Ka Nupepa Kuokoa, Volume XVIII, Number 35, 30 August 1879 — Unnumbered Page
| This text was transcribed by: | Arnold Hori |
| This work is dedicated to: | Yasuki Hori of Foster City and Kamuela |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kukoa me ke Au Okoa
I HUIIA
Na ka Makahiki, $2. Eono Mahina, $1.
Dala Kuike ka Rula.
POAONO. AUGATE 30, 1879.
The Pilgrim Band.
The Reward p 47.
1
He bana kamalii kakou,
Bana maikai.
Ke naue aku ne i o,
I kahi lai.
Iesu ke Alakai a mau
Ma keia ao pouli no,
A nana e kuhi ae i o
Ke ao maikai.
2
He bana kamalii kakou.
Naue koa'e.
E pili aku ia Iesu,
Ke Alakai.
Ina auwana a lalau,
Kii no Iesu a hoopaa mau,
I ole e auwana hou,
I paa mau ae.
3
He bana kamalii kakou,
Bana paa e.
O Iesu no ka Hoku ao,
Hoku maikai.
Hahai i kona lama e,
He lama nani a laila
Mai keia ao a iluna'e.
Hahai mau ae.
4
He bana kamalii kakou;
Naue a mau.
Nana i kela lei ma o,
Lei gula no.
A hiki aku i ke ao.
I kahi nani kamahao,
A hui aku me Iesu,
Pomaikai mau.
HAWAII.
Haawina Gula Sabati.
HELU 11, SABATI SEPT, 14, 1879.
KUMUHANA.
Ka haipule ma ke ao nei. Pauku Baibala
1 Tim. 6 ; 6-16.
6 Aka, o ka manao i ke Akua me ka oluolu io, oia ka waiwai nui.
7 No ka mea, aohe a kakou mea i lawe mai ai iloko o keia ao, he oiaio hoi aohe a kakou mea e hiki ke lawe pu aku iwaho.
8 A ina ia kakou ka ai a me ke kapa, malaila kakou e oluolu ai.
9 Aka, o ka poe e makemake ana i ka waiwai nui, ua haule lakou iloko o ka hoowalewale ia a me ka pahele, a iloko o kela kuko lapuwale keia kuko lapuwale e pono ole ai, na mea e poholo ai na kanaka i ka poino, a me ka make.
10 No ka mea, o ka puni kala o ka mole no ia o ka hewa a pau; ua kuko nui ia ia e kekahi poe, a ua haalele lakou i ka manaoio, a ua houhou lakou ia lakou iho i na ehaeha he nui.
11 Ake, o oe, e ke kanaka o ke Akua, e haaaiele ia mau mea ; a e haihai mamuli o ka pono o ka manaoio, o ke aloha, o ke ahonui, a me ke akahai.
12 E paio aku i ka paio maikai o ka manaoio. e hoopaa aku i ke ola mau loa, i kou mea i koho ia mai ai, a e hooia aku ai i ka hooiaio maikai imua o ke ola o na hoike he lehulehu.
13 Ke kauoha aku nei au ia oe imua i ke alo o ke Akua, ka mea i hoola i na mea a pau, a o Kristo Iesu hoi, ka mea i hoi imua o Ponetio Pilato i ka hooiaio maikai;
14 E malama oe i keia kauoha i kina ole me ka hala ole, a hike wale aku i ka ikea ana mai o ko kakou Haku o Iesu Kristo;
15 I ka mea i na manawa ona iho, e hoike mai ai oia, o ka Moi pomaikai hookahi, o ke Alii o na alii, o ka Haku o na haku.
16 Nona wale no ka make ole, e noho mau ana iloko o ka malamalama kahi e hiki ole aku ai ke kanaka ; aole ikeia e ke kanaka, aole hoi e hiki ia ia ke nana aku ; ia ia mau loa hoi ka mahalo a me ka mana. Amene.
Pauku Gula. Io. 17; 16. Hoopaanaau.
Pauku heluhelu la.
Poakahi. Ka mea haipule ma ke ao nei.
1 Tim. 6; 6-16. Poalua. Ka waiwai o ke ke ao nei, Mar. 10; 17-26. Poakolu. Ka hui ana me ko ke ao nei, Kan. 7; 1-11. Poaha. Ka lapuwale o ko ke ao nei, Kek. 2; 1-11. Poalima. Ka hewa o ko ke ao nei, Hal. 14; 1-17. Poaono. Ka inaina o ke ao nei, Io. 17; 14. 15; 18, 19. Sabati. Aole no keia ao ka mea haipule, Io. 17; 15-16.
Mele. "Iesu ke Alakai." Lei Alii
Pule i hoopili aku ia Iesu ke Alakai.
Ka Wehewehe me ka @inau ana.
O keia haawina, he hapa ia o ka Episetole mua o Paulo ia Timoteo.
