Ka Nupepa Kuokoa, Volume XIX, Number 52, 25 December 1880 — Page 2
| This text was transcribed by: | Ruth Iwata |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
Hoolaha
A KA PAPA OLA!
() na hooponopono ana a ka Papa Ola malalo iho nei, ke mau nei no ka mana, a ke hoike ia aku nei, ua manaoia ke awa o Kapalakiko he "awa i hoomaopopo ia na kania e ka Mai Hebera." Ua kauoha hou ia, o na mea a pau i ae pono ia e lele mailuna mai o kekahi moku i ku mai Kapalakiko mai, ina malalo iho o na la he umikumamalima ka manawa o ka holo ana mai, e hoike kino aku imua o ke Kauka o ke Awa, aole e emi i ka hookahi manawa o ka la, a hala na la he umikumamalima mahope iho o ka haalele ana ako ia Kapalakiko.
NA HOOPONOPONO HOOMALU A ME NA RULA I APONOIA E KA PAPA OLA HAWAII.
1 Ma ke ku ana mai o kekahi moku ma kekahi awa o keia Aupuni, mai kekahi awa i ikeia ua loohia me ka Mai Hebera, ina ua hopa ae olai e holo mai ana ma ka moana, aole loa e ae ia na ohua a me na luina e lele luka, ala wale no a hala na la he amikumamalima mahope iho o ka holo ana mai.
2 Ma ke ku ana mai o kekahi moku ma kekahi awa o kela Aupuni, ina ua loaa mua iho, a i ole e mau ana no paha ka Mai Hebera maluna o kekahi mea o ua moku la, e hoopaaia ia moku malalo o na hoomalu ana, a e hoouna ia aku ka poe mai ma ka Halemai Hoomalu, a e hoomalu ia na luina me na ohua no umikumamalima la.
3 Aole e aeia kekahi mea e haalele aku a e kipa ae paha, i kekahi moku i hoomalu ia, a i kekahi hale a kahua paha i hookaawale ia no ka hoemalu ana a ka Papa Ola, koe wale no malalo o ka palapala ae i kakauia e ka Papa.
4 Aole loa malalo o na kumu e like me la i hoakaka ia maluna ae, e aeia ai na lole aahu a me na ukana pilikino e hoolele ia iuka, mamua ae o na hoomaemae ana a ka Papa Ola e kauoha mai ai.
5 Ma ke ku ana mai o kekahi moku, ina aia no maluna ona a i ole na loaa mua aku paha, olai i ka huakai ma ka moana, kekahi mea i loaa me ka Mai Hebera, alaila, o ka moku holookoa, a i ole o kekahi wahi paha o ia moku, e puhi hoomaemaeia, e like me ka makemake a me na kauoha ana a ka Papa Ola, a aia wale no a hooko ia keia mau mea,e hiki ai ke hue ia na ukana.
6 Aole loa e hoolei ia kekahi Eke Leta iuka mailuna mai o kekahi moku ina he Mai Hebera ko iuma, oiai ma kana holo ana mai ma ka moana, koe wale no malalo o ka palapala ae a ka Peresidena o ka Papa Ola.
O na Pauku 284, 285, 293 a me 294 o ke Kanawai Kivila o kela Aupuni, penei ko lakou heluhelu ana:
Pauku 284. E hoolaha aku ka Papa Ola i na Rula Hooponopono a pau a lakou i kau ai, ma ke pai ana iloko o kekahi nupepa i paiia ma ia apana, a i ole he nupepa ma ia wahi, alaila, ma ke kau ana i palapala lima ma na wahi akea ekolu o ke kulanakauhale, a apana paha; ae manao ia ka hoolaha ana pela i na rula, he hoike ana aku i ku i ke kanawai no na kanaka a pau.
Pauku 285. O kela mea keia mea i uhaki i kekahi Rula Hooponopono o ka Papa Ola mahope e kona hoolahaia ana e like me ka olelo a ka Pauku maluna ae nei, e hoopaiia oia ma ka uku hoopai, aole e oi aku i na dala hookahi haneri.
Pauku 293. O na Rula Hooponopono i ke kaohi ana mai i kauia pela, e pili no lakou i na kanaka a pau, a i ka ukana me ka waiwai a pau i hiki mai maluna o ia mau moku, a i na kanaka a pau e hele ana maluna o ua mau moku la.
Pauku 294. E hoolahaia na Rula Hooponopono e kaohi mai ana, ma ke paila ana e like nae ka olelo o ka Pauku 284, a mahope o ia hoolaha ana, e hoopaiia ka mea nana i uhaki i kekahi o la mau Rula Hooponopono kaohi mai, ma ka uku hoopai aole e emi mai malalo o na dala elima, aole hoi e oi aku i na dala he elima haneri.
H. A. P. CARTER,
Peresidena o ka Papa Ola.
Honolulu, Dek. 11, 1880. 994 3 t d15 3t
Na Pauku o ke Kanawai Kivila e pili ana i ka O ana.
PAUKU 309. E hoonoho ke Kuhin Kalaiaina, mamuli o ke kuhikuhi ana o ka Papa Ola, i kekahi kanaka, kupono i Luna olima ma kela Moku Kiaaina keia moku Kiaaina o ke Aupuni, a e loaa i ua Luna la ka uku i hookaawaleia nana e ka Ahaolelo, i kela manawa keia manawa, a e hiki no i ke Kuhina Kalaiaina e hoopau aku i ua Luna la ke manao oia pela.
