Ka Nupepa Kuokoa, Volume XIX, Number 14, 3 April 1880 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

MEA

HANA

WATI.

 

ALANUI KAAHUMANU.

 

938 Honolulu 1y

 

E. Weller

 

PAPA !           PAPA !

 

— NO —

 

ALLEN & ROBINSON

—

 

UA WEHE AE NEI MAUA I

 

PA KUAI PAPA

 

— MA —

 

KA UWAPO O PAKAKA

—

Na Papa Ualula o na ano a pau.

Na Papa Paina o na ano a pau.

            Na Pili Hale Ulana.

            Na Pili Hale Keokeo.

Na Pepa Hoonani Hale.

Na Pepa Molina.

 

Na Pena a me na Aila Pena !

 

NA KUI O NA ANO A PAU.

 

NA PANI PUKA a me         

NA PANI PUKA ANIANI. 

            NA PANI PUKA a me

            NA OLEPELEPE

 

—

 

NA LAKO KUKULU HALE

 

O NA ANO A PAU !

 

E KUAHA MA KE

 

KE KUMUKUAI HAAHAA LOA

 

O keia Makemake.

 

ALLEN & ROBINSON

            Honolulu, a n. 187g    853 tf

 

LOLE MAKEPONO

 

Ke Kuike.

 

E LOAA NO IA MA KAHI O

 

KAKELA ME KUKE !

 

— E LAA NA —

 

Ahinahina, Kalakoa,  

Keokeo, Leponalo,

            Pena, Aila, Aniani,

 

HA MEA PIULA !

 

KOPA, AILA HONUA,      

 

            AILA HOOMALOO

 

Kui Kakia, Pakeke,

Tabu, Kaula, Noho Lio.

Hulu Palaki, na Pulumi.

 

— A HE —

 

AGENA NO HOI NO NA MOKUPUNI O HAWAII NEI NO NA

 

Lainakini-nao,            

Lainakini Maoli,         

Palule Kalakoa,          

Alapia, Kelepa, Kilika,          

 

            Na lole kupono i ka wawae,

            Palule Huluhulu,

            Na Lole Huluhulu,

            Na Lole no ka hoohehelo ana

            Lipini, Lihilihi, &c.

 

LIPINE, LIHILIHI, &c.

 

— A ME NA —

 

Mikini Humuhumu Makepono Loa !

 

— A HE —

 

MAU MEA AI KAHI

 

Ka Palaoa, Kopaa.

            Raiki, Pia, Hoohu.

Paakai, Huaula.

            Pia Kulina, &c.

 

A he Laau Lapaau Kaulana Loa

A DR. JAYNES.

 

Laau Kunu.

            Laau Hoomaemae Koko,

Laau Hoopau Naio,

            Penikila, Huaale,

 

A ME NA LAAU HAMO, A PELA'KU !

840 tf

 

KAUKA MAINA.

 

KEENA HANA MA KA HALE KAUKA O

Hopemana, Alanui Kalepa, e pili la me ka Baneko o Bihopa.

            WANI NOHO, ma Alanui Hotele, makai iho o ka puka komo o ka pa o ka Hotele Hawaii.

no15 937 6m

 

KE AHI-KOE KILAUEA !

 

—

 

KE AHI-KOE HAWAII 7 PAPAA,

 

A ME KE

 

AHI-KOE HAWAII HUINAHA

 

— O —

 

Ke Ano Maikai Loa.

 

            Ua @ iloko o na wa@ he 36. a he 3600 o ka pahu hookahi. E malama mau ia ana no ke kuai ia aku.

E. O. Hall & Son.       

            @ E loaa no keia ana ahi ma na halekuai a pau maloko o keia Anapua@ no ke kumukuai haah@ loa. E ninau no

 

KE AHI-KOE KILAUEA '

 

KO BIHOPA MA

 

BANAKO MALAMA DALA !

 

E MALAMA NO MAUA I KE DALA O na kanaka maloko o ka Banako, penei :

            Ina hoomoe mai ke kanaka hookahi i na dala $300 a emi mai paha. alaila, e uku maua i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina o ke dala hookahi, aole no hoi no ka hapa malama.

