Ka Nupepa Kuokoa, Volume XIX, Number 22, 29 Mei 1880 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa:

KE KILOHANA POOKELA NO KA LAHUI HAWAII

 

BUKE XIX, HELU 22} POAONO, MEI 29, 1880. {NA HELU A PAU 965.

KU NUPEPA

Kuokoa me ke Au Okoa

I HUIIA.

NA OLELO HOOLAHA --O na Olelo Hoolaha

 he 10 laina kakau lima, he Hookahi Dala no

 ka puka mua ana ; elua puka ana, he $1.50;

 no hookahi mahina, he $2.00.

NA KANIKAU A ME NA MELE:--He 10

 Keneta ka uku no ka lalani hookahi, na like me

 $1.00 no 10 lalani.

 HOOLAHA MAU :--E hoomanao na makamaka a e hookomo mai i na olelo hoolaha mamua ae o ke awakea Poaha, i ole kaukai ia aku a kekahi pule ae.

 E hoomanao e na lehulehu, aole o hoopuka i kekahi Olelo Hoolaha, Kanikau a me ke Mele ke ole e hookaa mua ia mai ka uku.

 E hoouna pololei mai i na leta i ka Nupepa Kuokoa.

 

MOOLELO O NA LA

----O KA----

Haku Visakauna Nelekona,

KE DUKE O BERONETI.

 

KE KAUA ANA O NA AUMOKU KAUA

BERITANIA,--A ME KO ENELANI

MAU PAPU LAAU, &c.

 

O KE Kulanakauhale o Napela, ua hoi hou ae la oia e. like me mamua. Ua pau ka makau ana no ko lakou mau ola mai na puali kaua Farani mai ma ka aina, a me ka powa hele ana a kipoka hoi i na kulanakauhale liilii ma na kahakai o Italia, ma o ke Keiki Alii Kasarioli la ma ka moana. Ua lawe ae o Nelekona i ka aina holoakoa a me ka moana o Italia malalo ona, a ua kapa aku hoi oia i kona moku kaua F@rodoiana --" Kahi Hooponopono Aupuni o Italia."

 Iloko o na la ekolu o Nelekona ma Napela, ua loaa mai ia iaia na palapala hoomaikai mai no kanaka koikoi mai o ke Kulanakauhale. no kona lawe pio ana mai i ke Keiki Alii Kasarioli, a me ka hiki ani mai i ka hopena o keia kaua huliamahi o ke aupuni Farani.

 Ma ka la 7 o Mei, ua hookoino mai la iloko o ke awa o Napela, kekahi moku kialua Italia o ka Moi Fadineda. me ka hai ana mai i kekahi lono ia Nelekona.--ua hiki ae me ke Kaikuono o Palemo ka Vice-Adimarala Haku Kita o na aumoku Beritania. A ua haawi aku hoi oia i ke kauoha i na moku lawe ai o ko Nelekona mau aumoku ma na kahakai o Italia, aole e puka mai iwaho, aia a haawi hou aku oia i ka mana ae holo, alaila, hiki ke holo aku no Italia.

 I ka lohe ana o Nelekona i keia mau hana a ka Haku Kita, he mea hiki ole ia i kona inaina ke kali no kekahi mau hora, no ka mea, o keia mau hana ana a keia Adimarala i ko Nelekona mau moku lawe lako ai, ua like ia me ka pepehi ana aku iaia a me na koa o kona mau aumoku. O na lako ai ka mea e hiki ai i kekahi mau puali kaua ke kue aku i kona mau enemi iloko o ka pilikia a ka ai. No ka mea, ina aole e hiki aku keia mau moku lawe ai, alaila, aole e ola ana na koa o ko Nelekona mau aumoku. Aohe ai ma Napela ! Ua wi o Italia ! E manao anei kakou, e pakele kela aupuni i ka wi, ina ehiku makahiki o keia kaua huliamahi ana o ke aupuni Emepera ? Ua haalele aku kela a me keia i na hana kalepa a me ka oihana mahiai, no ka makau i ke kaua ia mai e na enemi. Ina o ka hana wale iho la no keia a na kanaka iloko o keia mau makahiki loihi, aole e hua ana na hua ai o ka aina ! E loaa ana ia aupuni ka pololi o kona mau puali kaua imua o kahi i haawi ia aku ai e malama. Aia wale no ka hiki me ka puu dala nui o ke aupuni e hoolilo aku ai no na lako ai i kekahi mau aupuni e aku--a ua haawi hapalua like aku hoi o Nelekona i kona mau lako ai, no kona mau puali a me na kanaka i komo loi iloko o ka pilikia a ka ai.

