka hoki mahope iho ona, e heleana i ka pa aupuni, A i ke kokoke ana aku i ka huina o ke alanui Beritania, hina iho la ua lio nei ilalo a kaa ke keiki malalo o ka lio. E kokoke ana ma ia wahi o Sam Paniani me kana poe paahao, he leo kana i lohe, “kokua, kokua, pilikia au.” A i holo aku ka hana, e waiho mai ana ua keiki nei iloko o kauwahi alualua a e kau ana ka lio maluna ona; ua kokua ia a hemo; pakele ke ola, e ole nae ka loaa koke ana ia Kamu pakele ai.
HOOLOHE!
Ma ka makahiki 1881 ae nei, o na moolelo o na Ahahui Lunakakiko o na Ekalesia a pau o ka Paemoku a me na moolelo Kuia Sabati o ia mau. Aha, e hoopokole mai i ka @OOKANI KOLAN@ o kela a me keia: a ina hoi i hooko ole ia keia e na Kakauolelo, alaila, na makou no e poke iho a i ka mea kupono.
Nolaila, a hoolohe oukou i keia Rula a makou a hoolaha nei e na Ahahui o kela a me keia ano, i heolahaia ka oukou a loaa nei ka pomaikai kaulike i kela a me keia m@@ heluhelu i ke KUOKOA. tf
E Hoolohe!
O KA poe a pau e makemake ana i ka NUPEPA KUOKOA no 1881, e kauoha mua e mai. Aole e hoouna ia ka Pepa ke ole e kauoha ia. A o na kauoha pakahi a pau, me ke dala wale no e loaa ai. He hiki no ke hooili mai i ke daia ma ka leta.
NU HOU KULOKO.
E noho ana ke kau Jiure o Honolulu nei ma keia pula ae.
O KA Poalima iho nei ka la hanau o ka Moiwahine Kapiolani.
O KEIA Poaono ka wa e ike ia ai na moho heihei o na lio ma Kapiolani Paka.
MAI na ohua mai o ka “Likelike,” i loaa mai ai ka lono, ua pau ke kuna “Liliu” i ka nahaha, i ma ke awa o Kawaihae Hawaii.
KE pau loa ae nei ka poe i hoomalu ia iho nei, ma kai o Kakaako, no ka mai pupuu liilii i manao wale ia ai iwaena lakou.
MA KA Pealua iho nei, i huli hoi aku ai ka mokuahi i lawe mai nei i na pake, io kakou nei ma kona ala moana.
Ua lohe mai makou e malama ana na keiki kinipopo o Pauoa i papaaina olioli Hape Nuia no lakou ma ka la 1 o Ianuari.
O KA fea a na pake, e manao nei e wehe ma ka Halepule o lakou, e ku nei ma Kaauhi, ua hoopanee loa ia. No ka manao ia o puka ae ka mai hebera.
UA hookaulua iki ia ka holo ana o ka Likelike, i ke ahiahi Poalua iho nei, no ka nui o ka makani mamua pono o kona alahele moana.
I KE ku ana mai a ka “Neti Mele” i kakahiaka Sabat aku nei i loaa mai ai kekahi lona; ua loaa he mai hevera i kekahi pake ma Lahaina.
MA ka Poakahi iho nei, i hoohui ia ai o Kanakahou k, a me Wainee w, ma ka berita o ka mare. Na ka Rev. H.H. Paleka, ma Kawaiahao.
UA haiamu ae na kanaka ma ka uapo “Likelike,” i ke ahiahi o ka Poalua nei, no ka manao e au aku ana oia i kona ala maa mau, haule e nae, ka manaolana o na ohua.
MA keia huli hoi ana mai nei a ka “Likelike” mai Hawaii mai, aole oia i ku ae ma ke awa o Mahukona, a me na awa o Maui. No ka inoino loa o ka makani.
Ua lohe ia mai e heihei hou ana o Kuikahekili me Lala Luka ma ke kahua heihei o Kalipahu, Ewa, ma keia Poaono la 1 o Ianuari.