            Ina ohi koke oia I kana dala, aole i hala na malama ekolu aole ukupanee.

            Ina i manao ke kanaka e ohi i kaua dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai.

            Ma ke kikoo wale no a ka mea dala e haawi ai i kana, a o ka Buke kekahi ke laweia mai.

            Ma ka la mua o Sepatemeba i keia makahiki a i keia, e houluulu ai i ke dala, a e huipula ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoe mamua o $300. alaila, hooholo pu ka olelo.

            E wehia ka Hale Banako i na la hana a pau.

851 tf BISHOP & Co.

 

ANO NO I LOAA MAI NEI !

 

Na Kaa Lio    

            Holo Lealea !

 

Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu loka.

DILLINGHAM & Co.,

876 tf Na Agna kuai ma Hawaii nei.

 

PAPA KUHIKUHI MANAWA HOLO

 

— O KA —

 

MOKUMAHU HAWAII

 

"LIKELIKE,"

 

KAPENA KING.

 

Poalua, Apr 6, hora 5 pm...........................................Kaapuni ia Hawaii

Poalua, Apr 13, hora 5 pm................................................................Hilo

Poalua, Apr 20, hora 5 pm.........................................Kaapuni ia Hawaii

Poalua, Apr 27, hora 5 pm................................................................Hilo

 

AOLE AIE NO NA UKU UHUA ?

 

            Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana. paiki a me puolo i hoailona ole ia ke ole e kakau ia ka loaa ana mai.

 

HE KUIKE KA UKU UKANA.

 

            Ma na ukana a pau a na makamaka, e pono e uku mua ia. A e hookoio no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.

 

E hoailona ia me ka moakaka na Pahu Rama a me Waina.

 

            O ka poe no lakou na ukana o keia ano e pono e hoailonaia me ka moakaka, a I ole e kakauia me ka moakakaa ka loaa ana mai o ka poe no lakou keia mau waiwai.

            O na k@ no na pilikia a me na poho, e pono e hoike koke ia mai iloko o ka malama hookahi.

            A@ e ae ia na hookelu kaa, na keiki a me na mea like, e pililuna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.

            No ke ake oui e hoopoenaikaila ka lehulehu kaahele, ua hoololi ae nei na ona o Likelike i ka Papa Hoika Manawa o ia Mokuahi e like me maluna.

Ma ka Hale Oihana e loaa'i na Palapala.

            Aole keena o hope e lilo, aia wale no a kaa mua mai ka aku moku. Aole e ili ka hewa no na paiki, ukana a puolo paha, ke ole e kakaula ka loaa ana mai. E hookaaia ka uku ukana ka wa e noiia aku ai.

 

O ka poe a pau i ale ma ka halekuai White House e ku nei ma ke alanui Nuuanu. malalo o ka malama ana a S L Lewis i make iho nei, e oluolu lakou e hookaa koke mai ma ke @ hana o M Phillips & Co, ma ke alanui Kaahumana, Helu II, a o na aie i uku ole ia mai iloko o na la kanakohe, e waiho ia aku no ma ka lima o ko makou loio nana e ohi mai ia mau mea.        M. PHILLIPS & Co.

@ 944 tf

 

KAKELA a me HAKI.

 

O KAKELA OPIO A ME F. M. HATCH, ua hui laua ma ka lawelawe ana i ka oihana Loio.

            Ua hiki ia lana ke ku imua o na Aha a pau, mai ka Aha Hoomalu a hehe iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaio Dala ana.

W. R. CASTLE, Luna Hoolaio Kope.

            Keena Hana, maluna ae o ka Halekuai o Dillingham & Co.

A@ Alanui Papu.       3 6ms

 

JNO. LOTA KAULUKOU.

 

LOIO A HI KOKUA.

 

UA makaukau au e lawelawe i ae hihia a pau o kria a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa ao au ma H@ Koolauho@ a ma Honolulu no hoi i kekahi manawa. 9@1 tf

 

KA BUKE KUHIKUHI

 

NO KA PAPA HELU

 

A ME

 

NA MEA PILI KALEPA

 

O KE

 

AUPUNI HAWAII

 

A HE

 

ALAKAI NO NA HUAKAI KAAHELE.

