Ka Nupepa Kuokoa, Volume XVIII, Number 23, 7 Iune 1879 — Page 2

ʻaoʻao PDF (1.82 MB)

Ma ke kauoha.

                UA oluolu i ke Alii ka Moi ka hookohu ana mai i na keonimana malalo iho i mau hoa no Kona Aha Kukamalu.
Wm. F. Allen,
David Kahanu,
C. A. Afong,
M. Kuaea,
F.P. Adams.
Halealii Iolani, Iune 5, 1879. 914 3t

            UA hookohuia o John Thomas Waterhouse opio e lawelawe ma ke ano he Komisina malalo o na kanawai no ka Oihana Wai o Honolulu, ma kahi o Hon. Chas. R. Bishop i waiho mai.
SAM'L G. WILDER, Kuhina Kalaiaina.
Keena Kalaiaina. 914 3t

            O KA Poakolu, ka la 11 o Iune, oia ka la Hoomanao o Kamehameha I, e malamaia ana i la kula ia aupuni, a e pauiia na ipuka o na hale oihana aupuni a pau o ke Aupuni.
SAM'L G. WILDER, Kuhina Kalaiaina.
Keena Kalaiaina, Iune 6, 1879. 914 1t

Hoolimalima o ka Aina Aupuni.

                E KUAI ia ana ma ka Poakahi Iune 16, 1879, ma ke alo o Aliiolani Hale ma ka hora 12 awakea, ka hoolimalima no na makahiki he umi, o ka aina o KULAIMANO, ma Hilo, Hawaii. Aia keia aina mawaena o na mahiko o Onomea a me Kaupakuea, nona ka ili he 347 eka, 250 eka i kupono i ka mahiko, ua komo keia aina iloko o ke kai he hapalua mile kuea.
            O ke awawa o Waiaama ma ka aoao hema. E ike ia no ke kii o ka aina ma ke Keena Kalaiaina, o ka uku hoolimalima no ka makahiki he 75 keneta no ka eka a maluna aku. E hookaa mua ke dala i kela a me keia eono mahina.
912 3t SAM'L F. WILDER Kuhina Kalaiaina

KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1. Dala Kuike ka Rula.

IUNE 7, 1879.

                ILOKO iho nei o keia pule ua puka hou ka mai Puupuu Ulalii iloko o kekahi ohana haole ma Honolulu nei. He mea keia e akaka a i aole i maopopo ko kakou maluhia mai na luku ana o ia mai, a aole no hoi i ike ia kahi e puka hou ai. A hiki i keia wa aole i ike ia ka loohia ana o kekahi mea iwaena o na ohana Hawaii. Mawaena o na haole wale no na mai i puka iho nei. Aka, he mea pono loa i ko makou poe heluhelu e makaala no lakou iho a me ko lakou mau ohana. Ua hoike mua aku makou i na hiohiona o ka puka ana o keia mai. Ano hoi ua haawi ia mai ia makou ka pono o ka hai ana'ku i ko makoa poe heluhelu a pau, ina e loohia kekahi mea i keia mai e hele koke ae a e hoike ia Kauka Makipine a i ole ia Kauka Hutchinson a e lapaau ia no me ka uku ole. Na ka Papa Ola mai keia kauoha a he mea hiki ke hilinai ia. Oiai he mai ahulau keia a he mai lele, aka nae aohe kumu e hopo ai ke malama pono ia ma ke ano naauao.

            MA ka Poalua o keia pule ua noho ka Ahahui Euanelio Hawaii no ko lakou halawai makahiki ma Kawaiahao. Ua koho ia o Kauka Hai i Lunahoomalu a o Rev. A. O. Polepe me Rev. S. Papaula na Kakauolelo. Ma ka Poalua me ka Poakolu ua heluhelu ia na hoike o na ekalesia me na kihapai. Ma ka Poaha ua heluhelu ia na hoike makahiki o ka Puuku a me ke Kakauolelo o ka Papa Hawaii ; a ua koho ia no hoi na Luna a me na lala hou no keia makahiki ae. Ua koho hou ia o Rev. H. Binamu i Kakauolelo, a o Hon. E. O. Holo i Puuku. Ua hooholo ia no hoi he olelo noi ia Kauka Kulika e hoi hou mai a e lawelawe i ka hana ma Hawaii nei. Ma ka Poalima ua lilo ka manawa i ka hoike ana i ke Kula Kahunapule. Iloko paha o kekahi la o keia pule ae e hoopanee ai ka Aha.

HE LE TA NA KA EUEU O LAHAINA!
Ka Wahine Kaapuni Honua.

