Ka Nupepa Kuokoa, Volume XVIII, Number 42, 18 October 1879 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

I H@HA

No ka Makahiki, $2.  Eono Mahina, $1.

Dala Kuike ka P@

 

POAONO, OKATOBA, 18, 1879.

AHAHUI ETANELIO.

 

E halawai ana k@ Ahahoi Lunakahiko o na mokopuni o Maui, ma ka luakini o Kaahumanu Wailuku Maua, ma ka Poalua elua o Novemaba M. H. 1879.

            Nolaila ke paipai ia aku nei na iala a pau loa o keia Aha, e hele nui mai, na kahu na Lunakahiko, a me na lala mau.

            A ke paipai p@ ia aku nei na ekalesia a pau e mak@la, e koho i mau Lunakahiko kup@n@, e noho mai iloko e keia Aha, mai koho i ka poe elemakule hiamoe, a ane hawawa; a ke paipai pu ia aku nei na ekalesia kahu ole, e hoouna mai i elele iloko o keia Aha.  Ia oukou a pau, mai noho aku kekahi i na he pilikia no na hana ki@o e waiho ia, i na no ka mai e noho, a me na pilikia ano like.

            O. NAWAHINE, Kakauolelo o ka Aha.  Waihee Oct. 10, 1879.

 

Sweet Child, look up.

 

Gospel Echoes, p—52.

1

Nana kuu keiki makamae,

Nana i na hoku

I alohi nani maluna ’e,

Na lama o ka po.

Cho. Nana – nana –

Ka nani o k@ Akua nei.

Nana! nana!

Ka nani lailai e.

2

E nana i na kahawai,

Na kula uli nei,

Me na moana laula e,

Na mauna me na kai.

Cho. Nana, &c

3

Ke ninau nei, nohea mai?

Nawai i hana e?

Na hoku ao, nawai i kau,

A hana i na kai?

Cho. Nana, &c

4

Ke Akua mana oia mau.

Na ia la i hana’e

Na wai, na aina, na hoku

Na keiki makamae.

Cho. Nana, &c

5

Nolaila, e na kamalii,

E hoomanao oukou

I ke Akua mana e,

I ko oukou wa hou.

Cho. Nana, &c—

HAWAII.

 

Kaawina Kula Sabati.

HELU 5, SABATI NOV. 2, 1879.

 

KUMUHANA.

Ke Kumu Hoohalike Hemolele. Pauku Baibala. 1 Pet. 2:19—25.

 

            19 No ka mea, eia kai ku i ka pono, ina no ka manao i ke Akua, e hoomanawanui ai kekahi i ke kaumaha no ka hooluhi hewa ia.

            20 Auhea hoi ka mahaloia mai, ke hoomanawanui oukou i ke kuiia mai no ko oukou mau hewa iho?  Aka, ina e hoino ia mai oukou, no ka oukou hana maikai ana, a hoomanawanui oukou, oia ka pono i ke Akua.

            21 No keia mea, i heaia mai oukou: no ka mea, ua hoinoia o Kristo no kakou, a ua waiho oia no oukou i kumu hana, i hahai aku ai oukou ma kona mau kapuai;

            22 Ka mea i hana hewa ole, aole hoi i ikeia ka apaapa ma kona waha.

            23 Aia kuamuamuia mai oia, aole ia i kuamuamu hou aku; a i kona hoehaia, aloe ia i olelo hooweliweli aku; aka, haawi aku oia iaia iho i ka mea nana e hoopai mai ma ka pololei.

            24 Nana iho no i hali i ko kakou hewa ma kona kino iho maluna o ka laau, i make ai kakou i ka hewa, e ola ai i ka pono; ua hoolaia hoi oukou e kona mau palapu.

            25 No ka mea, ua like oukou me na hipa e hele hewa ana; aka, ua hoihoiia mai nei oukou i ke Kahuhipa, a me ka Lunakiai o ko oukou mau uhane.

Pauku Gula p 22 hoopaanaau.

Pauku Heluhelu L@

1 Mat 10:21 – 39. 2 II Kor. 11:21 – 33. 3 Mat 26:36 – 57. 4 Mat 4:1 – 11. 5 Mat 26:57 – 68. 6 Luk 23:33 – 47. 7 Io 10:1 – 18.

Mele. “Sabati Oli.” Lei Alii p 32.

Pule i lilo ai ke Sabati i la e oli ai kakou.

Ka Wehewehe me ka Ninau ana.

