Ka Nupepa Kuokoa, Volume XIX, Number 49, 4 December 1880 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA:

KE KILOHANA POOKELA NO KA LAHUI HAWAII

KE XIX HELU 19.  POAONO, DEKEMABA 4, 1880 @orrest NA HELU A PAU 992.

 

KA NUPEPA

@uokoa me ke Au Okoa

I HUHA

HOOLAHA.--O na Olelo Hoolaha @@ kakau @ma, he Hookahi Dala no @@ ana, elua puka ana, he $1.50; @@@ mahina, he $2.00.

KAU A ME NA MELE!  He 10 Ke@@@ la lalani hookahi, ua like ma @@@ lalani.

@@HA MAU  E hoomanao na maka@@@ mai i na olelo hoolaha ma@@ awakea Poaha, i ole e kaukai ia @@@ pule ae.

@@@na lehulehu, aole e hoopuka i @@@ Hoolaha, Kanikau a me ke Mele @@@kaa mua ia mai ka uku.

@@@ pololei mai i na leta i ka Nupepa.

 

MOOLELO O NA LA

O KA

Aku Visakauna Nelekona,

KE DUKE O BERONETI.

KAUA ANA O NA AUMOKU KAUA BERITANIA.--A ME KO ENELANI MAU PAPU LAAU, &c.

 

KAHUA KAUA MA KOPENAHEGENA.

Ai na aumoku kaua Beritania e lana nei maluna iki mai o ka mokupuni o @na ua ike ia mai la lakou e ke Keiki @@ Hooilina Moi o Denemaka ma kahi @@o oiai oia maluna o na kaupoku o ko @@ e nana ana i kona mau enemi @@@ o ka manao lili o ke Keiki Alii @na aupuni, oia hookahi ke kumu nana i @@ahaa aku i ke aupuni o Denemaka @ o ia mau makahiki loihi.  Ua manao Keiki Alii no ka manawa mua loa, aole @ i ka mana o keia mau aumoku ke kue i ka ikaika o ke Kakela o Koronebuga @manao hoa ke Keiki Alii no ka manawa @ e ku ae a e hoonee i na hoe i mana ia @e kowa ana e holo mai kekahi mau la moku o na enemi, alaila, e pau no aua@ lakou i ka ih@ iluna o na ako'ako'a a me puu one papau.  Nolaila, ma ka po o ke ahi o ua la nei a na aumoku e lana nei hoouna malu mai la ke Keiki Alii i na @pa ekolu ma ka hora 10 o ua po nei, a ka hora 2 o ka wanaao, pau loa ae la na i moua ia i ka wehewehe, a hoihoi ia la loka o na kahakai o Denemaka.

Aia ka hora 6 o ke kakahiaka nui o ka la o Aperila, pii mai la ka Haku Nelekona @na o ka oneki a haawi koke aku la i ke @oha ia Kapena Haki maloko o kekahi @e hoailona, no ka hookomo ana o na au@@ku iloko o ke kowa akea, aka, mamua o hooko ia ana o keia kauoha, ua ike koke @u ia ua Nelekona nei i ka waiho wale mai @u awa, aole na boe a lakou i ike ai i ka @ lala, a he mea no hoi ua maopopo iaia, @ a@ enemi no i wehewehe keia poe boe i @mu no lakou e pau ai i ka ili ma na wahi @pa pu.

       O ua huhu o keia kanaka, aole e hiki iaia @ kah@a hoike ia mea imua o ka Alihikaua ko o ia manawa.  No ka mea, ua paa ona manao, iloko o keia la, e kuu ai na @ieuma o kona mau aumoku imua o na pa ohaku o Kopenahegena.  Nolaila, hilu ae ua Nelekone nei a haawi koke aku la i kauoha e hoomakaukau i kona wa@pa, a oko o ia manawa pokole, ua kuu a iho la waapa a lana iloko o ke kai, iho o ia ua Nelekona nei a me Kapena Baritane a holo aku la iloko o ke kowa, me @e ana ana i na wahi hohonu, a ma na wa@ papau hoi, hoolana iho la i na boe hili@ @eieawe iluna o ka ili kai.  Ma ka hora 9 huli hoi mai la ke paila@a Haku Nelekona i @ aumoku, a ua ana ia hoi e ia ka hohonu ke kowa no na mile eiwa mai na aumoku @ai.

