Ka Nupepa Kuokoa, Volume XVIII, Number 27, 5 July 1879 — Page 3
| This text was transcribed by: | Nersa Miller |
| This work is dedicated to: | Robbie Avilla |
Ka Nupepa Kuokoa
KE KILOHANA POOKELA NO KA LAHUI HAWAII.
E NA
Lede a me na Keonimana!
C o ka C
MAKANI APAAPAA O KOHALA.
E Kipa, E Naue, E Komo, A e ike i na Nani o kela a me keia ano o na Waiwai Hou
Loa i hiki mai nei ma ko maua
HALEKUAI MA KAIOPIHI!
Malaila no e @ @ ia oukou keia mau Waiwai Maikai malao iho nei:
NA PAPALE WAHINE HULU NANI HOU LOA E PULELO AI I KA MAKANI.
Ina na @ e @ ma@ i ke poo, ame i kaua m@ ua mea o ka Pulelo o na Lipine a
me ka luhe maewa o ka Hulu i ke oha makani, mana aku no hoi, hela
kela a “Kau ka Iwa he la makani,” i ka ua mea o ka Nani Lua ole, oia no oe la o ka
HULU MAMO GULA LELOLELO O KA IU O GOMOHERA.
NA KIHEI KUWELU.
O keia @ Kihei, aohe i laha ma aa Halekuai e ae, ma ko maua Halekua wale no; ua lawe mai maua no ka Pomaikai o na Lede papalina nohenohea o na aina nei a ke aloha i anoi ai; ina no hoi oe e Hoani ae ana i ka Aluna Ahiahi.
Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou.
NA LEI A-I HIPUU KIKEPA O NA KEONIMANA E LINOHAU AI.
Ke hoohiolo nei iloko o ka maua Halekuai Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu.
Na Kamaa Hila Aulii a Mikioi o na Kane, Wahine a me na Kamalii.
O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no el la, o ka Leo o ke Kolohala i ka po Lai.
NO WAIALA MOANI ALA LOA.
Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona.
NA KALAKOA
Eia no hoi ua Lole Kalakoa ke ahu mokaki mai nei o na ano he nui wale.
Na Pahu.
A pela no hoi me na Pahu Pake, i hele kela a panio lua o waho i ka waniki.
Na Moena.
Eia no hoi ia maua na Moena Pake, oia no eo la o ka Pawehe o Niihau ka panio
Na Pa, Bola., &c.
A eia no hoi ma ko maua Halekuai nei na Pa, Bola, Ipukukai, o ke nui a me ka liiii, a me na waiwai e ae he nui wale, he hiki ole ke hue pau aku i ka nui launa ole. O keia mau waiwai i hoakakaia maluna, e loaa no ia oukou ma ke kumukuai makepono loa.
AKINA & ASEU,
Kaiopihi, Kohala, Hawaii, Nov. 9, 1878 885 tf
“CALIFORNIA
ONE PRICE
BAZAR.”
WAIWAI HOU! WAIWAI HOU!
MA ke ku ana mai nei o ka mokuahi Auseteralia, ua loaa mai i ka Halekuai.
“CALIFORNIA O.P. BAZA”
Na Lole Hou maikai loa nona ka huina he
$4543
Na Palemai Helu 1 no na Wahine a me na Kane, o ke aao maikai loa.
64 Kakini Palule Keokeo, $1.50 no ka palule hookahi i kupono no ka $3.50
52 Kakini Palule maikai eae, $2.00 no ka palule hookahi i kupono no ka $4.00
93 Kakini Palule Lahilahi, $1.00 no ka palule hookahi i kupono no ka $1.75
Na Kakini Keokeo maikai aeae
me na Kakini Kalekoa, $1.50 no ke Doz.
Na Palemai luia Marino maikai o na Kane
152 Kakini Palemai Wahine maikai mai ke dala hookahi, ekoku a ka eha dala
Na Lole Kakimea, Marino, Alapaca, a me na me hoonani no na wahine.
Na Kalakoa Farani mai ka 15 Keneta no ka l-a a maluna aku.
O KA MAKOU OLELO MAKIA:
E hoahu i na Waiwai Maikai, a e Kuai Emi Loa,
Ma ka Halokuai
California One Price Bazar.
