Ka Nupepa Kuokoa, Volume XVIII, Number 30, 26 Iulai 1879 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Buke XVIII. Helu 30.

Poaono. Iulai 26. 1879.

Na Helu A Pau 921

 

Ka Nupepa

Kuokoa me ke Au Okoa

I Huha

 

Na olelo hoolaha;- O na olelo hoolaha he 10 hina kakau lima, he hookahi dala no ka puka mua ana: elua puka ana, he $1.50: no hookahi mahina, he $2.00.

Na kanikau a me na mele:- He 10 keneta ka uku no ka lalani hookahi. Ua like me $1.00 no 10 lalani.

            Hoolaha mau:- E hoomanao na makamaka a e hookomo mai i na olelo hoolaha mamua ae o ke awakea Poaha, i ole e kaukai ia aku a kekahi pule ae.

            E hoomanano e na lehulehu, nole e hoopukaia kekahi olelo hoolaha, kanikau a me ke mele, ke ole e hookaa mua ia mai ka uku

He Moolelo

No

Evaleka De Molena!

Ke

Koa kavalia opio wiwo ole!

Kekahi keiki opio kuaaina o

sepania, i lilo i koa kawalia

puuwai hopo ole.

He nanea ilihia ehaeha

No ka ilali hiena o na mauna

Pirenmekekaiwaenahonua

Me kana ipo aloha ka ui

Nohea olu waipahe.

Rosa Amelia

E ka Manawa!

Nani kou hookahua ana,

A hookupulau mai i ua hihio,

I piha I ke pahaohao a eehia,

Elike me ka'u e ike nei,

I nei mau ouli ano kupanaha.

I oi aku mamua o ke mea io.

                                                                        @@@@@@@@.

Mokunu II----Helu7.

            O keia ka naita nana e ulupa ana na Kawalin Sepania, a uhu mokaki ilalo, ako, ua halawai ae la ia a me kona akamai me ke Kawalia Molena, (oia hoi keia hopauea) a na keia Molena i hoohaahaa ia ia, a lilo iho la kona haaheo i mea haahaa imua o ke koa Molena. Aka, i kekahi la, ua a-a mai la ua naita nei e hakaka no ka make me Molena, a us ae aku no hoi keia.

            Ma kei hakaka ana i make ai ua unita la o Farani, a lilo mai la kona mau pono kaua a pau ma ka lima o kona hoa paio, oīa hoi o Molena.

            A ma key make ana o ua naita nei ia Molena, ua kauoha ae la ia (Molena) e hoohee ia ke kapa kila o ua naita Farani la, a e hanaia i ilio, a e kaukau ia hoi na huaolelo e like e ia i hoike la ae nei mamua. A i ka hoi ana o ua kavalia nei me kana lede a ma ko laua home i Esetaramadura, ua lawe pu no ia i ua kii la i mean hoomanao moa a me kaua mau mamo.

            Pela iho la ke moolelo pokole no keia ilio, e kau nei ma ka ipuka o keia wahi hale kuaaina, a oukou e ko makou poe heluhelu i ika ae nei,

            Ma keia wahi, e huli hou ae kakou a nana aku i kekahi hiona i ike in, maloko o ua wahi hale nei o ka Ilio gula, i kekahi liula ahiahi.

            I kekahi liula ahiahi, oiai hoi ka malamalama la hope loa, e aka aku ana mai ka ili honua ae, aia hoi komo ana he keiki ui opiopip iloko o ua wahi pupupu hale la, aia maluna iho on a he aahu koa o na koa Kawalia o Garanada, a he pahikaua loihi ke paa ana in a kona aoao, a , aia ma kona hokua he wahi puolo.

            Komo aku la ia a ku iho la ma ka lanai o kahi pupupu hale, alawa ae la iluna i ke kii ilio, a puana ae la, "Ka Ilio Gula."

            Ia wa i puka mai ai he keiki naoaina ehiu me na owili lauoho loloa, a e paa ana hoi oia ma kona lima he hou ihe loihi, a i kona ike ana mai i ke koa, hooho mai la ia, "Auwe, o Franco Helio keia, kuu hanau mua, aloha, nani ka mama o kamahele."

