Ka Nupepa Kuokoa, Volume XIX, Number 10, 6 Malaki 1880 — Page 2
| This text was transcribed by: | Scott Derrickson |
| This work is dedicated to: | Beverly G. Derrickson |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha
KE hoolaha ia a @u nei. O ka poe e k@@a@a ana i na pa @@ Kul@@kahua mai noho lakou a @@@@@, a lawe i na pohaku a me na pau hoailona kihi.
SAM G. WILDER. Kuhina Kalaiaina
Keena Kalaiaina. Feb. 24. 1880 952 3t
IMEA e kulike ai me ka olelo o ka pauku 231 o ke Kanawai Kivila, ua kukulu ia kekahi pa kepono i wahi e hoopaa ia ai na holoholona kom@hewa ma kahi i kapa ia o Kalaikau@a@u ma Halawa, Molokai.
SAM G WILDER. Kuhina Kalaiaina
Keena Kalaiaina. Feb 24. 1880. 952 3t
IMEA e kulike ai me ka olelo o ka pauku 232 o ke Kanawai Kivila, na hook@@u ai o au la William Abr. Kiha i Luas pa aupuni no ka pa aupu@@ i hoike ia ae la maluna ma Halawa, Molokai.
JNO. O. DOMINIS. Kiaaina o Maui.
Keena Kiaaina o Maui, Feb. 24, 1880. 952 3t
Kuai o na Aina Aupuni.
Ma ka Poaono, Maraki 27, 1880, ma ka hora 12 awakea ma ke alo mai o Aliiolani Hale e kuai ia aka ai ma ke kadala na apana aina malalo iho e waiho la ma Kulaokahua.
Helu 175, 176, ma ka $100 a pii aku. Helu 173, 174, ma ka $100 a pii aku. Helu 317, 318, 319, 320, ma ka $200 a pii aku.
Helu 325, 326, 327, 328, 329, 330, ma ka @200 a pii aku.
Helu 331, 332, 333, 334. ma ka $200 a pii aku.
Helu 335, 336, 337, 338, ma ka $100 a pii aku.
Helu 407, 408, 409, 410, 411, 412, ma ka $100 pakahi a pii aku.
Helu 404, 405, ma ka $100 pakahi a pii aku.
Helu 406 ma ka $100 a pii aku.
Helu 343, 345, ma ka $100 a pii aku.
Helu 347, 349, 351, ma ka $100 a pii aku.
Helu 371, 373, ma ka $100 a pii aku.
Helu 375, 377, ma ka $100 a pii aku.
Helu 368, ma ka $100 a pii aku.
Helu 270, 271, 288, 289, ma ka $200 a pii aku.
Helu 92, 93, 98, 99, ma ka $200 a pii aku.
Helu 217, 255, ma ka $200 a pii aku.
Helu 190, 191, 192, 201, 202, 203, ma ka $300 a pii aku.
O keia mau apana aiina e kuai ia aku ana me ka hoomaopopo ana na ka poe e lilo aku ai e hoomaemae ia mau wahi.
Aole i makemake ke aupuni e kuai aku me ka poe e hoopukapuka ana; aka, i ka poe hoomaema a hookuonoono.
Na uku ana. – i hapa-ha ma ke kuike. I hapa-ha Hoko o ka makahiki hookahi. I hapa-ha i na makahiki elua, a hookahi hapa-ha i na makahiki ekolu me ka uka panee ma ka 9 pakeneia a me ka moraki ma ka waiwai. Na lilo o na pepa i ka mea e lilo aku ai.
SAM G. WILDER. Kuhina Kalaiaina.
Keena Kalaiaina. Feb 24, 1880. 952 3t.
UA hookohuia i keia la o G.W.O. Jones i Agena haawi Palapala Mare no ka Apana o Kau, Mokupuni o Hawaii. Ua hoomaka kona komisina i ka la 15 o Dekemaha 1879.
SAM’L G. WILDER, Kuhina Kalaiaina.
Keena Kalaiaina, Feb 13, 1880. 951-3t
MALALO o ka mana i waiho ia mai ia’u i hoomana ia e ka Mokuna 30 o na Kanawai o 1878, he kanawai e hooponopono ana i ka Pauku 1 o ke Kanawai i hoakaka ia, “He Kanawai e hoomana ana i ke Kuhina Kalaiaina e lawe ma kona lima i na aina me ka wai i manao ia no ka pono o ka Oihana Wai o Honolulu, i aponoia ma ka la 18 o Auga@e 1860, a hooponopono ia ma kekahi Kanawai i apono ia ma ka la 18 o Iulai 1874.”
Ke hoike ia aku nei ka loha i na haku aina a me na poe mea aina he nui wale o na aina a me na apana aina i hoakakaia ke ano ma keia palapala i kakau ia, ke hoike ia aku nei e hookaawale a e lawe ia aku ma kahi e mamua ae o ka pau ana o ka la 31 o Maraki ae nei; na pipi, na lio a me na holoholona e ae a pau e holo ana maluna o ua mau aina nei, a e hoomalu ia keia mau aina mai na pipi a me na holoholona e ae a pau. O ka wai maluna o keia mau aina i hoakakaia no ka pomaikai ia o ka Oihana Wai o Honolulu.
Na Aina i hoike ia maluna ae:
Ili of Opu – Haumakaawe, Poloke, Maunalaha, a me ka aina o Ioane @ ola hoi o Pawaa a i ole Kanaha paha; Kalawahine, Kaiwiokaihu. Kaakaukukui a me kekahi lihi o Kewalo e waiho ana ma ka aoao mauka o ke alanui Beretania.
Kakau ia ma Honolulu, Feb 16, 1880.
951 3t SAM’L G. WILDER. Kuhina Kalaiaina.
MAKANA A KA
“Nupepa Kuokoa”
NO 1880.
Ke Kii Hanohano
o
Ka Makaainana Moi Kalani.
He kii keia i aneane like kona nui me ke kii o ka Moiwahine o Enelani, aka ua oi aku nae kona maikai, a ua kiekie ae kona kumukuai. O ke kulana o ua Alihikaua Kaulana nei iloko o keia Kii, he ihiihi a he ku i ka mahalo ia ma ka nana ana, e kau ana maluna o kona lio kaua. He kahiko waiwai loa keia no na Home Hawaii, a he kokoolua maikai no ke Kii makana i haawi ia iloko o 1879. E loaa ana keia makana waiwai me ka Alemanaka pu i ka poe a pau e lawe ana i ka NUPEPA KUOKOA no 1880 me ka hookaa mua mai i na DALA ELUA o ka uku pepa ma KEIA KEENA mamua ae o ka la 31 o MARAKI 1880.