                Koena mai kela pule mai. O ke ano o neia wahi kulanakauhale kuaaina a hoowahawaha no hoi ke nana aku, aia hoi na wahi hale ua kukulu ia iluna o ka puu a o ke kumu i noho ia ai neia wahi e kanaka, no ka mea o kahi keia i loaa mua ai o ke gula, ke dala, malalo o ka honua, ua eli ia a he mau tausani kapuai malalo o ka honua, a ua hiki aku ka laula ma kahi o ka umikumalima mile, a malaila i loaa ai na gula e hoolawa nei ia Kaleponi, ua nui no ke akamai o ka haole i ka imi ana a loaa keia pomaikai.
            Ia makou i ku aku ai aohe kaa ua pau e aku la no na wahi kaa i ka lilo, a malaila makou i noho ai he hapalua hora, a hiki mai la kahi kaa a holo aku la no hoi makou a kahi ho tele ahona iki olaila.
            Ma ia po a ao ae haalele aku la makou ia wahi a hoi mai la a hiki i kekahi wahi kulanakauhale oia hoi o Carson a ma ka Hotele Omsby makou i noho ai, aia hoi na kuahiwi o neia wahi aina e paa ana i ka hau, hele ia a kohu wailiula ka hulali mai ke pa iho ka la, a ake nui loa aku la hoi ko'u manao e pii a ike pono i ka hau, a o ko'u makau i na ilikini a hiki ole. Ia'u hoi e hele holoholo ana ma ke alanui, ike aku la wau i na ilikini kane me na ilikini wahine na keiki aohe hoi o lakou ahiu a ua pena no hoi lakou a ulaula na papalina, aohe o lakou papale he wahi hainaka ma ko lakou poo, he pukiki no hoi ka lole aohe kamaa a kohukohu ole no hoi ke nana aku. O ke ano o ko lakou hii ana i ka lakou pepe iloko o ka hinai, ua hookomo ia ka pepe iloko a hauhoa ia i ke kaula, a meia lakou e lawe hele ai i ka lakou pepe. O ke ano o keia poe he molowa lakou i ka hana a maloko o ka makilo e ola ai ko lakou noho ana.
            Ma ia po a ao ae, ho ra ekahi, holo aku la makou i ka nana heihei lio, oia hoi ka lio kaulana ma ka holo peki ana a kaulana ia a puni ka honua, aia hoi na kaa lio a piha ke kahua heihei, ua kokoke no ma kahi o ka eono haneri kaa, ma ke kahua heihei. Ua hookamaaina ia mai la makou me ke Kiaaina oia wahi, a me kana wahine ka Lunakanawai, a me ke kakauolelo a ke Kiaaina, olioli loa lakou i ka hui pu ana me makou mihi mai no ka hele mua ole ana mai e ike ia makou i ka la mua i hiki aku ai. A ma keia wahi ua malama ia makou me he poe alii ala. Ma ka hora eha oia ahiahi, haalele makou i ke kahua heihei a hoi wikiwiki aku la ma ka hotele me ka manao e hoi loa i Kapalakiko aka hiki hou ana no ke Kiaaina ma ka hotele me kona nonoi mai i ko makou lokomaikai e kali a kekahi la ae, alaila hoi, no ka mea he makemake ia, ia makou e hele e makaikai i na wahi pana oia wahi, a nolaila ua kaulua iki iho la makou a kekahi la ae, a ma ia po oia ka hora ehiku, hiki mai la kekahi kaa nui hamama ekolu noho, elua paa lio, o ke kaa hoi keia o makou e holo ai he umikumalima mile e nana i kekahi muliwai kaulana oia hoi ka muliwai Tahoe, a kau aku la no hoi makou ehiku ko makou nui i hele ai ia po o makou eha, o ka haole hoi nona ka hotele o makou i noho ai, o ke kahua lio no hoi a me ke kakauolelo pu a ke kiaaina, a na ke kiaaina no i hoouna iaia e hele pu me makou, he hauoli wale mai no hoi ko ka haole nona ka hotele. O ke kiaaina ua hauoli loa ia i ka hele ana no ka nawaliwali o kana aliiwahine a hiki ole iaia ke hele.
            Ia makou i haalele aku ai i ka ho tele, holo aku la makou i ka waonahele iloko o na awawa iluna hoi o na kuahiwi, oia hoi na kuahiwi (Sierra Nevada Mountain) i Newada, hao mai la a hikikii kauoena i na hulu pea, pa pono iho la hoi ka mahina e lawa hoi ke awakea aohe mea nalo, a he himeni ka makou hana he ua a hiki wale no i kahi a makou i hele ai, aia hoi mao a maanei o ke alanui ke aiai o ka hau, me ko'u koi nui loa e lele au e nana, aia hiki aku la makou ma kahi nui loa o ka hau ma kae o ke alanui, a ku iho la ke kaa a lele aku la makou a pau iluna o ka hau ua paakiki ae la, a malaila ko makou wahi i hoopaheehee hau ai no ka hora hookahi, hele ia o'u a haalulu i ke anu, aka, no ke ake nui e pau ke kuhihewa i ka hau ua hoomanawanui a pau ke kuhihewa ke hele ala ia a oni ka io i ka ua mea he anu, aka nae, aole aku la i pau ko'u lealea i ka paani me ka hau, aia no hoi ma ia mauna kekahi auwai papa he umikumalima mile kona loa, a o ka hana a neia auwai me nei no ia. Aia maluna o keia kuahiwi ekolu haneri na ole o ka lakou hana o ke oki i na kumu laau, oia hoi ke Paina a hoolei iloko o ka muliwai Tarhoe na ke kao e kolo a hiki ma kekahi aoao o ka muliwai, a kau aku la iluna o ke kaa ahi nana e lawe a hiki i ka hale nana e oki mai a liilii a kau hou i ke kaa ahi a lawe ia aku a hiki ma ke poo auwai a hoolei ia iloko o keia auwai, a na ka wai e lawe ka wahie ka papa hale no na mile he he umikumamalima, a o kekahi no neia o na hana akamai a na haole i hana ai, a aia no hoi malaila ka puu wahie nui hookahi ma ka honua nei i halihali ia mai e ka wai no na mile he umikumalima.
            Ma ka hora umikumalua oia po hiki aku la makou ma ka ho tele. ua pau na poe a pau i ka moe, kikeke ana makou mawaho, a wehe ia mai la no hoi ka puka a hoa ia ae la no hoi ke ahi, no ka mea, ua hele makou a haukeke i ke anu, ke hoomakaukau ia mai nei no hoi na mea ai a pau ka makou ai ana, oia hoi ka hora ekahi, a hoi aku la e hooluolu ma ka hora ewalu oia kakahiaka ala ae la no hoi makou a pau ia nana ana aku o'u iwaho, aia hoi ua muliwai kaulana nei e waiho mai ana, aia hoi na kuahiwi e kahiko ana i ko lakou mau kahiko o ka hau, a he oi io no ka nani o keia muliwai ua like me he Paradaiso ala. A pau ka makou paina ana hiki ana kekahi wahi mokuahi uuku, a eia ka no makou keia, na ke Kiaaina i Telekalapa mai i neia haole waiwai e hoouna mai i keia wahi mokuahi e lawe e hoomakaikai ia makou, a nolaila ua nui ka lokomaikai o keia kiaaina ia makou.
            Kau aku la no hoi makou a ia wa no i holo aku ai ua wahi moku nei, ua ane like kona holo me he kaaahi ala, he iwakalua mile e holo ai i ka hora hookahi. O ka wai no hoi keia o ua muliwai nei, akaka no hoi me he aniani ala. O na ano o ka wai he bolu a he omaomao, o ka loa he kanakolukumaono mile, a o ka laula he umikumalima, malaila ko makou wahi i holo makaikai ai a po ia la, ma kekahi awa hoi oia hoi o Emeral Bay no ke omaomao, nolaila, i kahea ia ai ia inoa a hakau iho la no hoi kahi moku. Pii wawae aku la makou a pau loa e nana i ka wailele, he nani launa ole mai no hoi, malaila makou no kekahi hora a holo puni aku la makou ma ka muliwai a hiki i ka hotele, hiki ana no hoi ke kaa o ko makou huli hoi hou aku la no ia i Carson a kau aku la ma ke kaaahi a o Kapalakiko ka palena o ka Poalua ia ma ia mau la mai aohe wahi mea ana hou.
            Ma ka la pule oia ka la umi ma ka hora ewalu kau aku la maua ma ke kaaahi, a holo aku la ma kekahi wahi kulanakauhale oia hoi o San Jose, malaila wau i ike ai i kekahi o na wahi maikai o Kapalakiko, aia hoi na hale ua kapili ia e like me na hale o Honolulu, a o mua hoi o ka hale ua piha pono i na lole, ua hele ia o na kumu a paa pono i ka pua loke o na ano a pau, a me he Paradaiso ola keia wahi ma ia ahiahi a huli hoi aku la i ke kaona.
            Maanei e hoopau ai au i ka'u kakau ana. E welina auanei, malaia hoi o loaa ae na wahi mea hou ma keia hope ae, alaila pomaikai no kakou i ka lohe i na mea hou o na aina malihini. Owau me ke aloha.
ABI GAIL KUAIHELANI CAMPBELL.