Timoteo, owai, a heaha ia ? Nana 1 Tim. 1; 2, 3. 2 Tim. 1; 2, 5. 1 Tim. 4; 14. Oih. 16; 1-3. Ma keia mau pauku, ua akaka, No Pamapulia ma Asia Uuku Timoteo; o Eunike kona makuahine, he Iudaio ia; he Helene kona makuakane; o Loiza kona kupunawahine. He poe manaoio lakou. He haumana hoi Timoteo na Paulo. Ma o Paulo la kona huli ana, kona hoahanau hou ia'na Nolaila oia i kapa ia'i he keiki ponoi na Paulo ma ka maoaoio. Ua lawe o Paulo ia ia i hoa hele nona. Ma kekahi manawa, ua hoolilo Timoteo i kahunapule, a ua hoonoho ia oia i kahu no ka ekalesia ma Epeso.
Ma ko Paulo noho ana ma kahi e, ua lohe oia, ua komo kekahi mau mea pono ole ma ka ekalesia ma Epeso. Makemake o Paulo e hana pololei o Timoteo. e ao pololei aku, e hooponopono i na mea kekee, e hoopau i na kuhihewa a me na lalau ana. Pono ke heluhelu ia na mok. 1, 2. 3, 4, 5, 6. a i ka pauku 6.
P. 6. Lilo paha kekahi poe i poe haipule, i poe hoahanau, no ke kuhi ana, he mea ia e waiwai ai lakou ma ke kino. Pela no ke kuhi ana o kekahi poe i keia wa. He kuhihewa ia. Aole no ka waiwai o keia ao ka huli ana a komo iloko o ka ekalesia. No ka waiwai o ka uhane ma kela ao, nolaila ka manao nui no ka huli ana mai ma ka pone. Ma keia ao nae kekahi hapa oia waiwai. O ka manao i ke Akua me ka oluolu io, oi ke aha ? Ua ilihune paha oe. he wahi waiwai uuku paha; ina ua manao nui oe i ke Akua, a oluolu hoi ia wahi waiwai uuku, ua waiwai nui oe.
P. 7. Me ke aha ko kakou komo ana iloko o ke ao nei? Me ke aha hoi ko kakou hele ana'ku mai keia ao aku? Nana loba 1; 21. Hal. 49; 17. Sol. 27; 24. Kek. 5; 15. Aloha ino ka poe luhi wale i ka imi ana, i ka hoahu ana i ka waiwai a nui ma keia ao, a hiki ole ke lawe pu aku i kela ao! Naaupo ea! Nowai ia? Nana Luka 12; 20. Mat. 6; 19, 20. Hoopaanaau.
P. 8. Ma ke aha e oluolu ai kakaou? Ina ua loaa kekahi ai e lawa ai, me kekahi ia, kekahi lole, kekahi hale, ke mau mea iki e ola'i ke kino, e like me ka nui o kanaka Hawaii, ua pomaikai no, a pono ke ae oluolu i me ka ohumu ole, a hoohalahala ole. Nana Heb. 13; 5. Mat. 6; 25, 31, 33.
P. 9. Pehea ka poe e makemake ana i ka waiwai nui? Pela anei ko kakou ike maka ana ? Naauao anei ia poe?
P. 10. Heaha ka mole o na hewa he nui? Ua aha kekahi poe i ka manaoio? No ke aha? Pela anei kekahi poe hoahanau Hawaii? Lilo i ka imi waiwai me ka loaa, a loaa ole paha. Ike pinepine ia anei lakou ma na halawai Sabati, Kula Sabati, halawai haipule ma na la noa, ma na ahaaina a ka Haku? Heaha ke kumu o ka emi ana o ka poe hele i ka halawai, i ke Kula Sabati? Aia mahea kekahi poe i maa mamua i ka hele ana i na halawai, i na Kula Sabati? Ua poholo paha iloko o ka upena o ka puni waiwai. A ua aha ia lakou iho? Houhou i na eha he nui. Eha ke kino, hui, luhi, kumaha, pihoihoi, hia a, makau i ka powa ia. Eha ka ka naau, walania, moha ole. A ma kela ao, ma ke ahi pio ole, pehea lakou? Houhou mau ia e ka pahi oi lua o ka luna@kehala.
P. 11, 12. Heaha ka Paulo kauoha ia Timoteo? a ia kakou hoi ma na la? E haalele ia mau mea, i ka puni dala, i ka imi nui i ka waiwai, i na mea o ke ao nei. E hahai mamuli o na mea ehia ? Na hua ia na keaha? E paio i ka paio aha? E hoopaa i ke aha ? Heaha kana, a heaha ka kakou e hooiaio aku ai? Imua owai? E hooko i na hoohiki imua o ke Akua imua o na anela, a imua o na hoike he lehulehu. Oia hoi, e noho hemolele, me ka hewa ole.
