Ka Nupepa Kuokoa, Volume XVIII, Number 49, 6 December 1879 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XVIII. HELU 49.} POAONO, DEKEMABA 6, 1879. {NA HELU A PAU 940.

 

MOOLELO O NA LA

 

O KA

 

Haku Visakauna Nelesona,

KE DUKE O BERONETI

 

KE KAUA ANA O NA AUMPOKU KAUA

BERITANIA,-A ME KO ENELANI

AU PAPU LAAU, &c.

 

MAI ka haalele ana aka o Nelesona i ke kaikaono o Abokia a holo mai ai lakou iloko o kela ino nui, ua loaa iho la oia i kekahi mai fiva ikaika, a na ia mea i hoonawaliwali mai i ko Nelesona kino no kekahi mau hora, a aia hoi oia malolo o ka malama ana a kona kauka.

          Ma ka po o ka la 21  o Augate, ua kaawale iho la oia me kona mau moku mai kekeahi ino nui mai, a no kona ano nawaliwali loa mai keia mai fiva mai, a me ka nahaehae o na pea o kona moku, nolaila, ua kauoha hou ae la oia e hoohuli hou lakou ihope no na kahakai o Aikupita.

          Ma ka la 24, ua kalewa hou ae la o Nelesona iwaho o ke Kulanakauhale o Alexandria, he 15 mile mai na lae kahakai mai o Aikupita, a kuu iho la ko lakou heleumama ia la, no ka hana hou ana i kou lakou mau pea. Ma ke ahiahi nae o kekahi la ae, ua hoopuka mai la o Kapena Saumarez, me na aumoku kaua eiwa, no ka holo ana e hopuipui aku i ka Alikikaua Nui Lord St. Vincent, e kalewa ana iwaho o Cadiz.

          I ka ike ana aku o Nelesona i na aumoku Beritania e hoopuka mai ana mai ke Kaikuono mai o Abokia, ua kauoha ae la oia ia Kapena Haki, (Hardy) e huki ae i ka hae kahea i na moku e hoopuka mai nei. I ka ike ana o Kapena Saumarez i ka hae o ko lakou Adimarala, ua hoohuli koke ae la oia i kona moku, a hoopii aku la i kahi a Nelesona ma e lana ana.

          Mamuli o ke ano akakuu iki ana mai o ka makani, ua hoomakaukau hou ae la o Nelesona i kona moku no ka haalele hou ana aku i na kahakai o Aferika. Mamua o kona haalele ana aku, ua kakau iho la oia i keia leta na Lord St. Vincent, e pili ana no kona ola kino penei: "Ua ano maluhiluhi au i keia huakai i Napela," wahi a Nelesona i kona Haku. "Aole hookahi mea e hoopuipui mai ai i ko'u manao. I keia la o Kapena Saumarez i haalele mai ai ia'u, ua loaa au i kekahi mai fiva ikaika, wahi hou a lakou e olelo mai ai. No na hora he IS, aole au i manao e ike hou i kou mau maka e kuu Haku. Ua ano oluolu iki au i keia hora, aka, he nawaliwali loa ko'u kino a me ka manao, mai keia mai fiva mai a me ke kunu. Aka, ua oluolu loa hoi i ke Akua ka hoopakele ana mai ia'u a ma Ona la au e hilinai ai." Ua haawi aku la o Nelesona i keia leta ia Kapena Saumarez, a haalele aku la oia i na kahakai o Aikupita no Napela.

          Oiai o Nelesona ma e holo nei i ka moana, me kekahi makani ikaika mamua pono mai, he mea hoi ia nana e hooukiuki mau ai, ma ka hoohana mau ana aku i kona moku imua o keia makani, oiai oia e holo nei ma kona alahele no Napela.

          Ma ke kakahiaka nui o ka la 27, ua loaa iho lakou nei i ka pohu me ka lu-la anana i o a ianei, a ia manawa i se-lo ae ai ke kiai mamua o ka ihu o ka moku, oiai, ua ike aku la oia i kekahi mau aumoku e kalewa ana i ka moana, a holo aku la ka lohe a puni ka moku. Ua pii koke ae la o Kapena Haki ma ia wahi, a kau aku la oia i ka ohenana, aka, no ka loihi loa, aole he ike pono loa ia aku o ke ano o ka moku.