            LA KULAIA O NA KULA SABATI O OAHU NEI.—Ma keia la e malama ia ai e na Kula Sabati a pau o ka mokupuni o Oahu nei he la kulaia no lakou. E hui pu ana na Kula Sabati a pau ma ke kai huakai ana ma na alanui ma ia la, ai ka wa e kai huakai ai e mele ia'i kekahi mau himeni, a maloko hoi o ka luakini o Kawaiahao e hoike ai na Kula Sabati i ka lakou mau haawina a me na himeni, ke lana nei ko manao e hooholo pona ia na hana a pau.

NU HOU KULOKO.

                Make ma ka haukapila.— O ka luina o ka moku kalepa "Moro Castle" i hou ia'i i ka pahi e koaa hoa au kai o ka moana, ua make oia maloko o ka Haukapila ma ka auina la Poakahi iho nei o keia pule mamuli o ka poino i loaa ia ia mai na lima awahua mai o kona hoa a-e ale.
KAu kiure o ka apana elua.—Ma ke ahiahi Poalua iho nei o keia pule i kau aku ai maluna o ka mokuahi "Likelike" ka Lunakanawai Kiekie Hon. C. C. Harris a me ka Loio Kuhina no ke kau kiure o ka apana elua ma Wailuku.

            NA LUNA HOU NO KA OIHANA KINAIAHI.— Ma ke ahiahi Poakahi iho nei i koho lokahi ia'i ka poe no lakou na inoa malalo nei
i mau Luna Nui no Ka Oihana Kinaiahi o Honolulu nei no keia makahiki aku e hele nei. Geo. Lucas Luna Nui, Jno. Nott kokua mua, J. U. Kawainui kokua alua.

            KE KAPENA O MO RO CASTLE.—Ma ke kakahiaka Poakolu iho nei o keia pule, ua loaa aku ke kino make o ke kapena o ka moku kalepa "Moro Castle" e waiho ana ma kona rumi ua hai ia mai ia makou, he maimai no oia mamua mamuli o kona loaa ana i kekahi mai i kapaia, he Rumatika.

            KA MOKU " HOKUAO. "—Ma ka Poalua o keia pule ae e haalele mai ai ka moku kialua " Hokuao " ia Honolulu nei no na Pae aina o Giliba ti a me Makala, a ua lohe mai makou e hoouna ia ana o Rev. J. H. Mahoe o Koloa, Kauai, i elele no ka Papa Hawaii. " E lawe e na makani i kana olelo mau. "

            MAI MOLOKAI MAI.—Ma ka Poaha iho nei i hiki mai ai i Honolulu nei kekahi waapa huelo boti mai Molokai mai, iloko o na ho ra holo 8 1/2, ehiku mau kanaka maluna. O ka ukana maluna o ua waapa la, he mau paiai, he mau puaa, a me na ili bipi. Ehuehu no na keiki o ka aina makani.

            HUAKAI KAAPUNI.— Ua loaa mai ia makou kekahi mau palapala mai Kohala mai, e hai mai anu i ka hiki ana'ku o ke alii Kiaaina wahine oia mokupuni no kana huakai kaapuni haiolelo imua o na makaainana ma kona moku kiaaina, ua haiolelo oia malaila, a ua lehulehu ka poe i akoakoa ae e hoolohe. Ke lana nei ko makou manao e hooholo ponoia'na kana mau hookele ana.

            MAKE I KE GIANA PAU DA.—Ma kekahi la aku nei o ka pule i hala, ma Hanalei, Kauai, ua make kekahi hanaka paahao i pa-hu ia e ke Giana Pauda, ua moku kona peahi lima, a i ka haule ana o kona peahi lima maluna o kona uha akau, ua moku akula ka uha akau, a lele i kahi e, aole i liuliu mahope mai, ua make oia. O ka hana maa mau no ka ia a keia kanaka, he lawe kolohe i ke Giana Pauda.

