Ka Nupepa Kuokoa, Volume XIX, Number 34, 21 ʻAukake 1880 — Page 1

 

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XIX. HELU 341         POAONO, AUGATE 21, 1880         NA HELU A PAU 977.

 

KA NUPEPA

Kuokoa me ke Au Okoa

I HUILA

NA OLELO HOOLAHA: --O na Olelo Hoolaha he 10 laina kakau lima, he Hookahi Dala no ka puka mua ana; elua puka ana, he $1.50; no hookahi mahina, he $2.00

 

NA KANIKAU A ME NA MELE: He 10 keneta ka uku no ka lalani hookahi, ua like me $1.00 no 10 lalani

 

HOOLAHA MAU: e hoomanao na makamaka a e hookomo mai i na olelo hoolaha mamua ae o ka awakea Poaha, i ole e kaukai ia aku a kekahi pule ae.

 

E hoomanao @ na lehulehu, aole e hoopuka i kekahi Olelo Hoolaha.  Kanikau a me ke Mele ke ole e hookaa mua ia mai ka uku.

 

E hoouna pololei mai i na leta i ka Nupepa Kuokoa.

 

HE KANAWAI

E hoopau ai i ke Kanawai i aponoia ma ka la 31 o Dekemaba i ka M. H. Hookahi Tausani Ewalu Haneri me Kanaonokumamaha, i kapaia, “He Kanawai e pale aku ai i ka halawai hookuiana o na Moku ma ka moana,” a e hana i mau mea hou i pani no ia Kanawai.

 

No ka mea, ua poloaiia mai keia Aupuni e ke Aupuni Hui o Beretania Nui a me Irelani, e lawe aku i na rula i hoomakaukau a i hooholo ia e ke Aupuni Beretania i mea e pale aku ai i ka halawai hookui ana o na moku ma ka moana, a e hoolilo ia mau rula ma kahi o ke Kanawai i olelo ia maluna. 

 

A no ka mea ua hoike ia mai i ke Aupuni Hawaii, ua ae na Aupuni o na Aina e, i hoakakaia ma ka Papa Helu Alua i hoopili ia me keia e hoolili a e kau i na rula i olelo ia ma ka Papa Helu Akahi i oleloia maluna o ko lakou mau moku, ina paha ma ko lakou mau kai, a ma kahi e aku paha.

 

A no ka mea, he kupono no e lawe a hooko ke Aupuni Hawii a e malama ia mau rula hou a me na loina i waiho mai. Nolaila.

 

E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanauni @ Aupuni:

 

PAUKU 1.  E hoopauia a ma keia ua hoopau loa ia ke kanawai i olelo mua ia, i aponoia ma ka la 31 Dekemaba M. H. 1864.

 

PAUKU 2.  Ua Kauoha ia na Kapena o na moku Hawaii a pau, e malama a e hooko maluna o ko lakou mau moku i na rula i haiia ma ka Papa Akahi e pili pu ana me keia.

 

PAUKU 3.  Ua hiki no i ka Moi ma kona Ahakukamalu, i kela a me keia manawa, e hoopau a e hoololi pahi i kekahi o na rula, a o hana i mau rula hou e pakui ia aku paha i na rula i olelo mua ia, a i ole ia ma kahi o na rula hoopau ia, a o na hoololi a me na rula hou i hana ia e like me ka mea i olelo ia mamua, e like no ko lakou mana maluna o na moku Hawaii, me na rula iloko o ka Papa Akahi i huiia me keia.

 

PAUKU 4.  Na ka Luna Dute Nui e haawi aku i elua kope o ia ma rula ma ka olelo Hawaii a me ka olelo Beretania i na Kapena moku Hawaii a pau e noi mai ana.

 

PAUKU 5.  E lilo keia i Kanawai a e hoomaka ia ka hooko ana mahope o ka la 1 o Sepatemaba, Hookahi Tausani Ewalu Haneri me Kanawalu.

 

Papa Helu Akahi

Hoakaka mua ana.

1. Maloko o na rula mahope iho nei, o na mokumahu a pau e hooholo ia ana me na pea wale no, aole me ka mahu, e manao ia he moku holo pea ia, a o na mokumahu a pau e hooholo ia ana e ka mahu, a he pea a pea ole paha, e kau ana ia manawa, e manao ia oia he mokumahu.

