Ka Nupepa Kuokoa, Volume XVIII, Number 43, 25 October 1879 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okao

I HUIIA

No ka Makahiki $2. Eono Mahina, $1. Dala Kuike ka Elua.

 

POAONO OKATOBA, 25, 1879.

 

Is Jesus able to redeem?

 

Welcome Tidings, p--44.

 

1

Aloha anei Iesu ia'u,

Ka mea hewa nei?

Makena e na hewa o'u.

Pehea e pono ai?

Ref. Kahe ke koko o Iesu

Nau noa no'u nei pu.

E hele iaia noi no

I pau na hewa ou.

2

E kala anei Iesu ia'u,

Ke kipi me au nei?

E noi aku, e hoao

E kala ia mai.

Ref. Kahe ke koko o Iesu &c

3

Hookipa anei Iesu ia'u,

Ka mea auwana nei?

E ku a hoi ae ano,

A nana e apo mai.

Ref. Kahe ke koko o Iesu, &c

4

Hoola anei Iesu ia'u,

Ka lawehala e?

E mihi io, lelepau,

A pela e ola'i.

Ref. Kahe ke koko o Iesu, &c

            HAWAII.

 

Kaawina Kula Sabati.

HELU 6. SABATI NOV. 9, 1879.

 

KUMUHANA.

Ieus ka hoola io. Pauku Baibala, 1 Ioane

1:1-10.

 

            Ka mea mai kinohi mai, ka mea a makou i lohe ai, ka mea a ko makou mau maka i ike ai, ka mea a makou i manao ai, a i lawelawe ai no hoi me ko makou mau mau lima, no ka Logou o ke ola:

            2 Ua hoikeia mai ke ola, a ua kie makou, a ke hoike aku nei no hoi makou, me ka hoakaka aku ia oukou ia ola mau loa; aia no ia me ka Makua, a ua hoikeia mai no ia makou;

            3 O ua mea la a makou i ike io ai a i lohe io ai no hoi, oia ka makou e hai aku nei ia oukou, i lilo oukou i poe hoaaloha me makou; a o ko makou aloha pu ana, aia no ia me ka Makua, a me kana Keiki o Iesu Kristo.

            4 Ke palapala aku nei makou i keia mau mea ia oukou, i mahuahua ai ko oukou olioli.

            5 Eia mai no ka olelo a makou i lohe ai iaia, a ke hai aku nei nohoi makou ia oukou; he malamalama ke Akua, nohe pouli iki iloko ona.

            6 Ina e olelo kakou, ua aloha pu kakou me ia, a hele hoi ma ka pouli, ua wahahee kakou, aole kakou i hana ma ka oiaio.

            7 Aka, ma i hele kakou ma ka malamalama e hike me ia e noho la ma ka malamalama, alaila, ua aloha pu kakou i kekahi i kekahi; a na ke koko o Iesu Kristo o kana Keiki, e huikala mai ia kakou i ko kakou hewa a pau.

            8 Ina e olelo kakou, aole o kakou hewa, ua kuihewa kakou, aole he oiaio iloko o kakou.

            9 Ina e hai aku kakou i ko kakou hewa, he oiaio mai no ke Akua a he lokomaikai i ke kala mai i ko kakou hewa, a i ka hoomaemae mai ia kakou mai na mea pono ole a pau.

            10 Ina e olelo kakou, aole kakou i hana hewa, ua hoolilo kakou iaia i mea wahahee, aole hoi kana olelo iloko o kakou.

 

            Pauku Gula, p 7 hoopaanaau.

 

Pauku Heluhelu La.

 

1 Io 1:1-18. 2 Io 5:21-29. 3 Io 17:15-26. 4 Isa 42:1-9. 5 Ep 5:1-16. 6 Rom 7:14-25. 7 Hal 51:1-19.

            Mele. "Paa ka Papu" Lei Alii p 36.

            Pule hoomaikai no ka loaa ana o ka malamalama oiaio.

            Ka Wehewehe me ka Ninau ana.

 

            Ioane I keia buke. Na Ioane ka haumana a Iesu i kakau. Nana hoi i kakau ka Euanelio a Ioane a me ka Hoikeana, me Ioane II, Ioane III. Ua maopopo no kona mau makua me kona kaikuaana. Iakobo, ka haumana punahele ia na Iesu. Ua kapaia oia me kona kaikuaana, he mau keiki na ka hekili, no ko laua ikaika paha.

            Aole i akaka kahi i kakau ia ai keia Episetole, me ka wa i kakau ia ai, me ka poe nana ka Episetole. He Episetole pili no ia kakou a pau. A pono ke heluhelu ia a malama pono ia e kakou a pau.