Aole i hoomaopopo nui ia mai na lealea ano nui ma ka la Hape Nuia koe wale no paha na heihei lio, a me na kaa ma Kapiolani Paka.
MA KA Likelike o ka Poakolu iho nei, ua kau aku la ka Hooilina Moi, no ka malu Hekuawa o Wailuku; e hooluolu ai no kekahi manawa, a huli hoi mai i ke alo Alii nei.
KE hoomakaumakau nei na keiki oki mauu ai a ka holoholona o Honolulu nei i ahaaina Hape Nu la, a lima luhi hoi, ma ka Home o E. Mikalemi i hala ma Kapalama.
E HAAWI ana ka Epikopo he Pula Mesa Nui ma ka Halepule Katokila Roma i ka hora 10 o keia kakahiaka, no ka hoomaikai ana i ke Akua o ka loaa ana o ka makahiki hou, a he lulu kekahi e malama ia ana.
UA loaa mai kekahi lono mai kekahi makamaka mai o Hilo paliku, no ka nui o ka ona ma Pepeekeo i keia manawa. No ka nele anei o na kanaka o ke aupuni ma ia apana, i kii ole ia ai keia hana ino e hopu.
MA ka hoike kula Sabati o Kawaiahae i ke Sabati i hala, ua haawi mai la ka makua Rev A O Polepe i kekahi mau paipai a hoolana i ke anaina kula Sabati holookoa me na olelo waiwai he nui.
KE hoomaluia nei he huina nui o na pake o ka mokuahi pake mai Kina mai ma ka Hale Holoi Lole a ke Aupuni i kukulu iho nei ma kahi pili la me ka Uapo Hooliliamanu, no keia mai Hepela i puka iho nei.
MA ke ku ana mai o ka mokuahi kulana kauhale o Nu loka i ke ahiahi Poahe, ua loaa mai na lono no keia makani ino iho nei, a me ka ino o ka moana; ua lilo aku he elua mau luina a me hookahi waapa, me ka hoopoino ia o na puka o na rumi.
UA loaa aku ke kino make o S. Smith ia Maiau ko Kamoiliili ma ka huli maanei o Leahi e nana la ia Kapiolani Paka malolo o kekahi awawa, ua hai ia mai makou, he Ilio ka ka mea i loaa ai, a i ku loaa ana hoomaka oia e aoa, a lohe kona kahu hele mai oia ma kahi o ka Ilio a ike i ke kino o S. Smith. Oia nei ka makou i hoalaha ko ai i ka pepehi ana i kana wahine mare ia Kapela a make loa ma Kamoiliili.
UA wehe ia ae he halawai makaainana ma ka luakini o Kaumakapili, no na mea e pili ana i ka mai hebera, ua lawe ia mai kekahi olelo hooholo e John Sheldon, a heluhelu ia imua o ke anaina e hoahewa ana i ka Papa Ola. A ua ku mai o S. K. Kaai, a hoahewa i kekahi mau hoa o ka Papa Ola, a me na kauka i haawi ia ai ka mana e nana no ia ano mai. Ua hooholo ia ka olelo hooholo. He 150 apha poe i hiki ae.
UA hina kekahi Hale laau hou loa o Palolo i ke kikiao makani nei ma ke kakahiaka Poalima, pela mai o S. Kamai ia makou.
O KA Luakini pake e ku nei ma KIapauhi, ua paa kona mau hemahema a pau. A maka la Sabati Jan. 2. e hoolaa ia ai ua Luakini nei.
KE pa mau mai nei no ka makani mai ke kai mai i ke kulanakauhale nei, a ua hoomau no ke kunukunu a me ke ano o@aimai o kekahi poe.
MAI ia @ P Hoaai o ka na Kanilehua mai o Hilo i lohe ia mai ai, ke mau la no ka a ana o ka Pele ma kona kulana mua i ike ia aku ai.