            Petero, he haumana ia na Iesu, he Aposetola, he Lunaolelo.  Nana i kakau i keia Episetole i ka poe i hoopuehuia, a e noho malihini ana mahea?  Mok 1:1. Aia mahea ia mau wahi?  Owai hoi ia poe?  Ma ka nana ana ma na mea i kakau ia, kekahi hapa he poe Iudaio ia i lilo i poe Karistiano.  A o kekahi hapa, he poe hoomanakii ia a lilo e poe hoomana ia Iehova, a i poe haumana na Iesu.  Ua pili nae keia Episetole ia kakou, a i ka poe pono ma na wahi a pau, a ma na manawa a pau.

            Kahi i kakau ia ai, Babulona, Mok 5:13.

            Ka manawa i kakau ia ai, mawaena o 60 – 67 AD.  I akaka na mea i kakauia, e heluhelu oukou i keia mau Episetole elua.

            Ka Haawina o keia pule, oia ka hapa hope o ka Mok 2 o Pet 1.

            Ke kumuhana, Iesu ke kumu hoohalike hemolele.  A pono ia kakou ke hoohalike l@a @e ia, ma na mea a pau e hiki ai ke ho@ha ike.  Heaha na mea hiki ole ke hoohalikeia?  Kana mau haoa mana peha  Hiki anei ia kakaou ke hoala i ka poe make?  Hiki anei ke hoop@u koke i ka makani me ka @a?  Hiki @nei ke hoop@u koke i ka mai lepera?  Hiki anei ke ike pono i na mea e hiki mai ana?  Hiki anei ke hana i kekahi mea nolo@o o ka ole?  Ma na mea aha e hooha@ike ai me I@su?

            P 19 Ina hookaumaha ia, hooluhihewa ia no ka manao i ke Akua, no ka malama i ke Akua hoolei ia iloko o ka halepaahao no ka malama ia Iesu, ma ke aha e hoohalike ai me Iesu?  A ku ia i ke aha ke hoomanawanui?  I ka pono, i ka mahaloia ea.

            P 20 A pehea ke kui ia, ke hana ino ia; olelo ino ia no na hewa?  Mahaloia anei ka hoomanawanui ana?  Ina hana ino ia nae no ka hana maikai, a hoomanawanui oe, oia ke aha?  Kupono ia a ka mahaloia e ke Akua.  Mat 5:10.

            P 21 U@ aha ia oukou?  Ua hea ia e aha?  Mat 16:24.  E hahai mamuli o Iesu iwaena o na hana ino ia ana.  Ua aha ia Iesu no kakou?  A waiho mai i kumu aha na kakou?  I aha kakou?  Ke hahai nei anei kakou ma ko Iesu mau kapuai?  Hahai uuku, aole paha i piha.

            P 22 Owai kai hewa ole?  A ike ole ia ke aha ma kona waha?  Owai ka Iesu i olelo ai aohe he hoopunipuni iloko ona?  Pehea ko oukou mau waha?  Maemae anei?  Ka haka, ka apaapa, ma ke aha ka like ole?

            P 23 Aia a kuamuamuia Iesu, pehea oia?  Isa 53:7.  Mat 27:39.  Io 8:48, 49.  Heb 12:3.  P@la anei oukou ke kuamuamu ia, aole kuamuamu aku?  A hoehaia Iesu, aole oia i aha?  A pepehiia oukou, aole anei oukou i olelo hooweliweli aku, e hoopii ana @u ia oe i ka lunakanawai?  A pehea?  Pono anei ke ae e pepehi wale ia me ka hoopii ole i ke kanawai?  Aole.  E noonoo pono.  Pono ke hoopii ia kekahi mau hana ino nui.  Aole he mea ole ka ke ’lii @awe ana i ka pahikaua.  Nana Roma 13:4.  Ua haawi aku Iesu iaia iho ia wai nana e hoopai ma ka pololei?  Heaha ka Paulo ma Roma 12:17, 19 – 21.  Heaha ka Iesu olelo ma Mat 5:39.  Nawai e hoopai ma ka pololei?  Ahea?

            P 24 Heaha ka Iesu i hali ai ma kona kino ma ke kea?  Make oia i Kalahaia no ka poe mihi a manaoio iaia.  Heaha ko lakou pono?  E make i ka hewa.  E hookaawale i ka hewa.  E ola i ka pono.  E hana ma ka pono.  Nana Roma 6:2, 11.  7:6.  Ma ke aha kakou e ola ai?  Ma ko Iesu make mainoino ana ma ke kea ke hoopili aku me ka malama iaia, me ka hoohalike ana me ia.  Isa 53:5.

            P 25 Ua like kakou me ke aha?  Isa 53:6.  Nawai i kii a hoihoi?  Heaha hoi Iesu?  Io 10:11, 14 16.  Heb 13 20.

            Nui na hope kahu, hope luna kiai, na kuhunapule, na kumu Kula Sabati, na mea pakahi a pau.  E hoohalike me Iesu, e hanai pono, e kini pono, e kii a hoihoi i ka poe auwana maanei, ma na aina e.