MAI ka mokupuni mai o Maui ua loaa mai i ke KUOKOA he mau leta e pili ana no ke koho balota ma Makawao e me na hana o ka Papa Nana Koho o Honuaula. E hoohalahala ana ka palapala no Makawao no ke kupono ole o ko lakou luna, a e kamailio ana no ka pono o ka hoopii mamuli o kekahi mau kumu i ike ia, me ka manao e koho hou. Ma ka nana ana i na leta i loaa mai mai kekahi poe makamaka mai o Honuaula, i na he oiaio ka lakou mau olelo, he oi loa aku paha o ka lapuwale na mea i hana ia ma ia apana. Ua hoopuka mai no hoi kekahi mea i kona manao, @ he mea weliweli ka hopena e hiki mai ana ke hoopololei ole ia kela mau hana kolohe a pono e ka poe nona ka mana ma ka hooponopono ana. Me he mea la, o ka Hale Ahaolelo no kahi e nana ia ai ke kuleana o kela a me keia o kona mau hoa; a i na e ike lakou i kekahi kumu, a mau kumu paha, e kuleana pono ole ai kekahi o na luna i koho ia, na lakou no e hooholo i ke kauoha no ke koho hou ana. I na ua ike na makaainana o Honuaula me Makawao i ka hewa o na hana ma ka la koho, e pono e noho lakou me ka makaukau me na kumu h@opii, a i ka wa e noho ai ka Ahaolelo e hoopii ae me na hoike kupono.
HE NEA kaumaha ka lono pepehi kanaka i loaa mai mai ka apana mai o Kau. Aka, o ka hopena pololei no ia e ukali ana mahope o ka noho ana o ka poe lapuwale ma no oihana lunakanawai apana, a me ka oihana makai no hoi. Ua kaulana mua ka apana o Kau no ka ona o kona poe luna aupuni, a eia iho ka hua. E i mai paha auanei kekahi, aole i maopopo o ka ona ke kumu o keia pepehi kanaka.
Pela paha, aole maopopo ia. Aka, ua maopopo loa keia ma kahi i noho lapuwale ai ka poe o na kulana ano kiekie, e haihai ana i na kanawai o ka aina, ua like ka lakou hana me he mea la e ao aku ana i ka lehulehu e hoomahui ia lako. O ka lunakanawai ona, aole o ka ona wale no kana i ao aku ai i kanaka. Aka, e like me kona hoolapuwale ia ia iho, pela oia i alakai ai i kela a me keia e hoolapuwale ia lakou iho ma na mea a pau. Aohe mana o ke kanawai ma ka lima o ka lunakanawai haihai kanawai. Aohe mana o ka inoa makai ma ka lima o ka makai haihai kanawai. Nolaila, ua poino kahi mau apana o kakou ma ka lima o ka poe kahu kanawai, ma ko lakou hoohui pu ana me na lawehala e haihai ana i na kanawai o ka aina.
E noonoo pono kakou i ke ano o keia. Ke olelo nui nei kekahi poe e pono e hoonoa i na waiona. Ua like ia me ke alakai ana i ka lahui e inu rama. A ina o ka poe o na kulana kiekie ke hooikaika no ka hoonoa ana i na waiona, alaila he mea ano nui ia ma ka noonoo ana o ka lehulehu. a e loaa ia lakou ka noonoo ana, “ua ae ia no ka kakou e inu rama, aohe e nana ia ke kanawai; ke olelo mai nei o lakou la, a me keia poe ae, a me ia nei ae he mea pono no ka, ka inu wai ona.” Ua puka keia mau noonoo ana iwaena o ka lehulehu i keia wa, a oia kekahi kumu o ka mahuahua ana o ka ona. A ina e wehe ia ae ke kapu o ke kanawai a noa na waiona aloha ino ka hapa uuku i koe o ka lahui Hawaii.
Ka Poino ma ka Moana.
ILOKO o keia pule ua pahola ia ae na lono walohia mawaena o keia kulanakauhale no kekahi mau ulia poino ma ka moana, mawaena o na ohua o kekahi mau moku holo piliaina o kakou. Mai luna aku o ka moku Prince, ia ia e holo mai ana ma ke kowa o Alehuihaha, ua lawe ia aku e kekahi nalu nui i poi mai maluna o ka moku o Kanakaole, a ua nalowale loa.
He kanaka ia no Hawaii, a e holo mai ana i Oahu nei i ka wa i loaa ai keia poino. I ke ao no ka lilo ana o keia kanaka, aka no ka nui loa o ka ino, a no ka aneane pilikia o ka moku, ua hiki pono ole na lawelawe ana o no hana kupono no ka hoopakele ana i kona ola.
Ma ka po Poelua iho nei, ia Waioli e holo mai ana mai Hana mai, a mawaho ae nei o Oahu, ua poi ia ka moku e kekahi nalu nui a ua lawe pu ia aku iloko o ke kai he eono ohua me na wahi pono e pili ana i na kino. He pomaikai ka hoopakele ia ana o eha poe o lakou mai loko mai o ka make ma ka moana. Aka, elua mau mea i nalowale loa, o Kaioe, wahine a Kahewa o Honolulu nei, a o Kuaiwahia, keiki kane a Mose Ulunahele o Hana, Maui; he keiki keia malalo o na makahiki he umi.
He mau lono hoehaeha keia i ka puuwai o ka poe aloha i na hoa kanaka. I ka wa i hohola ia ai ka lono o keia mau ulia kaumaha mawaena o ke kulanakauhale, ua haupu ae keia ninau iloko o ka puuwai o ke KUOKOA. Ua malama pono anei na kapena o keia mau moku i ko laua mau ohua? O ke kapena ke alii o kona moku. Aia ke ola o kona poe ohua a me ka waiwai o ka moku iloko o kona lima. Aole i lohe ia ua poino nui ka waiwai o ua mau moku nei, aka o ke ola o ke kanaka ua poino. He mea kahaha keia. Aole anei he mea pono iloko o na wa ino ma ka moana, e haawi ke kapena i kahi maluhia o ka moku a me kahi mehana no kona poe ohua, a e malama pono ia ko lakou ola? O Kanakaole i poino aku la ma ka moana, he lima ano maloo a lolo kona, aole hiki ke paa pono iho i kahi ana i noho ai, nolaila kona lilo. O Kaioe he wahine ano nawaliwali no; a o ke keiki a Ulunahele malalo oia o na makahiki he umi?
Heaha ke hewa i na e hoihoi ia lakou ilalo e noho ai? A ina no i lilo kahi o ke kapena ia lakou, ua pono no ia mamua o ka poino ana o ke ola. Ke uwalo aku nei ka leo aloha o ke KUOKOA i ko kakou poe kahu moku, e pono e nana ia ke ola o na ohua, a e manao ia he mea nui ia mamua o ka waiwai a lakou e halihali nei.
Na Laina Mokuahi o Kina.
EIA i Honolulu nei i keia wa he haole Italia, o CELSO CAESAR MORENO kona inoa, he Italia Amerika kona ano maoli, a mai Kina mai oia i holo mai nei maluna mai o kekahi o na mokuahi o keia mau mahina i hala ae nei. He agena oia no kekahi Hui Kalepa Hooholo Mokuahi o Kina. o TONG KING SING, kekahi Pake kaukau alii kiekie, oia ka Peresidena o ua hui la. A o LI HUNG CHANG, ke alii kiaaina o ka apana o Chihili, nona ke Kapitala i kapa ia o Peking. oia kekahi Pake kulana kiekie i kokua mamuli o ka hoouna ana mai ia MR. MORENO, ma ke ano he agena no ua hui hooholo mokuahi nei. He hui Pake waiwai loa keia, he nui na mokuahi, a ma kahi o na haneri tausani dala ka waiwai a lakou e lawelawe nei i kela a me keia makahiki. O ka hana a lakou i manao ai no ka hoouna ana mai i keia agena o lakou, oia no ka imi ana i kahi mau kokua ana no ka hoopaa ana i laina mokuahi holo mau mawaena o Hawaii nei me Kina, a holo loa aku paha i Kaleponi.