MA KA Poaha o ka pule i hala, ua malama ia he hoike kula o na haumana o ke Kula Iolani, e ku nei ma Niupaipai. A maka po ana iho, he mau hoikeike kukui kai hana ia.
MA KA uapo o ka Likelike i ka Poakolu iho nei, oiai ka moku e makaukau ana no ka holo ana, ua haule iho la he haole, a me kekahi keiki opiopio, iloko o ke kai. Aohe nae o laua ola i poino.
O ke makou makamaka S. K. Mahoe o ka paia ala o Puna, ua hoolilo ia ae nei oia i Lunakanawai no ka apana o Waialua. Ke lana nei ko makou manao, e holo pono ana kana hana.
MAKA Poakahi iho nei, ua ulupa ia ae la kekeahi hale laina e ku nei ma Waianae, e ka makani a waiho ana ilalo. Ua hoomakaukauia keia hale, me ka manao e ahaaina maloko, palaha e nae ilalo.
MA ka po Poakahi a ao Poalua Dec 28, ua kii mai la ka make ia Makaliilii wahine a Mana ma Honolulu nei, a lawe aku la i kana o ka uhane, he kino ola maikai no kona, a he kunu wale no ka mai i loaa ia ia i kela po a o ka hala no ia. Aloha ino ia.
I KO MOLOKAI---O ka poe makemake i ke KUOKOA o keia makahiki no Molokai, e helo ae lakou i ko makou Luna oia o S J Kaeha no keia mau apana: Ka Apana o Kaluaaha, mai Kamalo a i Kainalu, Halawa Waialua a me na Honouli.
UA holo puiwa ae ke kaa lio o Kikila Baraunu, ma ke alanui Papu i ka auina la Poalua nei, aohe kanaka oluna. Ua manuheu iki ke kaa, moku na kaula huki, a holo aku ka lio, a loaa mai i kahi poe. Ua laki nae i ka loaa ole ana o kahi poino, i kahi poe e hele ana ma ua alanui la.
UA hoolele malu ia mai iuka nei i ka po o ka Poaha, he pake ua loaa i ka mai hebela mai ka mokuahi pake mai o Kina i ku iho nei i ke awa o Kou ne, a ua unu ia aku la noho i Kahakaaulana. A ma ka Poalua iho nei i holo aku ai ua mokuahi nei.
UA noi ia mai makou e kauoha aku i na lala o ke Kula Loio a W. R. Kakela, e akoakoa ae ma ko lakou keena kula mau ma ka hora 6 a me hapa o ke ahiahi o ka la 3, o @an, nei, no ka hoolohe ana i ka hoike a ka Puuku a me kekahi mau hooponopono e ae e pili ana i ke kula.
MA KA Poalua iho nei, ua haule kekahi haole mailuna aku o ka moku J. D. Speckles, mawaho ae o Koko. Ua hooikaika na poe oluna o ka moku e huli, aole nae he loaa iki, ua manao wale ia ua pau i ka mano. Oiai ka makani e kuehu ana i ka ili kai, a poi ia e ka ale haule aku la iloko o ka moana kaiuli.
MAKAI o Apua ae nei, ua hoopuiwa ia kekahi mau wahine haole a me kekahi mau wahine kananka me na keiki, e ke kikiao makani nui i iliki iho ai i ke kakahiaka nui Palima i hala, a holo nui aku la keia poe wahine maialo o kekahi kumu laau. a pule aku la i ke Akua, me ko lakou manao iho, o ko lakou hopena ia.
UA HALA.---Ma ka Poalua nei, Dek. 28. ma Kahalepu-ulu Waikiki-waena, ua hookuu mai la o Mere Kamalu w. i keia ola ana mahope o kona kaa mai loihi ana. He lala oia no ka Ekalesia Hoole Pope o Hilo. Ua haalele iho oia he mau makua lehulehu me na kaikunane, a me na hoa’loha. U wale ia i hala aku la.
