Ka Nupepa Kuokoa, Volume XVIII, Number 41, 11 October 1879 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

Kuokoa me ke Au Okoa

I HUIIA.

No ka Makahiki $2.  Eono Mahina, $1.

Dala Kuike ka Eula.

POAONO.  OKATOBA.  11.  1879.

HALAWAI EUANELIO.

            E halawai ana ka Ahahui Euanelio o ka Mokupuni o Oahu ma Kaneohe, i ka Poalua elua o Oct 14, 1879 ma ka hora 9.  Nolaila, ke paipai aloha ia aku nei na Kahu Ekalesia na elele o na Ekalesia na @@la mau o ka Aha a me na keiki o ka Aha e makaukau ma me ko oukou mau haawina.

                        J.N. Paikuli.  Lunahoomalu.

            Waik@ne, Sepatemaba 29, 1879.

OLELO HOOLAHA.

            Ma neia hope aku, e hooili ia mai na dala kokua no ka Luakini o Waiohinu nei, ia Rev. J. Kauhane wale no, aole i kekahi me i e ae, no ka mea, aole Agena waiwai e ae o ka Ekalesia.  I lohe na mea a pau.

            Ua lilo o Rev. J Kauhane i kahu no keia Ekalesia, a eia no ke noho nei.  Ma Keaiwa nae kekahi hapalua o kona manawa e like me mamua.         MA KE KAUOHA.

            Waiohinu, Kau, Sept. 6, 1879.            929 tf.

Haawina Kula Sabati.

HELU 1.  SABATI OCTT 26.  1879.

KUMUHANA.

Ka Manaoio me ka Hana  Pauku Baibala.

Iakoba 2:14-26.

            14 E na hoahanau o ʻ u, heaha ka waiwai, ke olelo kekahi, he manaoio kona.  aole noi ana hana?  E hiki anei i ka manaoio ke hoola iaia?

            15 Ina he kapa ole ko ke kaikaina paha, ke kaikuahina paha, a i nele hoi i ka ai i kela la i keia la;

            16 A i i aku kekahi o oukou ia laua, O hele olua me ka pomaikai a e hoopumehana ia, a e maona no hoi; aole nae oukou e hawi io aku ia laua i ka mea e pono ai ke kino: heaha la ka waiwai?

            17 Pela no hoi ka manaoio, ina oia wale no aole ana hana, ua make ia.

            18 A e i mai kekahi.  O ka manaoio kou, a na ʻ u hoi ka hana ana; e hoike mai oe ia ʻ u i kou manaoio me kau hana ole, a ma ka ʻ u hana ana e hoike aku ai au ia oe i kuu manaoio.

            19 Ke manaoio nei oe, aia hookahi Akua; ua pono oe: pela no ka poe daimonio i manaoio ai, me ka haalulu hoi.

            20 E ke kanaka lapuwale, ke makemake nei anei oe e ike aku, ua make ka manaoio ke ole kana hana ana?

            21 Aole anei i hoaponoia mai o Aberahama ko kakou kupuna ma ka hana ana, i kona wa i mohai aku ai i kana keiki ia Isaaka maluna o ke kuahu?

            22 Ke ike nei oe, i hooikaika pu ka manaoio me kana hana ana, a ma ka hana ana i pono ai ka manaoio.

            23 A ua hookoia hoi ka palapala, a i mai ai, Ua manaoio Aberahama i ke Akua, a ua hooiliia ʻ e ia i pono nona; a ua kapaia ioh la oia he hoaaloha no ke Akua.

            24 Ke ike ae nei oukou, ua hoaponoia mai no ke kanaka ma na hana, aole ma ka manaoio wale no.

            25 Aole anei i hoaponoia o Rahaba ka wahine hookamakama ma ka hana ana i ka wa ana i hookipa ai i na elele, a hoouna aku la ma ke ala e?

            26 Oiaio no, o ke kino uhane ole, ua make no ia, pela hoi ka manaoio hana ole, ua make no ia.

Pauku Gula, p 26 hoopaanaau.

Pauku Heluhelu La.

            1 I manaoio hana Mat. 25: 31-46.

            2 Manaoio make, Luk. 10:25-37.

            3 Manaoio i hooiaioia.  Mat. 7: 16-29.

            4 Manaoio o na daimonio, Mar, 5: 1-13

            5 Manaoio hoolohe.  Kin 22: 1-13

            6 Manaoio o Rahaba.  Ios. 2: 1-16.

            7 Manaoio i huiia me ke aloha, 1 Ioane 2: 1-11.

            Mele.  "He maka ike kou."  Lei Alii, aoao 29.

            Pule i makau ia ke Akua, me ka malamaia.

Ka Wehewehe a Ninau ana.

