Ka Nupepa Kuokoa, Volume XIX, Number 37, 11 Kepakemapa 1880 — Page 4

KA NUPEPA

Kuokoa me ka Au Okoa

 

H@A.

No Ka Makahiki.   $@  Eono Mahina, $1

@ a Kuik@ ka Rula.

KOMITE HOOPONOPONO.

Sam’l Kaaikaula,

Hezekia Aea.

POAONO. SEPATEMABA 11, 1880

 

E Uwao No’u.

 

INTERCEDE FOR ME.

Goodly Pearls.

1.

Ua hou ia ma kea

Kou kino e Iesu.

A ma ia hou ia na

E ku a uwao no`u,

Ku a uwao no’a, kuu Iesu,

E ku a uwao no’u,

Imua o kou Makua,

E ku a uwao no’u.

2.

Ua kahe no kou koko,

Kou koko kamahao.

A ma ia koko ou la

E ku a uwao no’u,

Ku a uwao no’u kuu Iesu,

E ku a uwao no’u.

A ma ia koko ou ia

E ku a uwao no’u.

3.

Ua auwe make oe

Me e ka eha ou.

A ma ia auwe make,

E ku a uwao no’u,

Ku a uwao no’u, kuu Iesu,

E ku a uwao no’u.

Imua o kou Makua,

E ku a uwao no’u.

4.

Ua ala hou kou kino,

Ua pu ae i ke ae,

Ua komo i ka nani,

E mau ko awao no’u,

Mau kou uwao no’u, kuu Iesu.

E mau kou uwao no’u,

Imua o kou Makua,

E mau kou uwao no’u.

HAWAII.

 

Haawina Rula Sabati.

 

Helu 13, SABATI, SEPT. 26, 1880.

KUMUHANA.

 

Ka Olelo a ke Akua.  Pauku Baibala,

Halelu 119;97 –112.

            97 Nani wale ko`u aloha i kou kanawai! Oia ko`u mea e noonoo ai i na la a pau

            98 Ma kau mau kauoha, ua hookela aku oe i ko`u akamai mamua o ko ko`u poe enemi; No ka mea, ua mau loa no lakou me a`u.

            99 Ua oi aku ko`u akamai, mamua o ko ko`u poe kumu a pua; No ka mea, o kou hoike ana ka`u e noonoo ai.

            100  Ua kela aku ko`u naauao mamua o ko ka poe kahiko; No ke mea, ke malama nei au i kau mau olelopaa.

            101 Ua kaohi no au i ko`u mau wawae, mai na ala hewa a pau,   I malama aku ai au i kau olelo.

            102 Aole au i haalele i kau hoopono ana; No ka mea, ua ao mai oe ia`u.

            103 Nani ka ono o kau mau olelo i ko`u puu! Ua oi aku mamua o ko ka meli i ko`u waha.

            104 Ma kau mau olelo ao, ua loaa ia`u ka naauao; Nolaila, inaina aku au i na ala wahahee a pau.

            105 He kukui no kau mau olelo no ko`u mau wawae; A he malamalama hoi ia ma ko`u alanui.

            106 Ua hoohiki no au, a e hooko no wau; E malama no au i kau hoopono pololei ana.

            107 Ua plikia loa no au; E lehova, e hookikaika mai eo ia`u, e like me kau olelo.

            108 E lehova, ke nonoi aku nei au e lealea mai oe i ka mea a kuu waha e haawi wale nei;  A e ao mai hoi oe i kou hoopono ana.

            109 Ua mau no ko`u uhane iloko`o ko`u lima; Aole nae au e hoopoina i kou kanawai.

            110 Ua kau no ka poe hewa i ka mea hei no`u; Aole nae au i healele i kau mau kauoha.

            111 Ua loaa ia`u kou mau kanawai i hooilina mau loa no`u; No ka mea, oia ka mea e lealea ai ko`u naau.

            112 Ua hoohuli au i ko`u naau e hana i kau mau olelopaa.  A i ke ao pau ole.

            Pauku Gula.  p. 106.  Hoopaanaau.