PAUKU 310. E koho kela luna keia luna olima, i ekolu wahi kupono ma kela Apana kula keia Apana kula, maloko o kona moku, no ka hana ana i ka olima; a e hoolaha aku oia, i kela manawa keia manawa, i kona manawa e hiki aku ai ma ua mau wahi la, e olima i na mea a pau i hele mai imua ona, na mea hoi i olima ole ia mamua; a i kona manawa hoi e hele hou ai malila, e nana i ka pala a me ka pala ole o na lima o ka poe ana i o ai.
PAUKU 311. Na ka makuakane a makuahine paha o ke keiki, maloko o na malama eono, mahope iho o kona hanau ana; a ina ua make, a ua mai, a ua hele ma kahi e paha, ka makuakane me ka makuahine, alaila, na ke kahu, kahuhanai, a mea nana e malama paha i ke keiki, e lawe aku iaia i ka luna olima e o ia, maloko o ua malama eono mahope o kona hanau ana, a i ole ia, ma ka manawa e hiki mua ai ke lawe.
PAUKU 312. Ma ka walu o na la mahope iho o ka olima ana o kekahi keiki, e lawe hou ka makuakane, makuahine, kahu, a mea nana e malama paha, i ua keiki la imua o ka luna, i hiki iaia ke nana a maopopo ke ko a me ko ole o kana hana.
PAUKU 313. Ina ua maopopo i ka luna ua ko ka olima ana, alaila, e haawi aku oia i ka makuakane, makuahine, a mea e ae paha nana e malama i ke keiki, me ka uku ole, i palapala hoike no ka olima ana, a e kakau hoi oia maloko o ka buke hoomanao ana e malama ai no ia mea.
PAUKU 314. Ina ma kekahi manawa ua manao ka luna olima, aole i makaukau ke kino o ke keiki i laweia mai imua ona e olima ai ia manawa, alaila e hiki no iaia ke hoopanee aku i ka o ana a i kekahi manawa mahope, a olelo aku oia i na makua, a i ka mea nana e malama paha, e lawe mai i ke keiki ma kekahi manawa hou e o ia.
PAUKU 315. E hele na luna ma na wahi a lakou i koho ai no ka hana, ma kela hapalua keia hapalua makahiki, a i na manawa e ae ke kauohaia aku e ke Kuhina Kalaiaina, a e ka Papa Ola.
PAUKU 316. O ka makua, o ke kahu a mea e ae paha, nana e malama i ke keiki, i hana ole e like me ka olelo o ke kanawai e pili ana i ka olima, e hoopaiia oia ma ka uku hoopai i elima dala; a na ka mea nana i hoike mai ka hapalua o ia dala.
PAUKU 317. E malama na luna olima i buke pololei no ka lakou mau hana, a e hooili aku aku lakou pakahi i ka palapala hoike i ke Kuhina Kahiaina, i kela makahiki keia makahiki.
H. A. P. CARTER,
992-tf Kuhina Halaiaina.
MAMULI o ka mana i loaa mai i ke Kuhina Kalaiaina, ua hooponopono hou ia na Rula no na Kaa Lealea, na Kaa Hali Ukana a me na Kaa Kikane, e hoolimalima ia nei ma keia Apana.
Ua hoopauia keia mau wahi ku mau o na Kaa: Aoao mauka o ke Alanui Kalepa, mai ke kihi hikina aku o ke Alanui Betela, Aoao makai o ke Alanui Hotele, mai ke kihi hikina aku o ke Alanui Papu.
Ua hooholo hou ia keia mau wahi ku mau o na Kaa: Aoao makai o ke Alanui Kalepa, ma ka hikina aku o ke Alanui Papu. Aoao makai o ke Alanui Kalepa, makai iho o ka Hale Luina.
Aoao makai o ke Alanui Hotele, ma ka hikina aku o ka Halepohaku o Burua ma.
Ma keia mau wahi ku mau o na Kaa, aole e aeia ke oi aku i ka Eono Kaa no ka manawa hookahi. H. A. P. CARTER.
Kuhina Kalaiaina.
Ke hoolaha ia aku nei, ua kauoha ia na Makai e hoole aku i ke ku ana o na Kaa Hoolimalima ma na wahi i hoakaka ia iloko o na Rula. 994 3t
Hoolaha Papa Ola.
E wehe ana ka Papa Ola i Hale Lapaau ma Honolulu nei, no na mea ilihune i loaa i ka mai. Malaila e hiki ai i ka poe i oleloia ke lapaau ia, a e loaa no na laau kupono me ka uku ole.
Ua koho ka Papa Ola ia Kauka Emekona i Kauka no ka Papa Ola, no Honolulu a no Oahu nei; a e noho ana o Kauka Emekona ma ua hale nei mai ka hora 11 o ke kakahiaka a hiki i ka hora 12 o ke awakea, ma na la a pau mai ka Poakahi a hiki i ka Poaono, a ma ka la pule, mai ka hora 10 a hiki i ka hora 11 o ke kakahiaka.
O ka Hale Lapaau i oleloia, aia ma Kikihale, ma ka noao mauka, o ke alanui e komo ana i Lepekaholo, ma ka hale o Kamuela Kanoe.
E hele nui mai na Kanaka, na Wahine a me na Keiki mai, a e loaa no ka oluolu.
H. A. P. CARTER.
990 4t Peresidena o ka Papa Ola.
UA hookohu ia o Mr. H. P. Baldwin e ka Papa Hoonaauao i Luna Kula no ka Apana o Makawao, ma kahi o J. D. Haye kost i waiho mai. W. J. SMITH Kakauolelo.
Keena Hoonaauao Dec. 6, 1880. 993 3t
OLELO HOOLAHA A KA PAPA OLA NO KA O ANA.