 

He mau Rula e pili ana i na Kukui.

 

2. O na kukui i hoakaka ia ma na Pauku hope iho nei, heuia 3, 4, 5, 6, 7, 8, 9, 10, a me 11, oia na kukui e lawe ia, a oia wale no i na manawa a pau, mai ka napoo ana a i ka puka ana o ka la.
3. E kau na mokumaha holu moana, oiai e holo maoli ana.

(a)     Maluna a ma ke alo paha o ke kia mua, aole e emi ke kiekie mai ke kino ae o ka moku i na kapuai he iwakalua, a ina hoi ua oi ka laula o ka moku mamua o na kapuai he iwakalua, alaila, aole e emi ke kiekie o ke kukui malalo o ia laula i kukui keokeo olinolino, i hanaia e hoomalamalama like a puni i iwakalua kukuna o ka panana, a i hanaia e hoomalamalama i umi kukuna ma kela a me keia aoao o ka moku, oia hoi, mai mua pono a hiki i elua kukuna o ke panana mahope iho o waena, ma kela a me keia aoao, e like ke olinolina ana o ia kukui e ike ia ai iloko o ka po poeleele, ke ole mai i uhi ia e ka noe i elima mile ke kaawale aku.

(b)    Ma ka aoao akau (starboard) o ka moku, e kau ia, i kukui omaomao, e hoike ae i kona malamalama, a pau i kukuna he umi o ke panana, mai mua aku a hiki i elua kukuna mahope o waena, ma ka aoao akau, a e olinolino no hoi ka ike ia ana o ia kukui i elua mile ke kaawale aku iloko o ka po poeleele, ko ole nae i uhiia e ka noe.

(c)     Ma ka aoao hema (port) o ka moku, e kauia i kukui ulaula, e hoike ana i kona malamalama a puni na kukuna he umi o ke panana, mai mua a hiki i elua kukuna mahope o waena, ma ka aoao hema (port) a e olinolino hoi ka ike ia ana o ia kukui i elua mile ke kaawale aku iloko o ka po poeleele, ke ole nae i uhiia e ka noe.

(d)    E hoomakaukau ia keia mau kukui omaomao me ka ulaula, me na papa pale kukui ma ka aoao, a e oi ana ekolu kapuai mamua o ke kukui, i ike ole ia ai ua kukui la ma kekahi aoao o ka ihu o ka moku.

 

PAUKU 4. O na mokumahu a pau i ka wa e kolo ana i kekahi moku, e kau no oia i kona mau kukui aoao, a me elua kukui olinolino keokeo, maluna kekahi o kekahi, aole nae e emi malalo o ekolu kapuai ke kaawale o kekahi mai kekahi i mea e maopopo ai oia, mai na mokumahu e ae.  E hana a like ke ano o keia mau kukui elua, a e kau ia ma kahi i kauoha ia na kukui olinolino keokeo o na moku mahu e ae.

 

PAUKU 5. O ka moku, ina paha he moku mahu a moku holo pea paha, oiai e hoomoe ana i ka uwea telegarapa, a e huli ana paha i ka uwea i haule, a ina paha mamuli o kekahi poina ua hiki ole ke hookeleia, alaila, e kau ia moku i ka po, ma kahi o ke kukui i kauoha ia no na moku mahu, i ipu kukui keokeo, a ina hoi he moku mahu ia, alaila, ma kahi o ia kukui keokeo, i mau kukui ulaula ekolu iloko o na ipu kukui poepoe, aole e emi malalo o umi iniha ke anawaena, e kau pololei ia kekahi maluna o kekahi, aole e emi ke kaawale o kekahi mai kekahi malalo o na kapuai ekolu, a ma ke ao e kau pololei ia i ekolu mau popo poepoe eleele, aole e emi malalo o elua kapuai pakahi ke anawaena, kekahi maluna o kekahi, aole e emi malalo o ekolu kapuai ke kaawale o kekahi mai kekahi, ma ke alo o ke kia mua, aole hoi malalo iho o ke poo o ia kia.

