Ka Nupepa Kuokoa, Volume XIX, Number 4, 24 Ianuali 1880 — Page 2
| This text was transcribed by: | Michelle Baie |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
Kuai a Hoolimalima o ka Aina Aupuni.
Ma ka Poakahi Feb 9, ma ke alo o Aliiolani Hale, hora 12 o ke awakea, e kuai ia aku ana ka hoolimalima no umi makahiki, kela apana aina Aupuni i ike ia o KAUNOLU, Lanai. Kumukuai, $200 no ka makahiki. E hookaa mua ia ka uku i kela a me keia hapa makahiki.
SAM’L G. WILDER.
Keena Kalaiaina, Jan. 9, 1880. 946 2t.
Kuai o na Apana Aina Aupuni.
Ma ka Poaono, Feb 14, ma ka hora 12 awakea, ma ke alo o Aliiolani Hale, e kuai ia aku ana ma ke Kudala akea, na apana aina ma Kol@.
Helu – 125, 126, 167, 168 Kumukuai $200 pakahi.
“ 127, 128, 129, 164, 165, 166. Kumukuai $200 pakahi.
“ 321, 322, 323, 324, 352. Kumukuai $200 pakahi.
“ 363, 365. Kumukuai $200 pakahi.
“ 301, 303, 302, 304. Kumukuai $100 pakahi.
“ 305, 307, 306, 308. “ “ “
“ 309, 311, 310, 312. Kumukuai $150 pakahi.
“ 313, 315, 314, 316. Kumukuai $100 pakahi.
“ 360, 362. Kumukuai $200 pakahi.
“ 367, 369 “ “ “
“ 376, 375. Kumukuai $100 pakahi.
“ 227, 228, 229, 230, 242, 243, 244, 245. Kumukuai $200 pakahi.
O ka apana aina huinakolu e waiho nei ma ka aoao o na Alanui Beritania, Makiki, a me ka pa o J S Lemon, kumukuai $200.
Kela apana aina e waiho la ma ka aoao o na Alanui Beritania, Keaumoku, Kinau a me Makiki, kumukuai $500 a piiaku iluna.
E kuai ia aku ana keia mau aina me ka hoomaopopo l@ ia, na ka mea kuai e hoohana i keia mau aina. O ka makemake o ke Aupuni, o ke kuai aku me ka poe e ake ana e kuai no ka hoowaiwai ana i ua mauapana aina nei.
E hookaa ia ka hapaha o ka uku iloko o ka hapaha o ka makahiki, hookahi hapaha i ka lua o ka makahiki, a hookahi hapaha i ke kolu o ka makahiki, me ka ukupanee ma ka 9 keneta, a me ka moraki o ua apana aina ia.
SAM’L G. WILDER, Kuhina Kalaiaina
Keena Kalaiaina, Jan. 7, 1880. 946 3t
No ka malama ana i kahi koho ma ka la 4 o Feb, no na Lunamakaainana o ka Hale Ahaolelo, o keia poe malalo iho kai hookohu ia i keia la e noho a nana i ke koho ana ma kela a me keia apana oa na wahi koho papalua:
OAHU.
Kona --- J H Brown, L Wilcox, Jno S Smithies.
Ewa me Waianae – J Kaaiholei, J L Richardson, John D Holt.
HAWAII.
Kau – Rev J Kauhane, Chas Wall, C K Apiki.
Hilo – D Kamai, J H Pahio, J K Naeole.
Hamakua – R A Lyman, J K Kaunamano, Chas Williams.
MOLOKAI.
Kalaupapa – Rev J Hanaloa, H K Kapololi, Mr Kahaulelio.
KAUAI.
Hanalei – D Keaweamahi, G B Meheula, John Lovell.
Puna – B K Holi, Josia Kewaw, A Ku.
SAM’L G. WILDER, Kuhina Kalaiaina
Keena Kalaiaina, Jan. 5, 1880 9469 3t.
O ke koho ana ia na Lunamakaainana no ke Kau Ahaolelo e hiki mai ana, e malamaia ana ma na apana koho a pau o ke Aupuni ma ka Poakolu, ka la 4 o Feberuari e hiki mai ana. O na wahi malalo iho nei kai hooholo ia no ka malama naa i ke koho balota:
HAWAII.
Apana o Hilo – Hale hookolokolo ma Hilo – Hale hookolokolo ma Laupahoehoe.
Apana o Hamakua – Hale hookolokolo ma Waipio – Hale kula ma Honokaa.
Apana o Kohala -- Hale hookolokolo ma Waimea – Hale kula ma Kohala Akau.
Apana o Kona Akau – Hale kula ma Kailua.
Apana o Kona Hema – Hale kula ma Hookena.
Apana o Kau – Hale hookolokolo ma Waiohinu, a me ka hale kula ma Punaluu.
Apana o Puna – Hale kula ma Pohoiki.
MAUI.
Apana o Lahaina – Hale hookolokolo ma Lahaina.
Apana o Kaanapali – Hale kula ma Honolua.
Apana o Wailuku – Hale hookolokolo ma Wailuku – Hale hookolokolo ma Ulupalakua.
Apana o Makawao – Hale hookolokolo ma Makawao.
Apana o Hana – Hale hookolokolo ma Hana – Hale kula ma Wailua.
Apana o Mokokai me Lanai – Hale hookolokolo ma Pukoo, Molokai – Hale waiho ukana, Kalaupapa, Molokai – Hale kula ma Kaohai, Lanai.
OAHU.
Apana o Kona – Aliiolani Hale, Honolulu, ma ka puka komo mamua.
Apana o Ewa e Waianae – Hale kula ma Waiawa. Hale kula ma Waianae.
Apana o Walalua – Hale kula ma Walalua.
Apana o Koolauioa – Hale kula ma Laie wai.
Apana o Koolaupoko – Hale hookolokoloi, Kaneohe.
KAUAI.
Apana o Waimea – Hale kula ma Waimea – Hale kula ma Niihau.
Apana o Puna – Hale kula ma Lihue – Hale kula ma Koloa.
Apana o Hanalei – Hale hookolokolo ma Hanalei – Hale kula ma Anahola.
SAM’L G. WILDER, Kuhina Kalaiaina,
Keena Kalaiaina, Dec. 10, 1879. de13
O MR. JOSEPH O. CARTER, oiai ua waiho mai i kona haalele ana i ke keena o ka Luna Malama Buke Waiwai o ke aupuni, e mana ana i ka la 1 o Ianuari, ua hookohu aku au ia Godfrey Brown nana e hoopiha i kahi i hoohakahakaia.
