Ka Nupepa Kuokoa, Volume XVIII, Number 43, 25 ʻOkakopa 1879 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha.

 

            UA hoo@@@@@@ W. W@@@@@ A. W. @@@@@@ k@@@ ia i mau h@@@ @@@ oe n@ Al@@@@@ a me na P@@@ W@@@@@ ka Apana o Puna m@k@@@@ K@@@@. Eia na la@a @@ P@pa i keia manawa: S. W. W@@@@ D K@@@@@@@ a me A. W. Ma@@@@

                        SAM'L G WILDER, Kukina Kalaiaina.

            Keena Kalaiaina, Oct @@, 1879.                  @@@@

 

            UA hooloho ia na mea @@@ @@ inoa malalo @@@ @@@ mau K@@@@@a @@ @@ a @@@@ a me na m@@ mai o@ ka H@@@@@@ @ Molokai. F. W. B @@@@. L. L@pa@@. D K@@@@@.

SAM'L G WILDER, Kukina Kalaiaina.

            Keena Kalaiaina, Oct 6, 1879.                        @11 @

 

            I KULIKE ai me ke kahikahi ana o ka p@@ka 221 o ke Kanawai Ki@@la, na kokeleia a ua hookaa@@@@@ he pa @@ ka hoopaa ana i na holoholoia helehewa no ka Apana o Hilo,
Mokupuni o Hawaii, ma @@@@ i @apala o Kaapak@@@, ma@@k@ o ke ala@@i aupuni, e kokekeana o na hale o ka mahiko o C. Afoog.                        SAM'L G WILDER, Kukina Kalaiaina.

            Keena Kalaiaina, Oct 2, 1879.

 

            I KULIKE ai me ka @@@kaka ana a ka p@@ka 222 o ke Kanawai Ki@@la, na hoo@@@@ aku au la Kau@ao@a (k) Luna Pa Aupuni no ka P@@@puni i @@@ ia maluna ma ka Apana o Hilo, Mokopuni o Hawaii.                        LIKELIKE,

                                                            Kiaaina o Hawaii.

            Keena K @@loa o Hawaii, Oct 2, 1879.       @11-2:

 

            UA hookoho la o DAVID TAYLOR i keia la i Komisina no na aiahele a me na poo@ wai no ka Apana o Lahaina, Mokupuni o Maui, ma kahi o E. Jones i haalele mai.

            Ua hookoho po ia o M. MAKALUA i keia la i Komisina no na aiahele a me na poo@ wai   no la apana hookahi a o na lala o la Papa Komisina no ka Apana o Lahaina, i keia manawa

o@a no o ka Hon, @ @@@@, David Taylor. Esq., M. Makalua, Esq.

                        SAM'L G WILDER, Kukina Kalaiaina.

            Keena Kalaiaina, Oct @ 1879.                       @11-3:

 

Kuai o ka Aina Aupuni.

            Ma ka Poakahi, Novemmaha 3, 1879, i ka hora 12 awakea, e haawi ia ku ana ma ke kuai kodala akea, ma ka p@k@ komo mamea o A@@@lani Hale, he wahi apana aina nuku ma Aina,

hoo e pili ana i ka pa hale o ka Hon. A. Widemann, nona ka huina he 2-5 eka.

            Kumukuai, he $750 a maluna aku. Dala Kuike. No na mea e pili a na e ninau ma ke Keena Kalaiaina.

                        SAM'L G WILDER, Kukina Kalaiaina.

            Honolulu, Oct 3, 1879           @11-3:

 

KA NUPEPA

Kuokoa me ke Au Okoa

I HUHA

No ka Makahiki $2. Eono Mahina, $1.

Dala Kuike ka Rula.

 

E HOOLOHE.

            Ke kauoha ia aku nei ko makou poe Luna a pau, e hooili koke mai i na koena dala o ko lakou poe lawe pepa o ka hapa hope o keia makahiki 1879, i ole ai e hihia a huikau ka hana ana no ka makahiki hou e hiki mai ana.

            E hoolohe i keia a e hooko pololei e pono ai.

 

POAONO, OKATOBA 25, 1879.

            Ma ka auina la o ka Poaha iho nei i huli hoi mai ai na'lii ka Moikane ke Moiwahine a me Ruth Keelikolani me na ola kino ohaoha maikai, mahope iho o ko lakou hoohala ana i kekkahi mau la ma Hana.

 

            Iloko o na makahiki i hela ae nei he iwakalua a @i, ua kaulana ke kulanakauhale o Honolulu nei no ka maemae o ke ea, a he kakaikahi loa ka ulu ana o na mai laha mawaena o na kanaka; aka, i keia au hou, ua nalo aku ia kulana maikai, a ke kau nei he ea i kaumaha ma na kumu mai maluna o na hiona o ka aina, a ke makau ia nei ka noho ana e kakahi poe.

