Ka Nupepa Kuokoa, Volume XVIII, Number 16, 19 April 1879 — Page 2

Page PDF (1.98 MB)

Ma ke Kauoha.

            KEENA O KE KIAAINA O HAWAII, HILO, APR. 10, 1879 Ua hookohoia ka Hon. F.S. Lyman i keia la i Kakauolelo na ke Kiaaina o HAWAII. LIKELIKE,
907 3t

                E NOHO ana kekahi Lunakanawai o ka Aha Kiekie ma ka hoolohe ana i na hihia a pau i hoohalahala ia mai ka Luna-kanawai o Waialia a me Koolauloa mai, i Waialua, la 24 o Aperila, 1879 i ka hora 9 am.
A.ROSA Hope Kakauolelo o ka Aha Kiekie.
Honolulu,Ap r. 16, 1879 907 1t

            UA oluolu i ke Alii ka Moi e hookohu aku ia ka Mea Kiekie ke Alii Likelike i Kiaaina no ka mokupuni o Hawaii, ma kahi o ka mea hanohano S. Kipi i mare. Halealii Iolani, Mar. 29, 1879. 905 3t

            UA hookohuia o Mr. James M. Gibson i keia la i Agena no ka hooiaio ana no na palapala kepa ma ka apana o Hanalei,. Kawai, ma kahi o Z. Seta i make.
SAM'L G. WILDER, Kuhina Kalaiaina Keena Kalaiaina,
Mar. 27, 1879 905 3t

                UA hookohu ia aku o Mr. Henry Marden i keia la i Komisi-na no na Aina ma ka Apana o Waialua, mokupuni o Oahu
ma kahi o C. W. Collins i waiho mai.
SAM'L G. WILDER. Kuhina Kalaiaina.
Keena Kalaiaina, Mar. 11, 1879 902 tf

            UA hookohu ia aku o Thomas Milla i keia la i lina Pa Ai-puni no ka Apana o Kaupo, ma ka mokupuni o Maui.
JNO. O. DOMINIS. Kiaaina o maui.
Lahaina, Jan. 30, 1879 902 tf

                UA hookohuia aku o Mr. Godfrey Brown i keia la, i hope Luna Kakau Kope no ke Aupuni Hawaii, a he Luna Hooiaio no hoi ma kahi o Chas T. Gulick i waiho mai.
THOMAS BROWN. Luna Hooiaio Palapala.
Keena Hooiaio, Honolulu, Feb. 1, 1879.
Aponoia: SAM'L G. WILDER
895 tf Kuhina Kalaiaina

KA NUPEPA
Kuokoa me ke Au Okoa
I HUIIA.
No ka Makahiki, $2, Eono Mahina, $1. Dala Kuike ka Rula.

APERILA 19, 1879.

                MA ka hora 12 o ke awakea Poakahi o keia pule, maloko o Aliiolani Hale, ua haa-wi ia he ike Alii mawaena o ka Moi, a me ka Adimarala De Horsey o ka moku kaua Beritania Triumph.

            UA kau aku maluna o ka mokuahi Likelike i ke ahiahi Poalua iho nei ka Moiwa-hine no ka malama ana i ka Fea ma Lahai-na, Maui, i keia auina la.

            MA ke kakahiaka o ka la Sabati i hala i huli hoi mai ai ke Aliiwahine Kiaaina o Hawaii a me kona mau ukali maluna o ka mokuahi Likelike.

            MA ka la 10 keia mahina, ke ole makou e kuhihewa, oia ka la i hui ai ke Kiaaina LIKELIKE me na makaainana o Hilo maloko o ka luakini o Haili, ua imi makou i ke kope o ka haiolelo a ke Kiaaina hou me ka manao e hoike imua o ko makou poe heluhelu aka aole i loaa mai. Aka, o ke ano nui o na manao i hoopuka ia e ke Alii Kiaaina hou o Hawaii oia no keia malalo iho. Mahope iho o ka wehe ana i na hana me ka pule a Rev. T. Koana, ua hoike aku o LIKELIKE i ka oluolu o ka Moi i ka hookohu ana iaia i Kiaaina no ia mokupuni nui a one hanau hoi o na ohana alii kiekie o keia pae aina. Aole he mea maa ole ka noho ana o ko laila poe makaainana malalo o ke kiaaina wahine, oiai he loihi no ka wa i noho kiaaina ai o Keelikolani no lakou. Ua hoike aku ke Kiaaina hou i kona aloha walohia no ka make ana o kona mua iho, oia o S. Kipi. A ua hai pu aku i kona lawe oluolu ana umi i keia oihana mai ka lima mai o ka Moi, oiai o ka imi nui o kona puuwai e hui pu me na makaainana o Hawaii no ka hooholo mua ana i na hana maikai a pau e pili ana i ka hoopomaikai ana i na mea a pau. Aka, wahi ana, o keia hooholo mua ana i na hana pono o kela a me keia ano, he mea hiki ole no, ke ole e kokua lokahi na mea a PAU. Ua kamailio ke 'lii no ka hooulu lahui me ka hai aku o ka mea e hiki ai keia pomaikai nui i manaoia, oia ka hui pu o na makaainana me ka manao e malama i na kanawai o ke ola kino, a e malama pono ia ke ola o na keiki liilii.
            Ua kamailio ia na mea pili i ka pomaikai o na oihana mahiai a me na oihana kuloko e ae e pono ai ka aina, a me ka hoolilo ana i na aina waiho wale i mau aina hoohua i na hua e waiwai ai. Ua hai mai no hoi ke 'lii i kona manao e pili ana no na home Ha-waii, a ua alakai kana mau olelo no ka no-ho maluhia malalo o na kanawai me ka hoo-lakolako pono i na ohana a me na home maluhia a pomaikai.
            Ma ka hope o kana haiolelo ua hoike ke Kiaaina hou i kona aloha piha a me kona mau manao hoomaikai no na makaainana ; me kona pule i ke Akua e malama a e hoopomaikai ia lakou ; me ka hoopomaikai pu i ka lakou mau hana lima me ka hoopomai-kai pu mai i ka Moi.
            Oia iho la ke ano nui o ka haiolelo a ke Alii Kiaaina hou o Hawaii. A o ka mua keia o ka noho ana kiaaina a makou i ike iho ai iloko o keia mau makahiki i hoomaka ka lawelawe ana ma ka oihana me ke kalokalo mua ana i ka maua a me ka lokomaikai o ka Makua Lani e kokua mai, a he hana keia i kupono ke aloha ia a me ka mahalo ia no hoi.