KIKE auanei na kanaka a pau e like me ke Kanawia Kivila (pauku 309-317) o na makua a pau e noho ana iloko o keia (pauku 309-317) o na makua a pau e noho ana iloko o keia apana o Honolulu nei, mai Maunalua a hiki i Moanalua e lawe mai i ka lakou mau keiki i O olela i ka hale lapaau o ka Papa Ola ma Kikihale Honolulu, a i ole ia i ka Halemai Moiwahine. A malaila e O pono ia lakou e na Kauka mai ka hora 11 o kekahiaka a hiki i ka hora 12 o ke awakea o na la a pau mai ka Poakahi ka la 6, a hiki i ka Poaono ka ia 25 o Dekemaba, M. H. 1880. A e hele pu mai no hoi ka poe e ae i o ole la N. B. EMEKONA M. D.
993 3t Luna o no ka Papa Ola no oahu.
O na keonimana malalo iho , ua hookohu ia aku i mau Agena hooiaio no na palapala aelike paahana, penei.
G, E, Boardman Wailuku, Maui,
R. F. Hollingsworth Hamakua, Hawaii,
H A PA CARTER, Kuhina Kalalaina.
Keena Kalaiaina, Nov 22, 1880. 992 3t.
O ka hoomeha Karisimaka o na Kula la Aupuni, e hoomaka ana i ka Poalima ka la 24 o Dekemaba a hiki i ka Palima, Ianuari 10, 1881, a ma la la, (Ianuari 10,) e hoomaka hou ai ka makahiki kula hou.
W. J. SMITH, Kakauolelo.
Keena iioonaauao, Nov 30, 1880, 992 4t.
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1.
Daia Kuike ka Rula.
KOMITE HOOPONOPONO.
Hezekia Aea.
POAONO, DEKEMABA 25, 1880
He leta kai loaa mai ia makou na kekahi mai o ka poe kiure Hawaii o ke Kau o ka Aha Kiekie i noho iho nei ma Lahaina, a penei kana kamailio ana no kekahi mau mea o ia poe kiure. "He kaumaha ko'u manao ia - a me - o laua na mea kokua nui i ka hookuu ana ia D. Mamaki me ke kumu ole, a me ka hookuu ana i ke kanaka kuai opiuma; a me kekahi poe kiure e ae oia papa, he hana lapuwale maoli keia a lakou, ua like lakou me ke kokua i ka aihue, ua like lakou me ke kokua i ka aihue, a me ka opiuma. Ke hai aku nei au ia oe, ua akaka loa ka hewa, aole he mea kanalua ka hiki ke hoopai, uka hookuu no nae; o ka'u wahi nuhou ia ia oe."
He hookahi wale no mea e pakele ai ka aina mai na hana ino o ka poe haihai kanawai, a oia no ka hooko ia o na hoopai a ke kanawai maluna o ka pue kolohe. I ka wa e hookuu ai kekahi poe kiure i ka mea kolohe, me ko lakou ike maopopo i na hoike maopopo o kona hewa, ua like ia me ka hoolaha ana aku i ka poe haihai kanawai a pau: "he mea oluolu wale no ka haihai ana i na kanawai o ka aina, a na makou (poe kiure) e hooleuu wale aku i na lawehala." O ka poe kiure e hana ana pela, ua like lakou me he poe la e hookaulana wale aua i ko lakou heinahema iho. A ua hauoli nae makou i ka ike ana. aole oia ka helehelena oiaio o na kiure Hawaii a pau, aka he poe hoopono no kahi. O ko makou makamaka nana ka leta i hoike ia maluna, a e hoohala hala ana no ka hana pono ole o kekahi poe, ke kapa nei makau iaia, he Hawaii oiaio, a pela no auanei me Hawaii oiaio a pau e ake ai no ka hooko pono ia o ke kanawai.
Na Kahu Hawaii.
Aia maloko o ka haiolelo a ka Hon. J. P. Hoapili, imua o na Kula Sabati o Kona Hema, Hawaii, i hoopuka ia ma ka Paeaina o ka la 27 o Novemaba, e ike ia ai kekahi mau manao no na kahu ekalesia Hawaii. Penei ke kamailio ana o ka mea haiolelo: "Ua akaka no ia'u ke kumu, (o ko lakou lawelawe pu ole i ka hoike) no kahi pay ole no; aole no e hiki ana i kekahi o lakou ke ku mai, no ka mea o ke kaona iho la no ia a ka moe i puana ia ue la. Nolaila, o na kaha ekalesia i keia manawa, eia ko lakou mau kapuai iluna ponoi o na kahua like ole elua. O kekahi kapuai, aia iluna o ke kahua palahalaha, a o kekahi kapuai, aia iluna o ke kahua poepoe; o ke koena aku, na oukou aku hoi ia e hoolawa aku."
He kanaka noonoo o Hoapili, a nole paha oia i hoopuka wale i keia mau olelo me ka noonoo mua ole i ke ano o kana mea e kamailio ana. Ina nae kakou e hoomanao ana; he maina Kula Sabati keia, kahi a Hoapili i hoopuka laula ai i na olelo hoahewa i na Kahu Hawaii, e i ana no ka "pay ole ia ko lakou hana ole," a ua lawe lakou "iluna o ke kahua poepoe e ku ai," alaila he mea ano nui keia, a he mea e kaumaha ni. O ko makou manao nae, he pono ke wae, aole hoi o ka hoahewa pu i na kahu a pau. Ua ike pono makou i ka hoomanawanui o kekahi poe kahu ma ka lakou hana.
Lalau o Mamalahoa.