            Ke laha nei ha mai fiva ikaika loa maloko o ke kaona nei, a ua loia ka pilikia ma ka poino ana o na ola o kekahi poe; a nolaila ke makemake nei makou e kau leo aku i na makemake e malama loa a e makaala hoi i keia mai. Mai puiwa a pihoihoi: mai hoano e i ka noho ana, aka, e noho e like me ke mea i maa mau.

            E hoomaemae i ka hale a me ka pa; e malama a e hoomaemae i ka loa liilii; a e hoike koke ae imua o ke Kauka ke loaa i keia mai a mai o na ano e ae paha. Ke noi aku nei makou mai hele i ke Kahuna, he hoopunipuni, he hawawa,a o ke kumu no ia e loaa mai ai ka poino. Ua kamaaina no lakou i na hana o Kahuna, a e hookanaka kakou, a e pale loa i a lakou mau hana epa a hoopunipuni. He mai ikaika loa keia, a he mea pono e malama loa kakou me ka mikiala.

 

            O KA hoolako ana i na lima paahana nana e lawelawe i na oihana o ka aina, he mea maikai ia a he kumu hoopomaikai hoi i ke aupuni, a ke pomaikai ke aupuni, o ka makaainana no ia. Ua ike ia ka nele o ko kakou mau kapakai nei i na lima lawelawe a ua imi ia aku la ma na aina e, a hoolako mai la. Aole paha kupono ka ahewa ana i ke kii ia o kanaka nana e hana i na oihana hoowaiwai aina o kakou, oiai, ke nele i na lima hana, alaila e ku malie ana na mea hana, a ke ku malie na mea hana, alaila, ha poho a he nele ka hopena. Aka, oiai nae e noonoo ia ana ka pomaikai a me ka hooholomua ana i na oihana, e pono e noonoo po ia ke ola o na kupa o ka aina, na iwi kuamoo ponoi hoi o Hawaii.

            O kela a me keia aupuni i hookuu wale i ke ano o ka noha ana o na makaainana me ka hooponopono ole, aole loa e loaa ana ka pomaikai a me ke kulana maikai imua o ke alo o na lahui naauao o ke ao nei. Ke noho nei ka kakou lahui me ke kapakahi loa, ua aneane pakolu ka oi o na kane mamua o na wahine, a he kumu ino loa ia. Ua ku mai nei ha elima haneri pake, a he kanakolu wale no poe wahine maloko o lakou. E ku mai ana iloko o keia mau ia aku, he tausani a oi pake hou, a me ha le ha poe kane wale no. He kumu hoino keia i ke kulana o ka lahui, a he hoonele ana hoi i kahi e loaa mai ai ka pomaikai.

            Ma ko makou kulana, ke ku nei makou a ke pane leo nui nei imua o na mea a pau - o ka manawa keia e pono e hana i kekahi mea e hooponopono ia'i keia mea. No ua pomaikai o ka aina a me ka lahui, ua kono ia na luna o ke aupuni e lawelawe ma keia ninau; E noonoo iho i ka hopena o keia kaheawai ana o na pake maluna o ka aina. Aole makou e olelo aku ana e hoopaa loa i ke komo ana mai o na pake, no ka mea, aole ia ia makou, a aole i maopopo ka hiki o ia mea, aka, e waiho aku ana nae makou i ka ninau penei. "e hoolilo ia ana anei o Hawaii nei i aina no ka lahui pake? E haawi ia ana anei ka lepo i eha ai ka ili o ko kakou may kupuna i Panalaau no Kina?" O keia mau ninau, aole loa e ahewa ia mai makou, oiai, ke hoike mai nei kona mau ouli, a he mea pono i ke kupa o ka aina e noonoo nona iho a me kona hopena no na kau e hiki mai ana.

            Mai manao ia mai makou e kue ana i ke komo ana mai o na pake, aole pela, aka, o ke ano o ko lakou komo ana mai a me ko lakou kulana ka makou e kue nei.

            Ina lakou e kii ia a loaa ma na aina mahiai, e loaa no ia kakou ka poe o male wahine a i kuonoono a i maa ma ka hana aka, o keia poe e lawe ia mai nei, mai na kulanakauhale aekai mai, he poe palaualelo a ua maa i na hana kolohe, a he noho wale me ka male wahine ole. A elike me ko lakou komo nui ana mai, pela no e nui mai ai ka ino e ulu mai ana ma keia hope aku; nolaila, ke puana hou nei makou, no ka pomaikai o ka aina a me na makaainana, he mea pono i ke aupuni e hana i kekahi mea e hooponopono ia'i keia hopena aku o Hawaii - ina e lilo io ana o ka Pake, a aole paha.

 

NU HOU KULOKO.

Ke hana ia nei ka mokuahi Likelike ma kona wahi i poino i keia mau la.

            Ua hai pololei ia mai ia makou, e holo balota Lunamakaainana ana o John L. Rees ke keiki Hawaii kaha kii akamai o kakou.