       Ma ka hora 10 ponoi, kau hou e la ka hoailona a ke pailata Nelekona maluna o ona moku kaua Elepani, a ia manawa na aumoku i hiu like ai i na heleuma, a panee ahe aku la lakou maloko o ke Kowa akea me na mahele ekolu, me kekahi wahi mak@@i kolonahe e pa ana mai ka Hikina-Akau mai.  O ke ano ikaiaka ole mai o ka makani, oia kekahi kumu nana e hoohikiwawe ole aku ana i na aumoku, aka, ma ka hora 2 o ka auwiaa la, ua pio iho la ka makani a malie loa iho la ka moana, no keia kumu, haawi hou ae la ka Haku Nelekona i ke kauoha, a ia manawa na aumoku i kou hou iho ai i na heleuma maluna iki mai o kekahi puu ole papau, a ike maopopo ia aku la na aumoku Denemaka e ku laina ana lakou mamua ponoi o na pa pohaku o Kopenahegena, a he eono mile ke kaawale o na aumoku mai na enemi mai.

       Ma keia wahi o ko kakou moolele e na poe heluhelu, e waiho iki kakou no ka manawa pokole i na aumoku Beritania e lana nei he eono mile ke kaawale mai na aumoku Denemaka mai, a ma keia wahi hoi au e wehewehe aku ai i ke ano o ke aupuni o Denemaka, kona kulanakauhale, ka ikaika o kona mau aumoku a me kona mau lae kahakai ma ke Kaikapu o ka Bolatika.

       O ke aupuni o Denemaka he aupuni kaulana loa ma ka ikaika o kona mau aumoku a me ka holo mua o na waiwai kalepa me na aina e, no ke mea, na ke aupuni o Denemaka i Rula aku ma ka ikaiaka na aupuni o Norewai, Suedena, a me kekahi hapa o ke aupuni o Polani a me Geremania, a iloko o keia manawa, ua lilo aku malalo o ka malu o Denemaka o Aina Omaomao a me ka mokupuni o Ainahau; o St. Croix, St. Thomas, a me St. John, ma na mokupuni o Inia Komohana; a he lehulehu wale o na papu ma Aferika Komohanaa me Hinusedana.

       O ke kulanakauhale o Kopenahegena, ua kukulu ia oia maluna o ka mokupuni o Zilani, aole hoi maluna o ka aina paa o Denemaka, a oia ka home nani o ke Keiki Alii o Holesetina a me Launabuga, ka Hooilina Moi o Denemaka.  Ua kapa ia o Denemaka maloko e na palapala aina honua o a ike--he Anemoku, a o ke kilanakauhale o Kopenahegena maluna o ka mokupuni o Zilani, he 45 mile ke kaawale o keia mokupuni mai na aekai aku o Denemaka, a no ko Denemaka ikaika ma ke kaua ana me kekahi mau aupuni o ka Akau, ua lilo mai na mokupuni maloko o ka Bolalika malalo o kona mau Rula.   I mea e hoomaoakaaka iki aku ai i na poe heluhelu ma keia wahi, alaila, e olelo no kakou, o ke aupuni no ia o Denemaka kahi a ke kulanakauhale e ku nei, no ka mea, aia oia malalo o ka hoomalu ana a ua aupuni la.

       O na pa pohaku e Kopenahegena, e ku ana oia he 17 kapuai ke kiekie mai ka ilikai ae ma ka laina pololei, a iwaenakonu o keia pa pohaku kahi o ke Keiki Alii e luana mau ai i na wa a pau.  O na aumoku Denemaka, e ku laina ana lakou me ke ano pio o ka hapa poepoe o ka mahina, a ua hoopau ia hoi ka hoe o kela a me keia moku me na kaulahao, i hiki ole ai i ka mana o kekahi mau aumoku ikaika ke komo aku a wawahi i ko lakou laina no na kahakai o Kopenahegena.