            "E herada, ka io o kuu io, a o ke koko hoi o kuku koko, aloha, pehea la ko kakou luaui?" i panai aku ai ua koa nei, "e Franco, aole on a pilikia, aka, o kona pilikia wale no, o kona ake loa  e ike ia oe," i pane mai ai ua ipio ahiu nei.

            Komo aku la ua mau kanaka ui nei iloko o ka hale, a halawai aku la ke kamahele koa me ka makua Molena, e noho ana maluna o kekahi noho laau hooluli, ma kahi kokoke hoi i ke kopuahi mehana.

            I ka ike ana mai o ka luaui Molena i kana hiapo, ku mai la oia iluna, kikoo mai la i kona lima, a pane mai la me ka leo koikoi, "mai, mai kuu lei, kau hiapo. Nani ko ke Akua malama ana ia kakou a hui hou. E haawi mai i kou lima, e kuu hiapo."

            Hopu aku ia hoi ke koa Helio i ka lima o ko lakou luaui, a pane aku la, "e ka papa, aole i haalele mai kou ola kino oluolu ia oe," "ae" i pane hou mai ai ka makua Molena, "he oiaio ia, e ke keiki, aka, na ka lokomaikai lua ole keia o na Lani, ka puuhonua hoi, o ka poe nawliwali, e kuu Helio, nani ka awiwi o kau huakai,"

            "Ae, e ka makua, he ekolu wale no o'u mau la hele mai Garanada mai, a hiki iho la ia nei," wahi a Helio i pane aku ai i kona makua.

            I keia manawa i noho iho ai ka luaui makuakane, me kekahi o kana mau keiki elua, oiai hoi, aole pu malaila ke kolu o kana mau keiki.

            Ia lakou i noho iho ai a liuliu, ua kena ae la o Molena ia Herada e hele aku e hoomakaukau mai i mau wahi mea na kona hanau mua.

            I ka hala ana aku o ua keiki ahiu la e hooko i na kauoha a ko lakou papa, ua noho iho la ka malihini me na maka e nana pono ana maluna o kona lunui, i hoopiha ia hoi me ka kahaha, a pane aku la, "e ka makua, he elua makahiki me ka hapa i hala ae nei, he ano kamalii wale no o Herada, aka, i keia manawa, ua ano kanaka makua maoli ia. A me he mea la no paha, oia ana no ke pani aku ana ma ko'u wahi ma ke kula, ke pau oe au iloko o ka hapalua makahiki okoa i koe."

            Pele paha e Helio, i pane mai ai o Molena me ke ano kaniuhu, aole kaua i ike, he uku loa maoli nae ia, no ka mea, o ke ake ia o kuu puuwai, o kona hahai aku ma kou meheu; aka, ke kuihe a ke hopohopo loa nei au, aole paha ia e hele ana i Garanada e hoolawa loa ai i kona makaukau no ke kahua mokomoko e ola mau ai ka inoa o ko oukou luaui, ka mea hoi nana i pepehi i ka naita i kapa iaia iho, "Ka Ilio Gula, a o ka Weli hoi o ke ao nei, no ka mea, ua hoopa aku no hoi au i ua hoahanau la ou, me na manao hoohoihoih a pau no ka hanohano e @i mai ana maluna on a, ke hele ia i Garanada, aka, o kana i pane mai ai, aole, a ma ka'u hoomaopopo ana aku me, o kona iini nui o ka komo aku iloko o na hana puuwai eleele, no ka mea, he kamailio mau mai oia ia'u me ka hoihoi i ka lanakila ana o ka puali o na powa o na mauna Pirene, malu na o ka puali kaua aupuni i alakai ia e ke Kavalia Done Maledonado, i ka hooili kaua ana ma ke kula palahalaha o Rasekata i kela mau pule aku nei mamua. He ekolu mau manawa a ka pualikaua aupuni i hoao aku ai e lele maluna o na powa, a he pakolu no ko lakou hooauhee ia, eia nae, he mea lealen lon iho la keia i kou pokii, me kona hai mai no hoi, in a oia kekahi ma ka aoao o na koa powa, aole e hoi ahailono ma ka aoao o na koa aupuni, nolaila, e Franco, e haule pu wale ana paha ko kaua mau manaolana."

