Ka Nupepa Kuokoa, Volume XIX, Number 22, 29 May 1880 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Ka nupepe

Kuokoa me ke au Okoa

i h@@@. NO ka makahiki, ™™ Eono Mahina, $1. ™™™™ Kuike ka Bula.

Komite Hooponopono. Sam'l Kaaikaula, Hezekia Aea.

Ponoono. Mei, 29, 1880.

Ka pea ma haleiwa.

E kukulu ia ana i Fea in a ka luakini hoo le pope ma Waialua, i ka laa 30 o Iune, oia no ka Poakokolu. e kuai ia ana na mea a na haumana o Haleiwa i hana ai. E hoomaka ana i ke ahiahi, hora chiku.

i ka la moa o Iulai, oia no ka Poaha, e hoike ana ke Kula Hanai o Waialua ma ia luakini no. Hoomaka i ha hora eiwa. A e hoike hou ana ia po, hoomaka hora ehiku. 965 4t.

Home o ka Uhane

Home of the soul.

Coloniel Singer, No. 170. Hollowed Songs.

1

E melee no au no ia aina maikai, ka home mao maluna‘e, kahi e pa ole ai la ke kai ino e, kahi malu e malu mau ai. Kahi malu e malu mau ai. Kahi e pa ole ai la ke kai ino, Kahi malu e malu mau ai.

2

Aia no na laau, na laau kamahao, ke ulu a hua mau no Ole loa e komoka make mao he ola ko laila a mau. He ola ko laila a mau, ole loa e komo ka make mao, he ola ko laila a mau.

3

Nou mau no, a no‘u pu la ia home maikai, ke pili a mau ia Iesu. Oia mau ka Moi o ka poe maluna‘e, a nona na lei nani mau. A nona na lei nani mau. Oia mau ka Moi o ka poe maluna‘e. A nona na lei nani mau.

4

Nani e ke pii ae la ia home maikai, a pau ae na u kanikau, a e hui a pa ma na lira lailai, a oli a mele pu mau, a oli a mele pu mau, a e hui a pa ma na lira lailai, a oli a mele pa mau.

Hawaii.

Haawina Kula Sabati.

Helu 11. Sabatiiune 13, 1880.

Kumu@@@@.

Mahope o ke Ala hou ana. Pauku Baibala

Mat. 28; 8-20

8 Hoi koke aku la laua iwaho o ka halekupapau me ka makau a me ka olioli nui; a holo aku la laua e hai aku i na haumana ana.

9 I ko laua hele ana aku e hai i na haumana, aia hoi, halawai mai la o Iesu me laua, i mai la, Aloha olua! Hele aku la laua, apo ae la ma kona wawae, a hoomana aku la ia ia.

10 Alaila, i mai la o Iesu ia laua, Mai makou olua, ou hele e i aku i ko“u poe hoahanau, e haele aku lakou i Galilaia, malaila lakou e ike ai ia‘u.

11 A hala aku la laua, ulaila, hele aku la kekahi mau mea o ka poe kiai iloko o ke kulanakauhale, a hai aku la i ka poe kahuna nui i na mea a pau i hanaia

12 A akoakoa ae la lakou me ka poe lunakahiko, kukakuka iho la lakou a haawi aku la i na moni he nui i ka poe koa,

13 I aku la, E olelo aku oukou, Na kana poe haumana no i kii mai i ka po, a lawe malu aku la ia ia i ko makou wa e hiamoe ana.

14 Ina e hiki aku keia i na pepeiao o ke kiaaina, na mako ia e hoolealea aku, a e hoopakele ia oukou.

15 Lawe ae la lakou i ua moni la, a hana aku la e like me ka lakou i kauoha mai ai. A ua kui aku la ia olelo ana iwaena o ka poe Iudaio a hiki i neia manawa.

16 Hele aku la ka poe haumana he umikumamakahi i Galilaia, i ka mauna a Iesu i hoike mai ai ia lakou.

17 a ike aku la lakou ia ia. Hoomana aku la ia ia; aka ua kanalua kekahi poe.

18 Hele mai la o Iesu olelo mai la ia lakou, i mai la, Ua haawi ia mai ia‘u ka mana a pau ma ka lani a ma ka honua nei.

19 E hele ae oukou e hoohaumana aku i na lahuikanaka a pau e bapetizo ana ia lakou iloko o ka inoa o ka Makua, a o ke Keiki, a o ka Uhane Hemolele:

20 E ao aku ana ia lakou e malama i na mea a pau a‘u i kauoha aku ai ia oukou, aia hoi, owau no me oukou i na manawa a pau, a hiki i ka hopena o keia ao. Amene.