            HOOHUIA MA KA MA RE.—Ma ka po Poaha iho nei, a e like me ka makou i hoolaha mua aku ai, ua hoohui io ia ma ke kaula gula o ka mare o Henry Giles me ke kaikamahine hanau mua a C. Afong o keia kulanakauhale. Ua lehulehu ka poe i kono ia ma ua ahaaina mare la.

            HANA KU I KA HOOMAINOINO.—Ua lohe mai makou, ma kekahi la o ka pule i hala ae nei ma Koolaupoko, Oahu nei, ua make kekahi pake, a ua hookomo ia no iloko o ka pahu kupapau, aka, ua lawe ia mai oia mai kona wahi i make ai a waiho ia i ke kula ma Kaneohe, mai ka po a ao a ahiahi ka waiho ana malaila me ke kanu ole ia. Ua lohe pu mai no hoi makou ua lole ia kekahi puaa e na pake a waiho pu ia me ua kupapau la ma ia wahi. Pau ole no ka naaupo o na pake, a he hana ku keia i ka hoomainoino a ke kanawai e iliki iho ai kawewe kela.

            AHA Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o HAO NAONE k o Honolulu i make, ma ke keena, imua o ka Lunakanawai Judd. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike a Mary Naone Stevens, lunahooponopono o ka waiwai o Hao Naone k no Honolulu, Oahu i make, e noi ana e apono ia na hoolilo he $138, a e hoike ana o na mea i loaa mai iaia he $140, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookau ana iaia a me kona mau hope mai ko lakou noho ana ma ia ano. Ua kauohaia o ka Poalua ka la 8 o Iulai 1879, ma ka hora umi o kakahiaka, imua o ua Lunakanawai la ma ke keena, ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la, a me na papa hoike i oleloia, a o ka poe a pau i pili malaila e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii e paiia maloko o ka Nupepa Kuokoa he nupepa i pai a hoolaha ia ma Honolulu i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii Pae Aina i keia la 31 o Mei 1879.
A. FRANCI S JUDD,
Ikea: Lunakanawai o ka Aha Kiekie.
914 3t A. Rosa, Hope Kakauolelo o ka Aha Kiekie.

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o KAPOUHIWA k o Honolulu, Oahu i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea, ma ka la 3 o Iune 1879, ua waiho ia mai imua o ka Aha kekahi palapala i oleloia oia no ke kauoha hope loa o Kapouhiwa k i make aku la; a me ka paapala hoopii e noi ana e hooiaioia kela palapala kauoha a e hoopuka hoi ka palapala luna hooko ia Waiaha w, ua waiho ia mai e Waiaha w. Nolaila, ua kauoha ia o ka Poalua oia ka la 24 o Iune 1879, ma ka hora umi am, ma ka Rumi Hookolokolo oia Aha ma Aliiolani Hale, ma Honolulu, oia ka la me ka hora e hooiaio ia ai ia paiapala kauoha, a e hoolohe hoi no ia noi ana mai a me ka poe a pau i pili e kue ana ia palapala kauoha a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ka Nupepa Kuokoa he nupepa i paiia a i hoolahaia ma Honolulu. A ua kauoha hou ia e hoopukaia na palapala kepa no na hoike no ia palapala kauoha, a me na hooilina o ka mea make ma kela Paemoku e hele mai a e kue i kela palapala kauoha i ka wa i oleloia. Kakau ma Honolulu, ko Hawaii Pae Aina, Iune 3, 1879.
A. FRAN CIS JUDD.
Ikea: Lunakanawai o ka Aha Kiekie.
A. Rosa, Hope Kakauolelo. 914 3t

            AHA Kiekie o ko Hawaii Pae Aina, ma ka hooponopono waiwai, ma ka waiwai o AIRENE H. Ii w he keiki oo ole. Kauoha e hoike i ke kumu ma ke noi o ke kaha i mana e kuai i ka waiwai paa. Ma ka heluheluia a me ka waiho ana mai o ka palapala noi a A. Francis Judd ke kahu o ke kino me ka waiwai o Airene H. Ii w, he keiki oo ole, e noi ana e haawi ia ka mana e kuai i kekahi waiwai paa o na keiki oo ole nei i kapaia o ANAPUNI, e pili ana mawaho aku o ke kula o Kapunahou, nona ka ili aina he 36 24-100 eka, a e hoike ana i kekahi mau kumu kupono ma ke kanawai e kuai ia ai ua waiwai paa la. Ma keia ke kauoha la nei e hele mai ka poe i pili i ua keiki oo ole nei a me na mea a pau i kuleana iloko o ka waiwai i oleloia imua o keia Aha ma ka Poakolu la 18 o Iune 1879, ma ka hora 11 am ma ke keena hookolokolo o keia Aha, ma Honolulu, ma ia manawa a ma ia wahi e hoike ai i ke kumu e haawi ole ia ai ka mana e kuai i ka waiwai i olelo ia. A ua kauoha hou ia, e hoolaha ia ke kapa o keia kauoha no na pule elua mamaua o ka la i oleloia e hoolaha ia ai keia noi, ma ke Kuokoa a me ka P C Advertiser, he mau nupepa i paiia ma Honolulu i oleloia.
Kakauia ma Honolulu, Pae Aina Hawaii, Iune 4, 1879.
Ikea: Lunakanawai o ka Aha Kiekie
Jno. F. Barnard, Kakauolelo 914 2t

KA LA O KAMEHAMEHA, KAPIOLANI PAKA.
Papa Kuhikuhi Hana—Iune 11, 1879.

