Ka Nupepa Kuokoa, Volume XIX, Number 40, 2 October 1880 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke A’u Okoa

@ HUIIA.

Na ka Makahiki, $2. F@@o Mahina, $1.

I@@a Kuike ka Rula.

 

KOMITE HOOPONOPONO.

Sam’l Kaaikaula,

Hezekia Aea.

 

POAONO. OKATOBA 2, 1880.

 

HOOLAHA KULA SABATI.

 

            E halawai hou ana ka Ahahui Kula Sabati o Maui Komohana, ma ka luakini o Wainee ma Lahaina, ke hiki aku i ka Poaono elua o Okatoba, oia ke la 9. Nolaila e makaukau mai na kumu a me na kakauoleio, na alakai himeni o kela a me keia kula Sabati.  E makaukau pu mai hoi me na hoa e heluhelu kumumanao ana e like me ia i hoolahaia ma ka helu 31 o ke Kuokoa.

            Sam’l K Kaaie@.

Kohu Kula Sabati Nui o Maui Kamohana.

            Olowalu. Sept 18, 1880.

 

AHAHUI EUANELIO.

 

            E noho ana ka Ahahui Euanelio o ka mokupuni Oahu nei, ma Kalihi ke hiki aku i ka Poalua mua Oct 5, hora 10 kakahiaka, nolaila, ke kauoha ia aku nei na lala a pau o keia Ahahui, e hele nui mai me ka makaukau me ko lakou mau haawina.

            J W Kaapu.     Lunahoomalu.

Punaluu, Koolauloa.    Sept 13, 1880.

 

EIA KA POLOLEI

 

            E halawai ana ka Ahahui Euanelio o ka Mokupuni Oahu, ma Kalihi, ma ka Poalua elua o Okatoba, la 12, 1880 hora 10 A. M.

            E hele mai na lala, me na Kahu, me ka makaukau i ko lakou mau Haawina.

            Aohe polelei o ka Hoolaha a ka Lunahoomalu, e halawai ma ka la 5, Oct, o ka la 12 Oct. ka pololei ia.

            O ka la 12 Oct. oia no ka la e hoolaa ai ka Luakini Hou o Kalihi, e hele makaukau mai na hoa no ka hoopau ae i ka aie oia Luakini o ko Iehova inoa.

            S. PAALUHI, Kakauolelo A. H. E.

 

            MANUA ka haaheo, mahope ka hiolo ana; wahi a Solomona.

 

            MA keia Poalua ae, Okatoba, 5 oia ka la e hoomaka ai ka halawai makahiki o ka Ahahui Misionari o Amerika Hui i kapa ia ma ka inoa ka A. B. C. F. M., O ka Ahahui keia nana i lawe mua mai ka malamalama o ka Olelo i keia aina. Na ia Ahahui i kukulu na kula o Hawaii nei, a o na hana pono a pau i loaa i ka lahui, he mau ukali no na hua mua i kanu ia e lakou. Ua laulaha kana mau hana a puni ka honua nei; a o na hoolilo dala ana o ua aha nei no na hana misionari, ua helu ia ma na miliona. Aia ko lakou mau misionari ma Kina, Iapana, Inia, Tureke, Sepania a me na moku liilii o Maikonisia.

 

            UA maikai no na hana o ka huina hapaha o na Kula Sabati o Kawaiahao ma ka pule hope iho nei o Sepatemab. He ehiku kula i hoea ae, a lawelawe pu iloko o na hana o ka la. Aole nae i like ka manawa ma ka eleu o na hana me kekahi mau hoike i ike mua ia. Ua mahalo ia no nae ka hoomanawa nui o na kumu iloko o ka lakou hana.  Akahi no a nalowale na helehelena oluolu o Apolo iloko o keia mau hana; ua lohe ia mai no ka onawaliwali kino ke kumu o kona hiki ole. A@a, ua hoea ae no kana kula, a ua pani ia no hoi kona hakahaka e Holualoa. Ke manao nei makou he mea pono ke hoike pu me ka papa kula makua o Kawaiahao. Pela paha auanei ma keia mua aku.