            Ia Molena e kamailio ana, ua ano kahuli ae la ka nanaina aiai keokeo maikai o ke koa, a lilo ae la he aiai nanakea o ke kupapau, a e naka haalulu ana kona lima maluna o ka papakaukau, a aneane hiki ole hoi iaia ke noho pono ma kona noho, a i ka pau ana hoi o ka Molena kamailio ana, ua ku ae la oia i luna me ka hikilele nui, hehi iho la ia me kona kapuni akau i ka papahele, a  me kona kapuai akau i ka papahele, a me ka leo nui haalulu, hooho ae la, "he inea weliweli lua ole keia, ia wa lalau iho la ia i ke kumu o kana pahikaua loihi, a me na maka hulili i piha i ka enaera o ka inaina, kiola mai la ia i ka nane ana maluna o ko lakoi luaui, e haka aku la maluna on a me ke kahaha, me ka ninau ana aku hoi, heaha keia e kau Helio, ua uluhia ia anei oe e ka uhane ino, ia wa i pane mai ai o Franco Helio, me ka leo oluolu a me ka mino aku ana iho hoi, oiai, ua akakuu loa mai la ka holapu ana a na manao ooloka piena iloko on a, e ka makua, e kala mai i kau keiki nei, no kona hoike ana aku me ka noonoo ole i keia mau hiona weliweli au, e ka makua, i ike iho nei, e kala mai me kona naau a pau. Aole no hoi au i uluhia ia e kekahi uhane haukae o ka po au i hoopuoho mai la, aka, aia au malalo o na ooloku manao weliweli a kekahi luahine i hai mai ai ia'u, oiai ko'u mau la kinohi i noho aku ai ma Garanada. Ke manao nei nae au, he mau moeuhane lalau haukae a palaueka wale no ia, na kela luahine hoomana pueo o ka po. A, aole loa e lilo ana o Herada i powa puuwai eleele, a o kona hanau mua hoi i kipi, aole. I keia manawa, i noho hau iho ai ua koa la ma kona noho, me kona moomau ana no nae i ka nana ana maluna o ka manaina kahaha o ko lakou makua.

(Aole i pau.)

Moolelo o na la

O ka

Haku Wisakauna Nelesona.

Ke Duke o Beroneti

Ke kaua ana o na aumoku kaua

Beritania, a me ko Enelani

Mau papu laau, &c.

Ua hookohu ia mai la o Nelesona ma ka la 20 o Feb. 1797, aka, aole nae oia i huki i kona have a hiki i ka malama o Aperila, ka loaa ana mai o na kuaoha iaia e huki ae i kona have maluna o ka moku kaua Teriasa, e lawe ana i na pu he 74. I ka la 30 o lulai, ua makaukau ae la o Nelesona me na maku S malalo on a, no ke paniku ana aku i ke awa o Cadiz, i ike lihi wale aku hoi oia i na moku nunui (galleons)o Sepania.

            Ua kalewa ae la ko Ad. Nelesona mau aumoku iwaho o ke awa o Cadiz, 6 mile mai ka aina mai. No ka ikaika loa o ka makani mamua pono, nalaila, aole e hiki ia lakou ke hoao e hookomo no ka ololi o ke awa. Ua noonoo iho la o Nelesona, me ka hoonahoa paakiki nui e hiki ai ke komo iloko o ke awa, oiai, ua paa ka maluhia o ke awa malalo o kekahi mau papu a me na moke Sepania, malalo o kekahi mau Ad. Sepania o Muzaredo a me Garavina, a me kekahi Kenerala kaulana Don Miguel Tregoyen, Alihikaua Nui o na aumoku kaua liilii o Sepania. Ua mau ka ikaika o ka pa ana o ka makani i keia manawa, oiai, o Nelesona a me kona Kapena e holoholo ana maluna o ka oneki, ua pane aku la oia iaia, "pehea la oe i manao ai e lilo na akamai kaulana o Sepania i kumu pahi malalo o na eueu o Enelani," "e kuu Haku," wahi a Kepena Miller, "i na ua manao nui oe e komo ka kou e hui pu me na mana o Sepania, e haawi mai oe ia'u i ke kauoha, a e hana koke nu ano." Ua kunana iho la o Nelesona no kekahi mau sekona, a pane mai la oia, "aole e hiki ia kakou ke komo," wahi anu, "e hono kaua i ka hoouna ana i ka moku hoopahu Thunder i ka nuku o ke awa me ke ki poka ana aku i ke kulanakauhale, i kumu e puka mai ai na moku Sepania."