 

—

 

            E loaa no maloko o keia BUKE KUHIKUHI e hoolaha ia aku ana na wehewehe ana i haki. ka oihana a me kahi noho o na kanaka mea oihana e noho ana ma keia mau mokupuni i na he kanaka Hawaii, a kanaka o na aina e mai paha.

            E hoike pu ia aku ana no hoi maloko o keia Buke ka papa inoa piha o na mahiko, na mahina ai me na aina hanai holoholona, ko lakou kahua, na agena, na mea lawelawe, na Hale leta, a me ke kaawale mai ke Kulanakauhale Alii mai.

            Ka papa inoa o na moku malalo o ka Hae Hawaii a me kekahi mau mea waiwai e ae.

            O keia BUKE KUHIKUHI e hoowaiwai mai ana ia i ke kanaka mea oihana e like me na hoike ana iloko o ua Buke la ma na mea pili i ko keia aupuni.

            Eia maloko o keia BUKE KUHIKUHI na hoakaka waiwai ana i ke kulana o na kanaka Kalepa, na kanaka paahana hana ike, na kanaka lawelawe waiwai paa, na kanaka lawelawe mahi, na loio, na mea malama Hotele, na poe kaahele, a me he mea la, e pau loa ana i ka hoike ia na kanaka mea oihana ma ko lakou mau kulana pakahi.

            A e komo ana no hoi iloko oia Buke na kanaka mea oihana a pau loa o na mokupuni a pau i hoonohonoho papa ia ma kela taona keia taona, a kauhale paha, a e hoike ana i ka inoa o na malihini i hoonohonoho pololei ia.

            E hoike aku ana i na hoakaka piha ana no na mahiko, na mahi naiki, na mahina ai, me na aina hanai holoholona, ka inoa o na ona, na mea lawelawe a agena paha, ke kaawale o na mahiko mai ke Kulanakauhale Alii aku (Honolulu) a mai na kulanakauhale e ae paha, ka inoa o na alanui, a pela aku.

            Kahi kupono i ka noho ia ma kela me keia mokupuni a me na lilo o ke kamahele, a e hoowaiwai nui ana keia Buke i ka malihini kaahele.

            I ka wa e pau pono ai na hemahema o keia Buke, e komo aku ana ma na lima o na poe lawelawe oihana mahi ma na mokupuni a me ka poe i ake nui ia e loaa na hoolaha ana iwaena o lakou.

            He mea hou loa keia Buke, a o na mea i hoakaka ia maloko, he hiki ke hilinai ia.

            He Buke keia no Hawaii nei, a he pono ke lawe nui ia.

            E hookomo pu ana me kekahi mau olelo hoolaha. Uku no na Olelo Hoolaha:—no

            ka aoao hookahi, $20.00

            Hapalua aoao, $13.00

            Hapaha aoao, $7.50

            Kumu kuai o ka Buke ke paa, $3.00

GEORGE BOWSER,

MEA HOOLAHA.

941 6m 967

 

NU HOU! NU HOU!

 

—

 

MAHOPE AKU O KA LA I O IANUARI, 1880, E HOOmake ana makou malalo o na rula

 

DALA KUIKE,

 

I ka Loaa ana aku o ka Waiwai i ka Mea Kuai.

 

E hookahua ana makou i ka makou oihana malalo o ke DALA KUIKE, e kuai ia aku ana na lako waiwai a pau no ke Kumukuai malalo iho o ka

 

MEA I IKE IA MAMUA

E LIKE ME KA LILO.

 

He Huina nui ko makou o na Oo, Kopala,

Ho, &c., &c. i kuai ia maamua ae o ka

 hoopii ia ana o ka auhau o ka poe

nana i hana.

 

HE MAU LAKO NUI KO MAKOU

 

— O NA —

 

PALAU

 

A makou e kuai aku ai no ka $7 a hiki ka $7.50 Malalo iho o ke Kumukuai mua no kela a me keia PALAU.

 

            Ano ko oukou manawa kupono e loaa ai na waiwai makepono loa.

 

E hele mai Hookahi, E hele mai a pau loa.