            Manao Nui. No na kanaka ka olelo a ke Akua.

            Na heluhelu la.   1 Hal 119;97—112.  2 Hal 119;60—80,  3 Ios 1;1—9,  4 Kan 31;19—36.  5 O@h 17;1—12,  6 Hal 119;9—24,  7. 2 Pet 1:4—8, 16—21.

            Mele. “E Paa i ka Baibala”  Lei Alii p 126.

            Pule i ao ia, a hoolaha ia ka baibala ma na wahi a pau a puni ka honua.

 

Ka wehehe me ka Ninau ana.

 

            He aha ke kumu hana? Owia ka buke i kapa ia, ka Olelo a ke Akua? No ke aha? No ka oi i na buke e ae a pau.  Owai na mahele nui elua o ka baibala, ehia a owai na mahele o ke Kauoha Kahiko? Ehia a owi na mahele o ke Kauoha Hou, ehia makahiki ma waena o ke Kauoha Kahiko me ke Kauoha Hou, e noonoo na kumu.

            Aole anei he kaula a ke Akua, he wahi olelo hou a ke Akua iloko o ia mau mak. 400?  Aole, ua lawa no na elelo mua mai Kinohi a Malaki no ia wa. He mau kahuna pule no, he mau kumu, he mau luna nana i ao, a paipai, a hooikaika i na kanaka ma na mea e pili ana i ke Akua ma kekahi mau makahiki.  A i ke kokoke a na mai o ka pau ana o na makahiki he 400 ua hele laiau ka nui o na Iudaio. Kakaikahi ka peo pono io i koe i ka wa i hoea mai ai Ioane Bapetitie me Iesu Kristo.

            No ka mahele hea Kinohi? No ka mahele hea Samuela? No ka mahele hea ka moolelo no Ioane? No ka mahele hea ka haawina no keia la? No ka mahele hea ka moolelo no Iesu?  No ka Halelu ehia kela Haawina? Halelu oihi anei, pokole pahu?  Ehia la pauku, na wai i kakau ka nui o na Halelu, no ka mahele hea Davida, Davida me kana mau Halelu, no ka mehele kike a nei laua?

 

Mele. “Kana@na” Lei Alii 129.

 

Na ninau no ka Haawina.

 

            Hal 119.  P. 97, 103, 107, 111. Heaha ka manao o ka Haku mele i ke kanawai, ola hoi ka ke Akua Olelo? Ma ka manawa hea oia i nonoo ai ma ke kanawai? Pehea ka ono o ka ke Akua Olelo i kona puu? Ua oi a ku ia mamua o ke aha ma kona waha, i kona pilikia ana ma ke aha e loaa ai ka ikaika, ka maha ana, heaha ko ke Akua mau kanawai nona, he mau mea hoi ia e aha ai kona naau?

            Mahea ka manao o kela kanaka pono ma Hal 1;2, pehea ka ono o ke kanawai ma Hal 19;10,11? Heaha ka olelo hooluolu ma Isa 40;1.2, heaha ka olelo hooluolu a Iesu ma Mat 11;28—30, a ma Io 14;1—3? Heaha ka olelo hooluolu ma Hal 119;165?

            Pehea oukou, e na haumana? Me ia anei ko oukou manao, mau no ma ke Akua Olelo, ma na la a pau? Heluhelu mau no, he mea ono anei ia me ka ai, me ke ko, me ka mele a oi aku? He mea waiwai anei me ke dala, ke gula, a oi loa aku? Hele mau anei i ke kula Sabati no ka makemake loa i ka ke Akua Olelo?

            A pilikia a kaumaha oukou, mahea e hele ai i loaa ka maha? Ma ka uwe waimaka wale no anei? Ma na olelo a Iesu anei?