 He kanaka o Nelekona i mahalo ia no keia mau hana aloha; ua ike oia ia ia iho a me na pee iloko o na pilikia; a he mea hiki ole no hoi iaia ke noho ma ke Kulanakauhale o Napela, mahope o ka hala ana o na la he 30 ma ka ai pakiko ana. He mau hana keia i ku i ka hoonaukiuki a me ke aloha ole, a ua lilo mai hoi ka Haku Kita mahope mai o keia hana ana pela, o kekahi o ko Nelekona mau enemi. Nolaila, kakau iho la oia i keia leta me ka hikiwawe, a hoouna aku la oia na ka Alihikaua Lord St. Vincent, a e heluhelu ia keia leta penei:

 " I ka Alihikaua Lord St. Vincent:

 E kuu Haku--Ke kokoke nei makou e pau i ka make. Ua lohe mai au ua hiki ae ma Palemo o Vice-Adimarala Haku Kita, a ua pani aku hoi oia i ko'u mau moku lawe ai, aole e holo mai no Italia nei. Ina oia ke kumu--alaila, ke hai aku nei nu ia oe ma keia leta--he makemake loa au, nana e malama a kiai i keia poe iloko o ka pololi a me ka wi nui o keia aina. He makemake loa au." wahi hou a Nelekona. " e hoomaha aku nu ma kou poohiwi e kuu Haku no hookahi hora. Ua hiki ia'u ke pale i na puupuu a ka enemi e like me ko'u mana, aka, he mea hiki ole i ka ikaika o keia mau aumoku ke hoomau aku i ke paniku ana i na enemi, ina aia lakou iloko o ka pololi a ka ai.

 "Mai ka hookoe ia ana mai hookahi o'u maka, ua hiki loa no ia'u ke ike aku i na hana maalea ana i ku i ke ino loa a ka Haku Kia. He puni hanohano! A he makemake i ka waiwai! O ke kulana kahi a'u e ku nei--he kulana ia no ke koa; a ua kapa ia hoi i kekahi manawa--Ke Kulana o na Keikikane;--a he mea hiki ole hoi i ke kanaka lolo a hawawa hoi, e lilo i alakai no keia mau aumoku e like me ka Haku Kita.

 "Horatio Nelekona."

 Ma ke kakahiaka o ka la 15 o Mei, ua ku mai la i ke Kaikuono o Napela ke kialua Beritania Mutine, me ka Moi Fadineda a me ka ohana alii o Napela. Ma ka hora 8 ponoi o ke kakahiaka, ua haalele iho la ka Moi i ka moku Beritania, a holo aku la oia maluna o kona waapi alii, a pili aku la lakou ma ka uwapo alii. A ua kukai mai la hoi ko Nelekona mau aumoku i na kipu aloha ana he 21.