 

He Manao Hoalohaloha.

 

            I ka Mea Hanohano i Aloha nui ia; me ka walohia. Emma Kaleleonalani.

            No ka mea, ua oluolu i ke Akua Mana Loa ka lawe ana aku i Kou Makuahine i Aloha nui ia: Ia Kekelaokalani Kekuaipowa Kailikulani Heleoili Kulua. He Makua Alii, he Haku no kekahi mau Alii, he Makamaka Alii no ka lehulehu, he Haku makee kanaka.

            Nolaila, ua ili iho maluna Ou a me Kou Aloalii ka luuluu. ke kaumaha, ka minamina, ka pilihua, ke kumakena, a me ka ehaeha o ke kanikau, nolaila ho, o makou na wahi pupu weuweu i koe o kau poe kauwa, a me ka makou mau pua, a me ka makou mau mamo, e noho nei ma ka aekai kuaaina o Kawaihae nei, kahi no hoi a makou i holoholo pu iho ai, me ua Mama Aloha @la Ou i hala aku la; i na la opio, i ua kai kaulana nei.

            Ke komo pu aku nei makou me Oe, a me Kou Aloalii, a me ka ohana alii, a me ke lehulehu a pau i piha i ke aloha no Kou Lani Makua i oili aku la. E hui pu ia aku makou me oukou, ma ke kumakena paiaum@, kanikau kulipolipo ana aku, no ka mea minamina i lilo aku la, a ke hoike aku nei makou i ke makou aloha oiaio, ma o ko makou mau komite la, ke u pu aku nei makou me oukou iloko o ka pouliuli panopano o ke kumakena walohia, o ke anu maeele a ke aloha Alii, nolaila, ke kulou haahaa aku ne makou imua o ke lokomaikai o na Lani, e hoomama mai ia oe a me Kou Aloalii, kakou pu a pau. I like ai hoi me ka leo kah@@ ma ka Baibala: “O ka poe kaumaha a luuluu, e hele aku i o Iesu ia.”

            Me ke aloha.

 

Na Komite;

S P Wahinenui                        J K Kahaa Wi

J B Kahoohuli             J Kauwe

Mr Kauwe.

Kawaihae, Sept. 25, 1880.

Ke Akua ka Luna.

 

GOD OUR COMMANDER.

Royal Song.

            1

Kani ae. Ho@ena?

Kau ae i ka hana

I ka naue oli ana i ke no ma o.

Maluna no na kino.

Auhee ae na ino.

Naue ae a hiki i ka aina ao.

lua mau ke kaua kaua no kakou,

Kaua me ka pili ana ia Iesu.

Cho.    Kani nui ae;

Kani hoomaikai;

Naue me ke mele ae, ke mele ae.

            2

Kau mai ka pouli;

Lama nae ka lani.

Naue me ka lama lani i ke ao ma o.

Iesu no ka Lama.

Auhee ae Satana.

I na mau ka naue, hiki i ke ao.

Naue ae a naue, naue oli no.

Naue ke malie, naue ae a po.

Cho.    Kani nui ae, &c.

            3

Ala, makaala;

Naue a Hosana.

Kikoo ae la a pii oli i ke ao lailai.

Oia me kakou la.

Oia ke aloha.

Iesu no ka Luna me ke Alakai.

Pili a hahai mamuli ona no.

Pili i ka Luna, pili no a mau.

Cho.    Kani nui ae, @c.

 

HAWAII.

 

Haawina Kula Sabati.

HELU 3, SABATI OKATOBA 17.

KUMUHANA

 

Iakoba ma Betela. Pauku Baibala. Kin

28;10—22.

 

            10 Hele aku la o Iakoba mai Beereseba aku, i kona hele ana i Harana.

            11 A hiki aku la ia i kau wahi, a noho iho la ilaila i ka po; no ka mea, ua napeo ka la: lawe ae la ia i kekahi o na pohaku o ia wahi i uluna nona, a moe iho la ilaila.