            Nawai i kakau i keia Episetole?  Ma ka nana ana, ekolu o Iakobo.  1 Iakobo ke keiki a Zebedaio.  2 Iakobo ke keiki a Alepaio.  3 Iakobo ka hoahanau o Iesu.  Aole paha i kakauia keia Episetole e Iakobo mua.  Nana Oih. 12:2.  Iakobo 2 me ke 3, ua manaoia, hookahi no laua.  Ina pela na Iakobo ke keiki a Alepaio i kakau i keia Episetole.  Aole akaka ka manawa i kakauia ai.  Ua kakau ia na na ohana he 12 o ka Iseraela i hoopuehuehuia.  Me he la, maope ia o ka hoopauia o Ierusalema me ka luakini, a hoopuehuehu na Iudaio i o ianei; mak 70 a D ia.  He poe Iudaio manaoio ia Iesu keia e noho ana ma kela wahi, ma keia wahi i kela manawa, a hiki mai hoi i keia manawa.  Ua akaka ia Iakobo ke ano o na Iudaio.  He poe paulele nui ma ke kanawai a ma na hana, e manao ana e ola ma ka hana.  A i ko lakou huli ana i poe haumana na Iesu.  ua lohe lakou aole ma na hana e ola ʻ i.  aka, ma ka manaoio.  Ua loaa ia lakou ka manaoio.  Ua manaoio no lakou hookahi no Akua oiaio o Iehova a hookahi no Kala@@@ @@@ o Iesu Kristo  A kuhi paha lakou ma a manaoio lakou e ola ʻ i ke hana ole.  Nolaila, p@la keia palapala a Iakobo ia lakou @@@@ ia ke @@@@ k@@@@@ me ke @@@@@@ i @@@@@ @@@ @@ @@ ma keia @@@@@

            M@@ 2 @ 18  Heaha ka @@@ Hiki @@@ i ka @@@@ @@@@ a i ke kino me ka hana ole?  Loaa anei ke ka@@@ ka @ala @@ @@@?  Loaa anei ka wahine ke kii ole aku?  M@@ anei ka ai ke kuke ole ia?  Pulu @@@@ k@@@@@ hele ole i kahi @@ malu@i?  Maona anei ke ai ole i ka ai?  Puka wale anei na dala ke imi ole ia?  Ola wale anei ke ai o e i ka laau?

            P 15-16.  A kapa ole, a lele ole, a ai ole, a hale o e ko ke kaikaina ko ke kaikuahine, loaa anei ke kapa, ka lole, ka ai, ka hale, ka pumehana, ka maona ma ka olelo waha wale iho no?  Ma ke aha e pono ai?

            P 17.  Heaha ka manaoio hana ole?

            P 18.  Ina i mai kekahi, he manaoio kona me ka hana ole, pehea e pane aku ai ka mea manaoio hana?  Owai o laua kai pono?

            P 19.  Pehea na daimonio?  Ola anei ma ko lakou ano manaoio?  A ola anei oe ma kou manaoio wale iho no, a me ka mau ana o ka hewa?

            P 20.  Owai ke kanaka lapuwale?  Nui anei ia poe?  Pela ma ka nana aku.  Nui ka poe hana ole. me ka manaoio nae, e ola ana.  Lapuwale!  Aole anei oukou i ike he mea make ka manaoio hana ole?  E hiki anei i ka mea make ke hoola ia oukou?  Hiki anei i ka laau maloo ke haawi mai i ka hua?  Hiki anei i ke kupapau ke hoola ia oe?

            P 21-24.  Ka manaoio o Aberahama, heaha ke ano?  Heaha kana hana?  Ma ke aha oia i hoapono ia ai?  Ua hui pu ka manaoio me ke aha?  Ka manaoio aha kai hooiliia i pono nona?  A kapaia oia heaha no ke Akua?  Kin 15:6.  11 Oih Lii 20:7.  Isa. 41: 8.  Aole ma ke aha wale no e hoapono ia ai?

            P 25.  Heaha ka manaoio i hoapono ia ʻ i o Rahaba?  Ios 2: 1-13.

            P 26.  Hai like mai i keia pauku gula.  Heaha ke ano o ko oukou manaoio?  Ua like anei ia me ko na daimonio?  Me ko Aberahama ma anei?

            Ina he manaoio hana me ke aloha ole nae pehea ia?

            Mele "Ma o ae," Lei Alii aoao 30.

            Pule i loaa mai ka manaoio ola.

            Haawina no Nov. 2.  1 Pet. 2: 19-25.

NO KA HOIKE IUBILE.

            Mahele IV.  Na Kaula mai Isaia a Malaki.  Ehiku mahele liilii

            1 Na kaula me na wanana no ke aupuni kipi o ka Iseraela.  E imi i na inoa o na kaula no ia aupuni.  Ke kaula wiwo ole a lawe ola ia i ka lani.  Ke kaula i wanana no ka pau ana oia aupuni me ka hooko ana.