            Ua loaa he moo naheka he 22 iniha ka loa mailuna mai o kekahi o na moku mai Kina mai, a ua pepehi ia a make.

            Ua make en@oole loa o Pahukula Stevens i ka auina la o ka Poakahi nei, aole i maopopo

ke kumu. He kanaka oia i kamaaina na mea a pau.

            UA HALA - Ma ka la 26 o ka malama i hala, ma Honokaa, Hamakua, Hawaii, ua make o Mrs. Hariata K. Welewele. Me ia pu ko makou walohia a me ka ohana.

            E ku mai ana ma keia mokuahi ae, he haole heihei kaulana ma ka hoe waapa a me ka au ana. Ua makemake oia e heihei me kekahi mea o Hawii nei no $1,000.

            He nui na leta i loaa mai no ka pauahi o na ko ma Kohala, a ua nui ko makou mahalo

i na makamaka no ka lokomaikai. Ke pai ia aku aei hookahi o ia mau leta, a ua lawa paha ia.

            Ua loaa mai he leta mai a A.P. Kalaukoa, e noho mai la ia Kohala, e mahalo nui mai ana i ka nupepa puka la a J Poepoe, nona ka inoa "Ka Nupepa ka Hoku o ke Kai."

            Ua loaa mai ka moolelo o ka ahuhui nui o na Kula Sabati o Maui Komohana, na ke kakauolelo Sam. K.Kaaiai, a waiho nei ma ko makou pakaukau, e pai ia aku no ke loaa ka manawa kupono.

            O KAPENA BROWN a makou i hoolaha 'ku ai i kela pule no ka hihia mawaena ana me

Chas Cash, ua hoopaiia a ua hoopii hou oia imua o ka Aha Kiure i keia kau ae.

            Ua minamina nui makou i ka hai aku i ka make ana o William F. Damon, ke keiki muli loa a Rev. S. C. Damon o Polelewa ma kana wahine. O ka fiva kona mai a hala aku la.

            I KELA la, ma ke alo iho o Aliiolani Hale, e kuai kudala ia ana na pono hana a pau o ke aupuni maloko o ka hale pai palpala maloko o ka Hale Leta, oia hoi na hua kepau ma na papa pai e pai ia nei na Nupepa Hawaiian Gazette a me ka Hawaii Paeaina.

            WELA I KE AHI A MAKE. - Ma ka la 18 o Oct, ma Leleo, Oahu, oiai o Kauahipolua i kii aku ai e hoemi iho i ka a o kona kukui, ua pahu ae la ka ipu kukui a holapu ae la ke ahi i kona mau maka a me ka umauma a ua make loa, mahope iho o kona hoihoi ia ana aku i ka Haukapila.

            Ua hoohui ia ma ka berita hemolele o ka mare, ma ka po o ka la 18 o Okatoba, e Rev H. H. Paleka, o Asa Kaulia, ka Luna Makai o Koolaupoko; Oahu, me Mikala; a ua mare ia no hoi ma ia la no o Kuihelani me Imikalani. E mahalo ia ka mare no na mea a pau a o ka mea a ke Akua i hoopaa ai mai noho ke kanaka a mawehe.

            O KE keiki Pukiki i haule ai i ka lio a eha i kela pule aku nei ma Kulaokahoa, ua naha kona poo, a ua hakahaka kekahi wahi o ka puniu, aka, mamuli o ke akamai o ke kauka o ka Halemai Moiwahine, ua hooloihiia kona ola, a e aneane ana paha e pohala loa a palekana.

            E MALAMA PONO. - Ke laha nei he mai fiva mawaena o na makamaka o ke kaona nei, i kapa ia, ke typhoid fever; a he ikaika loa kona ano. Mamuli o keia mai, ua nui ka poe i poino, a ke waiho pilikia nei kahi poe. E malama pono kakou; he hui ke kino ke hoomaka keia mai.

            Ua noi ia mai makou e kekahi poe lehulehu e paipai aku i ka manao o na makaainana e malama ia i mau halawai haiolelo no na poe e manao ana e holo balota Lunamakaainana. Ke manao nei makou o ka Hui Poola ka mea waiwai, oiai, o lakou ka poe mea hale ma Peleula.

 

            Ua hauoli makou no ka lono ia ana mai na ka holomua o na hana e pili ana i ke aupuni o ke Akua ma Kapaa, Kauai, malalo o na alakai ana a me na hooikaika ana a ka makamaka pauaho ole o D Keaaweamahi. Ua hiki na haumana Kula Sabati i ke kanalima a oi.

            He manao paipai ka Wm. K. Kanakakokai o Wailuku, Maui, e pili ana no ka poe

ana i manao ai ua kupono no ke koho ana aku i mau Luanamakaainana no ia apana. Penei kana, "e akahele, o hopu hewa i ka loli ka ia maka ole." E mahalo mai ana oia ia W O Smith.