            12 Moe iho la ia i ka uhane; aia hoi. ku mai la kekahi ala haka maluna o ka honua, a hiki aku la kona welau i ka lani; aia hoi, ua ikea na anela o ke Akua i ka pii ana ae, a i ka iho ana mai maluna o ka haka.

            13 Aia hoi, ku mai la o Iehova maluna ae o ka haka, i mai la, Owau no o Iehova ke Akua o Aberahama o kou kupunakane, a ke Akua o Isaaka; e haawi aku no au i ka aina au e moe iho ai nou, a no kau poe mamo.

            14 A e like auanei ka nui o kau poe mamo me ka lepo o ka honua, a e palahalaha ana ae oe i ke komohana, i ka hikina, i ke kukulu akau, a i ke kukulu hema: ia oe no a i kau poe mamo e hoopomaikai ia ai na ohana a pau o ka honua.

            15 Aia hoi, me oe no wau, a e malama auanei ia oe i na wahi a pau au e hele ai, a e hoihoi mai no wau ia oe i keia aina; no ka mea, aole au e haalele ia oe, a pau i ka hana ia e au ka mea a’u i olelo aku ai ia oe.

            16 Ala ae la o Iakoba mai kona hiamoe ana, i iho la ia, He oiaio, maanei no o Iehova, aole nae au i ike.

            17 Eehia iho la ia, i iho la, He wahi eehia keia! o ka hale wale no keia no ke Akua, o ka ipuka hoi keia o ka lani.

            18 Ala ae la o Iakoba i kakahiaka nui, lalau aku la ia i ka pohaku ana i uluna ai, hookuu ae la i eho, a ninini iho la i ka aila maluna o kona welau.

            19 Kapa iho la ia i ka inoa o ia wahi, o Betela: o Luza ka inoa mamua o ua kulanakauhale la.

            20 Hoohiki aku la o Iakoba i ka hoohiki ana, i aku la, Ina e noho pu ke Akua me au, a e malama mai ia’u ma keia ala a’u e hele nei, a e haawi mai i ai na’u e ai ai, a i kapa hoi e aahu ai.

            21 A hoi hou mai au i ka hale o ko’u makuakane me ka maluhia; alaila o Iehova no ko’u Akua:

            22 A o keia pohaku a’u i hooku ae nei i kukulu. e lilo auanei ia i hale no ke Akua: a e haawi io aku no wau nou i ka hapanui o na mea a pau au e haawi mai ai ia’u.

            Pauku Gula.    P 15 hoopaa.

            Manao nui.      Hahai ka pilikia mamuli o ka hana hewa ana.

            Na heluhelu la. 1 Kin 27;41—46, 2 Kin 28;1—9, 3 Kin 10—22, 4 Hal 34;1—22 5 Heb 1;1—14, 6 Hal 91;1—16, 7 Luk 19;1—10.

            Mele.   “Hoomaikai e ka Makua,” Lei Alii 128.

            Pule i aloha a hoomaikai mai ka Makua nui i na haumana, &c.

Ka Wehewehe me ka Ninau ana.

            He wanana e hoolana ai i ka manao o Esau. E hiki mai ana ka manawa e hemo ai ka auamo o Iakoba, a lilo ia i lahui kuokoa. Aole nae i oluolu Esau ia Iakoba. E hoomaka koke ana na pilikia e hahai mamuli o ka hanahewa. Aole malu ke ola o Iakoba. E ohumu ana Esau e pepehi ia ia. Lohe Rebeka, a paipai oia ia ia e ku a holo aku i ka aina o kona makua.

            E mehameha ana Rebeka me Isaaka. E hele ana Iakoba i kahi e. E auwana ana Esau ma ka aina nahelehele. Na makua palupalu wale no koe. E nui ana ka hewa o Esau ma ka hoomahuahua ana i kana mau wahine pono ole. Ka mea i kaumanui ai ka naau o Rebeka. O ke mea i hewa, mau no ka hewa. O ka mea i pono. a hana hewa nae, e hahau ia ana oia i mea e mihi ai.