 

DILINAHAMA MA.

942 tf 37 Alanui Papu.

 

RICHARD F. BICKERTON,

 

[PEKETONA.]

 

LOIO a he KOKUA ma ke KANAWAI !

 

E HELE ANA OIA IMUA O NA AHAHOOKOLOKOLO a pau o keia Aupuni ma na ano hikia a pau, ina paha ma Oahu nei, a ma na Mokupuni e ae.

            Ua makaukau mau oia i ka hana ana i na Palapala pili kanawai o keia a me keia an@

            Ua hiki no hoi iaia ko hoaie dala aku ma k@ ana ina aina, ma ka eku@ hiahaa loa.

            E hanaia na hana me ka hikiwawe a wa ka aku haahaa.

            Keena hana, Helu 23 Alanui Kalepa, elua peka @ o aku o ka hale kanaka o Kauka @ole. 940 1y

 

ANIA KUAI A HOOLIMALIMA.

 

HE Kanalima Kama@ oku aina ma I @ (Makai iho o ka Halepaah@) He Loko I-a, Aina Kalo, aina kaa paakai, aina kula a me ke kai. A me kekahi mau eka aina ma Pekula, he aina kale, al@ keia a me ke kai. He @ ke kuai ana. E ain@ la           J. H. CONEY. (Koni).

Honolulu.        866 tf

 

Nuhou o ko na Aina e.

 

—

 

NO AMERIKA.

Ke ahi ma ka Mokumahu City o Sydney.

            Ma ka hapalua o ka hora 7 o ke ahiahi o ka la 14 iho nei, ua puoho ae la ke ahi mai lalo mai o ka mokumahu City of Sydney ma kona keena mua, oiai oia e pili ana ma kona hale hooili kuana; ua wehe akea ia mai na mea paahana e hoopakele ai i ke ola o keia moku, a he mau minute pokole ma a hope iho, ua hiki mai la na kaa kinai-ahi mahope iho o ka lohe ia ana o na hoailona no ka pau ahi. ma kahi i hoomaka'u ke ahi e a, oia ka keena mua kahi e waiho ana he mau tausani kaupahi papa no Honolulu nei; mahope iho oia wahi, he puu lanahu nui. I ka wa i ike ia'i ke ahi, ua punoho nui ae la ka uwahi, a me ka hoomanawanui wale no ka poe kinaiahi i hooikaika ai e kinai.

            Ma ake aumoe loa ana iho, ua komo pono loa aku la ka lakou lawelawe ana me ke ano holopono; a no ka nui loa o ka uwahi, aole i maopopo loa ke ano o ka a ana o ke ahi i ka poe kinaiahi, nolaila, ua ano hakalia ka pio anaa o ke ahi. Ma ka helu ia ana o na poino o keia pauahi aole e emi malalo o ka $100,000 ke noho I na naha he moku laau, i na ua oi loa aku ka poino.

            Ma ka huli ana o ka Papa Nana no ke kumu o keia ahi, ua loaa he wahi moali moowini iki no ka manao wale ana aku i ke kumu o keia ahi; oia hoi, ua hookomo ia paha kekahi mea hana akamai ma ka a wale ana ae no o ke ahi iloko o na lole aila i hookomo ia iloko o na puolo ukana i hooili ia mai no Honolulu nei. Pela na mea i manao wale ia no keia pau ahi. Ma keia poino, ua hoopanee ia kona la ku mai ma Honolulu nei.

Ke ala no Kalani.

            O na lono i pua mai Ilinoi mai, ua wawa loa ae la ia ma na pepeiao o ka lehulehu no ka huli hoi ana o Kalani i ka home, ke hiki aku i ka la 15 o Maraki iho nei.

            E hele aku ana oia ma Galveston a me Nuolina, a mai Nuolina aku, e hele aku ana oia me kana wahine a me Kitty Felt wahine no Denver, a malaila e noho iho ai kana wahine me Kitty Felt, a hiki i ka hoi hou ana mai o ua Kalani nei mai kana huakai makaikai mai ma na mahele aina mai o Waiomini a me Colorado: O ka manao o Kalani me kona mau hoa hele e hoi hou mai i Galena ma Ilinoi i na la hope paha o Aperila, a i ole ma na la mua paha o ka malama o Mei.