          Ua holo aku la keia lono a lohe o Nelesona, oiai oia e moe ana ma konawahi moe, a he mea hoi ia nana e hoomaopopo mai ai i ke ano o keia lono no ko lakou kulana, nolaila, ua ala ae la oia a pii aku la iluna o ka oneki, a ike aku la oia i na moku e kalewa ana ma kahi he 25 mile ke kaawale. "Ke ole au e kuhihewa," wahi a Nelesona i pane aku ai i koa Kapena, "o kela mau aumoku ewalu ma ka akau o kakou, o ko'u mau enemi no ia, a he mea hiki ole hoi ia'u ke pale ae i ka hanohano o ko'u aina, a me kahi a'u e ku nei, e hehi wale ia kona moa ke ole au e kue aku i ka mana o keia mau aumoku."

          O keia mau moku a kakou e olelo nei, oia no na moku Farani eha i holo mahuka mai ai ma ka po o ka la 1 o Augate, mai ke kahua kaua mai o ka Naile, ma ke kaikuono o Abokia, oia hoi ka manawa e lapalapa ia ana e ke ahi ka moku Adimarala Farani. Ua holo mai keia mau moku eha a hiki ma Toulana, a ua hui pu hou mai he eha mau moku liilii hou iho, a ua kaa ke alakai ana o keia mau moku malolo o ke Komodoa Farani M. de Conflans. A no ka lohe ana o keia Komodoa no ka hoomakaukau ana o Nelesona e holo mai no Napela, ua kalewa iho la oia he 70 mile mai ke kulanakauhale mai o Napela, no ke kali anai kona mau enemi, oiai, ua kaulana loa ae ka moa o Nelesona a puni o Europa, no kona lanakila ana maluna o na aumoku ikaika o Farani.

          Ua kauoha koke ae la o Nelesona e hoomakaukau koke ia na pukuniahi ma na puka pu@ no ko lakou wa e hui aku ai me na aumoku kaua Farnani e kalewa nei. Ua kauoha hou ae la oia i kona Lutanela e huki ae i ka hae Beritania iluna, a me ka hae o Adimirala Nelesona ma ke kia hope o kona moku, he hoike ana ia i kona aa ana aku me ka makau ole, i kona kue hookahi ana aku i na aumoku kaua Farani ewalu.

          I ka hae o Nelesona e welo ana i ka makani ma ke kia hope o kona moku, ua ike koke ia mai la kona hae e na aumoku kaua Farani e kalewa nei, a iloko o na minute pokole, ua huki like ae la na moku Farani ewalu i ko lakou mau hae, a ike koke aku l o Nelesona me kona mau alii moku, aiai lakou mamua o ka ihu o ka moku me na ohenana ma ko lakou mau lima. A no ka ike maopopo ole ia o ka hae o na moku Farani. nolaila ua hoouna ae la o Nelesona ia Kapena Haki e pii iluna o ke kia e nana ai, pehea la ke ano o ka hae o keia mau aumoku.

          Ia Kapena Haki e nana ana i ka hae o na aumoku e kaewa nei, ua ike koliuliu aku la oia maloko o kana ohenana i ka hae o keia mau aumoku, nolaila, ua iho koke iho la oia ilalo o ka oneki, a ha aku la ia Nelesona, me kona manao paa, o ko lakou mau enemi no neia.

          Ma ka auia la o ua la nei, ua pa mai la kekahi wahi makani mai ka Akau mai, nolaila, kauoha koke ae la o Nelesona i kona Kapena a hookele ia aku la ka Vanguard i ka Hikina-Akau, i kaa ai lakou maluna na aumoku kaua Farani.

                   O keia hookele ana a Nelesona i kona moku, i kahi hoi e loihi ole aku ai ko lakou mau ola, he mea pahaohao loa ia i na mea a pau malunao ka moku, oiai, aole a lakou mau awa e kipa koke aku ai, oiai na aumoku kaua Farani ewalu ma ko lakou mau aoaoa, a he mea hiki ole hoi i kekahi moku ikaika hookahi ke kue aku i na moku kaua ewalu i lako me na mea kaua, a aia hoi lakou iloko o kekahi kulana pilikia loa, ina e lihi launa mai ana kona mau enemi, a he mea hiki loa hoi ia ke hoopuni ia ae kona wahi moku hookahi. A o na alii moku, ua manao wale lakou e lawe pi ia ana e ko lakou mau enemi i ka manawa e uhi mai ai o ka po

Aole i pau.