905 @ 916 MELLIS & FISHEL.
WAHIE! WAHIE!
C Auhea ka poe C
MAKU AI, a me ka pae PUNI PALAOA!
He mau PAILA WAHIE no ke kumukuai makepono! E ninau ia E.S. Timoteo ma ka pa o ke Kula Kahunapule, ma Kawaiahao. 902 tf
C. C. Coleman.
Amara a he Mea Hana Mekini,
Kapili Kapuai Hao Lio
C A ME KA C
Hana ana i na Kaa lio, &c.
Hale Hana ma Alanui Alii, e kokoke la i ke Alanui Papu.
KO
G. W E S T
C MAU C
HALE HANA KAA HOLO LEALEA:
Kaa Lawe Ukana.
Kapili Kapuai Hao,
C ME KA C
Hana Hoa ana i na Kaa Nahaha.
E LOAA no i ka poe a makemake ana i na mea i hoikela maluna ke hele ae ma Polelewa ma ewa iho o ka halekuai o Kakela me Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko ia no hoi na kauoha me ka eleu, a me ka hikiwawe.
917 3m 928
KUAI EMI! KUAI MANUAHI!
UA loaa mai nei iau maluna mai o ka mokuahi Kaleponi, na lole nuhou o kela a me keia ano, nolaila, ke kau leo aku nei au i na keonimana a me na lede o ka makani Apaapaa o Kohala, a me ko ka ua Kipuupau alo hau anu o Waimea, e naue, a e kipa ae ma kou halekuai ma
Honopueo, Kohala, Hawaii.
A malaila e loaa ai ia oukou na lole aulii o kela a me keia ano e wehiwehi ai ke kino. E hoomaka ia aua ke kuai hoemi ma ka Poaono Mei 24, 1879. A e hoomau ia aku ana pela ma na Poaono a me na Poakahi a pau o kela a me keia pule. E hele nui ae i ike pono. GOO KIM.
911 8m 922
PAPA KUHIKUHI MANAWA HOLO
C O KA C
MOKUMAHU HAWAII
“LIKELIKE,”
KAPENA. : : : REYNOLD.
Poalua Iulai 1 hora 5 pm ...................................Kaapuni ia Hawaii
Poalua Iulai @ hora 5 pm.........................................................Hilo
Poalua Iulai 15 hora 5 pm..................................Kaapuni ia Hawaii
Poalua Iulai 22 hora 5pm..........................................................Hilo
Poalua Iulai 29 hora 5pm....................................Kaapuni ia Hawaii
Poalua Augate 5 hora 5pm.........................................................Hilo
Poalua Augate 12 hora 5pm................................Kaapuni ia Hawaii
Poalua Augate 19 hora 5pm.........................................................Hilo
Poalua Augate 25 hora 5pm..................................Kaapuni ia Hawaii
Poalua Sept 2 hora 5pm................................................................Hilo
Poalua Sept 9 hora 5pm..........................................Kaapuni ia Hawaii
Poalua Sep 16 hora 5pm................................................................Hilo
Poalua Sept 23 hora 5pm........................................Kaapuni ia Hawaii
Poalua Sept 30 hora 5pm...............................................................Hilo
AOLE AIE NO NA UKU OHUA!
Ke hoole ia aku nei ka aie no na uku ohua a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole o kakau ia ka loaa ana mai.
HE KUIKE KA UKU UKANA
Ma na ukana a pau a na makamaka, a pono e uku mua ia. A e hookola no na kauoha no ka lawe a hiki i kahi i makamaka. A e malama ia no me ka makaala ua ukana, paiki a me na puolo, lio, pipi a me ka hoki.
E hoailona ia me ka moakaka na Pahu Rama a me Waina.
O ka poe no lakou na ukana o keia ano e pono e hoailnoaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke ia mai iloko o ka malama hookahi.
Aole e ae ia na hookele kaa, na keiki a me na mea like, e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lole.
No ke ake nui e hoopomaikaiia ka lehulehu kaahele, na hoololi ae nei na ona o Likelike i ka Papa Hoike Manawa o ia Mokuahi e like me maluna.
Ma ka Hale Oihana e loaai na Palapala.