P. 13-16. Heaha ka Paulo kauoha imua owai? a owai hoi? Heaha ka Iesu i hoike ai imua o Pilato? Mat. 27; 11, Io. 18; 37. E malama Timoteo i ka Paulo kauoha i kina ole oia, a hala ole hoi, a hiki aku ihea ? i ka wa e kii mai ai Iesu ia ia e lawe aku i ka lani. E noho hemolele oia, a o kakou no hoi, a kii mai Iesu. E ao aku hoi i ka oiaio, i ka oiaio wale no hiki aku ilaila. Aia i ke Akua ia manawa, oia ka Moi pomaikai hookahi, &c. Heluhelu p. 15, 16. Pili ia mau olelo like ia Iesu, i ka Logou i Kinohi.
Owai ka mea make ole ? Ua make no Iesu ma ke kino, aole nae ma ka uhane. Ua ala hou nae. Aole loa oia e make hou. Nona wale no ka make ole. Nona iho, nana ponoi ka make ole. Aole na hai mai. He make ole no ko kekahi poe kanaka, na ke Akua nae i haawii, a e haawi ana i ka make ole, aole na lakou ponoi.
Pehea ka malamalama e hoopuni ana i ke Akua ? Aole hiki i kanaka e komo ilaila, aole hiki ke nanaa'ku no ka olinolino loa. Hiki nae ke nana ia Iesu, i ko ke Akua like. Aia no ke Akua iloko ona. A oia ka malamalama o ke ao nei, a o ka lani hoi. Hoike 21; 23. Oia malamalama a kakou e nana'ku ai ma ka lani me ka eha ole o na maka. A maloko hoi o ia malamalama e hiki ai ia kakou ke noho a hauoli a mau loa aku ke makaukau e komo ilaila. Ia wai ka mahalo me ka mana a mau loa 'ku?
Hai like mai i ka pauku gula.
Mele. "Home Aulii." Lei Alii aoao 28.
Pule i hoohalike kakou me Iesu, noho ole no keia ao, noho no ke ao maluna.
Haawina no Sept. 21, Tito. 3; 1-9.
KA LAWELAWE ANA I NA
WAIONA.
----: :----
He Haiolelo na Rev. H. H. Paleka,
----MA----
KAWAIAHAO, IULAI 20, 1879.
Ia wai la ka uwe ana? la wai la ka poino? Ia wai la ka hakaka? Ia wai la ka nuku wale ana? Ia wai la na palopu loaa wale? Ia wai la na maka ulaula? I ka poe e hoomau ana ma ka waina, i ka poe e hele ana e imi i ka waina i kawili ia. Mui rana oe i ka waina : kona ulaula ama, i kona aleule an@ ma ke kiaha, i kona hu ana a maikai. Mahope iho e naku mai me he nahesa la, a e pa mai me he moonihoawa la."--Na Solomona, XXIII:29-32.
Maloko o keia mau pauku o ka Olelo mai ka waha mai o ke alii naanao, he mau ninau. he mau haina a me ka olelo ao e papa ana i ke ona. Eia na ninau. ia wai la na uwe ana, n@ poino, na hakaka ana. na maka ulaula, a pela 'aku? Eia ka haina o ka ninau, o ka poe e loaa ana i na maka ulaula, me na iao o ka hakaka ana. na palapu eha ma ka ili me na ino e ae, oia no ka poe ona ; ka poe hoomau ma ka waina ; ka poe imi i ka waina i kewili ia, oia ka waina i hui pu ia me na mea e ae e ona ai, ua kawili pu ia kekahi mau mea ikaika e wela ai, alaila, hikiwawe ka ona. a one loa no hoi, o ka hoomau ma ka waina, a me ka inu i ka waina i kawili ia. ua maopopo he one ka hopena. O ka olelo ao, oia keia, mai nana oe a mai kuko ae i na mea ona, oia ke ano o keia olelo a ka Moi naauao ; me ka hai u mai i ka hopena o ka poe inu a ona, e eha ana me he mea la ua nahu ia e ka moonihoawa.