Ka manao o ka Peresidena Hayes no ka auwai o Panama.

            Ua loaa mai kekahi lono ma o kekahi hoa la o ka Ahaolelo ka manao o ka Peresidena o ka Repubalika nui o Amerika Huiia no na mea e pili ana i ka auwai hooholo moku ma Panama, a penei kona manao.

            He mea ano nui no ka lawe ana mai i kekahi manao ano nui i hoala ia no ka eli ana i auwai hooholo ma ka puali o Panama.

            Ma ke ano i kupono me na hooponopono aupuni ana o Amerika Huipuia, he mea hiki ole i ua aupuni nui la ke waiho aku i na hana ano nui e like me ia ke ano, malalo o ka lawelawe ana a me ka hooponopono ana a na mana aupuni o waho, a he mea pono no na Amerika Huipuia no e noonoo a hana nona iho i na mea e pili ana nona iho. He mea hiki ole i kela aupuni i holo mua ma ka naauao a me na hana a pau i kupono no ka hookele ana ia ia iho, ke waiho aku i na hana ano nui na na mana o Europa e hana, oiai, ke ku nei oia me ka makaukau me na noonoo maikai e hiki ai ia ia iho ke hookele ma na mea e pomaikai ai hoi a e waiwai ai hoi, a he mea makehewa wale no paha ka hoolilo ana oia mea na na mana o na aupuni e mai, a he mea ia e hoohaahaa ia ai kona kulana me he aupuni kamalii la na hai e malama mai i kona ola a me kona mau pomaikai.

            He mea nui no hoi i ka noonoo ana o ka poe naauao, i ka wa e eli ia ai keia puali a moku, alaila, ua pau ka pili ana o Amerika Akau me Amerika Hema ma ko laua ano hui aloha ana e like me na hoike ana o na Palapala Aina, alaila, o ka loaa hou ana no ia he mau kahakai hou ma kona mau palena, a he mea nui no ia na ke ao holookoa e nana mai ai.

            Aka, he mea akaka lea no, o ka hoomahuahua hou ana aku i na kapakai o Amerika Huiia no na laina hooholo moku pili kahakai mawaena o na moana Atelanika a me Pakipika, ua hoomahuahua ia na pomaikai ma na oihana kalepa ma ka hooholo pono ana i ke alanui pokole no na moku kalepa imi waiwai i hoohapa ia mai ai na lilo a me na poino i na ma ka lae Hao ka holo ana. O keia kahi hapa o kona manao.

NO EUROPA.

            Ua pohala ae ka Bisimaka mai kona lulumi ia ana iho nei e na hoopululuhi ana a ka moi hoonawaliwali, a ma ka Poaono mua iho nei o Mar. ua naue aku la oia ma ka Halealii no ka ike aku i ka Emepera o Geremania.

            Ma ka la I iho nei o Maraki, oia ka piha pono ana o ka iwakaluakumamalima makahiki o ka noho alii ana o ke Czar o Rusia a he mau hooiwahiwa nui kai malama ia ma ke kulanakauhale o Sana Peteroboro; ua ike ia na kanaka hanohano o ka aina a me na luna aupuni nui me ko lakou mau kahiko piha no ka hoohanohano ana ia la.

            He mau laina koa nui me ko lakou mau alakai e hookahakaha ana ma na alanui. E kani ana na pahu, a me na leo mele hoohaihai. A he mau kipu ana he haneri.

            Ma o keia mau haha hooiwahiwa. ua hele ae la na alanui a lehau i na makaikai, he mau ahaaina nui kai malama ia.

            Ua hoopuka ae kekahi mea kakao manao e hoike ana i na mea e pili ana i ka pakele ana mai nei o ke Czar o Rusia, ua nui wale na pi@o o ke kulanakauhale o Sana Peteroboro mamuli o ka hopu ia ana he mau tausani o na makaainana i manao ia mai waena o lakou ka poe nana i hana kela mea pahu ma ka hale ahi i kumu e poino ai ke Czar a me kona ohana, a o kekahi ma u tausani kanaka, aia maloko o kekahi papu.