            Mok 28;1—9. Ua like ka manao o Isaka me ko Rebeka. Pono ke hoomahuka aku ia Iakoba i kahi e i ole oia e make ia Esau, i loaa hoi ka wahine kupono. no ka ohana no o Rebeka.

            Ku Isaaka ia Iakoba, a kauoha, a hoomaikai, a hoouna aku ia ia i ka aina o kona mau makua. Ua akaka loa, oia no ka hooilina ponoi, aole o Esau. Nolaila, hoomaikai oia ia ia me ka olelo ana. Na ke Akua oe e hoomaikai mai, e hoohua, a hoomahuahua i lilo oe i lahui nui, a e hooili nou i ka aina au e noho malihini nei.

            P 10. Hoolohe no Iakoba i ke kauoha a na makua. Aia oia mahea ia wa? Hoomaka oia e hele mai Beresaba aku a ihea? Aia Harana mahea? Aia ma Meopotamia, 450 mile mai ka hikina akau aku. Aole anei ona hoahele? Aole, o kona kookoo wale no.

            P 11. Ua hele aku Iakoba i ka akau. A hala na mile he 60 paha. Ua maluhiluhi paha. Hoomaha oia me ka manao e moe. Moe paha me ka pule ole. No ka mea, aole paha oia i manao nui i ke Akua ia wa. Heaha kona uluna? He uluna oolea ea. Oia anei ka uluna Hawaii i kekahi manawa?

            P 12. Moe uhane Iakoba. Heaha kana i ike ai? Mahea ke kumu? Mahea ka piko? Owai kai ike ia, e pii aku ana, a e iho mai ana ma ia haka?

            P 13. Owai kai ku ae maluna ae o ka haka? Owai oia? wahi ana. Heaha kana e haawi ana nona? Owai ia aina.

            Awaawa ka opu ou, e Iakoba, ka hua awaawa keia o kou hoopunipuni ana i loaa ka pomaikai o ka hanau mua. Me ke kaumaha nui paha kona hele mehameha ana, me ka ike ole i ke alanui iwaena o ka poe hihiu, a hoopilikia mai, me ka ike ole i na mea e hiki mai ana mahope.

            Nawai i kuhikuhi i ke alanui? E na haumana, e ao ia oukou. Mai hana hewa, mai hoopunipuni i mea e loaa ai kekahi pomaikai o hoopilikia auanei.

            P 14. E like auanei kana poe mamo me ke aha? Pehea hoi kona palapala ana? E aha ia ana na lahui a pau o ka honua ma o kona poe mamo?

            P 15. Owai pu me Iakoba? A aha ke Akua ia ia ma na wahi e hele ai? A e hoihoi ia ia i hea? I ka wa hea?

            P 16,17. I ke ala ana ae, heaha ka Iakoba mau olelo? Me ia no kakou. Moe, a hiamoe. Hoopuni mai na anela. Malama mai ke Akua ia kakou me ko kakou ike ole. Moe wale paha me ka pule ole. Makaala nae ke Akua, kiai, malama, a hoala hou me ka maluhia. Heaha ka Iakoba mau olelo no ia wahi?

            Ia wahi akea ana i moe ai, me he la ia ia ka hale o ke Akua. Ka puka hoi ia o ka lani. No ka mea paha. Ua launa pu ke Akua me ia ma ia wahi. Ua ike ia hoi na anela o ke Akua, e pii ae ana, ma ia wahi aku a i ka lani, e hoi hou mai @alo.

            He mea hou keia moe uhane, keia haka kupanaha. He hoailona paha ia no Iesu. Iesu no ke ala e iho mai ai na pono lani, a e pii aku ai i ka lani.

            P 18,19. Pehea Iakoba i hana ai me ia pohaku? Hoolilo ia i mea hoomanao. Aole akaka kona manao no ka ninini ana i ka aila maluna o ka pohaku. He mea hoolaa paha. Aole nae he mea hoomana. A kapa i ka inoa o ia wahi owai? Ke ano. Hale o ke Akua. Owai ka inoa mua? He 12 mile paha ma ka akau aku o Ierusalema. Owai malaila mamua aku?