Ua manao ke KUOKOA e pane aku i keia pule no na "Hoaiai ana" a Mamalahoa iloko o ka Elele o keia mau pule i hala ae nei. Aka, i ka nana ana iho, aohe waiwai o na olelo a Mamalahoa e pane nui aku ai. E like paha auanei keia pane ana me na olelo noonoo i pane ia imua e na keiki lalau o Kawaapae. Ua like keia Mamalahoa me ke kanaka kuaaina i hele a kahakai a ike i ka hee, hoomaka e unahi i ua hee nei. Pela o Mamalahoa e hoao lalau nei e unahi i kana hee. Eia kona lalau nui. Ke hili nei me na olelo hoahewa a hoino no ka Aha Kuhina i noho ia e Kapena me Kaai, a o ke Kuhina Kalaiaina o ia wa ka mea hewa loa i kona manao. He Aha Kuhina keia i hoopau ia he elima mahina i hala ae nei. Akahi no hoi a ike ia, mamua e hooko ai na hoahewa ana, a hala na mahina elima alaila kukulu na olelo kue a ka aoao hoopii. Ihea la keia Mamalahoa me kana mau olelo hoopii. i ka wa i hookolokolo ia ua Aha Kuhina nei imua o ka Ahaolelo, a haule wale ka olelo a Kipikona ma imua o na 'Lii a me na Lunamakaainana o ia Hale? A ma ia mau la koke iho, heaha kona mea i pane ole ai ia mau la? Malia paha ua hiki i kana mau olelo ke hoohuli i ka manao o ka Ahaolelo ke lohe mua ia. Noho wale mai nei no o Mamalahoa a hala elima mahina, a aia a lele ka manu, alaila kau aku la kana pu. He lalau nui keia. Aole ke KUOKOA e pale ana ma ka aoao o na luna Aupuni. O ka makemake o keia pepa, e hooko ia ka pono iwaena o na mea a pau. A ina ua lawehala kekahi Luna ma ka oihana, e hoopii ia ma ke kanawai e pono ai.
Ma ka Elele o ka pule i hala ae nei, e olelo ana o Mamalahoa no ka huna hewa o Wilama ma. Owai la keia poe ana e kuhikuhi pohihihi nei? He nui na Wilama, Eia o Wilama Bakala, Wilama Kele; aia o Wiliama Ailuau, Wiliama Huapueo, Wiliama Akamu, Wilama Wright, a nui wale aku. Aka, he poe maikai wale no keia i ike lu. Owai kai huna i ka hewa? E hai hou mai o Mamalahoa, a mai hai pohihihi mai, o kapa ia auanei kana mau kalaimanao i mau hoopouliuli ana.
PEPEHI KANAKA MA KAMOILIILI, KONA, OAHU.
Ma ka po o ka Poalua Dek 21 nei, ua pepehi iho la o Samuel Smith, he hapa haole, i kana wahine mare ia Kapela a make loa, ma Kamoiliili, Oahu, penei ka mea i hai ia mai, ma ka po i hai ia ae la, a ma ke ahiahi oia la ua hoopuka ae la ua Sam nei i keia mau huaolelo imua o Uma k, "he makehanohano ka make ana ma ka Amana," aka, aole i manao ka mea ana e olelo nei, e pepehi kanaka aku ana oia, aka, ua ao kona hoa, mai manao oe ia mea he mea maikai, a ma ia po iho. Ua pephi iho la oia i kana wahine a make loa me ka aiana lole, a holo aku la oia me ka loaa ole a hiki i ke ia wa me ka hoolele iho i ke kino pomo o ka wahine, a me elua mau kaikamahine malalo o umi makahiki.
Ua ulu mai keia poino mamuli o ko ka wahine hoouluhua mau i ke kane, me ka hoopuka aku o ka wahine i ke kane, o kuu manao a pau i kuu mea i aloha ai, he pua rose ia na'u a he aniani kilohi hoi, kane manuahi, me keia mau huaolelo a ka wahine, ua lilo ia i mea pono ole i ke kane.
Ua hi ki ae ka Makai nui a me ke Kauka ma kahi i hana ia ai keia hewa, a ua noho ka Aha Koronelo, a hooholo ua make o Kapela w, i pepehi ia, a ma ka ike a ke Kauka, ua pepehi ia me ka winiwini o ka aiana lole, o kahi i eha, aia ma ka aoao hema o ke poo.
O keia Samuel Smith, ua hai ia mai, mai Hilo, Hawaii mai oia a noho i Honolulu nei, a i Kamoiliili hoi i keia wa a ua hookuonoono ilaila, a ua mare hoi ia Kapela w; no Hilo mai no. Aia laua iloko o ke apo gula a ka mare, ua lilo iho la i mea awaawa, he make!
KUAI WAIWAI PAA A KE KOMISINA.
MAMULI o kekahi kauoha kuai i hoopuka la o ka mea hanohano C. C. Harris Lunakanawai Nui o ka Aha Kiekie, iihana ia ma ka la 6 o Ianuari A D 1880, a kuai aku ana ka mea nona ka inoa malalo ma ke kudala akea ma ka Poakahi la 31 o Ianuari A D 1881, ma ka hora 12 o ke awakea, ma ke alo iho o Aliiolani Hale, na pono a me na kuleana a pau o Charles Kanaina i make, iloko o na apana aina malalo iho e waiho la ma ka mokupani o Maui, ola keia:
Apana helu 1. E waiho la ma Paeohi Lahaina, nona ka ili aina i eka, 1 ruda, 12 perches, e pili kokoke ana i ka luakini Kakolika, a ua kanu ia i ke ko.
Apana helu 2. E waiho la ma Ilikahi, Lahaina, nona ka ili aina 2 ruda 17 perches,
Apana helu 3. E waiho la ma Ilikahi Lahaina, nona ka ili aina 35 poles.