 

Na Kanawai o ke Ola Kino.

Hoomakaukau ia Mamuli o ke Kauoha a ka Ahaolelo o 188, ma o ko lakou Komite la ka Hon. W. M. Gibson, Hon. W. R. Castle, a me His Ex. J. M. Kapena.

 

          E hoomanao e na Hawaii, i na mea i kamaiho mau ia ma neia mau olelo ao, o ka noho ana malamalama me kona mau pomaikai a pau, a oukou hoi e auoli nei i keia au, ua makemake ia oukou ka poe nona na makua i hoomalamalama ole ia, e lawe ae i na malama pono loa ana i ko oukou mau kino, a me ka ukali ana mahope o na kuhikuhi ana o na kanawai o ke ola kino - no ka mea, ina e hoopalaleha ia ia mau mea, alaila, e hooi ia aku no auanei na poino o ke kanaka i hoomalamalama ia mamua o ke kanaka o ke au pouli. A ia he oi aku na mai ino o na kanaka o keia la, a e make mau ana hoi me ke ahulau a oi aku mamua o na makua iloko o ka hupo, ilaila, o ke kumu o oia, oiai ka Hawaii o keia la e ike ana i na ano a me na loina o ka ea i ka pa ia he naauao a he malamalama, aole nae i hoomaopopo, a ake hoi i hoohana i na kanawai o ke ola kino, he mea hoi i pili i ka noho'na naauao.

          No na mea e pili ana i ke ano mai e kamaiho ia nei, he mea maopopo, e loaa koke ana no paha ka Hawaii o keia la mamua o na makua i hoonaauao ole ia, ina i hoolilo ia na aahu o ka poe i hoonaauau ia, e like me ka mea i oleloia, i mau mea uhi a huna i na lepo haumia, he mea hoohoihoi wale iho no a hoomailo i ke ola kino ka mea ai a me ka mea inu; a ina o ka noho and palaualelo o loko o ka hale he kumu e hoomau ai a hoonui aku i kalaha ana o ka mai.

          O ka poe hooikaika e eleu ma ka hana, a he akahele ma na mea a pau, a e holoi ana me ka hoomaemae i kela me keia la i ko lakou mau kino, aole no pahe e kau aku ana na mai ino maluna o lakou malalo o na kumu a pau.

          E hoopaanaau, ua olelo ia e holoi i ke kino a maemae loa. O ka lele ana aku iloko o ke kiowai me ke au wale ana ma o a maanei no kekahi manawa; a o ka ninini ana paha i na pekeke wai maluna o ke kino; a i ole o ke ku ana malalo o kekahi waikahe; aole ia e moomaemae pono loa ana i ke ola kino.

 

MA KE KAUOHA.

         

 

Keena Aina, Oihana Kalaiaina,

          Honolulu, Novemaba 10, 1879

          Ke hoolaha hou ia aku nei ke koena o na Palapala Sila Nui e waiho nei ma ke Keena Kalaiaina, o na Aiua malolo nei:

 

OAHU.

 

Palapala Sila Nui. Inoa   Aina

 

4521  Kanekuapuu                            Honolulu

6508  Keoni          "

5695  C Kanaina no Lunalilo            "

5656  Keo             "

5723  Malihini                "

6763  Kama                   "

5715  Pukoi          "

2262  Koloa                   "

1915  Mahana                "

2696  Kaiahua                "

1638  Mauna                  "

5698  Kamaile                "

5705  Konokaupu          "

5600  Kaaumoana                   "

5669  Ehu             "

1651  M Kamakahonu             "

5620  Kaiakuaina Kahehuna   "

6950  Keliiokahonua      Kualoa      "

6952  Kamakai     "

5724  Naeole        Waikiki       "

2834  Kana "        "

3004  Haole "        "

6648  Nakai          "        "

3501  Pali    Kalihi          "

5959  Kapakai               Koolaupoko

3627  Papa           "

3626  Naono                   "

3622  Kahunanui           "

943    Kaluahinenui                 "

6481  Mahoe                  Koolauloa

6247  Kuapuhi               "

334    Lokea                   "

2899  Kaeuuhe               Waialua

2883  Kaoo           Waianae

6615  Kalou                   Ewa

6557  Piikoi          "

6494  Kupihea               "

6428  Kupihea      Kalauao      "

6240  Kapoe                  "

4502  Namahana            "

2862  Ope             "

818    Humehume           "

802    Puou no Kapawa           "

 

HAWAII.