Pauka G™la. P. 20 Hoopaanaau.

Mawao nui. Pili ke kauoha hope a Iesu i na haumana i keia wa.

Mele. "Ka mea auwana." Lei Alii, p. 94

Pule i hoi mai na mea auwana io Iesu la ke kahu.

Ka Wehewehe me ka Nuaau ana.

Ua hiki mai ka wa lanakila o Iesu. Ua pau kona hoohaahaa ia‘na me kona mau hoeha ia‘na. Ma ka hoomaka ana i na haawina i eono malama mamua aku he keiki aiwaiu oia ma Betelehema. Ua imi ia kona make, Aole nae i make. A kaaaka makua oia. ™a imi hou ia no kona make pa kele pinepine nae, no ka hiki ole o kona manawa. Ua hiki nae ia manawa. A ua make no. A ua kanu ia a nalo. A ua hoopaa ia kena luakupapau i ka pohaku nui i ole e he‘e nahaumana e aihue i kona kino, a olelo wahahee, ua ala hou mai oia. Ua hoonoho ia na koa kiai. A ua kiai no lakou. He hoopai make ke khiamoe ke kiai. Oiai e kia i ana, eia hoi, he olai nui, a hoea he an la ikaika a olokaa aku i ka pohaku, a noho maluna iho. Haalulu loa na kiai me ka makau nui a like lakou me na kanaka make.

Hoea mai he mau wahine Maria ma ma ke kakahiaka nui o ka la mua o ka hebedoma ko kakou Sabati ia, e-ia loa i ke kino o Iesu. Aia hoi, ua olokaa ia aku ua pohaku nui, a he mea ano kupanaha maluna iho. Makau loa na wahine. Ppa nae ka anela, mai makau olua. Ke imi nei olua ia Iesu. Aka, aole oia maanei. Ua ala oie, e like me kaua olelo. I akaka ia, e nana olua iloko o ka lua Ka nana koke no ia, a akaka lea, aole Iesu maloko. Kena ka anela ia la ua, e haele koke aku, a e hai aku i na haumana, ua ala hou Iesu, a e hele aku ana i Galilaia e halawai pu me oukou, Mat. 28; 1-7

P. 8. Owai laua? Hai aku laua me ka aha? Makau no ke aha? Olioli no keaha? A hai laua i ke aha i na haumana? Aia lakou mahea? loane 20; 19.

P.9. I ko laua hele ana, owai ka i halawai pu? Me ka olelo pehea? Pehea hoi laua ia Iesu?

P. 10. Heaha ka Iesu kauoha ia laua? Nana lo. 20 ; 17.

P. 11. Ua aha kekahi kiai? No keaha ka hai ana ia mau mea kupanaha i na kahuna nui? No ka mea, na lakou i noi i poe kiai o hele na haumana e aihue i ke kino o Iesu, a hooloha wahehee, ua ala hou oia. Eia nae, ua ala io no oia, ua ike maka makou, ua olokaa ia aku ka pohaku, ua puka mai Iesu iwaho o ka lua.

P. 12-15. Pilihua na kahuna. Ua akaka loa ma ka waha o na ike maka, ua ala io no Iesu. Heaha ka pono? I na e hoolaha ia, ua ala hou no Iesu mai ka make mai, pau na ludaio i ka manaoia ia ia, a lilo na kahuna nui, me na lunkahiko i poe wahahee a mana ole. Pehea lakou i hana hoopunipuni ai? Uku kipe i na kiai. A hai aku lakou ia Pilato ke kiaaina. Ua hiamoe makou, a hele mai na haumana a Iesu a olokaa aku i ka pohaku, a iho ilalo i ka lua a lalau i ke kino o Iesu, a pii mai a holokiki aku, a hai aku, ua ala hou Iesu. Lua ole ka wahahee! He hoopai make ke hiamoe na kiai. Pauhia nae lakou i ka hiamoe Pehea la lakou i ike ai i na mea i hana ia ului lakou o hiamoe ana? Akaka lea o na kiai na kahna nui, Pilato ke kiaaina, he poe apiki, apuka, wahahee wale lakou.

