Ka Nupepa Kuokoa, Volume XVIII, Number 41, 11 October 1879 — Hauna Oiaio! [ARTICLE]

Hauna Oiaio!

Aloha no oe eke KuwKoa.— He malihini loa au, hanau hou, a he kamalii hemahema loa ma ke kakau ana no ka nupepa, aka, he kamaaina nae, he moeipo a he kuhikuhi puuone no keia wahi a'u e noho nei oia o Auwaiolimu. lloko oka makahiki 1850, i ka malama o lune, o ke au ia o ka Moi aloha makaainana o Kauikeaouli, oia ko'u noho ana mai i keia wahi. He iwakaluakumamaiwa ae nei o'u makahiki o ka noho ana ma keia wahi, a ua hina ke oho a kani moopuna, ua elemakule au, a ua ano nawaliwali mai. Ua lana hoi ku manao e noho maluhia hoi a hiki i ka hala ana ma kela aoao, eia ka aole. E ninau ia mai auanei paha, heaha la keia mea i noho maluhia ole ai o ua hapauea nei? £ hai aku no au ia oe. Aia kekahi hale nui nani o ke kulana e ku ana ma ke alanui o Pauoa, ma ka aoao makai, e kahe ana he kahawai mamua o ke alo, a ua uhi ia kona kaupaku me na lau laau malumalu. He nani a kamahao ke kulana o keia hale, a e ku ana ka mahalo i na maka o ka mea kaalo ae malaila, aka, ke neenee aku oe a kokoke i ka ipuka, auwe! ka pakui o na mea e hana ia ana maloko. Ke noho nei malaila na mea nona ka hale, he wahin.e me kana kane kamaaina i ka lehulehu, me ko laua malama ana he mau pulapula opio i mea nana e hoolawa ika makemake o na makamaka kipa aku a e hoopomaikai ai hoi ina ona hale. Ke makemake ka lehulehu e ike, e hele ae ma na Sabati, a la eae a po paha, n e halawai no me ko oukou ike keia mea. 0 makou o Auwaiolimu nei, e honi mau ana makou i ka pakui rne ka hauna o keia mau hana ino ku i ka hilahila a lapuwale no hoi, no ka mea, ua pa mai la ka makani me ka lawe pu mai i na ea ino o keia hana kolohe a hewa nm* oli. Nui loa ka poe kipa malaila—na haole ka nui. iNa keiki a ka poe hanohano ke hele mau nei malaila e halawai pu ai me neia mau pulapula e hanai ia nei a e kupele ia nei e keia mau ona hale. Ua hiki paha ke hoohalike ae i ka pakui 0 ka pelapela me ka pa puaa a na pake e noho nei maluna ae nei, a he oi aku no paha keia, oiai ua ike ia no he mea lepo ka pnaa. Ina oe makemake e haawi aku au i na inoa o ka'u poe i ike malaila, e haawi aku no au. £ pono oe e kamailio ma keia mea 1 ike mai ai ua mau kahu hanai pulapula nei a me ka poe e hele nei e halawai me ka laua mau pulapula, a hoopau oe, akahi ka moe ole o ka po a me ka maha ole o ke ao i ka lakou mau hana haumia. Owau no me ka manao maikai, O. Kaluamilo. Auwaiolimu, Sept. 7, 1579.