Aole @ o hope e lilo, aia wale no a kaa mua mai ka uka moku. Aole o @ ka hewa no na paiki, ukana a puolo paha, ke ole e kaka@ ka @ ana mai. E @ ukaaia ka uku ohana @ @ @ nona aku ai.
WILDER & CO.
OLELO HOOALAHA
HOOLAHA A NA LUNAHOOPONO.
PONO WAIWAI.
No ka mea, @ @ ia mai @@@@@@@@@@@@@@@@@@@@@@@@
@@@@@@@@@@@@@@@@@@@@@@@@@@@@@@@@@@
@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@@@@@@@@@
@@@@@@@@@@@@@@@@@@@@@@@@@@@@@@@@@
W M ENA
MRS KAIKU. @ @ X
Waihee, Maui, Lune 16, 1879
KALE KULIKA,
LUNA HOOIAIO PALAPALA KUAI,
Molaki, a me na palapala oia ano.
LUNA HOOIAIO PALAPALA
Aelike mawaena o na Haku me na Kauwa.
Luna Haawi Palapala Ae Mare
Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina. 906 tf
HOOLAHA.
UA makaukau ka mea nona ka inoa malalo iho, e kokua i ka poe e manao ana e
Kuai, Hoolimalima a Moraki Aina,
A no ka
Hoaie Dala Ana.
WILLIAM O. SMITH, Loio.
Honolulu, Iune 16, 1879. 916 3m 927
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
C E LAA NA C
Ahinahina, Kalakoa,
Keokeo, Leopnalo,
Pena, Aila, Aniani,
KA MEA PIULA!
KOPA, AILA HONUA,
AILA HOOMALOO
Kui Kakia, Pakeke
Tabu, Kaula, Noho Lio,
Hulu Palaki, na Pulumi,
C A HE C
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika,
Na Lole kupono i ka wawae
Palule Huluhulu,
Na Lole Huluhulu.
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
C A ME NA C
Mikini Humuhumu Makeponoloa!
C A HE C
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
A he Laau Lapau Kaulana Loa
A DR. JAYNES.
Laau Kunu,
Laau Hoomaemae Koko,
Laaua Hoopau Naio,
Penikila, Huaale,
A ME NA LAAU HAMO, A PELAKU!
S40 tf
PAPA! PAPA!
C NO C
ALLEN & ROBINSON
UA WEHE AE NEI MAUA 1
PA KUAI PAPA
C MA C
KA UWAPO O PAKAKA
CCCCCC
Na papa Ulaula o na ano a pau.
Na papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena!
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
CCCCCCCC
NA LAKO KUKULU HALE
O NA ANO A PAU!
E KUAHA MA @
KE KUMUKUAI HAAHAA LOA
O keia Mokeke.
ALLEN & ROBINSON
Honolulu, @ 1, 1879
He Manao Aloha.
CCCCCCC
E NA NUPEPE KUOKOA: Aloha oe: C
E oluolu oe e hai pokole aku au i kau manao aloha a me ka mahalo ia Mrs. Hariata Hanaike, a ka @ @ Lani i lawe aku nei mai kana @ aku oia o Rev. J. B. Hanaike, a me ka iaua mau keiki ekolu. Ua noho pu iaua me makou ma Lahainaluna o ua mahalo mau aku maua i ke ano akahai o keia wahine opio, a me @ hoolohe a me ka hooikaika pono ma na @ maikai a pau. Aole no i loaa i keia wahine opio ka pomaikai nui o na kaikamahine Hawaii he lehulehu o ke ao ia a na mea naauao a pau ma na kula hanai. Aole i ao ia ma ka olelo Enelani. Aka, he ano haipule kona; he ano puni no hoi i ka naauao a me ke akami. A i kona wa e noho ana ma Lahainaluna, ua pii no kona ike a mahuahua me he ia e lilo ana ia i kokoolua makaukau no kana kane.
O kekahi no keia o na kaikamahine hoomaemae a me ka hoopono o Hawaii nei. I na paha e lehulehu ana na mea ano like, i na e ola io ana keia lahui. He nani ka pono o Iesu e hele laulaha nei ma keia paemoku i noho pouli, e hiki ai i kona poe haipule Hawaii e like me ko kakou kaikauahine, e hoolana loa ka manao i ka wa e make ana a me ka pualele hopohopo ole aku i ke Kahuhipa ma ke awawa o ka make.