            P 1 Owai ka mea ma K@nohi? Io 1:1. Owai makou? Ioane ma na haumana mua a Iesu. Hai mai i na mea eha e pili ana ia lakou. Lohe, ike maka, manao, lawelawe. Ka Lagou o ke Ole, owai ia? Io 1:1,4

            P 2 Ua aha ia ke Ola? hoikeia, helemai ka Logou, ke Ola ma ka lani mai a i keia ao, hoike ia i na Iudaio, i na kanaka. Ua ike owai? Ioane ma. A aha lakou? Hoike ia kakou i ke ola ma o Iesu Ia. Aia me wai ka Logou mamua? Me wai hoi i keia wa? Ma ke ano aha? Ano uwao.

            P 3 Hai mai Ioane i ke aha? I lilo kakou i poe aha? Poe hoa'loha, hoalauna me wai? Me Ioane pu me ka Makua a me ke Keiki.

            P 4 Palapala Ioane i keia Episetole i mahuahua ke aha? A pehea? Mahuahua anei ko kakou olioli i ka heluhelu ana i keia Episetole? Pela, ina he poe haumana io kakou na Iesu. Aka, ina he poe haumana io ole, pehea?

            P 5 Heaha ke Akua? Aole aka iloko ona? Heaha hoi Iesu? Io 1:5. 8:12. Ke Akua, Iesu ua like anei?

            P 6 Owai ka poe wahahee? Hiki anei ke aloha, ke launa pu me ke Akua, a noho iloko o ka pouli? Pouli anei ka aina ke kau mai ka la? Hiki anei ke launa pu ka pouli me ka la? Hiki anei ke hana ma ka oiaio oiai iloko o ka pouli? Ka pouli, ka hewa, ua like pu.

            P 7 Ma ke aha i maopopo ai, aia kakou iloko o ka malamalama? Ke aloha nei anei oukou kekahi i kekahi? Pehea ka Iesu olelo ma Io 13:34,35? Ma ke aha e kala ia ai ka hewa? Aole anei he mea e ae e kala ia ai ka hewa, o ko Iesu koko wale no? Oih 4:12. Aohe mea e, aohe koko e, e ola ai.

            P 8 He poe hewa ole anei kekahi? Pehea ka poe i olelo, aole o lakou hewa?

            P 9 Ma ke aha e lokomaikai mai ai ke Akua a kala mai i ka hewa? Ma ke aha hoi oia e hoomaemae mai ai i na mea pono ole a pau? Ehia mea heomaemae? Elua, ke koko o Iesu - Ka Uhane Hemolele. Ua hai anei oukou i ko oukou hewa? Heaha ke ano o ka hai ana? E hai aku ia wai? A e hai mai ia w@? E hai anei i kekahi, a e huna i kekahi? i hai aku no i na hewa a pau loa i ke Akua, na hewa ma ka waha, ma ka manao, ma ka hana, na hewa io, no mea i haule. O ka mea i ike i ka pono, aole nae i hana, he hewa ia nona. A o na hewa i hanaia ma kahi akea, e haiia ma kahi akea. A nawai e kala? Hiki anei i na kahunapule ke kala? Aole. Hiki i na kahunapule ke olelo, ina ua mihi io oukau i ka hewa, ua kalaia mao Iesu la. A i ole i mihi oiaio aole kalaia.

            P 10 Owai kai hoolilo i ke Akua i mea wahahee? Ma ke aha? Ma ka hoole ana i ka ke Akua. Olelo ke Akua, ua hewa na kanaka a pau. Hoole nae kekahi - aole ona hewa. Wahahee ke Akua ea! Naaupo ke kanaka. Aole komo ka ke Akua olelo iloko ana.

            Mele. "Komo anei makou," Lei Alii p 37

            Pule me ka hoike i na hewa a pau, me ka mihi nui, me ka paulele nui ma ke koko o Iesu.

            Haawina no Nov. 16, I Ioane 4:7-16.

 

NO KA HOIKE IUBILE.

 

            Mahele VI. Na Oihana a na Lunaolelo. Ehiku mahele liilii.