 

E manao ia keia mau popo a me na kukui, e na moku e holo mai ana he maa hoailona ia, ua pilikia ka moku e kau aku ana ia mau hoailona, e hoike aku ana ua pilikia a ua hiki ole ke hookele ia, a no laila, ua hiki ole i na moku la ke hookaawale ma kahi e.  O na moku i hoakakaia maluna, ina e ku malie ana, me ka holo ole imua, alaila aole e kau na kukui ma na aoao, aka ina e holo ana e kauia no na kukui.

 

PAUKU 6. O ka moku pea e holo ana a e koloia ana paha e kau lakou i na kukui e like me ka mea i oleloia ma ka Pauku 3 no ka moku mahu e holo ana, koe nae ke kukui keokeo, aole loa no e kau ia kukui.

 

PAUKU 7.  I ka wa e hiki ole ai i na moku liilii ke kau i na kukui aoao omaomao me ka ulaula, no ka nui o ka ino, alaila e malamaia kela mau kukui ma ka papahele o ka moku, ma ko laua aoao o ka moku, me ka makaukau e hoike koke ia, a ina e hookokoke mai kekahi moku e, a ua kokoke aku paha ua moku nei i kekahi moku, alaila, e hoikeia aku ua mau kukui la, ma ka aoao i hoakakaia no ia kukui iloko o ka manawa kupono e pale aku ai i ka hookui ana a na moku, ina ke ano ike maopopo pono ia, e ike ole ia ai ke kukui omaomao ma ka aoao hema (port) a o ke kukui ulaula hoi ma ka aoao akau (starboard).  I mea e hooko kupono ia ai na ano o keia mau kukui aoao, e pena ia mawaho me ke omaomao a me ka ulaula, a e hoomakaukauia me na pale kupono.

 

PAUKU 8. O na moku a pau ina he moku pea a moku mahu paha, ua kuu ka heleuma, e kau mau ma kahi e ike pono ia ai, aole nae e oi aku ke kie ie i na kapuai he iwakalua maluna o ke kno o ka moku, i hookahi kukui keokeo iloko o ka ipukukui poepoe, aole e emi malalo o ewalu iniha ke ana waena oia ipukukui, a e hanaia ua kukui nei e ikeia ai ke olinolino a puni ka iliwai aole e mi malalo o ka mile hookahi ke kaawale.

 

PAUKU 9. O na moku pailota i hoonohoia ma kona wahi, oiai e lawelawe ana i kana oihana, aole oia e kau i na kukui i kauohaia no na moku e ae, aka e kau oia i kukui keokeo maluna pono o ke kia, e ike ia ai a puni ka iliwai, a e hoike hoi i kukui lapalapa a mau kukui lapalapa i kela a me keia manawa pokole; aole nae e oi aku na kowa mawaena o na hoolapalapa ana mamua o umikumalima minute.  O na moku pailota e lawelawe ole ana i ka lakou hana, ma ko lakou wahi i hoonohoia ai, e kau no lakou i na kukui e like me ko na moku e ae.

 

PAUKU 10 (a) Aole no e kauohaia na waapa lawaia a me na waapa hamama, e ae, oiai e holo ana, e kau i na kukui aoao e like me na mea i kauoha ia no na moku e ae, aka, e noho hoomakaukau no nae na waapa o ia ano, i ipukukui me ke aniani omaomao ma kahi aoao a he aniani ulaula ma kahi aoao, a i ka wa a kekahi moku e hookokoke mai ana, a e kokoke aku ai ua waapa nei i kekahi moku, e hoikeia aku ua kukui nei iloko o ka manawa kupono, e pale ai i ka hookui ana me ia moku, a ma ke ano hoi e ike ole ia ai he omaomao ma ka aoao hema (port) a o ka ulaula hoi ma ka aoao akau (starboard).

 

(b) O ka moku lawaia a me na waapa hamama i kuu ka heleuma, e hoike aku lakou i kukui keokeo olinolino.

 

(c) O na moku lawaia, oiai e lawaia ana me ka upena a e lana ana ka moku, e kau pololei ia ma kekahi o kona mau kia, i elua kukui ulaula, hookahi maluna ae o kekahi, aole e oi aku i na kapuai ekolu, ke kaawale mai kekahi a i kekahi.