S. E. BIHOPA.
Honolulu, June 28, 1879
CCCCCCCCCCCCC
IOLANI COLLEGE. C Ma ka hora 2 pm o ka Poakahi iho nei, i hoikeia ai ke Kula Bihopa o Iolani College ma ko lakou hale kula ma Niupaipai: mamua iho o ka hoomaka ana o na hana, ua haawiia he mau makana i na haumana i manaoia ua holomua ma na haawina ma ko lakou mau papa, a mahope ua hoomaka na hana me na himeni a me na haiolelo, i ka pau ana o na hana ma ka rumi kula, ua hooliloia ke koena o ka manawa ma ka paikau, heihei kukini, lele pa a pela aku. Ua hoohanohanoia ka la hoike ma ka hiki kino ana ae o ka Moiwahine Emma, Ka Lunakanawai Keikie Harris, ke Kanikela Beritania Wodehouse a me kona hope, a me kekahi poe maka hanohano e ae.
CCCCCCCCCCCCCCCCC
A HA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai o MARY KAHEIAU @ o Honolulu i make kauoha ole, imua o ka Lunakanawai Nui Harris. Olelo kauoha e hoolaha aku no ke noi ana mai e koho i Lunahooponopono waiwai. Ma ka heluhelu a me ka waiho ana mai o ke palapala noi a Beke Kanihina o Honolulu e hoike mai ana o Mary Kaheiau @ no Honolulu, ua make kauoha ole ma Honolulu ma ka la 6 o Mei 1879, a e noi ana e haawi ia ka palapala hookohu lunahooponopono waiwai iaia, ka mea noi. Ua kauoha ia o ka Poakahi ka la 21 o Iulai, 1879, oia ka manawa i konoia no ka hoolohe ana i ua noi la imua o ua Lunakanawai la, ma ke keena hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ka Nupepa Kuokoa ma Honolulu.
Kakauia ma Honolulu ko Hawaii Pae Aina, June 30, 1879.
CHAS C HARRIS,
Ikea: Lunakakawai Nui o ke Aha Kiekie.
A Rosa, Hope Kakauolelo Jul5 918 8t
OLELO HOOLAHA.
UA hookohu pono ia ka mea nona ka inoa malalo iho nei, imua o ka mean hanohano C C Harris, ka Lunakanawai o ka Aha Kiekie, i lunahooponopono waiwai no D. Kukahiko o Honouliuli i make aku nei. Ke hoike aku nei au, o ka poe i aie mai a me ka poe a D Kukahiko i aie aku ai e hoike koke mai lakou imua ou ma Waipio, a i ole ma Puukapu, Ewa. A o ka poe iaia kekahi waiwai o D Kukahiko e paa nei, e hoike mai lakou imua ou ina he kuleana ko lakou ma ua waiwai ia. E hoole mau loa ia lakou ke hala na malama eha ma ka wa o keia hoolaha ana mai keia ia aku. KAIALEMIA.
Lunahooponopono Waiwai o D Kukahiko.
Waipio, Ewa, Iune 27, 1879 918 4@
HOOLAHA I KA POE AIE.
MA keia ke hoolaha ia aku nei, ua hookohuia ka mea nona ka inoa malalo iho i lunahooponopono waiwai no ka waiwai o Elezabeth Kauwa Ulukou o Honolulu i make, a ma keia, ke kauohaia aku nei na mea a pau e hoike mai i ko lakou mau koina i hooialoia, ina ua hoopaa ia ma ka Moraki a ke ole paha, ma kona keena hana ma Honolulu ioloko o na mahina eono mai keia la aku, o hoole mau loa ia aku lakou. A ke kauoha ia aku nei na mea a pau i aie mai i ua waiwai nei e hookaa koke mai. CHAS H JUDD,
Lunahooponopono o ka Waiwai o Elizebeth Kauwa Ulukou i make.
Kakauia ma Honolulu Iune 23, 1879. 918 3t
HOOLAHA I KA POE AIE.