 

6622  Kaaloa (Martin)   Kiao  Kau

6568  Wahine       Kekeekai     Kau

6570  Kauwila      "        "

6617  Poaeae        Waiopua     "

6619  Kapule        "        "

6663  Kalua          Ninole         "

6591  Paahao        Keaiwa       "

6782  Kaahui        Wiliwilinui  "

3151  Kahanu       Hionoa        "

6670  Helehewa    Hilea "

6657  Kepewa      "        "

6080  Manienie              "

6081  Kamaualena                   "

6084  Kaleohano  Kaohe         Kona

6227  Kumuhea    Kalema 2    "

6236  Kupo Kalama 1    "

3730  Poka  "        "

4351  Kaikuahine Hokukano   "

5226  Kuahuia      Hokukano 2         "

3022  Kalua                   "

6180  Manini        Keei 1         "

6014  Kaheananui Pahoehoe 1 "

6011  Kenwa        "        "

6012  Kaikaina     Pahoehoe 2 "

5241  Mihaka       Waiea                   "

6106  Kanea                   Puaa 2        "

6319  Panee Honokua     "

3325  Kumukahi   Honaunau   "

3889  Kaaumoana          Okoe "

1360  Kupuna      Hianaloli     "

5478  I@ba Kaawaloa   "

5236  Aupuni       Honokohaunui     "

5076  Kuula          Honoino     "

3677  Kama          Kapua         "

4349  Kapa "        "

3968  Ualoko        Hokukano   "

6655  Haumea      Kukuiopae 1        "

6621  Kanapi        Onouli        "

6590  Kalamaia    Keekee        "

6588  Kahialua     Alika "

6502  H Neki        Manoa        "

6812  Keohokuma          Honuapo    "

6323  Meheula               Hamakua

6309  Kamalo                "

5101  Kaanaana             "

6174  Kahulanui   Waipio        "

6666  Kaulumano "        "

5098  Kaui  Kawaihae    Kohala

 

MAUI.

 

3102  Kanenui                Kipahulu

5965  Keawe                  "

5707  Apai           Lahaina

5702  Peke            "

5699  Kanaina no W C Lunalilo        "

2910½        Holoua        "

5660  Kalaipaihala                  "

4398  B Mamakaeha                "

4377  Kaekae                 "

4561  Kapu          Lahaina

3534  Kaweawea            "

1869  B Kaai                  "

6611 Pohakunui            Olowalu

5005  Kalaipaihala                  "

6618  Kahula                 Honuaula

6601  Kamaka                "

6581  Uluehoo               "

6572  Kanakahou           "

6556  Kekaulu                "

6533  Anehe                   "

3930  Nakilu                  "

6575  Pupuka                 Kula

6571  Kahinu                 "

4091  Kanakaloa            Waikapu

4937  Kahinu                 Waihee

6196  Kuauea                 "

3110  Poiuhane              Hamakualoa

3355  Kamauu               "

3660  Namokuela           "

5394  Piilali                    Kaanapali

4633  Nahinu                 "

5969  Kahula                 "

 

MOLOKAI.

 

6527  Kula            Mapulehu

6036  Luaaka                 Moowai

6062  Kaneheana           Kumueli

5549  Pihi             Pelekunu

2970  Waimea                Mapulehu

4139  Kauhanui             Kumimi

3944  Lawelawe             Honouliwai

6113  Kaleo          Honoulimaloo

6160  Piapia                   Puaahala

6039  Kekuhi                 Pukoo

3870  Kahueia                "

6038  Pua             " 2

6257  Kalino                  Kalamaula

6274  Kahapuu              Kawela

 

          KAUAI.

 

4838  Kualulo       Pilaa  Koolau

6288  Kakini         Moloaa       "

6307  Kuapiko     Moolalaole  Haena

6224  Moe            "

6280  Lii               Mahaulepu

6548  Hailau         Niumalu      Puna

938 4t

 

OLELO HOOLAHA.