 I ka pili ana aku o ka Moi i ka uwapo, aia hoi na kanaka he mau tausani e hookeke ana io a ia nei, me ka haawi ana mai i na leo huro he nui i ko lakou Moi aloha. Haalele iho la ka Moi i ka uwapo a holo pololei aku la oia no kona Halealii maluna o kona kaa me ka ohana alii, a ia manawa i huki hou ia ae ai ka hae poo aupuni a me ka hanohano o ke Kalaunu o ka Moi Fadineda maluna o kona pahu hae; a o ka piha ana hoi ia o na la he 146 o ka noho moi ole ana o Napela. a ua hiki aku hoi na la i ka 105 o ko Nelekona hoomanawanui ana ma ka nina a me ka moana, no kuokoa o ke aupuni o Italia.

 Ma ke kakahiaka o ka la 20. ua loaa mai la i ka @mabasedoa Beritania Sir Wm. Hamiletona, ka palapala a ka Moi Fadineda, a e hai mai ana hoi ka Moi, ua makaukau oia no ka hookipa ana mai ia Adimarala Nelekona, ka Hoola o Italia i olelo ia. no kana mau hana koa i oi ne mamua o na Kererala akamai o kona aina, a o kekahi hoi o kana mau hana koa i ike ai iloko o ke au o kona noho alii ana.

 I ka loaa ana aku o ka leta o ka Emabasedoa Beritania ia Nelekona, ua kauoha koke ae la oia i kona mau alii moku no keia ike alii hou ana, a ma ka hora I o ka auina la. ua haalele aku la ka Adimarala me kona mau ukali i kona mau aumoku, a holo pololei aku ia lakou no ka uwapo alii. A i ko lakou pili ana aku, ua kau aku lakou maluna o na kaa me ka ukali ia e ka Emabasedoa Beritania.

 I ko lakou wa i hiki aku ai i ka ipuka o ka hale ahi alii, ua haawi pu aloha mai la na puali koa o ka Moi, a kuai koke ami la ke mele lahui o Enelani. i ka manawa a ke koa kaulana i pii aku ai iluna o ka hale alii, a hookipa ia aku la ka Adimarala e ka ohana alii, a me na Kererala o ka Moi, a i ka hala ana o kekahi mau minute pokole, lawe loa ia aku ia ka Adimarala iloko o ka rumi alii, kahi hoi a ka Moi a me ka Moiwahine e noho ana maluna o ka noho kalaunu.

 Oiai ka Adimarala i komo aku ai maloko o keia rumi, ua ike aku la oia i ka Moi, e noho mai ana me ka hanohano nui, kunou aku la ka Adimarala iaia, a hele koke mai ia ka Moi Fadineda i ukali ia e ka Moiwahine. a ku iho la ma kahi ekolu anana mai ke koa kaulana aku, a e hoomaopopo hoi keia a me keia mea heluhelu o keia moolelo i ke ano o keia hoohanohano ana, a me ka ka pane ana aku a ka Moi i ke koa kaulana i keia mau huaolelo ano nui penei:

 "E manao anei oe," wahi a ka Moi, 'e hookuu aku anei au i kou inoa me ka hanohano wale no--ia oe a me kau mamo aku ! A owau hoi o Fadineda Babona, ke keiki kamakahi a Kale III, ka Moi o na Sepania.--e hoike aku anei au i ko'u hoowahawaha i kou aupuni!!"

 Aole i pau.

 

 HE NUPEPA POKII HOU.--Ua hoike ia mai ia makou, ke hoomaka ia nei ka liuliu ana no ka hoopuka ana i kekahi nupepa hou ma ka olelo Hawaii e kekahi o ko kakou poe Hawaii kuonoono. He wahi nupepa kino palanaiki keia. a e puka ana i kela a me keia hebedoma.

 

KA MOOLELO O

BERIANA KA WIWO OLE

---A ME-

MAHONE KE KOA:

 

MOKUNA XXI.

He pio anei na ka Moi Beriana, wahi a ke 'lii Powa me ka hoomakue. Ae, aole no ia he mea i lilo loa i ke ino; aka, aole e hiki i ka mana o kona mau puali kaua ke hoopaa ia'u malalo o lakou.