            Mele “No Iesu au a mau.”  Lei Alii p 34.

            Pule no na aina e &c.

            Haawina no Nov. 9, 1 Io 1:1 – 10.

 

NO KA HOIKE IUBILE.

            Mahele V.  Ka moolelo o Iesu mai Mataio o Ioane.  Ehiku mahele liilii.

            1 Ko Iesu hanau ana, me kona wa opio, Imi i na mea e pili ana ilaila.

            2 Kona lawe ana i ka oihana.  Imi i na mea e pili ana ilaila.  Ka bapetizo ia ana, ka hoowalewale ia ana, ke koho ana i na haumana.

            3 Na haiolelo ana, ma Mat 4:17.  Mat 5 – 7:10, 11, 13 &c.

            4 Na hana aloha, Mat 4:23, 24 &c.

            5 Na hana mana.  Imi i 7 hana mana ma Ioane Mok 2 ka mua.

            6 Kana wau wanana.  Ma Mat 5:18 ka mua, ma Oih 1:4 – 5 ka hope.

            7 Ka make me ke ala hou ana.  Imi i na mea e pili ana ilaila.  Ka hopu ia ana ka mua, ka pii ana i ka lani ka hope.

            Imi i na hiku ma keia mahele, e pili ana i na daimonio, i na kala ana, i na kane mare, i na popo barena, i na hinai mamala.  Imi i 7 wahine maikai, 5 wahine na@uao, 5 wahine naaupo, i hookahi wahine kaulana no kona kokua, kekahi wahine kaulana no kona manaoio nona iho.  Kekahi wahine no kahi e i kaulana no kona manaoio no kana kaikamahine.

 

Moolelo o ka Ahahui Euanelio o Hawaii Komohana.

 

 

            La hana 1.  Poakolu la 3 o Sepatemaba A D 1879.  Halawai ka Ahahui Euanelio o Hawaii Komohana ma Waiohinu, Kau i ka la 3@5 o Sepatemaba A D 1879 hora 10 o ke kakahiaka.

Ekalesia           Kahu   Elele

Hamakuahikina

“          Waena             Kamalimali

            Komohana

Kohala Akau   Rev E Bond    Kilauea

“          Komohana       S C Luhiau      Kaili

“          Hema

“          Waimea

            Kekaha

Kailua & Helani

Konawaena     S W Makaike  Kaiwi

Kealakekua                                         S W Papaula

Pukaana           G W W@iau, haiolelo             Kakelaka

Kapalilua         S Makahiki, haiolelo               J Nakea

Waiohinu         J Kauhane, Kahu kuikawa Kaelemakule; balota ana i mau Inna no ka aha, koho ia o Rev J Kauhane i Lunahoomalu o S W Papaule i K@kauolelo, koho ka Lunahoomalu i mau komite imihana oia o E Bond, S C Luhiau, G W Waiau, hoike mai ke komite imihana i @a kumu manao.  1 hapalua hora haipule, 2 hoike kihapai, 3 heluhelu haawina, 4 palap@l@ hoopii, 5 hoike Ku@a Sabati, 6 Kula kaikamahine, 7 na pake aponoia, ka hoike a ke komite noi @ mai o ke komo @anao 1, ma ka @a apopo e hoomaka ai, apo@oia.

            Noi ia mai e lilo o Makahiki me na hoahanau i mau hoa kuka aponoia.

            Hapai ia ke kumu manao 2 hoike kihapai na ke kakauolelo i heluhelu mai i ka hoike kihapai o Hamakuawaena me Hamakuakomohana me Waimea a me Kekah@.

            Na S C Luhiau i heluhelu mai no ke kihapai o Kohala Hema a me Kohala Komohana.

            Na E Bond i heluhelu mai no ke kihapai o Kohala Akau.

            Na S W Makaike i heluhelu mai no ke kihapai o Kealakekua.

            Na G W Waiau i heluhelu mai no ke kihapai o Pukaana.

            Na J Nakea i heluhelu mai no ke kihapai o Kapalilua.

            Na J Kauhane i heluhelu mai no ke kihapai o Waiohinu.

            Noi ia mai e hoomaha ka aha i 1 hora pule o E Bond.

            Hoi mai ka aha i ka pau ana o ka hora hoomaha, pule ke kakauolelo.

            Hapai ia ka heluhelu haawina.

            Na ke kakauolelo i heluhelu mai i ka haawina a L Laiana, Ikaboda I Samuela 4;21.

            Noi ia mai e hooponopono hou o Laiana a uuku iki mai, alaila, hoouna e pai ma ka “Nupepa Kuokoa” aponoia.