            2 Na kaula me na wanana no ke aupuni o Iuda.  Owai na kaula i wanana no ka hope oia aupuni?  Owai ke kaula i ike i ke ko ana oia wanana?  I ka lawe pio ia ana?  Owai na kaula i lawe pio ia i Babulona, a wanana malaila?  Owai na kaula i hoi i Ierusalema a wanana malaila?  Owai ke kaula hope me kona mau wanana nui elua?

            3 Ke aupuni o Asuria me Babulona.  Owai na kaula i wanana no ka pau ana oia mau aupuni?  Owai ke kaula i ike i ka lilo ana o Babulona ia Dariu?

            4 Ke aupuni o Media me Peresia.  Owai ke kaula i wanana no Kuro?  Owai hoi ke kaula i ike i ke ko ana?

            5 Ke aupuni o Makedonia, oia hoi ke aupuni Helene.  Owai ke kaula i wanana no ia aupuni, a no ke ʻ lii mua, a no ka mahele ia i mau mahele 4, a no kekahi alii hoomaau loa i na Iudaio?

            6 Ke aupuni o Roma.  Owai ke kaula i wanana no ia aupuni, no kona mana mua, a no kona wawahi ia ana e ke aupuni elima/

            7 Ke aupuni elima, oia ke aupuni o Iesu.  Owai na kaula i wanana no Iesu me kona aupuni?  Heaha ka wanana ma Isa 9: 6, 7; 7 :14; 53: 1-12, Mika 5: 2, Zek. 9:9, Ioela 2:28-32.  Ua hooko ia anei?

            Owai na kaula i wanana no ka la hookolokolo?  Enoka, Daniela.  Dan 12:2, 3.  Iuda 14:15.

            Hai mai i kekahi mau hiku ma keia mahele.  Isa 4:1, 11:15.  Ezk 39: 9, 12.  Dan 3:19, 4:16, 9:25.  Mika 5:5.  Zek 3:9, 4:2, 10.  Isa 30:26.  Am 5:8.  Ier 34:14.

KA LAHUI HAWAII.

HE HAIOLELO MA

KAUMAKAPILI,

Iulai 27, 1879.

NA REV. H.H. PALEKA.

            "A i hoolohe pono oe i ka leo o Iehova kou Akua, e malama a e hana i kana mau kauoha a pau a ʻ u e kauoha aku nei ia oe i keia la, alaila, na Iehova na kou Akua oe e hookiekie ae maluna o na lahuikanaka a pau o ka honua.  E ili mai keia mau pomaikai ana maluna iho ou, a e loaa aku oe ia lakou, ke hoolohe aku oe i ka leo o Iehova kou Akua.  E pomaikai oe ma ke kulanakauhale.  e pomaikai hoi oe ma ke kula.  E pomaikai ka hua o kou kino, a me ka hua o kou aina, a me ka hua o kou holoholona, na keiki a kau mau bipi, a me kau poe hpa.  E pomaikai kou hinai, a me kou papa kawili ai.  E pomaikai oe i kou komo ana iloko.  e pomaikai hoi oe i kou hele ana iwaho.  Kanawailua XXVIII:1-6."

            O ka pomaikai keia o ka lahuikanaka e hoolohe ana i ka leo o ke Akua.  O ka hoolohe ka mea i ko@ mua ia i loko o keia mau pauku o ka Olelo  E hoolohe, e malama.  e hana e like me Kana i kauoha ai.  Alaila, maope o ka hoolohe ana, e ukali no na pomaikai.  He pomaikai ma ke kulanakauhale a he pomaikai ma ke ku@@@ me he mea la o ka pani no ia o ka aina.  aohe wahi e koe a pomaikai ole.  He pomaikai ma ka hua a ke @@@ ka hua o ka aina, a me ka hua o na hoioho ana.  Me he mea la o ka ulu no ia o ka lahui e nui ana na keiki a e ola ana, a pela no me @@ aina, e hua nui ana ka aina, a e ohi ana ka poe mahiai i ka hua a nui, a pela no hoi me ka poe hanai holoholona, e waiwai ana lakou  E pomaikai ana kou p@pa kawili ai, a me ou k@nai; e maona ana oe; aole e hele kou papa koi poi i ka ai; aka, e koele mau ana.  no ka mea, he ai kau e kawili ai i kela a me keia la.  a o kou waihona ai, aole e nele ana.  E pomaikai ana ma ke komo ana iloko, a me ka puka ana iwaho, me he mea la, e pomaikai ana i na wa a pau, a ma na wahi a p@@ O keia pomaikai nui, piha a palena ole, ua hai ia mai no ka lahuikanaka hoolohe, a malama i na kanawai o Iehova.  E ulu ana ia lahui, a e waiwai ana, a e maluhia ana ko lakou aina.  Maluna o keia kahua ke makemake nei au e lawe mai i ka