            HOOKAHUNA ANA. - ma ka la 7 o Novemaba, e hookahuna ia ana o J. W. Kaapu o

Hauula, ma Hauula. E hele ana ke Komite e hooko ia hana. Eia na lala o ke Komite e hele ana, na Rev S. E. Bihopa. M. Kuaea, S. Waiwaiole, J. N. Paikuli a me S. Paaluhi.

            Ma ke kauoha a ka Lunahoomalo o ke Komite                      S. WAIWAIOLE.

            Kauluwela, Oct 22, 1879.

            O KE kanaka a makou i hai aku ai no kona oki ana i kona puu i kela pule aku nei, ua make iho la oia i ka Poakahi nei. Ua hooikaika ke kauka o ka Halemai Moiwahine e hoola i kona mai, eia nae ka hewa, o ka makemake no o ua kanaka nei e make, a aole e paa iki ka humuhumu ana a ke kauka. Ua minamina ole ia i kona ola.

 

            O KELIIHANAIWI, ka wahine opio i ahewa ia no ka lawe ana i ke ola o Akela [Pake] ma Wailuku, a i kau ia ka hoopai maluna ona e make m aka amana; ua hoololi ia kona manawa e make ai imua o ka Moi ma ka Ahakukamalu, e hooloihi ia a hiki i ka wa e hooholo hou ia ai e ia aha.

            Ua hai ia mai makou e ka Ilamuku no ka lono i loaa mai iaia no ka aihue ia ana o $500.00 mailoko aku o kekahi hale kuai o Ake ma, ma Lahaina. Ua waiho ia ke dala maloko o ka pahu hao, a o ke ki o ka pahu hao iloko o ka ume, a i ka hele ia ana aku i ke kakahiaka, ua loaa aku kekahi puka aniani ua hemo, a e kau ana ke ki i ka pahu hao, a aole ke dala.

            E HOOLOHE! - Ua hoolaha ae nei ke aupuni he olelo papa, aole e hookahe ia ka wai

 o na paipu no ka hoopulu mea kanu mawaena o na hora 7 ahiahi a hiki i ka hora 6 kakahiaka, a o ka mea kue i keia, e hooneleia oia me ka wai. O ke kumu o keia, oia  no ke uhauha nui loa ia o ka wai.

            MAKE I ALOHA IA - Ma ke ahiahi o ka la 6 o Oct, ma Waimea, Kauai, ua kuu ma@@@ Miss Lucy Kamalenui i kona luhi ma keia ao, a hoi aku la ma ka aoao mau o ka honua,

a ua waiho iho oia he mau kini, he lehulehu e paiauma aku ana nona; He kaikamahine hoolohe pono oia i ka leo o na makua, a ua noho me ka maluhia a hala wale aku la no, a ua paulele ia oia no ka pomaikai o ka lahui, aka pela ka manao o ka Mea nana ia i hana, He 19 ka nui o kona mau makahiki.

            HANAU KUPANAHA. - Ma ke ahiahi Poalua Oct. 14, ua hanau mai kekahi keiki kupanaha mai ka puhaka mai o Kailaa (w) ma Kanaio, Honuaula, Maui. He nemonemo kona ano me he lka la, a i ole, me he loli la o ke kahakai; he ano uaua, a ua like kona waha me ka puapua o ka loli; a he mau maka kanaka no elua; he huelo i like me ko na iole, aohe ona mau lala e ae, he nemonemo wale iho no. Ua hoomaopopo ia ka hapai ana o keia wahine no ekolu malama, aka, aole i hiki aku i ka wa kupono no ka hanau, ua hemo e aku la nae.

            MAHALO. - Ma ka Poakolu iho nei Oct. 21 ua hookaa mai la o Kunukau o Kanaio, Honuaula i kana mau dala elua no ke Kilohana Pookela o ka Lahui "Ka Nupepa Kuokoa" no ka A. D. 1880 e hiki mai ana, ma keia keena; ha hoike ana mai ia i kona piha makemake, e hoomau aku ke ola a me ka holomua o ka kakou milimili; a ke pahola aku nei makou i ka mahalo piha nou, no kou kono ana aku i na puuwai o ka lehulehu puni mea hou o ke "Kuokoa" e hui pu mai

ma kau huakai.