Apana helu 4. E waiho la ma Keawaiki Lahaina, nonaka ili aina 19 perches, o ke kahua hale kuai keia e waiho kokoke la i ka napo.
Apana helu 5. E waiho la ma Kuholilea Lahaina, nona ka ili aina 1 eka, me 11 ruda.
Apana helu 6. E waiho la ma Kuholilea Lahaina, nona ka ili aina 1-2 eka.
Apana helu 7. Apana 1 o ka Ahupuaa o Ukumehame nona ka ili aina 38 1-2 eka, 5 1-2 eka he aina kalo a ke kahe nei ka wai ma waenakonu.
Apana helu 8. Oia no ka apana 2 o ua Ahupusa nei i olelo ia e waiho la ma kahakai nona ka ili aina 8 7-10 eka, 6 eka i kupono i ke kanu ko; ua olelo ia no hoi he kai lawala ko keia aina 3000 kapuai, ka loa e pili ana i kahakai a hele aku lioko o ke kai.
Apana helu 9. Na ili o Puuohala a me Kauouoku e waiho la ma Wailuku, nona ka ili aina 223 eka, 40 eka i kupono i ke kanu ko a ua kanu ia e ka hui mahiko o Wailuku.
Apana helu 10. He lele la no Puuohala ma Wailuku i olelo la, nona ka ili aina 1 23-100 eka.
Apana helu 11. Ola ka ili o Kaohe ma Wailuku i olelo la, nona ka ili aina 118 60-100 eka, o kekahi hapa o keia he aina kalo, a o kekahi hapa he kula a he aina wahie.
Apana helu 12. Elua loi Poalima i hoakaka ia ma ka Palapala Sila nui 5975.
Apana helu 13. Oia ka ili o Maniania nona ka ili aina 8 5-10 eka.
Apana helu 14. He lele ia no Kauouoku nona ka ili aina 398-1000 o ka eka elua mau ioi nui keia.
Apana helu 15. Oia ka ili o Puhiawaawa nona ka ili aina 2 54-100 eka he aina ko.
Apna helu 16. Oia ka ili o Lemukee nona ka ili aina 3 98-100 eka he aina ko.
Apana helu 17. E waiho ia ma Kapanui, Wailuku, nona ka ili aina 308-1000 o ka eka elua loi nui.
Apana helu 18. Oia na pono lawala ma ke kahawai o Wailuku.
Apana helu 19. Elua apana aina e waiho la ma Kapuoho, Waiehu, nona ka ili aina 2 58-100 eka.
Apana helu 20. Oia kekahi apana aina e waiho la ma Pelekunu mokupuni o Molokai, nona ka ili aina 4 eka me 841 anana.
Apana helu 21. Ola ka hapalua i mahele ole ia o ke Ahupuaa o Pelekunu ma ka mokupuni o Molokai, maloko o ua Ahupuaa nei 6346 eka he aina kala ka hapa nui o keia.
MOKUPUNI O HAWAII.
Apana helu 22. Ola na aina o Kula, a me Halekamahina; o ka apana mua, nona ka ili aina 1643 eka; a o ka apana 2,90 eka; a o ka apana 3,1169 eka he mau aina hanai holoholona keia malaio keia o kekahi palapala hoolimalima e pau ana ma ka 1 o Aperila, 1889 he 150.008 dala ka uku hoolimalima o ka makahiki, e hookaa mua ia ana i kela a me keia makahiki, ua ka mea hoolimalima e hookaa na auhau aupuni.
Apana helu 23. Oia ka Ahupuaa o Kapho e waiho la ma Puna Hawaii, nona ka ili aina, 4060 eka; ala kela, aina malalo o ka hoolimalima e pau ana i ka la 1 o Ianuari, he 200 dala e ka makahiki, e hookaa mua ia ana 1 kela a me keia hapa makahiki, na ka mea hoolimalima e hookaa na auhau aupuni.
Apana helu 24, ola ke Ahupuaa a me na loko la o Kalahuipuaa e waiho la malalo aku o Kawaihae, nona ka Ili Aina he 359 eka, he 10 1/2 eka, o ka loko ia, malalo o ka hoolimalima e pau ana i ka la 29 o Mei, 1896, $100,800 o ka makahiki ka uku hoolimalima, e hookaa mua ia ana i kela a me keia hapalua makahiki, ikoe nae ka loko nui he 4 79-100 eka). Na ka mea hoolimalima e hookaa na auhau o ke Aupuni.
Apana helu 25, ola ka Ili o Anaehoomalu e pili ana me ka aina i hoikeia maluna ae, nona ka Ili Aina he 879 eka, a he 4 1/2 eka o ka loko ia.
Apana helu 26, oia ke Ahupuaa o Kapalalaea, nona ka Ili Aina he - eka.
Apana helu 27, ola ka Aina o Kalamakumu ma Kona, Hawaii, nona ka Ili Aina he 220 eka.
Apana helu 28, e waiho la ma Waipio, Hawaii, nona ka Ili Aina he 4-10 eka, he aina kalo.
Apana helu 29, ola na aina e waiho la ma Waioli, Hanalei, Kauai, he mau loi kalo nui.
Apana helu 30, apana 1 ma ka Palapala Sila Nui 7481, e waiho la ma Kalihiwai, Kauai, nona ka Ili Aina 1 eka me 19 perches, he aina kalo.
Apana helu 31, oia ka apana 2 o ka Palapala Sila Nui i hoikeia maluna, nona ka Ili Aina 1 ruda me 21 perches.
Apana helu 32, ola ka apana 2 o ka Palapala Sila Nui 5252, e waiho la ma Waipio, Hawaii, nona ka Ili Aina he 1-10 o ka eka, he loi nui keia.