SIMON K. KAAI, Kuhina Waiwai.
Keena Waiwai, Jan. 3, 1880 j3
KA NUPEPA
Kuokoa me ke Au Okou
I HUHA.
No ka Makahiki, $2. Eono Mahina, $1. Dala Kuike ka Rula.
POAONO, IANUARI 24, 1880.
PEHEA ke kanaka e ai ana i kana waiwai a me ka waiwai a kona ohana, me ka noonoo ole no kona poe hope a me kona hooilina? E olelo ana, “e ai no au a e lu aku elike me ko’u makemake, oiai eia no iloko o kuu lima ka waiwai; a aohe o’u ike no na mea e hiki mai ana mahope o’u; na lakou no e imi i ka lakou; o ko’u pono ka’u e hana ai a pau.” Ua aloha anei ia kanaka i kona ohan a me kona poe hoolina? Me he mea la aole. A e hana ana no oia i mea e nele ai lakou. Ma kona noonoo ana no kona lealea wale iho no, e hoomakaukau ana oia i mau ulia pono ole no ka poe e ukali mai ana mahope ona, a no kona poe hooilina a pau.
Aole anei oia kekahi ano o na pilikia i hiki mai, a e hiki mai ana, iwaena o na home Hawaii? He manao aloha ole i na hooilina; e ai ana a e lealea ana me ka manao ole i ka pomaikai o ka poe mahope mai. Ma na kulana a pau a kakou e noho nei maluna o keia honua, aole o kakou wale iho no kai kuleana iloko o na pomaikai e lawelawe ia nei. He au e nee nei, a he au e hiki mai ana; a o ke kanaka i ku io i ke ano aloha me ka naauao, oia kai hoomakaukau nona iho me ka hoomanao pu no hoi i kahi pomaikai no kona poe hooilina.
Ma na lawelawe ana no na hana ponoi i pili i ka pomaikai pakahi o kela a me keia, ua maalea a ua makaukau ka hapa nui o kanaka me ka hooko ana mamuli o na mea i ike mua ia he mau mea e waiwai ai. Pehea, ina e manao ana kekahi e kukulu i hale nona, e kii no anei oia i ke kamaua hawawa nana e kukulu ua hale nei? Aole; e koho ana oia ika mea i kike maopopo ia, ua makaukau ma ka oihana kamana. Ina e hihia kekahai ma ke kanawai, e koho anei oia i ka loio ike ole i pale nona imua o ka aha hookolokolo? Aole, e imi mua ana oia i ka loio makaukau, i ikaika kona aoao imua o ka aha. Ina e mai kekahi, he naauao anei oia ke hele aku imua o ka poe naaupo ma ka lapaau ana, a na lakou e lapaau mai kona mai? Ua maopopo aole; imua o ka poe ike e hele ai e lapaau ia mai ma ke ano naauao.
Pehea hoi kakou ma ka hana nui koikoi o ke kau kanawai, a me ka hooponopono ana i na mea pili aupuni iloko o na kau ahaolelo e ke aupuni? Aole anei i haule ino ka noonoo maikai o ka lahui malalo iho o ka lakou inoa maikai a kaulana no hoi no ka naauao me kahi mau hana e ae. Ma ke koho ana i mau kamana, e hoomakaukau auanei kakou, a imi i ka mea noeau, a ma ke koho lunamakaainana hoi e hoohemahema, a koho i ka me hawawa? He kupono anei ia no ka imi pomaikai no ka lahui a no ka aina oiwi? He pono anei kakou ke hooi aku i ke akamai ma ke koho ana i ka loio no ka wehe ana i na hihia liilii imua o ka aha hookolokolo, a hoohemahema loa hoi ma ke koho ana i ka poe nana, e lawelawe ko kakou mau pono imua o ka aha kiekie loa, ka ahaolelo kaukanawai? Aole pono ke hana kakou pela.
He oiaio, aole kakou i ike i na mea e hiki mai ana. Ke olelo nei o Hoapili, ke hookau mai nei na pu o ko na aina e a puni na aoao eha o ke panana maluna o kakou. He olelo hooweliweli keia; aole no hoi he oiaio. Eia iwaena o kakou iho na mea e pilikia ai a e poino ai kakou, aole mawaho mai. Eia ko kakou poino iwaena o ka poe kipi a kumakaia me ke dala; ka poe aloha ole i ka aina, a ae no e hoolilo aku i ke ea no na wahi apana dala ke haawi ia mai; ka poe minamina ole i ke kulana kuokoa o ke aupuni; a me ka poe ano kamalii o ka noonoo ke komo aku iloko o na kau ahaolelo; ka poe e imi ana i pomaikai no ko lakou wa e ola wale ana no, aole hoi noonoo no ka pomaikai o na au e hiki mai ana mahope; aia ilaila ka poino o Hawaii, ke hiki mai mahope, a aole ma na pa kaua o na aina e.
I poe lunamakaainana kuokoa; i poe ae ole i na hoopilimeaai; i poe ike i ke kulana a me na hana o ka ahaolelo; i poe i pakuiia mai ko lakou naauao me ke kahua pohaku paa o ka pono; i poe i hele a kuonoono a oo pono ko lakou noonoo; oia ka poe e hanohano ai kou inoa, e pomaikai ai kou lahui, a e mau ai kou ea e Hawaii.
O ke kuleana i haawi ia i na makaainana no ka hiki ana ia lakou ke koho i ko lakou wahaolelo Lunamakaainana, oia no na palapala hookaa auhau me na huaolelo i pai ia maluna iho “Kupono ke koho Balota.” O ke kahua ia, a o ka mana hoi o ke kauoha koho balota. E like me kona paa ana i ua palapala hookaa auhau nei, pela no e paa ai kona mana koho iaia; aka, i kona manwa e haawi aku ai ia hai, o ka manawa no ia e haalele mai ai iaia, a nele iho la oia i ke kuleana nui o ke kanaka i ka pahu balota.
O ka poe maalea, i komo ia e na manao haahaa, i manao e holo balota, e hoao nui ana lakou e hoolanakila i ka lakou mau olelo pelo me ka hoomalimali i lilo aku ai ma ko lakou lima na palapala hookaa auhau o ka poe koho, a lanakila ko lakou manao lapuwale.