            P 98—100,104,108. Ke akamai o ka Haku Mele, ke akamai o kona mau enemi, ko wai kai oi, no ke aha, Me ia a mau ke aha, a pahea ka naauao o na kumu, ua oi aku anei kona i ko lakou, no ke aha, ua oi aka anei kona naauao i ko ka poe kahiko, no ke aha ma ke eha i loaa ai ka naauao ia ia, nolaila? Aha oia i na wahahee a pau, heaha kana i noi aku ai e ao ia mai.  Ma ka aha e hoomalamalama ia mai, Hal 119; 130.

            Pehea ka Iesu olelo no ke keiki uuku iloko o kona aupuni ma Mat 11;11? Pehea ka Paulo olelo no ke akamai o keia ao ma 1 Kor 1;19,20,21,26,27,28,29? Ua akaka, ka olelo a ke Akua ka mea e naauao io ai kanaka. Ua loaa ia olelo ia oukou? Pehea e loaa ai ka naauao? Ma ka huli mau paha, heluhelu mau, kula mao, malama mau, aole loaa ka naauao io ke heluhelu wale no me ka malama ole. He naaupo ia, he mea e nui ai ka hoopai ana. O ka mea i ike i ka hana pono, aole nae e hana, pehea oia.

            E na keiki Hawaii, ua oi aku ko oukou ike mamua o ko na makua, o ko na kupuna. E ao o lilo ko oukou ike i naaupo ma ka malama ole i ka olelo a ke Akua i ao ia ai oukou?

            P. 101,102,105,106,109,110,112.  He mea aha ke kanawai o ke Akua i na wawae o ka Haku Mele. Ua kaohi, ua hoopaa ia iaia i ole oia e hele hewa, na ka malama i hoopaa. Aole oia e haalele i ka hana pono ana no ke aha, he aha ka ke Akua olelo i kona wawae, heaha hoi ia ma kona alanui? Heaha kana i hookiki a hooko ai, heaha kana e hoopoina ole ai? Heaha ka ka poe hewa i kau ai imua ona, ua haalele nae anei oia i ka ke Akua mau kauoha, ua hoohuli ia kona naau i ke aha, no ka manawa hea?

            He alakai aha ka baibala, he panana aha, no wai eia kakou ma ke kai hea, heaha na moku, ke holo aku nei i hea?

            I kahi a kakou i ike ole ai. Ua lohe nae, he ao mau loa, elua mahele, ka po, ka lani, owai ka pailaka, ke makemake e holo a pae ma ka lani? Heaha hoi ke panana, i na aole Iesu ke pailaka, aole hoi ka baibala ke panana, e holo kaka ana a pae aku ihea?

            Ehia makahiki i noho ai Hawaii me ka Baibala ole, ehia makahiki i noho ai me ka Baibala, nawai i lawe mai i ka baibala maanei, no ke aha?

            I na i loaa oleka baibala, heaha Hawaii i keia wa, i na malama ole ia ka baibala, he aha Hawaii ma keia hope aku.

            No Hawaii hea ka poino nui, no Hawaii kahiko anei me ka baibala ole, no Hawaii hou anei me ka baibala, aole nae i malama ia.  E makau Hawaii hou o ala mai Hawaii kahiko ma ka la hope, a hoahewa ia Hawaii hou, no ka hoowahawaha i na pono hou, na pono i loaa ole ia Hawaii kahiko.

            Mele.  “Kuu Baibala maikai” Lei Alii p S7.

            Pule i ao mau ia ka baibala me ka malama mau ia, i piha hoi ke ao nei i na baibala ma na olelo a pau.

            Haawina no Oct. 3, Kin.26;12—25.

 

Palapala na Rev. James Kekela.

                                         

Puamau, Hivaoa; Iulai 5, 1880.

 

REV. H. H. Paleka. Aloha nui oe.

            Eia no au i keia mau la ma ko maua hale, a o kuu ohana, aia lakou a pau ma Uapou e noho nei. E hoike no au malalo nei i wahi mooleio pokole.