 E ke diakona o ka po, e hai mai ano i ko'u mau makua, i noi aku ai ke koa me ka manao ehaeha. Aole he manawa no'u e kaulua loiha a: me oe, oiai ke emi nei ka ikaika o kuu ukali wiwo ole.

 Pela io paha, wahi a ua kanaka makona nei. Aka , e hoohiki mai anei oe imua o'u e hunakele loa i ka mea a'u e hoike aku ai ia oe e Mahone, a hiki i ka pau ana o ke kaua o Clontarf--e hoohiki mai no keia mea a i ole e hoopaa mau ia ko'u mau lehelehe

 Ke hoohiki nei au, wahi a ua opio la.

 E haawi mai i kou mau pepeiao ia'u alaila, e lohe oe i kekahi mea e lele ai kou hauli.

 Kulou iho la ka opio Mohone ilalo, haawi aku la i kona pepeiao a kokoke i ke 'lii Powa, oiai o Finavola ua haliu aku la ma kahi e, i lohe ole ai oia i na huaolelo a kona makua. Pane mai ia ua eu nnoho wao nei i na olelo me ka malie a nahe loa, i hui pu ia me ka lihaliha a anoano eehia; a hoo-ooloku koke ae la i ke ana kaulike o ko laua puuwai; a na ia mau mapuna olelo ilihia i hoo malule i kona ikaika a haule aku la kana pahi mai kona lima aku a emi hope aku la ia me ka puana ae:

 E na lani kiekie! E ke kanaka manao ino ke hoike mai nei anei oe i ka oiaio?

 Ae, e like me ka oiaio o kuu lawe ana i kou ola ano, e ka hupo nui, wahi a ua moo hope eha la.

 Aka iaia e kamailio ana, lalau mai la ia i ka pahikaua a ke koa opio, a lele kimopo mai la maluna ona me ka hae loa.

MOKUNA XXII.

 Ua hoopuiwa ia nae ka kakou koa no keia lele kimopo ana aku a kona enemi, nolaila, ua pau koke ae la kona pihoihoi no na olelo ana i lohe ai, a ku malie iho la; a iaia i ike aku ai i kona enemi e lele mai ana maluna ona me kana pahikaua, ua emi mai la oia i hope, i puuhonua nona e pakele ai.

 Ua hoopioloke ia ka manao o kana kaikamahine me ka ehaeha nui no na hana aloha ole a makona a kona makua; nolaila, lele aku la oia imua, a pane aku la:

 E kuu makua, pehea la oe i piha ai i ka ukiuki wela o na manao ino? Ua hoola aku ke koa Mahone ia oe, nolaila, mai hoopa iaia me ke na pahikaua.

 E hookaawale ia oe e ke kaikamahine! E lawe ana au i kona ola! Nolaila, e hookaawale ia oe, oia ka'u kauoha, a i ole e hahau no au i keia pahikaua maluna ou!

 E hoomoe iho i kau pahikaua e kuu makua! Ua oi aku kou ino ke hooko oe e pepehi ia Mahone. Auwe, he hopena lapuwale keia a'u e ike nei no kau mau hana hoopunipuni.

 E hookaawale ae ia oe iho e Finavola. i pane mai ai kona makua makona.

 E emi aku i hope a lawe mai i ka pahi a kou kokoolua. E keakea no au i ke ala me kuu ola a pau i kou enemi, i pane mai ai ke kaikamahine ia Mahone.

 Hooho ae la ke koa opio a lele aku la ihope i kahi a Donala e waiho ana.

 Kulou iho la oia ilalo lawe mai la i kana pahi me ka makaukau i kona kulana, a e hele aku ana imua e halawai me kona enemi, i ka wa hoi a ke 'lii Powa e holo mai ana imua ona e kamoe iho i kana hauna pahi iluna o kona hoa paio opio iaia i papale ae ai me ka ikaika i kana kamalei, oiai e keakea ana oia iaia.

