Ka Nupepa Kuokoa, Volume XVIII, Number 33, 16 August 1879 — Page 2
| This text was transcribed by: | Gwen Lazear |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
UA hookohoia ka poe nona ka inoa malalo iho i keia la i mau Kuokoa no na Pa ma ka apana o Makawao, mokupuni o Maui : C. H. Dickey. D Crowiogborg. P. Nui
FAM'L G. WILDER, Kuhina Kalaiaina.
Keena Kalalalaa, Iulai 26, 1879 821.3z
Hoolimalima o na Aina Aupuni.
MA ka Poakahi, Sept. 1, 1879, ma ka hora 12 o ke awakea, e kuai ia ana ma ke kudala akea ma ke alo iho o Aliiolani Hale na hoolimalima aina malalo iho.
1. Ka hoolimalima no umi makahiki. Apana I O A'o kona inoa, eia na palena : makai ke kai, mauka ka aina o Ma@hikina ka aina o Nakuwala, komohana ka aina o Kauh@lei. Kona ili 163 eka, ka uku elua dala a maluna aku no ka eka. E hookaa mua ia ke aku i kela a me keia hapaha makahikima keia Keena.
2. Ka hoolimalima o na makahiki he umi o ka apana 2. e waiho la ma Lauka a me Kulihai; eia na palena, makai ka alua o K@hu, mauka ka aina o Waiahole a me Inaina, hikina ke kahawai o Sienie, komohana kekahi mau apana ma Kulihai a me Koloaha. Ke aku hoolimalima, elua dala e maluna aku no ka eka ma ka makahiki. E hookaa mua ia ka uku i keia a me keia hapaha makahiki ma keia Keena.
E ike ia na kii o na aina maluna ae ma keia keena a ma ka Hale Leta ma Hookaa
922 3t FAM'L G WILDER, Kuhina, Kalaiaina.
Kuai o na Aina Aupuni.
MA ka Poakahi Sept. 9, 1879, ma ka hora 12 o ke awakea, e kuai ia ana ma ka kudala akea ma ke alo iho o Aliiolani Hale na aina ma Honokaa Hamakua, Hawaii, i ho ikeia malalo iho
1. KOLOAHA Helu 1. Eia na palena, makai ka aina o Hoaka a me ke alanui, mauka ka aina o Kaihumoku. ma ka hikina ka aina o Kellikinoloa, ma ke komohana ka aina o Kaiwi. Kono ili 41 8-10 eka. Ka uku elima dala a maluna aku no ka eka.
2. KOLOAHA Helu 2. Eia na palena, makai ka aina o Kaihumoku, mauka ke alanui aupuni a me ke kuleana o Kai@, hikina ka aina aupuni ma Kulihai, komohana ka aina o Nahakuelua. Kona ili 33 8-10 eka. Ka uku umi dala a maluna aku no ka eka. Dala kui ke i ka wa e kuai ai. E ike ia no na kii o keia mau aina ma keia Keena a ma ka Hale Leta ma Honokaa. SAM'L G. WILDER,
922 3t Kuhina Kalaiaina.
E AE ia ana na noi ma ke Keena Kalaiaina no na apana aina Aupuni ma Kulaokahua. O ka poe makemake e kuai, e hai mai i ka helu o ka apana i makemake ia, a me ke kumukuai a lakou i manao ai. E hoike pu mai no hoi ka poe kuai ina he makemake ko lakou e kuai no ka hoomaemae a hoowaiwai hou aku; aole ae ke aupuni e kuai aku no ka hoopaa wale ia ma ke ano hoopukapuka.
Ina e kupono ke kumukuai i manaoia, e waiho ia na apana ma ke kudala mahope o ka hoolaha kupono ana.
Penei ke kuai ana : Hookahi hapaha dala kuike, hookahi hapaha iloko o na makahiki elua, hookahi hapaha iloko o na makahiki ekolu me ka ukupanee 9 keneta no ke dala no ka makahiki, me ka hookaa mua mai i kela a me keia hapalua makahiki a me ka moraki o ka aina.
E ike ia no na kii o na apana aina ma ke Keena Kalaiaina.
924 3t SAM'L G. WILDER,
Kuhina Kalaiaina.
KA NUPEPA
Kuokoa me ke Au Okoa
I HUHA.
No ka Makahiki, $2, Eono Mahina, $1.
Dala Kuike ka Rula.
POAONO, AUGATE 16, 1879.
MA ke ahiahi Poalua iho nei, ua holo aku ke Alii ka Moi maluna o ka mokuahi "Lehua" no Kapaa, Kauai.
UA ike iho makou maloko o kekahi o na pepa i loaa mai ma keia eke leta iho nei, o ka mea nana i pepehi o Mrs. Hull ma Nu Ioka, ua hoahewa ia oia e ka poe Kiure i kona wa i hookolokolo ia ai a ua hoopuka ia kona olelo hoopai, e li ia ma ka la 29 o keia mahina. Ma ka nana ana, aole oia e pakele ana ; he karaima mainoino loa kana i hana ai, a o ka manao o ka lehulehu o ka poe maikai, ua kupono kona hoopai. O ka mea pepehi kanaka keia a makou i hoolaha aku ai i keia pule iho nei, a kona loio hoi manao ai e pale imua o ka Aha Hookolokolo ma ka hooili ana i kona hewa maluna o na kauka nana i kaha ke kino o ka wahine i make. E kahaha ana paha ka poe heluhelu ke lohe, o ua pepehi kanaka la, he hoahanau no ia iloko o kekahi ekalesia, a iloko no oia o ka luakini kahi i hooma@a ai i ka wa i ku ia aku ai e hopu e na makai. E kahana pu ana no paha ko makou poe heluhelu ke lohe, o ka wahine i hoahewa ia no ka pepehi ana i ka pake ma Wailuku, Maui, ke olelo nei oia he hoahanau ia iloko o kekahi ekalesia. Ke hoike mai nei keia mau mea, aole e nalo ka hookamani ma kona hoohui ana me ka poe maikai.
HOIKE O KE KULA ENELANI MA KANEOHE, KOOLAUPOKO, OAHU.
Ua loaa mai ia makou ka hoike a ke Komite Hoike Kula Enelani o Koolaupoko imua o ka Peresidena o ka Papa Hoonaauao, a oia keia malalo iho nei.
I ka Mea Hanohano C.R. Bishop, Peresidena o ka Papa Hoonaauao. Me ka mahalo.