            Aperila 4, 1880.  Oia ka la a maua me kuu keiki Samuela i haalele ai ia San Francisco, a kau ma ka moku Greyhound, holo no ka paeaina o Nuuhiva a ma ke la 25 o Aperila, ku ma Taiohae, ke awa ku moku maikai o Nuuhiva, launa koke maua me S Kauwealoha ilaila, me ke aloha nui no, e noho kali ana ao oia ia maua ilaila, no ka mea, ua loaa mua na leta ia lakou mai Honolulu mai, e hoike ana, ma ka malama o Aperila e kau ai maua ma Nuuhiva.

            Ua noho iki makou me Taiohae i tekahi mau la eha, alaila, Aperila 30 holo na Uapou, a launa pu me ko`u ohana, ka vahine a me oa kaeiki a maua, a me ka ohana o S Kauwealoha, me na waimaka helelei e kahe ana ma na papalioa me ke aloha nui no, a hoonani aku la makou a pau i ke Akia Mana o ka lani, no kona lokomaikai nui mai, ia`u ka mea i hele auwana a hoi a launa hou me kuu ohana a me o`u mau hoapaahana misionari.

            E ola pono ana na ohana misionari a pau i keia manawa ma Uapou, a ma Atuona Hivaoa, a ua maikai na kamaaina ma ia mau wahi.

            O Puamau nei kahi a maua i noho ai no keia mau makahiki he iwakalua kunamakolu, he poe paakiki loa ma ke kaua, a ma ka hana ino he nui wale.

            He mau kaua kuloko ma Puamai nei, mahope iho o ko`o holo ana aku nei. Hawaii, a ua nui ka poe i ku i ka pu a nake, a ua ku hoi kekahi poe, aole i make eiwa ka nui o ka poe i make a he 11 i ku a ola no.

            A ma ka malama o Aperila, hele lekahi poe i ke kaua no Puamau nei, i Moea, ma ka aoao o ka Pohaku ma e noho nei, i loaa ia lakou kehahi kanaka, ki pu aku la ia poe nei o Puamau ia ia a make, a ooki kona poo, a lawe mai la i Puamau nei, a u kalua ia a moa, a na ka poe kahuna p@gana i a i ua poo nei.

            I ka la i lawe ia mai ai ua poo la i Puamau nei, ua ku mai ke Kiaaina Faran maanei ma Nuuhiva kona wahi noho mau a ua hai ia i ua Kiaaina Farni la keia hana ino loa a ko Puamau poe, no ia mea, ua kauoha ia aku ke Kiaaina Farani ma Tahiti, e hookahe i ke koko o ko Puamau poe, no ko lakou paakiki ma ka hana ino, he oiaio no ka paakiki o ko Paumau poe na ka hana ino.

            Mei 3. Holo au no Hivaoa, la 7 lu ma Atuona, launa pu me J Hapuku ma, e ola pono ana no laua me ko laua ohana.

            Mei 8. Holo no Puamau, a ma kala 11 ku no Puamau, a launa pu me kuu mau haumana uuku a me na kamaaina a pau o Puamau, a he nui ko lakou hauoli i ko`u hoi hou ana mai me ke kino ola, no kamea, ua lohe nui na mea a pau ma ka paeaina o Nuuhiva, ua loohia ia au i ka mai pu@ule, i ko`u pae ana ma Honolulu. A ua lauoha ia o A Crawford, ma San Francisco e kii mai kona moku ia Naoimi me aa keiki a  maua, a hoihoi ia lakou ma Honolulu—He malu pono no na mea a pau ma ka hae, aole no i hana ino mai na kamaaina, mau pono no na wahi holoholona, maka`ala no na alii o maua i ka hoomalu ia mau mea.

            O na ohana kaua iwaena o ko Puamau poe, me kekahi poe no ia, a ua noho kekahi poe me ka hele ole ma ia hana, hookahi wale no o`u po i moe ai ma ko mauahale, alaila, hoi hou i Uapou.

            He nui ka pilikia pihoihoi o na kamaaina, no ka makua in a moku manuwa Farani e hiki mai ana e kaua i ko Puamau neipoe. A o kekahi poe kamaaina, lawe i ko lakou ukana ma ka hale o ke kumu Pope i nalo.