Ua maopopo, o ka hoomahuahua ana i na laina mokuahi mawaena o Hawaii nei me na aupuni e ae he mea ia e kokua ana i ka holomua o na hana kalepa o keia aupuni. E ko ia’ku ana o Hawaii iloko o ke au holomua i ike mau ia a i kamaaina hoi mawaena o na lahui kanaka a pau i hoohuihui ia ma o na laina mahu la, ma ke kai a ma ka aina. Ina e hoopaa ia keia laina mokuahi mawaena o kakou a me Kina, a ina paha e hoomoe hou ia’ku he laina a i kahi aina, a mau aina paha o Amerika Hema, me ka hoomau ia no hoi o keia laina e holo nei i na panalaau o ka Hema a me Kaleponi, me he mea la e lilo ana o Hawaii i kiko waena iloko o ka Pakipika, kahi e hoohui ai na hae a me na kanaka a me na waiwai he nui wale o kela a me keia ano.
O ka mahuahua ana o ka waiwai, he hua ia o ka lawelawe ana i na hana mahiai a me ke kalepa. A ua hooholomua ia ka oihana kalepa mawaena o kela a me keia lahui ma o na laina mahu la. Eia no hoi kekahi. Ina e hiki io ana ka uwea helegarapa i Hawaii, a hoopaa ia kakou ma ke kaula uwila me na aupuni naauao o keia honua, he mea maopopo e ukali ana ia pomaikai mahope iho o ke kukulu mua ia na o na oihana hoowaiwai e ae. Aole e moe ka uwea telegarapa ma kahi i ike mua ole ia ka nui o ka hana a me ke dala. Nolaila, o ka hoonui ana i na hana kalepa mawaena o kakou a me na aupuni e ae ma na aoao a pau; o ka hoomahuhua ana i na moku holo mai a holo aku me na waiwai o kela a me keia ano, a me ka hoonui ana i na hana e kuleana pu ai kakou me na aupuni e ae iloko o ka pomaikai hookahi o ka holomua, oia na mea hoohikiwawe mai i ka moe ana o ka uwea olelo mawaena o kakou me na aupuni nui o ka honua. A ke olelo nei o MR. C.C. MORENO e kokua nui ana ka laina mokuahi o ka hui hooholo mokuahi o Kina mamuli o keia mau mea.
Aole no paha e nele ka hoea ana mai o keia kumu hana imua o ko kakou ahaolelo o keia kau e hiki mau ana; a e noonoo ia auanei e ia hale me ke akahele a me ka noeau.
Ke Aloha Makua Oiaio.
Mawaena o na ulia popilikia ma ka moana i keia mau la aku nei, ua loaa mai ia makou kekahi wahi moolele ku i ke aloha, e pili ana no kekahi kaikamahine opio; kana mau hana hoike i kona aloha makua; a penei no ia: I ka haalele ana aku o ke kuna Waioli i ke awa o Hana, Maui, ua kau mai la mawaena o na ohua, he kanaka me kana mau keiki elua; he kaikamahine, malalo mai paha o 15 makahiki, a he keiki kane muli mai; e lawe mai ana ua makuakane nei i keia mau keiki ana e hookomo i ke kula haole ma Honolulu nei, a haalele aku la i ka wahine me kahi keiki uuku i ka poli, mahope.
I ka hiki ana i ka moana, a i ka manawa hoi i loaa ai i ka ulia poino iloko o ka pouli, (e ike ia no ma kahi kolamu e) ua haule pu aku la keia mau mea ekolu me na ohua e ae iloko o ka opu o ka moana hohonu a kai huihui hoi. I ka haule ana’ku iloko o ke kai, a hoea hou mai la a hoolana, o ka hana mua a ua kaikamahine nei o ke kahea ana’e me ka leo nui. “Auhea oe e Papa?” Pane aku la ua makuakane nei. “Eia no au!” Pehea oe? i ninau aku ai ke keiki – “Nawaliwali au!” I keia manawa, aole ike aku kahi i kahi, aka, uhai aku la nae ko laua au ana ma kahi o na leo i pa e mai ai a hiki i ko laua hui ana; a ninau hou aku la ua kaikamahine nei – “Pehea mai oe e Papa?” “Ua mawaliwali loa mai au i ke kaumaha o’u mau kamaa buki!” wahi a ua makuakane nei, me ke ano nawaliwali io no, oiai he mau kamaa buti kona, a he kuka pililakeke nui me na aahu e ae, a he ano omaimai no hoi.
No keia mau olelo hope a kona makua, pane aku la keia – “E luu aku hoi ha wau e wehe?” “Ae, e luu mai oe, ke ano kaumaha loa iho nei au,” wahi a kona makua. Ia wa i luu iho ai kela a huki aku la i kahi kamaa a hemo; a i keia manawa, paa aku la i na lima o ua makua nei he hoe waapa no ka moku mai, e paielewa ia ana e na ale lauwili, a hoea ae la ke keiki a loaa iho la kahi mea e hoomaha’i. I ka maha ana, luu hou iho la no a huki aku la a hemo ka lua o ke kamaa, a ea ae la, ninau hou aku la i kona makua. “Pehea mai oe e Papa?” “Nawaliwali au, eia au ke inu nei i ke kai, e wehe mai oe i kuu lolewawae;” wahi a ka makua.
Luu hou iho la kela a hoao e wehe maoli i ka lolewawae, aka, aole nae he hemo, nolaila, lalau aku la kela a uhae maoli ae la, a nahae, ea’e la iluna e hoomaha ai, a i ka maha ana, luu hou iho la, a me kona huki ana a peku no hoi ka makuakane, hemo aku la ua lolewawae nei. I ka ea hou ana’e o ke kaikamahina, ninau hou mai la kela. “pehea oe e Papa?” “Mama iki mai la au, e paa mai kekahi lima ou a paa i ka hoe, a e kokua mai kahi lima e wehe kaua i kuu kuka;” wahi a ka makua. Hoomanawanui aku la keia me ka makua a hemo ae la ua kuka nei. “Mama mai la au, ua pale hoi ka inu i ke kai.” Wahi a ka makuakane.
No keia mau olelo a ua makua nei, akahi no a kuu iho ka hanu no ka hoomaha pono ana o ua kaikamahine nei, a hooikaika aku la laua i ke au ana me ke o ana’ku i ka nui o lokou, a o mai la no hoi lakou la, a hiki i ko lakou hui ana, me ka manao e loaa aku ana ko laua kolu, o kahi kunane pokii o ua kaikamahine nei, oiai, he akamai no ia i ka au, aka, me ke kaumaha laua i hoomaopopo iho ai, ua nalo aku oia, me he la, iloko oia o ka hiamoe a haule iloko o ke kai, no ka mea, aole i ike ia oia a aole hoi i lohe iki ia kona leo mahope iho o ka papapau ana o lakou iloko o ke kai. Ua puoho ae paha, a i ole ua piholo aku no iloko o kona hiamoe.