—

NU HOU KULOKO.

—

            Ma ke ahiahi o ka la apopo. e haiolelo ana o J Hook, ma ka luakini o Kaumakapili.

—

            HE LIKO.—Ua hanau mai he keiki kane opio maikai na Mr. henery Kahaawinui me kana wahine i ka la 3 iho nei o Feberuari.

—

            HE MEA HAPAI MOKU.—Aia ma ka hale kuai buke o Wini ma, e ike ai ka lehulehu i na Kii i kaha ia no na maa paahana e pili ana i ka hapai moku.

—

            HOOLOLI.—E halawai ana ka Ahahui Kula Sabati o Maui Komohana ma Honokohau i ka la 10 o Apr. aole i ka la 15.

—

            UA h@ ia mai makou no kekahi moawahine me kana mau keiki ma Waikiki, he kani no nae, a no like loa me he moa kane ala.

—

            PILIWAIWAI.—Ma ka Poalua iho nei, ua hookolokolo ia ma ka Aha Hoomalu o keia kulanakauhale he 11 mau kanaka pepa piliwaiwai, a ua kapi ka paakai maluna o lakou.

—

            E ALAWA AE.—He mea waiwai nui i na makamaka heluhelu ke alawa ae ma ka aoao eha o ko kakou Kilohana, a e kilohi pono iho i na wehewehe naauao ana a Rev. J. Bicknell, no ka la 25 o Dekemaba.

—

            ILOKO o keia mau la, ua ike ia aku ke kulana hiehie o ka hale noho o Keelikolani, ahe nani maoli no kona naaina; aohe paha he hale ma Honolulu nei a puni i like me kona kulana ano hou.

—

            O KA lauwai i eli ia iho nei no James Campbell ma Honouhuli, Ewa, ua holopono na hana i keia manaw, a ke kahe nei ka wai me ka hoopomaikai ia o ka ona nona ia.

—

            MA ka Poakahi iho nei, ua malama ia ke koho ana o ka hoa ekolu o ka Papa Kula o keia apana e na makua mea keiki ma ka Hale Kula ma Kawaiahao, a ua koho hou ia no o Rev. K. Halemano.

—

            HOU PAHI.—Ma ka mahiko o Hakalau ma Hawaii, ua hou aku la kekahi pake me ka pahi a puka pu ka aoao, a ma ka lawe ia ana i Hilo, ua make loa ka pake i houia.

—

            MAI PUUPU.—Ua hoihoiia aku na ohua o ka moku i ku mai i kela pule me ka mai puupuu liilii ma ka hale i hookaawale ia no ia ano mai, ma kai o Koholaloa, a malaila lakou e hoomalu ia ai no ka wa kupono.

—

            NO KALANI.—Me he mea la e poho wale ana na manaolana no ka hiki mai o Kalani Hawaii nei, e like me na mea mamua. Ua haalele iho oia ia Vira Cruz i ka la 18, a ua hiki aku i Galveston ma ka la 22 paha. Poho ka manaolana no kona hiki mai.

—

            PAKELE KE OLA.—Ma ka auina la Poakolu iho nei, oiai na keiki hana o ka hale hana hao o Ulakoheo e hapai ana i kekahi ipuhau nei maluna o kekahi paahana Pukiki, a ua puka pu aku la kekahi aoao o kona poo he elua paha iniha ka hohonu, ua hoihoi ia aku la oia i kona Home.

—

            MARE IA.—Maa ke ahiahi Poalua iho nei, ua malama ia he anaina mare no Mr. C. O. Berger me Miss Pattie Wideman ma kahi noho o Mr. H. A. Wideman ma Makiki, malaila ae ka Moi. ka Hooilina Moi a me kona kaikaina alii Likelike Gleghon, a me kekahi poe maka hanohano o keia kulanakauhale kahi i luana pu ai me na mea mare, ua wehi ka hale me na lau o ka wao; a ua malamalama o waho iho o ka pa me na lama, a ua lealea maikai na hoa a hiki i ka hookuu ana o na hana.