LAHUI HAWAII

i keia ahiahi; a e kamailio aku imua o oukou ma kekahi mau kumu i pili i ke ola a me ka pomaikai o ka lahui.  O keia Lahui Hawaii, e lahui maikai; o ke kiekie no paha keia o na lahui a pau o ka moana Pakifika.  He lahui ikaika, he maikai na oiwi, he lahui ola.  Aole keia he Lahui palaualelo i ka wa kahiko, he ikaika i ka hana.  Aole keia he lahui pa, he lahui hanau nui; e nana i na kumu o kakou i holo i na aina e, ua nui ko lakou mau keiki.  A ma ka aina home nei, ua ike ia no kekahi poe makua me na ohana mahuahua, he umi a keu na keiki, a ua hiki aku kekahi i ka iwakalua.  I ka wa kahiko, mamua o ke au Karistiano, ua piha ka aina i na kamalii.  Aka, mahope mai o ke komo ana o ka malamalama iloko o keia aina, a hiki wale mai i keia makahiki a kakou e noho nei, ua mau ka emi ana o ka lahui, a ke olelo nei kekahi poe e pio ana, a nalowale loa.  He nui na haiolelo, a me na kalai manao ana iloko o na nupepa, e pili ana no ka emi ana o ka lahui, a me na kumu e ulu hou ai.  Ke olelo nei kekahi poe, no ka hiki ana mai o ka Olelo a ke Akua, oia ke kumu i make ai kanaka.  He wahi hiohoina o ka oiaio iloko o keia olelo.  aole nae he oiaio maoli.  He oiaio no ma ke komo ana mai o ka Olelo a ke Akua ua wahi ia ke

KAHUA KAHIKO.

kahi a keia lahuikanaka i ku ai; no ka mea he kahu pegana ia.  Na heiau a me ko lakou mau oihana hoomana, na kapu o na ano he nui wale, ka pulama ana o na poe opio, ua hooauhulihia ia kela mau mea a pau.  A o ka pono Kristiano kai p@nai ia mai i panihakahaka no ia mau mea.  Haule aku la na hoomalu oolea ana o na ʻ lii Hawaii mamuli o na kapu, a me ia haule ana ua haule pu kekahi mau pono i ike ia malalo o kela noho ana ano naaupo.  O ka noho ana mikiala ma na hana kino kekahi o ia mau pono; no ka mea, ua hoohana aku na ʻ lii i na makaainana.  He mea maopopo no hoi, aole e ola ana ka lahui palaualelo.  Nolaila, o ka manao hana, a makemake i ka hana, he hiona ia no ke ola lahui, a ua loaa ia hiona malalo o ka noho ana kahiko.

            O ka malu o ke kino o na poe opio malalo o ka pulama ia o ka wa kahiko, oia kekahi pono oia au naaupo i ike ole ia i keia wa.  Aole malu ka poe opio o keia lahui, koe wale no ka poe hookaawale ia iloko o na kula hanai, a he hapa uuku loa ia.  A o keia maluhia me ka hoohaumia ole ia o na poe opio o ka lahui kanaka, he mea pili paa loa keia i ke ola lahui.  O ka lahui i hele i keia, aole hiki ke manaolana ia e ola ana.  Na ka haumia no e aai iho a pau loa ka poe haumia.  Aka, o ka maemae, a me ke ala, maloko a mawaho, ma ke kino a ma ka manao, he mea ia e ola ai mawaena o na lahui a pau.

O KE KOWA,

kahi a ka lahui kanaka e ku nei i keia wa, he kulana ia mawaena o ka malamalama me ka poeleele.  E like me ka liula o ka wanaao, he kowa manawa ia mawaena o ka pouli aki o ka po a me ka malamalama o ka la kupono, pela no ke kowa o Hawaii e ku nei i keia wa.  He oiaio no, ua pa pololei mai na kukuna o ka la o ke ola maluna o ka aina; aka, ua koe na wahi poopoo, a me na awawa, aole i komo lea ia e ka malamalama nui.  Nolaila, he mau koena hoomanamana, a he pule anaana kekaho poe; he paulele moeuhane kekahi poe, a he paulele i na hana a na kahuna kahiko; he mau mea lapuwale wale no ia, a he mea e hoike ana, aole i naauao loa ka poe e hana ana ia mau hana.

            Maloko o keia kowa ka lahui Hawaii e ku nei a e poai nei, mawaena o ka pono kahiko a me ka pono hou.  E poai wale ana anei ka lahui pela a hiki i ka nalo ana?  A i ole, e hele mua ana anei a kau pono aku iluna o ke

KULANA HOU?

He oiaio no, ua wawahi ia ka pono kahiko, koe wale no na apana liilii, e like me na manao naaupo a kakou e ike nei iwaena o kekahi poe e pili ana no ka malama ana i ke ola kino, ka lapaau a kahuna, a me na oihana hoomana kahiko.  Aole nae he kahua o ia mau mea e hiki ai i ka lahui ke hoi hou a kau iluna o ia mau hana.