Me ke kaumaha laua nei o ka hoolana ana, me ka manaolana iloko o ke aloha a me ka lokomaikai o ke Akua, a hiki i ka loaa ana’ku i ka waapa o ka moku, ua aneane e opili, a ua maluhiluhi na oiwi opio o keia kaikamahine. Aloha wale keia keiki i hooikaika i ke ola o kona makua me kona kino wahine, iloko o kela poino nui, kahi hoi aole honua malalo ae, aia wale no i ka mole o ka ilina kupapau o ka moana.
Eia laua ke noho nei i Honolulu nei, a ke u pu nei makau me laua a me ka ohana o ko laua io ponoi i hala aku la, a me ko kela wahine hoi i hala pa aku, me ka hoomaikai i ka Mana Kahi Kolu no ko lakou pakele mahunehune ana mai, a me ka haawi ana i kela keiki i na pana ikaika o ke aloha makua a me ka ikaika o ka manao a me ke kino e pale ae i na manao no ka poino.
Lau Poo i ke Kelekele.
He mea e mokumokuahua ai ka naau i ka ike ana aku i kekahi o na opio o kuu lahui makuahine, ua hooliloia ke kahua a o ka home hoi o na p@aa i keena hookipa no lakou mamuli o ka noho alii ana mai o ka rama maluna o lakou.
Ma ka po Poakolu aku nei Feb. 23, mawaho iho o kahi o James Campbell e hakama ana elua mau opio i uluhia ia e ka ona a ka rama, a ua komo poo aku la laua iloko o ke poho a me kelekele o ka lepo, he puaa ka hoa e like ai. O ka lealea anei ia o ka rama? I na pela, kupanaha maoli ka hoolilo ana o ke kanaka i kona kino maikai e like me ko na holoholona noonoo ole. Oiai, o ke kanaka ka mea i oi maluna o na mea a pau a ke Akua i hana ai. D. MANUIA.
OLELO HOOLAHA.
AHA Kaapuni Apana 3 o ko Hawaii Pae Aina, me ke keena o ka Lunakanawai Kaapuni. Ma ka waiwai o Kaumiumi (k) no Alakahi, Hilo, Hawaii, i make. Ua heluhelu ia a na waiho ia ka palapala noi a J.H. Pahio, ka lunahooponopono no na waiwai o Kaumiumi (k) o Alakahi, Hilo, Hawaii, i make, e noi ana e hoaponoia kona hoike hope, a e hooholoia na waiwai i na hooilina, a e hookuu ia oia mai ka oihana. Nolaila, ua kauoha ia o ka Poalua, oia ka la 13 o Aperila 1880, i ka hora umi o kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana i ua noi la, a me na mea kue ke hoike ia.
F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
MA ke keena o ka Lunakanawai Kaapuni Apana Ekolu o k Hawaii Pae Aina. Ma ka waiwai o Kepakeokeo (k) no Laupahoehoe, Hilo, Hawaii, i make. Ua heluhelu ia a ua waiho ia ka palapala noi a S.W. Pa, ka lunahooponopono no na waiwai o Kepakeokeo (k) no Laupahoehoe, Hilo, Hawaii, i make, e noi ana e hoapono ia kona hoike hope, a e hooholo ia ka waiwai i na hooilina, a e hookuu ia oia mai ka oihana. Nolaila, ua kauoha ia o ka Poalua, oia ka la 13 o Aperila, 1880, i ka hora 10 o kakahiaka, ma ka hale hookolokolo ma Hilo, Hawaii, oia ka manawa a me kahi i koho ia no ka hoolohe ana i ua noi la, me na mea kue ke hoike ia.
F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o J.W. Kekaula, no Kau, Hawaii, i make. Ua heluhelu ia a ua waiho ia ka palapala noi a J. Kaauakapu Kekaula, e noi ana e hoonoho ia oia i lunahooponopono no na waiwai o J.W. Kekaula (k) no Punaluu, Kau, Hawaii, i make. Nolaila, ua kauoha ia o ka Poakolu, oia ka la 14 o Aperila, 1880, i ka hora umi kakahiaka, ma ka hale hookolokolo ma Hilo, Hawaii, oi ka manawa me kahi i koho ia no ka hoolohe ana i ua noi la, a me na mea kue ke hoike ia. F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Kenahu (w) no Hilo, Hawaii, i make. Ua heluhelu ia a ua waiho ia ka palapala noi a Puhi (k) e noi ana e hoonoho ia o D. H. Hitchcock i lunahooponopono no na waiwai o Kehahu (w) no Hilo, Hawaii i make. Nolaila, ua kauoha ia o ka Poakolu, oia ka la 14 o Aperila, 1880, i ka hora umi o kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana i ua noi la, a me na mea kue ke hoike ia.
F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Kahalekai (k) no Kamaili, Puna, Hawaii i make. Ua heluhelu ia a ua waiho ia ka palapala noi a R. Kahea (k) e noi ana e hoonoho ia oia i lunahooponopono no na waiwai o Kahalekai (k) no Kamaili, Puna, Hawaii, i make. Nolaila, ua kauoha ia o ka Poakolu, oia ka la 14 o Aperila, 1880 i ka hora eiwa kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana ia ua noi la a me na mea kue ke hoike ia. F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Kaheana (k) no Hamakua, Hawaii i make. Ua heluhelu ia a ua waiho ia ka palapala noi a R. Kaaua Kaweweiki, e noi ana e hoonoho ia o Kaona (k) i lunahooponopono no na waiwai o Kaheana (k) no Hamakua, Hawaii i make. Nolaila, ua kauoha ia o ka Poakolu, oia ka la 14 o Aperila, 1880 i ka hora eiwa kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana ia ua noi la a me na mea kue ke hoike ia. F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Aleona (Pake) no Piihonua, Hilo, Hawaii, i make. Ua heluhelu ia a ua waiho ia ka palapala noi a L. Severance, ka lunahooponopono no na waiwai o Aleona (k) no Piihonua, Hilo, Hawaii, i make, e noi ana e hoapono ia kona hoike hope, a e hooholo ia ka waiwai i na hooilina, a e hookuu ia oia mai ka oihana. Nolaila, ua kauoha ia o ka Poakolu, oia ka la 14 o Aperila, 1880 i ka hora umi o kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana i ua noi la a me na mea kue ke hoike ia.
F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 1880. 953-3t
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Kamai (k) no Piihonua, Hilo, Hawaii i make. Ua heluhelu ia a ua waiho ia ka palapala noi a R. W. Kamukai, ka lunahooponopono no na waiwai o Kamai (k) no Piihonua, Hilo, Hawaii, i make, e noi ana e hoapono ia kona hoike hope, a e hooholo ia ka waiwai i na hooilina, a e hookuu la ia mai ka oihana. Nolaila, ua kauoha ia o ka Poalua, oia ka la 13 o Aperila, 1880 i ka hora umi o kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana ia ua noi la a me na mea kue ke hoike ia. F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t
AHA Hookolokolo Kiekie o ko Hawaii Pae Aina, ma ka hooponopono waiwai. Olelo kauoha e hoolaha aku no ke noi ana mai e koho i lunahooponopono waiwai. Ma ka waiwai o KOMO (k) o Honolulu i make kauoha ole. Imua o ka Lunakanawai Nui Harris. Ma ka heluhelu a me ka waiho ana mai o ka palapala noi a Hulu (k) no na hooilina o Komo i olelo ia e hoike mai ana o Komo (k) no Honolulu, ua make kauoha ole ma Honolulu, ma ka ia – o Novemaba, 1873, a e noi ana e haawi ia ka palapala hookohu luna hooponopono waiwai ia Hulu. Ua kauoha ia o ka Poakahi ka la 22 o Maraki, 1880, oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o kela olelo kauoha e hoolaha ia ma ka olelo Hawaii, i ekolu pule ma ka Nupepa Kuokoa, he nupepa ma Honolulu.