A pehea? Ua paulele anei na Iudaio i keia wahahee? Pehea ka loihi o ko lakou puni ana? He mau la wale no ko kekahi poe. Ma ka la Panetikoti, nui wale ka poe i hoole ia wahahee a manaoio, ua ala io Iesu, a lilo lakou i poo haumana nana. Aka, nui no na Iudaio hoomaloka i keia wa, a paulele maluna o ia wahahee kahiko.

P. 16, 17. Mahope iho hele na haumana he 11 ihea? E like me ke aha? mok, 26; 32 me p. 7. A aha na haumana ia Iesu? Nohea ka poe kanalua? No ka lehulehu paha. 1 Kor. 15; 6. Pele anei kekahi poe i keia wa? No keaha ke kanalua?

P. 18. Heaha ka i haawi ia mai ia Iesu? Nana Dan. 7; 13, 14. Mat. 11; 27. 16; 28. Luk. 1; 32. 10; 22. Io 3; 35. 5; 22. 13; 3. 17; 2. Oih. 2; 36. Rom. 14; 9. 1 Kor. 15; 27. Hoike 17; 14.

P. 19, 20. Heaha ka Iesu kauoha hope? 1 E hele aku. 2 E hoohaumana. 3 E bapetizo. 4 E ao e malama ia na mea a pau a Iesu i kauoha mai ai. Owai ke hele? Na haumana mua, me ko lakou mau pani mailaila mai, na kahuna pule &c. Owai pu me lakou a hiki i ka hopena o keia ao? Aole o ko Iesu kino, aka o kona uhane. Ke kokua hoi ka Uhane Hemolele, kona pani. Ua hooko ia anei keia mau ea? Ka manawa hea ka hoomaka ana o na haumana e hele aku? Oih. 8; 2. 10; 19, 20, 23. 13; 4.

Mele. "Owai me Iesu," Lei Alii. p. 91

Na Ninau a na Kahu.

Na kane. Owai ka i ike mua i ko Iesu ala hou ana? Nawai i hai i na wahine, ua ala hou Iesu Pehea la i hiki ai ia Iesu ke ala hou oiai ua paa loa ka puka o ka lua i ka pohaku nui? Heaha mamua o ke olokaa ia ana o ka pohaku? Pehea na kiai weliweli loa i keaha, a lilo na kiai i poe aha mahope?

Na wahine. Hai mai i na wahine i hele e imi ia Iesu? Owai ka wahine i makaukau e kii i ke kino o Iesu ke akaka kahi i lawe ia aku ai?

I ka ike ana o na wahine ia Iesu, pehea lakou? Pehea e hiki ai ia oukou ke ikee ia Iesu? Ka la hei ke kupono e imi ai ia Iesu? Ke ala nei anei oukou ma ke kakahiaka nui o ka la Sabati e imi ia Iesu e launa pu? A loaa mai anei ka olioli? Ma ke aha oukou e hoohalike ai me na Maria? Ma ka hai aku ia hai, ua ala Iesu, &c.

Na Ui me na keiki. Ma ka Sabati mua o Ianuari heaha ka oukou i loho ai no Iesu? Heaha oia ma Betelehema? Owai ka i imi e pepehi ia ia malaila? A hala na makahiki ehia a make io oia? Paa anei oia iloko o ka lua make? Ma ka la ehia i ala hou ai oia? Ala oia a pii i ka lani, a lilo oia i aha? i kalahala, i Alii mau loa. Hai like mai Hoike 17; 14.

Ke kula o pau. Ma ka mana owai i ala hou mai ai Iesu? Ina he mana kona e hoala mai ai i na make e ae, aole anei e hiki iaia ke hoala iaia iho? Io. 10; 18.

Ka la hea ka Sabati Iudaio? Ka la hea ka i lilo i Sabati Kristiano? No ke aha? Ehia hoike maka no ke ala hou ana o Iesu? 1 Kor. 15. Owai ka hoike hope?

Heaha ka wahahee i hooloha ia no ko Iesu ala hou ana? ke mau nei anei ka paulele ana ia wahahee? Mana ane@ia wahahee?

Heaha ka hana nui a na haumana? I na hiki ole ke hele aku e ao i ko na aina, beaha na pani? Owai ke pani no Iesu? Heaha ka olelo hoolana i ka manao o na paahana? Ahea e ike maka hou ia Iesu? E aba?

Mele. "Alii Iesu." Lei Alii p. 81.

Pule i hiki koke mai ka manaw@ e lilo ai na aupani o keia ao o pau no Iesu.

Ha@@oina no Iune 20, Hoihope.