            Iune 26. Lauan aku au me ke kumu Pople maluna o kekeahi o na molu kaua Farani, ku mua mai la ia moku.

            I mai la ke kumu Pope ia`u: “He pono oe ke hele mai ma ko`u hale e noho ai i pono.”

            J Kekela—No keaha ko`u mea e hele ai ma kou hale?

            K Pope—“No ka mea, e ki pu ia ana kou hale me ko na kamaaina a pau ma Puamau nei, ke hiki mai ka Adimarala.”

            J Kekela—E noho no au ma ko`u hale, aole loa au e hele i kou hale e noho ai.

            K Pope—E, e malama oe ia oe;

            J Kekela—E, na`u no au e malama nei.

            Iune 27. Ku mai la ka moku o ka Adimarala, me kekahi, ma Puamau nei.

            Holo koke aku la au e launa aloha ne ia, a kauoha mai la e lawe aku i na alii o ka aina e kamailio pu me ia, a imi i ka nea e pono ai ka noho ana o na kamaaina o ka aina, ma ka hookahe koko paha, ma kekahi mea e ae puha.

            Iune 28. Ua lawe ia na alii a pau o Puamau maluna o ka moku o ke Alii Adimarala Farani, a owau hoi kekahi i holo aku e launa pu a hoike no`u iho.  A hoakaka lea in a mea a ke kumu Pope i hoike mai ai ia`u, e like me na mea a`u i ha ae nei maluna.

            Pane mai la ka Adimarala Farani ia`u. “E noho oe ma kou hale iho, mai lele i kona hale. Aole loa au e kipu aku i kou wahi a i ka poe malalo o kou malu, aole no hoi e hiki i ka poe mai na aupuni e ai ke haoa ino wale mai ia oe.”

            Iune 29. He halawai nui ma Puamau nei, ma kekahi la, Mei 11 hoi hou no Uapou, a ma ka la 17 launa hou au me kuu ohana a me S Kauwealoha ma, no kuulohe ana ia S Kauwealoha ma, he haunaelekaua ma Puamau, nolaila ko`u holo wikiwikihookahi, a waiho no i ka ohana ma Uapou.

No Na Moku Manuwa Farani.

 

            Ma ka hebedoma mua o lune, ku mai la 3 moku manuwa Farani ma Taiohae, Nuuhiva no ke ki pu i ko Puamau poe, kehaawi pio ole mai ka poe hana ino o Puamau ia lakou iho.

            Iune 8. Holo au mai Uapou aku na ka waapa i Nuuhiva, e launa me ke Kiaaina Farani ma Nuuhiva a e noi aku, owau kekahi e holo i Puamau, a na kauoha ke Kiaaina Farani ia`u, he pono oe ke helepono imua o ke Alii Adimarala Farani, a kanailio pu me ia a i na oia e ae ia oe e holo pono no.

            Iune 10.  Hoolauna aku la au ia`u iho me kekahi mea mahele olelo maluna o ka moku o ke alii Admirala Farani, ua launa aloha au me ia maluna o kooa moku nui, nani a hanohano, me ke aloha lulu lima na a ua hoakaka lea no au ia ia i na mea e pili ana i kuu oihana misionari a hoike aku hoi au in a mea a pau ana i ninauninau mai ai, e pili ana no keai lahui. He ano oluolu akahai kona ma ko`u nana aku i kona helehelena i ko maua kamailio ana, a noi aku la au ia ia no ko`u pono ke holo mai i Puamau a ua ae pno mai la no oia.

           

Iune 14, hora 5; kakahiaka, healele ia Taiohae holo mua no Vaitahu, oia ke awa ku moku no Tahuata, hora 5 ahiahi ku ilaila, a pii ma kahi mokuahi one e ku ana ilaila, a holo no Hivaoa, ho@a 10 ku ma Hanu@akuna.

            Iune 15. Holo no Puamau a hookou mai la ia`u a holo hou aku le ka moku no Tahuati.