Kakau ia ma Honolulu, ko Hawaii Pae Aina, Maraki 4, 1880.
CHAS. C. HARRIS,
Ikea: Lunakanawai Nui o ka Aha Kiekie.
A Rosa, Hope Kakauolelo. 953-3t
AHA Hookolokolo Kiekie o ko Hawaii Pae Aina. Ma ka hooponopono waiwai. Olelo kauoha e hoolaha aku no ke noi ana mai e koho i lunahooponopono waiwai. Ma ka waiwai o KANEALII k, o Kalauao, Kauai i make, kauoha ole. Imua o ka Lunakanawai Nui C.C. Harris. Ma ka heluhelu a me ka waiho ana mai o ka palapala noi a Makau w, o Hanalai Kauai e hoike mai ana o Kanealii no Kalawao Molokai ua make kauoha ole ma Kalauao i olelo ia ma ka la – o Mei 1879, a e noi ana e haawi ia ka palapala hookohu lunahooponopono waiwai ia ia. Ua kauoha ia o ka Poakahi ka la 22 o Maraki 1880, oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o kela olelo kauoha e hoolaha ia ma ka olelo Hawaii, i ekolu pule ma ka Nupepa Kuokoa he nupepa ma Honolulu.
Kakau ia ma Honolulu, ko Hawaii Pae Aina, Maraki 4, 1880.
CHAS. C. HARRIS,
Ikea: Lunakanawai Nui o ka Aha Kiekie.
A Rosa, Hope Kakauolelo. 953 3t
AHA Hookolokolo Kiekie o ko Hawaii Pae Aina, ma ka hooponopono waiwai. Olelo kauoha e hoolaha aku no ke noi ana mai e koho i lunahooponopono waiwai, ma ka waiwai o UWAI (k) o Honolulu i make kauoha ole. Imua o ka Lunakanawai Nui Harris. Ma ka heluhelu a me ka waiho ana mai o ka palapala noi a Paakai (k) o Honolulu, e hoike mai ana o Uwai (k) no Honolulu, ua make kauoha ole ma Honolulu, Oahu, ma ka ia – o Iune, 18@9, a e noi ana e haawi ia ka palapala hookohu lunahooponopono waiwai ia Paakai (k) i olelo ia. Ua kauoha ia o ka Poakahi ka la 22 o Maraki, 1880, oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o kela olelo kauoha e hoolaha ia ma ka olelo Hawaii i ekolu pule ma ka Nupepa Kuokoa, he nupepa ma Honolulu.
Kakau ia ma Honolulu, ko Hawaii Pae Aina, Maraki 4, 1880.
CHAS. C. HARRIS,
Ikea: Lunakanawai Nui o ka Aha Kiekie.
A Rosa, Hope Kakauolelo. 953-3t
AHA Hookolokolo Kiekie o ko Hawaii Pae Aina. Ma ka hooponopono waiwai. Olelo kauoha e hoolaha aku no ke noi ana mai e koho i luna hooponopono waiwai. Ma ka waiwai o ULI@@ k, o Honolulu i make, kauoha ole. Imua o ka Lunakanawai Nui Harris. Ma ka heluhelu a me ka waiho ana mai o ka palapala noi a Kaili k, o ka apana o K@@@ e hoike mai ana o Ul@@@ i olelo ia no ka apana i olelo ia ua make kauoha ole ma ka apana i olelo ia ma ka la - o Novemaba, 1873, a e noi ana e haawi ia ka palapala hookohu luna hooponopono waiwai ia Kaili k, i olelo ia. Ua kauoha ia o ka Poakahi ka la 23 o Maraki, 1880, oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oia io ko lakou, e ae ole ia ai ua noi la. A o kela olelo kauoha e hoolaha ia ma ka olelo Hawaii, i ekolu pule ma ka Nupepa Kuokoa he nupepa ma Honolulu.
Kakau ia ma Honolulu, ko Hawaii Pae Aina, Maraki 4, 1880.
CHAS. C. HARRIS,
Ikea: Lunakanawai Nui o ka Aha Kiekie.
A Rosa, Hope Kakauolelo. 943-3t
OLELO HOOLAHA.
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Keawe@@@ole (k) no Kahahi, Hilo, Hawaii i make. Ua heluhelu ia a ua waiho ia ka palapala noi a G. W. Akau Hapai, ka lunahooponopono no na waiwai o Keawe@@@ole (k) no Kaha@i, Hilo, Hawaii, i make, e noi ana e hoapono ia kona hoike hope, a e hooholo ia ka waiwai i na hooilina, a e hookuu la ia ia mai ka oihana. Nolaila, ua kauoha ia o ka Poalua, oia ka la 13 o Aperila, 1880 i ka hora umi o kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe ana i ua noi la a me na mea kue ke hoike ia. F.S. LYMAN,
Lunakanawai Kaapuni Apana Ekolu.
Hilo, Hawaii, Feb. 26, 1880. 953-3t @@
AHA Hookolokolo Kiekie o ko Hawaii Pae Aina, ma ka hooponopono waiwai. Olelo kauoha e hoolaha aku no ke noi ana mai e koho i lunahooponopono waiwai, ma ka waiwai o PALEA (k) o Honolulu i make kauoha ole. Imua o ka Lunakanawai Nui Harris. Ma ka heluhelu a me ka waiho ana mai o ka palapala noi a Kalehuoa o Honolulu, e hoike mai ana o Palea no Honolulu, ua make kauoha ole ma Honolulu ma ka la - o Maraki, 1@@4, a e noi ana e haawi ia ka palapala hookohu lunahooponopono waiwai i ka mea noi. Ua kauoha ia o ka Poakahi ka la 23 o Maraki, 1880, oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu olelo ko lakou, e ae ole ia ai ua noi la. A o kela olelo kauoha e hoolaha ia ma ka olelo Hawaii i ekolu pule ma ka Nupepa Kuokoa he nupepa ma Honolulu.
Kakau ia ma Honolulu, ko Hawaii Pae Aina. Mar. 4, 1880.
CHAS. C. HARRIS,
Ikea: Lunakanawai Nui o ka Aha Kiekie.
A Rosa, Hope Kakauolelo. 953-3t
NO KE KUAI AKU.
AIA he mau apana aina e waiho la ma Kahakuhou, Mokupuni o Maui, no M. Kanui lakou mamua; a e kuai ia’ku ana lakou i ka poe makemake ma ke kuike kekahi hapa, a ma ka hoale kekahi hapa, e ninau ia
953-2m-951 HENRY WATERHOUSE
OLELO HOOLAHA.
OWAU o ka mea nona ka inoa malalo iho nei, ke papa aku nei au i ka poe a pau o kela a me keia ano, mai hoaie mai oukou i kuu wahine mare ia Makela, no ka mea, na haalele kumu ole mai ia’u a me ko maua wahi moe a ina o ka poe e hoaie ana iaia, maluna no o lakou ke poho, aole loa au e hookaa ana ia mau aie a pau loa, mai kona la i haalele ai ia’u a mau loa aku. O ka loihi o ko mana kaawale ana, hookahi makahiki a oi.