 

(d)    O ua moku lawaia e kolo ana i ka upena kuu, e kau lakou maluna o kekahi kia i elua kukui, o kekahi maluna ae o kekahi, aole nae e emi malalo o ekolu kapuai ke kaawale oia mau kukui; o ke kukui maluna he ulaula, a o ke kukui malalo he omaomao; pela no hoi e kau ia na kukui kau aoao e like me na moku e ae.  A ina aole hiki ke kau ua mau kukui nei, e hoomakaukau me na kukui i oleloia ma ka Pauku 7, a i ole, me ka ipukukui omaomao me ka ulaula i hoomaopopo ia ma ka mahele (a) o keia Pauku.

 

(e)     Aole e papaia na moku lawaia a me na waapa hamama i ka hoike ana i na kukui lapalapa, ke manao lakou e hana pela

 

(f)     O na kukui a pau i kauohaia ma keia Pauku, koe wale no na kukui aoao, e waihoia iloko o na ipukukui poepoe i hanaia ma ke ano e ike ia ai ka malamalama a puni ka iliwai.

 

PAUKU 11. O ka moku aneane e loaa i kekahi moku i holo mai mahope, e hoike aku ia moku ma kona hope i kukui keokeo a i ole ia i kukui lapalapa, i ua moku la e holo mai ana.

 

NA RULA NO KA HOAKAKA ANA I KA WA UA NOE.

 

PAUKA 12. E hoolako ia kela a me keia moku mahu me ke oeoe, a mea hookani mahu e ae i kupono, a e waihoia ma kahi e poha pouo ai me ke akaka, me ke keakea ole ia e kekahi mea e ae kona kani ana : a me kekahi ole kupono no ka wa noe, e hookani ia e kekahi upa makani a mea e ae paha o ia ano, me kekahi bele kupono no hoi kahi.  Pela no naimoku pea, e hoolako ia me ka o-le puhi a me ka bele no ka wa noe.  Iloko o ka wa paa i ka noe, ohu, a e haule mai ana ka hau, ina i ke ao, a i ka po paha, e malamaia a e hoike ia aku na kahoaka i hai ia ma keia pauku e like me ka mea i haiia malalo iho, oia hoi,

(a)     E hookani na moku mahu, oiai e holo ana, i kona oeoe, a mea kani mahu e ae paha, i hookahi kani loihi ana i kela manawa keia manawa, aole nae e oi aku ke kowa mawaena o na hookani ana mamua o elua minute.

(b)    E hookani na moku pea oiai e holo ana, i ka o-le i kela manawa keia manawa, aole nae e oi aku ke kowa mawaena o na hookani ana mamau o elua minute.  Ina e holo ana me ka makani ma ka aoao akau, (starboard) alaila, i hookahi kani ana, a ina e holo ana me ka makanai ma ka aoao hema (port), alaila, i elua hookahi ana a ina e holo ana me ka makanai mahope o waena, alaila, i ekolu hookani ana, hokahi mahope o kekahi.

(c)     E hookani na moku mahu a me na moku pea oiai e ku wale ana me ka holo ole, i ka bele, i kela manawa keia manawa, aole nae e oi aku ke kowa mawaena o na hookani ana mamua o elua minute.

E hooholo malie ia na moku i ka wa paa i ka noe a pela aku.

 

PAUKU 13. O na moku a pau, ina paha ke moku pea a moku mahu paha, e holo malie no lakou i ka wa ua uhi mai ka noe, ohu, a e haule mai ana ka hau.

 

NA RULA NO KA HOEULI A ME KA HOOHOLO ANA.

 

PAUKU 14. Ina e hookokoke ana kekahi mau moku holo pea elua, a ua manao ia e halawai hookui ana, alaila, e hookaawale kekahi o laua mai kekahi ae, penei:

(a)     O ka moku e hooiho ana me ka makani mahope, oia ke hookaawale ae no ka moku e hoopii ana me ka makani mamua mai.

(b)    O ka moku e hoopii ana me ka makani ma ka aoao hema (port), oia ke hookaawale ae i ka moku e hoopii ana me ka makani ma ka aoao akau (starboard).