            A ma Puamau, lele mai le ke alii Adimarala Farani, na alii koa o na koa Farani, ke alu nui o Tahiti na koa o Tahiti, ke Kiaaina Farani o Huuhiva me Uapou, pau loa lakou i ha hoolako ia i na mea kaua.

            Eia ka olelo kukala a ke alii Adimarala Farani.          

 

 

            1 Ua kapu ka hana rama a me ka inu i na mea ona, in a hana kekahi a iau, e hoopaa ia i ka hao, me ka hoohana ia i ka hana oolea; --O ka ona, nolaila ko oukou pupule, a pepehi oukou ia oukou iho, a me na hana ino he nui wale.

            2 E haawi ia mai na pu a pau loa a oukou ia`u me ka poka, pauda, i maikai ai oukou.

            3 E hoouna na makua i ka lakou mau keiki e hele i ke kula, a e no ia malaila i ka ike i ka heluhelu palapala me ke kakau palapala.

            O ka naauao o ka oukou mau keiki, oia kekahi mea nui e pono ai ko oukou noho ana ma keia hope aku.

            4 E hoonoho mai ana au i mau koa Farani e kiai a oukou i maluhia ko oukou noho ana a na lakou no e hoopai i ka poe kolohe mawaena o oukou.

            E hoohiolo ia na kapu liiliii ino iwaena o oukou, a o na kane a pau o oukou, he pono ke hoohana ia ma na alnuui a puni ka aina, e like me ka hana ma na aina ia hoonaauao ia.

            5 E imi oukou i na kanaka pepehi kanaka i koe iwaena o oukou, a haawi mai ia`u a lawe ma kahi e, i malu ko oukou noho ana me keia hope aku.

            He maikai na olelo a ke alii Adimarala Farani, a o ka hooko ia ka mea e pono ai. He ano olulu no kona, ma ke kamakamailio ana, a hiki ia ia ke kamailio iki mai ia`u ma ka olelo Enelani.

            He ano e loa na hana o keia manawa, na kauoha ia ke alii Adimarala Farani, e holo mai e kaua i ko Puamau poe, a ua holo mai no oia me ka makaukau e hookahe i ke koko o ko Puamau poe, ekolu manuwa Farani i makaukau no ka hookahe i ke koko, ke ku mai nei lakou ma ke awa nei o Puamau.

            Eia ka nui o na kanaka i hele mai no ke kaua.

            Ma ka mokuhao o ka Adimarala Farani Victoriuse 420. Davot 150. Chaseur 104. Kanaka Tahiti 120.  Kanaka Nuuhiva me Uapou 180; huina 9 74.

            Ua hoolei ia na manao hookahe koko a ua pani ia ma ia wahi, ka hoopau ana i na kapu kahiko lapuwale, a me na hana ino lapuwale e ae o ka aoao pegana.

            Ua hooko ia ka olelo a Iehova ina o ka Haku; Halelu 76; 10: “E hoonani aku no ka huhu o kanaka ia oe, a e liki no hoi oe i ke koena o ka huhu.”

            E hana ana na kanaka o ka honua mamuli o ko lakou makemake iho, aka hoi, he hiki i ke Akua ke hoohuli i ka hana a kanaka i mea e hooko ia ai kona makemake.

            He aina kapu loa o Kina mamoa, aole komo ka olelo a ke Akua ilaila, kaua ko Beritania me ko Kina, a oa hamama ka puka, a ke komo ala na misionari e hoolaha i ka euanelio.

            He kaua nui ma Amerika, no na naka, o ka hope oia kaua, he maluhia.

            He kaua nui ma Farani, me Geremania o ka hope, ke komo nui nei ka euanelio ilaila. Pela ma Sepania, a me Italia, he nui na kaua, he nui ke koko e hookaheia, o kona hope, he malu a maikai.  O ke Akua wale no ka inea e ike ina mea e hiki mai ana mahope.  O na mea a kakou @ ike, a malaila kakou e hana`i.  E huipu oukou a e noi aku i ka Haku nona ka hana.  E hiki koke mai ke Aupuni o ka Haku ma ka Paeaina o Nuuhiva nei.