            Ma ke kauoha a Nelesona, ua makaukau ne la ka moku kaua Thunder, a hoopii aku la i ka nuku o ke awa i ka hora S o kakahiaka, oiai oia e kalewa ana malaila, ua wai ho maikai mai la ka nana ana o ka aina, na aumoku Sepania he 17 a me ka papu, ma kahi he 1 1/2 mile, ua hoomaka koke aku la ke kani ana o kona mau papa pu, ma ke 36 pu o ka aoao hookahi. Ua ki ia aku la he 300 mau poka wela iwaena konu o ke kulanakauhale o Cadiz, a ua a ia kekahi wahi me ka nui o ka poino, a he 600 i make a hoeha ia. Ua pioo koke ae la ke lualanakauhale no keia poino weliweli nui, me ka haawi ana aku i na kauoha i ka papu e ki aku i ka moku kaua Beritania. I ka manawa i ki mai ai papu i ke Thunder, ua kauoha ae la o Nelesona i kona Kapena e huki ae i ka have kahea aku i ke Thunder e hoi mai. I ka wa i ike ia mai ai ka have ma ke kia o ke Teriasa, ua hoohuli koke mai la ke Thunder a hoi mai la i ko lakou kaulana mau.

            Ia Nelesona me kona Kepena e holoholo ana me ka nana no iuka o ka aina, ua ika ia aku la ka pea o na aumoku kaua liilii Sepania e holo mai aoa i ka nuu o ke awa, ia manawa i kukuli iho ai o Nelesona ilalo, a pane ae la oia i keia mau huaolelo, "Ke ika nei au i kekahi Admarala e puka mai nei, ma kuu manao paa, o Muzaredo no kela, e ouluolu mai na Lani, e hooloihi aku i ka inoa kamahao o kuu aina haunau ma na ale hanupanupa o keia moana, a ke ike hou nei au ano, eia hou ae no kekahi Adimarala ke holo mai nei, a ke hoopau nei au me keia eia ae na aumoku kaua liilii Sepania ke hoopuka mai nei."

            Ua ku ae la oia iluna, a haawi aku la i ke kauoha i na moku e hookuu na waapa me na kao hoopahu, me ka makaukau no ka holo ana aku e hoouka kaua me na moku liilii Sepania ma ka nuku o ke awa. Ua iho aku la oia i lalo, komo mai la ia i kona lole koa me kana pahikaua ma kona lima, lele aku la oia iluna o ka waapa, a holo aku la lakou nei malamo o ka hoe maoli ana imua o ka ikaika o ka makani.

            Ua ike ia aku la ka nui o na waapa Sepania he 400, a o ko lakou nei nui hoi he 240 waapa, me na kao hoopahu S. No ka ikaika o ka makani a me ka ale mamua pono mai, ua lohi lakou mamua o ka puka e ana o na waapa Sepania i waho o ka nuku o ke awa, no lakou hoi na mea nui e kauo hele ana iloko o ke kai me ka akika launa ole mai iluna o ke ilikai. Ua hooiho mai la na waapa Sepania ma na mahele pili eono, a ma kahi he 150 anana ke kaawale mawaena o na aoao elua, ua kani like mai la na pukuniahi liilii o na mahele eono, mai ka laino mua a hiki i ka laina hope loa. I ka manawa e poali nei i ka uwahi me ka ike ole ia aku o na aoao eluam ua haawi ae la o Nalesona i ke kauoha, e hoomau aku na waapa i ka hoe ana i ka makani i 2 mahele, me ka hoe ikaika ana i ka lana hope loa o na waapa Sepania. Aole i pau.)