            O ka pono no ka lahui i keia wa, oia no ka hookau hakalia ole aku maluna o ke kahua hou i waiho ia mai imua o lakou me ka inoa o ka pono Kristiano.  E pau ka poai wale ana, me ka waiwai ole, mawaena o ke ano kahiko a me ke ano hou.  E hele imua, e haalele, a e hookuu aku i na koena hana o ke au pegana.  E hoohalike me na lahui naauao o ka honua nei, ma na mea ano nui a pau e pono ai.

            Iloko o kekaho o keia mau la iho nei, ua hoopii ia kekahi haole o keia kulanakauhale e kekahi haole e ae no kona hoohaumia ana i kekahi mea iloko o kona ohana; a ua hookolokolo ia keia hihia imua o ke kiure  Ua haawi ia ka olelo hooholo no ka aoao hoopii a he elima tausani dala e uku ai ka mea hoowalewale i kela makuakane nana ke kaikamahine i hoowalewale ia  He hiki anei i kekahi makua Hawaii ke hookomo i kekahi hoopii iloko o ko kakou mau aha hookolokolo, e kue ana i ka haole nana i hoowalewale kana kaikamahine, a wahine paha?  Ae, he hiki no; aka aole maopopo ka haawi ia mai o ka pono no ia makua, no keia kumu, aole i hoea ae ka makua Hawaii iluna o ke ku ana kiekie ma na mea @@@ ka maemae o ka noho ohana; he mea nui ka ohana a me ka p@@maele ole o ka inoa ohana imua o na maka a ka lahuikanaka.  A ina e hoomalimali mai ka mea hoowalewale i ka makua.  o ka puni aku ia no ia i ke dala, a olelo iho:  "ola na wahi iwi i ka hunona haole."  A no ka ike ia he haahaa ke kulana o ka lahui ma ia ano, nolaila aohe mana na lawelawe ana o kekahi poe e kue i ke ino a me ka hoowalewale.  Ua haula wale na hapai ana e kue i ka poe hoohaumia i ka ohana Hawaii.  Iloko o kekahi mau makahiki i hala hope aku nei, ua hoowalewale ia ka wahine mare a kekahi haole hanohano ma Wasinetona; na kekahi haole no i hoowalewale, a hoomahuka i ua wahine nei.  Ua imi aku ke kane mare ia laua a loaa, a maluna o ke kahua kahi i loaa aku ai laua iaia, malaila oia i hookahe ai i ke koko o ka mea hoowalewale a make loa ia.  Aole nae he mea hookahi nana ia kane i hoahewa aku.  No ke aha la?  No ka mea ua kiekie loa ke kulana kahi a ia poe i ku ai ma na mea pili i ka maemae o ka noho ana.  Imua o ko lakou mau maka he karaima kiekie loa ka hoohaumia ana i ka hai wahine.  Aia a loaa i ka lahui Hawaii keia kulana kiekie, o ka loaa no ia o kekahi au ikaika nana e ku aku ka lahui iluna a imua o ka ulu lahui.  Aka, ina e nele ka maemae o na ohana a me ka poe opio, aole no e ulu pono ka lahui.

            A no hoi, ma ka nana ana i na au i hala, me ka hoomaopopo pu ana i ko kakou kulana e noho nei, a me ka hakilo ana i na ouli o na lahui nui Kristiano o ka honua nei, ua maopopo he mea pono no keia lahui ke hoonee ae a kau pono iho iluna o ke kahua hou i hoomakaukau ia.  E pau ka hoololohi ana, a me ka lia ana no ke koena o na hana naaupo kahiko, e kukulu iho i na pono aupuni, na pono pilikino maluna ponoi o ka Pohakupaa o ke

OLA KRISTIANO.

            O ka hula, ka hoomanamana, ka awa, ka lapaau ma na ano kahiko, ka moa lawa, ka puaa hiwa, ka pule aumakua a me na hana haumia a pau e paumaele ai ke kino a me ka noonoo o ke kanaka, e haalele loa ia mau mea, a e haalele koke; e hoopau loa i na koena oia mau hana, i pau pu me ka hauna a me na meheu oia mau hana kohu ole o ke au pegana, i nalowale loa ia mau mea a pau i na maka o ka hanauna hou.  A e paa auanei ka puka e hele nui ai ka lahui i ka make.  O ka laau o ke Ola, ua kanu ia maanei.  O ka poe e noho ana malalo o kona malu, e ai ana lakou i kona hua  O ke aloha kahi a na lahui nui, a lahui kahiko o ka honua nei e nee mua nei i keia wa, oia ke ala o ka Pono Kristiano.  O na ouli a pau o ka lani a me ka honua, ka Olelo a ke Akua a me ka noonoo noeau o ke kanaka, a me ka pahuhopu o mua, kahi e kau la ka hae o ka lanakila, ke peahi nei a ke heahea nei keia mau ma a pau i na lahui o ke ao nei e holo mua ma ia meheu hookahi.