            Na S C Luhiau i heluhelu mai i kona haawina o ke Aupuni o ka Haku imua paha i hope paha.

            Na E Bond i heluhelu mai i kona haawina na Ouli o ka manawa.  Noi ia mai e hoihoi hou ia E Bond i makaukau loa alaila hoouna aku e pai ia ma ka “Nupepa Kuokoa” aponoia.

            Hapai ia na palapala hoopii, a hoike ia mai he olelo hooholo penei.

            Hooholoia.  No ka ike o keia aha aole i loaa mai kekahi Palapala mai ka ekalesia o Pukaana mai e noi mai ana ia G W Waiau, nolaila ke manao nei keia aha e hoomau aku no i kona noho haiolelo ana no ka ekalesia o Pukaana a hiki i ka halawai hou ana o keia aha ma Maraki Poakolu mua o ka A D 1880 aponoia.

            Noi ia mai a hoopanee keia aha a halawai hou ma ka la apopo hora 10 aponoia pule o S C Luhiau.

            La hana 2.  Poalima Sepatemabe 5 A D 1879.  Halawai hou ka aha i ka hora i hoopanee ia; Lunahoomalu ma ka noho, haipule ka aha hapalua hora, kahea ia ka inoa o na lala o ka aha, heluhelu ia ka moolelo o ka aha aponoia.  Hapai ia ke koen@ o na hoike kihapai, heluhelu mai ke kakauolelo i ka hoike kihapai o Hamakuahikina.

            Hapai i ke kumu manao 5 hoike Kula Sabati kuka nui ka aha a hoop@nee loa ia no ka makaukau ole o Waiohinu no ia hana maikai.

            Noi ia mai e hoopuka ke kakauolelo ma ka Nupepa o ka hoike Kula Sabati kekahi mea nui e hoike pu ia ma kahi e halawai ai keia aha aponoia.

            Hapai ia ke kumu manao 6, ke Kula kaikamahine, kuka ka aha no keia mea a eia ka mea i hooholoia.

            Hooholoia.  Ma ka manao o keia Aha.  O kela kahu keia kahu a haiolelo a mau lala o keia Aha.  Ke paipai ikaika aku nei keia Aha ia lakou e huli koke i mau kaikamahine, a hoouna aku i ke kuia kaikamahine ma Kohala i ka malama @ Januari A D 1880 aponoia.

            Noi ia mai ka palapala kahea kahu a ka ekalesia o Waiohinu ia J Kauhane i kahu no lakou.  Na ke kakauolelo i heluhelu mai ina palapala elua ka ka ekalesia me ka J. Kauhane, a ua koho ia i komite me ka apono ana ia mau palapala.  Oia o E Bond, S C Luhiou, G W Waiau, a hoi ke komite a hoike mai imua o ka Aha penei.  I ka noonoo ana o ko oukou komite i ke kahea o ka ekalesia o Waiohinu nei ia Rev. J Kauhane i kahu no lakou, a me ka palapala ae a Rev. J Kauhane ia kahea ana, ua maopopo no ia lakou he mea ia e pono nui ai ke aupuni o ka Haku ma keia wahi.  A nolaila ke noi aku nei ko oukou komite i keia Aha Euanelio e hooko i keia hana ma keia Sabati ae penei.

            1. Pule wehe a me ka himeni mua ia Waiau.  2 Pule alua, a me ka himeni alua ia S W Makaike.  3 Pule hoonoho ia S W Papaula.  4 Lima akau aloha ia S C Luhiau 5 Olelo ao i ka ekalesia ia E Bond.  6 Pule hook@u ia J Kauhane, aponoia ka hoike a ke komite.

            Noi ia mai e hoomaha ka Aha 1 hora, aponoia, pule o Luhiau.

            Hapai ia ka noonoo ana no kahi e halawai hou ai keia Aha.  Ma ka manao lokahi a na ekalesia o keia Aha ma Hamakua Hikina ma Paauhau, ma ka Poakahi mua o Maraki A D 1880, hora 10 o ke kakahiaka, aponoia.

            Hap@i ia ke komite o na ekalesia kahu ole e hoomau aku no ia S W Papaula @ komite aponoia.  A o S C Luhiau hoi e like me keia olelo hooholo.  Hooholoia.  Ke ae aku nei keia aha me ka hauoli i ko Rev. S C Luhiau hele pinepine ana, alikealike o kona mau Sabati a pau, e hai i ka olelo a ke Akua ma Kohala Hema, a e a@akai i ko laila poe hoahanau iloko o ke ala o ke ola mau.

            Hapai ia ke kumu manao, ka maluhia o ke Sabati, a kuka nui ka aha.  Eia ka mea kupono e ao mua kakou ia kakou iho a malaila ka hoomaka ana e maluhia ka @a Sabati.