Na Kanawai o ke Ola Kino

Hoomakaukau ia Mamali o ke Kauoha a ka Ahaolelo o 1878, ma o ko lakou Komile la ka Heu. W.M Gibson. Uoa. W. B. Castle, a me His Ex. J. M. Kapena

Helu 11

            O kekahi ano e hoopau ai i ka eha o ke kino me ka malia, me ka hoopilikia ole a me ka paa no hoi, i oi aku i ko ka hookahe koko, aole name i hikiwawe e like me ia; oia no ka hoohainu i na laau lapaau i olelo ia, "he hooponopono i ke aku." e hoala ia i kana mau hana. Eia ke kummu o keia, no ka mea, o ka haa nui o ke koko o ke kino, ua komo iloko o ke ake, oiai o ke koko maloko o ke ake ua hoolilo nui ia no ke au, a o ke au ua hele pololei iloko o ka opu a malaila aku ua hele iwaho, a nolaila o ka hapa nui o ke koko i komo iloko o ke ake, aole no i hoi i hou i ke kino, a o na laau lapaau i hooikaika i ke ake, a i hoomahuahua ia i ke au, he mea ia e hoemi ai i ke koko maloko o ke kino, a malaila e hooluolu nui ai.

            Ina paha ua piha loa ke ake i ke koko, a ua paa na aa i hiki ole i ke koko ke hooholo, alaila hemo ole na kiona, a e hele ana ka piha a mahuahua i kela a me keia minute, eha ke kanaka ke oni ae, a e hele ana i ka mai loa.

Ka Make iloko o ka Wai

            Ua hiki ole ke ea e hele iloko o ke akemama, e laa me ka maka, a o ke kaula i owili ana i ka ai, e hoopaa ana i ka hanu. Eia ka mea mua, e kii koke i ke kauka. Eia hou, ma ia wahi no kahi i loaa'i i ke kanaka, e wehe i na lole a pau, e kawele ke kino a maloo, e uhi ia me ka huluhulu, e hoolawe koke i ka wai a mea eae paha mai na puka ihu a me ka waha, a pela no e hoohemo ai i ka wai moi ke akeama ae, e hiki ai i ke ea ke komo ilaila. Oiaio e hana ana kekahi poe i keia mau mea, e hoomakaukau kekahi poe e ae i mau omole waiwela, a e kau ia malalo o na poaeae a me na wawae, i mea e hiki hou ai ka mehana. Hoohuli ia malalo ke alo, hookahi lima malalo o ka lae, e hookaawale ia ka ihu a me ka waha mai ke one ae, a mea e ae paha kahi i moe iho ai. A he mea hoi ia e lewalewa mai ai ke alelo, e kaawale ai ka ohe makani o ka puu, alaila e puka mai ka wai ma ka waha ae ke luai ia mai.

            Ina e hoomaka hou ka hanu ana, alaila e kokua i ka hooholo ana o ke koko ma ku lomi ana i ke kino, mai lalo n i luna o ke kino i mea e hooholo ai ke koko a maluna i ka puuwai a me ke akemama, kahi e loaa'i i ka mehana. E hoopiliia ka huluhulu mehana, uwinihapa paha. a i ole ke one mehana iloko o ke eke, malalo ae o ke kapuai wawae, ma na uha ma ka ipu a ma na poaeae.

            Ina he mea hiki ka lawe aku i ka mea mai iloko o ka hale, e waiho ma kahi oluolu, maloo a pumehaua o ka hale, a e hoohamama ia na puka aniani, e haawi i kela a me keia elima minute i hookahi puna liilii i piha i ka Penikila, a i ole i ki a kope wela paha. E hoomalu ma kahi moe, a e hoolaulea i ka hiamoe.

            Aka, in a he hanu liilii loa, ua nele loa paha i ka hanu, e hoohuli i ka mai ma kahi aoao e aho ka aoao akau- e kau aku i ka laau hookihe i ka ihu, a i ole, e hoomaneoneo me ka hulu, a i ole e onou i ka hulu ilalo o ka puu no ka mea, he kumu hoala ia i ke kunu, a na ia mea e kokua i ka hookaawale ana i na mea hana o ka houpo. Kapi aku i ka wai wela a mahope aku ka wai huihui ma ka maka a me ka umauma, e hoomau aku i kela a me keia manawa me ka hoomaha ole no na minute mua elua, a e hoopau koke ke hoomaka ka oni ana o kekahi wahi o ke kino. Ina aole e pono i keia, e hoohuli hou i ka mai ilalo ke alo, me ka paepae ae i ka poo me kona lima e like me mamua, paepae ae i kekahi mea malalo o ka opu, hoohuli aoao ae me ka malie loa, a hoihoi hou iho ilalo ke alo me ka wikiwiki; e hoomau i keia e like me ka hiki, in a he unikumamalima hana ana iloko o ka minute. me ka hoomau ana i ke kaomi mawaena o na poohiwi mahope a malalo.