HEAHA NA KOKUA

no ka hoohikiwawe ana @a lahui ma kona hookau ana a paa pono iho maluna o kona kahua hou e ola ai?  O ka Olelo a ke Akua ka mua.  Ma ke poo olelo o keia kukulu manao ana, ua hai ia mai, ina e hoolohe oe i ka Olelo a Iehova, alaila e ili mai keia mau pomaikai a pau maluna ou, oia hoi na mea i hoike ia iloko o na pauku i heluhelu ia a keia ahiahi.  O na oleloao a pau o keia Buke, he mau alakai ana ia i hiki ke hilinai ia no na pono o ke kino a me na pono o ka uhane o kanaka.  Na oleloao a ke alii Solomona, na leo waimaka helelei o ka mihi a ke alii mihi Davida, na wanana eehia a na kaula, na kanawai ihiihi i palapala ia ma Pukaana, na leo walohia aloha a ka Haku i palapala ia ma ke Kauoha Hou, oia mau olelo a pau, he mau kokua a he alakai ana e loaa ai i ke kanaka, a me na lahui kanaka, ke ola kino a me ke ola mau loa.

            O na kula hanai kekahi kokua no ka hoola ana i ka lahui, a pela no me na hana hoonaauao a pau.  He pono ke hookomo nui ia na keiki ma na kula hanai, kahi e malu ai.  He pono e kokua nui ia keia mau kula a pau.  A o na mea a pau e lawelawe pono ana ma ka oihana hoonaauao, he hiki ia lakou ke hoomanao o lakou kekahi poe e hooikaika ana ma ka aoao hoola a hooulu i ka lahui kanaka Hawaii.  E hoomau aku.  E hoomanawanui.  E hana me ka oiaio, me ke aloha, me ka manaolana.

            O na kahu ekalesia ma na apana a pau o keia pae moku, o lakou kekahi poe i hoonoho ia no ka hoola ana i ka lahui.  He mau punawai hoola lakou, ke alakai pono i kanaka ma na hana maemae, me na manaoio ana i ku i ka Olelo o ke ola, me ka huli ole ihope i na hana a me na noonoo anai haalele mua ia.

            Aole hiki, i ka lahui ke hoi i hope  Ua paa ka puka, ua hele ei ke kahua o hope.  O ka hele imua ke ola  A i ole e hele i mua e au poai ana, e like me ke kanaka iwaenakonu o ka muliwai, e au poepoe ana.  aole hoi au pololei aku imua a pae i k@pa.  a kau i ka aina paa.  O ka poai wale ana i kahi hookahi.  he mea ia e pauaho @@ a palemo iho ila ʻ o.  E awiwi e hooikaika, a e hookau koke aku ilua o ke kahua hou o ka noho ana naauao me ka maemae.  O ka pono ia a me ke ola o ka lah@@

            Ua kukulu @@ kekahi kahunapula o Dr. Mark kona inoa o San@ Lui, he p@ha wai h@u ma ke a o o kona hale noho no ka pomaikai o na poe hookele k@a@a@@e ka lehulehu a ua ma@ana a @@ o a e kekahi poe naau aloha me kekahi kookoo poo gula nani.

OLELO HOOLAHA

KAKELA a me HAKI.

            O KAKELA OPIO A ME F.M. HATCH.

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

                        W.R. CASTLE, Huna Hooiaio K@pe.

            @@@@@@@@@@@@@@@@@@@@ Dillingham & Co. @@@@@@@@@@@@@@@@@@

ALFRED S. HARTWELL,

[HAKAWELA.]

LOIO a he KOKUA ma ke KANAWAI!

Aia kona Keena Oihana maluna ae o ka Hale Kuai Buke o Wini me Robikana

867 tf

CECIL BROWN

LOIO A HE KOKUA MA KE KANAWAI

A he agena no ka Hooiaio ana i na Palapala ma ka Mokupuni o Oahu.

Helu 8.  Alanui Kaahumanu.  Honolulu HPA 2y

S.W. MAHELONA

HE LOIO!  HE KOKUA A HE PALE

ma ke Kanawai.

Ua makaukau au e lawelawe me ka mikiai a me ka eleu lua ole i na h@h@a a pau o kela a me keia ano imua o na Aha Hookolokolo a pau o ka ia aupuni.  Ua hiki no hoi ae kakau i na palapala a paa e pili ana i ka Oihana Loio.  E loaa no au ma ko ʻ u hale noho mauka iho o Kawaiahao, a i ole ma ke keena h@@@@@@@@@@@@@@ Aha Hoomalu a me ka Aha Kiekie ma Honolulu nei.  O ka poe makemake @@@@@@@ he oluolu ka ukupanee.         867 3m

TIMOTHY KALAEONE.

He Loio a he Pale ma ke Kanawai.

IMUA o ka Aha Hookolokolo Apana o Kawaihau, Mokupuni o Kauai.  A he Agena hoi no ka hooiaio ana i na Palapala Kepa no ia Apana.  E loaa no au ma Anahola, a i ole ma Waiakalua, Koolau, Kauai.  E makaala no au i na kauoha me ka eleu loa.