            MAI KE KOMITE MAI.—E ke KUOKOA; O manao mai auanei kekahi poe ua poina au i ka hookupu o kekahi mau Ekalekia no na Kula Kaikamahine o Oahu nei, ke hoolaha hou nei au i na dala i loaa mai.
            Kalihi me Moanalua, $10,00 Ewa, 10,00, Kaumakapili, 50.65, Waialua, 7,05. Kawaia-hao, 69,15, Waikane, 10,00, Kahuku 8,00. Kaneohe, 5,00, Hauula, 5,00, Waimanalo 10,00. Huina $184.85. Ua haawi au i na dala $92,42 i na kula a i elua, a ua hanai
mai na Kumu i ko laua mahalo aui i ka Ekalesia no keia hana aloha.
A. F. JUDD, Komi te.
Aliiolani Hale, Aperila 15.

KE KII MAKANA.

                No ka makemake nui ia o ke Kii a makou i haawi ai i makana no ka poe hookaa mua i na DALA ELUA NO KA NUPEPA KUOKOA. no 1879, ua pau loa i ka lawe ia ua mau makana 'la, a ua koe kekahi poe aole i lawa. No ia kumu, a i kumu hoi e hiki ai ke pahola ia aku keia pomaikai a lawa pono ka makemake o na mea a pau, ua kauoha hou makou e hooili ia mai ona mau kii o ka MOIWAHINE o Enelani, e like ke ano me na mea i loaa mua mai nei. E hiki mai ana keia mau Makana iloko o keia mau pule ae. Ke manaolana nei makou ma mua ae o ka la 30 o June e ike ia'i. Nolaila hoi, i kumu e loaa aku ai ka pomaikai i ko makou poe makamaka lawe i ke KUOKOA i nele i keia wa i ka Makana, e like me ko makou noi ia mai, ke hoakea ae nei oukou i ka mana-wa e hookaa ai na dala elua no ka Makana, a o na mea a pau e hookaa ana i na DALA ELUA no KA NUPEPA KUOKOA no 1879 mamua ae o ka la 30 o June e loaa no ia lakou keia Ku MAKANA MAIKAI.

KE KANAWAI,
HELU 31.

                Ma ka pepa o keia pule ke waiho nei ka mea kakau Kanawai i kekahi mau ninau e pili ana i na Mokuna o ke Kanawai Hoopai Karaima i noonoo ia mamua aku nei, a na ka poe heluhelu e hoouna mai i ka lakou mau luina i ka Nupepa KUOKOA.
            1. No ka Wawahi Hale. He kauwa na kekahi haku, ua waiho ia ma kona lima ke-kahi waiwai e malama ; lawe oia i keia waiwa, kuai aku a huna i na dala i loaa ilo-ko o ka hale noho o kona haku ; mahope, hoopau ia kona ano kauwa, alaila wawahi oia i ka hale a lawe oia i ke dala ana i hu-na ai iloko o ua hale 'la. Pehea, ua ku anei iaia ka hewa wawahi hale?
            2. He pa nui : iwaena, he hale hana lole: ina na kihi he inau hale noho elua aole nae puka e komo ai mai ka hale—noho a i ka hale hana. Wawahi ia ka hale hana ; Pehea, ua ku anei ka hewa wawahi hale noho, oiai ua puni na hale a pau ekolu me ka pa hookahi ?
            3. Ina ua hoonoho ia kekahi kauwa iloko o kekahi hale waiho ukana e moe ialaila e kiai no na poe aihue, Pehea, ku anei ka hewa wawahi hale noho i ka mea nana e wawahi a komo iloko ia hale ?
            4. Ina i wawahi ia ka hale e A.—aole nae i komo o A iloko, aka, hoouna oia i kekahi keiki liilii e lawe iwaho i na waiwai o loko o ka hale. Ua ku anei keia hewa wawahi hale ia A ?

No KA POWA.

                1. Ina e halihali ana ke ki.uwa i ke dala o kona haku, ana i ohi mai ka pee i aie i kona haku, a kaili ia keia dala me ka lima ikaika—Pehea he powa anei keia ?
            2. He eke dala e paa ana ma ka ili poai i ke kino, a iloko o ka hakaka ana me kekahi kanaka powa, oki aku la ka powa i ka poai a haule ka eke dala ilalo i ka honua, aole nae i lalau ka powa ka eke dala, Pehea, ua ku anei ka hewa powa iaia ?
            3. E lawe ana o A, i kekahi pela moe, kahea aku o B iaia e ku a waiho ilalo ka pela o ki auanei oia iaia me ka pu a make. Makau o A, a waiho oiai ka pela ilalo a holo : aka, aole i hiki ia B ke hapai i ka pela, no ka mea, paa e oia i ka makai. He powa anei keia?
            4. Ua aie o A ia E. Halawai laua, a hoeha o E ia A a hooweliweli iaia i mea e hookaa ai o A i kona aie iaia. Hookaa koke aku no o A i ka aie, Pehea, he powa anei keia ?
            5. Hopu ka powa i ke kula pepeiao e kau ana i ka pepeiao o kekahi wahine, mahope loaa no ia kula pepeiao e kau ana iloko o ka lauoho o keia wahine, Pehea ua ku anei i ka hewa powa ?
            6. Hopu ka powa ia A me ka lima ikaika a ninau no kona dala. Kiola o A i kona eke dala iloko o ka nahelehele. Holo ka powa a lalau i ka eke a lawe nona. He powa paha keia, aole paha ?
            7. Hoopaa ia me ka ikaika kekahi kahu kaa, me ka olelo hoopunipuni ke hana nei oia i ka hewa kue i ke Kanawai, no kona lawa ana i kela ano ukana me ka ae ole o ke aupuni. Hele ke kauka a me ka po-wa i ka Lunakanawai i loaa ai ka palapala ae, alaila, aihue ia ka waiwai oloko o ke kaa e na kokua o ka powa. Pehea, ua ku anei ka hewa powa iaia ?
            I ka poe heluhelu ; ma ko oukou mau palapala e pane ana i keia mau ninau, e kakau pokole. Aole i pau.

Kanaenae Aloha.