            O ke kumu o keia inau mea apau, oia ka hoohanu ana mamuli o ke kahi mau kumu, no ka mea, in a e moe aoao ana ka mea mai, e komo ana ka ea iloko o kona puuwai ma na paipu makani, a in a e huli ilalo ke alo, e puka ana iwaho. Iloko o keia manawa a pau, e hoopili i ka huluhulu wela i na wawae me na lima, a e hoomaloo mau, no ka mea, o ke kawau mamali o ka mahu, e lawe hikiwawe ana i ka pumehana mai ke kino aku, a o ka mea nui, oia ka makaala ana e malama i na lihi pumehana a pau. 

            Ina e pono ole keia iloko o na minute elima, e hoao i kekahi ano e ae: E hoomoe i ka mai iluma ke alo. i uluna a puolo malalo o na poohiwi. E huki i ke alelo iwaho, hikii me ka kaula i paa i waho, a waiho wale ka puu makani. Lalau iho i na lima maluna ae o na poohiwi a hapai malie ae maluna o ke poo, paa pela no elua kekona. Na keia mea e hoomama i ka umauma a holo ka ea iloko o ka houpo. Alaila hoihoi iho i na lima ma na aoao a upii ae ma ke kaomi ana aku ma na oaoa o ka umauma.

E. O Hall & Son.

(E.O. Holo Ma.)

Na mea kuai i na mea mahiai

Na ano Lako e na a pau he lehulehu wale.

845 Kihi o Alanui Papu me Moi. 1y

He nui anei kou makemake i na

Mekini Humuhumu Lole?

Ina pela, alaila, e kipa mai ne ma ka Halekuai

Kakela a me kuke.

A malaila oukou e ike ai a makaikai i na ano mekini a wheeler a me wilson, mai ke $40 a hiki i ke $50 ke kumukuai o ka mea hookahi.

Ka mekini a singer, Ma ke $50 pakahi. a me ke ano mekini a Wilcox me Gibbs, ma ke $30 a hiki i ke $50 ke kumukuai.

            ! mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf

Kauka O. S. Cummings, M.D.

Homeopatika

Oia ke Kauka i kamaaina mua ia oukou e na kanaka Hawaii ma ka inoa,

"Kulu wai liilii"

Ua hoi mai nei oia, a e pahola hou mai ana oia i kona akamai lapaau ia kakou. Aia knoa Ke ena Lapaau a me kona wahi noho i keia wa ma kahi o Mr. Wm. G. Irwin, ma ke kihi o na ala nui Papu a me Beretania, ma keia aoao aku o ka luakini o Kaukeano. 888tf

Ano No i Loaa Mai Nei!

Na Kaa Lio

Holo Lealea!

Na Kaa Lawe Ohua a me na kaa holo palua, mau mea hoikeike aku, mai ka Hale Hana Kaa mai o ka Hui o Cortland ma Nu Ioka.

Dillingham & Co..

876 tf Na Agena kuai ma Hawaii Nei.

Ke Papa ia aku nei na kanaka a pau aole e homohewa a lawe wale a hoopoino i na mea ulu, a kukulu wale a hookuu wale paha i holoholona a komohwea paha ma ke ano e a'e maluna o na aina poaei a me na aina i hoolimalima ia e ka Hui Mahiko o Waihee, Maui. O ka mea hookuli i keia hoopii koke ia no e like me na Kanawai o ka Aina, nolaila o ka hoolohe oa ka pouo o pilikia auanei.

James makee & Co.

Waihee, Maui, Sept. 7, 1878 910 6m 933

Aina Kuai A Hoolimalima

He kanalima Kumaniaono eka aina ma l@ilei. (Makai iho o ka Halepaahao.) He Loko Ia, Aioa Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia J.H Coney, (Koni).

Honolulu, 865 tf

Hoolaha No Halawa.