He mea maa mau ia ma Hawaii nei i na kau koho Lunamakaainana o kakou, a ke hoomaka e mai nei no kahi poe i keia kau. O ke kanaka i haahaa kona noonoo ana a hono e kaili a pakaha wale i ka mana koho o kekahi mea, he hoike oiaio ia no ke ano o kona kulana a me kana mau hana, a he hooia ana mai i kona kahui punu “pakaha” waiwai ke komo oia ma ka noho ana i manao nui ai – a e pono na makaainana e makau ia poe, a hookaawale aku ia lakou, aole e haawi i hookahi balota e kokua aku i ka lakou mau hana kolohe O ke kanaka e ae ana a e puni ana i na pelo a me na mali maalea a ku alopeka holo balota, a haawi aku i ke ola o kona mana koho ma ka lima o ke kolohe, e pono no ia e nele a’e haulehia hoi kona mau manaolana, no ka mea, nana no i hoolei wale me ka maunauna i kiona kuleana.
Oia ka makou e kau leo aku nei i na makamaka koho, mai noho a haawi i ka palapala hookaa auhau, aka, e paa a paa, iloko o ka poli me he ipo lauahi ala, a hiki i ka la koho, wehe ae me ka lanakila a me ka hanohano, a me ka noonoo maikai, ho-o aku iloko o ka pahu balota me ka maikai. O ka mana koho o ke kanaka, he mana nui a hanohano, a ke hanaino ia ua mana nei, e lilo auanei ia i moonihoawa e pulu hope mai ai a wili ae i kona kino lapuu i ka oiwi o kona kahui a e nahu iho me kkona wale awahua. Nolaila, e na makamaka koho mai Hawaii a Kauai, ano, ke kau @ aku nei ke KILOHANA ia oukou ma keia mea, me ka manaolana, e hookoia a kau i ka papahele kilakila o ka lanakila.
Ka Opiuma.
Ua oleloia ke noonoo nei kekahi o ka kakou mau luna aupuni e hoala hou i ke kanawai e ae ana e kuai ia ka opiuma malalo o no hooponopono ana o ke kanawai, oia hoi hoi malalo o ka leikini. Me he mea la, he elua mau kumu e koi ana i na manao ana o ka poe kokua e ae ia ai ke kuai opiuma malalo o ka leikini. O ka mua oia no ka puudala nui i manao ia e loaa mai ana i ka waihona o ke aupuni ma ke ano he kumukuai no ka leikini. E loaa ana paha he $20,000; a i ole he $30,000 paha iloko o ka waihona o ke aupuni mai ke kuai ana i na leikini kuai opiuma. A o ka lua, oia no ka “malama maluhia ole ia o ke kanawai hookapu opiuma i keia wa,” wahi a ka poe kokua mamuli o ka leikini. Ke olelo nei lakou, ua komo no ka opiuma i keia wa ma ka hoopae malu ia, nolaila, ua oi aku ka pono ke hookomo ia malalo o ke kanawai, a na ke kanawai hoi e hooponopono i kona kuai ia ana.
He mea pono ke akahele loa ko kakou poe hana kanawai mamua o ka lakou ae ana e hookomo hou ia ka opiuma iloko o keia aupuni ma o ke kanawai la. O ka hoike a na poo o ka oihana makai, a me na hoike a ka poe hoolimalima i na paahana Pake he lehulehu wale, ua lo@ahi; a ma ko lakou ike, ua emi loa ka puhi opiuma mahope mai nei o ka hookapu loa ia o ua ana opiuma nei a ke kanawai; ua oi aku ka puhi opiuma i ka wa i kuai ia ai ma ua leikini. I keia wa ua aneane pau loa ka puhi opiuma iwaena o na kanaka Hawaii; a ua koe iki wale no iwaena o na pake. O ka manao lokahi o kekahi poe noonoo hohonu iwaena o na haole a me na Pake naauao he lehulehu, oia no ka hoomau aku no i ka opiuma aole loa e ae ia e hoopae iloko o keia aupuni.
Heaha la ka pomaikai o ke aupuni i na wahi dala he $20,000? A ina no paha e hooi’ku ka loaa o ke aupuni a kau aku maluna aku o ke $50,000 no ka makahiki no na leikini opiuma ana e kuai aku ai, heaha la ia pomaikai ke hoohalike ia me ka poino koikoi loa e kau ana maluna o ka aina a @ ka lahui ke komo aku ka opiuma ke kona mau hua awaawa o ka make iwaena o ka lehulehu? Ua mama loa ke $50,000 loaa o ka makahiki, a ua oi loa ke kaumaha o ka poino a me ka mai ana maluna o ka lahui, ke ae hou ia ke kuai ana o ka opiuma ma keia aina malalo o ke kanawai.
He mea pono no paha ke hoololi iki ia ke kanawai e waiho nei no ka opiuma; a e kau ia ka hoopai uku dala a me ka hoopaahao ia; aole hoi o ka hoopaahao wale no elike me keia wa. E hookiekie ia ka uku, a e mahele ia mawaena o ke aaupuni a me ka mea nana e hoiaio mai ka hihia.
He mea pono i na makaainana ke ninau i ka poe holo balota o keia kau no ko lakou manao no ka opiuma, a e kapae loa aku i na noonoo ana no ka poe ae ia ke kuai opiuma.
HANAU. – Ma ka la 8 o Ian., ua opuu ae he wahi pua rose hou na Mr. a me Mrs. Keone ma Manana, Ewa, nona ka inoa Kainana P. Keone Nani wale.
Ma ke keena o ka Lunakanawai Kaapuni Apana Elua o ko Hawaii Paeaina. – Ma ka waiwai o KANAKANUI (k) no Honouliwai, Molokai, i make.
Ua heluhelu ia a ua waiho ia ka palapala noi a Melekaa (w) e noi ana e hooponopono ia ka waiwai o Kanakanui (k), no Honouliwai, Molokai, i make, a e hooholoia i na hooilina.
Nolaila ke kauoha ia’ku nei na kanaka a pau ke pili, o ka Poalima, oia ka la 27 o Feberuari, 1880, ma ka hora 2 p m, ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER,
Lunakanawai K. Apana 2 H.P.A.
Lahaina, Ianuari 15, 1880. 947 3t
Ma ke keena o ka Lunakanawai Kaapuni Apana Elua o ko Hawaii Paeaina. – Ma ka waiwai o M. KAPIHE, no Kuiaha, Hamakualoa, Maui, i make.