            Ua lawa paha keia leta no oukou a pau—aole au e hiki ke palapala pakahi in a makua misionari, me kuu mau hoa kahunapule Hawaii, a me na makamaka a pau ma ka Paeaina Hawaii:--mai ka Moi ma kona noho @ ilana, a hiki i ka poe e hoho ana malalo o Konamalu.

            Ke haawi aku nei au i ko`u aloha ia oukou a pau, ma ka inoa o ke Haku Iesu Kristo mai Hawaii a Kauai, owau no kou hoa kauwa iloko o Kristo.

                                                                                                            JAMES KEKELA.

 

UA LE-I KA HALE!

 

Eia i ka Nuku a Waiwai!!

 

O kela me keia ano. Nolaila, ia oukou e na hoaaloha maikai a pau o ke one nani o Kakuihewa, e kuai aku ana au me ka makepono loa i na lole o kela me keia ano, o na lede, keonimana a me na kamalei, mai luna o ke poo a h@la i na wawae.  I mea e maopopo ai, e hele mai no, eia au la, ua hele a kupai ka lole i Makena.

Me ka Mahalo,

Goo Kim.

Alanui Nuuanu, Iulai 1880.    971 2m

 

C. C. Coleman.

Amara a he Mea @ Mekini

Kapili Kapuai Hao Lio

-- A ME KA --

Hana ana in a Kaa Lio, &@.,

Hale Hana ma Alanui Alii, e kokoke la i

905  ke Alanui Papu.  Tf

 

OLELO HOOLAHA.

Mai ka @ @ @ o Ianuali 1880, he

ELUA DALA

ka uka o @ki ma@@@@ o ka mokuhi JAMES KEE mawa@@@ o na awa o Oahu a me na awa o Kauai.

941      tg  T. R.  FOSTER 7 CO. (Pe@@ Ma.)

942     

HOOPANEE KE KUAI A KA LUNA

HOOPONOPONO I KA

WAIWAI PAA.

UA hoopaoee ia ke k@@i ana o ka waiai o Charles Kanaina i make i hoolaha ia no ka Po@@@o.  Aperila @ 1880. e hoolaha ia aku no ma kea kea ka Manawa keua i ai.

W. C. PARKE.

Lanehoopo@op@oo ma ka waiwai @ Kanaina.  @@7  tf

 

UA MAKEMAKE IA

NA ILI BIPI,

NA KIWI BIPI,

NA IWI BIPI,

E haawi ia no ke kumukuai keikei o ko kakou makeke nei e.  H. Hackfeld & Co.

Honolulu, Mei 22, 1880.  964  ly

 

NU HOU!  NU HOU!

MAHOPE AKU O KA LA I O IANUARI, 1880, E  HOOmaka ana makou malolo o na @@la

DALA KUIKE,

I ka Loaa a@a aku o ka Waiwai i ka Mea Kuai.

E hookahua ana makou i ka makou oihana

malalo o ke DALA KUIKE, e

kuai ia aku ana na lako waiwai

a pau no ke Kumu-

kuai malalo iho o ka

MEA I IKE IA MAMUA

E LIKE ME KA LILO.

He Huina nui ko makou o na Oo, Kopala,

Ho, & c., &c. i kuai ia mamua ae o ka

hoopii ia ana o ka auhau o ka poe

nana i hana.

HE MAU LAKO NUI KO MAKOU

--O NA—

PALAU

A makou e kuai aku ai no ka $7 a hiki

ka $7.50 Malolo iho o ke Komukuai

mua no kela a me keia PALAU.

Ano ko oukou manawa kupono e looa ai

na waiwai makepono loa.

E hele mai Hookahi,  E hele mai a pau loa.

                                                    DILINAHAMA MA.

942  tf  37 Alanui Papu.

 

PAPA, PAPA

AIA MA KAHI O

LEWERS & DICKSON!

(O LUI MA.)

 

MA KE KAHUA KAHIKO MA

Alanui Papu a me Moi

E LOAA AI NA

Papa Nouakiki

o kela a me keia ano.