Ke papa aku nei au i na kanaka a pau, aole e alualu a pepehi i na Pipi ahia hao ole e hele ana ma ka kula a me ke kuahiwi o Halawa, o hoopiiia lakou ma ke kanawai. oiai, owau wale no ka mea nana keia mau bipi.

J I Doweett, Kimo Pelekane.

Honolulu, Iulai 2, 1870 918 3m

Ko Bihopa Ma

Banako Malama Dala!

E malama no mua i ke dala o na kanaka maloko o ka Banako, penei:

            Ina hoomoe mai ke kanaka hookahi i na dala $700 a emimai paha, alaila, e uku maua i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekoulu malama a keu paha, Aole ukupanee e helu ia no ka hakioa o ke dala hookahi, aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, I kananakoulu la mamua o kona ohi ana, a o kaua Dase kekahi ka laweia mai.

            Ma ka la mua o Sepatemeba i keia makahiki a i keia, e houluulu ai i ke dalam a e huipuia ke ukupanee me ke kumupaa o na dala, a e huipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoo mamua o $300, alaila, hooholo pu ka olelo.

            E weheia ka ilalo Banako i na ia hana a pau.

951 tf Bishop & Co.

Dr.Rodgers

Oia o

Kauka Lokeke.

Ua hoonee ae nei i kona kena oihana mai ka hale ae o Aliaene ma Monikahaae a iloko o ka Hale Mu, helu 54 Alanui Papu.

            Ma key hope e hoomakaukau ana ke Kauka i kona mau Laau ponoi a puunaue aku i ka poe kii mai.

            O kona hale noho, aia no ma ka pa o ka Hoiele Hawaii, ma kahi i noho mua ai. 881 tf

E. Strehz,

Ailuene.

            Malaila e loaa ai na ano laau a pau: a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papa a me Hotele, ma Monikahaae. (845 1y)

Hoemi Nui!

Ua hooemi ia ke kumukui o na

Huila Humuhumu Lole,

            Mai ke Kanalima Dala a hiki i ke Kanakolukumamalima Dala, nolaila, e wiki mau ookua o pau e ananei. E loaa pu no ma ko makou Halekaui oa mea hao o na ano a paa. o-o, kopala, koi, palau, kope, pahi, ipukukui, pena, aila, &e. &e. &e. &e.

A me na Loko Kukula Hale o kela a me keio Ano.

            E kipa mai ma ko makoa Haleknai Kou ma Ahuni Pape, Helu 37 Dilinahama Ma 911 sm 922

Maikai ka hoi ka papa!

A me

Ka laau o kou hale!

No hea la?

Kai no hoi no kahi o

Waila Ma!

Nana aku no hoi ia la

Ohi ka lo o ka Laau o Makawao

I ka ua mea hoi o ka nani o

Na Papa! Na Papa!

A me

Na pono kukulu hale

O na ano no a pau

Aia ma kekihi o na

Alanui Papu me Moiwahine!

Honolulu

Maaila E loaa ai

E like me ka makemake

No ke

Kumukuai makepono loa!

Papa, Papa, Papa,

Na Papa Huluhulu,

Na Papa Manoanoa,

Na Papa i kahiia,

Na Papa Kepa,

Papa Hole Keokeo,

Papa Hole Ulaula,

Na laau, na laau

Na Kua,

Na Kaola.

Na Aaho,

Na Moli

Na Peapea,

Pine Huluhulu,

Pine i kahiia.

Na Papa a me na Laau Ulaula!

Pili ulaula,

Pili Keokeo,

Pani Puka,

Pani Poka Aniani,

Ipuka Aniani,

Puka Olepelepe.

Pena o na ano a pau

Hulu Pena mai ka Liilii a ke Nui,

Aila Pena,

Aila Hoomall,

Wanii, Pate.

Na loko o kela a me keia ano!

Na Ami Puka Hale.

Na Ami Puka Pa.

Aniani!

Pepa Hale a me na Lihilihi

E loaa no malaila.

Paakai helu i o kakaako me puuloa

            No ke Dala Kuike. e loaa no na mea a pau i haiia ae la, no ke Kumukuai Emi loa O na kauoha a pau ai Hawaii a Niihau e loaa'ku ana ia lakou, e hooko koke ia no ia me ka lawa pono.

E Kipa Nui Hailu. I ike i ka oiaio