Ua heluheluia a ua waihoia ka palapala noi a Wm. H. Halstead, ka lunahooponopono no ka waiwai o M. Kapihe, no Kuiaha, Hamakualoa, Maui, @
kuai ana i kekahi pa-hale ma Kehehuna, Honolulu, Oahu, e ili ana hapalua eka, i mea e hookau ia ka aie o ka mea make.
Nolaila ke kauoha ia’ku nei na kanaka a pau, ke pili, o ka Poalua, oia ka la 2 o Maraki, 1880, ma ka hora 11 am, ma ka halehookolokolo ma Makawao, oia ka la a me kahi i kohoia no ka hoolehe ana i ua nonoi la a me na mea kue ke hoike ia.
ABR. FORNANDER,
Lunakanawai K. Apana 2 H.P.A.
Lahaina, Ianuari 15, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kanuiheana k, o Waihee, Maui, i make. Ua heluhelu ia a ua waiho ia ka palapala noi a Naipu @, e noi ana e hoolohe hou ia ana ka palapala noi mua a Kawahine w, e pili ana i ka waiwai o Kanuiheana k, o Waihee i make, no ka hoike ole ia o kekahi kumu nui e pili aha i ua waiwai la, a me kona ano hooilina.
No laila ke kauoha ia aku nei na kanaka a pau ke pili, o ka Poalima, oia ka la 27 o Feb 1880, ma ka hora 9 am ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue he hoikeia.
ABR. FORNANDER,
Lunakanawai K. Apana 2 H.P.A.
Lahaina, Jan 14, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Hale k, o Waihee, Maui i make. Ua heluhelu ia a ua waiho ia ka palapala noi a D Kahaulelio, ka Lunahooponopono o ka waiwai o Hale k, no Waihee, Maui, i make, e noi ana e hoapono ia kona moo-waiwai, a e hookuu ia mai ka oihana a e hooholo ia ka waiwai o no hooilina.
No laila ke kauoha ia aku nei na kanaka a pau ke pili, o ka Poalima, oia ka la 27 o Feb 1880, ma ka hora 10 am ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue he hoikeia.
ABR. FORNANDER,
Lunakanawai K. Apana 2 H.P.A.
Lahaina, Jan 15, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kuahewa k, o Waihee, Maui i make. Ua heluheluia a ua waihoia ka palapala noi a Lole w, e noi ana e hooponopono ia ka waiwai o Kuahewa k no Waihee, Maui i make.
No laila, ke kauoha ia aku nei na kanaka a pau ke pili, o ka Poalima, oia ka la 27 o Feb 1880, ma ka hora 11 am ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai K. Apana 2 H.P.A.
Lahaina, Jan 15, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Keoili, no Waihee, Maui i make. Ua heluhelu ia a ua waiho ia ka palapala noi a Kano w, e noi ana e hooponopono ia ka waiwai o Keoili k, no Waihee Maui i make, a e hooholo ia ia na hooilina. Nolaila, ke kauoha ia aku nei na kanaka a pau, ke pili, o ka Poalima, oia ka la 27 o Feb 1880, ma ka hora 1 pm, ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai K. Apana 2 H.P.A.
Lahaina, Jan 15, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kekua, o Lanai, i make. Ua heluhelu ia a ua waiho ia ka palapala noi a D. Kahaulelio, K Lunahooponopono ia ka waiwai o Kekua k, no Lanai, i make; e noi ana e hoapono a kona Moo-waiwai, a e hookuu ia mai ka oihana a e hooholo ia ia na hooilina.
Nolaila, ke kauoha ia’ku nei na kanaka a pau, ke pili, o ka Poakahi, oia ka la 16 o Feberuari 1880, ma ka hora 10 am, ma ka Halehookolokolo ma Lahaina, oia ka la a me kahi i koho ia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai K. Apana 2 H.P.A.
Lahaina, Jan 13, 1880. 947 3t
OLELO HOOLAHA.
Ke papa aku nei au i na kanaka a pau, aole e hookuu wale i ko lakou mau holoholona, ka bipi, lio, hoki, piula, puaa a me kekahi mau holoholona e ae, ma kuu apana aina e waiho la ma Kolowalu, Manoa, Oahu; ina aole oukou e hooko i keia olelo papa, e hopu ia no ko oukou mau holoholona e like me ke Kanawai.
N. PERRY, (Palakiko).
Manoa, Oahu, Jan 23, 1880. 947 3t
ANO NO I LOAA MAI NEI!
Na Kaa Lio Holo Lealea!
Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.
DILLINGHAM & CO.,
876 tf Na Agena kuai ma Hawaii nei.
OLELO HOOLAHA.
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o K@ k, no Waihee, Maui, i make. Ua heluhelu ia a ua waiho ia ka palapala noi a Mrs Kamoewai Kaina, e noi ana e hooponopono ia ka waiwai o K@ k, no Waihee, Maui, i make, a e hooholo ia ia na hooilina.
Nolaila, ke kauoha ia’ku nei na kanaka a pau, ke pili, o ka Poaha, oia ka la 26 o Feberuari 1880, ma ka hora 9 am, ma ka Halehookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai K. Apana 2 H.P.A.
Lahaina, Jan 13, 1880. 947 3t
Ma ke keena o ka Lunakanawai Kaapuni Apana Elua o ko Hawaii Pae Aina. Ma ka waiwai o Kekuanoni k, no Honokohau, Maui, i make. Ua heluhelu ia a ua waiho ia ka palapala noi a Sam. Ka@oahakau, ka Lunahooponopono o ka waiwai o Kekuanoni k, no Honokohau, Maui, i make e noi ana e ae aku ka aha i kona kuai ana i ka waiwai p@ o na Kekuanoni la, ke waiho ia i Honokohau, i mea e hookaa ia ae ka aie o ua make la. Nolaila ke kauoha ia’ku nei na kanaka a pau, ke pili, o ka Poakahi, oia ka la 16 o Feberuari 1880, ma ka hora 11 am, ma ka hale hookolokolo ma Lahaina, oia ka la a me kahi i koho ia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai K. Apana 2 H.P.A.
Lahaina, Jan 13, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kanakahou k, no Hooaaula, Maui, i make. Ua heluhelu ia a ua waiho ia ka palapala a M Kealoha, Lunahooponopono o ka waiwai o Kankahou k, no Hooaaula, Maui, i make, e noi ana e hoopono ia kana moo-waiwai, a e hookuu ia mai ka oihana, a e hooili la ka waiwai i na hooilina.