—

            MAI POINO KE OLA.—Ma kekahi la o ka pule i hala, ua pii aku kekahi mau wahine ekolu o Palolo i ka pamoho i mea hana papale ma kuahiwi maluna o na hoki a he lio kekahi, oiai lakou e makaukau ana no ka hoi mai, ua hea kekahi wahine i ke apoopu o ka hoki, ia manawa, ua nahu mai la ka hoki a ua, eha kona aoao; i ko lakou hoi ana mai hoi, ua kaa mai la ka lio o kekahi wahine i ka pali a mai make loa ka lio, ua pakele no nae ka wahine. D. OHIA.

—

            PAUAHI.—Ma ka po Sabati iho nei, ua holapu ae la ke ahi i ka paku makika o kekahi wahine me kana mau keiki liilii oiai ua kaia ia lakou e ka hiamoe nui; i ko lakou puoho ana ae, e a ia ana ko lakou mau kapa moe, a ua poino keia poe. a ua lawe ia i ka Halemai ; ma ka Poalua mai, ua make loa ka wahine, a me kekahi keiki. O ke kumu o keia ahi, ua hookokoke ia ka ihoiho kukui ma kahi o ka pakamakika, no ia mea, ua apu ae la ke ahi i ka paku, ua pakele nae ka hale mahope o na hooikaika ana e kinai.

—

            UA lawe ia mai io makou nei na lono, ke liki e mai nei no ka kahi mau Lunamakaainana i ka lakou mea e hana'i, ke noho ka Ahaolele. Alia nae kakou e hikilele, aia iloko o laila na loea, a ilaila no hoi e ike ia'i ka io a me ka ole, na makou hoi e hakilo aku a kaupaona. O na liki ana me na paio hoao hooakamai mawaho nei. he mau mea makehewa, aia ilaila e loaa'i ka hoa paio he alo a he alo, a ilaila e noke ai ina he mau kahua io, a he akamai hoi ma ke kalaimanao ana. E aoao nae o hoohokaia.

            UA ike iho nei makou i ka hoike make o keia kulanakauhale a ka agena o ka Papa Ola no ka malama o Maraki—he 55 make, a no ka malama o Maraki, 1879, he 84—he 29 ka emi o ka make i keia makahiki oia malama. He hoike maikai keia.

—

            UA HALA.—O ke kahu ai kaulana o Lahaina Mr. A Watler (Beka puhipalaua) ua kuu mai la oia i kona kaa mai loihi ana, ua waiho iho oia he mau makamaka lehulehu e kanikau aku ana nona; aole no paha e nele ana ka hoomanao ana o ko Lahaina mau makamaka no kana mau hana.

—

KA MOKUAHI SYDNEY.—Ua hoohakalia loa ia ke ku ana mai o keia mokuahi ma Honolulu nei mamuli o kona leohia ana i kekahi pilikia, oia hoi, ua a ae kekahi ahi ma ka la 14, a ua pau kekahi mau ukana. Ua haalele oia ia Kapalakiko i ka la 20, a ua ku mai i Honolulu nei i ka la 27. ua like me 6 a oi la holo. —

            HOOLAA LUAKINI.—Ma ka Poakolu i hala, ua hoolaa ia ka luakini ma Kalihiuka i wahi no na kanaka o ia uka e hoomana'i i ke Akua. a ua mahuahua no na kanaka i akoakoa ae malaila e ike i na hana oia la. Ua malama ia he paina makaluhi ma ua luakini la, a he lulu kekahi i malama ia. o na loaa he $75.05.

—

            ZOE GAYTON.—O ka puali keaka a Zoe Gayton e lawelawe nei i na hana lealea keaka ma Honolulu nei, ua manao lakou e holo aku ma na wahi ano mahuahua o na kanaka ma na kuaaina o Maui a me Hawaii, a malaila lakuou e hue pau aku ai i ka lakou mau hana me ka eleu; e hoohauoli ia'i na puuwai o ka lehulehu e noho mai nei ma na kuaaina.