Apana helu 33, ola ka apana 3 o ka Palapala Sila Nui i hoikela maluna, nona ka Ili Aina he 28-100 eka, he aina kalo.
Apana helu 34, ola ka apana 4 o ka Palapala Sila Nui i hoikeia maluna, nona ka Ili Aina 1-10 o ka eka, he aina kalo.
Aia a ana la na Ahupuaa o Waipio a me Kapalalaea ma Hawaii, me Alae ma Kipahulu, Maui, e kuai la aku ana ia mau aina.
He kuai dala kuike kela, a na ka poe kuai na lilo o ka palapala. W. C. PARKE.
995 6t Komiaina.
KUAI A KE
KAHU MALAMA WAIWAI
He Aina ma KAUPO, MAUI
MAMULI o kekahi Olelo Hooholo i hanaia e HON. A. F. JUDD, Lunakanawai o ka Aha Kiekie, ma ka la 30 o Novemaba, 1880, e kuai aku ana au ma ke kudala ma ke alo iho o Aliiolani Hale, ma Honolulu, ke hiki aku i ka
POAKAHI, LA 27 O DEKEMABA, 1880
ma ka hora 12 o ke awakea,
Kela Apana Aina a pau i ike ia ma ka inoa o ke
AHUPUAA O KUMUNUI I,
E waiho la ma Kaupo, mokupuni o Maui.
Oia no ka Aina i hoakaka ia maloko o ka Palapala Sila Nui Helu 7259, ma ka Mahele a ka Poe Hoona Kuleana Helu 2937, no William Harbottle, nona ka Ili Aina he 145 Eka.
O na lilo o na nalanalai na ka mea kuai.
HENRY S. SWINTON.
Kahu o Maria Kahana me E. S. Swinton, he mau keiki oo ole.
Honolulu, Dek. 25, 1880. 995 1t
KUAI A KA ILAMUKU.
MAMULI o ka mana mai ka Lunakanawai o ka Ahakiekie ma ke ano Aha Hooponopono Waiwai o Luiki (k) no na dala he $202.87 ma o Allen & Robinson na mea hoopiii, e kuai iu aku ana ma ke kudala akea ma ke alo o Alliolani Hale no ke koho kiekie ana, ma ka Poaono la 22 o Ianuari 1881 ma ka hora 12, keia mau waiwai malalo iho;
O kela apana aina e waiho la ma Kapalama Oahu, nona na eka he 31-100, ka hale, ka hale kaa a me ka hale lio, ke ole e hookaa la kela huina dala maluna ae a me na ilio.
W. C. PARKE, Ilamuku.
Honolulu, Dek. 23, 1880. 995 - 4ts
AHA Hookolokolo Kaapuni Apana Eha, o ko Hawaii Paeaina, ma ka hooponopono waiwai. Ma ka hana o ka waiwai o Kahimaka (w) o Kipu Kauai, i make kanoha ole, ma ke Keena imua o ka Lunakanawai Kaapuni. Ma ka heluhelu a me ka waiho ana mai o ka Palapala Noi a Kolea (k) no Lihue Kauai, e hoike maiana o Kahimaka w. no Kipu, ua make kauoha ole ma Kipu, ma ka la 4 o Ianuari M H 1876, a e noi ana e haawila ka Palapala Hookohu Luna Hooponopono Waiwai la S. R. Hapuku no Lihue.
Ua kauohaia, o ka Poaono, oia ka la 29 o Ianuari, M H 1880, ma ka hora 10 o kakahiaka, ola ka manawa i kohola no ka hoolohe ana I ua noi la, imua o na Lunakanawai la, ma ke Keena Hookolokolo o ia Aha ma Koloa, a ma la manawa a ma la wahi no e hele mai ai na mea a pau i pili e hoike mai i ke kumu, ina he kumu olalo ko lakou, e ae ole la ai ua noi la. A o kela Kauoha e hoolahaia ma ka olelo Hawaii, i ekolu pule ma ke Kookoa he nupepa ma Honolulu.
Kakaula ma Koloa, ko Hawaii Paeaina, Dekemaba 11 M H. 1880. JACOB HARDY,
995-3t Lunakanawai Kaapuni Apana Eha.
HOOLAHA.
KE hoikeia aku nei, o ka hui ana o Mr Frank Marcos me ka Hui o L G Sresovich & Co., ma ke ano he iona nui no lakou ma ka Oihana hoopukapuka o ka huaai o Kaleponi a pau ma kela Paeaina, ua hoopau ia aku ola; na Mr Frank Simpson e lawelawe aku ma kela mua aku ma ke kanoha a ke poo nui o, ka Hui. L. G. SRESOVICH & CO.
995-2t
HOOLAHA PA AUPUNI.
E kuai kudala ia ana 7 lio 1 bipi ke hiki aku I ka Poakahi, Dekemaba 27, hora 12 awakea, ma ka Pa Aupani o Koholaloa, Honolulu. Lio k kalakoa ak hao ano e, lio k ulaula ak a me hem hao ano e, lio k ulaula ak hao ano e, lio k eleele kua puka ak B. lio w ulaula ak K, lio k keokeo ahjuahina ak hao ano e lio kulaola ak a me hem hao ano e. Bipi k ulaula moo kauo kaa ua oki ia na peplao; na mahele ia malio ae ua pahu pu iakahi pepeiao na mahele ia malaio ae ua pahu pu iakahi pepeiao ak HD.
O keia la ka la i aianaola e kudala ai, aka, ua hoopanee la a ka la 27, mamuli o ke Karisimaka.