                E na makamaka a me na hoi aloha o ka " Nupepa Kuokoa. Aloha oukou. Ma na mahina i hala ae nei, ua ake nui ia ka hiki mai o ke Kii Makana a makou i hoolaha aku ai no ko makou poe hookaa palua i na dala mamua ae o ka la 31, o Ma raki i hala ae nei. Ua hooko ia ka makou rula mamuli o ka eleu o kekahi poe i ka hookaa ana mai.
            Me ka lana a me ka hopo ole o ko makou manao, ua noonoo makou e hiki ana no ke hoolawa ia ko makou poe hookaa palua i na Kii Makana a koe ke koena, aka, i ko makou kaana akahele ana, me ka nana pu ana i na papa inoa i hoouna ia mai ai e ko makuu mau luna nupepa mai keia pea keia pea mai o ka aina, akahi no a maopopo ia makou ua oi aku ka nui o ka poe hookaa palua mamua o na Kii Makana i hiki mai.
            No ka mea, o ka manawa a makou i kau-oha ai ma na mahina hope no ia o ka M. H. 1878, a ua manao no hoi makou he mea hooi a hoomahuahua i na lilo ke kauohaia na Kii makana a oi wale aku mamua o ke heluna kupono, eia ka auanei e pau loa ana na kii a koe kekahi poe i hookaa palua mai. A no ia mea, ua hoouna hou aku nei ma-kou i ke kauoha i mau Kii makana hou i mea e hoolawa ia'i ke koena o ka poe hoo-kaa palua, a aole no paha e loihi na la a e hookoia no ko oukou makemake ; nolaila, ke nonoi, aku nei makou i ka oluolu a me ke ahonui o ko makou mau Luna, a me ka poe i hookaa palua mai i nele i ka makana, e hoomanawanui iki oukou, me ke ahonui paupauaho ole, no ka mea, ua paa ko makou manao e hoolawa pono i ka poe i hooka palua mai, aole hoi makou e hoihoi hou mai ana ia mau olelo iloko o ko makou mau puuwai, a hiki i ka manawa a makou e ike ai ua hooko ia na mea a pau, alaila, o ka hopena ia, kuu ka luhi, a maha hoi ka naau. Nolaila, ke uwalo ia'ku nei oukou me ke ahonui, ke poloai ia'ku nei hoi me ka malie, e maliu i ka leo, a e "Ike hoi ia kakou hookanaka, o kipa hewa ke aloha i ka Ilio. "
            Nolaila, e oluolu oukou e kapae ae i na manao huhu, a e hoopoina loa aku hoi i na manao eneenemi, me ka hoopale loa aku i na manao a me na noonoo pono ole a pau. A e hoolana hoi i ka manao me ka i iho, ae! aia no he manawa i koe, alaila, e hooko ia no ko makou makemake a pau.
            A oiai hoi ua lawa ole na Kii makana ma ko makou aoao, nolaila, ua noonoo, ua kuka, a ua hooholo makou me ka pahola pu aku i ka lohe imua o ka poe i koe aole i hookaa mai i na dala elua, eia ka manawa no oukou e liuliu ai, e makaukau e hookaa koke ae i na dala elua ma ka lima o ko oukou mau luna, a i ole i ke dala hookahi paha i koe, oiai ua hoopanee hou aku makou i ka mana-wa. Nolaila, o ka poe a pau e hookaa mai ana i na dala elua, a i ke koena paha ma-mua ae o ka la hope o June o keia M. H. 1879, alaila, e haawi ia no ia lakou na Kii makana e like me ka pono i loaa i ka poe i hookaa palua mai mamua ae o ka la 31 o Maraki i hala ae nei. Aole keia he mea e uhai ai i ka makou rula, i na no ua lawa pono na kii makana, aka, no ka lawa ole nolai-la, ua kono ia makou ma keia e hoopanee hou aku.
            Nolaila, ke waiho haahaa aku nei makou i keia mau manao pokole imua o okou e na makamaka. A o ka makou noi hope ia ou-kou ma keia mea, e oluolu e kali iki.

            HE OPUU ROSE.—Ma ka la 22 o Febe-ruari i hala, ma Puula, Puna, Hawaii, ua hanau mai he keikikane na Rev. J, N. Kamoku me kana lede.

            UA MAKE.—Ma Hilo, la 7 o Apelila, ua make emoole o Kauka James S. Smith, he 40 kona mau makahiki. No Ohio, Ame-rika Huipuia keia Kauka, he mau mahina wale no kona noho ana ma Hawaii nei.

            HALAWAI MISIONA.— Ma ke awakea o ka la apopo e malama ia ana he halawai Misio-na ma ka luakini o Kawaiahao, i ka hora 11 A. M. E kamailio ana o Mrs. Van Cleve kekahi wahine haole malihini imua o ke anaina no na mea pili i na oihana misiona ma na aina e.

            I KULIKE ai me ke kanawai i Apono ia ma ka la 18 o Iulai 1870, e pili ana i ka Oihana Aopalapala. Nolaila i keia la 31 o Ma raki 1879, ua koho pono ia o S. K. Pokea i hoa ekolu no ka Papa Kula o Koolaupoko Oahu, a no ka oiaio ke kau nei ko makou inoa. Luna Kula J. MANUEL.
Hope Pe residena. KANEAKAUHI.

            KE KIAAINA O HAWAII.—Ma na leta i loaa nui ia makou mai Hilo mai e hoike mai ana, ua hiki aku ke Aliiwahine Kiaaina o ka mokupuni o Hawaii a me kona mau ukali ma ka Poaha o ka pule i hala. A maloko o ka luakini o Haili i haawi ai oia he haiolelo imua o kona mau makaainana i akoakoa mai, a malaila no hoi i heluhelu ia ai ka palapala e hoonoho ana ia ia i Kiaaina no ia mokupuni. Ua piha ka luakini i na kanaka, mahope o ka heluhelu ana i ka palapala hoonoho, ua kokua mai ka makua Rev. T. Coan a me kekahi poe e ae i na manao paipai, a ua pakui ia aku ma ka ao-ao o na makaainana he mau hoomaikai ana no ko lakou alii Kiaaina hou.

            KA AUWAI A KA ONA MILIONA.— Ma ka la 23, o Ma raki i hala, ua hoao ia ka hoo-kahe ana i ka wai ma ka auwai hou a ka ona miliona mai Kuiaha mai, a no na hora elua ua hiki aku la ka wai ma kahi i kapa ia o Waekina, a kapalulu loa aka la i Haiku. Ma ka manao o ka luna nui o ka ona miliona, ekolu wale no mahina i koe alaila, hiki ka wai i ke kula palahalaha o Kamaomao, a o ka inoa o ua auwai ala o "Spreckles Auwai." O keia ka lono i loaa mai ia makou mai a J. Napualii, o Pauwela, Maui mai.