 

MA ke ku ana mai o ka moku Syrea, ua kau mai maluna ona kekahi POHAKU HOOMANAO (Tomb stone) i ho@@ona ia KALEIKIMANA. A he pohaku e ae kekahi i hoailooa ia me na huaolelo, MRS. HA@ATA K. KANIKE, ma hiki mai nei; e kii koke mai ka mea nana ia waiwai, ma ka hale hum@ kama@ o Frank Gertz, ma ka hale hana wa@ mua o Mr. Clark, ma Alanui Kalepa.     FRANK GERTZ

          Agena o ka hui hana Pohaku Hooomanao o Kaleponi.

no15 9@7 4t

 

OLELO HOOLAHA.

 

E. O. HALL & SON.

(E. O. HOLO MA.)

 

NA MEA KUAI I NAEA MAHIAI.

Na Lole. Na Pena. Na Aila, a me

Na ano Lako e ae a pau he lehulehu wale.

846 Kihi o Alanui Papa me Moi. 1y

 

He Nui Anei Kou Makemake i na

Mekini Humuhumu Lole?

Ina pela, alaila, e kipa mai no ma ka Halekuai

 

- o -

 

KANELA A ME KUKE.

 

A malaila oukou e ike ai a makaikai i na ano

MEKINI a WHEELER a me WILSON.

mai ke $40 a hiki i ke $50 ke kumukuai o ka mea hookahi.

KA MEKINI a SINGER,

ma ke $50 pakahi, a me ke ano

MEKINI a WILCOX me GIBBS,

ma ke $30 a hiki i ke $50 ke kumukuai.

1 mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho.       862 tf

 

Kauka O. S. Cummings, M. D.

HOMEOPATIKA.

Oia ke Kauka i kamaaina mui ia oukou e na kanaka Hawaii ma ka inoa.

"KULU WAI LIILII"

Ua hoi mai nei oia, a e pahola hou mai ana oia i kona akamai lapaau ia kakou Aia kona Keena Lapaau a me kona wahi nohoi keia wa ma kahi o Mr. Wm. G Irwin, ma ke kihi o na alanui Papu a me Beretania, ma keia aoao aku o ka luakini o Kaukeano.   888 tf

 

ANO NO I LOAA MAI NEI!

 

@

 

Na Kaa Lio

          Holo Lealea!

 

Na Kaa Lawe Ohua a me na kaa holo paua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.

          DILLINGHAM & Co..

876 tf          Na Agena kuai ma Hawaii nei.

 

OLELO HOOLAHA.

 

Ua papa ia na mea a pau, aole e komo hewa a lawaia ma lawaia ma na kai o ke Ahupuaa o Hoouliuli, mai Puulo i aku a hiki i Waimanalo, ma ia mokupun@ o Oahu, apana o Ewa. Ua hookohuia o AARO A HATTON i luna malama no na kai lawai@ Honouliuli, aohe mea e ae.

          Kakauia ma Honouliluli, Oct. 9, 189.

          933 tf          JAMES CAMPBELL

 

AINA KUAI A HOOLIMALIMA.

 

HE Kanalima Kumamaono eka aina ma 1 wilei (Makai iho o ka ila@epaahao) He Loko 1-a,. Aina Kalo. Aina kau Paakai, aina kula a me ke kai. A me kekahi mau eka aina ma Peleuia, he aina kalo, aina kula a me ke kai. He oluolu ke kuai ana. E ninau ia J. H. CONEY, (Koni).

          Honolulu, 865 tf

 

Amara.

 

O WAU o A kamu pake, ua makaukau au e hana ma na mea hao a pau loa. Na Mekini Humuhumu, na Laka Pahu i poloke, na Pe, na Kepi Bel@ a me na kapuai i@ me ka u@u @@@@@ loa. He 75 kene@a ka uku no na wawae m@@ a @@ $1.50 no na wawae a pau. E hana no au me ka eleu a me ka mikioi loa, a he oluolu loa no hoi ka uku hana. E loaa no ko'u hale hana ma alanui Maunakea, helu 10, makai iho o ka uapo a Ka@i@a ma ka @@@@ ma E@a  933 6m

 

KO BIHOPA MA

BANAKO MALAMA DALA!

 

E MALAMA NO MAUA I KE DALA Ona kanika ma loko o ka Banako, penei:

          Ina hoom@@ mai ke kanaka hookahi i na dala $@00 a umi mai paha, alaila, e uku maua i eono hapaha@@@i ukupanee makahiki, mai ka la o ka lawe ana mai a hiki i ka la o kona @@i ana, ke waihoia ke dala hoomoe i ekolu malama a kea paha. Aole ukupanee e helu ia no kahakaina o ke dala hookahi, aole no hoi no ka hapa malama.