            1 Na hana a na Lunaolelo ma Oih Mok. 1. Ka mua, ka lua, ke kolu.

            2 Ka hana ma ka la Penetekoka, ka mua, ka lua, ke kolu, ka olelo paipai.

            3 Ka hoomaauia ana, ka mua, ka lua, ke kolu, - ka 7 ma Ierusalema.

            4 Ka hookaawale ia ana. Petero no na Iudaio, Paulo no na aina e, me na hoa o laua.

            5 Na kaapuni a Paulo, ehia? mahea? Na hana, na huli, na ekalesia i kukuluia? Heaha ka pilikia nui ma ke kaapuni hope?

            6 Na hana mana, ka mua, ka lua, ke kolu, ka hope ma Oih. Mok 28.

            7 Ka holo ana o Paula i Roma, ke kumu, ke ano, na hoa, na pilikia ma ke kai, ka hana ma Roma.

            Hai mai i kekahi mau 7 ma keia mahele e pili ana i na diakona, na lahui, na keikikane. He mau kaikamahine wanana eha, owai ia makuakane? He kaikamahine kilokilo i huli mai; heaha ka hope? He wahine humuhumu lole no ka poe ilihune, owai? He wahine hooluu lole i huli mai; owai ia? He mau mea make koke no ka wahahee; owai? He diakona i hailukuia a make; owai ia? He luna kiai halepaahao i huli mai; mahea ia? He huli kupanaha ma ka Mok 9, owai?  Pehea ke ano? Na mea kupanaha ma na Mok 10, 12, 16, 27.

 

Moolelo o ka Ahahui Euanelio o Hawaii Hikina.

 

            Halawai ka Aha ma ka luakini o Haili, Hilo, i ka la 9 o Okatoba, M. H. 1879, hora 9 a. m. A no ka akoakoa pau ole mai o na lala ua hoopanee ia ka Aha a ka hora 1 p. m.

            Noho ka Aha i ka hora 1 p. m. o ka Lunahoomalu mua ma ka noho.

            Eia na Kahu a me na Elele i hiki mai.

Ekalesia Kahu Elele.

Laupahoehoe me Hakalau

Onomea Rev J. H. Pahio M. Nawaahelu

Haili Rev. T. Coan S. Kukila

            Rev. J. S. Kalana

Puula Rev. J. N. Kamoku J. W. Kipi

Opihikao me Kalapana J. W. Kumahoa

Kapaliuka, Kau Rev. J. Kauhane.

            Na lala mau, Rev. P. Barenaba, Rev. D. B. Lyman, Rev. A. O. Forbes a me J. Paakaula, keiki a ka Aha Ben. Manoa. Ma ka Balota, ua kohoia o Rev. J. S. Kalana i Lunahoomalu, a o Kamoku i kakauolelo.

            Noi mai o Kipi e lilo o S. W. Kawai a me Namakaimaui i mau hoa kuka, ua aponoia.

            Na ka Lunahoomalu i koho i ke komite imihana, eia na lala T. Coan, J. H. Pahio, a me J. W. Kumahoa. I ka wa i kaawale ai ke komite, ua lilo ko ka hale i ka haipule. Hoike mai o Coan ka L. H. o ke komite ina kumuhana he 13. Lawe ka Aha a noenoo, i ka ninau ia ana ua aponoia.

            1 Hapaha hora haipule i ka hoomaka ana o na hana i kela a me keia la, ua hanaia.

            2 Hoike Kihapai. Hoike mai o Pahio ke komite mau o na hana a ka Haku maia mau kihapai, ulupono na Kula Sabati, a ke hooikaika nei na hoahanau e hoomaemae i ko lakou mau luakini.

            Heluhelu mai o Pahio i ka hoike kihapai o Onomea; a o Kamoku i ko Puula, a i ka lohe ana o ka Aha i ka manao o ke kiai e waiho ia ekalesia, ua kuka nui na hoa. Ma ke noi a Pahio e hoopanee ka Aha a apopo hora 9 a. m. Hoopanee ia me ka pule a D. B. Lyman.

            La Hana elua. Poalima, Okatobe, 10. Halawai ka aha i ka hora 9 a. m. kaheaia na inoa. Malama ia ka hapalua hora haipule: Heluhelu ia ka moolelo o ka halawai i hala a aponoia.

            Heluhelu ia ke koena o na hoike kihapai. Heluhelu mai o Coan i ka hoike kihapai o ka ekalesia makua o Haili he nui na mea e olioli ai ka naau, ua ulupono ka mahinahou.

            Heluhelu mai o Paakaula i ka hoike kihapai o Opihikao a me Kalapana. Heluhelu mai o Kauhane i ka hoike kihapai o Kapaliuka, Kau.

            Noi mai o Kamoku, e lilo o Ed. Kekoe, J. M. Naeole, K. Paulo, T. H. Kaaihili, D. Kapahee, a me Mr. Naia @ mau hoa kuka, aponoia. Hoike waha mai o Forbes no ka ekalesia haole o Hilo.

            3 Na Palapala Hoopii. Heluhelu mai ka L. H. i ka palapala hoopii a ke kiai o Puula, e noi mai ana e hookuu aku iaia mai kona noho kahu ana no ua ekalesia 'la. Ua lawe ka aha a noonoo, a ua nui na manao i kuka ia; Ma ke noi a Forbes e koho ka Aha i Komite e nana i keia palapala hoopii, apono ia. Koho ka L. H. i komite; Eia na lala, Coan, Pahio, a me Paakaula.