            HE MAKAMAKA UA HALA. - I ke ahiahi o ka Poakahi iho nei, i ka hora 8, ua oluolu

iho la i ke Akua ka lawe kohana ana'ku i ke aho uhane o George Henry Bush, i kamaaina hoi i ka lehulehu ma ka inoa o Hanale Buki, ke kaikaina o ke Kiaaina o Kauai. Ua loohia ia oia i ka mai, he eha maloko o kona kino mamuli o kona hapai ana i kekahi mea kaumaha loa, he elua mahina

ae nei a oi, aole nae i hoike mai i kona hiona a i keia mau la koke ibho nei no, a ua haawi ia ke akamai o ke kauka e kaohi aku i ka hookahua loa ana iho o ka mai maluna o kona kino aka, ua hoomaumaua loa iho la kona nawaliwali malalo o na kipona o ka mai, a hiki wale i ka oili ana aku o kona aho, a haalele iho la i ka hale lepo o ka uhane mahope nei. He kanaka oia i kuluma a i kamaaina nui ia e ka lehulehu o ke kaona nei, a i pili loa hoi me na hoahanau a me ke Kula Sabati o ka Ekalesia o Kawaiahao no na makahiki ekolu a oi i hala'e nei. Oia kekahi o na Hawaii Ponoi I wiwo ole@ a i hilahila ole e hapai i ka hana a ka Haku, a ua hele aku imua o na maka o hoi e hoike aku a e paipai aku. A ke ahiahi Poalua nei ka manele ia ana'ku o kona hopena a waiho ma kahi moe o na kino lepo ma maemae, malalo o ka ukali ana'ku o na lala o ka oihana kinaiahi a me ka Hui malu Red me@, he lala oia no ia mau Hui. Me kana wahine kona ohana, a me na makamaka makou e komo pu aku nei ma ka au@ino ana i ka minamina, ke aloha, a me ka hoomanao ana nona, me ka poina ole i na hopunaolelo, "Pomaikai ka mea pono i kona make ana." He 34 Kona mau makahiki.

 

            HEIHEI AU. - E like me na inea i hool@ha mua ia aku ai@ a ua hooko ia p@i@ no na mea e pili ana i ka heihnei au. Mamua iho o ka hoomaka ana, ua hele mai la ka uwapo

o Ainahou a lehau i na kanaka, ua hele hoi na i-a o na mokua iuluu i ke ake e ike i ke keiki o Sako@a me ke keiki Hawaii. Ua hoomaka laua e au mai ka uwapo mokuahi ma Ainahou  a hiki ma  ka Halekukui a hoi hou a hiki i kal@ i hoomaka ai. I ka hoomaka ana o ka heihei ua puka e aku la no ke keiki Hawaii. Ua mahuahua mau ko laua kowa a hiki wale i ka pahu hopu, kahi i lilo ai ke eo i ke keiki Hawaii, oia hoi, he 6 a 7 paha anana ke kaawale mawaena o laua. He nui ka pioloke iwaena o na makaikai, a ua horo ae la no ka mahalo ana iaia, a ua ike ia aku me he mea ia ua piha i ka uwila.

 

KELA BERITANIA. - Aia ma Waihee, Maui he kula olelo Beritania hou i kukulu ia iho nei malalo o ke alakai ana a J B Kaleihopu. Ua hoomaka ia keia kula ma  ka pule elua o Sept A D 1879, a ua hiki aku ka nui o na huamana i ke S4 i keia manawa. Ua nui ka makemake e na makua mea keiki i keia kula, a ua mahalo lakou i ka eleu o ke kumu ke ma alakai'na ina opio ma na kumu e wehe ai i ke pani o na pomaikai o keia noho'na aku. Ua hooikaika pu no hoi oia i ke alakai ana i na opio o ia wahi i ka hele ana i ke kkula sabati. O ka makou e puana ae nei, "I mua aku no."

 

OIAIO.

            O kuu moeuhane ua oiaio! E like me ka'u i hai aku ai i kela pule, pela no i oiaio ai, a eia ke noho nei he 560 Pake hou i ku mai ai ma ka mokuahi. Elua mokuahi hou aku i haalelele aku la ia Kina me na pake hou no Hawaii nei, a e hiki aku ana ka heluna ma kahi o 2000! Auhea kakou e Hawaii? Aole anei ka manawa keia e noonoo ai! Ke puana hou aku nei au, mai makau! aka, no ko kakou pomaikai, e pane a mai wiwo, Owau no KAHIKINA KELEKONA.

 

He Leta na P. K. Kawaa.

            REV. H. H. PALEKA, Aloha oe. -

Iloko o na la kaa hope ae, ua konohia mai au e ka mea hoino wale e huipu aku iloko oia haawina hookahi, e hoino hala ole aku i ka maluhia o kou inoa, e ka Makua Maikai i mea ino; a ua ike oe, a me na lehulehu a pau i ka awahia launa ole o na hua ino a ke aloha ole a me ka lokoino i hookauia maluna ou e ka Makua, mai ka mea aku nona ka inoa malalo. A ke mihi aku nei au me ke haahaa imua ou i ko'u mea i lawehala ai, a imua hoi o na lani iluna. A ke puana ae nei au me ka mahalo, ua hala ole oe e ka Makua, nolaila, o na hoino ana a a pau i hoopukaia ma ka Hawaii Paeaina i hapala wale ia maluna o kou maluhia a me kou inoa e hoihoi ia mai no ia maluna o'u iho a me ko'u uhane, a na ka mea e kue nei e hooili aku i ko'u kaumaha maluna o ka Mea i Makia ia ma ka laau Kea. A ke noi aku nei ka mea hewa i kou ahonui a me kou lokamaikai e loaa na kala ana mai a oe mai, a pela hoi ka Makua o ka Lani e kala mai ai i ka mea naau kaumaha nei. Ke hoopaa nei au i ko'u alelo aole e hana hou e like me keia, i kekahi mea a mau mea ma neia

hope aku.                     P. K. KAWAA.