Ma ka Poaha la 22 o Iulai A.D. 1879, ua hoike ia ke kula la Enelani o Kaneohe, Koolaupoko, Mokupuni o Oahu, maloko o ka luakini o Kaneohe, malalo o ka noho kumu ana o Miss Jane K. Pogue. O ka nui o na haumana i hoike ia, he kanakolu, he 17 keikikane a me 13 kaikamahine, a elua haumana i hiki ole mai no ka pilikia mai. A penei no buke a me na Papa i hoike ia.
Papa A, B, C, he 7 haumana, Kumumua 4 haumana, buke heluhelu ekahi 7 haumana, buke heluhelu elua 9 haumana, buke ao Sepela 4 haumana. Papa elua ma ka Hoikehonua 9 haumana. Papa ekahi Hoikehonua 4 haumana, ma ka Helunaau a me ka Huinahelu i hoike hu@a ia mau buke, he 18 haumana. Papa akahi ma ka Hoailonahelu 1 haumana, he mau himeni a he mau haiolelo kekahi i hoike ia.
Ma ka nana ana o ke Komite i keia hoike, ua holomua ka ike o ka hapa nui o na haumana o keia kula, a ma o ka poe liilii la no kahi hunahuna iki.
J.P. KAMAI, Komite.
KA HALE KEAKA PANKE. - No kekahi mau pule i hala ae nei, ua hoolaha aku makou e kukulu ana na pake i Hale Keaka no lakou. Ano hoi i keia wa, aia ke hoomaka ia nei ke kukulu ana o ua hale la ma kai o Aina hou, ma kahi i ku iho nei ka Hale Keaka ole o Mr. Luprod. Eleu no na keiki o ka aina pua.
Pau i ke Ahi.
KA NUPEPA KUOKOA E ; Aloha oe: -
Ma ka Poakolu iho nei la 6 o Augate, ua holapu aku la ke ahi i ke Ko a ka Hui Kawaihau, a me ka Lee Loy. Penei ke kumu : Oiai na Pake hana a Lee Loy e hana ana, a e hoopoopoo ana i ka ha ko, ua kauoha ia aku la kekahi mau pake e ho-a i ke ahi ma na palena o ko lakou aina, oiai ka makani e hiu ana. Ua ho-a ia keia ahi ma ka aoao makani ; a he mau minute o ko ke ahi lawelawe ana i kana apana hana, aia hoi " ua hele huhu aku la ke ahi me ka momoku."
Ike mai la ka nui Pake i keia pilikia e hele la i ka loa a i ka laula, holomoku mai la e kinai, he ole nae ka pio. A ma ka nui hoomanawanui o ka Luna Nui o ka Aina Geo. H. Dole me na pake, na haole, na kanaka i ke kinai ana, i na ua "one-a kai o malama."
Ua koho ia na eka ko Kawaihau i pau i ke ahi he 50, a o ka Lee Loy hoi 15 eka. Ua a keia ahi mai ko Lee Loy aina ko aku, a hala-hu ana i ko Kawaihau, a nana pake o Lee Loy he ahi i pau ai. A no keia pilikia ulia wale, ke hooikaika nei ka Hui ma ka hoohana ana i kona poe kanaka paahana a pau.
A o ka Hale Wiliko keia aohe i loaa he wa hoomaha, koe ka wa paina. E wili ana ke ko mai ka hora 6 a. m. a ka hora 6 p. m.
A ua komo kino mai na Luna Nui o ka hui ma ka hana pu ana.
D. KEAWEAMAHI.
Kapaa Augate 8, 1879.
Hoike o na Kula o Kailua me Hakipuu.
Ua loaa mai ia makou ka hoike a ke Komite Hoike Kula Aupuni o ka apana o Koolaupoko, Oahu, imua o ka Peresidena o ka Papa Hoonaauao, a oia keia malalo iho :
I KA PERESIDENA O KA PAPA HOONAAUAO, Me ka mahalo -
O maua o na Komite i kohoia mai e ka Papa Kula Apana o Koolaupoko, no ka hoike ana i keia mau kula o Kailua. Ma ka la 23 o Iulai, ua akoakoa ae na hoa o ka Papa Kula Apana na makua, a ma ka hora 10, ua hoomaka ka hoike. O Jos. Kaaia ke kumu, he 18 ka nui o na haumana i hiki mai, 8 keikikani, 10 kaikamahine ; 8 ma ka A a me ka hookuikui, 3 ma ka heluhelu Kumumua, 7 ma ke Ao Heluhelu, 10 maka Helukamalii, 6 ma ka Helunaau, 2 maka Arimatika, 6 ma ke Kakaulima, 6 ma ka Himeni. I ko maua nana ana i keia kula, ke pii ae la ka makaukau o keia kula, oiai eha wale no mahina o keia kula i malama ia ai e keia kumu hou, a nolaila, aole e kanalua ana ka manao, ua loaa he alakai kupono.
Ma ka la 24 ae, ua nee aku la ka hoike ma Waikane, no ke Kula o Hakipuu, a ma ka hora 10, ua akoakoa mai la na lala o ka Papa Kula na makua a me na makaikai ; ua hoemaka ka hoike, o Mrs. M. Kaneahoa Paikuli ke kumu, he 31 ka nui o na haumana i hiki mai, he 17 keikikane, he 14 kaikamahine, 2 ma ka A, 8 ma ka heluhelu Kumumua, he 21 ma ke Ao Heluhelu, 6 ma ka Helukamalii, 15 ma ka Hoikehonua, 15 ma ke Kakaulima a he 15 ma ka himeni.
I ka makaikai ana i keia Kula, ua loaa he mea na ka naau e mahalo ai, oiai, ua hoike mai la na helehelena a me na ouli, i na haumana i ko lakou holomua ma na lala o ka ike, a e auhee aku ana ka naaupo a e hoalii mai auanei ka ike a me ka naauao, maloko o ko lakou mau lolo, ke hiki maii na la kanaka makua, ke hoomau i ka huli ana i ka ike. A ke hoike mai nei ke kumu, i kona eleu, ma kana oihana a he hoike maopopo ana ia, ua kupono kona noho wahine ana i alakai no na opiopio Hawaii A ina la paha he mea hiki ia maua na Komite ka hoopii ana ae la i na uku la o olua, e na alakai ; i na la, ua haawi la maua e like me ka mea hiki, aka, na ka Papa Kula Apana a me ka Papa Hoonaauao, a me ke Kahu Kula Nui ia hana. 'Me ka mahalo.