            Hapai ia ke kumu manao 7.  Na Pake, kuka nui ka aha no keia kumu manao.  Aole mea i hoolohoia.  Noi ia mai e pai ia ma ka nupepa KUOKOA ka moolelo o keia aha aponoia.

            Olelo Hooholo Hooholoia.  Ke mahalo aku nei keia Aha ina kamaaina o ka ekalesia o Waiohinu nei no ko lakou malama pono ana mai @ na @ o keia aha m@ na mea o @e kino.

            E malama @a ka h@bedoma o Januari 1880 @ pule Hoomau @ me ka Po@ha hope o Januari @ la pule no na kula a pau.

KA HAAWINA O NA LALA O KA AHA NO MARAKI 1880.

            J Kauhane.  Aia mahea e loaa ai n@ k@hu a l@wa na ekalesia Hawaii ma n@ia hope aku?

            G W Waiau.  E ola ana e make ana paha na ekalesia Hawaii?

            S W Makaike.  Heaha la ka waiwai o ka pule?

            S W Papaula.  Hiki anei ia kakou na Haip@le ke hoopuka koke mai i ke aupuni o ka Haku?  Hiki ole anei?

            J Waiamau.  Ikea anei kekahi mau hoailona o ko Iesu hiki koke ana mai i ka honua nei?  A i na pela, heaha la kekahi o ua mau hoailona nei?

            S C Luhiau.  Waiwai anei na ekalesia i keia Aha Euanelio?  Aole anei?

            E Bond.  No ouli e ka manawa.

            Kalai.  Heaha ka Milenio?  Ahea ia a hiki mai ianei?

            Kiniakua.  Keakea anei ka Pono i ka malama maikai ana ina hana kino e like me ke kuhihewa o kekahi poe?

            Noi ia mai e hoopanee keia aha a halawai hou ma Hamakua Hikina P@auhau, i ka Poakolu mua o Maraki A D 1880.  Hora 10 o ke kakahiaka, himeni ia ka himeni 572, pule o Rev. E Bond.

                        S. W. PAPAULA.  Kakauolelo.

            Napoopoo.  S. Kona Sepatemaba, 23 1878.

 

Halawai Pake ma Maui.

 

            Ma ka la 1 o Sepatemaba, ua bapetizo ia ina Paliuli, Hamakuapoko, Maui, he 18 mau pake e lilo i mau hoahanau no Iesu Karisto, e ke kahunapule o Makawao.  Ua wehe ia na hana oia la me ka himeni a me ka pule ana a Fan pake; a pau ia he haiolelo haole na ua kahunapule la i unuhi ia a Fan ma ka olelo pake.  Mahope iho o keia, ua bapetizo ia ua poe la a pau a o ka hopena he mau olelo paipai na ka makua Alek@nekelo ma ka olelo haole, a na ua pake la no i unuhi ma ka olelo pake.

            O ka mea kupaianaha o ka hele ole mai o na kanaka Hawaii e launa pu me keia mau hipa hou, he ekolu wale no makua i hiki mai ma keia halawai, a he ekolu haole; a o ka pake ka hapa nui.  He mea hou loa keia ma keia wahi a oia ka’u e olelo ae nei, aole e hiolo ka oiaio o ke Akua i ka poe hoomaloka.  Me ke aloha nui nou e Paleka a me no hoahanau o ka Ekalesia o Kawaiahao a pau loa.                     Owau no o Moo.

            Paliuli, Hamakuapoko, Maui.

 

MAHALO IA S. MAKAHIKI.

 

            I ka Lunahooponopono ko’u welina aloha, a me na li@a lawelawe o na kulamu ka mahalo.

            Ke ala nui nei ka ekalesia o Kapalilua i keia mau mahina ekolu a me elua pule.  No ka ikaika o ka haiolelo ana.  He kamalii kona helehelena, he kanaka makua nae kana ao ana ma ka oihana Laa a ka Haku.  He hiki iaia ke hele ma ka lio a hele wawae ma kahi loihi, he mikiala i kela a me keia ahiahi i na hale o ka poe palaka a hiamoe mau.  A ua eu mai lakou me ka naau i piha i ka hauoli no ka pono, a ua hapai ae kela i ka aha luna a me na hoahanau o kekahi hapa o ka ekalesia o Kapalilua i halepule Pili a ua paa no ka pule hookahi me ka lohi ole.  A eia oia ke kukilakila nei i ka lihi kai o Milolii a he mahalo piha ana keia a Hipa i ko lakou haiolelo hou, a e hoi aku ana i ke kula Kahunapule.    Me ka mahalo.