895 1y Jan. 25.

E LILILEHUA.

Loio a he Kokua ma ke Kanawai!

IMUA o na Aha Apana a Hoomalu o ka mokupuni o Oahu.  E hanaia me ka eleu loa.  E loaa no au ma Wehekealaula, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu.            898 1y

PRINCE'S OWN CORPS!

E NANA!  E NANA MAI I KEIA!!

            KE kauoha ia aku nei na Hoa a pau o ka Puali Koa Pualu o ka PRINCE'S OWN CORPS o Honolulu; ka poe i kakau ole i ko lakou mau inoa malalo o ke Kumukanawai Hou o ka Puali, e hele nui ae i ka po o ka Poakahi, la 11 a me ka po o ka Poakolu la 13 o keia mahina o Augate, a me na mahina o Sepatemaba a me Okatoba iloko o na po halawai a me na po paikau o ka Puali, e kakau ai i ko lakou mau inoa maloko o ka Buke Kumukanawai a me na Rula, i ohi ole ia ai ko lakou mau auhau e ka Luna Auhau i ka la 1 o Novemaba e hiki mai ana.

            O ka nui o na Hoa a pau o ka puali i keia wa, he Hookahi Haneri me Kanahakumamaha, 144, a he ekolu Komep@ne.

                        Ko Komepane A, he 63 poe Hoa.

                        Ko Komepane B, he 47 poe Hoa.

                        Ko Komepane C, he 34 poe Hoa.

            Komepane A i kakau inoa 29, koe he 34.

            Komepane B i kakau inoa 38, koe he 9.

            Komepane C i kakau inoa 15, koe he 17.

NA HOA O KE KOMEPANE A I KAKAU INOA.

1 KALAKAUA.  Mekia.

2 C.P. Iaukea, Akukana.

3 Dr. Cummins, Kauka.

4 Antone Rosa, Kapena

5 J. Hamauku, Lukanela 1

6 Hoa Ulukou, Lukanela 2

7 B W Kawainui.  Sub Lukanela

8 J Iniha, Kakiana 1

9 Kahalewai, Kakiana 2

10 Hookano, Kakiana 4

11 F. Archer, Kopala 1

12 J Wana, Kopala 2

13 Lutela, Kakiana paahae

Na Koa--Kauha, Alohikea, Mokuaikona, Kekuhaupio, Koea, Pololeikaihu, Hinaaulani, Kahahawai, Keawe, Mahaulu, Aiamanu, A Kahai, Mana, Panaewa, Kopa, Kuahau, Kikoo Liwai, Kanelawaia, Ahiena, Kualau, Kua, Kiliona, Kane, Kailiehu, Kealohapauola.

NA HOA O KE KOMEPANE A I KAKAU OLE.

Kealoha, Kakiana Puuku; Lonoakai, Kakiana 3; Punini, Kopala 3; Kahiwalani, Hookani Pahu.  Na Koa, Henry John, Piikoi, Kua, Kane, Keaweamahi, Haaheo, Kanei Kil@a, Kalei, Kiliona, Kewikikona, Solomona, Pauoahu, Kanekamoa, Keawe, Keliihanaiho, Wahanui, Kauhane, Kukahoe, John Wana, Meheula, Keliiaiweuweu, Hosea, Kahue, Hoomiha.

NA HOA O KE KOMEPANE B I KAKAU INOA

Kaaha, Kapena; Kaiaiki, Lokanela 1; Naaimulea, Lukanela 2; Kaulahiwa, Kakiana 1; W Wana, Kakiana 2; Wahilani, Kakiana 3; Poni, Kopala 1.  Na Koa--Kawai, Makani, Kalola, Auwae, Naihe, Kahale, Kaai I, Maukoli, Kopa, Waolani, Lono, Kalakiele, Kaniho, Hosea, Kakalia, Kealaau, Opeka, Hilauea, Kuhia, J. Palau, S. Silva, Kaaihue, Mo, Kanakaole, Opulauoho, Naeole, Palau H, Haaheo, Hose, Kealoha.

NA HOA O KE KOMEPANE B I KAKAU OLE.

Hamaia, Kiwini, Keawenui, Kalolo, Kaai 11. Keamopohaku, Kuaiwa, Kahoa F. Hervery, Kahiona.

NA HOA O KE KOMEPANE C I KAKAU INOA.

J. H. Boyd, Kapena; A. Panee, Lutanele 1; I. Levi, Lutanela 2; Solomon, Kakiona 2; W. Reuter, H. Reuter, Jeseph, J. Kaanaana, George Kawai, G, Sh@w, Aarona, Kapihe, Solomon Hiram, S. Kuula, Keliinohokaha, Kalehua, Kahulia, Pohano Kakiana 1, Kaina Kahaialii, Moses Kahulanui, D. Keliikoa.