            P 20—22. Hai mai i ka Iakoba hoohiki ana. 1 I na hele pu ke Akua me ia a aha ia ia ma ke alanui? 2 A haawi mai i ana nona? 3 A e hoihoi maluhia mai ia ia i hea? Alaila heaha o Iehova nona? A e lilo ia i pohaku i aha no ke Akua?

            A ka hapa aha o kona mau meaa pau ana e haawi aku ai no ke Akua? Akahi paha a manao nui Iakoba i ke Akua. Ehia la ona mau makahiki? E huli i akaka.

            Mele.   “Hale Aulii Mao.” Lei Alii 13@.

Na Ninau a na Kahu.

            Na kane. Owai kekahi inoa o Esau? Mahea kahi noho o ko Edoma? Mau anei ka enemi o lakou i ka poe Isaraela? He kumu pono anei ko Esau no kona huhu a Iakoba? Owai ke kaikuaana i huhu i ko@a kaikaina e like me Esau? Mai make ke@a kaikaina o Esau. Ma ke aha i pakele a? Pehea e nele ai Rebeka ia laua a elua i @@ la hookahi? I na make Iakoba ia Esau, make. E kanu i ke aha?

            Na wahine. Hai mai i na kumu elua hoouna ia aku ai Iakoba i Harana. Nohea Rebeka? Nawai ia i imi i wahine na Isaaka? Ma ke kauoha a wai? No ke aha Heaha na pilikia i loohia ia ai Rebeka m@ Iakoba no ko laua hoopunipuni ana?

            Na keiki me na ui. Hai mai i kekahi mau hoopunipuni me na hope ino.

            Na kula a pau. Hai mai i ka moeuhane kupanaha o Iakoba, ke ano, kona hoohiki ana. Owai ko kakou haka, e hiki ai i ka lani? Ma na laau aha e pii aku ai?

            Mele. “Kii a kai mai.” Lei Alii 131.

            Pule i kai ia mai na keiki iloko o @e kula, &c.

            Haawina no Oct. 24.   Kin.32;9—12, 22—30.

 

Moolelo o ka Ahahui Euanelio o

HAWAII KOMOHANA.

 

            La hana 1, Poakahi, Sept. 1, 1880. Halawai ka Ahahui Euanelio o Hawaii Komohana ma ka luakini Hoole Pope ma Helani, Kahaluu, Kona Akau, Hawaii, i ka la 1, 2, a me 4 o Sepatemaba, 1880, ma ka hora 10 o ke kakahiaka, me ka haiolelo a ka Luna Hoomalu ma ka hoomaka ana, ka Rev S W Makaike ma Galatia 6:9.

 

Ekalesia.                      Ka@u.             Elele.

Hamakua Hik.             _____              _____

Hamakua Waena                                 K@malimali

Hamakua Kom.                                   Kaumelela@

Waimea

N Kohala                     Rev E Bona,    Kapeona

Kohala Kom.               Rev Luhiau     Kailimai

Kohala Hema

Kekaha            Rev Kaonohimaka.     Punihaole

Kailua & Hei@ni        Rev Waimau   Meemii

Kona Waena               Paaluhi                        Hoomainoino

Kealakekua                                         Apana

Pukeana                       G W Waiau     Polea

Kapalilua                                             Kalaukoa

Waiohinu

 

            Na lala mau: Rev H Manase, Rev S W Makaike, Rev S W Papaula. Rev S Aiwohi a me Rev A O Forbes. Ma ka barota ana ua kohoia o Rev J Waimau i Lunahooponopono; pule mai ka Lunahooponopono. Ma ka barota ana i Kakauolelo ua koho ia o Rev S W Papaula.

            Na Komite imi hana:  Bona, Manase a me Waiau. Na Komite imi haawina: Polepe. Luhiau a me Kaonohimaka. Hai mai ke Komite imi hana a hoike mai i keia mau kumumanao: Hapalua hora haipule, Hoike Kihapai, na Haawina, na Palapala Hoopii, Hoike Kula Sabati, Kula Kaikamahine, na Kula Beritania, na Kihapai Kahuole, ke ola Kahu, no ka ona.