Haiolelo a Father

Chiniquy ma kaukeano, Aperila 13, 1880.

(Koena mai ka @@lu 19 mai.)

I ko‘a wa i heluhelu a i ke Kauoha Hou, ua ulu nui mai ka noonoo ana iloko o‘u, pehaea la i kulike ai keia me ka‘u e ao nei? Ma ke Kauoha Hou ke ike nei au ua hele pololei na kanaka i o Iesu la. aka, o ka ka ekalesia Roma e no nei, e hele kanaka i o Maria la, a nana e noi ia Iesu. Kaumaha loa iho la au ia wa. Ma kekahi po, he uwe waimaka wale no kai loaa ia‘u, aohe o ka hiamoe, no kuu kaumaha. A ao ae la ia po, hele aku la au i ka Bihopa. Ike mai lakela ia‘u, a i mai la, heaha keia e kaumaha nei kou maka?

Pane aku la au, ua kaumaha au no kuu mau haiolelo hoopunpuni. I mai la kela ia‘u me na maka ano e, heaha mai nei keia ou? e huli ana paha oe mai kou aoao aku? Pane hou aku la au, e oluolu oe e ninau aku au ia oe. I ka wa o Iesu ma ka honua nei me kona makuahine, owai la ka mea oi o ka mana e me ke aloha, o Iesu paha o Maria anei? Pane mai la ka Bihopa o Iesu no. A eia hou, i ka wa o Iesu ma ka honua nei me Maria, ia wai la i lawe ia aku ai na mai a me na pilikia, a ia wai la i hele aku ai ka poe pilikia, ia Iesu anei, a ia Maria paha? Pane hou no ka Bihopa, ia Iesu no. Alaila ninau aku la au, in a pela, e hiki paha ia oe ke haimai ala la mahea kahi e maopopo ai, i ka wa i haalele ai o Iesu a me Maria i ka honua nei a hoi i ka lani, ua emi iho a mana a me ke aloha o Iesu, a ua hooi ia aku la ko Maria? Mahea e ike ia ai kela? Huhu loa mui la ka Bihopa ia‘u; aole nae i pane mai i ka‘u ninau. Ua komo iki ka malamalama ia‘u wa, aole nae i ao loa. Ua like au ia wa me Luzaro e moe ana iloko o ka halekupapau, ua ino, aka, e kahea ana o Iesu ma ka puka, a‘o ko‘u olu koe.

Ma ia mau la iho pau aku la na wepa o ko‘u hale. Olelo aku la au i kuu kauwa wahine, e Makaleka, ua pau na akua o kuu halelewa, ua hanai ia e a‘u ka mea hope i keia la i kekahi kanaka mai; hana mai oe i mau wepa hou na‘u. Lawe ae la oia i kau wahi palaoa a ™™™™™ ™™™™ la me ka wai, a hoomoa aku la iloko o ke ahi mawaena o kahi mau upa hao i kaomi ia ai a lahilahi, alaila haawi ma i la ia‘u. Lawe ae la au, a imua o ke kuahu a namu ae la i kahi mau huaolelo pokole; alaila ua kau ia mai la maluna o‘u ka manaolo o ke Akua no ia, aole he aka, aka o ke Akua maoli no ia wepa. Ma ia la no iloko o ka pule, ua kulou au a me ko‘u anaina imua o ia mau wepa, a mahalo aku la me he mea la he Akua  ia no makou. Mahope o ka pau ana o ia pule, e huli ana au i ka Palapala Hemolele, a laa ia‘u ka mokuna iwakalua o Pukaana a loaa iho la ia‘u keia mau huaolelo: "Olelo mai la ke Akua i keia mau olelo a pau i mai la, Owau no o Iehova o Kou Akua, ka mea nana oe i lawe mai nei mai ka aina o Aigupita ma@ mailoko mai oi o ka hale hooluhi. Aole ou Akua e ae imua o ko‘u alo. Mai hana oe @@ ke kii i kalai ia nou, aole ma ka like ana o kekahi mea i ka lani iluna, a me ka honua ilalo, o maloko hoi o ka wai malalo o ka honua. Mai kulou oe ilalo ia lakou, aole hoi e hoomana ia lakou; no ka mea, Owau no o Iehova o kou Akua." E like me ka nakula ana o ka hekili. pela ka halulu ana o keia mua olelo iloko o ko‘u naau. A pane hou mai la ka leo a‘u i lohe™™na ai, "aole anei oe i ike o kau mea e a ™™ri i kanaka, he hopunipuni@@@." Ala @@@@@one mai la ke Akua ia‘u me ka leo ma@@opo loa. "e puka mai oe mai loko mai @@@@ekalesia."