Nolaila ke kauoha ia aku nei na kanaka a pau ke pili, o ka Poaha, oia ka la 26 o Feb. 1880, ma ka hora 11 am, ma ka Halehookolokolo ma Wailuku, oia ka la a me kahi i koho ia no ka hoolohe i ua nonoi la a me na mea kue he hoike ia.
ABR. FORNANDER,
Lunakanawai Kaapuni. Apana 2 H.P.A.
Lahaina, Oct. 3, 879. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Charles Anney, no Waihee, Maui, i make. Ua heluhelu ia a ua waiho ia ka palapala noi a Keala w, e noi ana e hoonoho ia o Thos W Everett, i Luna Hooponopono no ka Waiwai o Chas Anney, kona kane i make ma Waihee, Maui.
Nolaila ke kauoha ia’ku nei na kanaka a pau ke pili, o ka Poaha, oia ka la 26 o Feb. 1880, ma ka hora 1 pm, ma ka Halehookolokolo ma Wailuku, oia ka la a me kahi i koho ia no ka hoolohe ano i ua nonoi la a me na mea kue he hoike ia.
ABR. FORNANDER,
Lunakanawai Kaapuni Apana 2 H.P.A.
Lahaina, Jan 13, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kaahu o Waihee, Maui, i make. Ua heluhelu ia a ua waiho ia ka palapala noi a Kalani k, e noi ana e hooponopono ia ka waiwai o Kaahu k, no Waihee, Maui, i make, a e hooholo ia i na hooilina.
Nolaila ke kauoha ia aku nei na kanaka a pau ke pili, o ka Poaha, oia ka la 26 o Feb, 1880, ma ka hora 2 pm, ma ka Hale Hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai Kaapuni Apana 2 H.P.A.
Lahaina, Jan 14, 1880. 947 3t
Ma ke keena o ka Lunakanawai Kaapuni Apana 2 o ko Hawaii Pae Aina. Ma ka waiwai o Kapuipui k, no Waihee, Maui, i make. Ua heluhelu ia a ua waiho ia ka palapala noi a Kealohaaukai w, e noi ana e hooponopono ia ka waiwai o Kapuipui k, no Waihee, Maui, i make, a e hooholo ia i na hooilina.
Nolaila ke kauoha ia’ku nei na kanaka a pau ke pili, o ka Poaha, oia ka la 26 o Feberuari 1880, ma ka hora 10 am, ma ka Halehookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue he hoike ia.
ABR. FORNANDER,
Lunakanawai Kaapuni Apana 2 H.P.A.
Lahaina, Jan 13, 1880. 947 3t
OLELO HOOLAHA.
E IKE mai na kanaka a pau ma keia palapala, owau o A. Kaoliko ka Luna Hooiaio Palapala o ka apana o Waianae, mokupuni o Oahu, ke hoike nei. O na palapala mahele aina o Keauhulihia k, a me Kamaka w, a me H Puahiki k, o ka waiwai o Meaai w, i make no Kawela Waianae Oahu, a’u i hana ai ma ka la 25 o Aug 1879. Ke hai aku nei au, a ke hoolaha nei ma ke akea aole he oiaio oia mau palapala a pau, no keia mau kumu malalo nei. 1. Ua hana ia ua mau palapala ala me ke paewaewa a hoopunipuni mai ia’u o H Puahiki mahope iho o ka lilo ana o na palapala ma ko lakou lima, nolailia, ua noi aku au ia lakou e hoihoi ia mai ia mau palapala a pau, ua hoihoi ia mai kekahi a koe aku ka H Puahiki ka mea nona na kumu hewa me ke paewaewa, nolaila, ke hoolaha nei au, aole he mana a oiaio oia palapala a H Puahiki a maluna o ka poe nana i lawe i ua palapala nei ka poino ma ia hana ana. 2. Aole ia haawi ia mai ko’u uku o ka hana ana i na palapala a pau oia hana a’u ia hana ai a me ka uku o ka hoolalo ana i na inoa nona ua palapala ala.
A. KAOLIKO.
Lunahooiaio o ka apana o Waianae.
Waianae, Januari, 19, 1880. 947 2t*
Hoolaha Hooko Maraki.
Ma keia ke hoolaha ia aku nei, oiai mamuli o kekahi mana kuai i hoike ia maloko o kekahi palapala moraki i kakau ia ma ka la 7 o Feberuari 1878 i hana ia e William Johnson o Honolulu, Oahu, ia James Campbell oia wale no, a i kakau kope ia ma ka buke hoopaa helu 54 ma na aoao 49, 50 a me 51, a mamuli o ka uhai ia ana o na olelo ae like maloko o ua palapala moraki nei, o na aina, na kuleana a me na pono a pau i olelo ia maloko o ua palapala moraki nei, e kuai ia mahope o ka hala ana o ka manawa i ae @ a e ke kanawai, ma ke kuai kudala akea, no ka uhai ia ana o na olelo ae like, e like me ka mea i hai maa la ae la. O ka waiwai i hoike ia maloko o ua moraki la, ke waiho ia ma ke komohana akau o a lanui Kaahumanu ma Honolulu.
JAMES CAMPBELL.
CECIL BROWN, loio o ka mea nona ka moraki.
Hanaia ma Honolulu Jan 24, 1880. 947 4t.
Hoolaha a ka Luna Hooponopono Waiwai.
Ma keia, ke hoolaha ia aku nei, o ka mea nona ka inoa malalo iho nei, ua hookohu pono ia mai i Luna Hooponopono waiwai ma ka waiwai o C H Rose o Honolulu i make ma keia ke kauoha ia aku nei, o ka poe a pau he mau koina ko lakou, a ua hoopaa ia paha ma ka moraki, e hele ae ma kona keena oihana ma ke kihi o na alanui Papu me Moiwahine ma Honolulu iloko o na mahina eono mai keia la aka, a i ole, e hoole mau loa ia aku no. A o ka poe a pau ia aie ia ia e hoike koke mai. S. G. WILDER.
Lunahooponopono ma ka waiwai o C H Rose i make. Hana a ma Honolulu Jan. 24 1880. 947 3t.
$20 MAKANA.
E haawi ia aku no ka makana e kau ae la maluna, i ka mea nana e hoike pololei mai i ka hoike e ahewa ia ai ma ke Kanawai, i kekahi keiki haole nona paha na makahiki mawaena o ka 16 a me ka 17, ka mea nana i hanaino aku maluna o ke kino o kekahi keiki Pake, ma ka pa o ka Hotele Hawaii, oiai ua keiki Pake la e hoolohe ana i ke kani a ka Bana, ma ka po Poakahi, Jan 19 iho nei. W. C. PARKE, Hamuku.