            Aponoia ka hoike a ke komite, o ka hapalua hora haipule, apopo hoomaka; apono ia.

            Hapai ia ka hoike kihapai. Heluhelu mai ke kakauolelo i ka hoike kihapai o Hamakua hikina, Hamakua waena, Hamakua komohana, Waimea, Kohala komohana, Kohala hema. Noi ia mai e hoomaha ka aha i hookahi hora. Pule o Kapaona.

            Hoi mai ka aha i ka pau ana o ka hora hoomaha, pule o Polea.

            Nonoi mai ka lunaheomalu e hooponopono no hou ia ka pauku 3 o ke kumu kanawai, a kamailio nui ka aha, a koho ia i komite na lakou e’hooponopono hou a hiki mai i ka la apopo, Bona, Luhiau, Waiamau, aponoia.

            Hapai ia ke koena o na hoike kihapai, heluhelu mai o Bona i ka hoike kihapai o Kohala Akau. Heluhelu mai ke kakauolelo i ka hoike kihapai o Kekaha, heluhelu mai o J Waiamau i ka hoike kihapai o Helani a me Kailua, heluhelu mai o Hoomainoino i ka hoike kihapai o Kona waena. hoike waha mai ke kahu mua no ke kihapai o Kealakekua, heluhelu mai o Naiau no ke kihapai o Pukaana, noi ia mai o keia mau ho@ ike kihapai, e koho ia i komite oia ka lunahoomalu; aponoia.

            Noi ia mai oa palapala hoopii. Heluhelu ia mai he palapala hoopii na S W Papaula i ka ekalesia o Kealakekua, no ko lakou hoohiki ana, aole nae i hookaa ponoia, koho ia i komite no keia palapala hoopii oia o A O Porepe apono ia.

            Heluhelu ia mai la he palapala hoopii no Kona waena i kahunapule me ka hanai ana i ke ola o ke kahu, koho ia i komite oia o Bona; aponoia.

            Hoike mai ka lunahoomalu i kekahi mau kahu oia o Makaike, Papaula, e nana ka aha keia mea, kuka ka aha, a noi ia mai e hoike mai o Makaike ma ka palapala i ka la apopo, ae ia.

            Na S W Papaula hoi e hele ana wau i Kalapana me Opihikao, Puna ke pau ka halawai o keia aha a me pa hooponopono o ka moolelo o keia aha, hoike mai ka lunahoomalu e noho ka aha hui kula Sabati, apopo hora 1, apono ia.

            Hoike hou mai ka lunahoomalu, e ninau ia o Z Kalai a me na keiki a ka aha i hoomaopopo ai i kekahi manawa, o ka la apopo o ka mana wa mahope ihu o ka hora haipule o ka aha, aponoia.

            Noi ia mai e lilo ka la 3 o Sepatemaba hora 10 o ke kakahiaka i manawa e hoike ai na kula Sabati i makaukau, oia ke Poalima, aponoia, a noi ia mai e hoopanee keia aha a halawai hou ma ka la apopo hora 9, pule o S C Luhiau.

            La hana 2, Poaha Sepatemaba 2 1880.

            Halawai hou ka aha i ka hora i hoopanee ia, lunahoomalu ma ka noho, haipule ka aha hapalua hora, kahea ia ka inoa o na lala, heluhelu ia ka moolelo me ka hooponopono ana aponoia.

            Hapai ia na keiki no ke kula Kahunapule, no Hamakua waena, o Welewele, no Kohala Komohana, Kilohi no Kekaha, Kukapu no Kailua a me Helani Kauila no Kohala Akau, Z Kalai koho ia i komite na@a e alakai ma ka ninaninau ana, oia ka lunahoomalu Bona, Waiau, aponoia.