       He ekolu hapaha mile ka loihi mai kekahi kihi a i kekahi, a e lana ana hoi na aumoku Denemaka ma ke Kowa Moi, a holo aku la kekahi lae one papau he hapalua mile ka loihi mai ke kihi akau aku o ke kulanakauhale.  Mamua ponoi iho o na pa pohaku kaua  Kopenahegena, e ku ana ko na mau moku batari lana me na aumoku liilii he 12 no ke kokua ana i na moku i hemahema i ko lakou wa e hooili kaua ai me na enemi.  Maluna o ka mokupuni uuku o Amaga ma ka aoao hema o ka laina o na aumoku Denemake, ua lehulehu na pukuniahi i kau ia maluna o na papu lepo me ka makaukau.  A mai keia mokupuni aku, holo hou aku la kehahi lae one loihi iloko o ke kai, a nona hoi ka loa, he elua mile me ka hapa ma ka laina pololei iwaho o ke Kowa mai ka mokupuni mai o Amaga.  O keia mau aumoku kaua Denemaka a pau e malama nei i ka maluhia o ke kula akauhale o Kopenahegena, ua hookohu aku ke Keiki Alii i ka hanohano o ka Alihikaua Nui maluna o Komodoa Olifeta Fisa, a nona hoi ka hae alakai kiekie e kau ana maluna o ka moku kaua Daneboraga, a e lawe ana keia moku i na pukuniahi he 62 maluna o kona mau oneki.

       Ma keia wahi, e waiho kakou i na aumoku o na enemi me ka hoomaopopo ia no ka manawa hope loa, a e kamailio kakou ma keia wahi no ko Nelekona haalele ana iho ia Adimarala Sir Haida Paka, a kou ana kona heleuma he eono mile mai na aumoku Denemaka mai.

       Ma ka hora 1 ponoi o ka auwina la, kau hou ae la ka Haku Nelekona i kana hoailona hope loa, no ka hookomo ana o na aumoku iloko o ke Kowa, a i ka manawa e kau ana o keia hae hoailona, ua haawi ae la na koa maluna o na aumoku i na leo huro ana ekolu ma ka pihoihoi, a o keia mau leo hauoli i huro ia, ua holo aku la ke--o o ko lakou mau leo, a lohe na koa Denemaka maluna o ko lakou mau aumoku no keia mau huro ano e.

       Ua hiki mai kakou i kahi e ike ia ai o ka Nelekona mau hana.  No ka mea, eia oia ke alakai nei i na aumoku malalo o kana mau kuhikuhi ponoi; a ina e loaa ana ka lanakila malalo o kana hokele ana, alaila, he mea no ia nona e kaulana ai no kona

                                                                                  Na moku lena bateri

                                                                                  Na Pa Pohaku o Kopenahagena.

                                                                                  Na Aumoku Kaua Denemaka

                                                                                  Na moku lana batari

 

koa a me kona akamai, a oiai na aumoku i hui like ae ai i ko lakou mau heleuma, ua panee aku la lakou me ka malie loa maluna o ka ilikai, a haalele ia aku la ka Alihikaua makau wale Sir Haida Paka, e kuu ana no kona heleuma me na aumoku ikaika ewalu malalo iho nei pene:

NA MOKU KAUA

Ladana--Adimarala Sir Saida Paka, Alihikaua o na aumoku, (Hae Adimarala Keokeo) Kapena Robert W. Otway

Sana Keoki--O ka moku keia o Nelekona, aka, aia nae oia maluna o ka Elepani me Kapena Haki.

Warrior--Kapena Lord Henry Paulet

Defence--Sir Charles Tyler

Saturn--Robert Lambert

Ramilies--Jas. Wm. Taylor Dixon

Raisonable--John Dilkes

Veteran--Arch. Collingw. Dickson.