                        J. D. B. KUAKAHELA.

Honomalino. Kona Hema Haw. Oct 2 1879.

 

HE MAKANA NA KE KULA SABATI

O KAWAIAHAO I KE KULA

SABATI O KA LAULA

O KAPAA, KAUAI.

 

E KA NUPEPA KUOKOA E: Aloha oe: –

            E oluolu oe a @e kou hookele e hookomo iho i keia mea e waiho ia aku nei imua ou, a nau hoi ia e terepone aku ma na wahi au e kipa aku ai.

            Ma ka lokomaikai piha o ke Kahu Ekalesia, Kahu Kula Sabati, a me no hoa kumu Kula Sabati o Kawaiahao i ka manawalea ana mai i mau buke himeni “Ka Lei Alii” i ke Kula Sabati o ka Laula o Kapaa; no lakou na inoa mahalo iho nei.

            Rev. H. H. Pareka, S. B. Dole, (K K S;) Miss. E. K. Bingham, Miss. Emma K. Napoliana, Miss. Hattie Haina, Mrs. Kaleiokamoku Anahu, J. H. Kaumialii, Stephen Lanhern, D. Manuia, S. Aukai, M. Keliaa Makaike, J. Halawale.

            Nolaila, o makou o ke anaina Kula Sabati holookoa o k@ Laula o Kapaa nei, ke haawi aku nei makou i ko makou mahalo piha i na poe no lakou na inoa maluna ae nei, a me k@ Kula Sabati makua o Kawaiahao i ka ike ana mai i kana mau keiki e noho ana iloko o ka ilihune, a me ka nele i na haawina Hoolea, a Hoonani a Hosana i ka Haku o na Haku, oia hoi ka “Haku Iesu Kristo.”

            A ma k@ oukou manawalea aloha ana mai ia makou i keia mau buke mele; ua lilo ia mau makana a oukou ia makou i mea poina ole i keia mua aku.

            Nolaila, ma o ko makou komite ke haawi piha a@u nei makou i ko makou mahalo, a aloha hoi i na hoa a pau iloko o ka Haku o ke anaina Kula Sab@ti holookoa o Kawaiahao.  Me ka mahalo.

Komite                        DAVID KEAWEAMAHI.

                                    J. M. KEALOAA

                                    JAMES H. KAIWI

Laula o Kapaa, Sept. 29 1879.

OLELO HOOLAHA.

 

KAKELA a me HAKI.

O KAKELA OPIO A ME F. M. HATCH.

@ ka @ L@

@ Aha

H@m@a @ @ua pi’i @

@ P@ S@

@ P@

@

                        W. @ Luna H@ K@

@ Dillingham & Co.

H@                 @

 

ALFRED S. HARTWELL,

[HAKAWELA.]

LOIO a he KOKUA ma ke KANAWAI!

Aia kona Keena Oihana maluna ae o ka Hale Kuai Buke @ Wini me Robikana.

@67 tf

 

CECIL BROWN.

LOIO A HE KOKUA MA KE KANAWAI

A HE AGENA no ka Ho@ @ Palapala no ka Makap@ @ Oahu

Heia @ Kaahum@ H@ H. P. A. @

 

S. W. MAHELONA

HE LOIO!  HE KOKUA A HE PALE

ma ke Kanawai.

Ua makaukau @ me @

lua @ i na @ a pau @ k@ a me keia @ o na

Aha Hookolokolo a pau o keia aupuni.  Ua hiki no @e

kakau i na p@ a pau e pili ana i @ Oihana L@

@ au ma ko’u ha@ mau@ Kawaiahao, @

@ ke k@ o ka Aha Hoomalu a me ka Aha

Kiekie ma Honolulu nei.  O ka poe @make @, he

oluolu ka @k@panee.                         @

 

TIMOTHY KALAEONE.

He Loio a he Pale ma ke Kanawai.

Imua o ka Aha Hookolokolo Apana o Kawaihau.  Mokupuni o Kauai. A he Agena hoi no ka hooiaio ana i na Palapala Kepa no ia Apana.  E loaa no au ma Anahola, a i ole ma Waiakalua, Koolau, Kauai.  E makaala no au i na kauoha me ka eleu loa.

895 ly Jan. 25.

 

E. LILILEHUA.

Loio a he Kokua ma ke Kanawai!

Imua o na Aha Apana a Hoomalu o ka mokupuni o Oahu.  E hanaia me ka eleu loa.  E loaa no au ma Wehekealaula, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu.            898 ly

 

PRINCE’S OWN CORPS

E NANA!  E NANA MAI I KEIA!!