J.P. Kamai
EDWARD P. KAPOLOLI KOMITE
NU HOU KULOKO.
IKE ALII - Ma ke awakea Poalua iho nei o keia pule, ua haawi ia ae he ike Ala maloko o ka Hale @hi Iolani, mawaena o ke Alii ka Moi a me na haole malihini hanohano mai Kaleponi mai nei.
HONO NAHUKA. - Ma ka Poakolu iho nei o keia pule, ua mahuka aku la o Henry Giles ka hunona a C. Afong o keia kulanakauhale maluna o kekahi moku kalepa e holo ana no Honokaona ma Kina.
NA HALAWAI KA KAWAIAHAO. - Ua hoi mai nei o Kauka Haide mai kana huakai kaahele ia Hawaii, a e haiolelo ana ia ma Kawaiahao i ke kakahiaka o ka la apopo. Ma ka po iho, hora 7 1-2 e kamailio ana o Mr. S.B. Dole no kahi mau mea i ike ia ma kana huakai i Amerika.
HALE POHAKU ULA HOU. - Ke hana hou ia nei he Hale Pohaku ula hou mahope o ka Hale hana wati hou o D.W. Clark ma Alanui Kalepa, e pili pu la no me Uniona Ho@le a ke pii awiwi ae la kona mau paia, he mau la pokole wale no e kuli aku ai, alaila, ike ia aku kona mau nanaina kilakila.
HE PUALI PAKE HOU. - Ma ka la 21, o Iulai i hala ua haalele aku ka moku kiap@ "Iphinia" ia Whampoa, Kina, me kekahi puali pake hou no keia awa i hiki aku la huina i ka 250. "Ku ka paila hana ka haawe" o ua mea he komo nui mai o na pake ao kakou nei.
HE PUALI PUKIKI A HIKI MAI: - Aole paha e loihi na la i koe, alaila, e hiki hou mai ana he puali pukiki hou he mau haneri ka nui ma keia awa mai na aina pukiki mai. He mea keia e hoike mai ana, o keia ka makahiki i wehe akea i@i ka puka o Hawaii nei no ke komo nui ana mai o na lahui o na aina e.
KULA HANAI O KAWAIAHAO. - Ua manao ia e hoomaka hou ana keia kula ma ka Poakolu o keia pule iho nei, oia ka la 13 o keia malama ; aka, ua noi ia mai makou e hoike ae i na makua mea keiki, ua hoopanee ia ka la e hoomaka ai a i ka Poakolu, la 3 o Sepatemaba. O ke kumu o keia hoopanee ana, oia ka mai o na haumana.
HE PUA I MOHALA : - Ma ka la 14 o Iulai i hala ae nei ma Waiohinu. Kau, Hawaii, ua hanau mai la o Miss Mar@ea Kalahiki Mahelona. na Moses Mahelona me Mrs. Susan Mahelona. He maikai ke ola o ka makuahine a me ke kamaiki opiopio.
HALEPULE O NA PAKE - Ua loaa iho nei ke kaua kahi e kukulu@a ai ka luakini o na Pake, aia ma ka aoao mauka o ka huina o na alanui Papa me Beritania, oia kekahi hapa o ka pa o Pauahi no ke kumukuai he $4,500. Ina pela, alaila, aohe e huliu ana a e ike no ka lehulehu i na paia kilakila o ka halepule o na keiki o ka aina pua.
PUIWA KA LIO : - Ma ka hora 9 paha o ke kakahiaka o ka la Sabati i hala, ma Alanui Adamu, mawaho ae o ka pa o ka Luna Leta Nui; ua puiwa ae kekahi lio kauo kaa oiai na mea holo e kau ana maluna o ke kaa, a ma la puiwa ana, uahaha ke kaa a holo aku la ka lio me na huila mua a me ke kolo o ke kaa, a o hope waiho iho la i ke alanui. O ka mea laki loa nae, aole ola i poino.
NA KEIKI ALII BERITANIA. - Ke hoomakaukau nei na Keiki Alii Alabati Vitoa me Keoki Faredarika o Wale, na Keiki ponoi hoi a ka Hooilina Kalaunu o Beritania Nui, no ka laua huakai ma ke ao nei i na Panalaau o Enelani ma ka moana Pakipika nei, maluna o ka mokukaua hou Bacchante i hoomakaukau ia no keia huakai. E hiki loa ae ana na Keiki Alu e ike i ka Hooikeike nui ma Sidane, a malia paha ma ka laua huakai makaikai, o kipa wale mai ma o kakou nei.
MOKUAHI "KULANAKAUHALE O SIDANE." - Ma ke ahiahi Poakahi iho nei o keia pule i ku mai ai ka mokuahi " Kulanakauhale o Sidane " mai Kapalakiko mai, a maluna ona i huli hoi mai ai o E. P. Adams, J. M. Monsarratt, J. C. Glade, S. B. Dole a me kana wahine, T. H. Davies, H. Dimond, Mrs. Wilder, A. W. Richardson, a me kekahi poe haole kamaaina e ae o kakou nei. A he mau haole malihini hanohano kekahi i holo pu mai nei no Hawaii nei.
LOIO S. B. DOLE. - Ua hoi mai nei o S. B. Dole mai Amerika mai, a e lawelawe hou ana oia ma kana oihana i maa mau, oia ka oihana Loio, ma kona Keena Hana mua no maluna ae o ka Halekuai o Likikini, ma ka huina o na Alanui Papu a me Kalepa, ua kamaaina ka lehulehu a pau ia ia, nolaila, e lawelawe ana oia me ka eleu no ka poe mea hihia a pau e hele aku ana i ona la.
KE KAIKAMAHINE KA UKU O KA AIE. - Ua hai ia mai ia makou ka lohe, aia ma kekahi apana mawaho aku nei o ke kulanakauhale ; ua hele kekahi kanaka iloko o kekahi Halekuai, a ua lawe mai oia i kekahi mau mea lehulehu o ua Halekuai la ma ke ano aie, a i ka wa i nui loa ai kona aie ma ua Halekuai la, ua koi ia mai oia e hookaa aku, a no ka hiki ole i ua kanaka nei ke hookaa i ua aie la ma ke dala maoli, nolaila, ua haawi aku oia i kana kaikamahine i ka mea nona ka Halekuai i mea e kaa ai kona mau aie. Kupanaha maoli keia hana. Pela anei e hana ai na makua i ka@ lakou mau kaikamahine, kahi e hilinai ia nei aia maluna o lakou na manaolana no ke ola o keia Lahui?