       O keia mau moku ewalu i hoike ia ae la maluna, he mau moku kaua ikaika loa ia iwaena o na aumoku o Enelani.  Ua noho keia mau moku no ka malama ana i ka maluhia a me ka inoa hanohano o Sir Haida Paka, ma kona ano iho, he Alikaua Nui no keia aumoku.  Aole i haawi mai ke a upuni o Enelani i ke kauoha iaia e holo mai oia a ma keia wahi, alaila, kuu kona heleuma, a me kekahi mau moku mai loko mai o ka heleuina nui o na aumoku, e malama aku i kona inoa hanohano, ma kahi aole i makemake ia.  He kanaka nui a kaulana ke kanaka i kapa ia--he Alihikaua no kehahi mau aumoku, a i ole, no kekahi mau poali kaua aina paha.  O ka hana a ua kanaka la, oia kona alakai ana i na tausani o na koa imua o ke kahua kaua, aka, o ka Alihikaua Nui e like me Sir Haida Paka ke ano, oia ka Alihikaua e hiki ai ke hilinai ole ia ma kahi ana i hoouna ia aku ai e hana, a ma keia wahi hoi ao e lawe hou mai ai i ka inoa o ka Haku Nelekona, a e olelo ae kakou--na ua keiki eueu la i alakai aku na aumoku Beritania (aole hoi na ka Alihikaua) imua o ke kahua kaua o Kopenahegena--na ua keiki la no hoi i wawahi liilii aku na aumoku kaua Denemaka iloko o ke awakea--a na ua Liona au-moana nei no hoi o Beritania i hoonaueue aku na paia o na aupuni kaua hui o ka Akau, i kona wa i a-u aku ai i ke kai loa o ka Bolatika a hiki i ka Ipuka o Revela, a hookahaha ia ka ma nao o na aupuni o Europa i ke ano o keia kanaka koa nui wale.  Ma keia wahi, e waiho ai kakou ia Sir Haida Paka no ka manawa hope loa, e kuu ana no kona heleuma he eono mile ka loihi mai na enemi mai, a e kamailio kakou ma keia wahi no ka Haku Nelekona e alakai ne i na aumoku he 36, i ike ia ai kona ano a me kana mau hana imua o na aumoku Denemaka.

       Hoomau aka la na aumoku i ka hookomo ana iloko o ke kowa me ka hala ana o na puu one iwaena ma ka hikina, mai ka mokupuni mai o Amaga, a i ka hiki ana ae a ka manawa i ka hora 8 ponoi o ke ahiahi, uhi mai la ka pouli maluna o na aumoku a hiki pono ole ke ike ia aku ke awa, a ao ia kumu, haawi ae la ka Haku Nelekona i ke kauoha, a kuu hou iho la ka heleuma o na aumoku ma ka aoao hema o ka nuku o ke awa, a he elua mile ke kaawale o na aumoku mai ka moku Denemaka mai ma ke kihi akau o ka laina, a he hookahi mile me hapa mai oe moku lana batari mai e lana ana ma ka aoao akau o na pa pohaku o Kopena.

       O ke kuhikuhi ma keia kolamu ae, e hoike ana ia i ke kulana o na aumoku Denemaka e lana nei no ke pale ana i na kahakai o uka.

       Ua lawe mai au i keia mau kuhikuhi ana i mea e hoike aku ai i na poe @ heluhelu ma ka mea hiki, pela iho la ke kulana a na aumoku Denemaka i manao ai, e hiki ia lakou ke pale mai i na enemi i ko lakou wa e komo aku ai no na kahakai o Kopenahegena.  O kahi e kau la o kela kiko eleele ma ke kihi hema o ua aumoku Denemaka, oia ka mokupuni o Amaga a me kona papu lepo.  O ke ano o keia hoailona V e kau la mawaena o na pa pohaku o Kopenahegena, oia kahi a ke Keiki Alii ka Hooilina Moi e noho ana i ka manawa i hoomaka ia ai o keia kaua, a ma ia wahi hookahi no hoi i loaa aku ai iaia ka leta a ka Haku Nelekona, i kona wa i noi aku ai a ku lanakila, iloko a ka enaena o ke ahi i keia helu ae.