            LULU MAHINAHOU o KAWAIAHAO NO APEE. Apana 1 $23,20, Apana 2 13,00, Waikiki-kai. 6,50, Kamoiliili, 9,65, Palolo, 1,25, Manoa, 755, Makiki, 6,00, Maunakiekie 1,75, Kaakopua. 1 50, Pauoa, 530, Maemae, 1,50 Kunawai, 2,85, Kapalama, 7,50. Huina pau $87 55. Ke hoike ia aku nei i ke akea na makana a ke aloha, no ka mea, o na kokua i loaa mai no ka lehulehu ia mau dala, ma ko'u manaolana i na aole e alaila mai ma keia mua aku, alaila, e hoopuka mau ia i na malama a pau, i ike like ia ka poo a pau i kuleana ma keia hana no ke aupuni o ka Haku, S. ANAPU.
Kakauolelo Aha Ekale sia o Kawaiahao, Aperila 14, 1879,

OLELO HOOLAHA.

                AHA Hookolokolo Kiekie e ko Hawaii Pae Aina ma ka hooponopono waiwai. Ma ka hana o ka waiwai o Wm. H. Wright o Koloa, Kauai i make. ,a ke keena imua o ka Lunakanawai Kiekie Harris. Kauoha e hoolaha i ke noi e apono i na papa hoike, hookuu ana, a e mahele i ka waiwai Ma ka heluhelu a me ka waiho ana mai o ka palapala noi a me ka papa hoike a John N. Wright, luna hooko kauoha o ka palapala kauoha o William H. Wright no Koloa, Kauai i make, e noi ana e apono ia na hooilio ne $27,276.31 a e hoike ana o na mea i loaa nai iaia he $16, 617,09, a e noi ana e nana a aponoia kela mau mea, a e kauoha ia e mahele i ua waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia, o ka Poakahi ka la 19 o Mei, 1879, ma ka hora umi o kakahiaka imua o ia Lunakanawai ia ma ke keena, ma ka hale hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike i olelo ia, a o ka poe a pau i pili malaila e hele mai a e hoike i ke kumu ina he kumu ia ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Bertania a me Hawaii, e paiia maloko o ka P.C. Advertiser a me ke Kuokoa he mau mupepa i pai a hoolahaia ma Honolulu i ekolu pule mamua ae o ka manawa i olelo ia no ka hoolohe ana.
Kakauia ma Honolulu ko Hawaii Pae Aina i keia la 12 o Aperila 1879.
CHAS. C. HARRIS
Ikea: Lunakanawai Nui o ka Aha Kiekie
907 3t A. Rose, Hope Kakauolelo o ka Aha Kiekie

                MA ke keena o ka Lunakanawai Apana Ekolu o Ko Hawaii Pae Aina, ma ka waiwai o S. Kipi o Hawaii i make. Ua heluhelu ia a na waihoia ka palapala noi a Moses Kipi, e noi ana e hoonoho ia W. H. Reed i lu-nahooponopono no ka waiwai o Samuela Kipi k no Hilo. Ha-waii i make. Nolaila ke kauoha ia aku nei na kanaka a pau ke pili, o ka Poaono oia ka la 17 o Mei 1879, ma ka hora umi o kakahiaka, ma ka hale hookolokolo ma Hilo, oia ka la me kahi i koho ia no ka hoolohe ana i ua noi la a me na mea kue ke hoike ia.
F.S.LYMAN. Lunakanawai Kaapuni Apana Ekolu H.P.A.
Hilo, Hawaii, April 8, 1879. 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka WAIWAI o Umiumi k no Opea, Hilo, Hawaii i make. Ua heluhelu ia a ua waiho ia ka palapala noi a Kaia k ka lunahooponopono o ka waiwai o Umiumi k no Opea, Hilo, Hawaii i make, e noi ana e hoopono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879 ma ka hora umi o kakahiaka, ma ka hale hookolokolo ma Hilo oia ka la a me kahi i kohoia no ka hoolohe ana i ua noi la a me na mea kue ke hoike ia.
F. S. LYMAN. Lunakanawai Kaapuni Apana Ekolu H.P.A.
Hilo, Hawaii, April 8.1879. 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Honolulu w no Laupahoehoe, Hilo, Hawaii i make. Ua heluheluia a ua waihoia ka palapala noi a Puniawa, ka lunahooponopono o ka waiwai o Honolulu w no Laupahoehoe, Hilo, Hawaii i make, e noi AnA e hoapono IA kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i na noi la a me na mea kue ke hoike ia.
F. S. LYMAN. Lunakanawai Kaapuni Apana Ekolu H P A.
Hilo, Hawaii, April 8. 1879 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o I (pake), no Puueo, Hilo, Hawaii i make. Ua heluheluia a ua waihoia ka palapala noi a G. W. Akao Hapai, ka lunahooponopono o ka waiwai o I (pake), no Puueo, Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholoia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka ia a me kahi i kohoia no ka hoolohe ana i ua noi la a me na mea kue ke hoike ia.
F.S. LYMAN. Lunakanawai Kaapuni Apana Ekolu H P A.
Hilo, Hawaii, April 8, 1879. 907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Makahuhu w, no Kihalani, Hilo, Hawaii i make. Ua heluheluia a ua waihoia ka palapala noi a Kaloa k, ka lunahooponopono o ka waiwai o Makahuhu w, no Kihalani, Hilo, Hawaii i make, e noi ana e hoapono ia kona moowaiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poaono oia ka la 17 o Mei, 1879, ma ka hora umi o kakahiaka, ma ka hale hookolokolo uia Hilo, oia ka la a me kahi i kohoia no ka hoolohe ana i ua noi la a me na mea kue ke hoike ia.
F.S.LYMAN, Lunakanawai Kaapuni Apana Ekolu H P A.
Hilo, Hawaii. April 8,1879.  907 3t

            MA ke keena o ka Lunakanawai Kaapuni Apana Ekolu o ko Hawaii Pae Aina, ma ka waiwai o Apiipii k. no Ho-nomu, Hilo, Hawaii i make. Ua heluheluia a ua waiho ia ka palapala noi a M. Kirchoff, e noi ana e hooholo ia na hooilina o ka waiwai o Apiipii k no Honomu, Hilo, Hawaii i make, a e hoonoho ia kekahi mea kupono i lunahooponopono no ia waiwai. Nolaila, ke kauoha ia aku nei na kanaka a pau ke pili, o ka Poaono oia ka Ia 17 o Mei, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i ua noi la a me na mea kue ke hoike ia.
F.S. LYMAN, Lunakanawai Kaapuni Apana Ekolu
HPA. Hilo, Hawaii, April 8,1879 907 3t

            E IKE auanei na kanaka a pau ma keia, ua lilo mai i na mea nona na inoa malalo iho, ma ka hoolimalima ka aina o Keei 2, Kona Hema, Hawaii, nolaila, ke hookapu a papa loa aku nei maua i na mea holoholona a pau, aole e hookuu wale maluna o ua aina la. O ka mea hookuli e hoopiiia e like me ke kanawai.
KEANU,
PELIO. Keei, S. Kona, April 12. 1879. 907 1m

Hoolaha a ke Kahu Malama Waiwai.