(c)     Ina e hooiho like ana laua a i elua me ka makani ma na aoao like ole, alaila o ka moku e holo ana me ka makani ma ka aoaoa hema (port) oia ke hookaawale ae no kekahi.

(d)    Ina e hooiho ana laua ai elua me ka makani ma ka aoao hookahi, alaila, o ka moku maluna, oia ke hookaawale ae mai ka moku malalo.

(e)     O ka moku me ka makani mahope pono oia ke hookaawale ae ia i kekahi moku.

              

PAUKU 15. Ina e halawai kekahi mau moku mahu elua he ihu a he ihu, a kokoke paha pela, a manao ia e halawai hookui ana paha, alaila, e holo ae laua a i elua i ka akau (starboard) i holo kekahi ma ka aoao hema (port) o kekahi.

 

Ua pili wale no keia pauku, i na manawa e holo ana na moku he ihu a he ihu, a kokoke paha pela, a ua manaoia e halawai hookui ana paha, a aole i pili i na manawa, ina e mau ana ka holo o kekahi mau moku elua imua, a e hala ana me ka hooku ole.

 

Eia wale no na manawa i pili ai.  I ka manawa e holo ana kekahi mau moku he ihu a he ihu, a kokoke paha pela, a i ole ia ma keia ano, i ka wa ma ke ao, ua ike kekahi moku i ke kia o kekahi moku ua kupono ma ka laina o kona mau kia ponoi iho, a ua aneane paha pela, a ma ka po, i na manawa e ike ai kekahi moku i na kukui kau aoao a i elua o kekahi.

 

Aole no e pili keia ma ke ao i na manawa i ike aku ai kekahi moku i kekahi moku e holo ae ana mamau ona mai kekahi aoao a i kekahi, a i ka po paha, i na manawa i kupono ke kukui ulaula o kekahi me ke kukui ulaula o kekahi, a ina i kupono ke kukui omaomao o kekahi me ke kukui omaomao o kekahi, a i ole ia i na manawa i ike ia ai mamua pono he kukui ulaula me ke kukui omaomao ole, a i ole ia he kukui omaomao me ke kukui ulaula ole, a i ole ia i na manawa i ike ia na kukui ulaula a me ka omaomao ma na wahi a pau, koe nae mamua pono.

 

PAUKA 16.  Ina elua mokumahu e holo kui ana, a manaoia e halawai hookui ana alaila na ka moku i ike i kekahi ma kona aoao akau (starboard) ke hookaawale ae mai kahi o kekahi moku e holo mai ana.

 

PAUKU 17.  Ina e holo mai ana na moku elua, he moku pea kekahi a he moku mahu kekahi, ma ke ano i manao ia e halawai hookui ana, alaila e hookaawale ae ka moku mahu mai kahi o ka moku pea e holo mai ana.

 

Pauku 18.  O kela a me keia moku mahu e holo ana a kokoke i kekahi moku e manao ia e halawai hookui ana e hoemi iho i kona holo a hoopaa, a i ole ia e hoemi ihope ina he kupono.

 

PAUKU 19.  Ina e holo ana kekahi moku mahu e like me na mea ia aeia a kauohaia  paha ma keia mau Rula ua hiki no iaia ke hoike aku i ke ano o kona holo ana i kekahi moku ana i ike ai mamuli o na hoakaka, ma kona oeoe mahu, penei:

 

Hookahai hookani pokole ana, penei ke ano:  “Ke holo nei au i ka aoao akau,” (starboard).

 

Elua hookani pokole ana penei ke ano.  “Ke holo nei au i ka aoao hema,” (port)

 

Ekolu hookani pokokele ana, penei ke ano: “Ke holo nei au ihope me ka ikaika a pau.”

 

E lawelawe ia keia mau kahoaka, a lawelawe ole ia paha e like me ka makemake, aka, ina e hana ia, alaila, e hooholo ia no ka moku e like me ka mea i kahoaka ia aku.

 

PAUKU 20.  O na moku a pau, ina he moku pea a he moku mahu paha e holo aku ana paha mahope o kekahi moku a loaa aku paha, na ia moku i holo aku mahope e hookaawale ae i kahi o ia moku e holo mua ana me ka nana ole i na mea i hoakakai maloko o na pauku mamua.