AHA Hookolokolo Kiekie o ko Hawaii Pae Aina, ma ka hooponopono waiwai, ma ka hana o ka waiwai o JOHN HARRIS ma ke keena, imua o ka Lunakanawai McCully. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike Iuko k, kahu malama waiwai o ka waiwai a me ke kino o JOHN HARRIS he keiki oo ole, e noi ana e apono ia na hoolilo he $1175.50. a e hoike ana o na mea i loaa mai iaia $1175.50, a e noi ana e nana a apono ia kela mau mea, a e kanoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ke ano kahu malama waiwai. Ua kauoha aia o ka Poakolu ka la 17 o Sepatemaba 1879, @a ma hora umi o kakahiaka imua o na Lunakanawai la, ma ke keena ma ka @ale hooko@ ko@o ma Honolulu, oia kahi a me ka manawa i kohoia no ka hoolohe ana i ua noi la a me ka papa hoike i oleloia, a o ka poe a pau i pili malaila e hele mai a e hoike i ke kumu ina he kumu io ko lakou a ae ole ia, ai ua nui la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii e pana maloko o ka Nupepa Kuokoa he nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii Pae Aina i keia la 12 o Augate 1879.
LAWRENCE McCULLY,
Ikea : Lunakanawai o ka Aha Kiekie.
au16 924 3t A. Rosa, Hope Kakauolelo o ka Aha Kiekie.
AHA Kiekie o ko Hawaii Pae Aina, ma ka hooponopono waiwai Mokupuni o Oahu, Hawaii Pae Aina @, ma ka waiwai o JOHN FOLEY i make. Olelo kauoha e koho ana i la hooiaio ai ka palapala kauoha a no ka hoolaha ana. No ka mea, ma ka la 7 o Augate 1879, ua waihoia mai imua o ka Aha kekahi palapala i oleloia, o'a no ke kauoha hope loa o JOHN FOLEY i make aku la; a me ka palapala hoopii e noi ana e hoolaioia kela palapala kauoha a e hoopuka hoi ka palapala luna hooko ia Kamaka Foley kana wahine kane make, ua waihoia mai e ia. Nolaila, ua kauoha ia o ka Poakahi oia ka la akahi o Sepatemaba 1879, ma ka hora umi am ma ka Rumi hookolokolo oia Aha ma Aliiolani Hale, ma Honolulu. oia ka la me ka hora e hoolalo ia ai la palapala kauoha, a e hoolohe hoi no ia noi ana mai, a me ka poe a pau i pili e kue ana ia palapala kauoha a me ka hoopuka ana i ka palapala luna hooko. A ua kauoha hou ia, e hoolahi no ia mea no na pule ekolu iloko o ka Nupepa Kuokoa he nupepa i pai ia a i hoolaha ia ma Honolulu.
Kakauia ma Honolulu, ko Hawaii Pae Aina, Augate 11, 1879
CHAS C. HARRIS
1879 Lunakanawai Nui o ka Aha Kiekie.
Ikea: A. Rosa, Hope Kakauolelo. au 16924 3t
MA ke keena o ka Lunakanawai Kaapuni Apana @ o ko Hawaii Pae Aina, ma ka waiwai o Kawelu k@ no Lahaina, Maui i make. Ua heluhelu ia a ua waihoia ka palapala noi a Kalole w@e noi ana e hoonoho ia o Kahalewai k i luna hooponopono no ka waiwai o Kawelu k no Lahaina, Maui i make. Nolaila ke kauoha ia aku nei na kanaka a @au ke pili o ka Poskabi oia ka la 1 o Sepatemaba 1879, ma ka hora 9 am ma ka hale hookolokolo ma Lahaina, oia ka la a me kahi i koho ia @ hoolohe ana i ua nonoi ia a me na mea k@ ku hoike ia.
ABR. FORNANDER.
Lunakanawai Kaapuni Apana 2 H P A.
Lahaina, Aug. 9, 1879. 924 3t
MA ke keena o ka Lunakanawai Kaapuni Apana 2 o ko Hawaii Pae Aina, ma ka waiwai o Kaanaana k no Lahaina, Maui i make. Ua heluhelu ia a ua waiho ia ka palapala noi a J. Kap@wi, e noi ana e ho@pono i a a hoolaiola ka palapala kauoha hope a Kaa@na k no Lahaina, Maui i make. Nolaila, ke kauoha ia aku nei na kanaka a pau ke pili, o a Poakahi oia ka la 1 o Sepatemaba, 1879, ma ka hora 10 am, ma ka hale hookolokolo ma Lahaina, oia ka la a me ka@ i koho ia no ka hoolohe ana i ua @ la a me na mea kue ke hoike ia. ABR. FORNANDER,
Lunakanawai, Kaapuni Apana 2 H. P. A.
Lahaina, Aug 9, 1879 924 3t
MA ke keena o ka Lunakanawai Kaapuni o ka Apana 2 o ko Hawaii Pae Aina, ma ka waiwai o Keaka k oo Lahaina, Maui i make. Ua heluhelu ia a ua waiho ia ka palapala noi a David Kamaiopili, e noi ana e hoonoho ia i luna hooponopono no ka waiwai o Keaka k no Lahaina, Maui i make. Nolaila, ke kanoha ia aku nei na kanaka a pau ke pili, o ka Poakahi oia ka la 1 o Sepatemaba 1879, ma ka hora 11 am ma ka hale hookolokolo ma Lahaina, oia ka la a me kahi i koho ia no ka hoolohe ana i ua nonoi la a me na mea kue ke hoike ia. ABR. FORNANDER,
Lunakanawai Kaapuni Apana 2 H. P. A.
Lahaina, Aug. 9, 1879 924 3t
HOOLAHA A KA LUNAHOOPONOPONO WAIWAI.
O KA mea no na ka inoa malao, ua hookohuia i @anahooponopono waiwai no ka waiwai o Luisa Kahapine o Ewa i make. Ma keia ke hoolaha ia aku nei i ka poe a pau no lakou na koina loko o keia waiwai, e hoike mai iloko o na mahina eo@ mai @ ia aku, a i ole ia e hoo@ mau loa ia lakou. A o ka poe a pau i a@ i keia waiwai e hookaa koke mai lakou ia.
DAVID DAYTON,
Launahooponopono o ka waiwai o Luisa Kahalepine i make.
Honolulu, Iulai 29, 1879. 924 4t
S.B. DOLE.