UA HOI mai nei o W. O. Smith i hope no ka Loio Kuhina. He kanaka keia i kamaaina i ka nui o ko Hawaii nei lahui. Ua maa i na lawelawe ana o ia oihana, a ua ike mua ia kona makaukau no ia wahi. He kanaka Hawaii, a he keiki hanau no ke one oiwi. Ua walea i ka olelo o ka aina. E loaa auanei i na makamaka a pau, ke hele aku no na hana e pili ana iloko oia Keena, he wahaolelo makaukau ma ona la.
Nuhou o ko na Aina e.
Ua lilo aenei ke kulanakauhale o Pisco i na koa Kile ma ka la 20 o Dekemaba me ke kue ole ia.
Ma ka la 23, ua hoao aku la kekahi moku Kile e alualu aku i kekahi moku k@@a o Amerika, me ka manao e lwe ana keia moku i na lako kaua no Peru, aka ma ka huli ia ana o na ukana oluna, he mau waiwai kalepa wale no; ua mi@i aku ke kape@@a o ka moku Kile no kana hana ana.
Ua hoopuka ae ka nupepa Goloia penei: E hoomao aku no o Rusia i ke kokua ana ia Helene, aole nae ma na mea e pili ana i na lako kaua.
Ke liuliu mau nei o Helene no ka hoolale kaua ana, a ke paikau mau la ke’lii i na koa i na la a pau.
O ka puali kaua malalo o Dewish, ua komo aku lakou iloko o ke kulanakauhale o Dulcino, a ua hookahua iho me ka lawe ana ia kulanakauhale ma ko lakou lima.
Ke mau la no ka hoounaia o na koa i Irelani, he eha regimana i hoounaia.
He helana nui o na kipi i hiki ae @@@ @@ kulanakauhale o Rusia a me na wahi e ae no ka hoomaka hou ana e hoala i na kaua, ke hooikaika la na makai i ka huli ana i kahi i hookahua ia ai keia poe: ua lono ia ae, e hakahaka ana ka noho kalaanu o Rusia mamua o ka hiki ana mai o ka makahiki hou.
Ma ka la 30 o Novemaba, ua loaa aku he lono i ka Adimarala o na moku kona Beritania no ka pipi@@@ ana o ke @@@@ me @@ l@@@ o ka moku @@@@ me na mokupuni liilii ma ka moana Pakipika.
Ma ka la 29 o Novemaba, ua hoala hou la he heihei waapa mawaena o Trickette a me Ross ma ka muliwai o Thames, a ua @o aku la no ia Trickette, manawa holo 30 minute me 23 sekon@.
He elima milion@ dala Farani i hoounaia aku i Amerika.
Ke haalele nei na koa Beritania i ke alahele o Kyber, o keia kahi a na puali koa e noho nei ma Afeganitana.
Ke hoala nei o Shelli Abadulla i na kanaka o Kurd, e kue aku ia Peresia iloko o keia haule-lau ae.
O na lono e pili ana i na hoalala kipi ma Inia ke hoomau ia la no, ke hela la no nae na puali koa Marajab imua.
Ma na lono e pili ana i ka lahui Basuto ma Amerika, ua hooihia iho la kekahi kaua mawaena o keia poe a me na kamaaina o Mafetine, a ua lilo mai la ka pepu a me na lako kaua i keia poe.
Ua ulu ae kekahi hoopaapaa mawaena o ke aupuni Farani a me na Pope, no ka hookohu hou ana aku i Akibihopa i make; aohe i ko ka makemake o na aoao elua.
Ke manao nei o Farani e hana i alanui eli maloko aku o ka mauna Simlon; he heluna nui o na kanaka waiwai i kokua i keia hana, a ua manaoia e kokua ana o Italie a me Switzerland.
Ma ka la 13 o Novemaba, ua hoike ae o W. Farvell o Kaleponi a me McMahone o Vemona i ko laua ikaika hakokoa no ka moho e ke ao holookoa, a me ka eke manawalea $1000, a ua lilo aku ka hanohano ia McMahone ma ko Farvell hina elua ana.