                NA KOMITE HOOMAKAUKAU—Ka Ex Jno O Dominis, Franklyn S Pratt, Esq. Allen Herbert, Esq.
            PUUKU & KAKAUOLELO—Henry J Agnew.
            NA LUNAKANAWAI—Ad Mailliard, W.C. Wilder, Jas S Lemon.
            MANAWA—D W Clark, M Eckart.
            HOOPONOPONO KAHUA—W.R. Buchanan
                HOLO ANA—J T Chayter.
                KA LOIHI—Jas T Dowsett, jr.
                ANA KAUMAHA—A W Bush.
            NA KOMI TE HOOHANOHANO—na Ex S G Wilder, J M Kapena, E Preston, S Kaai; na Hons C E Bishop, A S Cleghorn, H A Widemann, J I Dowsett, H N Kahanu, G Rhodes; na Esquires-- A J Cartwright, F Spencer, F Banning, M McInerny, J Perry, Col W F Allen, J A Hassinger, J Hoting, J M Davidson, Capt T Spencer, C Long, M Pico, Dr O S Cummins, G W Macfarlane, S Damon, E T O'Halloran, Sam'l Parker, A Schaefer, Dr T P Tisdale, D Afong, H Macfarlane, W G Irwin, H L Sheldon, Col Z S Spaulding, Cecil Brown, B F Bolles, A Jaeger, J C Glade, Jas Campbell, H Cornwell, J Moanauli, H Turton, J Cummins, J S Walker, T C McDowell, G West, C T Gulick, R F Bickerton, J Makee, Dr F H Enders, Col C Spreckles, J H Paty, M P Robinson, Dr J S McGrew, Capt John Ross, J H Black, Dr F Hutchinson, H Schmidt, A McWayne.

NA HEIHEI.
EKE A KAMEHAMEHA. $200

                Heihei kaa lio holo kiau, noa i na lio a pau, hookahi mile.
            O ka mea 2 oi ana iloko o 3. Uku hookomo, $15, e hoihoi ia ka uku hookomo a ka lio elua aku.
F. Wundenberg, hookomo ia b m..............Kanana Maid.
J.M. Daniela hookomo ia e g........................Frank
H.J. A gnew hookomo ia s m..........................Susie

EKE A KA MOIWAHINE, $100

                Heihei holo no na lio a pau, hookahi mile. Uku hookomo, $15, e hoihoi ia ka uku hookomo a ka lio elua.
Umauma hookomo ia g g.............................Major
F. Wundenberg hookomo ia b g................Mark Twain

HEIHEI KUKINI, $35

                Noa i na mea a pau, 400 iwilei, ekolu a oi aku poe hookomo, $25 makana i ka mea eo mua, $10 i ka mea elua. Uku hookomo $1.
W. Allen, E. Bal dwin, Jack, J . Spencer, Betoriana.

EKE A KA POE MEKANIKA. $100

                Heihei kaa lio holo kiau, no na lio wale no a pau o Hawaii nei, hookahi mile, o ka mea 2 oi ana iloko o 3. Uku hookomo, $5, e hoihoi ia ka uku hookomo a ka lio elua aku.
J. I. Dowsett jr hookomo ia b g....................Admiral
J. R. Hol t hookomo ia s m.....................Maile Laulii
G. Markham hookomo ia r m........................Venus

KIAHA O HONOLULU, $250

                (Haawi makana ia e Mr McInerny), o ke kumukuai he $50 me $200 mawaho ae i hui ia aku. Heihei holo no na lio a pau 2 mile ka pahu hopu. O na lio 3 mak, e hali oia he 95 lbs; 4 mak. 105 lbs; 5 mak, 116 lbs; 6 mak, 126 lbs. Uku hookomo $10, e hoihoi ia ka uku hookomo a ka lio elua aku.
F. Wun denberg kookomo ia g s.............................Waterford
J. I. Dowsett jr hookomo ia c g.............................Jimmy
J. Campbell hookomo ia b s....................Blackthorn

EKE A KA MOI, $200

                Heihei holo kiau kaa lio palua, noa i na lio a pau i komo ole iloko o ka heihei holo kiau Eke a Kamehameha, 2 mile ka pahu hopu. Uku hookomo, $15, e hoihoi ia ka uku hookomo a ke kaa elua.
J. M. Daniels hookomo ia c g........Frank a me b m Susan
P. Wundenber g hookomo, Kansas Maid me b m Dolly Varden
T. P. Tisdale hookomo s m......Su sie me b m Dolly Varden
H. J. Agnew hookomo ia s m............ Susie me bl m Baby

HEIHEI MIULA, $30

                Heihei holo, noa i na miula a pau, 1 mile ka pahu hopu. Uku hookomo, $5, e hoihoi ia ka uku hookomo a ka miula 2.
J. M. Daniels hookomo ia b m........................Topsy
C. Buchanan hookomo ia b m.......................Minnie
Nawelu hookomo ia b m............................Koolau

EKE A KE KAMA ALIIWAHINE. $100.

                Heihei holo no na lio a pau i hanauia iloko o keia aupuni, elua mile. Uku hookomo $10.
J. I. Dowsett jr hookomo ia e g......................Jimmy
J. Dodd hookomo ia b g............................Cha rley

EKE A KA LAHUI, $100.

                Heihei holo no na mea a pau, hookahi mile. Uku hookomo $15.
F. Wundenberg hookomo ia b g.................Mark Twain
Umauma hookomo ia g g............................Major
C. Lucas hookomo ia s m.......................Laila Rookh
J. Campbell hookomo ia b s....................Blackthorn

EKE A KA LEHULEHU, $50

                Heihei o na kaa hoolimalima. l mile ka pahu hopu, noa i na lio a pau i komo ole i na hana o ka la, a i loaa ole he makana iloko o kekahi o na heihei. Uku hookomo, $2, e hoihoi ia ka uku hookomo a ka lio elua aku.
C. Lu cas hookomo ia b m..........................Mesalina
J.I. Dow sett jr hookomo ia s g....................Vaquaro
J. Kekipi hookomo ia b m............................Hihiu
A. W. Bush hookomo ia b g........................Gonelza
Pikai hookomo ia s m..................................Boneta
W. J. Noa hookomo ia b h........................Anuenue

HEIHEI HOOKUU.