            Kahakuloa, Maui. Oct 16, 1879.

            [O ka leta maluna ae, ua hiki mai i ke Keena KUOKOA, a oiai ua hoolaha akea ia na manao o keia makamaka a ua ike ka lehulehu, ua manao makou he mea pono e p@ ia keia mau olelo maluna ae, i pau ai na manao kuhihewa o kahi poe. Ke haawi nei makou i ke aloha piha nona e like me ko makou mau manao no Alawa, me ka manao lana e hoopau ia na manao ino e ulu nei mawaena o kahi poe; a ke manao nei makou aole e nele ko Paleka pane ana i ka makamaka ma ka leta ma na huaolelo lokomaiaki. L. H.]

 

KA MEIA O KAPALAKIKO.

            I loko o ka wa i kohoia iho nei o Dr. Kalloch i Meia no Kapalakiko ma kekahi la, oiai oia ma kona aina kakhiakak, ua hoopiha ia kona puuwai nme ka hauoli nui, a ua haka pono aku kana wahine aloha i kona mau hiona waipahe me ka haohao iloko o kona puuwai palupalu no na kumu o kona piha hauoli, a ninau aku la oia penei: Heaha la ke kumu nui o ka ulumahiehie ana mai o kou hiona i keia kakahiaka? Pane mai la oia penei: Ua piha hauoli au i na manwa a pau no ka noonoo nui i na kumu nui e hiki ai ia'u, ke hookele aku ma ka'u oihana e ku nei i keia manawa. Ke manao nei ao e ala ae mai keia waiho ana i ka nawaliwali a e hoouhi mai i ko'u mau aahu no ka hele ana aku e lawelawe ma ka'u oihana ke hookuu pono mai na Kauka ia'u; aka ua pono no paha ia'u ke hoopanee iki i ko'u manao ana pela no kekahi manawa pokole.

            Ua hilinai nui ko'u mau noonoo ana maluna o ka'u hana e lawelawe ake ai i keia makahiki ae; a aohe he wahi kumu kanalua iki iloko o ko'u mau noonoo ana no ke kupono o ko'u koho ia ana mai nei i Meia no ke kulanakauhale nei. Ua loaa mai ia'u, ka hanohano mamuli o ko na makaainana koho pono ana mai ia'u, a no ia mea, hookahi wale no manao ano nui iliko o ko'u puuwai, oia ka imi ana i na kumu e hoopmaikai aku ai ia lakou ma na mea a pau e pili ana i ka'u oihana.

            He manao lana ko'u e kokua ia mai ana no au e kekahi poe me ka hooholo mua ana ma mea e pomaikai ai. A ke manao lana nei no hoi au, e hooholo mua aku ana no na Luna nui a me na kumu kula i ka lakou oihana imua a i like ole me ko na ano kahiko. Ke manao nei au e kii aku i ka mole o kela a me keia mea e pili ano i ka'u oiahana, a hookahuli ae, i mea e pomaikai ai. Aole a'u mau hoaloha e makana aku ai, aole he mau enemi e hoopai aku ai; aka e noho me ke ano kuokoa a e imi a ka pono o ka lehulehu.

            O keia na olelo i puka mai, mai ka waha mai a Dr. Kolloch i kana wahine a he nui aku na olelo i koe, aka o ke ano nui o kona mau manao, oia no kona paulele ma kana hana i koho ia'i.

 

WATI, WATI, WATI, WATI,!

HE EMI A MA KA MAKEPONO LOA!

He Waihona Nui o na Wati Waltham i hiki mai, A e Kuai ia aku ana no ke Kumukuai Haahaa Loa i E@i iho malalo o ke Kumukuai o na Hale e @e a pau o keia Kulonakau hale a me na Kul@@@k@@@ole e ne a pau o o keia Aupuni.

Eia no hoi na Wati Gula ma na Wati Dala o na Ano a pau, Na Wati Nui me na Wati Liilii, no na Lede a me na Keonima na a me na Kamalii. Owau wale no ka Agena no keia mau Wati no keia Aupuni. He hiki ia'u ke Kuai no ka Hapalua o na Kumukuai ma na Hale e ae.

 

Mai Hele i na Hale e ae,

KAHI E APUHI IA MAI AI OUKOU ME NA OLELO PAHEE.