                UA hookohu pono ia mai ka mea nona ka inoa malalo i kahu malama no na waiwai a pau o Mr. Kahananui he mea pupule, no Hana, Maui, a ua loaa pu mai ia'u he mana hoolimalima aku i na aina, mai ka mea hanohano Abr. Fornan-der ka Lunakanawai Kaapuni Apana Elua o ko Hawaii Pae Aina. Nolaila, ke hoike ia aku nei ka lohe i ka poe a pau i aie i ka mea pupule e hookaa koke mai, a o ka poe a pau a ka mea pupule i aie aku ai, e waiho mai me ka bila ana i kakau inoa ai, iloko o na malama aoao mai keia la aku, o nele auanei lakou; a o na waiwai hoi a pau o ka mea pupule e paa nei ma ka poho lima o kekahi poe e ae e hoihoi koke ia mai i ka mea nona ka inoa malalo.
JOSEPH ANAKALEA. Kahu Malama Waiwai o M. Kahananui.
Halehaku, Maui, Aperila 11,1879 907 4t

Hoolaha Hoopau Mo raki.

                MA keia ke hoolaha ia aku nei, mamuli o ka mana kuai i waiho ia iloko o kekahi Palapala Moraki i kakau ia i ka la 30 o Ianuari, 1877, i hanaia mawaena o Mar y Kaheiau o ka aoao mua a me A. J. Cartwright o ka auau elua, a i kope la iloko o ka buke 48 aoao 233, 239 a me 240, ma ke keena kakau kope o ke aupuni ma Honolulu, i mea e hoopaa ai no ka hookaa ana i na dala $200 iloko o na makahiki elua mai ka wa i kakau ia ai, me ka ukupanee hookahi keneta o ka mahina, e hookaa ana i kela a me keia hapalua makahiki. Ke manao nei o A. J. Cartwright i oleloia e hoopau i ka Mo-raki i olelo ia, a mahope o ka manawa i hoakaka ia ma ke kanawai, e kudala ia aku ka waiwai Moraki i oleloia ma Honolulu, no ka uhai ia ana o ka olelo aelike iloko o ka Palapala Moraki i oleloia. Penei na hoakaka ana : O keia apana ai-na apau e waiho la ma PAUHULUHULU, Nuuanu, Honolulu, i oleloia, oia hoi ka aina i hoakakaia iloko o ka Palapala Sila Nui Helu 1895, Kuleana helu 74, a i haawiia ia Kahuai k hookahi eka me 53-100 ka ili, me na mea a pau e pili ana maluna o ua aina la. Kakauia i keia la 19 o Aperila, 1879.
R. F. BICKE RTON, 907 4t Loio no A. J. Cartwright i oleloia.

            KE papa ia aku nei kanaka a pau e noho ana ma Waialae, Nui W aialae-iki, Wailupe, a me na wahi e pili ana, a me na kanaka e ae no a pau loa o kela a me keia ano. Ua kapu loa ke ki pu ana i ua puaa ahiu na palahu, a me na kao e holo ana ma na wahi a pau o Maunalua. O ka mea kue a hoolohe ole i keia olelo papa, e hoopii IA no ma ke kanawai. Nolaila, e hoolohe o pilikia auanei.
Owau no METU SALA MAHUKA, Honolulu, Oahu, Mar.24, 1879. 904 4t

Hoolaha a na Hope Hooponopono Waiwai.

                O NA mea no laua na inoa malalo iho, ua kohoia i mau Hope Hooponopono Waiwai no ka waiwai o C. Ai o Wailuku, he mea i Banekerupa. Ma keia ke hoolaha ia aku nei i na kanaka a pau i aie ia C. Ai i oleloia, e hookaa koke mai lakou ia M. Green ma ke keena hana o M. Phillips & Co., ma Honolulu, a i ole ia ia T. W. Everett ma Wailuku, Maui. M. GREEN, T. C. ACHONG.
Na Kope Hooponopono Waiwai o ka waiwai o C. Ai he Banekerupa. 895 tf

OLELO HOOLAHA.

                E IKE auanei na kanaka a pau ma keia, o na olelo aelike e hana ia ana me ka'u wahine o Holokamanawa, e pili ana no ka mahiai ana a hana e ae paha maluna o ko maua aina ma Moanalua, Oahu, e lilo ana ia i mea ole, ke hoapono ole ia e a'u. A o na mea a pau e komo ana ma ua mau aina
la me ko'u ae ole, e hoopii ia AnA ia no ke komohewa a me ke poho. M. ALEXANDER(Pukiki.)
Kakauia ma Honolulu, Ape rila 15,1879. 907 2t

OLELO HOOLAHA

                OIAI ke makemake nei au e hoopaa i ko'u mai aina i ka Awawa o PALOLO a me MANOA, Nolaila, ke noi aku nei AU i na mea a pau nona na aina e pili ana i ko'u ma ia mau AWaWa, e hele mai a e kuka pu me a'u no ia mea.
CHARLES LONG.
Helu 5, alanui Kalepa. 907 4t

LAKO HALE MA KE KUDALA!
KEAAHALA, KOOLAUPOKO, OAHU,
MA KA
POAONO, Aperila 26, 1879, Hora 10 A.M
MA KA HALE NOHO O
MR. C. E. WILLIAMS.

                E kuai aku ana au ma ke Kudala akea i na lako hale, oia hoi na Koki, na Moe, na Bela Moe Hulu, na Moe Uwea. Papakaukau maikai, Hookahi Pila Melodiana, Mikini Humuhumu Lele, Hookahi Pu Raipela, Elua Pu W ahalua, me na Pu Panapana, na Aniani o kela me keia ano, na Lako Hale Kuke, na Kii a me na Aniani Nana, na Wati a me na lako hale e ae he nui wale. Hookahi Lio i Ao ia ke Kauo Kaa. C. S. BARTOW, Luna Kudala. 907 2t

HE MAU MEA NANI LOA
Ma ka Halekuai
CALIFORNIA ONE PRICE BAZAR.