            Waiho mai o J. W. Kumahoa he palapala hoopii no Opihikao, e noi mai ana e hookaawaale aku i ko Mr. J. K. Joseph noho haiolelo ana no lakou: A e hookaawale pu ia o Opihikao i ekalesia okoa, a e pau ka noho hui ana me Kalapana. He nui ke kuka ana, noi mai o Coan e hoopanee ka halawai a ka hora 1 1-2 p. m. ua hoopanee ia me ke pule a A. O. Forbes.

            Hui hou ka aha, pule ka L. H.

            5. Komite imi haawina. Na ka L. H. i koho ia komite. Eia na lala, Forbes, Coan a me Puhio.

            6. Ka maluhia o ke Sabati. Kuka nui ka aha; E hoi na hoa, a e hana e kinai nui i keia mea e poino ai ka maluhia o ke Sabati.

            Hapai hou ia ka noonoo ana i ka palapala hoopii o Opihikao, ua kuka ia, a ua koho ka Aha mao ka L. H. 'la i komite e nana i ka palapala hoopii. Eia na lala Forbes, Pahio a me Lyman.

            6. Heluhelu mai o T. Coan i kana haawina. Heaha ko ke kanaka hemahema i hiki ole ai iaia ke malama i na kanawai o ke Akua? Rom. 7:18-19. Wehewehe mai o Forbes i kekahi mau manao hohonu.

            Noi mai o Coan e hoopanee ka halawai a apopo hora 9, a. m. Heluhelu ia ka moolelo aponoia. Hoopanee ia ka hana me ka pule a J. Kauhane.

            La hana ekolu, Poaono, Okatoba 11. - Halawai ka Aha i ka hora 9 a m. Malama ia ka hapalua hora haipule. Kahaea ia na inoa. Hoike mai o Coan ka L. H. o ke komite i ko lakou noonoo ana i ka palapala hoopii a ke hahu o Puula. Ua noonoo ke komite i ka palapala hoopii a Rev. J. N. Kamoku, e hookuu aku ka aha iaia mai kona noho kahu ana no ka ekalesia o Puula Puna a ua like pu ko makou manao a pau; aole makou i manao i hookuu aku ka aha iaia mai kona noho kau ana no ia Ekalesia.

            I O ka auwana ana o na hipa aole ia he kumu e haalele ai ke kahu ia lakou, aka, he mea ia e noho ai a e imi ai, a e hoolaa ai e like me ka olelo a ke kahu mai, aole i hoowahawaha, aole i lawe i kona ola kahu.

            II I ka manao o ke komite aole e lilo kona mai ana mamua i kumupono e haalele ai.

            Mea kakau. Mahalo piha i ke komite i ka hohonu o ka noonoo ana i ka lilo o ka nawaliwali i kumu e hoomau aku ai i ka hana i ka ekalesia nui i like meia ke ano.

            III Ke aloha aku nei ke komite ia J. N. Kamoku no kona nawaliwali ma ke kino, aka, ua ikaika no oia i ka hana a ka Haku, a ina ua hookuu ia oia e hele ma kahi e, alaila, aole maopopo ka oi aku o kona ikaika no ka hele ana; a no ka pilikia o ka ekalesia ke haalele. Ke manao nei ke komite e noho no oia me ka hoomanawanui a hiki i ka manawa a ke Akua e hoomaopopo mai ai i kana hauwa a me kela ekalesia.

            Komite{ T. Coan. J. H. Pahio. J. Paakaula.

            Hapaiia ke koena o na kumu manao. Heluhelu mai o Kamoku i kana haawina. Ma ke ano hea i lilo mai ai o Kristo i panihakahaka no kanaka? I Pet. 2:24.

            Heluhelu mai o Kalana i kana haawina; O ke alamua ana o ka poe make heaha ke ano oia ala ana? Elua anei ala ana o ka poe make? Hoik. 20:5,6.

            Heluhelu mai o Paakaula i kana Haawina; O ke aloha ka mea e uhi ai i na hewa he nui loa. I Pet. 4;8.

            Heluhelu mai o Lyman i kana Haawina; He mea hewa anei ke hoopalau na keiki e mare me ka ae ole mai o na makua?

            Heluhelu mai o Fobes i kana Haawina; Heaha na manao paa o ke Akua? Dan. 4;24.

            Heluhelu mai o Forbes i ka hoike a ke Komite no ka Palapala Hoopii a ka Ekalesia o Opihikao imua o ka Ahahui Euanelio a Hawaii Hikina, ua apono ia e ka Aha.