MA keia ke hoolaha ia aku nei, ua hookohuia na mea nona na inoa malalo iho i mau luna hooko no ka palapala kauoha hope loa o William Merseburg, o Kohala, Hawaii i make, a ma keia, ke kauoha ia aku nei na mea a pau e hoike mai i ko lakou mau koina i hooiaioia. Ina ua hoopaaia ma ka Mora ki, a ke ole paha, ma ka hale hana o George C Williams ma Kohala, iloko o na mahina eono mai keia la aku, o hoole mau ia lakou. A o na poe a pau i aie i ka waiwai i oleloia e hookaa koke mai.
GEORGE C WILLIAMS
KANOONOO MERSEBURG
IUNE 28, 1879. 918 3t
Hoolaha a ka Hooilina a Hooko Kauoha.
MA ka waiwai o Kapouhiwa k, o Honolulu i make, ke kauoha ia aku nei na mea a pau ana i aie ai, e hele mai imua ou, a o ka poe i aie iaia, e hookaa mai lau. E loaa no au ma kou hale noho ma Haliimaile, Honolulu.
MRS. WAIAHA
Hoolilina a Hooko Kauoha o Kapouhiwa. 918 @
HOOLAHA NO HALAWA.
KE papa aku nei au i na kanaka a pau, aole e alualu a pepehi i na Pipi ahia hao ole e hele ana ma ke kula a me ke kuahiwi o Halawa, o hoopiia lakou ma ke kanawai, oiai, owau wale no ka mea nana keia mau bipi.
J I DOWSETT, Kimo Pelekane.
Honolulu, Iulai 2, 1879. 918 3m
KAHIKINA NUI!
HELU 62 ALANUI PAPU.
___________
Ua loaa mai ma keia mokuahi iho nei na waiwai hou he nui.
Na Lole Kane a me na Lole Kamalii maikai loa.
Na Lole Wahine a me na mea he nui wale.
Na Huluhulu Farani maikai loa.
Na Iliwai,
Na Hiehi Uhibela Lilina,
Na Keokeo Paina maikai loa,
Na Silika Eleele,
Na Alapia a me na Kalepa Eleele maikai,
Na Kakini o na Kane, Wahine a me na Kamalii,
Na Hainaka Silika o na ano a pau,
Na Kihei Huluhulu Paina o na Kane a me na Wahine,
Na Lilina Mauu maikai loa, a me na waiwai e he nui i hiki ole ke helu papa.
Na Kalakoa Farani, $1 1-2 o ka Holoku.
Na Kalakoa Emelani, $1 no ka Holoku.
Na Kalakoa Amerika, 87 1-2 keneta no ka Holoku,
Nolaila, e na makamaka ma keia mokukupuni a mai Hawaii a Niihau, e kipa nui mai i ou nei a e loaa no ia oukou na mea kuai me ka oluolu loa. O kahi keia e lawa pono ai o kou makemake, aohe e ohumu.
E kuai ia aku ana ao keai mau waiwai me ka hakalia ole no kou kaawaie ana aku no Europa i keia Kupulau ae. No kou poho ana iho nei i ka heihei, nolaila, ua makemake au e kuai hoemi i hoi mai hou poho. He nui ka mea kuai, o ka hoi o k@ lilo i ka heihei o kou oia ia.
907 @ S. MAGNIN.
Honolulu, Mei 22, 1879
HE LETA MAI NA AINA E MAI.
_________
E Aloha ae ana i ka ua Paupili.
__________
I ka @ kakele o ka moana Pakipika.
KA NUPEPA KUOKOA E: Welina kaua: C
Ua koae ia mai kuu pulima e @ malie aku i ka ipu mika a me ke kumu peni i @, na kela mau hua e pohai ae la maluna.
Ua haalele aku au i ka nani pua ole o Beauty Sound i ka malama o Feberuari i hala iho nei, a ua huli hoi mai no Kapalakiko. Ma ka la hope oia malama no. Kau ma ka mokuahi Almeda a noho ma ka Germany Hotel no na pule elua. Ma ka pule mua o Maraki ua hele au e kaapuni ina palena o keia kulanakauhale. Iau i hele ai e ike i ka nani o ka hale auau o na keonimana a me na lede o ka nui o na rumi he elima haneri a penei ke ano o keia mau rumi.