Maluna o keia mau olelo a Solomona ke kukulu nei au i keia haiolelo hoole wai ona a o ke kumuhana, e pili ana no KA LAWELAWE ANA I KA WAIONA. E kamailio ana au ma keia mau mahele ekolu. 1. Ka poe lawelawe. 2. Ka hopena o ka lawelawe ana. 3. Na hana i kupono i kakou no ke pale ana me ka hoopau ana i ka ona. Malalo o ka mahele maua, he nui loa na mahele liilii ; a ina e ninau ia owai ka poe lawelawe me na wai ona ? e aneane pili ana ka haina o ia ninau i na ano kanaka a pau loa iloko o ke aupuni. Mai ka wa mai o Liholiho a hiki mai i ka Moi hope iho nei o keia aupuni i make aku la, o na alii o ka aina kekahi poe i lawelawe nui i na wai ona. ma kainu ana o lakou iho, a me ka haawi ana i ko lakou poe makaainana, O kela lalani Moi mahope mai o Kmehameha I a hiki ia Lunalilo, ua hoomaopopo ka poe i ike ia lakou ua hoopokole ia ko lakou mau la mamuli o ka inu ana i na mea ona; a ua hooilihune ia no hoi kekahi poe no ia kumu hookahi no. Aole o lakou wale no ka lakou i hana ino; aka, ua haawi no i na wai ona i ko lakou poe makaainana, me ka ike aku no i ke kanawai e papa mai ana. E like me ka lawelawe ana o na Moi o kakou i keia mea, pela no hoi i lawelawe pu ai na 'lii malalo iho, ma ka inu ana a me ka haawi ana na hai e inu; koe kekahi poe alii he kakaikaha, no lakou na inoa ala a mau loa no ko lakou kupaa ana.
Malalo mai o na 'lii, iwena o na makaainana he nui loa ka poe lawelawe ma na mea e ona ai. O na haole mai na aina e mai, o lakou kekahi e lawelawe ana ma ke kuai aku i kumu e waiwai ai; he kuai nui ma na hale kuai kukaa, a he kuai liilii ma ke kiaha, iloko o na hale kuai mea ona i laikini i e ke aupuni, a me ke kuai malu o kekahi poe iwaena o kakou.
O keia mau ano o ka lawelawe ana i na mea ona ma ke kuai aku no ka waiwai ia. i kumu e loaa mai ai ke dala.
Heaha la ka waiwai i haawi ia no ke dala i loaa mai? He mea ona. A no ka makee loa ia o ke dala, ua kuai ka mea kuai rama me ke aloha ole i ka poe i ona, a i ike ia no hoi e ona ana.
Aole i nana ia mai na waimaka helelei o ka wahine nana ke kane ona; aole i manao ia na uwe ana a me na ehaeha ana o na ohana o ka makuakane ona; aole i aloha ia mai ke kino me ka uhane o ka mea ona; aka ma ka ike ia o ke ano o ke kanaka, he hike ole ke kupaa, a ua like ka puni ona ia ia me he ulia la o ka mai, eia nae e haawi ana no ka mea kuai waiona i kona kiaha no kahi apana dala i loaa mai, a e haawi hou ana no, a haawi hou, a hiki i ka wa e hina ai ia ilalo ma ka papahele o ka hale inu, a ma ke alanui paha.
O ka nui o ko Hawaii nei i make mamuli o ka inu rama, aole hiki ke helu ia, no ka ka nui loa. A o ka rama i make @i lakou, ua lawe ia mai mai na aina e mai, a ua kuai ia maanei ma ke ano hoopukapuka i mea imi waiwai, auwe ka poino i hoohiki ia mai maluna o ka aina i kumu pomaikai ai kekahi poe uuku me na dala kumu kuai o na waiona.
Eia hou no kekahi poe lawelawe i na waiona, o ka poe kuai malu, ma ke ano kue i ke kanawai; a he lehulehu no lakou.
Ua olelo mai ka poe i ike, maluna o na moku pili aina o kakou e holo nei, i Hawaii Maui a me Kauai, o kekahi ukana nui i lawe ia e lakou i keia wa, oia no na pahu waiona o kela a me keia ano. Ua lawe ia keia mau ukana ma ka inoa o kekahi poe haole, a me na pake, a ua kuai malu ia me kanaka ma na apana kuaaina. Ma Honolulu nei no hoi, ua hiki i ke kanaka ke kuai i ka rama i na la a pau. Ma o na pake e loaa ai, a ma o kekahi poe haole la kekahi.
Eia hou no kekahi poe lawelawe me na mea one, o ka poe haawi wale ia hai e inu no ka lealea i ka ike ana aku i ka ona mai o ka hoalauna. Ua ike maka ia i kekahi wa ka ona ana o kekahi mea ma ke alanui. a o kamalii me kanaka makua e kuhi@uhi ana me na lima, me na leo hoohenehene. me na akaaka ana a me na uwa ana. A o kela mea ona. ua hoowalewale ia kela e inu no keia kumu wale no; no ka lealea e ike i kana mau lawelawe ana me na kamailio ana.
Me he mea la o ke kiekie keia o ke ano diabolo iloko o ke kanaka. o ka hoowalewale i kona hoalauna e inu a ona no ka lealea e ike i kona hoolapuwale ana iaia iho.