I keia wa ua loaa kekahi @@ ano e i ko makou Bihopa .Ua lalau @@ kona mau lawelawe ana, a lilo kana mau hana kolohe i mea e hoolapuwale ia ai makou. Ua hookomo ia na palapala hoopii i ka aha nui ma Roma e hoopau aku ia ia. Owau no hoi kekahi i hoopii nona, a mamuli o ko‘u hooikaika ana ua hoopau ia. Ma ia hope ua hoouna ia mai he Bihopa e ike ia‘u, a me na huaolelo mahalo kona hooluna ana mai. A pau na olelo mahalo i mai la oia ia‘u ua kaulana oe, e Father Chriniquy, ma Faranl a ma Roma no kau mau hana, a no ka ikaika o kou kue ana i ko‘u mua iho nei. E oluolu paha oe e haawi mai i palapala na‘a e hoakeka ana ua oluolu ko kaua noho pa aoa i keia wa, i ike mai na mea a pau, eia oe ke noho pono nei malalo o ka malu o ka ekalesia o Roma. Ae aku la eu, ma ko‘u manao o ka wa keia e akaka ai ka oia io o ka leo a‘u i lohe mua no kekahi mau mekahiki, inu no ke Akua, a in a paha no Satans. Kakau aku ia au penei: "E kua haku, he ake nui ko mmakou iloko o ka ekalesia Roma e noho ai a hiki aku i ka hopena, nolaila, ke ae nei makou e hololohe ia oe ma na mea a pau e like me ka olelo a ke Akua i ike ia ma ka Euanelio o Kristo." Oia iho la ka‘u i kakou ai, a haawi aku la i ka Bihopa nana iho la keia, a i mai la, ua maikai. Haawi mai la ka Bihopa he palapala hoomaikai no‘u, a o ko‘u hoi no ia me ka hauoli, He umi la mahope iho, loaa ia‘u he leta na ka Bihopa, e kauoha ana ia‘u e hele koke aka i on a la. I ko‘u hele ana aku a hiki, i mai la kela, auhea ka palapala hoomaikai a‘u i haawi ai ia oe? O ko‘u hoike aku la no ia, lawe aku la ia a haehae iho la. I mai la kela, aohe pono keia palapala. Ninau no hoi au, no ke aha? Pane mai la kela, ua hewa oe e Chiniquy; heaha la ke ano o kou manao ma kela olelo, "e noho oukou malalo o‘u e like me ka Olelo a ke Akua?" " E haawi mai oe i palapala e ae ana e noho malalo o ka‘u mau alakai ana, aohe olelo ana no ka olelo a ke Akua. Hoole aku la au, aole hiki, no ka mea o ka olelo a ke Akua ke alakai. "Ina e kapae au i ka Olelo a ke Akua me ka hoohiki e noho malalo o kou alakai ana wale no, oia no ko‘u hooi ana ia oe mamua o ke Akua. @@ I mai la kela, in a pela e oki ia oe mai ka ekalesia Roma aku. Ku ae la au iluna, hohola ae la i ko‘u mau lima iluna, a puana ae la i keia mau hauolelo: "E hoonani ia ke Akua mau na lani a mau loa aku."

O ko‘u hoi no ia a ko‘u hotele a mai laila, aku a hiki loa i kuu home. A i ka la Sabati ae, hele aku la au a i ko‘u luakini; hai aku la a‘u i na mea a pau i hana ia, imua o ke anaina nui, me ko‘u koi ia lakou e hookuu ia‘u e hele, a o lakou ke noho i ka ekalesia Roma Aka, aole lakou i ae, uwe waimaka iho la lakou a pau no na mea i hoike ia aku imua o lakou. Aole liuliu ku mai la kekahi kanaka a i mai la, in a hele ko kakou kahu mai loko aku o keia ekalesia o kakou pu no me ia. Alaila haawi aku la au i ka ninau, o ka poe a pau e manao ana e hele pu me a‘u mamuli o Iesu a me ka Olelo a ke Akua, e ku lakou iluna. O ke ku no ia o ke anaina hoolookoa, aohe mea koe. Hookahi tausani poe i huli ma ia la. Eono mahina ma ia hope iho, ua huli elua tausani; hookahi makahiki mahope iho, ua huli eha tausani; a i keia la a‘u e kamailio nei ua loaa he iwakalua kumamalima tausani o makou i huli.