                Uku hookomo $50 me ka panai pu ia mai e ke Komite $100 i ka mea e eo ai.
S. Ma gnin hookomo ia blk g....................Black Prince
R. Lishman hookomo ia b s.....................Little Giant
H. J. Agnew hookomo ia b m..........................Baby
            E Hoike ae ka poe Heihei ma na Aahu o ka poe Heihei.
            O na rula o ka Hui Lahui o ko Amerika kahua heihei, e alakai ia ai na Lunakanawai i ka lakou mau olelo hooholo.
            O na hookomo ana no na heihei maluna ae, e hoike la ma ke kakau ana me ka uku hookomo, ka inoa o ka lio, ka mea nona ka lio a me ke kahiko o ka mea nana e holo. E waiho ia aku me ke kakauolelo na hookomo ana mamua o ka ho ra 2 p m o ka la 2 o Iune, 1879, mahope aku o ka manawa, aole e lawe ia na hookomo ana.
            UKU KOMO—No na Lio 50 kene ta pakahi. Na Lio me na Kaa 50 keneta pakahi. Noa ka poe hele wawae.
909 tf H. J. AGNEW. Kakauolelo.

Hoolaha Hoopau Mo raki.

                MA keia ke hoolaha ia aku nei, mamuli o kekahi mana kuai i hoopaaia iloko o kekahi palapala Moraki i kakauia ma ka la l o Augate 1876, i hanaia mawaena o Kekaawe k me Kamehaiku w ma kekahi aoao a me M. Robinson me S. Allen o kekahi aoao, a i kakauia iloko o ka Buke 46 ma na aoao 855 a me 366 ma ke keena Kakau Kope ma Honolulu, i mea e paa ai ka hookaa ana o na dala $440 (Eha haneri me kanaha) iloko o na makahiki elua mai ka la i kakau ia ai, me ka ukupanee he hookahi keneta no ke dala no ka mahina a hiki i ka wa e kaa ai. Ke manao nei o M. Robinson a me S. Allen i oleloia e hoopau i ka Moraki i oleloia, a mahope o ka manawa i hoakakaia e ae kanawai, e kudala aku i ka waiwai i Morakiia ma Honolulu, no ka uhai ia ana o na aelike iloko o ka palapala i oleloia. Penei na kuhikuhi ana o ua waiwai nei: Kela apana aina a pau e waiho nei ma Kapalama, Honolulu, i haawiia ia Pulupuluole, Kuleana helu 1063.
RICHARD F. BICKERTON,
Loio no M. Robinson a me S. Allen i oleloia. Kakauia ma Honolulu, Mei 31,1879. 914 4t

Hoolaha Hoopau Moraki.

                MA keia ke hoolaha ia aku nei, mamuli o kekahi mana kuai i hoopaaia iloko o kekahi palapala Moraki i kakau la i ka 28 o Aperila 1877, i hanaia mawaena o Jeo Kalapana o kekahi aoao a me Thomas Brown o kekahi aoao, a i kakau kope ia ma ka Buke 49, ma na aoao 378, 379 a me 380, maloko o ke Keena Kakau Kope ma Honolulu, i mea e hoopaa ai i ka hookaa ana o $150 (Hookahi haneri kanalima dala) iloko o na makahiki elua mai ka la i kakauia ai, me ka ukupanee he hookahi keneta no ke dala no ka mahina a hiki i ka wa e hookaa ia ai. Ke manao nei o Thomas Brown i oleloia e hoopau i ka Moraki i oleloia, a mahope o ka pau ana o ka manawa i hoakakaia ma ke kanawai, e kudala i ka waiwai i Morakiia ma Honolulu, no ka uhai ia o na aelike i hoikeia iloko o ka palapala i oleloia. Penei na kuhikuhi ana o ka aina i oleloia : Kela apana aina a pau e waiho la ma Honolulu, a i hoakakaia iloko o ka Palapala Sila Nui Helu 2693, Kuleana helu 59, i haawiia e ka poe Hoona Kuleana ia Kahinalea he 91-100 eka.
RICHARD F. BICKERTON,
Loio o ka aoao nona ka Moraki.
Kakauia i keia la 2 o Iune 1879. 914 4t

AINA KUAI!

                O KELA APANA AINA MA KULA O KA HUA! Honolulu, kokoke i kahi o ka LOIO KUHINA, PALAPALA SILA NUI 300. 1943 Anana, 17 Kapuai ka lii. Ma ke kihi o na Alanui Piikoi me Alii. KELA APANA AINA MA KAOLU, NUUANU ! Kokoke i ka pa o Waka, mauka o ka pa o Anaru. PALAPALA SILA 1954, 570-100 Eka ka Ili. He wai no ko keia Aina. E ninau ia 914 1m A. F. JUDD.

UA HOONEE IA.

                Ke hoike aku nei ka mea nona ka inoa malalo iho imua o ka lehulehu, ua hoonee aku au i ko'u mau waiwai, mauka iho o ka Halekuai Kukaa o Theo. H. Davies, Alanui Kaahumanu, Malaila hoi au e hoahu ai i na Waiwai Gula Nani Loa he nui, na mea hoonani i Kinohinohi ia, na mea Dala io maoli, &c. Na Daimana, naa Wati Gula, na Wati kau Hale, na Pine Omau Kukui, a me na Komo, na Maka Aniani, &c., &c. Na Lako Daimana He Nui Wale. Na wati Hou a me na Wati Kau Hale, Hele no 2 Makahiki. Ua hana no hoi au he olelo hoopaa me Mr. E. Weller, mea hana wati, ka mea i hana pu me ia'u iloko o ka hale hana hookahi, a ua ae mai oia, o na wati pakeke a pau, na wati kau hale a me na carometa i waiho ia aku e hana, e hooko ia me ka hakalia ole. Ua noho loihi au ma keia mau Pae Aina no kekahi mau makahiki, a ua paulele nui au e hoolawa aku i ka iini o ka mea anoi. O na Kauoha mai na Kuaaina, e Hookoia me ka Hikiwawe. Nui ka mahalo no na lokomaikai i loaa ia'u i ka wa i hala a ke manaolana nei au, ma ka hooko pono ana ma ka'u hana, he me ia e hilinai mai ai oukou maluna o'u ma keia mua aku.
MAX ECKART, Mea Hana Gula.
Kahua mua o D.N. Plitner, Alanui Kaahumanu, Honolulu.
            P. S. E hoomanao,Daimana maikai a anaia wale no ka'u i malama, oiai, o na kumukua o kekahi mau Daimana e ae ke emi nei, a o na pohaku makamae, aole ma ko lakou mau kumukua mau, aka, ke nee mua nei ma na kumukuai hou.