Na Papa Nani a Paa no ke Kukulu

a@a i @a Hale!

Na Pani Puka, Na Puka A@iani.

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa

NA PILI OKA HALE

O NA ANO A PAU.

a Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale.

Na Aila e ae o na ano a pau.

NA WAI VANIKI

-- A ME NA –

WAI HOOHINUHIU NANI!

na ano a pau loa.

NA BALKI ANO NUI WALE

A ke hai ia aku nei ka lono in a makamaka a

pau, ua makaukau keia @au makamaka

o oukou e hoolawa aku ma

na mea a pau e pili ana

ma ka laua oihana

--NO KA—

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai!  E na Makamaka!!

A e lawa no hoi ko`oukou makemake

me ka oluolu a me ka maikai!

845tf

 

S. B. DOLE.

HE LOIO A HE KOKUA MA KE

KANAWAI.

E hiki no iaia ke lawelawe in@a hihia o ke@a a me @@@ an@

imua o ne A hahookolokolo a pau o keia aupuni@

Keena ha@a m@ Alan@i Papu, mal@na ae o ka Halekuai

Likikini.  Honolulu, Oahu. Iluai 10, 1880.  97@  tf

 

Kauka O. S. Cummings, M.D.

HOMEOPATIKA.

Oia ke Kauka i kamaaina mua ia oukou e na kanaka Hawaii ma ka inoa,

“KULU WAI LIILII”

Ua hoi mai nei oia, a e pahola hou mai ana oia i kona akamai lapaau ia kakou.  Aia kona Keena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano.  888 tf

 

ANO NO I LOAA MAI NEI!

Na Kaa Lio

Holo Lealea!

Na Kaa Lawe Ohua a me na kua holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.

DILLINGHAM & Co.

876  tf  Na Agena kuai ma Hawaii nei

 

CHRISTIAN GERTZ

Mea Hana Buti

-- ME –

KAMAA MAOLI!

Alauui Papu, makai o ke Keena o @ui & D@@@@@@

KE HAI AKU NEI OIA I NA MEA A PAU.

Ua hoi mai oia mai Kapalakiko mai,

Ilaila Oia i ohi kino mai nei i na wai@@@

nani @ paa o kan@ oihana, a ke waiho ia aku nei no ke ku-

ai ana no na kumukuai

o ka manawa

HE MAU WAIWAI PIHA O NA BUTI

Na KAMAA HAAHAA a me na ano ka@a@

no na Lede.  Na Buti, na Kamaa Haa-

haa a me na ano kamaa e ae a pau

no na Keonimana.

NA BUTI & KAMAA HAAHA!

A ME NA ANO KAMAA E AE A PAU

NO NA KAMALII!

NA KAMAA O NA ANO HE NUI

O NA KAMAIKI OPIOPIO.

O neia mau mea a pau ua ha@ala me ke akamai loa a me k@

paa o na ano hou loa, a ke h@oia la aku nei ia mau mea e @@@

me ka mea i olelo ia.

E lawe ia no na kau@ha wai @@ Mokupuni me ka mai

au me ka eleu.  3m942

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

-- E LAA NA –

Ahinahina, Kalakoa,

Keokeo, Leponalo,

Pena, Aila, Aniani,

HA MEA PIULA!

KOPA, AILA HONUA,

AILA HOOMALOO

Kui Kakia, Pakeke,

Tabu, Kaula, Noho Lio,

Hulu Palaki, n@ Pulumi.

--A HE—

AGENA NO HOI NO NA MOKUPUNI O HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

Na lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

LIPINE, LIHILIHI, &c.

--A ME NA—

Mikini Humuhumu MakeponoLoa!

--A ME—

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai Huaala,

Pia Kulina, &c.

A he Laau Lapaau Kaulama Lea

A DR, JAYNES.

Laau Kunu.

Laau Hoomaemae Koko,

Laau Hoopau Naio,

Penikila, Huaal@

A ME NA LAAU HAMO, A PEL A’KU@

840  tf