                Ua loaa nai mei ia makou na Lole Nani Loa i ike ole ia ka lua ma ke Aupuni Hawaii ; no na kumukuai haahaa lua ole i ike ole ia i na kau hala. Oiai ua loaa ia makou keia mau Lole no ke kumukuai haahaa loa, nolaila, oia ke kumu o ko makou kuai ana no ke kumukuai emi loa i ku i ka hoopomaikai i lehulehu. Oia na Lole Kalakoa nani o na ano a pau loa. Na Aahu Paina maikai loa. Na Lole Silika Eleele me ka Veleveta Na Kihei Huluhulu maikai loa. Na Uhi Bela Laula 1-4, 7-4, 8-4, 9-4, 10-4. Na Kukaenalo a me na Keokeo, Na Huluhulu Keokeo o na ano like ole, Na Lole Komo ae nui wale o na Kane, Na Palule Keokeo Alu Lilina no $1.50 Na Palule Olena no $1.00 Na Mikilima ili o na Kane me na wahine, Na Miki-lima Lopi Lilina o na Wahine, Na Uhi Moe. He maikai loa na Palemai no na Wahine a me na Kaikamahine. Ka makou mau Lihilihi Silika Na Paa Lole no na Keiki, Ka makou mau Lihilihi Silika Na Kamaa o na Keonimana a me na Lede. Na Lole Wahine Keokeo me na hoonani. Na Lole Hinuhinu Mabela, Na Lole Wahine Keokeo me na hoonani. Ua hoemi loa ia ke Kumukuai o na Lihilihi a me na Papale Keiki. Na Zebera Berina maikai he 20 Keneta wale no o ka Auneke. Na Kenila maikai loa he 15 Keneta o ka Auneke. Na Lina Lole maikai loa o na ano a pau. Na Pahi Koli Peni he nui wale. Ua loaa mai ia makou na ano pahi, he nui wale, aole mea like i ike ia mamua ma keia wahi. O ka poe kuai pahi e pomaikai ana lakou ke hele mua ma keia Halekuai a e wae no lakou iho. He lua ole ka maikai o na pahi a me ke emi o ko lakou kumukuai O na waiwai a pau i loaa mai ia makou, ua kuai ia aku no ke kumukuai haahaa loa, E hele nui mai e nana a e wae, a e ike auanei oukou. O ka makou olelo Makia. E hoahu i na Waiwai Maikai, a e Kuai Emi Loa, Ma ka Halekuai 'California One Price Bazar.' 905 3m 916

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o Akong (pake) i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea ma ka la 31 o Maraki 1879, UA waiho ia mai imua o ka Aha kekahi palapala i olelo ia, oia no ke kauoha hope loa o Akong (pake) i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka pa-lapala luna hooko ia Alexander J. Cartwright, ua waihoia mai e Alexander J. Cartwright. Nolaila, ua kauoha ia o ka Poalua oia ka la 22 o Aperila. 1879, ma ka hora 10 am ma ka Rumi hookolokolo o ia Aha, ma Aliiolani Hale ma Honolulu, oia ka la a me ka hora e hooiaio ia ai ia palapala kauoha, a e hoolohe hoi no la noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no la mea no na pule ekolu iloko o ke Kuokoa a me ka Pacific Commercial Ad-vertiser he mau nupepa i paila a i hoolaha ia ma Honolulu. A ua kauoha hou ia, e hoopuka ia la palapala Kena no na hoike no ia palapala kauoha, a me na hooilina o ka mea make ma Honolulu, e hele mai a e kue i keia palapala kauoha i ka wa i oleloia.
Kakauaia ma Honolulu, ko Hawaii Pae Aina, Maraki 31, 1879.
A. FRANCIS JUDD Lunakanawai o ka Aha Kiekie.
Ikea: A. Rosa, Hope Kakauolelo. 905 3t

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o W. D. Pao k i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea, ma ka la 12 o Maraki 1879, ua waiho ia mai imua e ka Aha, kekahi palapala i olelo ia oia no ke kauoha hope loa o W. D. Pao k i make aku la; a me ka palapala hoopii e noi ana e hooiaio ia kela palapala kauoha a e hoopuka hoi ka palapala luna hooko ia Kanakaole w ua waihoia mai e Kanakaole w. Nolaila, ua kauoha ia o ka Poalua oia ka la 22 o Ape-rila 1879, ma ka hora 10 am ma ka Rumi hookolokolo o ia Aha. ma Aliiolani Hale ma Honolulu, oia ka la me ka hora e hooiaio ia ai ia palapala kauoha, a e hoolohe hoi no ia noi ana mai a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa he nupepa i paiia a i hoolaha ia ma Honolulu. A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea make ma Honolulu i oleloia e hele mai a e kue i kela palapala kauoha i ka wa i oleloia.
Kakauia ma Honolulu, ko Hawaii Pae Aina, Aperila 3, 1879.
A. FRANCI S JUDD, Ikea: Lunakanawai o ka Aha Kiekie. A. Rosa, Hope Kakauolelo 905 3t

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o Kelehuna w i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea, ma ka la 3 o Aperila 1879, ua waihoia mai imua o ka Aha kekahi palapala i olelo ia, oia no ke kauoha hope loa o Kelehuna w i make aku la; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia Opiopio k, ua waiho ia mai e Opipio k i olelo ia. Nolaila, ua kauoha ia o ka Poakolu oia ka la 23 o Apelila 1879, ma ka hora 11 am ma ka Rumi hookolokolo oia Aha ma Aliiolani Hale ma Honolulu, Oahu, oia ka la me ka hora, e hooiaio ia ai ia palapala kauoha, a e hoolohe hoi no ia noi ana mai a me ka poe a pau i pili e kue ana ia palapala kauo-ha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ka Nupepa Kuokoa he nupepa i pai ia a i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make ma keia aupuni u hele mai a e kue i kela palapala kauo-ha i ka wa i olelo ia.
Kakauia ma Honolulu, ko Hawaii Pae Aina, Aperila 3, 1879
LAW RENCE McCULLY,
Ikea: Lunakanawai o ka Aha Kiekie.
A. Rosa, Hope Kakauolelo. 905 3t

            MA Keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o Nahuina k no Waialua, Molokai i make. Ua heluheluia a ua waiho ia ka palapala noi a J. Hulu, e noi ana e hoonoho ia i lunahooponopono no ka waiwai o Nahuina k no Waialua, Molokai i make aku, a e hooholo ia i na hooilina. Nolaila, ke kauoha ia aku nei na kauaka a pau ke pili, o ka Poaha oia ka la 24 o Ape rila 1879, ma ka hora 9 am ma ka hale hookolokolo ma Pukoo Molokai, oia ka la a me kahi i koho ia no ka hoolohe ana i ua nonoi la, a me na mea kue ke hoike ia.
A BR. FORNANDER, Lunakanawai Kaapuni Apana Elua HPA.
Lahaina, Mar. 28, 1879. 905 3t