O W. Cotford, ka moho heihei waapa o Beritania Columebia, ua hiki ae nei oia i Kaleponi e hoao ai me ko laila moho lia o T. Blackman, a ua hooholo laua ma ka muliwai Thames e hoike ai i ko laua ikaika. He mau heihei moku kekahi i malamaia ana ma Beritania Columebia, a hoomaka ana.
Ma ia wahi a hiki aku i Enelani ka pahu eo; he nui na pioloke no keia heihei malila, no ka mea akahi no a hana ia keia hehei moku no na manawa he loihi, a aole no hoi e nele ke kamailio nui ia o keia mea ma Enelani.
Malalo iho e ike ia ai ka papa helu o Penesalawenia kekahi apana aina o Amerika; heluna nui, 846,980; 405,899 kane, 441,081 wahine. Huina nui o na ili keokeo, 815.152; ko na paele, 41.798 me 80 pake, ekolu lapana, 25 Ilikini.
Malalo iho e ike ia ai ka nui o na poino ma Kile, i kekahi olai ikaika i hiki ae malaila.
Ma ke kulanakauhale o Pe@trra, 21 hale i hoopoino ia, 29 hale i hoopoino ia ko lakou mau kaupaku; na hale aupuni, na hale koa, na makeke kuai i@a, na hale pepehi pipi, na hale loio, ke hana hou ia nei, a ua manaoia e hiki aku ana na lilo no ka hana ana i ka $1,591.25. Pela pu no me ke kulanakauhele o Herro o na ailana i loaa ai i ka mua, pela pu no me keia.
O kekahi mau kulanakauhale iho, ua uh@i aku no laua ma na meheu o ko laua mau mua.
O ka heluna nui o na dala i hoolilo ia no ka hana hou ana i keia mau alina a ka olai, ua hiki aku i ka $65.575.
Ma kekahi Aha Hookolokolo ma Amerikak, ua hoopai ia kekahi haole no ka pepehi ana i kana wahine a ua hooholoia kona hoopai o ka make, ua ninau ia kona manao, ua pane mai kela me ka pihoihoi ole; “E like me oukou e ike mai nei lau i keia wa pela no ko’u mau hiohiona i ko’u wa e make ai i ka minute hope loa.”
NU HOU HOPE LOA.
Ma ke ku ana mai a ka mokuahi Kulanakauhale o Nu Ioka ma ke ahiahi Poeha nei, ua loaa mai ia makou na nuhou ano nui @ like me keia:
He mau lako kaua kai hoouna ia aku i Penemani malalo o ka inoa o kekahi haole malihini, aka ua hoomaluia ia e keena kaua: he nui na pioloke o na kanaka. Ua ma na o ia e hoouna ia ana i Irelani.
Ua hoouna ia aku he mau puali ka ua no Irelani, mai Ladana aku a hiki i Dubelina.
Ke hoolako nei kekahi hale hana pa m@laila no na wahi e pili ana ma ia wahi, i na pu panapana no na kanaka e manao ana e komo iloko o ke kaua, a me ke pale ana aku i na enemi i ka hoopoino ana i ko lakou mau waiwai.
Ma na lono hope mai nei o kakou mai Hawaii mai, ua akakou iki mai ka hana a ka wahine o ka lua; ma ka lono hope mai nei mai na aina e, ke ho-a la ke kupueo o Italia i kona ahi, ke kiola mai nei i na ea a me na loko ahi maluna o ka aina.
Ke hana hou ia nei ke kuikahi mawaena o Kina a me Amerika, a ma keia hana kuikahi ana o Kina me Amerika, ua @@@ o Enelani no keia kuikahi m@ koaa pono kelepa.
He elua mau kuihahi i noonoo ia ike nei ma Amerika o pili ana no Kino l ka mua, oia no ke kuikahi e ae aina e komo nui aku na pake i Amerika, a na haawi ia aku na Amerika e noonoo: e ka lua, oia no kakuihaki e pili ana i ke komo ana mai o na waiwai o Kino ma Amerika.