 

KE kauoha ia aku nei na Hoa a pau o ka Puali Koa Pualu o ka PRINCE’S OWN CORPS o Honolulu; ka poe i kakau ole i ko lakou mau inoa malalo o ke Kumukanawai Hou o ka Puali, e hele nui ae i ka po o ka Poakahi, la 11 a me ka po o ka Poakolu la 13 o keia mahina o Augate, a me na mahina o Sepatemaba a me Okatoba iloko o na po halawai a me na po paikau o ka Puali, e kakau ai i ko lakou mau inoa maloko o ka Buke Kumukanawai a me na Rula, i ohi ole ia ai ko lakou mau auhau e ka Luna Auhau i ka la 1 o Novemaba e hiki mai ana.

O ka nui o na Hoa a pau o ka puali i keia wa, he Hookahi Haneri me Kanahakumamaha, 144, a he ekolu Komepane.

Ko Komepane A, he 63 poe Hoa.

“    B,    47      “

“    C,    34      “

Komepane A i kakau ino 43.

“     B    “        44.

“     C    “        23.

 

NA HOA O KE KOMEPANE A I KAKAU INOA.

1 KALAKAUA, Mekia.

2 C. P. Iaukea, Akukana.

3 Dr. Cummi@s, Kauka.

4 Antone Rosa, Kapena

5 J. Hamauku, Lukanela 1

6 Hoa Ulukou, Lukanela 2

7 B. W. K@wainui Sub. Lukanela

8 J. Iniha, Kakiana 1

9 Kahalewai, Kakiana 2

10 Hookanu, Kakiana 4

11 F. Archer, Kopala 1

12 J. Wana, Kopala 2

13 Lutela, Kakiana paahae

 

Na Koa – Kauha, Alohikea, Mokuaikona, Kekuhaupio, Koea, Pololeikaihu, Hinaaulani, Kahahawai, Keawe, Mahaulu, Aiamanu, A. Kahai, Mana, Panaewa, Kupa, Kuahau, Kikoo Liwai, Kanelawaia, Ahiena, K@alau, Kua, Kiliona, Kane, Kailiehu, Kealohapauole, Hosea, Lonoakai Kakiana 3; Haaheo, John Wana, Ke@i@iweuweu.

 

NA HOA O KE KOMEPANE A I KAKAU OLE.

 

Kealoha, Kakiana Puuku; Punini Kopala 3; Piikoi, Kane, Keaweamahi, Kalei, Kahiwalaui Hookani Pahu.  Na Koa, Henry John, Solomona, Pauoahu, Kanekamoa, Keawe, Keliihanaiho, Wahanui, Kuuh@ne, Kukahoe, Meheula, Kanei Ko@a, Kewikikona, Kuhue, Hoomiha.

 

NA HOA O KE KOMEPANE B 1 KAKAU INOA

 

Kaaha, Kapena; Kaiaiki, Lukanela 1; Naaimulea, Lukanela 2; Kaulahiwa, Kakiana 1; W. Wana, Kakiana 3 Poni, K@pala 1.  Na Koa – Kawai, Makani, Kalola, Auwae.  Naihe, Kahale, Kaai I, Maukoli.  Kopa, Waolani.  Lono, Kalakiele, Kaniho, Hosea, Kakalia, Kealaau, Opeka, Hilauea, Kuhia, J. Palau, S. Silva, Kaaihue, Mu, Kanakaole, Opulauoho, Naeole, Palau II, Haaheo, Hose, Kealoha, Hamaia, Kalolo, Keamopohaku.

 

NA HOA O KE KOMEPANE B I KAKAU OLE.

 

Kiwini, Keawenui, Kaai II, Kuaiwa, Kahoa, F. Hervey, Kahiona.

 

NA HOA O KE KOMEPANE C I KAKAU INOA.

 

J. H. Boyd, Kapena; A. Panee, Lutanela 1; I. Levi, Lutanela 2; Solomon, Kakiana 2; W. Reuter, H. Reuter, Jeseph, J. Kaanaana George Kawai, G. Shaw.  Aarona.  Kapihe. Solomon Hiram, S. Kuula.  Ke@inohokaha, Kalehua, Kahulia.  Poh@no Kakiana I, Kaina, Kahaialii, Moses Kahu@anui.  D. Keliikoa.

 

NA HOA O KE KOMEPANE C 1 KAKAU OLE

 

S. Kaaikaula, R. Burn, J. Kaiwi, S. Lenhern, Moses Hiram, Kahaka.  G. K@a, Koma, S. Kahikina, D. Keal@hou.

            Ke hoakaka ia aku nei i na hoa i kakau ole i ko lakou mau inoa, ina aole lakou e hoopaa i ko lakou mau inoa ma ke Kumukanawai o ka Puali alaila, aole e manaoia lakou he mau hoa oiaio, a e hookau ia no maluna o lakou na auhau a pau o ke aupuni i ka la 1 o Novemaba e hiki mai ana.