            MA ke keena o ka Lunakanawai Kaapuni, Apana 2 o ko Hawaii Pae Aina. Ma ka waiwai o D. W. Kaiue no Waialua, Molokai i make. Ua heluheluia a ua waihoia ka palapala noi a J. W. Kalua, ka lunahooponopono waiwai o ka waiwai o D. W. Kaiue, no Waialua, Molokai i make, e noi ana e hoapono ia kona moowaiwai a e hookaa iaia mai ka oihana, a e hooili ia ka waiwai i na hooilina. Nolaila, ke kau-oha ia aku nei na kanaka a pau ke pili, o ka Poaha oia ka la 8 o Mei 1879, ma ka hora 9 am, ma ka hale hookolokolo ma Lahaina, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDE R, Lunakanawai Kaapuni APANA 2 H P A.
Lahaina. Apr. 2,1879 905 3t

            MA ke keena o ka Lunakanawai Kaapuni, Apana 2 o ko Hawaii Pae Aina. Ma ka waiwai o na keiki oo ole o Wm. Ap. Jones no Lahaina, Maui i make. Ua heluhelu ia a ua waiho ka palapala noi a E. Jones, ke kahu o na keiki oo ole o Wm. Ap. Jones no Lahaina, i make, e noi ana, e hoapono ia kona moowaiwai a e hookuu la mai ka oihana. Nolaila, ke kauoha ia aku nei na kanaka a pau ke pili, o ka Poaha oia ka la 8 o Mei 1879, ma ka hora 10 am ma ka hale hookolokolo ma Lahaina, oia ka la a me kahi i koho IA no ka hoolohe ana i ua nonoi la a me na mea kue ke hoike ia.
ABR. FORNANDER, Lunakanawai Kaapuni Apana 2 H P A
Lahaina. Apr. 2,1879. 905 3t

            MA ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o Puhi Kaahiwa k no Naalehu, Kau, Hawaii i make. Ua heluhelu ia a UA waiho ia ka palapala noi a B. Kamaka k ka lunahooponopono o ka waiwai o Puhi Kaahiwa k no Naalehu, Kau, Hawaii H. P. A. i make, e noi ana e apono ia kona hoike hope, a e hookuu iaia mai ka oihana, a e hooholo ia ka waiwai i na hooilina. Nolaila ua kauoha ia na kanaka a pau ke pili, o ka Poakolu oia ka la 16 o Ape rila 1879, ma ka hora eiwa kakahiaka, ma ka hale hookolokolo ma Waiohinu, Kau, Hawaii, oia ka la a mea kahi i koho ia no ka hoolohe ana ia palapala noi me na mea kue ke hoike la.
F.S. LYMAN, Lunakanawai Kaapuni Apana Ekolu HPA.
Hilo, Hawaii, Feb. 26,1879. 905 3t

            E IKE auanei na kanaka a pau ke nana iho, o makou ka Poe Hui ma Kailua, Koolaupoko, Oahu, ua lilo ia makou na apana kula e pili ana ma na aoao a pau o ka loko o Kaelo-pulu a me ka apana okoa o Makawao mauka o Kailua, ua kapu na mea a pau maluna o ua mau aina la no makou. Aole e kii wale ka poe kulena ole, i na mea a pau o luna o na mau aina la, aole no hoi e hele wale na holoholona o ka poe mea aina ole ma ua mau kula la. Ina e loaa kekahi kanaka a mau kanaka paha, a me na holoholona i ko makou luna ia Samu a i kona hope paha, e uku no e like me ke kanawai o ka aina 905 4t Na PUHI me ka POE HUI o Kailua,

                E IKE auanei na kanaka, a pau ke nana mai i keia, owau o ka mea nona ka inoa malalo nei, ke hooki a hoopau loa aku nei au i ke kuai a a Kalawaianui me Kimo Pelekane i ka apana aina o Luana, oia o Kaluamoo ili o Niukee, a me ke kahua hale o Kamaipipipi, nona ka Palapala Sila Nui Helu 4162, Kuleana Helu 907, me ke kau ole aku o ko'u pulima ma keia kuai ana. Nolaila, o na apana aina ia i haila ae la maluna, ke lawe nei au ma ka poho o ko'u lima, e like me ka mana i loaa mai ia'u ma keia Sila mai ke aupuni mai, ke hoole a hoopau aku nei au i ka mana o ke Sila Mua a me ke kuai ana, e lilo keia i olelo paa a oiaio mai keia ia aku.
Owau no D.H. KEKUKAHIKO,
Honouliuli, Ewa, Oahu, Mar. 25, 1879

OLELO HOOLAHA.

                O NA poe a pau ke ike ia au komohewa ma ka aina o HONOULIULI ma ka Apana o Ewa, mokupuni o Oahu, no ka lawe ana mailuna aku o ka aina i na Bipi, Lio, Puaa, Pelehu, a me na hua o na ano a pau, a me ke ki manu ana, e hoopii ia ana lakou ma ke kanawai. Ona bipi, lio, hoki a me na holoholona a ae ke ike la ua komohewa ma ia aina, e kaki ia lakou he hapaloa dala no ke poo hookahi no ka pule no ka ai ana i ka manu, a e hookomo ia no hoi iloko o ka Pa Aupuni. A e pepehi ia na ilio a pau loa.
Kakauia i keia la 25 o Mar. 1879.
JAMES CAMPBELL,
Na kona Loio E. T. O'Halloran

HOOLAHA A KA LUNAHOOPONO-PONO WAIWAI,

                UA hookohuia ka mea nona ka inoa malalo iho, i lunahooponopono no ka waiwai o Kimo Hauna o Honolulu i make, ke hoike ia aku nei i ka poe a pau he koina ko lakou i ua waiwai ;a e hoike koke mai iloko o na malama eono, e hoole mau loa ia aku lakou; a o ka poe a pau i aie i ka mea i make e uku koke mai lakou ia'u.
W.C. PARKE Lunahooponopono o ka waiwai o Kimo Hauna i make.
Honolulu, Mar 31, 1879 905 3t

Kuai o na Aina Hanai Holoholona.

                O NA hoolimalima i pau ole o ka aina o Kaupulehu, e waiho ia m Kona Akau, Hawaii, a me ka aina o Honuaula, ua huiia. O keia mau aina i hoike ia ae la maluna, ua kupono no ka hanai holoholona, a aia no hoi he 6,000 kao i hoailona ia, a mai ka 1000 a hiki i ka 2,000 hipa maikai i oi aku a emi paha e holo ia maluna o ua mau aina nei. O keia mau aina ke pili pu ia me ka aina hanai hipa o Dr. Trousseau, a e haawi ia aku no keia mau aina nani i ke kanaka nona na manao maikai. A ina aole e pane mai ana kakahi no keia mau aina i hoike ia ae la maluna, a hiki i ka la 5 o Mei, alaila, e hawaiia aku no ma ke kudala akea ana. No na mea ano nui, e ninau ua A.S. CLEGHORN & Co., ma Honolulu, a i ole ia H. COOPER, ma Kona, Hawaii. 901 2m 908

OLELO HOOLAHA.