LOIO! LOIO!
Huina o na Alanui Kalepa me Papu.
924 ly
OLELO HOOLAHA.
Ia ka Aha Hookolokolo Kiekie o ke Aupuni Hawaii. Ka@ Ma ka @ o ke Akua, o ko Hawaii Pae Aina ia Moi : Ia W@ P@ L@, Ham@ o ke A pu@, a i ole i i kona-Hope-A@:
Ma @ ua kauoha ia oe e @ ia WILLIAM H. JOHNSON e noho ia ma K@, a i @ @ @ wahi @ ae o Amerika H@ ka mea i ho@ ia i a e waiho @ oia i kana palapala la @ hoku @ na ia he iwakalua mahope o ka m@ ana o keia, e hele mai a @ @ imua o ka Aha Ki @ ma ke Kau o Iulai e noho @ ma ke K@ @ o ka Hale H@ ma @, @ @ @ ma ka @ KAH@ la 7 o Iulai e hiki mai ana, ma ka ho@ @ @ e hoike i ke komo a @ one ia aku ai @ @ ana @ @ @ ka mea hoo@ mamuli o k@ @ i wa ho@ @ ke@ A e paa p@ a@ malaila la wa me keia palapala, me ka hoike piha no na mea e pili ana.
Ikea. Hon. CHARLES C. HARRIS, Lanakanawai, Kiekie o ko Makua Aha Hookolekole, Kiekie, ma Ho@ I keia la 16 o Iune, A. D. 1879.
(Ka Sila o ka Aha Kiekie) Kakau inoa ia. A. ROSA.
Hope Kakau@lelo
O ka Palapala kii mamua iho a me ke noi a@ i hooko ia, oiai ua kaawale ka mea i oleloia maloko mawaho o na palena o keia Aha.
Kakau inoa ia DAVID DAYTON, Hope Ilamuku.
Honolulu, Oahu @ Ma kua ke hoike nei au, o na olelo mamua ae, he kope pololei me ka oiaio ia o ka palapala a kii mua, a me ka hoike a ka Hope Ilamuku e pili ana, i hoopuka ia ma ka Hoopii oki Mare o Akaneki w kue ia William H. Johnson. A ua kauoha ia e ka Aha e hoopanee ia keia hihia a hiki i ke Kau o Okatoba e hiki mai ana, ia wa e pane mai ka mea i hoopii ia.
I hoike no ka oiaio o keia e mana i ko'u lima i keia la 28 o Iulai 1879.
JNO. E BARNARD,
au9 923 6t Kakamolelo o ka Aha Kiekie.
MA ka Aha Hookolokolo Kiekie o ke Aupuni Hawaii KALAKAUA. Ma ka lokomaikai o ke Akua, o ko Hawaii Pae Aina, ka Moi : la William C. Parke Esquire, Ilamuku o ke Aupuni, a i ole i ka na Hope - Aloha :
Ma keia ua kauoha ia oe e h@ ia AH@ k o Holuaka. Kona Akau, mokupuni o Hawaii, ka mea i hoopii ia, ina e waiho mai oia i kana palapala pane iloko o na la he iwakalua mahope o ka loaa ana i keia e hele mai a e ikea imua o ka Aha Kiekie ma ke Kau o Iulai e noho ana ma ke Keena Hookulokulo@, o ka Hale Hookolokolo ma Honolulu, ma ka mokupuni o Oahu, ma ka POAKAHI la 7 o IULAI e hiki mai ana, ma ka hora umi a.m., e hoike i ke kumu e ae ole ia aku ai ke koi ana a Mikala ka @ea hoopii mamuli o kana noi i waiho pu ia me keia. A e paa pu ae oe malaila la wa me keia palapala me ka hoike piha no na mea e pili ana.
Idea. HON CHARLES C. HARRIS, Lunakanawai Kiekie o ko Makou Aha Hookolokolo Kiekie ma Honolulu, i keia la 21 o Aperila, A. D. 1879.
(Ka Sila o ka Aha Kiekie } Kakou inoa ia. A. ROSA.
Hope Kaka@olelo.
O ke kope o ka palapala kii maloko iho a me ke noi i wa ho pu ia, ua waiho ia ma ka hale o Kaohimaunu e ka makai Kamauoha, oiai oia kahi noho hope loa i ike ia o Ahia i oleloia maloko, a oiai hoi ua manao ia oia he LEPERA ua pee ma na ululaau o Kona, aohe i loaa a hiki i ka la i kakau ia ai keia hoike, Iune 21, 1879.
Kakaou inoa ia DAVID DAYTON. Hope Ilamuku
Honolulu, Oahu, ss. Ma keia ke hoike nei au, o na olelo mamua ae, he kope pololei ia me ka oiaio o ka palapala kii mua, a me ka hoike a ka Hope Ilamuku e pili ana, i hoopuka ia ma ka Hoopii Oki Mare o Mikala @ kue ia Ahia k. A ua kauoha ia e ka Aha e hoopanee ia keia hinia a hiki i ke Kau o Okatoba e hiki mai ana, ia wa e pane mai ka mea i hoopii ia.
I hoike no ka oiaio o keia, e nana I ko'u lima i keia la 28 o Iulai, 1879.
JNO. E. BARNARD,
au9 923 6t Kakauolelo o ka Aha Kiekie.
MA ka Aha Hookolokolo Kiekie o ke Aupuni Hawaii. KALAKAUA, Ma ka lokomaikai o ke Akua, o ko Hawaii Pae Aina, ka Moi : Ia William C. Parke Esquire, Ilamuku o ke Aupuni, a i ole i kona Hope-Aloha :
Ma keia ua kauohaia oe e kii ia LUI KEKUA k o Hilo, a i ole ia o Puna, Hawaii, ka mea i hoopiiia, ina e waiho mai oia i kana palapala pane iloko o na la he iwakalua mahope o ka loaa ana i keia e hele mai a e ikea imua o ka Aha Kiekie ma ke Kau o Aperila e noho ana ma ke Keena Hookolokolo, o ka Hale Hookolokolo ma Honolulu, mokupuni o Oahu, ma ka POAKAHI la 7 o Aperila e hiki mai ana, ma ka hora umi a.m., e hoike i ke kumu e ae ole ia aku ai ke koi ana a Kauwe w ka mea hoopii mamuli o kana noi i waiho pu ia me keia. A e paa pu ae malaila ia wa me keia palapala, me ka hoike piha no n a mea e pili ana.