O ke ano nui iho la no ia o keia haiolelo. O ka mea hhilu loa nae, o ke kaawale o na olelo hoino; he aloha wale no kona no ka ekalesia Roma. A ua paipai oia i ke anaina e pule lakou no ka poe iloko o ia ekalesia, i wehe ia ko lakou mau maka a komo ka malamalama. Mea Kakau.

Ahahui Kula Sabati o Paauhau, Hamakua, Hawaii.

Ua wehe ia ka aha me ka pule a W A  Mio. Ka lunahoomalu no ka manawa, a me J Welewele kakauolelo no ka manawa.

Noi mai o J Waiamau, e hoomaopopo mua ia na lala o keia aha, hooholo ia.

Apana             Kahukula Sabati          Elele.

Kaalau, Hamakua, S Kaaua

Maunahoano, " J W Waiohinu,           Kaleo

Puauhau " R A Lyman            Nakipi

Kapulena " J Welewele           Kilohi

Eleio " Kauwenaole S Paaluhi

Waipio "          S Leahi

Waimanu "

Waimea S Kohala, S H Mahuka

N Kohala        Z Kalai                        Kaiooni

W Kohala

S Kohala

Keaukaha Kona M Kaholoaa

Kailua & Helani, Kona

Kona waena, S W Makaike    Kaiwi

Kealakekua Kona S W Papaula

Pukaana "        Kanui

Kupalilua "

Waiohinu Kau

Na lala mau, J Waiamau, J Bikanele, G P Kaonohimaka.

Ma ka barota, ua kohu ia o Z Kuli i lunahoomalu, a o S H Mahuka, i kakauolelo.

Koho ia i komite imi haawina, J Waiamau, S W Papaula, S W Makaike.

Hoike mai na kahu kula Sabati, a me na elele i ko lakou mau kula Sabati.

Hoike mai o Kanui, no ke kula Sabati o Pukaana. Hoike mai o S W Papaula no ke kula Sabati o Kealakekua, ke ola ala no ia kula. Hoike mai o S W Makaike no ke kula Sabati o Kona waena ua mau no. Heluhelu ia mai ka palapala hoike a J G Hoapili kau kula Sabati o Helani. a ua mahalo ka aha la hoike, a mamuli o kekahi mau ninau i ike ia ma ia hoike ua kauoha ia ke kakauolelo e pane aku, ua hoohole ia.

Hoike mai o J Waiamau, no ke kula Sabati o Kailua, he 50 kamalii ka avarika, he uuka na makua. Hoike mai o Kaholoaa. no ke kula Sabati o Keaukaha. he 40 haumana hele mau. Hoike mai o Z Kalai no ke kula Sabati o N Kohala, 250 haumana, he 36 kumu paa mau.

Heluhelu mai o S H Mahuka i ka palapala hoike, no ke kula Sabati o Waimea. Hoike mai o P Leahi, no ke kula Sabati o Waipio, o na keiki ka nui, a he hapa na makua heike mai o Kauwenaole. no ke kula Sabati o Eleio. Hoike mai o J Welewele no kula Sabati o Kapulena.

HHeluhelu mai o Nakipi i ka palapala hoike, no ke kula Sabati o Paauhau, he 43 ka avarika o na haumana. Hoike mai o J W Waiohinu, no ke kula Sabati o Maunahoano, he umi haumana maluna, 4 malalo. Hoike mai o S Kaaua no ke kula Sabati o Kaala.

O la hemahema nui o na kahu, a me na elele ma keia aha o ka hoike waha wale mai no i ke ano o na kula Sabati, aole i kakau ia a paa ma na palapala hoike.

Hooholo ia. Ke kauoha ia nei na lala a pau o keia aha e kakau ia na hoike kula Sabati ma na pepa, a e heluhelu ia Imua o ka aha ma keia hope aku.

Hooholo ia. E hoolilo ia ka Poalima mua o Aperila, i la e hoomaikai aku ai i ke Akua, e laona nui mai kona Uhane Hemolele me na kula Sabati o keia Paeaina.

Hooholo ia. O na lala a pau o keia aha hui kula Sabati, e kolo lakou i Honolulu i ka ahahui kula Sabati nui o ka Paeana.

Hoike mai ke komite imi haawina a apono ia.