A B KAAUKUU, Luna Pa Aupuni o
Koholaloa, Dek 23, 1880 995 1t
A. M. MELLIS.
NA WEHI O KE KINO
HALEKUAI
HOU
MAU WAIWAI
HOU
AA MM MM
AAAA MMM MMM
AA AA MM M M MM
AAAAAA MM MM MM
AA AA MM M MM
AA AA MM MM
O NA KAUOHA A PAU
M M EEEE L L I SSS
MM MM E L L I S
M M M EEE L L I SSS
M M E L L I S
M M EEEE LLLL LLLL I SSS
Mai na Mokupuni e mai
1 000 44 A L A N N U U I
1 0 0 4 4 AA L AA NN N U U I
1 0 0 444444 A A L A A N N N U U I
1 0 0 4 AAAA L . AAAA N N N U U I
1 000 4 A A LLLL A A N NN UUU I
E awiwi ia e hooko aku,
PPPPP A PPPPP U U
P P AAA P P U U
PPPPP A A PPPPP U U
P AAA AAA P U U
P A A P UUUU
I Loaa Pono aku ai.
NA WAIWAI NANI LOA
104 Alanui Papu.
989 1f
EMI LOA KE
KUMUKUAI
RULA HOU NO
KE KUAI ANA
NA LOLE O NA WAHINE.
NA LOLE O NA KANE.
AHA Hookolokolo Kiekie o ko Hawaii Pac Aina, ma ka hooponopoono waiwai. Ma ka waiwai o Halualani k, o Molokai i make kauoha ola. Olelo kauoha e hoolaha aku no ke noi ana mai e keho i lunahooponopono waiwai. Imua o ka Lunakanawai Makale, ma ka heluhelu a me ka waiho ana mai o ka palapala noi a L. Koeleele Halualani o Honolulu e hoike mai ana o Halualani k, no Molokai ua make kauoha ole ma Molokai ma ka la 13 o Sepatemaba 1878, a noiana e haawi la ka palapala hookohu luna hooponopono waiwai la L. Koeleele Halualani k., Ua kauoha la o ka Poakolu ka la 29 o Dekemaba 1880, ma ka hora 11 am. ola ka manawa i koho la no ka hoolohe ana i ua noi la, imua o ua Lunakanawai la, ma ko Keena Hookolokolo o kia Aha, ma Honolulu, a ma ia manawa a ma ia wahi no hele mai ai na mea a pau i pili e hoike mai i ke kumu, ina he kumu oiaio ko lakou, e ae ole la ai ua noi la. A o keia olelo kauoha e hoolaha ia ma kaolelo Hawaii i ekolu pule ma ka NUPEPA KOKOA he nupepa ma Honolulu.
Kakauia ma Honolulu, ko Hawaii Pae Aina, Dek. 9, 1880.
L. McCULLY,
Ikea: Lunakanawai o ka Aha Kiekie.
ma o A. F. Judd
A. Rosa Hope Kakaaolelo. 993 3t
MA ke Keena o ka Lunakanawai Kaapuni Apana 3 o ko Hawaii Pae Aina, ma ka waiwai o William H. Reed, no Hilo, Hawaii i make. Ua heluhelu ia, a ua waiho ia ka palapala noi a Jame G. Reed me S. L. Coan, e noi ana e hooiaio ia ka palapala kanoha hope loa a William H. Reed no Hilo, Hawaii i make, a e hoonoho la laua i mau Luna hooko no ia kauoha. Nolaila, ke kauoha ia aku nei na kanaka a pau, ke pili o ka Poalima oia ka la 31 o Dekemaba 1880 ma ka hora 10 am ma ka Hale Hookolokolo ma Hilo, oia ka la a me kahi koho ia no ka hoolohe ana i ua nonoi la, a me na mea kue, ke hoike la.
F. S. LYMAN,
Lunakanawakaapuni Apana 3 li P A
Hilo, Hawaii Dek. 2 1880.i 9933T
HOOLAHA HUI.
OC. Isenberg, O. Isenburg, P. Isenberg, G. N. Wilcox, A. S. Wilcox, S. W. Wilcox, a me W. Brede e noho nei ma Kauai, o lakou ka poe e lawelawe nei i ka hui mahiko o Kekaha malalo o ka inoa o Kekaha Sugar Company. Hui mahiko o Kekaha. 993 3t
KAUKA EMEKONA.
ELOAA O KAUKA EMEKONA MA KOna Keena Hana ma ka Hale Kauka o Dr. Hoffmann, (Kauka Hopemana) ma ka Helu 24 Alanui Kalepa, mai ka hora 9 a 11 o ke kakahiaka, a mai ka hora 2 a 4 o ke ahiahi.
He keiki keia o ka aina o Hawaii nei, a ua noho oia he mau makahiki ma Nu Ioka, a ua makaukau i ke pale keiki, a i ka lapaau ana i na mea mai @va, na mai maoli a me na mai haole o na ano a pau. Ua akamai oia ma na olelo elua. 981 6m
PAPA, PAPA
AIA MA KAHI O
LEWERS & DICKSON!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu
ana I na Hale!
Na Pani Puka, Na Puka Aniani,
Na Olepelepe, Na Pou, Na O-a,
Na Papa Hele, Na Papa Ku,
A me na Papa Moe nui loa
NA PILI O KA HALE
O NA ANO A PAU.
Na Pepa Hoonani, Na Pena o na Wai a pau,
Na Kui mai ke Nui a ka Makalii,
Na Ami Puka, Na Ami Puka Aniani
Na Ami o na ano a Pau,
Na Aila Pena, o kela me keia ano
Na Aila Hoomaloo, he lehulehu wale.
Na Aila e ae o na ano a pau.