KA HUNT'S LAAU OLA!
(HUNT'S REMEDY)
HE LAAU LAPAAU HOU, MAI AME RIKA MAI!

                He Laau Maikai keia no Na MAI PEHU o ka OPU, Na MAI o ka PUUPAA a me ka OPU MIMI, MIMI PAA, MIMI-EHA. MIMI-HELELEI, Ka LEPO GRAVEL iloko o ka OPU MIMI, Ka MANA OLE, KAPALILI, HUI, ONO OLE ka AI. NA MAI WAHINE, NAWALIWALI o ke KINO, LEPO ULA iloko o ka WAI MIMI, Manoanoa paha ka Wai e like me ke Keokeo o ka Huamoa, like paha me na Kaula Silika Keokeo, Eleele, Lenalena paha ; a i ole ua like paha me ka Lepo i Anaiia i na iwi keokeo, a i ka Mimi ana, ua wela ooi ka mai, me ka eha nui o ke Kikala a me ka Puhaka. HE NUI NA HOIKE e ola nei, ka poe i loohia i keia mau mai i haiia maluna ae, ua pau lakou i ke ola maikai, no ka inu ana i ka HUNT LAAU OLA, "HUNT'S REMEDY" KUMUKUAI, he - - $150 no ka Omole.
DILLINGHAM & CO.,
Na Agena no ka Pae Aina Hawaii Hale Pohaku Hou, Alanui Papu, Helu 31. 914 3m 925

OLELO HOOLAHA.

                E MANAO ana o MR. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e eli i elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubita, a i ole ia ma ka heluna o na kapuai loa o ka auwai i eliia; ke noi ia 'ku nei lakou e ninau ia H. Schussler ma Haiku, Maui, a i ole ia William G Irwin & Co., ma Honolulu, a e loaa ia lakou na hoakaka kupono.
CLAUS SPRECKLES,
885 tf H. SCHUSSLER.

            O WAU o ka mea nona ka inoa malalo iho, ke hookapu loa aku nei au i kau aina hoolimalima i loaa mai ia'u mai ka Papa Hoonaauao mai, oia ke Ahupuaa o Makawao, ma ka mokupuni o Maui, aole e hookuu wale i na lio, pipi, hoki, kekake, hipa, kao a me ka puaa, maluna oia Ahupuaa o Makawao, ua kapu loa, aole e hookuu wale i na holoholona i olelo ia maluna. Ina o ka mea hookuu wale i kana mau holoholona me ke kuleana ole, e hopu ia no a e lawe ia i ka pa aupuni no ke komohewa. A pela no na ano kanaka a pau, aole e kii wale i na mea a pau maluna o ua Ahupuaa la i oleloia maluna, a o ka mea hoolohe ole i keia mau olelo, e hana ia e like me ke kanawai o ka aina. E hoolohe i keia olelo hoolaha o pilikia auanei.
T. AKANA LIILII. Makawao, Maui, Oct. 1, 1878. 891 tf

HOOLAHA A KA LUNA HOOKO.

                NO ka mea, ua hookohuia ka mea nona ka inoa malalo i Luna Hooko no ka waiwai o J ames Thompson, no Honolulu i make aku nei, nolaila, ua kahea ia na mea a pau a James Thompson i aie ai, e hoike koke mai, a o na mea i aie iaia e hookaa koke mai ia'u.
DAVID DAYTON.
June 7,1879. 914 8t

OLELO HOOLAHA.

                UA lilo ia Ai rine Haalou Kahalelaukoa Ii ka loko i-a o " Hanaloa" a me ke kula i pili pu, ma Waipio, Ewa, a ke hookapu nei ia mau wahi, a o Sam. Kiwaha ka luna nana e malama.
A. F. JUDD, Kahu no Airine.
Honolulu, Sept. 9, 1878. 876 6m

DR. F. LESLIE MINER.

                HE Kauka Lapaau a me ke kokua ana i na wahine hanau keiki. Aia kona keena hana ma ka Hale Kauka o E. Hoffmann, ma Alanui Kalepa. O kona wahi noho aia ma ka huina o na alanui Moi a me Kapiolani. 881 y

KALE KULIKA,

                LUNA HOOIAIO PALAPALA KUAI, Molaki, a me na palapala oia ano. LUNA HOOIAIO PALAPALA Aelike mawaena o na Haku me na Kauwa. Luna Haawi Palapala Ae Mare Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina 906 tf

HOIKE KULA O HALEIWA, WAIALUA.

                E HOIKE ana ke ke Kula Hanai Kaikamahine o Waialua, ma ka Poaha, la 26 o Iune e hiki mai ana, ma ka luakini ma Waialua; nolaila, ke konoia aku nei ka lehulehu e naue ae. Mahope o ka hoike ana, e hoomaha ana ke kula no hookahi mahina. 912 5t

KUAI EMI ! KUAI MANUAHI!