He mau rumi komo kapa a he wahi e waiho ai i na kapa wai he $3.00 no ka malama hookahi, aole wai i ike ma ka Mokuaina o Washington Terrytory a me British Columbia i ka hana ia o na wahi auau e like me keia he ekolu mau kowali nui e lele kawa ai, ua hoomaemae maikai ia o loko me ka wai maikai, i ho’u hoomaopopo aku i ka nui o na kane a me na wahine ua hiki i ka elima haneri.
A ma ka la 12 o Maraki, ua kau aku au ma ke kau ahi no Oakland, ua hiki malaila i ka hora eiwa o ke kakahiaka oia la, a ua naue aku maua me Henry Cody e ike i ke Kula Nui o Oakland. Ia maua i hele aku a i a hiki i ka puka komo o waho he hookahi a @ dala nui e kau ana malaila.
Ia manawa hele aku la kou kamaaina a huki mai la i ka bele, kani aku la ka bele kali iho la maua he mau minute mahope iho oia manawa, hoea mai ana ke kumu kula helu eiwa, oia ka mea nana e hookipa i na malihini, ia wa a makou e hele ana ua hoohikilele ia kou puuwai i ka ike ana ae i na mea nani o loko o ka hale. A iau i komo aku ai e ike i ka rumi moe ua pii palua ae kou mahalo i ka ike ana aku i na moe a me na pakaukau o kela a me keia rumi o na haumana, a mai laila aku komo i ka rumi aina, a ma ka rumi aina aku a i ka rumi kula, iau i alawa ae ai ua hele a le, hau na mea naauao i ulu ia mai a akoakoa e ka noonoo maikai o ka poe ike, ua manao au o ka nani o Ahuimanu a me Lahainaluna oia la hoi ka heke eia ka hoi he oki loa ia.
Ma ka la 15 oia malama no, kau aku la au i ke kaa ahi no San Jose, a moe ma ia po no ia kulanakauhale, he kulanakauhale maikai keia, a oluolu maikai na ea; a me ka noho ana na alanui na keonimana me na lede, ua hele wale a nohea i ka pua o ke Koolau.
Ua luana au maloko a ka UNITES STATES HOTEL, iloko o na la elima me ka oluolu maikai o kou oia kino. Ma ka la 21 hora eiwa, ua kono ia mai ae e ka makemake o kuu lunamanao, e ake e ike i ka Halekula nui o na kaikamahine nona ka inoa Notre Dam College. Ma ka hora i hai ia ae la maluna oia kou manawa i haalele iho ai i ka lumi hooipa o ka UNITED STATES HOTEL kau aku la au maluna o ke kaa lio no ka hapaha mile paha ka loa mai ka Hotel aku o ka inoa o keia alanui e holo nei ke kaa o Clara Street.
Iau e hoonanea ana i ka nolunolu o ka bela o ke kaa lio, loke aku la au i ke kani ana oka bele o ka puka pa o ke kula, he mau minute paha elima o ko maua kali ana me ke kahu lio, hoomaka mai ana o Miss Alice e wehe i ka puka, a ninau mai la ia maua. Heaha ko olua makemake? Hai aku la au i hele mai nei au e makaikai i keia Halekula. Ia manawa olelo mai la kela e komo aku, a komo aku la au me Miss Alice iloko o ka rumi hookipa, lalau hou ae la o Miss Alice he ami dala a huki mai la i ka bele, a hoea maila he kumu kane a nalo aku la o Miss Alice, a me keia kumu kane au i kukai olelo ai no ka hapalua hora ma ka rumi hookipa, a naue aku la maua e nana i ka puka Gula or Notre Dam, aohe mea a kuu puuwai a me kuu lunaikehala e hoohalahala ai oiai; ua hana ia e ka lima noeau o na kamana na kinohinohi o na rumi a me na hale. O na rumi moe o na kaikamahine ua maemae, aohe hana a ka puukolu a me ka Pualena e hoohalahala ai, oiai ua maikai Haleakala i lohia e ka noe i ke kawele lipina ia e ka Lehuamakanoe, mai ka rumi moe aku i ka rumi kula. A iau i ike aku ai i keia rumi, he mea e kou mahalo no ka eleu o ka hooponopono ana a na kumu, a mai keia rumi aku a i ka rumi aina, a mai ka rumi aina a i ka rumi hoomaemae, a huli hoi mai ma ka rumi hookipa a ma ia rumi kahi i kamailio ai a hiki i kou huli hoi ana mai a kau iluna o ke kaa, no United States Hotel ka pahu hopu. A ma ka hapalua o ka hora elua oia la n@e mai la ka ua, mai ia hapa la a po, hu mai la kou aloha i na ua kaulana o ka aina hanau, a me he mea ala e i mai ana i kuu waimaka e hoohanini mawaho. Nolaila ke kanaenae anei au i na ua kaulana o kuu aina kulaiwi oiaio.