Honolulu, Jan 20, 1880. 947 3t
ASA KAULIA,
Loio a Kokua ma ke Kanawai.
Ua makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma Koolaupoko, Heela, a ma Honolulu i kekahi wa Hooko ia na kauoha mai na wahi a pau o ka mokupuni me ka eleu a me ka hikiwawe.
Olelo Papa.
OWAU o ka mea nona ka inoa malalo iho nei, i ka wa e hemo mai ai kuu wahine mare Kekela Kamaipelekane mai Kawa mai, ke papa aku nei au i na poe a pau e noho ana ma ka pa Ainaimi, mamua mai o Haukipila ma Honolulu, a me ka poe e ae aole maloko o ia pa, aole loa e hookipa a hanai iaia ma ko oukou mau wahi ke ole au e ae aku; a o ka poe e kue ana i keia, e lilo no lakou i poe kokua hewa; a ke kauoha pu ia aku nei no hoi ka poe akuu wahine i haawi wale aku ai i kekahi o ko maua mau waiwai pili kino, e hoihoi koke mai ma kuu wahi ma Kamanuwai; a o ka mea a mau mea e kue i keia, e hoopii no au ma ke Kanawai.
P. KAMAIPELEKANE.
Honolulu, Jan 20, 1880. 947 2*
Hoolaha Pa Aupuni.
E kuai kudala ia aku ana ma ka Pa Aupuni ma Koholaloa, Honolulu, ke hiki aku i ka Poaono, Jan 31, ma ka hora 12 awakea, he 4 mau lio, 1 lio k pukea lae kea, me na kapuai hao ma na ua waewae hope, kuni MA ma ka uha hema hope; 1 lio k ulaula, hapala ke kuni; 1 lio k hauliuli, hao manamana; 1 lio w keokeo, kuni AK AK; 6 lio me 1 hoki. Ma ka Poalua, Feb 3 awakea, he 6 lio. 1 lio hulupala, kuni AK; 1 lio kane ulaula hou, keokeo iki ma ke kua hema RR; 1 lio k ahinahina, kuni S hema; 1 lio ulaula ano hulupala, 1 lio w keokeo, ua pohole a hope o ka uha, aole hulu ma ua aoao, kuni 5 hema; 1 lio k ahinahina, haekaeka ka hulu, kuni hao ano e; 1 lio ulaula, hao ano e; 1 hoku k hulu haekaeka, kuni @ hema.
A. B. KAAUKUU, Luna Pa Aupuni.
Kobolaloa, Jan 21, 1880. 1t*
Olelo Hoolaha.
Ua kapu na aina oia o Lualualei, Waianae-uka, Poahalauka, Kalena a me Waikakalaua, aole e hele kekahi kanaka, aole no hoi na holoholona o na ano a pau. O keia mau aina, aia ma ke apana o Ewa a me Waianae. Ua haawi au i ka mana hooponopono no keia mau aina ia George Galbraith, (Keoki) e hoouku ia na holoholona e loaa ana i ka auhau kupono, no ka hele ana i ka aina. A ke kauoha ia aku nei ua mea a pau, e kii mai ia Geo Galbraith i na holoholona, e uku iaia a lawe aku.
Hoolaha Hooko Moraki.
Ke hoike ia aku nei ka lohe, mamuli o kekahi mana kuai i hoakaka ia maloko o ka waiwai i moraki ia, i kakau ia ma ka la 26 o Aperila, 1879, a hoolaio ia ma ke Keena Kakau Kope o ke Aupuni, ma ka Buke @, ma na aoao 438, 439 a me 440, i hana e @ w, a me Haola k, ia Chung Waa, a mai iaia aku i oleloia ia J Hyman i ua waiwai la, i kakau ia ma ka la 3 o Ianuari, 1880, a hoolalo ia ma ka Buke @ aoao 439, a no ka uhaki ia ana o na olelo o ka moraki, nolaila, o ka alea a me na pono, na lake a pau i hoike ia ma ka moraki, mahope aku o na p@e ekolu mai keia la aku, e hoolaha ia a o kaai ia ma ke kudala akea. O keia aina ia hoike ia, aia ma ke @ Papa, Hoo@lulu, malolo aia o kahi o Mr @.
J. HYMAN. B. R. DOLE, Loio.
Honolulu, Jan 14, 1880. 947 3t
OLELO HOOLAHA.
OLELO HOOLAHA.
E ike auanei na mea a pau ma keia, o mana o na mea @ ua inoa malalo iho nei, na Luna Hooponopono Waiwai, ma ka waiwai o LEVI KELIIPIO o H@, i make kauoha ole. I kulike ai me ka mana i haawi ia mai ia mana e ka mea Hanohano Chas. C. Harris, Lunakanawai Nui o ka Aha Kiekie o ko Hawaii Pae Aina, ma ka la 29 o Dekemaba, MH 1879, e pili ana i ka waiwai o Levi Keliipio i olelo ia maluna, nolaila, ke hoike ia aku nei ka lohe i na mea a pau, e kuai aka ana mana ma ke Kudala akea, i na apana aina a apau loa o Levi Keliipio i olelo ia, ma ke @ iho o ka Hale Hookolokolo ma Lahaina, Maui, ke hiki aku ma ka Poaha, Feb. 12, ma ka hora 10 am, a penei na houkaka ana e pili ana i ua mau apana aina ia i olelo ia maluna.
1 – Ka apana @ i hoike ia ma ka Palapala Sila Nui Helu @, ma ka inoa o Pupuka.
2 – K apana aina i hooko ia ma ka inoa o Hanemo, ma ka Palapala Sila Nai @, e waiho ia ma Pounoa, Lahaina.
3 – Ka apana aina i hoike ia ma ka inoa o Kaumauma, e waiho ia ma Nakalepo, nona ke kuleana Helu @.
4 – Ka apana aina i hooke pono ia ma ka inoa o Keahilaweiki, kuleana Helu @48 e waiho ia ma Moalii.
5 – Ka apan aian e waiho ia ma Hanakaoo, kuleana Helu @
6 – Ka apana aina i hooko ia ma ka inoa o Lev iKeliipio, ma ka Palapala Sila Nui Helu @, kuleana 477, e waiho ia ma Puunoa.