Owau no D.K. KUPLIKE.
Pelekane, Honokohau, Maui, Feb. 25, 1880. 953-4t
OLELO HOOLAHA
E IKE auanei ka mea nona keia lio kane keokeo i kuni ia i ka hao ano e, ma ke uha hope ma ka akau me ka noho pu no. E kii koke mai me ka lohi ole me ka makaukau pono, i na e hala na la he umikumamalima lilo loa ia’u. ua loaa keia lio i ka la 12 o Feb. 1880. G.R. KAILIULAULA.
Kalauao, Ewa. 953-2t
KUAI A KA ILAMUKU
MAMULI o kekahi olelo hooholo i hoopuka ia e ka Aha Kiekie o ko Hawaii Pai Aina, no ka pono o S. Maikai e kue ana ia Uulukou, no na dala he $1,245 25, ua hoomalu au a e kuai ana ma ke alo iho o Aliiolani Hale, ma ka Poaono, la 3 o Aperila, 1880, ma ka hora 12 o ke awakea, na kuleana a me na pomaikai a pau o ua Ulukou nei i olelo ia iloko o ka aina ke Ahupuaa o Haueoo, e waiho la ma ka Mokupuni o Maui, ke ole e hooko mua ia ka olelo hooholo i olelo ia me ka uku panee a me na lilo a pau.
E kuai ia ka aina i olelo ia maluna malalo o kekahi Moraki ia A. Una no $1000, a me kekahi palapala hoolimalima ia ua A. Una nei i oleloia no 10 makahiki mai ka la 5 aku o Okatoba, 1876 ma ka $150 uku hoolimalima o ka makahiki. He kuai keia ma ke kuike. a o na lilo o na palapala na ka mea e kuai mai ana. W.C. PARKE, Ilamuku.
Honolulu, Feb. 27, 1880. 952
KUAI MORAKI
O KA waiwai paa e waiho la ma Hilo, Hawaii. Oiai mamuli o kekahi mana kuai i hoike ia iloko o kekahi palapala moraki i hana ia i ka la 16 o Feberuari 1878, i hana ia mawaena o S. Kipi o ka aoao mua a me Rev. E. Bond o ka aoao elua, a i kakau kope ia ma ka buke 54 ma na aoao 141, 142 a me 143, a i hoolilo ia aku ia C.R. Smith, ua kauoha ia o C.S. Bartow e kuai aku ma ke kudala ma kona keena, ma Honolulu, i ka Poaono, Maraki 20, ma ka hora 12 awakea, kela apana kulana hale a pau ma Puhonua, Hilo, me na hale me na pomaikai e pili ana.
A me kela mau apana aina e waiho la ma Wainaku. ma Hilo i olelo ia, i hoakaka ia ma na Palapaia Sila Nui 2505 a me 1553, me na hale a pau e ku ana a me na mea i hana la, a me ke ko e ulu ana, me na pomaikai a pau e pili ana. No na mea i koe, e ninau ia R.F. BICKERTON, loio o ka mea nana i kuai ka Moraki. Ai ole ia C.S. BARTOW,
952 Luna Kudala.
KUAI A KA LUNA HOOPONOPONO I KA WAIWAI PAA.
MA ka waiwai o C. Kanaina i make kauoha ole. Ma ka mana o kekahi kauoha kaua a ka Hon. C.C. Harris, Lunakanawai o ka Aha Kiekie, e noho ma ke ano he aha hooponopono waiwai ma ka la 6 o Ianuari 1880, owau o ka mea nona ka inoa malalo iho nei, e kuai aku ana au ma ke kudala ke hiki aku i na Poaono Aperila 3, 1880 e hiki mai ana, ma ka hora 12 o ke awakea, ma ke alo mai o Ahiolani Hale, i ka pono a pau a me na mahele a pau o C. Kanaina i make, i olelo ia iloko o na apana aina malalo iho:
Apana 1 – “Kaieie” ma Kalihi, Oahu, nona ka ili he 26 eka a oi aku a emi mai paha.
Apana 2 – “Leaha” ma Kalihi, i olelo ia nona na eka he 65 45-100 a oi aku a emi mai paha.
O keia mau apana aina elua ke pili pu nei laua, a he mau aina hanai holoholona maikai.
@@@possibly whole line unreadable in a fold@@@
koke aku o kahi noho o Rev. M. Damon, puka komo ma alanui Hotele mai, nona ka ili he 35-100 o ka eka. Ua hoolimalima ia keia aina no ke $60 o ka makahiki, a e pau ana ka ooolimalima i ka la 30 o Iune 1884.
Apana 4 – O ka apana aina ma ke kihi o na alanui Moi a me Puoina, me na hale maluna ona nona ka ili he 17-100 o ka eka. E kuai ia keia apana me ka hoomaopopo ia o ke kuleana no ke ola o Mrs. Kaehu, nona na makahiki he 70 i keia wa, e hoakaka ia ke kuleana no ke ola ma ka la e kuai ia’i.
Apana 5 – O ka apana aina ma Waikiki ma ka inoa o Kaialii nona ka ile 5 62-100 eka.
Apana 6 – Apana aina iloko o Ili o Pau, Waikiki, nona ka ili he 92-100 eka. He loi hookahi keia, a ua kupono i ke kanu kalo a me ka laiki.
Apana 7 – he apana aina ma Manoa, he 14 eka. Ke hoolimalima ia nei keia aina no ka $235 o ka makahiki, a e uku ia i kela a me keia hapa makahiki. E pau ana ka hoolimalima i ka la 30 o Sept 1891.
Apana 8 – O ke ahupuaa o Hakipuu ma Koolaupoko, Oahu, e makaukau nei no ke ana aku. He aina waiwai nui keia, oia iloko o laila he mau aina hanai holoholona a me ke kanu laiki a me na loko ia, a e kuai ia aku aoa malalo o ka hoohoolimalima ma ka $150 no ka makahiki e pau ana i ka la 31 o Dec. 1884, a o ka hoolimalima elua no $150 o ka makahiki e pau ana i ka la 31 o Oct. 1886.
Apana 9 – O ka apana aina i ike pono ia, Haimoeipo e waiho la ma ke alahele Palace Walk nona ka ili 78-100 eka.
Apana 10 – O na hale maluna o ka apana i hai ia ae la maluna, e kuai okoa ia aku ana, a e lawe ia aku no lakou iloko o na ia he – mahope iho o ka lilo ana aku.
O ka apana o Haimoeipo (ap 9 & 10) e kuai ia aku no ma ua wahi la mahope koke iho o ka lilo ana aku o na apana e ae. O ke ano o ke kuai malalo o ka hooponopono ana o ka Aha. Apana 2. Hookahi loi nui ma Kamoku II, Waikiki, nona ka ili, @ eka. O na aina a pau maluna ae, ua paa iloko o na Palapala Sila Nui.
O na palapala, na kii, a me na hoike e ae, e ninau ma ke keena o W.C. PARKE.
Lunahooponopono o ka waiwai o C. Kanaina.