Ikea, HON. CHARLES C. HARRIS, Lunakanawai Kiekie o ko Makou Aha Hookolokolo Kiekie ma Honolulu, i keia la 20 o Ianuari A. D. 1879.
(Ka Sila o ka Aha Kiekie)
O ka palapala kii i hoike ia maloko a me ke noi pu kekahi, aole i hookoia, oiai ua imi mui ia ma Hilo, Kau a me Puna, aole nae oia i loaa, a ua ike ole ia kona wahi e noho nei.
Kakau inoa ia W. C. PARKE, Ilamuku.
Honolulu, Oahu, @s. Ma keia ke hoike nei au, o na olelo mamua ae, he kope pololei me ka oiaio ia o ka palapala kii mua, me ka hoike a ka Ilamuku e pili ana, i hoopuka ia ma ka Hoopii Oki Mare o Kauwe w kue ia Lui Kekua k. A ua kauoha ia e ka Aha e hoopaneeia keia hihia a hiki i ke Kau o Okatoba e hiki mai ana, ia wa e pane mai ka mea i hoopiiia
No ka oiaio o keia, e nana i ko'u lima i keia la 28 o Iulai, 1879.
JNO. E BARNARD,
au9 923 6t Kakauolelo o ka Aha Kiekie.
AHA Hookolokolo Kiekie o ko Hawaii Pae Aina, ma ka hooponopono waiwai, ma ka hana o ka waiwai o D. KALANIKAHUA, o Honolulu, Oahu i make kauoha ole. Ma ke keena imua o ka HON. A. F. Judd, Lunakanawai o ka Aha Kiekie. Kauoha e hoolaha i ke noi e apono i na papa hoike, hookuu ana a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike a Kahele w ka wahine kanemake a lunahooponopono o ka waiwai o D. KALANIKAHUA no Honolulu i make, e nei ana e apono ia na hoolilo he $524.50, a e hoike ana aohe mea i loaa mai iaia, a e hoi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai k lakou noho ana ma ia ano lunahooponopono. Ua kauoha ia o ka Poalua ka la 9 o Sepatemaba, 1879, ma ka hora umi o kakahiaka imua o ua Lunakanawai la, ma ke keena ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike i oleloia, a o ka poe a pau i pili malaila e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ka Nupepa Kuokoa he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakau ia ma Honolulu, ko Hawaii Pae Aina, i keia la 2 o Augate, 1879.
A FRANCIS JUDD.
Ikea Lunakanawai o ka Aha Kiekie.
au9 923 3t A. Rosa. Hope Kakauolelo o ka Aha Kiekie.
Hoolaha Hoopau Moraki.
MA keia ke hoolaha ia aku nei, mamuli o kekahi mana kuai i ike ia iloko o kekahi palapala Moraki, i kakauoia Feberuari 13, 1877, i hana ia manaena o J. Kaai o Honolulu, Oahu, me Allen & Robinson oia wahi no, i kakau kope ia ma ka Buke a ka Luna Kakau Kope ma ka Buke 48, ma na aoao 287,288 a me 289, a no ka ul@i ia ana o na olelo aelike iloko o ka palapala Moraki i oleloia, o na aina a pau, na hale a me na pono e pili ana, iloko o ka palapala Moraki i oleloia mahope iho o ka pau ana o ka wa i @kakaia e ka kanawai e kuai ia ana ma ke kudala akea no ka uhai ia ana o na olelo aelike i hoike mua ia. O ka waiwai iloko o ka Moraki i olelo la, ala no ma Koolau, ma ka mokupuni o Kauai, a ma Makapala, Kohala, mokupuni o Hawaii.
ALLEN & ROBINSON.
Cecil Brown, L@ o ka mea noa a ka Moraki.
Kaka@ia ma Honolulu, Aug. 2, 1879 923 3t.
O KA mea nona ka inoa malalo, ka Luna Hooko Kauoha o ka palapala kauoha hope loa o Joshua R. Williams o Halawa, Ewa, mokupuni o Oahu, ka mea i @ ke. Ma keia ka kanoha aku nei i na mea a pau ina he mau koina ko lakou no ka waiwai o ka mea i make, e hoike @ai i ko lakou mau koina me na hooiaio pu me na palapala ho@kaka ina no paha i hoopaa ia ma ka Moraki maluna o ka waiwai paa, ma kona hale noho a i ole ia ma kona keena @ @ ma Honolulu, iloko o na mahina eono mai ka la e puka aku ai keia hoolaha, a i ole ia e hoonele mau loa a aku @ @. A o ka poe a pau i ale i ka waiwai i oleloia, e hookaa koke mai lakou.
W.R. CASTLE
Luna hooko kauoha o ka palapala kauoha hope o J.R. Williams i make. 923 4t
Kakauina ma Honolulu, Aug. 1, 1879.
EKE UKANA NALOWALE
Ma ka
Mokuahi 'Likelike.'
Ua nalowale he eke ukana no'o maluna o ka mokuahi Likelike ma ka huakai kaapuni o ka la 15 o Iulai iho nei, mawaena o ke awa o Punaluu, Kau, a me Mahukona, Kohala, Hawaii, maloko oia eke eia na ukana : I Noho Italia ano kahiko i kuu@a na wahi a pau o ka @. a @ kahi e noho iho ai, aole @ hipihi ma na ili @i me k@ @ a e paa au @ kaulawaha. ka mua he ka@waha ku,, ka lua he kaula ko amiami, ma na ili poo a me na kaohi h@ eleele, @ @ a me elua pale huluhulu, hookahi he mea eleele, a o ka @ he ahinahina. Ua kakau ia owaho o ke eke i ko'u @ penei:
Moses Nakuaau
Punaluu, Kau.
O ka mea i ike i keia eke me na pono a pau, e @ mai ma ke awa o Mahukona, Kohala, a e uku ia no e @ me ka luhi, a i ole e hooana leta mai mamua.
MOSES NAKAAU.
N. Kohala, Hawaii, Aug. 2, 1879 923 4t
OLELO HOOLAHA.
MAI keia la aku a mau aku, aole au e hookaa ana i kekahi @ i hoale ia ma ko'u inoa, ke ole he palapala ae mai ia'u aku. C. AKANA.