 

PAUKU 21.  Ma na wahi haiki na kela moku mahu keia moku mahu i na manawa a pau i hiki e holo ma ka aoao akau (starboard) o ka moku o waena o ua wahi haiki la.

 

PAUKU 22.  Ina manawa a pau e like me na rula maluna, ua kauohaia ke kahi moku e hookaawale ae mai kekahi moku, alaila e holo pololei no kekahi ma kona alanui.

 

PAUKA 23.  Ma ka hooko ana a me ka wehewehe ana i keia mau rula, e hoomanao ia na pilikia a pau o ka holo moku ana, a pela hoi me na pilikia ku i ka wa i loohia i kekahi manawa i mea e manao ia ai he pono e haalele i na rule i hoakakaia maluna, i mea e pale aku ai i kekahi pilikia e hiki koke mai ana, aole no e hoohemahema kekahi moku i ka hoomakaukau ana i na mea e pale aku ai i ka pilikia.

 

PAUKU 24.  Aole no e lilo kekahi mea iloko o keia mau Rula i mea e hoopakele ai i kekahi moku, a o ka mea nona ia moku a o ke kapena a o na luina paha, no na pilikia ia ule mai no ka lawe ole ana i na kukui a me na kahoaka paha.  A no ka hoomau ole ana o ke kiai a me na hoomakaukau e ae i manaoia na kupono i ka poe hooholo moku, a i kupono paha no ia manawa, koe na rula no na awa k@moku a me ka holomoku ana maloko o ka aina.

 

PAUKU 25.  Aole e lilo kekahi mea maloko o keia mau rula i mea o keakea ai i ka hooholo ana o kekahi rula i hanaia e ke Aupuni o kekahi wahi e pili ana i ka hooholomoku ana ma kekahi awa kumoku muliwai, a wai hooholo moku maloko o ka aina paha.

 

NA KUKUI NO KEKAHI MAU MANUWA A ME NA MOKU I KIAHA E NA MANUWA.

 

PAUKU 26.  Aole e lilo kekahi mea maloko o keia mau rula i mea e keakea ai i ka hooholo ana i kekahi mau rula i hanaia e ke Aupuni o kekahi Lahui e pili i na kukui hou mawaho ae o na kukui mau a me na kukui kahoaka no elua a oi ae paha mau moku manuwa a no na moku paha e holo ana me ke kiaiia e na manuwa.

 

KA LUA O KA PAPA HELU

 

            Austrio Hungary,        Helene,

Belgium,          Italia

Chili,   Netherlands,

Denemaka,      Norway,

Farani,             Portugal,

Geremania,      Russia

Beretania Nui,             Sepania

Suedana,         Amerika Huipuia

Aponoia i keia la 30 o Iulai, M.H. 1880

KALAKAUA  R.

 

HE KANAWAI.

E hoololi ai i loa Pauku 2 o ka Mokuna 46 o ke kanawai i aponoia ma ka la 25 o Sepatemaba, M. H. 1876 i kapa ia “He kanawai e malu ai ka poe malalo o na Palapala Hoopaa Hana i ae ia ma ka Pauku 1417 o ke Kanawai Kivila.”

 

E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaholelo Kau Kanawai o ke Aupuni.

 

PAUKU 1.  E hoololi ia a ma keia ua hoololi ia ka Pauku 2 o ke Kanawai i olelo ia, a penei e heluheluia i.

 

“Pauku 2. I mea e hooko ia ai na olelo o keia Kanawai, ma keia ua ae ia ke Kuhi@a Kalaiaina e hookohu aku i kahi luna a mau luna paha, ma kela a me keia Apana, a nana no a na lakou paha e lawe a hooiaio i na Palapala Hoopaa Hana i ae ia mamuli o ka Pauku 1417 o ke Kanawai Kivila;  Aka hoi, ua hiki no i ka luna a mau luna paha ke hookohu i hope oiai e kaawale ana mai ka apana aku no kekahi manawa, a na ia hope i hookohu ia e hana i na hana a pau a ua luna la a mau luna paha e like me ka mea i hoakakaia ma keia Kanawai; aole nae i kupono i ka manao o keia Kanawai ka hookohu ia ana o kekahi Lunakanawai a hope paha, a mea malama hale kuai paha ma keia Oihana.”