 Aka i ka ike ana mai nae o ua 'lii Powa nei i kona hoa paio opio ua makaukau e paio aku iaia, ua emi hope aku la oia no kekahi mau kapuai, a kokolo ae la ka ula mino aka i kona helehelena a pane mai la:

 Ua moeuhane mua anei oe e ka opio, e hiki ia oe ke ana pahikaua pu @ i me a'u?

 Aole ka kakou koa i pane aku, ua hamau iho la ia; no ka mea, ua ike ia he paio weliweli a hahana kana e paio aku ai imua o ke kanaka nona na lala i lehia ma na mea kaua, a o kona ikaika a pau kana e haawi no ka pale ana iaia iho.

 Ua moeuhane au a me ka hilinai, e iki ia'u ke hoohaahaa a hoopio ia oe, oiai he opiopio au a he ikaika ko'u mau lala; pane aku ai ke koa opio.

 Aka pahenehene mai la ua 'lii Po@ la, iaia i kaulona mai ai i kona mau makanaluna o kona enemi opio, a pane mai la@

 I na makahiki i hala. e ka hupo lapwale ua ike ia kou makuakane oia kekahi o na kanaka akamai a lehia ma na mea k@ ma Irelani holookoa nei a puni, oiai oia @ko o kona mau la kanaka ui, a ua kaulana oia me ke aloha ia; aka, ua haulehia oia ma kuu mau lima iloko o ka paio maikai ana; a pela auanei oe e haulehia ai ano imua o'u, a o ka hope ia o kou ola ana; a pela e ike ia ai ka hopena weliweli a'u a hookau aku ai maluna ou. Ina e mau ke ola iloko ou, e lilo oe i kanaka waiwai loa a me ke kaulana. Ina oe i malama i ka'u mau no ana, ina la ua lilo oe i haku e hoomalu ana i keia aina, no ka mea, ua lawe mai au me ke aloha ia oe i keiki na'u.

 Ua makaukau au e haawi ia'u iho no ka make, no ka imi ana i ka hanohano a me ka pono o kuu one hanau, aka, ke ku aku nei no au imua ou me ka lilo ole o kuu aho ma ka poho o kou lima, nolaila, me na kokua ana mai a na mana lani, e hookau no au i ka hoopai ma ka aoao o kuu makuakane maluna ou E loihi ke ola ana o ka Moi Beriana a me kona hanohano! E make a nalohia loa na enemi o Irelani. Nolaila, e hele mai ioua o'u e ka enemi inu.

 Pane aka la ua 'lii Powa nei, na'u i ao aku ia oe i ka oniu ana i ka pahikaua e Mahone, nolaila, e kia ia oe iho e pale no kou ola, a e haiwi i kou ikaika a me kou akamai a pau; no ka mea, e like me ka oia mau ana o ka lalapa o na ula ahi i kuu pakaua ma ka piko o ka mauna, pela auanei oe e make ai aio.

 Hooho ae la o Mahone me ka leo hauoli, a uwe kapalili mai la o Finavola me ka ehaeha, oiai e halawai ana na makakila a ke 'lii Powa m@ kana haumana opio iloko o ke okoko ha@ana o ko laua ukiuki.

 A oiai kona hoa paio e ku ana ma ke kiekiena, ua loaa iaia ke kulana ikaika a maikai e ana@ ai i ka kakou opio a pilipu.

 Aka, aole ke koa opio i kanalua a kuemi hope, ua naawi aku aku no oia iaia iho e moha i ia iloko o ka lima o kona hoa paio; a me he la hoi, h@ akaku kana e ike ana ike kau mai imua ona, aia oia iloko oo na pulama ia ana e ka hanohano a me ka mahaloia no ka hoopio ana i ka enemi o kona Moi a me ka imi ana i ka maluhia o kona aina.

 Nolailla, na ninau iho la oia iloko iho ona he oiaio anei, ua wanana ia e haule ana au iloko o na poho lima o keia kanaka makona, e like me ka haule ana o ko'u makuakane, a nalohia aku mai ko'u ike a lohe ana i kona kulana a me kona hanau ana?