1 Pehea la e holo ai na kula Sabati, R A Lyman. 2 Heaha la na hana kupono i na kumu kula Sabati, J Welewele. 3 Heaha la na hana kupono i na kahu kula Sabati, Geo Heleihonua. 4 O ka make o na kula Sabati: Heaha ia, P H Mahuka. 5 Pehea la e lilo ai na kula Sabati i mea e kokua ai i na ekalesia, Z Kalai. 6 Heaha na haawina kupono i na kula Sabati. L Kaiwi. 7 Heaha na mele kupono i na kula Sabati. J B Kahoohuli. 8 Owai ka poe kupono e lilo i mau kahu kula Sabati, M Kaholoaa. 9 Pehea la i holo ai na kokua iwaena o na kula Sabati. D Alawa. 10 O ka hoonaauao ana i na kula Sabati, pehea la ka hana e pono ai. J G Hoapili 11 O na kula haole anei kekahi mea e kokua ai i na kula Sabati, Hoomainoino. 12 Heaha ka hana e hoakoakoa ia ai na haumana ma ke kula Sabati Kino. 13 O ka ahahui kula Sabati anei kekahi mea e pono ai na kula Sabati, Sakeraka. 14 Heaha ka pilikia e hiki ole ai i na wahine ke lilo i mau kahu kula Sabati, Mrs Lusia Kuai. 15 Owai ka poe kupono e lilo i mau haumana kula Sabati, Kelii. 16 Heaha na hua maikai e loaa mai ana no ke kula Sabati, H S Martin.

Ke paipai ia aku nei na kahu kula Sabati a pau, e hoomakaukau i ko lakou kumamanao; a e hui pau loa mai na lala oia aha hui ma kahi i hooholo ia.

Hooholo ia. Ma kahi e halawai mau ai na ahahui elua, e malama ia ana i hookahi la hoike no na kula Sabati. Nolaila, e makaala na kumu, na kahu, no ia hana maikai.

Ua hoopanee keia aha, a hui hou ma Heleni, Kona Akau, Hawaii, ma ka pule mua o Sepatemaba 1880.

Hookuu ia ka aha, ma ka pule a Rev G P Kaonohimaka.

S H Mahuka, Kakauolelo. Waimea, Hawaii, Maraki 15, 1880.

Kukuihaele, Hamakua, Mei 10, 1880. E ke Kuokoa:

Ma kou helu 18, ua ike au i kau muu olelo e paipai ana i na kanaka e haalele i ka oihana lapaau kahiko. Ua pono no kau paipai ana pela, no ka mea, ua kohu ole ia ano iapaau ana i keia au malamalama a kakou e noho nei. Eia nae ka ninau: Heaha la ke pani hakahaka o keia o hana lapaau kahiko ke haalele ia.

Ka pilikia nui a‘u e ike nei oia o ka loaa ole i ka poe mai na kokua kupono. Wahi a ka himeni:-

"Ke ola no ka mea maikai No kanaka a pau."

Aka, ma ua apana kuaaina. mahea la e imi aku ai ka poe mai i ke ola no ko lakou mau kino?

Elua mea e hiki ia lakou ke hana; o ka hele aku i ke kahuna lapaau kahiko, a i ole, o ka noho pu wale iho iloko o ka pilikia mai. Aole he mea e ae, oiai aole he kahuna lapaau hou e hele aku ai.

Ua puni kekahi poe i na kahuna kahiko. a o kekahi poe e ae, na ku pilikia maoli i kauo ia lakou e imi i ke ola ma kahi pono ole. Heaha la ka mea hiki ke hana ia i mea a pau ai keia pilikia? Owai la auanei na kokua kupono no ka poe mai o kakou?

Mai kuhikuhi mai i na Kauka Haole, no ka mea, aole lakou e luwa ana. Ehia la poe kauka i hoonoho ia ma na apana kuaaina e hoomau nei ma ka lakou oihana?

Ma kou mau kolamu ke waiho nei na olelo hoolaha a kekahi poe i kapa ia lakou iho ka poe Loio. a ma na apana he nui wale o Hawaii nei, ua ike ia kekahi poe e ae e malama ana i na ekalesia. He mea loaa wale anei i na Loio a me na Kahunapule na oihana a lakou e malama nei? Aole anei no ke ao ia ana i hiki ai ia lakou ke lawelawe. a i na he mea hiki ke ao ia na kanaka Hawaii ma ka oihana Loio. a me ka oihana Kuhunapule, heaha ka hiki ole o ka oihana lapaau mai. Aole no e pio ana ka oihana lapanu kahiko, ke ole e kukulu ia he oihana hou.