Eia no hoi keia poe lawelawe me na waiona, a o ka hapa nui keia; oia ka poe inu. O ka poe haawi, ka poe kuai akea a kuai malu, a me ka poe hana i na mea awaawa he mau heluna no ko lakou ; aka. aia ka hapanui iwaena o ka poe inu a ona. Mai ka poe kiekie a i ka poe haahaa; mai ka haole a i ke keiki hanau o ka aina; mai ke kahu@apule a i na hoahanau ; mai ke kumu ao a i na haumaoa ; mai ka luna aupuni a i kona poe malalo iho ; mai ka haku a i na kauwa, aole he papa helu kanaka i koe a komo ole ia e keia mea hilahila nui he inu a ona. Mai kuhihewa oukou e olelo ani au ua ona na mea a pau; aole pela. Aka, o ka'u oe olelo nei aole he kulana kanaka i komo ole ia e ka ona mai ke kulana ilu@a loa a i ke kulana ilalo loa. He oiaio, mawaena o kakou, i keia wa no. ua loaa kekahi poe i kupaa me ka ae ole e haawi ia lakou iho e ona. No lakou na mahalo piha a ko ka lani a me ko ka honua poe maikai. Ina he mea hiki ke kalaunu ia ke kanaka me ka lei gula, me ka hooheihei na iaia me na hanohano piha o ka honua nei no ke kupa@ ana imua o na hoowalewale ino. alaila. he mea kupono ke haawi ia ia mau hoohanohano ana maluna o ke kanaka Hawaii i kupaa me ka hoolanakila ana maluna o na hoowalewale o keia kau e hele nei a e pili ana i ka inu ana i na waiona.
II. Heaha na hopena o na lawelawe ana i na waiona ? No ka poe e kuai ana, he mau wahi dala. Aka, he waiwai maikai anei ia, ka waiwai i loaa mai me ka hoopomaikai ole ia o ka poe e kuai mai ana i na mea e ona ai lakou ? O ka waiwai i loaa mai ma ka haawi ana i ka mea make e ino ka hoalauna, he hopena oluolu anei kona ? Ma ka hopena no hoi o ka poe e lawelawe ana e inu i na mea e ona ai a ona, aia malaila he poino kuhohonu. E nana i na poe kuonoono a waiwai maoli no hoi iwaena o kakou mamua, a ua ilihune i keia wa mamuli o ka ona. E nana i na 'lii i hooilihune ia, a i hoopokole ia ko lakou mau la mamuli o ka inu ana i na waiona. E hoomanao i na haole hanohano a naauao no hoi i hoolapuwale i ko lakou hanohano, a ua pepehi maoli no hoi ia lakou iho ma ka ai mau ana i na mea ona. A e hoomanao no hoi i na hoa'loha poni o oukou i haawi ia lakou iho mamuli o ka ona. Auhea lakou? Auhea kela poe ona rama? E ninau ma na hale paahao. E ninau ma na ilina kupapau. E ninau i na wahine kane make. E ninau i na keiki makua ole. E ninau i ke Akua; a ke pane mai nei Kana Olelo me ka leo eehia, " Aole e komo ka poe ona iloko o ke aupuni o ka lani. " Ua pani ia ka puka gula o ke Kulanakauhale Lani i ka poe ona; no ka mea, he poe haumia lakou. Auwe ka hopena hilahila a me ka poino o ka poe inu waiona.
III. Heaha na hana i kupono ia kakou no ke pale ana a me ka hoopau ana i ka ona rama. E i mai ana paha kekahi. na na luna aupuni paha ka hana e pau ai keia ino. He oiaio he hana ko ke aupuni ma keia mea. Aka, aia iloko o na makaainana pakahi, a me ko lakou huina nui, kekahi mana e pau ai ka ona, a e maemae ai ka lahui i keia haumia nui. Mao oukou pakahi la e hiki ai keia mea. E lawe kela a me keia a e hoolilo iaia iho i mea hoole i na waiona, HOOLE LOA. Mai ae e inu i na mea e ona ai Aole au i hilinai nui i na Ahahui Hoole Waiona. He mau kokua maikai no lakou ; aka, o ka mana e lanakila ai, oia ka mana o ke kanaka hou iloko o Kristo. E imi ia kulana, a na ka mana o ka uhane o ke Akua iloko o oukou e hoolanakila maluna o ka ona a me na kuko ino a pua.
Eia hou kekahi. E kokua oukou mamuli o na luna aupunni ma ka huna ole ana i ka poe lawelawe ina waiona e kue ana i ke kanawai. E hoike ae i ka poe hana waiona, a me ka poe kuai malu, ma ke akea. Oia kekahi mea e pau ai keia ino. O kona pee ana a nalo, oia ka mea e ulu ai. O ka hoike ana ma ke akea, oia kekehi hana e kokua ana i ka hoopau i ka ona. Nolaila, mai huna i ka poe ona ; mai huna i ka poe kuai malu, a me ka poe puhi waiona. O ka leo keia o kou aina hanau, e ke Keiki Hawaii, e uwe aku nei ia oe me ka i ana, "e na keiki o ka aina oiwi, e aloha mai, a e hoopakele ia Hawaii i ka hopeua hilahila o ka lahui ona.