NA HOA O KE KOMEPANE C I KAKAU OLE

S. Kaaikaula, R. Burn, J. Kaiwi, S. Lenhern, Moses Hiram, Kahaka, G. Koa, Koma, S. Kahikina, D. Kealahou.

            Ke hoakaka ia aku nei i na hoa i kakau ole i ko lakou mau inoa ina aole lakou e hoopaa i ko lakou mau inoa ma ke Kumukanawai o ka Puali alaila, aole e manaoia lakou he mau hoa oiaio.  a e hookau ia no maluna o lakou na auhau a pau o ke aupuni i ka la 1 o Novemaba e hiki mai ana

            O ka poe e hooko ole ana i keia mau kauoha maluna no ia o lakou, oiai, ua haawiia ka manawa loihi he ekolu mahine no ko lakou hooko ana i keia mau kauoha.  Aole i manaoia ua p@@ keia i ka poe i hele ma kahi e mawaho ae o keia mokupuni  Ma ke kauoha.        @@@@ C.P. Iaukea,

                                    Akukana Prince's Own Corps.

            Honolulu Hale Paikau, Aug. 5, 1879.

            923 3m 934.

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHUA KAHIKO MA

ALANUI PAPU A ME MOI

E LOAA AI NA

PAPA NOUAIKI!

o kela me keia ano.

Na Papa Nani a Paa no ke Kukulu

ana i na Hale!

Na Pani Puka, Na Puka Aniani.  Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa

NA PILI O KA HALE

O NA ANO A PAU.

Ne Pepa Hoonani, Na Pena o na Wai a pau.  Na Kui mai ke Nui a ka Makalii, Na Ami Puka, Na Ami Puka Aniani.  Na Ami o na ano a pau.  Na Aila Pena, o kela me keia ano.  Na Aila Hoomaloo, he lehulehu wale.  Na Aila e ae o na ano a pau.

NA WAIVANIKI

A ME NA

WAI HOOHINUHINU NANI!

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

NO KA

UKU HAAHAA LOA!

E like me ka mea e holo ana mawaenae o LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake me ka oluolu a me ka maikai!

845 tf

A VALUABLE

MEDICAL DISCOVERY

REUTER'S LIFE SYRUP

LAAU LAPAAU WAIWAI LOA

OIA

KA WAI OLA A REUTERA

He laau keia i imi ia a loaa e kekahi kahu mai kaulana, o Bertrand kona inoa, ua lawelawe keia kahu mai ma ka malama ana i ka poe mai no na makahiki he kanalima a oi ae, a o keia laau hou he mea i hanaia noloko ae o na LAU NAHALEHALE a me na aa o na laau ulu o ka pahele i huila, he ono ma ka ai ana, he ala ma ka honi ana, a he pumehana kona ano  He laau hoonoha ikaika keia, me ka hoeha ole ana i ka opu a me ka hooailua ole.  Aohe nawaliwali ka mai mahope o ka a ana i keia laau, e like me ka naha ino ana o kekahi mau laau e ae, he kupono no ke ai na keiki liilii a me ka poe nawaliwali loa me ka hopo ole.  He laau hoola maopopo keia i ka opu paa, a me ka inoino o ka opu waiho ai, a me na mai a pau e pili ana i ka opu.  He laau hooikaika no hoi keia i ke AKEPAA, a he mea e no hoi ka hikiwawe o kona hoomaemae ana i ke koko, a me na mai a pau o ke kino.  No ka mea, ma! keia laau la i hookuke ia aku ai na haumia a pau iloko o ke koko.  He like ole me keia na laau e ae, oiai e ai ana ka ma me ha hu@ale hoonaha me ia mau laau, aole hoi peneia

Ka Wai Ola a Reutera,

Aka, ua lawa iloko ona na hoonaha ana a me na hoomaemae ana i ke koko a pau.

A ME

KO BARRY LAAU HOOLA EHA.

He Laau Hamo a he Laau Ai.

He laau hoola keia iloko o ka minute hookahi E HOAO.

A.W. RICHARDSON,

Oia o LIKIKINI @@@ ka Agena no keia mau laau no ke aupuni Hawaii.  931 3m 94@

KALE KULIKA,

LUNA HOOIAIO PALAPALA KUAI,

Molaki, a me na palapala oia ano.

LUNA HOOIAIO PALAPALA

Aelike mawaena o na Haku me na Kauwa.

Luna Haawi Palapala Ae Mare

Ma ke kihi o ke alanui Moiwahine me Kaahumanu, kulanakauhale o Honolulu, o Hawaii Pae Aina.           905 tf

P. NUI.

LOIO!  LOIO!!

O ka Ua Uk@@kiu o Makawao, Maui.

Ua makaukau oia e kokua i na mea a pau e hele aku ana i na la, ma @@ mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui.  E loaa no au ma ka Hale Hookolokolo o Makawao, a i ole ma Haiku.

883 1y @@16