            Ua noonoo akahele ka Aha i keia Palapala Hoopii, me ka ninau pono ana no na mea a pau e pili ana i na manao i hoike ia maloko o ua Palapala nei, a me ka lohe ana i na wehewehe a na elele, a me na luna i hiki mai i keia halawai ana o ka Aha.

            Elua mau mea okoa iloko o keia Palapala Hoopii.

            I. O ka mua. Oia no ke noi a ka Ekalesia o Opihikao e oki aku i ka manao ana ia J. K. Iosepa i kahu no ua ekalesia nei; no na kumu i hoika ia.

            II. O ka lua. Oia no ka manao ana o ko Opihikao e oki ia a kaawale ko lakou hui ana me Kalapana, a e noho akoa ua mau ekalesia nei.

            No ke noi mua; e pili ana ia J. K. Iosepa, ke manao nei ko oukou Komite, aohe hana i koe a keia Aha e hana aku ai iaia, oiai, aole i hookoia ka pili mawaena ona a me ka ekalesia hui o Kalapana ma Ohihikao, no ka mea, wole i hoohono ia a lilo i kahu no ua mau ekalesia nei, a nolaila, aole i weheia ka pili oiai aohe pili e wehe ai.

            Ina ua oiaio na Kumu hoohalahala e pili ana ia Mr. Iosepa i hoike ia mai nei imua o keia Aha, alaila, o ka pau iho la no ia o ka manao e lilo oia i kahu no ua ekalesia Hui nei, a ua kuleana lakou e imi i Kahu e ae no lakou.

            No ke noi elua; e kaawale hou na ekalesia elua, o Kalapana me Opihikao, ke manao nei ko oukou komite, aole i hoike ia mai kekahi kumu nui e hooiaio mai ana he pono ia keia Aha ke ae aku e hooko i keia noi, aka, mamuli o na kumu he nui e pili ana i ka pono o na hana a ka Haku ma ia mau ekalesia, ua maopopo ua oi aku ka pono a me ka maikai o ko lakou noho ana me ke ano hui.

            Nolaila, ke manao nei ko oukou Komite, he pono ke hooholo keia Aha penei:

            Akahi. Ke mahalo nei keia Aha i ka eleu o ka ekalesia Hui o Kalapana me Opihikao i ko lakou imi ana i kahu no lakou; a ua komo pu makou me lakou i loko o ka hipuu hookahi me ka minamina a me ke kaumaha o ka manao, no ka hoohoka ia ana mai o ua mau ekalesia nei, a me keia Aha pu ma keia mea.

            Elua. Ke kaohi nei keia Aha i ka ekalesia o Opihikao, me ke aloha e hoomau aku no i ka noho hui ana me Kalapana, a e imi i na mea e lokahi pu ai na hana iloko o ka Haku; a ke paipai aku nei no hoi makou i ka ekalesia o Kalapana; e imi pu i ka lokahi ana me ko Opihikao ma na hana ekalesia a pau e pono ai ke kihapai o ka Haku.

            Ekolu. He pono e imi hou aku ka ekalesia Hui o Kalapana me Opihikao i kahu kupono no lakou, oiai ua pau ka lana ana o ka manao, no ka mea, i kahea mua iho nei. E kali nae lakou no ka puka mai o kana olelo pane i ka ninau a ko Kalapana poe no ke kumu o keia hooko ole ana i kana mau olelo mua, alaila, kaawale pono ke alanui e hele aku ai imua, a e imi ai i kahu e ae.

            Eha. E hoouna aku ka Lunahoomalu a me ke Kakauolelo o keia Aha i ke kope o keia mau Olelo Hooholo ina Ekalesia o Opihikao a me Kalapana. Me ka mahalo.

            Komite { A. O. Forbes. J. H. Pahio. D. B. Lyman.

            Hilo, Okatoba 11, 1879. Koho ka Lunahoomalu i ke Komite e pane aku ia Mr. J. K. Iosepa. Eia na lala. A. O. Forbes, J. S. Kalana a me J. N. Kamoku. Hoopanee ia ka halawai a ka hora 1 ½ p. m. Pule o Coan.

            Hui hou ka Aha i ka wa i hoopanee ia ai. Pule o J. W. Kipi.

            VII. Na mea ona. Ua kuka nui ka Aha me ke aloha i keia Lahui no ke ala nui ana mai o keia hana e poino ai ka lahui, nolaila, e hoi na kahu a me na elele a me ka poe haipule a pau o keia Aha a kinai ikaika i na mea ona ma ko lakou mau apana iho.

            Heluhelu mai o Kamoku i ka Palapala pane aku ia Mr. J. K. Iosepa, a ua aponoia.