S. AUKAI.
LOIO ! LOIO ! !
Ua ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu. 898 1y
HENRY N. KAHULU
Loio a he Kokua ma ke Kanawai.
Ua makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole.
885 1y no16
JNO. LOTA KAULUKOU.
LOIO A HE KOKUA.
Ua makaukau an e lawelawe : na hihia a pua o kela a me kela ano iloko o na Aha lio@koi kolo a pau o keia Aupuni Ua hiki no hoi ke han@ i na palapala a pau e pili ana i ka Oihana L@o me ka eleu K@ no au ma H@eia Koolaupoko, a ma Honolulu no h@ kekahi manawa. 901 tf
EDWARD KEKOA.
HE Loio no na Aha Kakau ole ma Hawaii. Aia kona Keena Oihana ma alanui Wainuenue, ma o mai o ka hale hookolokolo o Hilo, o Nani Ka@uea o ka hora 8 am a me ka hora 4 pm., ke ole he pilikia e ae.
882 1yr oc26
S. M. P. KALEO.
He Loio, he Kokua, a he Ple ma ke
Kanawai.
No ka Aha Apana a me ka Aha Hoomalu o ka Apana o Wailuku, Mui. E loaa no au ma Waiehu. Waihee, a i ole ma ka Hale Hookolokolo ma Wailuku. 884 1y no9
RICHARD F. BICKERTON,
[PEKETONA.]
LOIO a he KOKUA m@ ke KANAWAI!
E HELE ANA @A @MU A O NA AHAHOOKOLOKOLO a p@ o k@ia Aupuni @a @ hi@ia a p@a, ioa paka ma Oahu @ a ma na Mokup@
Ua makauka@ m@ o@ i @ ha@ Palapala pi@ ka@wai o keia a me ke@ o@o.
Ua hiki @o hoi @ ke @ dala a@a ma ka m@ak ana ina aina ma ka ak@oa.
@ h@ aku haahaa.
Kaena hana, He@ Al@ni @pa, elo@ o aku o ka hale k@ka o Ka@ka Mi@ @ 1y
OLELO HOOLAHA.
KAKELA a me HAKI.
O KAKELA OPIO A ME F. M. HATCH, @a hui k@a ma ka hawewawe ama i ka @h@ Loio Ua @iki ia @ ke ku imua o na Aha a pau. mai ka Aha Hoo@ a @ A e kaw@we @o @a @ na ha@a pili i ka hooponopono waiwai, me ka imi an@ i na Palapala @i2 Aina ka @ i na Palapala Kuai, Hoo@lima. a me ka Hoaie Dala an@.
W. R. CASTLE, Luna Hooiaio Kope
Kee@ Ha@, @hana a@ o ka Halekuai o D@lingham & Co.
He@, Ala@i Papa 3 6m@
ALFRED S. HARTWELL,
[HAKAWELA.]
LOIO a he KOKUA ma ke KANAWAI !
Aia kona Keena Oihana maluna ae o ka Hale Baneko Hou o Bihopa ma. 967 tf
CECIL BROWN.
LOIO A HE KOKUA MA KEKANAWAI
A HE AGENA no ka Ho@iaio ana i na Palapala no ka Mokupuni o Oahu.
He@ S. Ala@ai Ka@hu@u. Honolulu, H. P. A. 1y
E. LILILEHUA.
Loio a he Kokua ma ke Kanawai !
IMUA o na Aha Apana a Hoomalu o ka mokupuni o Oahu. E hanaia me ka eleu loa. E loia no au ma Wehekealaula. ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu.
898 1y
S. W. MAHELONA
HE LOIO ! HE KOKUA A HE PALE
ma ke Kanawai.
UA makaukau au e lawelawe me ka mikioi a me ka eleu lua ole i na hihia a pau @ kela a me keia ano imua o na Aha Hookolokolo a pau o keia aupuni. Ua hiki no hoi ke kakau i ua palapala a pau e pili ana i ka Oihana Loio. E loaa no @u ma ko'u hale noho mauka iho o Kawaiahao, a i ole o@a ke keena hoo@okolo o ka Aha Hoomalu a me ka Aha Kiekie ma Honolulu nei. O ka poe makemake e aio dala, heoluolu ka ukupanee.
876 3m
TIMOTHY KALAEONE.
He Loio a he Pale ma ke Kanawai.
IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa.
895 1y Jan. 25.
PRINCE'S OWN CORPS !
E NANA! ENANA MAI I KEIA ! !