O na apana aina elima i hoike ia maluna, ua paa malalo o ka hoolimalima ia e Hale Turton no ekolu makahiki i koe, a ua pau na uku hoolimalima a pau i ke ohi ia, a e hoomaka ana ke koho kiekie ana o ia mau a pana aina 5 mai ka @ aku, alaila, pii aku. O na lilo a pau loa o ka hana ana o na palapala a pau loa, na ka mea e lilo ai e uku ia mau lilo a pau loa. E hoolohe i keia.
PAKEKE KELIIPIO,
J. L. KAULUKOU.
948 4t Na Luna Hooponopono Waiwai a Levi Keliipio.
OLELO HOOLAHA.
Aole e ae ia kekahi mea a mau mea e hoaie mai i kuu wahine mare, ke loaa ole ka ae mai ia’u aku. D.K. MAHUKA.
Punaluu, Koolauloa, Jan 10, 1880. 946 2t*
OLELO HOOLAHA.
No ka mea, ua noi ia mai ka mea nona ka inoa malalo iho nei e Kukahi w, e hoomaopopo ia a e hooiaio ia na palena o ka 1/@ o ke ahupuaa o Ahainoiki, ma Kona, mokupuni o Molokai, ko Hawaii Pae Aina. Nolaila, ke hoike ia aku nei i ka poe a pau i pili, o ka Poaha, oia ka la 12 o Feb, ma ka hora 10 am, ma ka Hale Hookolokolo ma Lahaina, Maui, kahi e hana ai.
L. AHOLO, Komisina P. A. ma Maui.
Lahaina, Jan. 10, 1880.
OLELO HOOLAHA.
No ka mea, ua noi ia mai ka mea nona ka inoa malalo iho nei, E Wm. H. Tell, e hoomaopopo hou ia, a hooiaio ia na palena a me ka ona nona ke ahupuaa o Makolelau, ma Kona, mokupuni o Molokai. Nolaila, ke hoike ia aku nei ia ka poe a pau i pili, o ka Poaha, oia la 12 o Feb, ma ka hora 10 o ke kakahiaka, ma ka Hale Hookolokolo ma Lahaina, Maui, kahi e hana ia ai.
L. AHOLO, Komisina P. A. ma Maui.
Lahaina, Jan. 10, 1880.
Hoolaha.
E like me ke kauoha a ka Hon C C Harris, Lunakanawa Kiekie o ka Aha Hookolokolo Kiekie, i hanaia ma ka la 29 o Dekemaba i hala, e haawi ana i ka mana i ka mea nona ka inoa malalo iho, e kuai aku i kekahi mau waiwai o ka waiwai o Lono, Uli a me Kahouaka, he mau keiki oo ole, na Hao Naone i make; nolaila, e kuai ia aku ana ma ke Kudala akea, ma ka la 24 o Ianuari, ma ka hora 12 awakea, ma ke Keena hnaa o Kakela me Haki, keia apana aina maikai e waiho la ma Alanui Kauka maloko o Honolulu, nona na eka 2 1-10, i hoike ia ma ka Palapala Sila nui Helu 2767. O ka aina maluna ae, aia kona alo ke huli la i ke Alanui Kauka, a e lilo auanei i pa maikai no ke kukulu hale ana.
MARY N. STEVENS, Kahu malama o na keiki oo ole.
Honolulu, Jan. 10, 1880. 946 2t.
OLELO HOOLAHA.
Ma ka waiwai o Nika w. no Waimea, Kauai i make. O na mea a pau he kuleana ko lakou e koi ai i ka waiwai i hoike ia maluna, ke kauoha ia aku nei lakou e waiho mai ia mau mea imua o ka lunahooponopono waiawai, ma Waimea, Kauai, no ka hooponopono ana ia mau mea iloko o na mahina eha mai keia la aku, a i ole e hoonele mau loa ia aku lakou, a o ka poe a pau i aie mai i kela waiwai, e hookaa koke mai lakou ia’u.
J KAUAI, Lunahooponoponopono Waiwai o Nika w.
Waimea, Kauai, Dec. 5 1879. 941 2m 949
OLELO HOOLAHA.
Mai ka la 1 aku o Ianuari, 1880, he
ELUA DALA
ka uku o na ohua oneki maluna o ka mokuahi JAMES MAKEE mawaena o na awa o Oahu a me na waw o Kauai.
941 tf T. B. FOSTER & CO. (Poka Ma.)
OLELO HOOLAHA.
Ke kauoha ia aku nei a mea a pau i loaa na kuleana iloko o ka PA ILINA MA KAWAIAHAO e hele koke mai a e hoomaemae i ko lakou mau pa, ma alo o na kuhikuhi ana a D Manuia, ka luna nana e kiai nei ia wahi. O ka poe hoolohe ole i keia, mahope o ke kali ana no ka wa kupono, e manao ia aohe o lakou kuleana; a e lawelawe ka poe nona kahi e like me ka lakou i ike ai he pono.
941 tf
AINA KUAI A HOOLIMALIMA.
He Kanalima Kumamaono eka aina ma Iwilei. (Makai iho o ka Halepaahao) He Loko I-a, Aina Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia J.H. CONEY, (Koni).
Honolulu. 865 tf
OLELO HOOLAHA.
Ua papa ia na mea a pau, aole e komo hewa a lawaia ma lawaia ma na kai o ke Ahupuaa o Honouliuli, mai Puuloa aku a hiki i Waimanalo, ma ka mokupuni o Oahu, apana o Ewa. Ua hookohuia o AARONA HATTON i luna malama no na kai lawaia o Honouliuli, aohe nea e ae.
Kakauia ma Honouliuli, Oct 9, 1879.
933 tf JAMES CAMPBELL.
O ka poe a pau i aie ma ka halekuai White House e ku nei ma ke alanui Nuuanu, malalo o ka malama ana a S L Lewis i make iho nei, e oluolu lakou e hookaa koke mai ma ke keena hana o M Phillips & Co, ma ke alanui Kaahumanu, Helu II, a o na aie i uku eie ia mai iloko o na ia kanakolu, e waiho ia aku no ma ka lima o ko makou loio nana e ohi mai ia mau mea.
M PHILLIPS & CO. ja3 944 tf
JAMES M. MONSARRAT.
[MAUNAKEA.]
He Loio a he Kokua ma ke Kanawai.
IMUA O NA AHA KOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimilima a me ka hoaie dala ana.
Keena hana maluna ae o ka halekuai buke o Wini me Robikana, Alanui Kalepa, Honolulu.
Jan. 3, 1880, 944 lv
PAPA KUHIKUHI MANAWA HOLO
- O KA –
MOKUMAHU HAWAII
“LIKELIKE,”
KAPENA KING.