—

            UA HOOHUA.—Ma ke ahiahi Poakolu iho nei. ua hoohuiia ma ka terita paa o ka mare e Rev H H Pareka ma ke kkena halawai o Kawaiahao o Mr Sam Kepohoni me Miss Eliza ; mahope iho. ua malama ia he paina ma ke Halekula Kaikamahine o Binamu. Ua lawe ia mai he meaono mare ia makou, a ke puana ae nei makou me na leo hauoli, e ukali ia na mea mare me ke ola maikai a lilo i mau makua no ka lahui.

—

            WAIHO IA.—Ua waiho aku o Likimana i kana oihana Luna wai a me na oihana aupuni e ae i pili ia ia; a ua hookohu ia ma kona wahi o G. D. Frees, hunona a Lina, i Luna no ka Makeke a i Luna wai no Honolulu nei. O Haka ka i hoonohoia i Luna alanui no Kona, Oahu; a ua pani ia o S. Paniani ma kahi o Haka.

—

            MENEMENE WALE.—Ma ka po Sabati iho nei maloko o ka Hale pule o Kawaiahao, ua hoohikilele ia ke anaina i ka ike ana aku i ka hanaiahuhu (iho) a kekahi opio e holo-ke ana i o ia nei; a e hoolilo ana hoi i ka hale o ke Akua i hale no na holoholona. a o ka makou hoi e noi aku nei i ka oluolu o na makamaka opio i manao e hele iloko oia anaina eehia a hale hoi o ke Akua, e mala. ma i ka maluhia a me na rula oia hale, a e hoolilo hoi ia oe i kanaka makua ma na hana i ku i ka mahalo ia e kou Makua ma ka lani, a e makau hoi kou lunaikehala i Kona ihiihi a me Kona mana i oi pakela aku i ko ke ao holookoa.

—

Na Leta a na Makamaka.

—

            —Ua loaa mai kau e P. Kealakai, a ua hooponopono aku nei makou, o na kii makana e kali iki.

            —Ua loaa mai nei kau mau dala e G W L Kauhane.

            —Ua loaa mai nei kau e S Kaaua, e hoomanawanui iki oe. no ka mea, aia oe i Kau, aia kau luna i Puna, he kowa kaawale mawaena o olua.

            —Ua loaa mai kau dala e George M Maalo no ke ola o ka nupepa.

            —Ua loaa mai nei kau mau dala e B Kuamuopio, e hoomanawanui mai ae no na makana.

            —Ua loaa mai nei kau e Jos M Kau@ opio, a ke hooko ia aku nei me ka eleu loa @ e hoouna mai i ke ola o ka pepa ma ka lima o ka mea kupono.

            —Ua hooko ia kau e J W Kamahiai o Hamakua, Hawaii, e awiwi mai na mea i loaa.

            Ua loaa mai nei kau e D H Keialiilii. a ke hooko ia aku nei, e kali kau makana.

           —Ua loaa mai nei kau e Kauanae o Kohala e hai mai ana i na hana hoomainoino a kekahi mea i ka holoholona, i na ua ike oe i kona hewa, e pono ke hoopii iaia.

            —Ua loaa mai nei kekahi leta ia makou i kakau ia e kekahi mea i huna i kona moa ponoi mai Kona Akau mai, e hai mai ana no ka malama ia ana he anaina hula nui ma ia wahi. Ua hiki i na mea apau i loaa he mau noonoo ao kanaka naauao. ke hoowahawaha i kela hana ke lawelawe ia e like me ka mea nana e hoike mai nei, aka, he mea hilahila ka hoike a na ae imua o ka lehulehu, eia wale no ka pono, e hoomalainalama ko Kona poe ia lakou iho, i ole e lumai ia kekahi poe o keia lahui iloko o ka nenelu o ka pouli o na hana naaupo o ka wa kahiko. O ka waiwai i loaa mai ma ko hula, aole ia he mea e waiwai ai, ua like no ia me ka mea i loaa ma ka makilo ana.

            —Ua loaa mai nei kekahi leta mai ia J S Lono mai, e hai mai ana i ka pahola ana ae o ka mai fiva ma Waihee iloko o keia mau la; a ua hai pu mai nei ao hoi oia i ke hauoli piha o na kuaaina i ka ike ana i na hana keaka.