                UA loaa mai nei ia'u maluna mai o ka mokuahi Kaleponi na lole nuhou o kela a me keia ano, nolaila, ke kau leo aku nei au i na keonimana a me na lede o ka makani Apaapaa o Kohala, a me ko ka ua Kipuupuu alo hau anu o Waimea, e naue, a e kipa ae ma ko'u halekuai ma Honopueo, Kohala, Hawaii.
            A malaila e loaa ai ia oukou na lole aulii o kela a me keia ano e wehiwehi ai ke kino. E hoomaka ia ana ke kuai hoemi ma ka Poaono Mei 24 1879. A e hoomau ia aku ana pela ma na Poaono a me na Poakahi a pau o kela a me keia pule.
            E hele mai ae i ike pono. 911 3m 922

C. C. Coleman.

                Amara a he Mea Hana Mekini, Kapili Kapuai Hao Lio A ME KA Hana ana i na Kaa Lio, &c., Hule Hana ma Alanui Alii, e kokoke la i 894 ke Alanui Papu. 3m

            AHA Kiekie o ko Hawaii Pae Aina, me ka hooponopono waiwai. Mokupuni o Oahu, Hawaii Pae Aina ss. Ma ka waiwai o JAMES THOMPSON i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 22o Mei 1879, ua waihoia mai imua o ka Aha kekahi palapala i oleloia, , oia no ke kauoha hope loa o James Thompson i make aku la; a me palapala e noi ana e hooiaioia kela palapala kauoha a e hoopuka hoi ka palapala luna hooko ia David Dayton, ua waiho ia mai e David Dayton i oleloia. Nolaila, ua kauohaia o ka Poakolu oia ka la 4 o Iune 1879, ma ka hora 10 am ma ka Rumi hookolokolo o a Aha ma Aliiolani Hale ma Honolulu, oia ka la a me ka hora e hooiaio ia ai ia palapala kauoha, a e hoolohe hoi no ia noi ana mai a me ka poe a pili e kue ana ia palapala kauoha a me ka hoopuka ana i ka palapala luna hooko. A ua kauoha hou ia e hoolaha no ia mea no na pule elua iloko o na Nupepa Kuokoa a me ka P.C. Advertiser, he nupepa i paiia a hoolahaia ma Honolulu.
Kakauia ma Honolulu, ko Hawaii Pae Aina, Mei 23 1879.
LAW RENCE McCULLY.
Ikea: Lunakanawai o ka Aha Kiekie. Jno. E. Barnard, Kakauolelo. 912 2t

            AHA Hookolokolo Kaapuni Apana Eha o ko Hawaii Pae Aina, ma ka hooponopono waiwai, ma ka waiwai o Kuhaimoana k o Hanamaulu i make kauoha ole. Imua o ka Lunakanawai Kaapuni ma ke keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala noi a Malaia Kualaau w o Makaweli, e hoike mai ana o Kuhaimaona no Hanamaulu, Kauai, ua make kauoha ole ma Hanamaulu, ma ka la 7 o Maraki 1861, a e noi ana e haawi ia ka palapala hookohu lunahooponopono waiwai iaia. Ua kauoha ia o ka Poaono oia ka la 21 o Iune, 1879, i ka hora 10 kakahiaka, oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke Kuokoa he nupepa ma Honolulu.
Kakau ia ma Koloa, ko Hawaii Pae Aina, Mei 12 1879.
JACOB HARDY,
912 3t Lunakanawai Kaapuni Apaha Eha

AINA KUAI A HOOLIMALIMA.

                HE Kanalima Kumamaono eka aina ma Iwilei (Makai iho o ka Halepaahao ) He Loko I-a. Aina Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia J. H. CONEY, (Koni). Honolulu, 865 tf

Hoolaha a na Hope Hooponopono Waiwai.

                O NA mea no laua na inoa malalo iho, ua kohoia i mau Hope Hooponopono Waiwai no ka waiwai o C. Ai o Wailuku, he mea i Banekerupa. Ma keia hoolaha ia aku nei i na kanaka a pau i aie ia C. Ai i oleloia, e hookaa koke mai lakou ia M. Green ma ke keena hana o M. Phillips & Co., ma Honolulu, a i ole ia ia T.W. Everett ma Wailuku, Maui.
M. GREEN, T.C. ACHONG
Na Hope Hooponopono Waiwai o ka waiwai o C. Ai he Banekerupa. 895 tf

HOEMI NUI!

                UA HOOEMI IA KE KUMUKUAI O NA HUILA HUMUHUMU LOLE, MAI ke Kanalima Dala a hiki i ke Kanakolukumalima Dala, nolaila, e wiki mai oukou o pau e auanei. E loaa pu no ma ko makou HALEKUAI na mea hao o na ano a pau. O-O, KOPALA, KOI, PALAU. KOPE, PAHI, IPUKUKUI, PENA AILA, &c. &c. &c. &c. A me na Lako Kukulu Hale o kela a me keio Ano. E kipa mai ma ko makou Halekuai Hou ma Alanui Papu. Helu 37. DILINAHAMA MA. 911 3M 922

HOOLAHA PAPA.

                E IKE auanei na kanaka a pau loa. Owau o ka mea nona ka inoa malalo iho, ma keia ke hookapu aku nei au, a ke papa nei i na kanaka a pau, aole e komo hewa aole hoi e lawe aku i na puaa bipi a me na lio i kuai ia a i kuni ole ia paha ; na manu o na ano a pau, aole hoi e oki i na laau o na aina i hoike ia malalo iho, a e waiho la ma Hamakua, moku puni o Hawaii, oia hoi keia. Opihilala, Kaalaea, Hanola, Paaulio, Koholalele, Kainehe, Kaawikiwiki, Kaao, Kekualele, Kukaiau, a me Manowaikohao. O ka poe kue i keia olelo papa, e hoopii ia lakou ma ke kanawai.
CHAS. NOTTEY,
900 6m Mar.1,

            KE papa ia aku nei na kanaka a pau aole e komohewa a lawe wale a hoopoino i na mea ulu, a kukulu wale a hookuu wale paha i na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui. O ka mea hookuli i keia hoopii koke ia no e like me na Kanawai o ka Aina, nolaila o ka hoolohe na ka pono o pilikia auanei.
JAMES MAKEE & CO.
Waihee, Maui, Sept. 7, 1878. 876 6m