NA WAI VANIKI
-A ME NA-
WAI HOOHINUHINU NANI!
o na ano a pau loa.
NA BALAKI ANO NUI WALE
A ke hai ia aku nei ka lono i na makamaka a
pau, ua makaukau keia mau makamaka
o oukou e hoolawa aku ma
na mea a pau e pili ana
ma ka laua oihana
-NO KA-
UKU HAAHAA LOHI
E like me ka mea e liolo ana mawaena o
LAUA a me ka MEA KUAI.
E hele mai! E na Makamaka!
A e lawa no hoi ko oukou makemake
me ka oluolu a me ka maikai!
845tf
KE hoike aku nei au ma ke akea, aole mana o na mea a pau i hoolimalima, i ke kuleana helu 3370, nona ka inoa o Kaaihonu e waiho la ma Nawiliwili mokupuni o Kauai, ua kapu loa ua aina la, i na kanaka o na ano a pau, aole o imi; mau pomaikai no lakou maluna o laila, mai kela la aku; aole hoi e hele wale na holoholona maluna olaila, a o ka mea kue i kela e hana no au e like me ke kanawai. G. W. Kamalu,
Honolulu Oahu, Dec 7, 1880. 993 4t
EKA poe a pau i aie mai i ko maua mau hale kuai ma Holualoa, a me Keauhou, Kona Akau, Hawaii, ke kahea aku nei maua ia oukou, e hookaa koke mai oukou i ko oukou mau aie mai keia la aku, a hiki i ka la hope a Dekamaba, no ka mea, ua loihi ae nei ka manawa a maua i hoomanawanui ai, a i hoolohe ole oukou i keia, alaila e hana no maua e like me ke kanawai.
ATANA me ATOI (pake)
Holualoa, Dek. 11, 1880, 993 4t
AINA KUAI.
KANALIMA eka aina maikai ke kuai la ana ma ke kudala ke hiki aku i ka la 3 o Ianuari M N 1881, mamali e ke kauoha a ka ona, ke ole e lilo mua. Ala keia waiwai ma Puakea 1, ma Kohala, Hawaii. O ka aina keia i haawi la la Paahao ma ko ano alodio, ma ka Palapala Sila Nui Helu 744, a ua hoakaka ia na palena maloko o ua Palapala Sila nei. K ninau ia ALLEN & ROBINSON.
Alanui Moiwahine. 993 3t
Dr. E. H. THACHER.
KAUKA HUKI NIHO
Aia kona keena hana ma Alanui Papu helu 104 1-2 maluna. Malaila ola e loaa ai i na pov a pau i loohia ia me na niho eha. E loaa no ola mai ka hora 9 am a hiki i ka hora 5 pm
Honolulu, Dec. 10, 1880 993 1y
KA MOANI ONAONA!
A ME KA PUIA MAU O
HOPEMANA I KE ALA!
Eia me a'u i keia wa na
Wai-ala Mouni hou lou,
Na Aila Lauoho Pahee maikai,
NA BALAKI a me na KAHI LAUOHO o kela a me keia ano.
Na Laau Papaau o kela a me kela ano,
Na Kopa holoi ili aala auau,
Na Kopa hoopau puupuu o kanaka a me na holohoi ona.
Na omole walu hanai keiki a me na emo walu.
Na Paakai naha maikai a me na Hahano:
E loaa no keia mau mea no ke Kumukuai Koni lou ma ka Hale Kauka o HOPEMANA.
Ma Alanui Kalepa, ma nae iho o ka Haneko o Bihopa ma.
987 6 m
CHRISTIAN CERTZ
Mea Hana Buti
- Me -
KAMAA MAOLI!
Alanui Papu, makai o ke Keena o Lui & Dickson
KE HAI AKU NEI OIA I NA MEA A PAI,
Ua Hoi mai oia mai Kapalakiko mai,
Ilaila Oia i ohi hino mai nei i na waiwai
nani a paa o kanu oihana, a ke
waiho ia aku nei no ke ku-
ai ana no na kumukuai
oka manawa
HE MAU WAIWAI PIHA O NA BUTI
Na KAMAA HAAHAA a me na ano kamaa
no na Lede. Na Buti, na Kamaa Haa-
haa a me na ano kamaa e ae a pau
no na Keonimana.
NA BUTI & KAMAA HAAHA!
A ME NA ANO KAMAA E AE A PAU
NO NA KAMALII!
NA KAMAA O NA ANO HE NUI
O NA KAMAIKI OPIOPIO.
O neia mau mea a pau ua hanaia me ke akamai loa a me ka paa o na ano hou loa, a ke hoola ia aku nei la mau mea e like me ka mea i olelo ia.
E lawe ia no na kauoha mai na Mokupuui me ka mai me ka eleu. @043
OLELO HOOLAHA.
E ike auanei na kanaka a pau, owau ka mea nona ka inoa malalo nei, ke hoike aku nei au ma ke akea, o ka ili aina e waiho ia ma ke Ahupuaa o Kohala Akau mokopani o Hawaii i kapa ia o Haleolono, a me ka ili aina i kapa la o Kapaha, ma ke Ahupuaa o Pololu. Kohala Akau, mokupuni o Hawaii, o keia mau ili aina i hoike ia maluna he mau lole ha no ako o ko'u Ahupuaa. No ka oialo o kela, ke kau nei au i ke'u inoa i keia la 4 Nov M H 1880. UILAMA.
990 3 m 102
JAMES M. MONSARRAT.
[MAUNAKEA.]
He loio a he Kokua ma ke 'Kanemai.
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana@a @na Palapala Kuui Iloolimalima a m@@ dala ana.
Keena hana@ helu 9 alanui @@manu.
Jan. 3, 1880, 944 lw