Aole i pau.

Kenela Limaikaika! Kana Leta i ke Kuokoa

 

E Ke Kuokoa; Aloha oe.--

       Ke noho hoomanao nei au no Hawaii i keia la; no ka mea, ma ka la apopo e holo ana kuu kaikuaana no Honolulu no ka oihana Loio Kuhina.  Ua kukulu iho nei oia he hale maikai nona iho maluna o kekahi apana aina waiwai maanei, a ua hookuonoono iho me kana wahine me na keiki.  He pomaikai kona maanei ma keia mua iho, a aole i loaa iaia ka manao e nee ae i kahi e.  Aka, ua hiki mai he leo kahea mai kona home kahiko ma@@a ke manao nei oia e holo aku a e ike, malia he mea hiki iaia ke kokua aku i ka lahui a me ka aina.  Aole oia e lawe pu ana me ka ohana; no ka mea aole oia i ike i ka loihi o kona manawa e noho ai.  I ka wa kahiko ua noho pu o Kauka me Limaikaika iloko o ke aupuni, a ano hoi ke noho pu nei ko laua mau keiki.  He wa maikai kela wa kahiko; ua noho na kanaka maluna o ko lakou mau kuleana ponoi;  ua ikea ko lakou hale pili ma na wahi a pau, ma na papu a me na awawa;  he lehulehu na kamalii e hele ana i na hale kula; ua piha na luakini i na la Sabati; ua hookipa ia na misionari, o Limaikaika ma, iwaea o na kanaka.  Ia'u i holo aku ai i ke kau i hala ae nei, ua loaa ia'u na hookipa maikai mai na makamaka mai o Limaikaika, a ua aloha au ia lakou no ia mea.

       Ano hoi, ua loli ae ke au o ka manawa; ua kuai ia na kuleana, a ua haalele ia; ua make kahi poe a ua hele nui kanaka i na mahi ko e noho ai, kahi e noho puukiuki ai.  Ke hana nei lakou mai ke kakahiaka a po, he kakaikahi e kanu nei i ko lakou mau aina ponoi.  Aohe maikai na hale, e ku lalani loloa ana, aohe mea e oluollu ai na maka.  Ua minamina au i ka ike ana i keia, me he mea aole oluolu na kanaka.  He mea kupono ka hana.  He holo mua ka lahui Hawaii ma ke ano he lahui hana; aka, aole lakou i ike i ka malama ana ia lakou iho.  He pono ke malama ia ka poe ola, e like me ka poe mai i malama pono ia.  E pono i kela a me keia o na kanaka maoli ke hoopuni i kona home iho me na laau kanu a me na pua maikai, i kohu home kona wahi.  Ina ke hana nei oe no kekahi haku maikai, he pono ke hoomau aku ka noho pu ana me ia, a e hana pono.  E imi i kanaka oluolu a hoopono i haku hana, e hana pono i kana hana, a nana no oe e kokua i loaa ka home oluolu.  He oi aku ka oluolu o ka loaa ana o ke dala i ko Hawaii i keia wa mamua o na wa kahiko, pela no hoi e oi uku ai ka maikai o ko lakou ola ana, na lole, ka ai a pela aku.  Aka, i mea e pono ai, mai auwana wale aku ia wahi aku ia wahi.  E noho paa ma kahi hookahi, pela wale no e loaa ai na home oluolu.

       O na haku mahi ko oaauao a hoopono no hoi, e kokua mau ana lakou i na Hawaii a me na poe e ae no ka noho ana ma ke ano pono, me ka hooikaika aku ia lakou no ko lakou pono iho.  O ka'u mea i kaumaha loa ai, ia'u i holo ai io oukou la, oia ka ike ana @ku aohe i manao nui ia na home o kanaka ma na mahi ko; koe nae kekahi mau mahi ko kakaikahi, ua malama pono ia.