            Hapai ia ke koena o na hoike kihapai, na Kalaukoa i heluhelu mai i ka hoike hapa o ka ekalesia o Kapalilua, heluhelu mai o S W Makaike i kana noi o hookuu iaia mai ka noho kahu ana no ka ekalesia o Kona waena, aponoia, hoomaha ka aha 1 hora. Pule o Kaonohimaka, hoi mai ka aha i ka pau ana o ka hora hoomaha, pule ka lunahoomalu.

            Hoike a ke komite no ka hooponopono ana i ka pauku 3 o ke kumu kanawai a na ka halawai hou ana o ka aha e apono loa, aponoia.

            Hapai ia ka noonoo ana no ke kula Kaikamahine, a kukakuka nui ka aha me na manao ikaika a momona. Hapai ia ka heluhelu haawina a L Laiana; Heaha ka makou e hana ai?

            Na E Bona i heluhelu mai i kona haawi@a; Na ouli o ka manawa, noi ia mai e pai i@ ma na nupepa elua Kuokoa me Paeaina; n@ S W Papaula i heluhelu mai i kona haaw@na; Ka la nui mahope.

            Na S W Makaike i heluhelu mai i kona ha@wina; Heaha ke kanaka hou. Noi ia m@ e hoopanee keia aha a halawai hou m@ka Poaono hora 9. Pule o G W Waiau

            Aole i pau.

 

S. B. DOLE.

HE LOIO A HE KOKUA MA KE KANAWAI.

 

            Ehiki no i@i@ ke kaweiawe I ea hik@@ o kela a me keia ano i@@@@ @ ae @ kiahookeie@@@@@ a p@u o keia aupuni. Koena h@@@ @@ Alanui Papu, ma@@@@ @@ @ ka Halekuai o L@@@@@@            Honolulu, Oahu. Iulai 1@, 1@@@   @@@ tf.

 

Kauka O. S. Cummings, M. D

HOMEOPATIKA.

 

Oia ke kauka i kamaaina mua ia oukou e na kanaka Hawaii ma ka inoa,

 

“KULU WAI LIILII”

 

Ua hoi mai nei oia, a e pahola hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa m@ kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano.           888 tf

 

ANO NO I LOAA MAI NEI!

Na Kaa Lio

Holo Lealea!

 

Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.

            DILLINGHAM & Co, l

876 tf  Na Agena kuai ma Hawaii nei.

 

CHRISTIAN CERTZ

Mea Hana Buti

—ME—

KAMAA MAOLI !

Alanui Papu, makai o ke Keena o Lui & Dickson

KE HAI AKU NEI OIA I NA MEA A PAU,

Ua hoi mai oia mai Kapalakiko mai,

 

Ilaila Oia i ohi kino mai nei i na waiwai

nani o paa o kona oihana, a ke

waiho ia aku nei no ke ku

ai ana no na kumukuai

o ka manawa

 

HE MAU WAIWAI PIHA O NA BUTI

 

Na KAMAA HAAHAA a me na ano kamaa

no na Lede. Na Buti, na Kamaa Haa

haa a me na ano kamaa e ne a pau

no na Keonimana.

 

NA BUTI & KAMAA HAAHA!

A ME NA ANO KAMAA E AE A PAU

NO NA KAMALII!

NA KAMAA O NA ANO HE NUI

O NA KAMAIKI OPIOPIO.

 

            O neia mau mea a pau ua hanaia me ke akamai loa a me k paa o na ano hou loa, a ke hooia ia aku nei ia mau mea e lik me ka mea i olelo ia.

            E lawe ia no na kauoha mai na Mokupuni me ka maiau me ka eleu.  3m942

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

—E LAA NA—

Ahinahina, Kalakoa,

Keokeo, Leponaio,

Pena, Aila, Aniani,

NA MEA PIULA !

KOPA, AILA HONUA,

AILA HOOMALOO

Kui Kakia, Pakeke,

Tabu, Kaula, Noho Lio,

Hulu Palaki, na Pulumi.

 

—A HE—

 

AGENA NO HOI NO NA MOKUPUNI O HA

WAII NEI NO NA

 

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

 

Na lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

 

LIPINE, LIHILIHI, &c.