 Aka, aole loa pela, wahi ana iaia iho; iaia kiola pau ana i kona ikaika a me kona kamai iluna o kona hoa paio; ua paulele ku oia i na mana lani. a nana e kokua mai hia ma ka hoopio ana i kona enemi.

 Ia laua e halawai ana ma keia kahua mokomoko, ua pu-e aku la ke koa opio e lawe i e kulana o kona hoa paio me ka ikaika, iaia e lo ana i ka iho lua a na hauna pahi a ua lii Powa nei. i

 Noho mai la ke kaikamahine a ua 'lii Powa nei ma kahi mamao aku, a haka pono @ai la i ka hooili kaua ana a ka moho opio @he kona makua me ka naau mokumoku@hua i ka ehaeha.

 Oiai laua e paio ana @ne ka hahana, e ho @o ana kona makua e ako ae i ke aho o kona hoa holoholo o ka wa kamilii--a o kana @po aloha hoi o kona mau la aoo.

 O ka kakou koa hoi e paio nei me ka @opo ole me kona luaui makua manao haa@ei, e paio ana oia no kona ola ponoi iho @nai na lima mai o kona enemi. E ahewa @nei ka opio nohea iaia, ina e make kona makua iaia?

 Iloko o keia wa, ike iho la ke kaikama@ine, ua lawe ke koa opio i ke kulana a kona enemi i hookahua paa ai, a e nee ana ko @aea hakoko ana me ka hahana loa ma ko kekoa opio aoao.

 Mai luna aku o ke ala mauna i hoemi aku @o Mahone i kona enemi, a ike iho la ua koueu noho waokele la, ua like ka ikaika a m@ ke akamai o kona hoa paio opio me kon@--a ua pulelo wale aku imua ona ma kek@i mau mea.

 Nolaila imi iho la oia e hana i kekahi ha@ maalea, i wahi e hoonele ia ai ke koa opio @e ka mea kaua ole. a o kona make ana ia @a.

 I ke koa opio e kio'a pau ana i kona ikai@a, a e hoopilipu ana hoi i kona enemi, ua ku mau oi make o ke kaikamahine malu@ o laua; aka. aole nae oia i puana mai i @kahi mau huaolelo e keakea ana i ka uni@ ana o na ikaika o ke kumu me kana ha@nana.

 Oiai ke 'lii Powa e emi hope ana me ke akahele mai na hauna makawalu a ka pahi a ka opio, aole i haalele kona mau maka i lana luahi a luli ae ma kahi e.

 Aole i pau.

 

M O O L E L O

--- O KA ---

Ahaolelo Kau Kanawai o 1880.

 

LA HANA 18, Poalima, Mei 21, 1880.

 Halawai ka Hale e like me ka mau ma ka hola 10 a. m.

 

NA PALAPALA HOOPII.

 Na Hon Kunuiakea he mau hoopii e noi ana e hoopau i ke Kanawai hookamakama. 2--I mau halemai pakahi,--a e kaohi ia na mai aole e lawe i Kalawao. 3--E hookuu i ka auhau o na makua mea keiki. 4--E hoopau i ke kuai ana i na aina aupuoi.

HOIKE KOMITE.

 Hoike mai ke Komite Pai. ua makaukau i ke pai ia a ke waiho ia aku nei i ka Hale ka hoike a ka Lunakanawai Kiekie.

NA OLELO HOOHOLO.

 Na Hon Wahine e noi ana i $3,000 no ka hoakea ana i ka Hale Hookolokolo a me ka pa o ka apana o Hilo; waiho ia me ka bila haawina.

 Noi mai ka Hon Aholo e haawi ia ka palapala hookohu o ka Luna o Ewa me Waianae i ke Komite Hookolokolo; aponoia.