I kinohi, ua piha o Hawaii nei i na kii a me na kahuna hoomanamana, a i keia manawa ua nalowale ia mau mea. No ke aha keia nalowale ana o lakou. No keia kumu no, ua hiki mai ka malamalama io o ka Baibala, a noloko o ia malamalama ua loaa he apa kahunapule hou. Aia a hoala ia he papa kahunalapaau hou, alaila e kuemi bope ai na kahuna kahiko.

Aole no paha e loaa ana i na kanaka Hawaii ke akamai o ua Kauka haole, aka, e loaa no kekahi mau ike, a e oi aku ana ia ike hapa mamua o ko na kahuna Iapaau kahiko e noho nei.

Ua haawi ia mai na kuleana aina e Kamehameha III; na Kamehameha IV i kukula i ka hale Iapaau mai e ku nei ma Honolulu. Malia paha ua waiho ia na ke au o Kalakaua I e hoala i Kulakahuna Iapaau mai.

No ke akaka ole o ke kulike ana o keia mau manao me ko ka lehulehu, nolaila, ke hoopokole nei au i ke kakau ana. Ua lawa paha. Me ke aloha no.

J. Bicknell.

Papa, Papa

Aia ma kahi o Lewers & Dickson (O lui ma.)

Ma ke kahua kauiko ma alanui papu a me moi e loaa ai na papa nouaiki o kela a me keia ano.

Na papa nani a paa no ke kukulu ana i na hale!

Na pani puka, na puka aniani, na olepelepe, na pou, na o-a, na papa hele, na papa ku. A me na papa moe nui loa.

Na pili o ka hale o na ano a pau.

Na pepe hooaui, na pena o na wai a pau. Na kui mai ke nui a ka makalii, na ami puka na ami puka aniani na ami o na ano a pau. Na aila pena, o kela mo keia ano. Na aila hoomaloo, he lehulehu wale. Na aila e ae o na ano a pau.

Nawaivaniki

a me na

Wai hoohinuhinu nan@ a na ano a pau loa.

Na balaki ano nui wale

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

no ka

Uku haahaa loa!

E like me ka mea e holo ana mawaena o Laua a me ka Mea Kuai.

E hele mai! E na makamaka!!

A e lawa no hoi ko oukou makemake me ka oluolu a me ka maikai!

845 tf

Christian Certz Mea Hana Bui

Me

Kamaa Maoli!

Alanui Papu, makai o ke Keena o Lui & Dickson!

Ke hai aku nei ola i na mea a pau,

Ua hoi wai oia mai Kapalakiko mai,

Haila Oia i ohi kino mai nei i na waiwai nani a pua o kuna oihanu, a ke waiho ia uku nei no ke kuai ana no na kumukuai o ka manunou

He mau waiwai piha o na buti

No Kamaa Haahaa a me na ano kamaa no na Lede. Na Buti, na Kamaa Haahaa a me na ano kamaa e ae a pau no na Keonimaoa.

Na Buti & Kamaa Haaha!

A me na ano kamaa e ae a pau

No na kamalii!

na kamaa o na ano he nui

O na kamaiki opiopio.

O neia mau mea a pau ua hanaia me ke akamai loa a me ka paa o na ano hou loa, a ke hooia ia aku nei la mau mea e @@@ me ka mea olelo ia.

@@ E laweia no na kanoha mai na Mokapani me ka waiau me ka eleu. 3m 942

He Nui Anei Kou Makemake i na Mekini Humuhumu Lole?

Ina pela, alaila, e kipa mai no ma ka Halekuai

Kakela a me kuke.

A malaila oukou e ike ai a makaikai i na ano mekini a Wheeler a me Wilson, mai ke $40 a hiki i ke $50 ke kumukuai o ka mea hookahi.

Ka Mekini a Singer,

ma ke $50 pakahi, a me ke ano Mekini a Wilcox me Gibbs, ma ke $30 a hiki i ke $50 ke kumukuai.

I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf

Makemakeia.

Ua makemakeia na Ili Bibi Miko Hou

a me na Ili Kao

E haawiia ke kumukuai klekle ma ke dala kelke e

Hugh Mackay.

Laua o ka Hale Hana IH ma Kaholaloa, Honolulu.

E kuai ia aka na Huluhipa he nui wale ma ke kumukuai makopono no ke dala kuike.Honolulu Feb. 16 1880.

951-tf