 

PAUKU 2.  O na Kanawai a me na hapa Kanawai a pau i kue i keia ua hoopau loa ia.

 

Aponoia i keia la 13 o Augate M. H. 1880

KALAKAUA  R.

 

HE KANAWAI

E hooponopono hou ai i ka malama ana i maluhia o ka lehulehu ma ka Apana o Honolulu.

 

E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolel Kau Kanawai o ke Aupuni.

 

PAUKU 1.  Ona kaa Kikane a pau i hoohana ia no ka lawe ana i na waiwai a ukana a ae paha o na ano a pau, ma ka Apana o Honolulu, ina ua piha i ka ukana a aole paha, aole e hookele ia a oi kona holo mamua o ka hele maoli.

 

PAUKU 2.  O ka mea hookele o kela a me keia kaa i hooholoia mahope o ka po ana maloko o ka Apana o Honolulu, e hoolako i kukui a mau kukui kupono, a e ho-a mau ia maluna o kela a me keia kaa, mawaena o na hora o ka po.

 

PAUKU 3.  Ina e uhaki kekahi mea i na olelo o keia Kanawai, e hoopai ia oia ke ku ka hewa, imua o ka Lunakanawai Hoomalu o Honolulu, aole e oi aku mamua o Umi dala no kela a me keia hewa.

 

Aponoia i keia la 13 o Augate M. H. 1880

KALAKAUA  R.

 

PANE IA W. LIPOA.

E ka Nupepa Kuokoa e.  Aloha oe: --

 

Oiai ua ike au ma kekahi o kou mau kolamo penei:  “Aole i malama ia ka maluhia o ka Apana o N. Kohala.”  Ke mau nei no ka ona o keia apana, wahi a ua o W Lipoa, ua ike pono oia ia Kalawaia ma ka la 26 o ka mahina i hala, ua ona oia ma kekahi kahawai, a ke hoike aku nei au me ka oiaio aole i pololei keia hoolaha ana a W Lipoa, “aole i malama ia ka maluhia o ka apana o N. Kohala, ke mau nei no ka maluhia.

 

Eia ka ninau ia oe e W Lipoa. @ hoopii anei oe ia Kalawaia imua o P Kamakala Esq lunakanawai apana o N Kohala no ka ona? No ka mea, a ia kela hewa ma kahi akea, a ma ke alanui, a ma kahi kanaka, no kena ona ana.

 

Alua, heeha hoi ko aiea i lawe ole ai e W Lipoa ia Kalawaia imua o P Kamakala e hoohiki i palapala hopu no ka luna makai o N Kohala, no ka hewa n@wi waiona ia Kalawaia?

 

Ma keia mau hoakaka ana, me he mea ia o W Lipoa, ka huna maopopo lea i kela hewa aha e hoike nei ma ke akea o@i aole oia i lawe i keia mau hihia imua o P Kamakala, a i ole ia i kona hope paha, no ka mea @ia kana mau hoike aoa me he kanaka la i piha kona poo i ka naauao.

 

Ua hoike hou o W Lipoa, ua loaa i@a kekahi iawehala i hoopai ia ma ke kanawai a i hoop@hau ia hoi, o ka hora 11 ia o ka po o ka la 26 oia malama ho.  Bia ka ninau ia oe e W Lipoa, ua hopu anei oe ia lawehala a hoihoi aku i ka lunakanawai o N Kohala?

 

Ma ka hoakaka a W. Lipoa me he mea la aole i hookuu wale ia ka lawehala ma ka hale P@ahau mai, aole no hoi i lohe ia kona lilo ana a hiki i keia la.

 

Nolaila, ua akaka lea he hoopunipuni wale no ka W Lipoa i hoike ai ma kou kino holookoa, a me ha mea la, o ka manao ma kana hoakaka ana e lilo oia i lunakanawai no N Kohala.  Owau no me ke oiaio

SAMUELA KAANOHI

N Kohala, Aug. 5, 1880

 

ANO NO I LOAA MAI NEI!

 

Na Kaa Lio Holo Lealea!

Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.

Dillingham & Co.,

Na Agena Kuai ma Hawaii nei.

876 tf