Aloha oe e ka ua Paupili, aloha oe e Kauanahua, a me ka ua Lanihaahaa, kahi ou mau kini kuu aina makuahine hoi e noho mai la i ka nalu hee o Puuhele a me ka wai kapipi o Kumaka.
Ma ka la 22 oia malama no, kau aku la au no Santa Clara, he wahi kulanakauhale uuku malaila ka Halekula nui o Santa Clara College, he ekolu mile ka lo mai Sana Jose aku, ua hiki aku au ma ka puka me kakahi keonimana i ka hora eiwa e like me ka mea i hai ia aenei maluna, no na kula au i komo ai mamua pela no keia aka nae ma keia kula nui he ano oi loa aku keia o ka maikai mamua o na kula au i koko makaikai ai, a o keia ka helu ekahi au i ike ma kau huakai kaahele, a huli hoi mai no Sana Jose ia la.
Ma ka la 23 kau ma ke kaa ahi no Nile Station, hiki maila i ka hapalua o ka hora ewalu, kau hou aku he kaa ahi hou no Stockton, a mai ia kulanakauhale aku kau hou he kaa ahi hou hiki ma Sacramento ia la. he 126 mile ka loa mai San Jose mai.
A iau i hele aku ai mai ke kaa ahi aku no ka 18 kapuni pana, halawai aku @ au me J. Kamohiihekanaka Hawaii oia ma Sacramento kona wahi, he rumi hana kona ma ke kaona he hoohinuhinu (Polished) kana hana, ia maua kamailio ana hele mai ana elua mau kanaka Hawaii o A. Edward Mahuka, me Kimo, a lulu lima pu iho la me ke aloha, o keia A. Edward Mahuka oia ka hooilina o Kapu i make, he keiki Hawaii kuonoono ia ma Sutter County nei, ua komo kona ino iloko o ka heluna waiwai o ko Kaleponi poe, he hapalua hora paha ko makou ku ana malaila a hoi mai la i ka home o J. Kahomai, ua hooluolu iki malaila no ka pule hookahi, a huli hoi mai no Vernon Sutter County ka home noho o ke keiki lalawai o Sutter County nona ka inoa i ha i ia ae la maluna, he kanaka oluolu a akahai ka noho ana, he ano hoohaahaa, o ka inoa nae ua kiekie, ua mare i ka wahine a ua loaa kana kaikamahine.
He maikai kona mau hale a me ka papaaina, ua ioana au no kekahi mau la, a ma ka la 28 o Aperila i hala iho nei, ua kau aku la au me A. Edward Mahuka J. Keahilele ma ka waapa, ma kekahi waapa hoi o Uilama Paniani a me kana keiki, a kipa ma ka hale o ke keiki lalawai oia a Papu, moe malalai a ao ia po no West Butter County, kahi o ka makamaka J. A. Kapahukulu, oia keiki hoonee opihi ia o West Butter County, he mau waiwai paa a waiwai lewa he elua mau hale, ua hiki aku makou malaila i ka hora 12 o ka po he 40 mile ka loa, mai kahi o Papu a hiki ilaila, he nui na mea ai, i ano like ka ai ana me na haole waiwai.