Honolulu, Feb. 24, 1880. 952-6t
AHA Kaapuni Apana Eha ko Hawaii Pae Aina, ma ka hooponpono waiwai. Mokupuni o Kauai, Hawaii Pae Aina ss. Ma ka waiwai o NUANUA (k) ko Hanapepe, Kauai, i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 27 o Dekemaba 1879, ua waiho la mai imua o ka Aha, kekahi palapala, i olelo ia, oia no ke kauoha hope loa a Nuanua (k), i make aku la; a me ka Palapala Hoopii e noi ana e hoolaloia kela Palapala Kauoha a e hoopuka hoi ka Palapala Luna Hooko no Paukanani (k) ua waiho ia mai e Lakana (w) Nolaila, ua kauoha ia o ka Poalua oia ka la 16 o Maraki, 1880, ma ka hora 10 kakahiaka ma ka Rumi Hookolokolo o ia Aha, ma Koloa, ma Kauai, oia ka la me ka hora e hoolalo ia’i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mae no na pule ekolu iloko o ke Kuokoa he nupepa i pai ia a i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, ma Hawaii nei e hele mai a e kue i kela palapala kauoha i ka wa i olelo ia.
Kakauia ma Koloa, Kauai, ko Hawaii Pae Aina, Feb, 11, 1880
JACOB HARDY.
P51-3t Lunakanawai Kaapuni Apana Eha.
AHA Kaapuni Apana Eha ko Hawaii Pae Aina, ma ka hooponopono waiwai. Mokupuni o Kauai, Hawaii Pae Aina ss. Ma ka waiwai o Mrs. LEPEKA RICHMOND, no Waimea, Kauai, i make. Olelo kauoha e koho ana i la e hoolalo ai ka palapala kauoha, a no ka hoolaha ana. No ke mea, ma ka la 2 o Dekemaba 1879, na waiho ia mai imua o ka Aha, kekahi palapala i olelo la, oia no ke kauoha hope loa a Lepeka Richmond i make aku la; a me ka palapala hoopii e noi ana e hooiaio la kela palapala kauoha a e hoopuka hoi ka palapala luna hooko no – na waihoia mai e Peter Richmond. Nolaila, ua kauoha ia o ka Poalua oia ka la 16 o Maraki 1880, ma ka hora 10 kakahiaka ma ka Rumi Hookolokolo o ia Aha, ma Koloa, ma Kauai, oia ka la me ka hora e hoolalo ia’i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana ia palapala kena no na hoike no ia palapala kauoha, a me na hooilina o ka mea make, ma Hawaii nei e hele mai a e kue i kela palapala kauoha i ka wa i olelo ia.
Kakauia ma Koloa, Kauai ko Hawaii Pae Aina, Feb 11, 18@0.
JACOB HARDY,
931-3t Lunakanawai Kaapuni Apana Eha.
MA ke keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Jakobo Kaonohi no Keaiwa, Kau, Hawaii i make. Ua heluhelu oa a ia waiho ia ka palapala noi a Niihoa Kipi, kekahi mea i pili, e noi ana e hoonoho ia o J. Kauhane i lunahooponopono no ka waiwai o Jakobo Kaonohi no Keaiwa, Kau, Hawaii i make. Nolaila, ua kauoha ia aku nei na kanaka a pau ke pili, o ka Poakolu oia ka la 17 o Maraki, 1880, ma ka hora 10 kakahiaka, ma ka hale hookolokolo ma Hilo, ola ka la a me kahi i koho ia no ka hoolohe ana i ua nei la a me na mea kue ke hoike ia.
F.S. LYMAN,
Lunakanawai Kaapuni Apana 3.
Hilo, Hawaii, Feb 7, 1880. 951-3t
HOOKAPU AINA.
O KA mea nona ka inoa malalo iho nei, ke papa loa aka nei a@ i k@@ mau apana aina e waiho la ma Manoa mokupuni o Oahu, no lakou na inoa i ike ia penei; Aihealamaiki, Haukulu, Wahiaui, Luna@ea, Kahuaiki, a me Naniuapo Aole e hookuu wale kekahi mea a mau mea p@h@ i ko lakou mau holoholona ma ua mau aina la. Pipi, lio, @@@@, kekake, e uku no au i $1 no ke poe. Ke loaa ia’u a me ko’u mau luna aina e hele hewa ana, a ina e hoopau ana i na mea ulu, e aku mai ka mea a mau @ia paha ao lakou ka holoholona e like me ka nui o ka poho. E ki pu no au i ka puaa, hipa, kao, moa, peleku, ke loaa ia’u e hele hewa ana maluna o kuu mau apana aina. A e keia kanaka keia kanaka @a papa loa ia lakou aole e kii wa e i @@ mea e ia’u ana, e moe ana, a e aole ana maluna o keia mau apana aina me ke kuleana ole. O ka mea hoo@ali i na olelo e keia hoolaha ana a’u alaila, e hoopii no @a ia ia ma ke kanawai.
F. SILRY, Manoa, Oahu.
Feb. 10, 18@@. 9@@-@@
OLELO HOOLAHA.
OLELO HOOLAHA.
KE papa ia aku nei na mea a pau, aole e hele a h@@@@@ wale i ko lakou mau holoholona bipi, lio, hoki, a pela aku, maluna o ka aina i kapa ia Pio ma Kahoiwai, Manoa, Oahu. O na holoholona a pau e loaa ana maluna o ka aina i hai ia maluna, e hopu ia no e like me ke kanawai; ua haawi au i ka mana hooponopono o kela aina ia Puamana, a nana e hoouku i na holoholona e loaa ana, i ka auhau kupono.
CURTIS P. IAUKEA,
Honolulu, Feb. 12, 1880. 950-4t
Hoolaha Kuai Moraki.
MA ke kauoha a A.J. Cartwright ka mea aona kekahi moraki i hana ia i ka la 34 o Dekemaba, 1877, e W.P. Lu@aheihei a me Kaniu kana wahine, a me kekahi ia Thomas Cummings, a mai iaia aku ia A.J. Cartwright. Ua kauoha ia au e kuai aku ma ke kudala akea ao ka uhaki ia ana o ka aelike ma ka moraki i ole@@@, e hoomaka ana ma ka P@@@@ ka la 13 o Maraki 1880, hora 12 awakea ma ko’u keena k@@@@ ma Honolulu, kela mau apana aina e waiho la ma Kona, mokupuni o Hawaii, a i ike ia o ke ahupuaa o Maihi a me Kalahiki, a me kela apana aina ma Kona Akau, i hoakakaia me ke Sila Nui 19@3, nona na eke @ 30-100; a me kela apana e waiho la ma Honokaa, Hamakua, Hawaii. i hoakakaia ma ka Palapala Sila Nui 19@3, nona na eke 39@; a me kela mau apana aina e waiho la ma Honolulu, mokupuni o Oahu; a oia na apana 2 a me 3 o ka Palapala Sila Nui 1@@3 a me na apana 4 a me 7 o ka Palapala Sila Nui 1@04.
No na mea i koe e ninau ia
E.P. ADAMS. mea kudala.
A i ole ia C@@@ BROWN, Loio o ka mea nona ka moraki.
950-5t
MAKEMAKEIA.
UA MAKEMEKE IA NA
ILI BIBI MIKO HOU
A ME NA
ILI KAO
E haawiia ke kumukuai kiekie ma ke dala kuike o
HUGH MACKAY.