Alanui Nuuanu, Honolulu, Aug. 2, 1879 923 4t
AHA Kaapuni Apana Eha o ko Hawaii Pae Aina, ma ka hooponopono waiwai. Ma ka Waiwai o @ @ Waimea i make kauoha ole, imua o ka Lunakanawai Kaapuni ma ke Keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala @ a A@ @ o Waimea, e hoike mai ana o Nika @ Waimea. Kauai, ua @ kauoha ole ma Waimea, ma ka la 18 o Mei 1879, a e hoi ana e haawi ia ka palapala hookohu @ @ @ waiwai ia @ Kauai. Ua ka@ o ka Poaono oia ka la 28 o Augake 1879 i ka hora 10 kakahiaka oia ka manawa i koho ia no ka hoolohe ana i na noi la, imua o ua Lunakanawai la, ea a e keena hookolokolo o keia. Aka, ma Koloa, Kauai, a me @ manawa a ma ia wahi no e hele mai ai na mea a p@ i piha e hoike mai i ke kumu, ina he kumu oiaio ko lakou, e ae ole ia ai na noi la. A o keia olelo ka@ e hoolaha ia ma ka olelo Hawaii i ekolu pale ma ke Kuokoa he nupepa ma H@
Kukania ma Koloa, Kauai ko Hawaii Pae Aina, Iulai 23, 1879.
JACOB HARDY.
923 3t Lunakanawai Kaapuni Apana Eha.
AHA Kaapuni A@ @ o ko Hawaii Pae Aina, am ia hooponopono waiwai ma ka waiwai o S. Nawaalaae k o Waimea i make hauoha oe, imua o ka Lunakanawai Kaapuni no ke Keena. Olelo @ @ hoolaha aku no ke noi ana mai e koho i @ hooponopono waiwai. Ma ka hel@ a me ka waiho ana mai o ka palapala mai a Ka@ Lae o Waianae, e hoike mai ana o S. Nawa@ Waimea, Kauai ua make kauoha ole ma Waimea ma ka la 28 o Augake 1879, a e noi ana e haawi ia ka palapala @ @ hooponopono waiwai ia J.H. K@. Ua @ @ Poaono, oia ka la 30, Augake, 1879, i ka @ @ @ @ ka manawa i kuhina no ka @ @ a@ la @ o u@ Lunakanawai la, ma ke ku@ @ @ @ mai ai mea a noi, a ma la mamua, a me @ @ @ @ @ mea a pau i pili e hoike mai i ke k@ @ @ @ @ @ e ae ole la oi ua noi la. A o @ @ @ @ hoolaha ia ma ka olelo Hawaii i ekolu p@ ma ke Kuokoa he nupepa ma Hoo@
Kukania ma Koloa, Kauai, ko Hawaii Pae Aina, Iulai 23, 1879.
JACOB HARDY.
923 8t Lunakanawai, Kaapuni Apana Eha.
WATI, WATI, WATI, WATI!
HE EMI A ME KA MAKEPONO LOA!
SILVER
He Waihono Nui o na Wati Walthan i hiki mati,
A e kuai ia aku ana no ke Kumukuni H@ Lou i Emi iho malalo o ke Kumukuni o na Hale e oe a pau o keia Kulanakauhale a me na Kulanakauhale e oe a pau o keia Aupuni
WALTHAN WATCHES
Eia no hoi na Wati Gula me na Wati Dala o na Ano a pau, Na Wati Nui me na Wati Liilii, no na Lede a me na Keonimana a me na Kamolii. Owau wale no ka Agena no keia mau Wati no keia Aupuni. He hiki ia'u ke Kuai no ka Hapalua o na Kumukuni ma na Hale e ae.
Mai Hele i na Hale e ae,
KAHI E APUHI IA MAI AI OUKOU ME NA OLELO PAHEE.
E Ninau no na Wati Dala
maikai a me na Wati Gula Nani
Loa, i loaa ole ko lakou like ma
keia mau Pae Moku o Hawaii nei.
E nana pono oukou i ka inoa o ka
Hui nana i Hana. a i kuni ia maloko
o keia mau Wati.
E Kuai ia aku no ia oukou e
na Kanaka Hawaii me ke emi
loa i ike ole ia mamua.
E NAUE MAI OUKOU I IKE MAKA.
EIA ME A'U KO OUKOU MAU IINI KAHI I MALAMA AI.
E LOAA NO AU IA OUKOU MA KA HUINA O NA ALANUI PAPU ME KALEPA.
M. McInerny,
929 3m 930 AGENA NO KEIA AUPUNI.
LIO NALOWALE.
MA ka po o kekahi la iloko on a pule i hala ae nei, ma Moanalua, Honolulu, Oahu, ua holo a i ole ua lawe kolohe ia paha kuu lio kane ulaula laekea, ua kapili ia na wawae mua me ke kapuai hao, nona ka haokuni J R, ma kekahi wahi o kona kino, e paa aua no ua lio la me ke kaula. Nolaila, o ka mea a mau mea paha nana e hoihoi mai i ua lio la ia'u ma Moanalua nei, e uku no au i na $4.
Moanalua, Honolulu, Iulai 24, 1879 LIONA, (Pake.)
921 4t
HOOLAHA A KA LUNAHOOPONOPONO WAIWAI.
MA ka waiwai o Kaupena (k) i make. O na mea a pau he kuleana ko lakou e koi ai i ka waiwai i hoike ia maluna, ke kauoha ia aku nei lakou e waiho mai ia mau mea imua o ka Lunahooponopono ana ia mau mea iloko o na mahina eono, mai keia la aku, a i ole e nele no lakou; a o ka poe a pau i ale i keia waiwai, e hookaa koke mai lakou ia.
F.M. HATCH,
Lunahooponopono Waiwai o Kaupena (k) i make.
Honolulu, Iulai 24, 1879 921 4t
OKI MARE.
AUHEA oukou e kou mau makamaka mai Kohala a Hamakua, mai Kona Akau a Kau. E hele ana au ma ke Kau Jure o Waimea iloko o Novemaba i loio no oukou, a ina ua makemake oukou e loaa ka palapala Oki Mare, e palapala mai ia'u, e ninau ia'u i ka aku me na mea a pau e pi i pu ana, no ka mea, ua haahaa ka uku i keia manawa.
D. H. HITCHCOCK.
Hilo, Iune 12, 1879 916, 4m 231
A. MoWAYNE,
HALE KUAI LAAU LAPAAU A ME NA WAIALA o na ano a pau, me na SOPA ALA o na ano he nui wale. Me ke kihi o Alanui Papa me Kalepa.
340 ly
PAPA! PAPA!
NO
ALLEN & ROBINSON
UA WEHE AE NEI MAUA !