E Ninau no an Wati Dala maikai a me na Wati Gula Nani Loa, i loaa ole ko lakou like ma

keia mae Pae Moku o Hawaii nei. E nana pono oukou i ka Inoa o ka Hui nana i Hana, a i kuni ia maloko o keia mau Wati.

E Kuai ia aku no ia oukou e na Kanaka Hawaii me ke emi loa i ike ole ia mamua.

 

E NAUE MAI OUKOU I IKE MAKA,

EIA ME A'U KO OUKOU MAU IINI KAHI I MALAMA AI.

E LOAA NO AU IA OUKOU MA KA HUINA O NA ALANUI PAPU ME KALEPA.

                        M. McINERNY,

            931 3m 943                 AGENA NO KEIA AUPUNI.

 

AHA Kiekie o ko Hawaii Pae. Aina, ma ka hooponopono wai wai. Mokupuni o Oahu, Hawaii Pae Aina ss, ma ka waiwai o POUPOU w i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea, ma i ka la eha o Okatoba 1879, ua waihoia mai imua o ka Aha, kekahi palapala i ole, oia oia no ke kauoha hope loa o Poupou w i make aku la; a me ka palapala hoopii e noi ana e hooiaio ia kela palapala kauoha a e hoopuka hoi ka palapala luna hooko ia Kamaalo k ua waiho ia mai e Kamaalo k Nolaila, ua kauoha ia o ka Poaloa oia ka la 28 o Okatoba 1879, ma ka hora 10 am ma ka Kumi hookolokolo oia Aha me A1 iolani Hale ma Honolulu, oia ka la me ka hora e hooiaio ia ai ia palapala kauoha, a e hoolohe hoi no ia noi ana mai a me ka poe a pau i pili e kue ana ia palapala  kauoha, a me ka hoopuka ana i ka palapala luna hooko. A ua kauoha hou ia e hoolaha no ia mea no na pule ekolu, iloko o ka Nupepa Kuokoa, he nupepa i paiia a i hoolaha ia ma Honolulu. A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea i make ma keia Paeaina, e hele mai a e kue i kela palapala kauoha i ka

wa i oleoia.

            Kakauia ma Honolulu, ko Hawaii Pae Aina, Oktaboa 6, 1879.         A. FRANCIS JUDD.

            Ikea:                Lunakanawai o ka Aha Kiekie.

                        A. Rosa, Hope Kakauolelo.    oc11 932 3:

 

AHA Hookolokolo Kiekie o ko Hawaii Pae Aina, ma ka hooponopono waiwai ma ka hana o ka waiwai o JOHN D WATSON o Kaneohe, Oahu i make, ma ke keena imua o ka Lunakanawai Judd. Kauoha o hoolaha i ke noi e apono i na papa hoike, hookuu ana a e mahele i ka waiwai. Ma ka hea me ka waiho ana mai o ka palapala noi a me ka papa o William O. Smith lunahooponopono De bo@ is non o ka John D. Watson no Kaneohe, Oahu i make, e no ano ia ua hoohio he $463 12, a e hoike ana o na mea i loaa @@ lala he $695 15 a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua

kauoha ia o ka Poalua ka la 4 o Novemaba 1879, ma ka hora 10 o kakahiaka imua o na Lunakanawai la, ma ke keena ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike i oleoia, a o ka poe a pau i pili malaila e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii a me ka olelo Beretania, e pai la maloko o ke Kuokoa a me ka Pacific Commercial Advertiser he mau nupepa i pai a hoolaha ia ma Honolulu i ekolu pule mamua ae o ka manawa i oleloia no ka hoolohe ana.

            Kakau ia ma Honolulu, ko Hawaii Pae Aina i keia la 1 o Oktoba 1879.                    A. FRANCIS JUDD,

            Ikea:                Lunakanawai o ka Aha Kiekie.

  oc11 932 3:  A. Koaa, Hope Kakauolelo o ka hja Kiekie.

 

OLELO HOOLAHA.

E MANAO ana o MR, CLAUS SPRECKLES o Kaleponi, e hana i auwai nui ma ka mokupuni o Maui' no ka hookahekahe wai maluna o na mea kanu. O ka mea a wau mea paha e makemake ana e eli i elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kuhita, a i ole ia ma ka heluna o na kapuai loa o ka auwai i @@ia; ke noi ia 'ku nei lakou e ninau ia H. Schussler ma Haiku, Maui, a i ole ia William G. Irwin & Co., ma Honolulu, a e loaa ia lakou na hoakaka kupono.             CLAUS SPRECKLES,

            885 tf              H. SCHUSSLER.

 

Olelo Hooalha.

KE papa ia nei na poe a pau, aole e kii wale i na wahie mauka o Waipio. Aia a hele mua ua Sam. Kiwaha, a uku iaia i Elima Dala no ka paha ka@ alaila pono.