Poalua, Ian 20, hora 5 pm ………………………………………………..Hilo
Poalua, Ian 27, hora 5 pm ………………………………………………..Kaapuni ia Hawaii
Poalua, Feb 3, hora 5 pm ………………………………………………...Hilo
Poalua, Feb 10, hora 5 pm ……………………………………………….Kaapuni ia Hawaii
Poalua, Feb 17, hora 5 pm ……………………………………………….Hilo
Poalua, Feb 24, hora 5 pm ……………………………………………….Kaapuni ia Hawaii
AOLE AIE NO NA UKU OHUA
Ke hoole ia aku nei ka aie no na aku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me paoio i hoailona oie la ke ole e kakau ia ka loaa ana mai.
HE KUIKE KA UKU UKANA.
Ma na ukana a pau a na makamaka, e pono e uku mau ia. A e hookoia no na kauoha no ka lawe a hiki i kahi i makemakeia. A e malama la no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina.
O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a paa ae ehua aepakeke i ka lele.
No ke ake nui e hoopomaikaiia ka lehulehu kaahele, ua hoololi ae nei na @ o Likelike i ka Papa Hoike Manawa o la Mokuahi a like me maluna.
Ma ka Hale Oihana e Loaa’i na Palapala.
Aole keena o hope a lilo, aia wale no a kaa mua mai ka aku moku. Aole e @ ka hewa, no ea paiki, ukana a puolo paha, ke @ e kakauia ka loaa ana mai. @ hookaaia ka uku ukana ka wa e nolia aku ai.
CECIL BROWN.
LOIO A HE KOKUA MA KE KANAWAI
A HE AGENA no ka Hooiaio ana i na Palapala no ka Mokupuni o Oahu.
Heia @ Alanui Kaahamanu. Honolulu, H.P.A. 2y
J. W. M. POOHEA.
He Loio a he Kikua ma ke Kanawai.
No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooiaio Palapala Kepa no hoi no ia Apana. E hookoia na koi-i a ka makemake me ka eleu loa. E loaa no au ma ko’u home ponoi oia o “Kalauonaona,” ma Wawaia, a i ole ia, ma ke Halehookolokolo ma Pukoo.
895 ly Jan 25
KAKELA a me HAKI
O KAKELA OPIO A ME F. M. HATCH, ua hui laua ma ka lawelawe ana i ka oihana Loio. Ua hiki ia laua ke ku imua o na Aha a pau, mai ka Aha Hoomalu a hele iluna. A e laweiawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope.
Keena Hana, maluna ae o ka Halekuai o Dillingham & Co.
Helu 37, Alanui Papu. 3 dms
S.B. DOLE.
LOIO! LOIO!
Huina o na Alanui Kalepa me Papu.
924 ly
P. NUI
LOIO! LOIO!
O ka Ua Ukiukui o Makawai, Maui.
Ua makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku.
885 ly no16
TIMOTHY KALAEONE.
He Loio a he Pale ma ke Kanawai.
IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa.
895 ly Jan. 25.
KAUKA MAINA.
KEENA HANA MA KA HALE KAUKA O Hopemana, Alanui Kalepa, e pili la me ka Baneko o Bihopa.
WAHI NOHO, ma Alanui Hotele, makai iho o ka puka komo o ka pa o ka Hotele Hawaii.
No15 937 6m
DR. RODGERS,
-- OIA O –
KAUKA LOKEKE.
UA hoonee ae nei i kona keena oihana mai ka hale ae o Ailuene ma Monikahaae a iloko o ka Hale Mu, helu 54 Alanui Papu.
Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai.
O kona hale noho, aia no ma ka pa o ka Hotele Hawaii, ma kahi i noho mua ai. 881 tf
Kauka O. S. Cummings, M.D.
HOMEOPATIKA.
Oia ke Kauka i kamaaina mua ia oukou e na kanaka Hawaii ma ka inoa,
“KULU WAI LIILII”
Ua hoi mai nei oia, a e pahola hou mai ana oia i kona akamai lapaau ia kakou. Aia kona Keena Lapaau a me kona wahi noho i keia wa ma kahi o Mr. Wm. G. Irwin, ma ke kohi o na alanui Papu a me Beretania, ma keia aoao aku o ka luakini o Kaukeano. 888 tf
E. O. HALL & SON
(E. O. HOLO MA.)
NA MEA KUAI I NA MEA MAHIAI,
Na Lole, Na Pena, Na Aila, a me
Na ano Lako e ae a pau he lehulehu wale.
846 Kihi o Alanui Papu me Moi. Ly
NU HOU! NU HOU!
Ma hope aku o ka la 1 o Ianuari, 1880, e hoomaka ana makou malolo o na rule
DALA KUIKE,
I ka Loaa ana aku o ka Waiwai i ka Mea Kuai.
E hookahua ana makou i ka makou oihana malalo o ke DALA KUIKE, e kuai ia aku anu na lako waiwai a pau no ke Kumukuai malalo iho o ka
MEA I IKE IA MAMUA E LIKE ME KA LILO.
He Huina nui ko makou o na Oo, Kopala, Ho, &c., &c. i kuai ia mamua ae o ka hoopii ia ana o ka auhau o ka poe nana i hana.
HE MAU LAKO NUI KO MAKOU
-- O NA –
PALAU
A makou e kuai aku ai no ka @7 a hiki ka $7.50 Malalo iho o ke Kumukuai mua no kela a me keia PALAU. Ano ko oukou manawa kujpono e looa ai na waiwai makepono loa. E hele mai Hookahi. E hele mai a pau loa.
DILINAHAMA MA.
942 TF 37 Alanui Papu.
Amara.
O wau o Akamu pake, na makaukau au e hana ma na mea hao a pau loa. Na Mekini Humuhumu, na Laka Pahu i poloke, na Pu, na Kepa Bele a me na kapuai no me ka uke oluolu loa. He 75 keneta ka uku no na wawae mua a he $1.50 no na wawae a pau. E hana no au me ka eleu a me ka @ikioi loa, a he oluolu loa no hoi ka uku hana. E loaa no ko’u hale hana ma alunui Maunakea, helu 10, makai iho o ka uapo a Kamika ma ka aoao ma Ewa. 933 @
S. AUKAI.
LOIO! LOIO!!
Ua ae ia mai oia e lawelawe ma ka Oihana Loio imua o na Aha Kakau Olelo o ka mokupuni o Oahu. 898 ly