KE kauoha ia aku nei na Hoa a pau o ka Puali Koa Pualu o ka PRINCE'S OWN CORPS o Honolulu ; ka poe i kakau ole i ko lakou mau inoa malalo o ke Kumukanawai Hou o ka Puali, e hele nui ae i ka po o ka Poakahi, la 11 a me ka po o ka Poakolu la 13 o keia mahina o Augate, a me na mahina o Sepatemaba a me Okatoba iloko o na po halawai a me na po paikau o ka Poali, e kakau ai i ko lakou mau inoa maloko o ka Buke Kumukanawai a me na Rula, i ohi ole ia ai ko lakou mau auhau e ka Luna Auhau i ka la 1 o Novemaba e hiki mai ana.
O ka nui o na Hoa a pau o ka puali i keia wa, he Hookahi Haneri me Kanahakumamaha, 144 a he ekolu Komepane.
Ko Komepane A. he 63 poe Hoa.
" B, 47 "
" C, 34 "
Komepane A i kakau inoa 29, koe he 34.
" B " 38, " 9.
" C " 15, " 17.
NA HOA O KE KOMEPANE A I KAKAU INOA.
1 KALAKAUA. Mekia.
2 C. P. Iaukea, Akukana.
3 Dr. Cummins, Kauka.
4 Antone Rosa, Kapena
5 Hoa Ulukou, Lukanela 2
6 B. W Kawainui, Sub. Lukanela
7 J. Iniha, Kakiana 1
8 Kahalewai, Kakiana 2
9 Hookano, Kakiana 4
10 F. Archer, Kopala 1
11 J. Wana, Kopala 2
Na Koa--Kauha, Alohikea. Mokuaikona, Kekuhaupio, Koea, Pololeikaihu, Hinaaulani, Kahahawai, Keawe Mahaulu, Aiamanu, A. Kahai, Mana, Panaewa, Kupa, Kuahau, Kikoo Liwai, Kaneluwaia.
NA HOA O KE KOMEPANE A I KAKAU OLE.
J. Hamauku, Lutanela 1; Lutela, Kakiana Paahae; Kealoha, Kakiana Puuku; Lonoakai Kakiana 3; Punini Kopala 3; Kahiwalani Hookani Pahu. Na Koa, Ahiena, Henry John, Kailiehu, Hoomiha, Kealohapauole, Piikoi, Kua, Kane, Keaweamahi, Haaheo, Kanei Koka, Kalei, Kiliona, Kewikikona, Solomona, Pauoahu, Kanekamoa, Keawe, Keliihanaiho, Wahanui, Kauhane, Kukahoe, John Wana, Meheula, Kehiaiweuweu, Hosea, Kahue.
NA HOA O KE KOMEPANE B I KAKAU INOA.
Kaaha. Kipena; Kaiaiki, Lukanela 1; Naaimulea, Lukanela 2; Kaulahiwa, Kakiana 1; W. Wana, Kakiana 2; Wahilani. Kakiana 3 Poni, Kopala 1. Na Koa--Kawai, Makani, Kaloa, Auwae, Naihe, Kahale, Kaai I. Maukoli. Kopa, Waolani, Lono, Kalakiele, Kaniho, Hosea, Kakalia, Kealaau, Opeka, Hilauea, Kuhia, J. Palau, S. Silva, Kaaihue, Mu, Kanakaole, Opulauoho, Naeole. Palau II, Haaheo, Hose.
NA HOA O KE KOMEPANE B I KAKAU OLE.
Hamaia, Kiwini, Keawenui, Kealoha, Kaloio, Kaai II, Keamopohaku, Kuaiwa, Kahoa, F. Hervey, Kahiona.
NA HOA O KE KOMEPANE C I KAKAU INOA.
J. H. Boyd, Kapena; A. Panee, Lutanela 1; 1. Levi, Lutanela 2; Solomon, Kakiana 2; W. Reuter, H. Reuter, Joseph. J. Kaanaana George Kawai, G. Shaw, Aarona, Kapine, Solomon Hiram, S. Kuula, Kehinohokaha, Kalehua.
NA HOA O KE KOMEPANE C I KAKAU OLE
Pohani, Kakiana 1; S. Kaaikaula, R. Burn Kahaialii, J. Kaiwi, M. Kahulanui, S. Lenhern, Moses Hiram, Kaina. Kahaka. Kelukoa, Koma G. Koa, S. Kahikine. D. Kealohou, Kahulia, Kemeha.
Ke hoakaika ia aku nei i na hoa i kakau ole i ko lakou mau inoa. ina aole lakou e hoopaa i ko lakou mau inoa ma ke Kumukanawai o ka Puali. alaila, aole e manaoia lakou he mau hoa oiaio. a e hookau ia no maluna o lakou na auhau a pau o ke aupuni i ka la 1 o Novemaba e hiki mai ana.