            VIII. Na Kula Sabati. Ua kuka ka Aha. Eia ka mea i hooholo ia, e hoike hui na Kula Sabati o Hilo a me Puna ma Hilo, i ka la mua o Ianuari, M. H. 1880, hora 10 a. m.

            Hoike a ke Komite Imi Haawina.

            I. Mai hoopili ano e ia oukou me na hoomaloka. Rev. A. O. Forbes.

            II. Moolelo o ka aoao Pope. Rev. D. B. Lyman.

            III. II Kor. 7:10. Rev. J. S. Kalana.

            IV. Moolelo o na Moremana. Rev. T. Coan.

            V. Ua lilo anei na keiki i bapetizo ia i mau hoahanau no ko lakou bapetizo ia ana. Rev. P. Barenaba.

            VI. Owai na mea pono ke bapetizo ia? J. N. Kamoku.

            VII. Iatoba 3:38. J. Paakaula. O na mea i koe o ko lakou mau haawina mua no.

            Komite { A. O. Forbes. T. Coan. J. H. Pahio.

            IX. Kula Kaikamahine o Kohala. E huli no na Komite i na mea e pono ai kela Kula.

            X. Kula Kahuna. Aole he inea kupono i makemake e hele i ke Kula Kahuna i keia hoomaka hou ana o ke Kula.

            XI. E malama na ekalesia o keia Aha i ka hebedoma haipule o Ianuari M. H. 1880.

            XII. Na misiona.

            XIII. Kahi a me ka manawa e hui hou ai ka Aha.

            E hoopanee ka halawai a hui hou ma Haili, Hilo, i ka Poakolu hope o Dekemabe, M. H. 1879, hora 10 a. m.

            Heluhelu ia ka moolelo a apono ia.

            Noho ka Aha e haipule a hookuu aku la.

            J. N. KAMOKU, Kakauolelo.

            Waiakea, Hilo. Okatoba 16, 1879.

 

            Ma ka la 7 o Sept. ma ke kulanakauhale o Louisvill, ua hoao ae o Frank H. Lensing e pepehi ia ia iho ma kona lole me ka aila, a puhi aku la i ke ahi; ua ike ia keia hana weliweli ana mamuli o ka puka ana o ka uwahi ma ka pukaaniani, a ike ia mai e na kanaka; a i kona loaa ana aku ua pau kona kino i ka @ ia.

            I kekahi la, komo aku la o Sing (Pake) ma ka Halekuai wati o Goldstein ma alanui Washington, Califonia, a ninau no na wati; Ua haawi mai lakou ia ia e nana; mahope iho, ua ninau aku la ua pake la i ka makaaniani ma kona maka; oiai oia e hoowalewale ana i ka mea halekuai no keia mau mea, ua hoolei aku la oia i kekahi mea hoohanuhanu (snuff) maluna o na maka o ua haole la, a hopu aku la ka Pake i ka wati a holo aku la; ia manawa koke no oia i hope ia mai ai e na makai a hoopaa ia aku la ma kahi paa, a mamuli o kona pela ana aku i $4,000, ua hookuu ia mai la ua pake la.

 

OLELO HOOLAHA.

 

            KAKELA a me KAKI.

            O KAKELA OPIA A ME F. M. HATCH, ua hai @ana ma ka lawelawe ana i ka @ Loio Ua k@ki @a @ ke ku @ o na Aha a pau mai ka Aha Hoomak@ a @ @. A e kaw@ @ hoi ma @a hana pili i ka hooponopono waiwai, me ka @ ana i na Palapala @ @ ka hana @ i na Palapala Kuai. Hoolimalimaa me ka H@ @ ana.

            W. R. CASTLE, Luna Hooiaio Kope.

            K@ Hana malaua ae o ka Halekuai o Dil@ham & Co.

Hilo 37. Alanui Papa.

 

            ALFRED S. HARTWELL, [HAKAWELA.] LOIO a he KOKUA ma ke KANAWAI. Ala kona Keena Oihana maluna ae o ka Hale Kuai Buke o Wini me Robikana. 867 tf

 

            CECIL BROWN. LOIO A HE KOKUA MA KE KANAWAI. A HE AGENA no ka Hooiaio ana i na Palapala no ka Mokupuni o Oahu.

            He@ Alanui Kaakumanu Ho@ala. H. P. A. 2y

 

            S. W. MAH@LONA HE LOIO! HE KOKUA A HE PALE ma ke Kanawai.

            UA makaukauau e lawelawe me ka mik@ a me ka eku loa ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomaiu a me ka Aha Kiekie ma Honolulu nei. O ka poe makemake e @ dala,he oluolu ka ukupane. 876 3m

 

            TIMOTHY KALAEONE. He Loio a he Pale ma ke Kanawai.

            IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoho me ka eleu loa. 895 1y Jan. 25.

 

            E. LILILEHUA. Loio a he Kokua ma ke Kanawai!

            IMUA o na Aha Apana a Hoomalu o ka mokupuni o Oahu. E hanaia me ka eleu loa. E loaa no au ma Wehekealaula, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu. 898 1y

 

            PRINCE'S OWN CORPS! E NANA! E NANA MAI I KEIA!

            KE kauoha ia aku nei na Hoa a pau o ka Puali Koa Pualu o ka PRINCE'S OWN CORPS o Honolulu; ka poe i kakau ole i ko lakou mau inoa malalo o ke Kumukanawai Hou o ka Puali, e hele nui ae i ka no o ka Poakahi, la 11 a me ka po o ka Poakolu la 13 o keia mahina o Augate, a me na mahina o Sepatemaba a me Okatoba iloko o na po halawai a me na po paikau o ka Puali, e kakau ai i ko lakou mau inoa maloko o ka Buke Kumukanawai a me na Rula, i ohi ole ia ae ko lakou mau auhau e ka Luna Auhau i ka la 1 o Novemaba e hiki mai ana.

            O ka nui o na Hoa a pau o ka puali i keia wa, he Hookahi Haneri me Kanahakumamaha, 144, a he ekolu Komepane.

            Ko Komepane A, he 63 poe Hoa. " B, 47 " " C, 34 "

            Komepane A i kakau inoa 43. " B " 44. " C " 23.

NA HOA O KE KOMEPANE A I KAKAU INOA.

            1 KALAKAUA, Mekia.

            2 C. P. Iauke@, Akukana.

            3 Dr. Cummins, Kauka.

            4 Antone Rosa, Kapena

            5 J. Hamauku, Lukanela 1

            6 Hoa Ulukou, Lukanela 2

            7 B. W. Kawainui, Sub. Lukanela

            8 J. Iniha, Kakiana 1

            9 Kahalwei, Kakiana 2

            10 Hookan@, Kakiana 4

            11 F. Archer, Kopala 1

            12 J. Wana, Kopala 2

            13 Lutela, Kakiana paahae

Na Koa - Kauha, Alohikea. Mokuaikona, Kekuhaupio, Koen, Pololeikaihu. Hinaaulani, Kahahawai, Keawe, Mahaulu, Aiamanu, A. Kahai. Mana, Panaewa, Kupa, Kuahau, Kikoo Liwai. Kanelawaia, Ahiena. Kualau, Kua, Kiliona. Kane, Kailiehu, Kealohapauole, Hosea. Lonoakai Kakiana 3; Haaheo, John Wana. Keliiaiweuweu.

NA HOA O KE KOMEPANE A @ KAKAU OLE.

Kealoha, Kakiana Puuku; Punini Kopala 3; Piikoi, Kane, Keaweamahi. Kalei, Kahiwalani Hookani Pahu. Na Koa, Henry John, Solomona, Pauoahu, Kanekamoa, Keawe, Keliihanaiho, Wahanui. Kauhane, Kukahoe, Meheula, Kanei Kolia, Kewikikona, Kahue, Hoomiha.

NA HOA O KE KOMEPANE B I KAKAU INOA

Kaaha, Kapena; Kaiaiki, Lukanela 1; Naaimulea, Lukanela 2; Kaulahiwa, Kakiana 1; W. Wana, Kakiana 2; Wahilani, Kakiana 3 Poni, Kopala 1. Na Koa - Kawai. Makani, Kalola, Auwae. Naihe, Kahale. Kaai I, Maukoli, Hosea, Kakalia, Kealaau, Opeka, Hilauea, Kuhia, J. Palau, S. Silva. Kaaihue, Mu, Kanakaole, Opulauoho, Naeole, Palau II. Haaheo, Hose, Kealoha, Hamaia, Kalolo, Keamopohaku.

NA HOA O KE KOMEPANE B I KAKAU OLE.

Kiwini, Keawenui, Kaai II, Kuaiwa, Kahoa, F. Hervey, Kahiona.

NA HOA O KE KOMEPANE C I KAKAU INOA.

J. H. Boyd, Kapena; A Panee, Lutanela 1; I. Levi, Lutanela 2; Solomon, Kakiana 2; W. Reuter, H. Reuter, Jeseph, J. Kaanaana George Kawai, G. Sh@w. Aarona, Kapihe, Solomon Hiram. S. Kuula, Kel@inohokaha, Kalehua, Kahulia. Pohano Kakiana 1, Kaina, Kahaialii, Moses Kahulanui. D. Keliikoa.