                        A. F. JUDD.Kahu no Kahalelaukoa.

            Honolulu, Oct 9, 1879.                       932-@:

 

HOOLAHA I KA POE AIE.

WILLIAM JOSEPH RAWLINS, i make.

            O na mea a pau he kuleana kah@ o lakou i ka waiwai o WILLIAM JOSEPH RAWLINS, no Palama. Honolulu, he hana kopa, i make, ina ua hoopaa ia ma ka mo@aki a ano e ke paha, ke kauoha ia'ku nei e waiho ae me ka hoolelo po ia imua o Rev. A. Macintosh a me William B Barnes, na lunahooponopono i hai ia ma ka hooilina o ka mea i make, ma ke keena o William B. Barnes, na lunahooponopono i hai mua ia'e la, hela 29 alanui Papu, maloko o ke kulanakauhale o Honolulu nei, maloko mai o eono mahina mai ka la e puka mua ai keia hoohaha, e hoole loa la lakou. A o ka poe a pau i aie ia waiwai e uku koke mai ka @@kaila oie.

                        EDWARD PRESTON,

                        Lo o no na Lunahooponopono .

            Kakaula i keia la 3 o Oktoba, 1879.                oc11-@@

 

$100 MAKANA $100

Keena Oihana o ka Lolo Kuhina,

Honolulu, Sept 26, 1879.

E HAAWAIIA ana Hookahi Haneri D@ a Makana, i ka mea nana e hoike mai i na hoike e hi@i ai ke hoohewaia ma ke kunawai ka mea a mae mea paha nana i ho-a i ke ahi i ka hale o ka Hon. T, Martin, ma W@lohinu, Kau, Hawaii. E hiki ke hoike mai i ka Makai Nui o ka makupuni o Hawaii, ka Hope Hamaku a i ole i kekahi @o@@ Makai Nui.

931 4:

 

C. C. Coleman.

Amara a he Mea Hana Mekini,

Kapili Kapuai Hao Lio

A ME KA

Hana ana i na Kaa Lio, &c., Hule Hana ma Alanui Alii, e kokoke la i

            905      ke Alanui Papu.           tf

 

JAMES M. MONSARRAT.

[MAUNAKEA.]

LOIO!   LOIO!

UA hoi mai nei oia mai Amerika mai, a e lawelawe ana ma ka Oahana Loio imua o na

Aha. Hookolokolo a pau o keia Aupuni. E loaa no oia i ka lehulehu ma ka hale hana o

Kimo Pelekane, ma Alanui Moiwahine, Honolulu.    nu30 926 1y

 

RICHARD F. BICKERTON,

[PEKETONA.]

LOIO a he KOKUA ma ke KANAWAI

E HELE ANA @@A IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma nu Mokupuni e ae.

            Ua makaukau mau oia i ka hana ana i na Palapala pili kanawai o kela a me keia ano.

            Ua hiki no hoi iaia ke hoaie dala aku ma ka mo@aki ana ina, aina, ma ka ukupanee haahaa loa.

            E hanaia na hana me ka hikiwawe a ma ka uku haahaa.

            Keena hana, Helu 23 Alanui Kalepa, elua puka ma o aku o,

ke hale kauka o Kauka Minuteole.      840 1y

 

JNO. LOTA KAULUKOU.

LOIO A HE KOKUA.

UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa.         901tf

 

J. W. M. POOHEA.

He Loio a ha Kokua ma ke Kanawai.

No na kanaka a pau imua o ka Aha Apana a hiki imu o ka Aha Kaapuni ma ke keena no ka Mokupuni o Molokai; a ha Agena Hooiaio Palapala Kepa no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o "Kalauonaona," ma Wawaia, a i ole ia, ma ka Halehookolokolo ma Pukoo.

895 1y Jan 25.

 

ASA KAULIA.

Loio a he Kokua ma ke Kanawai.

UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31; a e hooko ia

na kauoha mai na wahi a pau o ka mokupuni me ka eleu a me ka hikiwawe.

885 1y no16

 

S. AUKAI.

LOIO!   LOIO!!

 

UA ae ia mai oia e lawelawe ma ka Oihana Loio imua o na Aha Kekau Ole o ka mokupuni

o Oahu.           898 1y

 

HENRY N. KAHULU

Loio a he Kokua ma ke Kanawai.

UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole.

885 1y no16

 

Amara.

OWAU o Akamu pake, ua makaukau au e hana ma na mea hao a pau @a. Na Mekini Humuhumu, na Laka Pahu i poloke, na Pu, na Kepa. Hele a me na kapuai lio me

ka uhu oluolu loa. He 7@ keneta ka uku no na wawae mua a h- @1.50 no na wawae a pau. E hana no au me ka ehu a me ka @ikioi loa, a he oluolu loa no hoi ka uku hana. E loaa no ko'i hale hana ma @i@nui Maunakea, helu 10 makai iho o ka uapo a Kamika ma ka aoao ma Ewa. 938 @@