       I ko'u wa i haalele ai ia Honolulu, he nui ka pilikia ma o Moreno la.  Mahope o ko'u hoi ana mai nei, ua ike au i na hoike he lehulehu wale e akaka ai ko Mareno ano pono ole; ua ike mua keia aupuni ia mea; aohe kaaaka manaoio iaia maanei, aole mea hilinai maluna ona; a ke akaaka nei lakou i ke aupuni Hawaii no ko lakou hoolilo ana ia ia i kanan nui.  O ko oukou hoolilo ana ia a i kanaka nui, he mea ia e haule ipo ai na mahalo ana o ko Amerika lahui no ka poe nana ia i hookiekie.  Ua hai mua aku au i ka Moi no kona ano mamua o kona hoolilo ia ana i Kohina, a pela no kekahi poe e ae.  E pomaikai ana ko oukou aina maikai i aloha ia e ke Akua, ma o ka noho alii ana o ka poe pono o na Kulana kiekie, a i mahalo ia e na mea a pau, a malaila wale no e pono ai.

       He manaolana ko'u no kuu kaikuaana, e kokua oia nia ka hoopomaikai ana ia Hawaii e like me ka hana a ko maua makuakane.  I naauao a i poe kanaka pono na Kuhina a ka Moi e pono ai.  Ua olioli au i ka lohe ana no na Kuhina hou i koho ia iwaena o oukou;  he mau kanaka lakou i hiki ke hilinai ia e oukou.  Aole o ka hooluolu aku ia oukou ka lakou hana, aka o ka imi e hoopomaikai ia oukou.

       E hooulu ana lakou i na pomaikai iwaena o oukou iho, a ma o ka lakou mau lawelawe ana e hilinai ia oukou e ko na aina e.  He manao lana kou e noho loihi lakou iloko o ka oihana, e like me na kuhina maikai i na la o Kamehameha, a aole hoi e hoopau koke ia iloko o na mahina pokole.

       Ua haalele kuu makuahine ia Hawaii, aka, e like me na mea a pau i noho ma ko oukou mau ea maikai, ke mau nei no kona aloha, a malia o hoi aku oia i kekahi wa.  Aole au i manao e hoi aku no ka no ho ana ilaila; aka he oi ko'u makemake e waiho ia ko'u kino ma ka ilina o Kawaiahao mamua o na wahi e ae o keia honua.

       Ahea la au pii hou i na kumu ohia o Manoa? a ai i ka hua maikai?  He iini ko'u e ike hou i na mahiko o Wailuku a me Haiku ma Maui, me kuu mau hoa'loha o ia mau wahi.

       Aohe poina iki ia'u ke aloha o na mikimaka Hawaii.  Ke hooili aku nei au i kuu aloha pumehana ia Rev. J Kauhane o Kau, Hawaii, no kona mau ko kua ana ia'u, i ka wa i pilikia ai au no ka lio.  A ke haawi aku nei au i kuu aloha i ke kanaka ma punaluu, Hawaii, nana i kupa ka moi a haawi mai na'u e ai i ko'u wa e pololi ana.  Aole poina ia'u ka la oluolu a'u i hoohala ai ma ka hale o Am@ra ma, Waialua, Oahu, me ka Lunakanawai Judd a me Hakawela.  Ke hooili aku nei au i kuu aloha ia Rev. D. Puhi o Kaupo, a me Rev. J. Iosepa o Kipahulu, Maui, na laua a elua i hookipa maikai ia'u me na makamaka.  Aole paha e poina i ko laila poe ka'u mau olelo paipai.

       Aole e poina ana ia'u kuu hele hope ana i Kawaiahao, a me ke aloha o na makamaka i lulu hina me a'u malaila.  Hookahi wahine i wehe ae i na pupu e lei ana ma kona ai a haawi mai la no'u, a eia no ke waiho nei ma ko'u hale ma kahi a'u e ike mau ai i na la a pau.

       E na makamaka maikai o Kawaiahao, e kupaa oukou me kuu hoa'loha me Paleka.  E hooikaika oukou i ka luakini i kukulu ia e na Hawaii kahiko me ka luhi nui, kahi a Binamu, Limaikaika a me Kalaka i hoike ai i ka Olelo.  O ka papu nui no ia o Hawaii.  E paa iho oukou a paa.