Ua hai ae ka nupepa o Sacramento, ua hopu ia o Paona Keala a hoopaa ia ma ka Halepaahao, no ka hihia hou pahi, ua hou oia i ka pahi i kana whaine ponoi a make loa, aia ma ka Poaono ae e hana iai kona hihia ma ka Aha Jure o ke kaona o Orville, e hiki ana au ma kela apana e nana i ke ano o kona hihia a e ike no oukou ma kekahi mau helu o ko kakou Kilohana nei ma keia mua aku. Owau iho no me ke aloha.
A. E. K. Kaweluolanihuli.
West Butter Country Calfonia Mei 3, 1879
A. Edwar Kahekili ka inoa ponoi.
________
NU HOU KULOKO.
_________
KAU KIURE O KA APANA EKAHI. C Ma keia Poakahi ae Iulai 7, e weheiai ke kau kiure o Honolulu nei, ma Aliiolani Hale ma ka hora 10 a.m. Ma kekahi wahi o ka pepa o keia la e ike ia ai na hihia o keia kau.
______
HOIKE O NA KULA AUPUNI O HONOLULU. C Ma na la 21, 22, me 23, o keia mahina e hoikeiai na kula la aupuni o Honolulu nei, ma na wahi i hoolahaia e ka Luna Kula e like me ia ma kana olelo Hoolaha malalo o ke kauoha e puka aku nei ma ka pepa o keia la.
_____
KA MOKU KUNA “CLAUS SPRECKLES.” C Ma kekahi la o ka pule i hala aku nei ua ku ae ma ke awa o Kahului i Maui, ka moku kuna “Claus Spreckles” iloko o na la holo 9 me 20 hora, mai Kapalakiko mai, he mokuahi hoi ka hoa e like ai. “Ehuehu no ka hele na mai o ke kai loa.
______
HOOPANEE IA: Mamuli o na ulia poino i loaa i ka mea nona ke kileo kani Juliana Walanika ma ka haole ana i ka kio, nolaila, ua hoopanee ia ka Aha Mele i manao ia e wehe ma keia po ma ka luakini o Kawaiahao a ka manawa e hoolaha hou ia aku ai. O ka poe i loaa na balota komo no ka Aha Mele o keia no Poano e hoihoi aku i ua mau barota la i na komite, a e hoihoi ia mai ko lakou mau kumu lilo.
______
KA MOKUAHI LEHUA. C Ma ke kakahiaka Poaha iho nei i ku mai ai ka mokuahi Lehua mai kana huakai aku nei i na mokupuni o lalo; ua lohe mai makou ua nui ka makemake o ka poe i hele aku nei ma ia huakai makaikai, i ka ike ana i ka mokupuni nona ka papahi lei kaulana he Lehua, i ike ole ia e ka lehulehu e noho nei, a malia paha, e lilo ana ia i une e hoeueu a @ kekahi poe e ae e lanakoi ae ka manao e hele ilaila, ua hiki no, he malihini makamaka hou ia.
_____
UA HALA I KE ALA HOI OLE MAI: C Ma ka po o ka Poalima la 20 o Iune nei, ua kii mai la na lima menemene ole o ka make, a lawe palanehe ole aku la i kau wahine mare ia Mrs. Hattie Hanaike, mahope iho o na hoomailo ana a ka mai ia la. Ua hoomaka no keia nawaliwali he mau mahina mamua ae o ko maua haalele ana aku ia Lahainaluna a hiki wale i ko maua noho malihini ana ma Lihue nei. pela no i ukali pauaho ole mai ai ka nawaliwali a hiki i ka malama o Aperila.
Iloko o keia malama, ua ano e mai ka mai, he eha iloko o ke poo no elua malama, a @ iloko iho nei o keia mahina hoomaka hou mai kekahi eha ma ka ai, a malalo o keia mau haawina nui a ka pilikia ola a hiki wale i kona haalele ana mai i keia ao inea a kuu aku la kona luhi.
Mamua o ko ke Akua lawe ana aku i kona uhane ua waiho mai oia i keia mau huaolelo, hope loa, oiai makou e malama ana i ka ohana o ke ahiahi. “O Iehova no kau kahuhipa; aole ou mea e nele ai.” A mahope o keia, aole i lohe hou ia kona leo a hala wale aku la kona uhane iloko o kona manawa e hiamoe ana me ka oluolu.
Owau no J.B. Hanaike
Lihue, Kauai, Iune 24, 1879