 Na Hon Kaunamano he hoolaha bila Kanawai, e hoololi i ka pauku 61 o ke Kumukanawai. 2--He olelo hooholo noi i $1,000 no ke alanui mai Waipio a Waimanu; waiho ia a me ka bila haawina.

 Na Hon Kalauli he hoolaha Kanawai. i laikini kuai bipi ma Kau, Hawaii. 2 E ae ia oia e heluhelu no ka wa mua i ka bila Kanawai e hoonohonoho i Kau Kaapuni ma ke Kiure no Kau. Hawaii; waiho ia i ke Komite Kanawai.

 Na Hon Wood e noi ana i $1,000 no ke alanui mai Waimea, Hawaii a Kawaihae; waiho ia a me ka bila haawina.

 Na Hon Pilipo he hooholo kauoha i ke Kuhina Kalaiaina e kauoha aku i ka Luna Leta e wehe pu ia ka puka leta o na haole m@ena Hawaii; apono ia.

 Na Hon Nahaku he olelo hooholo e kauoha ana i ka makai o ka hale e kii a lawe mai i ka Lunahoopuka o ka nupepa haole "Hawaiian Gazette" e lawe mai imua o keia hale e ninaninau ia no kekahi mea i hoopuka ia ma ia pepa e pili ana i keia hale. Lawe ia ka olelo hooholo e ka hale e noonoo a hoopanee loa ia.

 Kapae ia na rula a hoike mai ke Komite hookolokolo i ko lakou apono i ka hookohu o ka Luna o Ewa a me Waianae. Ma ke noi ua hoohiki ia o J S Kaanaana e ka Peresidena no ka noho o Ewa me Waianae.

 Na Hon H@nuna he noi i $700 no ke awa pae ma Punahoa. Hana, Maui; waiho ia a me ka bila haawina.

 Ma ke noi, ua hapana na hana o ka la.

NA HANA O KA LA.

 Heluhelu alua ia na bila Kanawai malalo iho nei: 1 Hoololi pauku 6 o ke Kanawai e hoala hou ana i ka Papa Ola Hawaii. He hora okoa i noonoo ia ai keia bila; a ma ke noi, ua hoopanee ia a hora 1 p m., hoomaha ka hale ma ka hora 12.

 Hora 1 p m. Hapai hou ia ka noonoo ana i ka bila i hoopanee ia no keia wa. Ma ke noi, ua naawiia i ke Komite kupono.

 Ka hoololi i ka mokuna 21 o ke Kanawai hoohoihoi kaa mahu: hoopinee ia.2 Ka hoopau--pauku 1 o ke Kanawai auhau hoioholona, a me ka hoololi i na pauku 481 a me 497 o ke Kivila i aponoia i lulai 21. 1870. Noi ia mai e waiho ia a noonoo pu me ka bila a ka Loio Kuhina e pili ana i na auhau kuloko. 3 Ka hoololi--pauku 29 mokuna 41 o ke Karaima; waiho ia ma ka papa a noonoo pu ia me na mea o ia ano like. 4 Ke Kanawai auhau i dute maluna o na waiwai o ka poe make; hoopanee loa ia. Hoopanee ia ka hale a hora 10 apapo.

 LA HANA 19, Poaono. Mei 22, 1880.

 Halawai ka Hale e like me ka mau ma ke hora 10 a. m.

 Noi ka Hon Kalauli e hapai hou ia ka noonoo ana i ke Kanawai Auhau Dute maluna o na waiwai o ka poe make; hooholoia.

NA PALAPALA HOOPII.

 Na Hon Hanuna he hoopii e hana i Kanawai Aie Miliona. Waiho ia i ke Komite Waiwai.

 Na Hon Kakina mai Hanalei mai e ae aku i ka Aie Miliona; waihoia i ke Komite Waiwai.