            O ka poe e hooko oia ana i keia mau kauoha, maluna no ia o lakou, oiai, @a haawiia ka manawa loihi he ekolu mahina no ko lakou hooko ana i keia mau kauoha.  Aole i manaoia ua pili keia i ka poe i hele ma kahi e mawaho ae o keia mokupuni.  Ma ke kauoha.           Inoa:    C. P. IAUKEA,

Akukana Prince’s Own Corps.

Honolulu, Hale Paikau, Aug. 5, 1879.

923 3m 934

 

PAPA, PAPA

AIA MA KAHI O

LEWERS & DICKINSON!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki!

o kela a me keia ano

Na Papa Nani a Paa no ke Kukulu

ana i na Hale!

 

Na Pani Puka.  Na Puka Aniani.

            Na Olepelepe, Na Pou, Na O-a,

                        Na @ape Hele, Na Papa Ku,

                                    A me na Papa Moe nui loa

 

NA PILI O KA HALE

 

O NA ANO A PAU.

 

Na Pepa Hoonani, Na P@na o na Wai a pau,

            Na Kui mai ke Nui a ka Makalii,

                        Na Ami Puka, Na Ami Puka Aniani.

                                    Na Ami o na ano a pau,

                        Na Aila Pena, o kela me keia ano,

            Na Aila Hoomaloo, he lehulehu wale,

Na Aila e ae o na ano a pau.

 

NA WAIVANIKI

 

A ME NA

 

WAI HOOHINUHINU NANI!

 

o na ano a pau loa.

 

NA BALAKI ANO NUI WALE

 

A ke hai ia aku nei ka lono i na makamaka a

pau, ua maukaukau keia mau makamaka

o oukou e hoolawa aku ma

na mea a pau e pili ana

ma ka laua oihana

NO KA

 

UKU HAAHAA LOAI

E like me ka mea e holo ana mawaena o

LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!

845 tf

 

A VALUABLE

MEDICAL DISCOVERY

Reuter’s Life

Syrup.

(Nurse Bertrand.)

LAAU LAPAAU

WAIWAI LOA!

 

Oia

 

KA WAI OLA A REUTERA.

 

He laau keia i imi ia a loaa e kekahi kahu mai kaulana, o Bertrand kona i noa, ua lawelawe keia kahu mai ma ka malama ana i ka poe mai no na makahiki he kanalima a oi ae, a o keia laau hou he mea i hanaia noloka ae o na LAU NAHELEHELE a me na aa o na laau ulu o ka mahele i hulia, he ono ma ka ai ana, he ala ma ka honi ana, a he pumehana kona ano.  He laau hoonoha ikaika keia, me ka hoeha ole aua i ka opu a me ka hoopailoa ole.  Aohe nawaliwali ka mai mahope o ka a ana i keia kaau, e like me ka naha ino ana o kekahi mau laau e ae, he kupono no ke ai na keiki liilii a me ka poe nawaliwali loa me ka hopo ole.  Ile laau hoola maopopo keia i ka opu paa, a me ka inoino o ka opu waiho ai, a me na mai a pau-@ pili ana i ka opu.  He laau hooikaika no hoi keia i ke AKEPAA, a he mea e no hoi ka hikiwawe o kona hoomaemae ana i ke koko, a me na mai a pau o ke kino.  No ka mea, mao keia laau ia i hookuke ia aku ai na haumia a pau iloko o ke koko.  He like ole me keia na laau e ae, oiai e ai ana ka ma me na hu@ale hoonaha me ia mau laau, aole hoi peneia

 

Ka Wai Ola a Reutera,

 

Aka, ua lawa iloko ona na hoonaha ana a me na hoomaemae ana i ke koko a pau.

 

A ME

KO BARRY LAAU HOOLA EHA.

HE LAAU HAMO A HE LAAU AI.

He laau hoola keia iloko o ka minute hookahi, E HOAO!

 

o

 

A. W. RICHARDSON,

 

Oia o LIKIKINI Opio, ka Agena no keia mau laau no ke aupuni Hawaii.    931 3m 943

 

KALE KULIKA,

LUNA HOOIAO PALAPALA KUAI,

Molaki, a me na palapala oia ano.

LUNA HOOIAO PALAPALA

Aelike mawaena o na Haku me na Kauwa.

Luna Haawi Palapala Ae Mare

 

Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina.         906 tf

 

P. NUI

LOIO!  LOIO!!

O ka Ua Ukiukiu o Makawao, Maui.

 

Ua maukauaku oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui.  E loaa no au ma ka Hale Hookolokolo o Makawao, a i ole ma Haiku.

885 ly no16