KA HOA O KE KOMPANE 1 I KAKAU OLE

S. Kaaikaula, R. Burn, J. Kaiwi, S. Lenhern, Moses Hi@, Kahaka, G. Koa, Koma, S. Kahikina. D. Kealahou.

            Ke hoakaka ia aku nei i na hoa i kakau ole i ko lakou mau inoa, ina aole lakou e hoopaa i ko lakou mau inoa ma ke Kumukanawai o ka Puali, alaila, aole e manaoia lakou he mau hoa oiaio, a e hookau ia no maluna o lakou na auhau a pau o ke aupuni i ka la 1 o Novemaba e hiki mai ana.

            O ka poe e hooko ole ana i keia mau kauoha, maluna no ia o lakou, oiai, ua haawiia ka manawa loihi he ekolu mahina no ko lakou hooko ana i keia mau kauoha. Aole i manaoia ua pili keia i ka poe i hele ma kahi e mawaho ae o keia mokupuni. Ma ke kauoha. Inoa: C. P. Iaukea, Akukana Prince's Own Corps. Honolulu, Hale Paikau. Aug. 5. 1879. 923 3m 934

 

PAPA, PAPA AIA MA KAHI O LEWERS & DICKSON! (O LUI MA.) MA KE KAHUA KAHIKO MA Alanui Papu a me Moi E LOAA AI NA Papa Nouaiki! o kela a me keia ano.

Na Papa Nani a Paa no ke Kukulu ana i na Hale! Na Pani Puka. Na Puka Aniani. Na Olepelepe. Na Pou. Na O-a. Na kapa Hele, Na Papa Ku, a me na Papa Moe nui loa NA PILI O KA HALE O NA ANO A PAU. Na Pepa Hoonani, Na Pena o na Wai a pau. Na Kui mai ke Nui a ka Makalii, Na Ami Puka, Na Ami Puka Aniani, Na Ame o na ano a pau, Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau.

NA WAI WAHIKI A ME NA WAI HOOHINUHINU NANI! o na ano a pau loa. NA BALAKI ANO NUI WALE A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA! E like me ka mea e holo ana mawaena o LAUA a me ka MEA KUAI. E hele mai! E na Makamaka!! A e lawa no hoi ko oukou makemake me ka oluolu a me ka maikai! 845 tf

 

A VALUABLE Medical Discovery Reuter's Life Syrup LAAU LAPAAU WAIWAI LOA! Oia KA WAI OLA A REUTERA.

He laau keia i imi ia a loa a e kekahi kahu mai kaulana, o Bertrand kona i noa, ua lawelawe keia kahu mai ma ka malama ana i ka poe mai no na makahiki he kanalima a oi ae, a o keia laau hou he mea i hanaia noloko ae o na LAU NAM@ a me na a@ o na laau ulu o ka nahele i hulia, he ono ma ka ai ana, he ala ma ka honi ana, a he pumehana kona ano. He laau hoonoha ikaika deia me ka hoeha ole ana i ka opu a me ka hoopailua ole. Aohe nawaliwali ka mai mahope o ka a ana i keia laau, e like me ka naha ino ana o kekahi mau laau e ae, he kupono no ke ai na keiki liilii a me ka poe nawaliwali loa me ka ho@o ole. He laau hoola maopopo keia i ka opu paa, a me ka inoino o ka opu waiho ai, a me na mai a pau-e pili ana i ka opu. He laau hooikaika no hoi keia i ke AKEPAA, a he mea e no hoi ka hikiwawe o kona hoomaemae ana i ke koko, a me na mai a pau o ke kino. No ka mea, mao keia laau la i hookuke ia aku ai na haumia a pau iloko o ke koko. He like ole me keia na laau e ae, oiai e ai ana ka ma me na huaole hoonaha me ia mau laau, aole hoi peneia Ka Wai Ola o Reutera, Aka, ua lawa iloko ona na hoonaha ana a me na hoomaemae ana i ke koko a pau.

A ME KO BARRY LAAU HOOLA EHA. HE LAAU HAMO A HE LAAU AI. He laau hoola keia iloko o ka minute hookahi, E HOAO!

O A. W. RICHARDSON, Oia o LIKIKINI Opio, ka Agena no keia mau laau no ke aupunt HAWAII. 931 3m 9@3

 

KALE KULIKA, LUNA HOOIAIO PALAPALA KUAI, Molaki, a me na palapala oia ano. LUNA HOOIAIO PALAPALA aelike mawaena o na Haku me na Kauwa. Luna Haawi Palapala Ae Mare Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina. 906 tf

 

P. NUI. LOIO! LOIO!! O ka Ua Ukiukiu o Makawao, Maui.

UA makaukau oia a kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ke Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 1y no 16