—A ME NA—

Mikini Humuhumu MakeponoLoa!

—A ME—

 

MAU MEA AI KAHI

 

Ka Palaoa, Kupaa,

Reiki, Pia, Hooho,

Paakai. Huaala,

Pia Kulina, &c

 

A he Laau Lapaau Kaulana Loa

A DR. JAYNES.

 

Laau Kunu.

Laau Hoomaemae Koko,

Laau Hoopau Naio,

Penikila, Huaale

 

A ME NA LAAU HAMO, A PELA’KU!

840 tf

 

C. C. Coleman.

Amara a he Mea Hawa Mekini

Kapili Kapuai Hao Lio

—A ME KA—

Hana ana i na Kaa Lio, &c.

Hale Hana ma A@@@@@ M@i e h@hi@e

905      ke A@@@@@ 1 @@@@   ii

 

OLELO HOOLAHA.

Mai ka la I aku o Ianuari 18@0 he

ELUA DALA

ka aku o na ohua eneki ma@e@a o ka mok@aki: JAMES M@ KKK @@@@@@@ a na awa o Oahu a me na awa o Kauai

941 tf  @. R. FOSTER & CO P@k@ Ma

 

HOOPANEE KE KUAI A KA LUNA

HOOPONOPONO I KA

WAIWAI PAA.

            UA hoop@n@@@ ia ke kuai ana o ka waiwai o Charles K@@@ in@ i make i hoohaha ia no ka Poaono, Aperila 3 1880. hoohaho ia aku no ma ke akua ka manawa ekuai ai.

            W.C. PARKE.

Lunahooponopono ma ka waiwai       C. Kaaaina      @3f tf

 

UA MAKEMAKE IA

NA ILI BIPI

NA KIWI BIPI,

NA IWI BIPI,

 

            E haawi ia no ke kumukuai kiekie o ko kakou makeke nei e H. Hackfeld & Co.

Honolulu, Mei 22. 1880          964 ly

 

NU HOU! NU HOU!

MAHOPE AKU O KA LA I O IANUARI, 1880. K H@@ maka ana makou malalo o na rula

DALA KUIKE,

I ka Loaa ana aku o ka Waiwai i

ka Mea Kuai.

 

E hookahua ana makou i ka makou oihana

malalo o he DALA KUIKE, e

kuai ia aku ana na laho wai

wai a pau no ke Kumu

kuai malalo iho o ka

 

MEA I IKE IA MAMUA

E LIKE ME KA LILO.

 

He Huina nui ko makou o na Oo, Kopaia

Ho, &c., &c. i kuai ia mamua ae o ka

hoopii ia ana o ka auhau o ka poe

nana i hana.

 

HE MAU LAKO NUI KO MAKOU

—O NA—

PALAU

 

A makou e kuai aku ai no ka $7 a hiki

ka $7.50 Malalo iho o ke Kumukuai

mua no kela a me keia PALAU.

 

            Ano ko oukou manawa kupono e looa ai na waiwai makepono loa.

 

E hele mai Hookahi, E hele mai a pau loa.

 

            DILINAHAMA MA.

 

942 tf  37 Alanui Papu.

 

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukulu

ana i na Hale!

Na Pani Pua, Na Puka Aniani,

Na@Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa

 

NA PILI OKA HALE

O NA ANO A PAU.

 

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani

Na Ami o na ano a pau,

Na Aila Pena, o kela me keia ano.

Na Aila Hoomaloo, he lehulehu wale.

Na Aila e ae o na ano a pau.

 

NA WAIVANIKI

—A ME NA—

WAI HOOHINUHINU NANI!

o na ano a pau loa.

 

NA BALAKI             ANO NUI WALE

 

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

—NO KA—

 

UKU HAAHAA LOA!

 

E like me ka mea e holo ana mawaena o

LAUA a me ka MEA KUAI.

 

E hele mai!      E na Makamaka!

 

A e lawa no hoi ko oukou makemake

me ka oluolu a me ka maikai!

845tf