O ka poe e hooko ol@ ana i keia mau kauoha, maluna no ia o lakou, oiai, ua haawiia ka manawa loihi he ekolu mahina no ko lakou hooko ana i keia mau kauoha. Aole i manaoia ua pili keia i ka poe i hele ma k@hi e mawaho ae o keia mokupuni. Ma ke kauoha.
Inoa : C. P. IAUKEA,
Akukana Prince's Own Corps.
Honolulu, Hale Paikau. Aug. 5, 1879.
923 3m 934
PAPA, PAPA
AIA MA KAHI O
LEWERS & DICKSON !
(O LUI MA.)
MA KE KAHUA KAHIKO MA
Alanui Papu a me Moi!
E LOAA AI NA
Papa Nouaiki!
o kela a me keia ano.
Na Papa Nani a Paa no ke Kukulu
ana i na Hale!
Na Pani Puka, Na Puka Aniani,
Na Olepelepe, Na Pou, Na O-a,
Na i ape Hele, Na Papa Ku,
A me na Papa Moe nui loa
NA @ LI O KA HALE
O NA ANO A PAU,
Na Pepa Hoonani, Na Pena o na Wai a pau,
Na Kui mai ku Nui a ka Makalii,
Na Ami Puka, Na Ami Puka Aniani,
Na Ami o na ano a pua,
Na Aila Pena, o kela me keia ano,
Na Aila Hoomaloo, he lehulehu wale,
No Aila e ae o na ano a pau.
NA WAIVANIKI
----A ME NA----
WAI HOOHINUHINU NANI !
o na ano a pau loa.
NA BALAKI ANO NUI WALE!
A ke hai ia aku nei ka lono i na makamaka a
pau, ua makaukau keia mau makamaka
o oukou e hoolawa aku ma
na mea a pau e pili ana
ma ka laua oihana
---NO KA---
UKU HAAHAA LOAI
E like me ka mea e holo ana mawaena o
LAUA a nae ka MEA KUAI.
E hele mai! E na Makamaka !!
A e lawa no hoi ko oukou makemake
me ka oluolu a me ka maikai !
845 tf
A VALUABLE
Medical Discovery
Reuter's
Life
Syrup
(NURSE BERTRAND.)
LAAU LAPAAU
WAIWAI LOA!
----- Oia -----
KA WAI OLA A REUTERA.
He laau keia i imi ia a loaa e kekahi kahu mai kaulana, o Bertrand kona inoa, ua lawelawe keia kahu mai ma ka malama ana i ka poe mai no na makahiki he kanalima a oi ae, a o keia laau hou he mea i hanaia noloko ae o na LAU NAHELEHELE a me na na o na laau ulu o ka pahele i h@iia, he ono ma ka ai ana, he ala ma ka ho@i @na, a he pumehana kona ano. He laau hoonoha ikaika kei@, me ka hoeha ole ana i ka opu a me ka hoopailda ole. Aohe nawaliwali ka mai mahope o ka ai ana i keia laau, e like me ka naha iao aua o kekahi mao laau e ae, he kupono no ke ai ua keiki liilii a me ka poe nawaliwali loa me ka hopo ole. He laau heela maopopo keia i ka opu paa, a me ka inoino o ka opu waiho ai, a me na mai a pau e pili ana i ka opu. He laau hooikaika no hoi keia i ke AKEPAA, a he mea e no hoi ka hikiwawe o kona hoomaemae ana i ke koko, a me na mai a pau o ke kino. No ka mea, mao keia laau ia i hookuke ia aku ai na haumia a pau iloko o ke koko. He like ole me keia na laau e ae, oiai e ai ana ka mai me na huaale hoonaha me ia mau laau, aole hoi peneia
Ka Wai Ola a Reutera,
Aka, ua lawa iloko ona na hoonaha ana a me na hoomaemae ana i ke koko a pau.
----A ME ----
KO BARRY LAAU HOOLA EHA.
HE LAAU HAMO A HE LAAU AI
He laau hoola keia iloko o ka minute hookahi, E HOAO !
----: O :----
A. W. RICHARDSON,
Oia o LIKIKINI Opio, ka Agena no keia mau laau no ke aupuni Hawaii
916 3m 927
KALE KULIKA,
LUNA HOOIAIO PALAPALA KUAI,
Molaki, a me na palapala oia ano.
LUNA HOOIAIO PALAPALA
Aelike mawaena o na Haku me na Kauwa.
Luna Haawi Palapala Ae Mare
Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina.
906 tf
HOOLAHA.
UA makaukau ka mea nona ka inoa mulal@ iho, e kokua i ka poe e manao ana e
Kuai, Hoolimalima a Moraki Aina
A no ka
Hoaie Dala Ana.
WILLIAM O. SMITH, Loio
Honolulu, Iune 16, 1879. 916 3m927