          Ina ohi koke oia 1 kana dala, aole i hala na malama ekolu aole ukupanee.

          Ina i manao ke kanaka e ohi i kana dala, e p@@o ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke law@ia mai.

          Ma ke kikoo wale no a ka mea dala e haa@i ai i kana, a o ka Buke kekahi ke iaweia mai.

          Ma ka la mua o Sepatemaba i keia makahiki a i keia, e houluulu ai i ke dala, a e huipuia ka ukupanee me ke kumupaa o na dala i hoomo@ia no na malama ekolu a kau, a mahuahua, ke kumupaa e loaa i ka ukupauee.

          Ina oi aku ke dala hoom@@ mamua o $300 alaila, hooholo pu ka olelo.

          E weheia ka Hale Banako i na la hana a pau.

          851    BISHOP & Co.

 

DR. RODGERS,

- OIA O -

KAUKA LOKEKE.

 

UA ho@@@@ ae nei i kona keena oihana mai ka hale ae o Aila@ne ma Monikaha@@ a iloko o ka Hale Mu. helu 54 Aianui Papa.

          Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai.

          O kona hale noho, aia no ma ka pa o ka Hotele Hawaii, ma kahi i noho maa ai.

 

LIO KUAI.

 

HE Lio Kuai, he @o maikai kela a ua ma@ i ke ka@o kaa, he ikaika a he kupono loa no na kaa hoo'limalima. E ninau ia ma ke Keena Loio o KAKELA  9@0 tf

 

S. B. DOLE

LOIO! LOIO!

 

haina o na Alanui Kalepa me Papa

924 ly

 

P. NUI.

LOIO! LOIO!!

 

O ka Ua Ukiukiu o Makawao, Maui

 

UA inakaukau oia e kokua i na mea a pau e hele aku ana i ona la, mana mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku.

885 ly no16

 

MAIKAI KA HOI KA PAPA:

 

- A ME -

 

KA LAAU O KOU HALE!

 

NO HEA LA?

 

KAI NO HOI NO KAHI O

 

WAILA MA!

 

Nana aku no hoi ia la

Ohi ka lo o ka Laau o Makawao

I ka ua mea hoi o ke nani o

 

Na PAPA ! Na PAPA !!

 

- A ME -

 

NA PONO KUKULU HALE

 

O NA ANO NO A PAU.

 

-

 

Aia ma ke kihi o na

 

ALANUI PAPU me MOIWAHINE

 

HONOLULU

 

MALAILA E LOAA A1

 

E LIKE me ka MAKEMA

 

- NO KE -

 

KUMUKUAI MAKEPONO LOA!

 

-

 

PAPA, PAPA, PAPA,

 

Na Papa Huluhulu,

Na Papa Hanoanoa,

Na Papa i kahiia,

Na Papa Kepa,

Papa Hole Keokeo,

Papa Hole Ulaula.

 

-

 

NA LAAU, NA LAAU

 

Na Kua,

Na Kaola,

Na Aaho,

Na Moli,

Na Peapea,

 

Pine Huluhulu,

Pine i kahua

 

NA Papa a me na Laau Ulaula !

 

Pili ulaula,

Pili Keokeo,

Pani Puka,

 

Pani Puka Aniani,

Ipuka Aniani,

Puka Olepelepe.

 

-

 

PENA O NA ANO A PAU

 

Hulu Pena ai ka Liilii a ke Nui,

Aila Pena,

Aila Hoomaloo,

Waniti, Pate.

 

NA LAKO O KELA A ME KEIA ANO :

 

Na Ami Puka Hale.

Na Ami Puka Pa.

ANIANI!

 

Pepa Hale a me na Lihilihi

 

E LOAA NO MALAILA.

 

PAAKAI HELU I O KAKAAKO me PUULOA

 

          No ke DALA KUIKE. e loaa no na mea a pau i aiia ae la, no ke Kumukuai Emi loa, O na kaueba a pau mai Hawaii a Niihau e loaa'ku ana ia lakou, e hooko keke ia no ia me ka lawa pono.

 

E Kipa Nui Ilaila, i ike i ka Oiaie

905 tf