       Ua oholi au i ka hoi ana mai a i ka'u hana ponoi.  Ke imi ikaika nei na poe Paele a me na Hikini i ka naauao, a ke holo mua nei.  Aole nae lakou i holo mua ma ka noho ana iloko o na oihana, a aole no hoi ma ke komo ana i ka Ahaolelo; aka, ma ka hana ikaika ana, a ma ka malama pono ana i na wahi loaa me na aina, ma ke kukulu hale ana, a me ka malama ana i na kanawai o ke Akua a me ko ke kamaka.  He nui na manao e ae, aka ua loihi loa keia leta.  Ko oukou makamaka.                 S. C. Limaikaika.

       Hampton, Va.   Nov. 1880.

       CHRISTIAN GERTZ

Mea Hana Buti

ME

KAMAA MAOLI!

Alanui Papa, makai o ke Keena o Lui & Dickson

KE HAI AKU NEI OIA I NA MEA A PAU,

Ua hoi mai oia mai Kapalakiko mai,

Ilaila Oia i ohi kino mai nei i na wainoai

nani a paa o kana oihana, a ke

waiho ia aku nei no ke kuai

ana no na kumukuai

o ka manawa

 

HE MAU WAIWAI PIHA O NA BUTI

Na KAMAA HAAHAA a me na ano kamaa

no na Lede.  Na Buti, na Kamaa Haahaa

a me na ano kamaa e ae a pau

no na Keonimana.

 

NA BUTI & KAMAA HAAHA!

A ME NA ANO KAMAA E AE A PAU

NO NA KAMALII!

NA KAMAA O NA ANO HE NUI

O NA KAMAIKI OPIOPIO.

 

       O neia mau mea a paa ua hanaia me ke akamai loa a me k paa o na ano hoo loa, a ke @@oia la aku nei ia mau mea e @k ue ka mea i olelo ia.

I@@ lawe ia no no kauoha mai no Mokupaai me ka maiau ma ka eleu.                                  3m942

 

MAIKAI KA HOI KA PAPA

A ME

KALAAU O KOU HALE!

 

NO HEA LA!

KAI NO HOI NO KAHI O

WAILA MA!

Nana aku no hoi ia la

Ohi ka lo o ka Laau o Makawao

I ka ua mea hoi o ka nani o

Na PAPA!  Na PAPA!!

A ME

NA PONO KUKULU HALE

O NA ANO NO A PAU

 

Aia ma ke kihi o na

ALANUI PAPU me MOIWAHINE,

HONOLULU

MALAILA E LOAA AI

E LIKE me ka MAKEMAKE

NO KE

KUMUKUAI MAKEPONO LOA

 

PAPA, PAPA, PAPA,

Na Papa Huluhulu,

Na Papa Manoanoa.

Na Papa i kahiia

Na Papa Kepa,

Papa Hole Keokeo,

Papa Hole Ulaula.

NA LAAU, NA LAAU

Na Kua,

Na Kaola,

Na Aaho

Na Molina

Na Peapea

Pine Huluhulu

Pine i kahiia

NA Papa a me na Laau Ulaula!

Pili ulaula,

Pili Keokeo,

Pani Puka,

Pani Puka Aniani,

Ipuka Aniani,

Puka Olepelepe.

PENA O NA ANO A PAU

Hulu Pena mai ka Liilii a ke Nui,

Aila Pena,

Aila Hoomaloo,

Waniti, Pale.

NA LAKO O KELA A ME KEIA ANO!

Na Ami Puka Hale.

Na Ami Puka Pa.

ANIANI!

Pepa Hale a me na Lihilihi

E LOAA NO MALAILA.

PAKAI HELU I O KAKAAKO me PUULOA

       No ke Dala Kuike, e loaa ao na mea a pau i hai ia ae la, no ke Kumukaai Emi loa.  O na kauoha mai Hawaii a Niihau, e loaa aku no ia lakou, e hooke keke ia no ia me ka lawa pono.  E kipa nui ilaila, e ike i ka oiaio.                                                                                               905 tf