PA KUAI PAPA
MA
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa, Molina.
Na Pena a me na Aila Pena!
NA KUI O NA AKO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAHA MA KE
KE KUMUKUAI HAAHAA LOA
O keia Makeke.
Allen & Robinson
Honolulu, @ 1, 1879 848 @
HOOLAHA HOOKAPU AINA.
E ike auanei na kanaka a pau ma keia hoolaha. Owau o ka mea nona ka inoa malalo iho nei, ke papa a ke hookapu loa aku nei au i na lio, bipi, hoki, miula a me na holoholona @ ae o keia me keia ano, aole e komohewa maluna o kuu aina e waiho la ma Waimanalo, Koolaupoko, Oahu, i kapaia o NONOKIO, ola ka apana aina o Kawaihalau I, a ke papa pu ia aku nei na kanaka a pau o keia ano keia ano, aole e komohewa maluna o ua aina la, o hoopii ia auanei lakou ma ke Kanawai. A ma keia, ke ho@kohu aku nei au ia J K Pae o Honolulu, i Luna a i Hope no'u ma keia mea, a ke haawi nei au i ka mana piha iaia, a he hiki iaia ke hoopii imua o na Ahahookolokolo no ka poe e kue ana i keia Olelo Hoolaha.
Owau no Mrs. RAHKLA KAWAIHAU 2.
Honolulu, Oahu, Iulai 24, 1879 921 4t
C. C. COLEMAN.
Amara a he Mea Hana Mekini,
Kapili Kapuai Hao Lio
A ME KA
Hana ana i na Kaa Lio, &c.,
Hale Hana ma Alanui Alii, e kokoke la i
905 ke Alanui Papu. 3m
OLELO HOOLAHA.
E MANAO ana o MR. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e el@ elima haneri kapuai a oi aku paha o keia auwai ma ka olelo aelike, a e uku ia aku no hui no ka hana ma @a helona o na kapuai kubita, a i ole ia ma ka heluna o na kapuai loa o ka auwai i el@a ; ke noi ia ku nei lakou e ninau ia H. Schumier ma Haiku, Maui, a i ole ia William G. Irwin & Co., ma Honolulu, a e loaa ia lakou na hoakaka kupono. CLAUS SPRECKLES,
888tf H. SCHUSSLER.
OLELO HOOLAHA
O MAKOU o ka poe hui nona na inoa malalo iho nei, kepapa loa aku nei makou i ko makou i ko makou aina hui hoolima limalima i loaa mai ia makou mai ia James Weloula, mai, oia keia aina e waiho la ma ku ahupuaa o Hanawana hikina, Hamakualoa, mokupuni o Maui, nona na eka he 170, aole e hookuu wale i na holoholo@ a @, pipi, @oki, kekake, hipa, kao a me ka puaa, maluna o ua aina la, ua kapu loa. Ina o ka mea hookuli i keia, e hopu ia no e ko makou mau paniolo oia o Pilali a me Manamana; a e uku la no na holoholona i oleloia maluna $1.00 no ke poo hookahi. A ua kapu no ke kii wale ana o na ano kanaka a pau i na mea @ oluna o ka aina, koe wale no makou ka poe hui a me ko makou mau hope; a ina e @u, alaila, e uku la no e like me ka nui o ke poho; nolaila, e hoolohe o pilikia ananei. O makau no,
W.P. KELIIKIPI, JOHN LUAEHU,
L. MANAMANA, KA@HU,
HONOKAUPU, JOS M. HONOKAUPU,
PILALI, SAMUEL KAIEWE,
Hamakua Loa, Maui, Iulai, 21, 1879 922 4t
Hoolaha Papa.
O KE kai lawala o ka aina i kapela ka inoa o POPOIA E waiho la ma Kailua, Koolaupoko, mokupuni, Oahu, ke papa la aku nei na kanaka o keia a me keia ano, aole e hele a komo wale, a lawaia ma ua kai la mai keia la aku, o hoopii la ma ke kanawai.
Honolulu, Oahu, Iulai 29, 1879 METUSALA MAHUKA 9224t
HOOLAHA A KA LUNAHOOPONOPONO WAIWAI
MA ka waiwai o Mary Kah@ (w) i make. O na mea a pau he kuleana ko lakou e koi ai i ka waiwai i hoike a maluna, ke kanoha ia aku nei lakou e waiho mai la mau mea l@ o ka Lunahooponopono Waiwai, me ka K@a Lo@o o Kaketa & Ha@, no ka hooponopono ana ia mau mea iloko o na ma@ @ mai keia la aku, a i ole e @ no lakou; a e ka poe a pau i ale i keia waiwai e hookaa koke mai lakou la
F.M. HATCH
Lunahooponopono o Mary Kaheiau i make.
Honolulu, Iulai 28, 1879 921 @
MA ke Keena o ka Lunakanawai Kaapuni Apana Ekoku o ko Hawaii Pae Aina, ma ka waiwai o Keaweluaole k no Ka@, Hilo, Hawaii, i make. Ua heluhelu a ua waiho la ka palapala noi a Kah@pono w ka wahine mare a Keawe @, e noi ana e hoonoho ia o H. Wahamu i lunahooponopono no na waiwai Keawa@, o Kah@, Hilo, Hawaii i make; nolaila, ke kanoha ia aku nei no kanaka a pau ke pili, o ka Poaono la 30 o Augake 1879, ma ka hora 10 o kakahiaka ma ka hale hookolokolo ma Hilo, ola ka la a me kahi i koh@a no ka hoolohe ana i no noi la a me na mea kue ke hoike ia.
F.S. LYMAN
Lunakanawai Kaapuni Apana Ekolu.
Hilo, Hawaii, Iulai 24, 1879 922 3t
MA ke Keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Kokoi k no Wainaku, Hilo, Hawaii i make. Ua heluhelu ia a ua waiho ia ka palapala noi a Kaonohiula k e noi ana e hoonoho la o J. Nawahi i lunahooponopono kuikawa, a i lunahooponopono hoi no na waiwai o Kokoi k no Wainaku, Hilo, Hawaii i make; nolaila, ke kanoha ia aku nei na kanaka a pau ke pili, o ka Poaono la 30 o Augate 1879, ma ka hora 10 o kakahiaka ma ka hale hookolokolo ma Hilo, ola ka la a me kahi i kohola no ka hoolohe ana i ua noi la a me na mea kue ke hoike ia.
F. S. LYMAN
Hilo, Hawaii, Iulai 24, 1879 922 3t