Luna o ka Hale Hana Ili ma Kaholaloa, Honolulu.
E kuai ia aku na Huluhipa he nui wale ma ke kumukuai makepono no ke dala kuike.
Honolulu, @eb. 15, 1880. 951-@t
OLELO HOOLAHA.
E IKE auanei na kanaka a pau, owau o ka mea nona ka inoa malalo nei, ke hai ia aku nei ka lohe, ua lilo loa ia’u ka hui mahi laiki o O.Y. Aioea e waiho ana ma Waipio, Hamakua, Hawaii, na eka aina, na bipi, na hoki, na lio, na hale, a me na lako a pau e pili ana, aole kukana i koe ola hui
Owau no AKANA UNUHOWAI.
Waipio, Hamakua, Hawaii, Feb 10, 1880.
OLELO HOOLAHA.
KE papa aku nei au i na kanaka a pau o kela a me kela ano, aole lakou e komo hewa maluna o ko’u mau mala awa elua e waiho la ma Waiawa uka, oia ka mala o Puuohulu a me kuu mala iloko o Lanilea, a i na e komo hewa ana kekahi, e hoopii no au e like me na kanawai. MAIALOHA.
Waiawa uka, Feb 17, 1880. 951-4@
OLELO HOOLAHA.
E IKE auanei na kanaka a pau, ke papa loa aku nei au. aole bipi, lio, hoki, kekake, puaa, hipa, kao, e hele wale maluna o kuu mau apana aina e waiho ia ma Kula, Maui, a@me ke kanaka hele wale me ke kuleana ole e hopu no au, a me ko’u mau hope i ka poe kue i keia.
GEORGE K. KAAUWAI
Ko’u mau hope G.M. NAHOLOWAA,
952-1t* NAPEHA NAHOLOWAA.
OLELO HOOLAHA.
O NA Keena Oihana Loio o ka poe malalo iho, e pani ia na ma na Poaono a pau ma ka hora 1 P.M. ma kela mau aku, e hoomaka ana ma ka Poaono Feb. 7, 1880.
EDWARD PRESTON.
CASTLE & HATCH,
R. F. BICKERTON,
W.C. JONES,
CECIL BROWN,
949-@f J.M. MONSARRATT.
OLELO HOOLAHA.
KE kauoha ia aku nei na mea a pau i loaa na kuleana iloko o ka PA ILINA MA KAWAIAHAO e hele koke mai a e hoomaemae i ko lakou mau pa, malalo o na kuhikuhi ana a D Manuia, ka luna nana e kiai nei ia wahi. O ka poe hoolohe ole i keia, mahope o ke kali ana no ka wa kupono, e manao ia aohe o lakou kuleana; a e lawelawe ka poe nona kahi e like me ka lakou i ike ai he pono.
941 tf
AINA KUAI A HOOLIMALIMA.
HE Kanalima Kumamaono eka aina ma Iwilei. (Makai iho o ka Halepaahao.) He Loko I-a, Aina Kaio, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia J.H. CONEY, (Koni).
Honolulu. 865 tf
OLELO HOOLAHA.
UA papa ia na mea a pau, aole e komo hewa a lawaia ma lawaia ma na kai o ke Ahupuaa o Honouliuli, mai Puuloa aku a hiki i Waimanalo, ma ka mokupuni o Oahu, apana o Ewa. Ua hookohuia o AARONA HATTON i luna malama no na kai lawaia o Honouliuli, Oct 9, 1879.
933 tf JAMES CAMPBELL.
E.O. HALL & SON.
(E.O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ai a pau he lehulehu wale.
846 Kihi o Alanui Papu me Moi. ly
JAMES M. MONSARRAT.
[MAUNAKEA.]
He Loio a ke Kokua ma ke Kanawai.
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoai@ dala ana.
Keena hana maluna ae o ka halekuai buke o Wini me Robikana, Alanui Kalepa, Honolulu.
Jan. 3, 1880, 944 ly
He Nui Anei Kou Makemake i na
Mekini Humuhumu Lole?
Ina pela, alaila, e kipa mai no ma ka Halekuai
:o:
KAKELA A ME KUKE.
A malaila oukou e ike ai a makaikai i na ano MEKINI a WHEELER a me WILSON, mai ke $40 a hiki i ke $50 ke kumukuai o ka mea hookahi.
Ka MEKINI a SINGER,
ma ke $50 pakahi, a me ka ano
MEKINI a WILCOX me GIBBS,
Ma ke $30 a hiki i ke $50 ke kumukuai.
I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf
KUAI A KA LUNAHOOPONOPONO
WAIWAI.
MA ke kauoha a Hon. C.C. Harris, ka Lunakanawai Kiekie o ka Aha Hookolokolo Kiekie i hanaia i ka la 12 o Ianuari, A.D. 1880, o ka mea nona ka inoa malalo iho, e kuai aku ana oia ma ke kudala akea, ma ka hale kudala o E.F. Adama ma Honolulu, ma ka Poaono, i ka la 10 o Aperila A.D. 1880 ma ka hora 12 oia la, i na apana aina i hoike l@ malalo iho, oia kekahi hope o ka waiwai paa o Hon. W.L. Moehonua i make i mea e hookaa ia @ ka aie o ka waiwai i hoike mua ia ae nei, a penei:
1 O ka mahele aina mauka o ke Ahupuaa o Pulehunui, e waiho ia ma ka mokupuni o Maui, L.C.A. @230, nona ka ili 11,550 eka; o ke Ahupuaa i olelo ia, aia no ia ke moe ia mai ka ma@na a hiki i kahakai; a @ kona palena ma kahakai, na na aneane 1,000 kapuni. O ke kii o ua aina ia i olelo ia, e ike ia no ia ma ke Keena hana o Kakela me Haki.
2 O na apana aina ma Palolo, Mokupuni o Oahu. O kela apana aina @ pau i hoakakaia iloko o ka Palapala Sila Nui, kela 2539 nona ka ili, 1 eka me 1 20-100 kaulahao kuea.
O kela mau pa hale apaa i hoakakaia iloko o ka Palapala Sila nui, helu 2@53, nona ka ili 10 48-100 kaulahao kuea.
O kela mau pa hale i hai ia ae la maluna, oia no na pa hale i hoolilo ia aka ia Moehonua, i olelo ia ma ka palapala hoolilo a Kinopu i kakau kope ia Hoke o ka buke 21, aoao 178.
3 O na pa hale ma Manoa Mokupuni o Oahu. Ke Ahupuaa o Puulena, Palapala Sila Nui, helu 72@@, nona ka ili 35 4-10 eka.
Koe nae na apana aina malalo iho i hooliho ia e Moehonua i olelo ia, oia hoi; @@ eka i kuai ia aku ia Apeo i kakou kope ia ma ka buke @, aoao 26.
Ka apana aina 1 kuai ia ia Haui i kakau kope ia ma ka buke 21 aoao 266.
Ka apana aina i kuai ia ia Kaiwi i kakau kope ia ma ka buke 21 aoao@34.
Ka apana aina i kuai ia ia Puaiole i kakau kope ia ma ka buke 27 aoao@1. CHARLES T. GULICK,
Lunahooponopono waiwai o Moehonua i make.
9@@ 2@ 96@