 Na Hon Gleudon mai Makawao e noi ana i $800 no ke alanui o Haiku; waiho ia i ke Komite kupono

 Na Hon kakina mai Hanalei e noi aoa i $1 500 no ke alanui ma Kalualauoho; waiho ia i ke Komite kupono.

 Na Hon Kahulo he hoopii mai Waialua, aole e ae i ka Aie Miliona; waiho ia i ke Komite kupono.

HOIKE KOMITE.

 Hoike mai o His Ex. Preston ua pau i ke pai ia na bila Kanawai a Hon Beka, a e waiho ia aku ana i na hoa.

NA OLELO HOOHOLO.

 Na Hon Hanuna e noi ana e uku aku ia D. Keaweamahi i ke koena o kona uku kula; waiho ia i ke Komite Wae. Kuhina o na Aina e: Hanuna a me Beka.

 Na Hon Kalama e noi ana i $5,000 no ke alahaka ma Waimea; waiho ia me ka bila haawina.

 Na Hon Nahaku e noi ana i $5,000 no ke pai ana a me na hoohuihui ana i ke Kivila me na hoololi. ke Kar@ima me na hoololi, a ka buke hookahi, a e pai ia, a i ka paa ana, e hoouna ia i kope pakahi i na hoa o keia Ahaolelo; waiho ia malalo o na rula.

 Na Hon Kaulukou he noi e heluhelu Kanawai; hoopanee ia a Poalua.

 Na Hon Kaanaana e noi ana i $800 no ka Hale Hookolokolo o Ewa a me Waianae; waiho ia me ka bila haawina.

 Na Hon Kalua e noi ana e hoopanee a hora 10 a. m. Poalua, no ke kaa ana o ka la hanau o ka Moiwahine o Beritania ma ka Poakahi; apono ia. Ma ke nei ua hoopanee a Poalua, hora 10 a. m.

 

MAIKAI KA HOI KAPAPA'

--A ME--

KA LAAU O KOU HALE!

NO HEA LA?

KAI NO HOI NO KAHI O

WAILA HA !

 Nana aku no hoi ia la

 Ohi ka Io o ka Laau o Makawao

 I ka ua mea hoi o ka nani o

Na PAPA ! Na PAPA !!

--A ME--

NA PONO KUKULU HALE

O NAANO NO A PAU.

 

Aia ma ke kihi o na

ALANUI PAPU me MOIWAHINE,

HONOLULU

MALAILA E LOAA AI

 E LIKE me ka MAKEMAKE

--NO KE--

KUMUKUAI MAKEPONO LOA!

 

PAPA,PAPA,PAPA,

            Na Papa Huluhulu,

             Na Papa Manoanoa,

             Na Papa i kahiia,

             Na Papa Kepa,

             Papa Hole Keokeo,

            Papa Hole Ulaula.

 

NA LAAU, NA LAAU

Na Kua,

 Na Kaola,

 Na Aaho,

 Ne Molina

 Na Peapea,

Pine Huluhulu,

 Pine i kahiia

NA Papa a me na Laau Ulaula !

 Pili ulaula,

 Pili Keokeo,

 Pani Puka,

 Pani Puka Aniani,

 Ipuka Aniani

 Puka Olepelepe.

 

PENA O NA ANO A PAU

Hulu Pena mai ka Liilii a ke Nui,

 Aila Pena,

 Aila Hoomaloo,

 Waniti, Pate.

NA LAKO O KELA A ME KEIA ANO!

 Na Ami Puka Hale.

 Na Ami Puka Po

ANIANI!

Pepa Hale a me na Lihilihi

E LOAA NO MALAILA.

PAAKAI HELU I O KAKAAKO me PUULOA

 No ke Dala Kuike, e loaa no na mea a pau i hai ia ae la, no ke Kumukuai Emi loa. O na kauoha mai Hawaii a Niihau, e loaa aku ano ia lakou. e hooko koke ia no ia me ka lawa pono. E kipa nui ilaila, @ i ike ka oiaio.

 905 tf