                Ua lilo ia Airine Haalou Kahalelaukoa Ii ka loko i-a o "Hanaloa" a me ke kula i pili pu, ma Waipio, Ewa, a ke hookapu nei ia mau wahi, a o Sam. Kiwaha ka luna nana e malama.
A. F. JUDD, Kahu no Airine.
Honolulu, Sept. 9, 1878. 876 6m

AINA KUAI A HOOLIMALIMA.

                HE Kanalima Kumamaono eka aina ma Iwilei.(Makai iho o ka Halepaahao.) He Loko I-a, Aina Kalo, Aina kau Paakai, aina kula a me ke kai. A me kekahi mau eka aina ma Peleula, he aina kalo, aina kula a me ke kai. He oluolu ke kuai ana. E ninau ia J. H. CONEY,(Koni). Honolulu, 865 tf

OLELO HOOLAHA.

                E MANAO ana o Mr. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e eli i elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubila, a i ole ia ma ka heluna o na kapuai loa o ka auwai i eliia; ke noi ia 'ku nei lakou e ninau ia H. Schussler ma Haiku, Maui, a i ole ia William G. lrwin & Co., ma Honolulu, a e loaa ia lakou na hoakaka kupono.
CLAUS SPRECKLES, 888 tf H. SCHUSSLER

            E IKE auanei na kanaka a pau ma keia olelo hoolaha. Ua lilo mal ia'u ma ke kuai ka hoolimalima o na aina o Aniu (pake) AI Young (pake) Atang (pake) a me A tai (pake) e waiho la ma Kamoiliili, Oahu, ua lilo pu me na hale a me na mea a pau e ulu ana maluna o ka aina. Ua lilo pu mai hoi ia'u ma ke kuai maoli kahale o Atai (pake). Nolaila, ke hoike ia aku nei ka lohe i na mea a pau, ua kapu loa ke komohewa ana ma ia mau wahi i hoike ia maluna. E hoolohe o pilikia aua-nei. GOO KIM, Honolulu, Mar. 26,1879  904 1m

            KE Papa ia'ku nei na mea halekuia, ma keia wahi keia wahi, mai hoaie mai oukou i kuu wahine ma re, oia o Maria Meleano, no ka mea ua hele aku kela mamuli o kona manao, a o na aie a pau, mai ka malama o Feb. a mau loa'ku. aole loa, au e hookaa, e hoolohe i kela o poho auanei oukou.
MELEANO.
Waipio, Hamakua, Mar. 17. 1879 904 4t

            O WAU o ka mea nona ka inoa malalo, ke ninau aku nei au, auhea la ke kane mare a Lui w mai ko laua mare ana a hiki i keia manawa, aole i ike iki ia, no ka mea,o ka umi keia o na makahiki a oi, aole oia i lohe ia e noho ana ma-loko o keia aupuni, a UA lohe la no hoi, ua holo oia maluna o ka moku, aole no hoi i hoi iki mai a hiki i keia manawa, nolaila, ina ke noho nei oia me ke ola, e hoike mal no, ina aole e ike ia a e lohe ia paha a hala na malama eono mai keia la aku, alaila ua mana no ka wahine mare ke hoolilo i kekahi mau waiwai ona i pono nona iho. KAAHULU N. Kohola, Hawaii, Mar. 19,1879 9O41m 907

            O WAU o ka mea nona ka inoa malalo iho ke hookapu loa aku nei au i kuu aina hoolimalima i loaa, mai ia'u mai ka Papa Hoonaauao mai, oia ke Ahupuaa o Makawao, ma ka mokupuni o Maui. aole e hookaa wale i na lio, pipi, ho-ki, kekake, hipa, kao a me ku puaa maluna oia AhupuAA o Makawao, ua kapu loa, aole e hookuu wale i na holoholona i olelo ia maluna, Ina o ka mea hookuu wale i kana mau holoholona me ke kuleana ole, e hopu ia no a e lawe ia i ka pa aupuni no ke komohewa, A pela no na ano kanaka a pau, aole e kii wale i na mea a pau maluna o ua Ahupuaa la i oleloia maluna, a o ka mea holohe ole i keia mau olelo, e hana ia e like me ke kanawai o ka aina. E hoolohe i keia olelo hoolaha o piliikia auanei.
T. AKANA LIILII.
Makawao, Maui, Oct. 1, 1878. 881 tf

            KE papa ia aku nei na kanaka a pau o kela me keia ano, aole e hele a komohewa ma kuu aina i kapaia o Kaloheo e waiho la ma Kapaa, Kailua, Koolaupoko, Oahu, na kapa pu hoi me ka hele ana o na holoholona maluna o ua aina la. A ke hai pu ia aku nei no hoi ka lohe i na mea a pau, o na mea nana i hoolimalima mua i ua aina la, ua pau ko laua kulea-na, a ua hoihoi i mai ia'u. O Hoopii w oia. ko'u hope ma keia mea. E hoolohe na mea a pau i pilikia ole. KELEAU. Kapaa, Kailua. Koolaupoko. Apr. 10.1879. 906 4t

KALE KULIKA,

                LUNA HOOIAIO PALAPALA KUAI,. Molaki, a me na palapala oia ano. LUNA HOOIAIO PALAPALA Aelike mawaena o na Haku me na Kauwa. Luna Haawi Palapala Ae Mare Ma ke kihi o ke alanui Moiwahine me Kaahumanu, kulanakauhale o Honolulu, ko Hawaii Pae Aina. 906 tf

RAIKI ILI ! RAIKI ILI ! !

                UA hiki no ia'u ke haawi i nA kumakuai kiekie ma keia Makeke no na Laiki i WAe ole ia ka ili. A e kuai aku no hoi au i ka OKA RAIKI, BARANI! No na Puaa a me na Lio. &c. &c. &c. Na RAIKI nahaha ai a ka Moa. E kuai aku no hoi i ka Raiki me na poe a pau e hele mai ana, e like me ko lakou makemake ma ka HALE WILI RAIKI MAHU Ma Honolulu, makai o Ainahou J.A.HOPPER.

HOOLAHA PAPA.

                E IKE auanei na kanaka a pau loa. Owau o ka mea nona ka inoa.malalo iho, ma keia ke hookapu aku nei au, a ke papa nei i na kanaka a pau aole e komo hewa aole hoi e lawe aku i na puaa bipi a me na lio i kuni ia a i kuni ole ia paha ; na manu o na ano a pau, aole hoi e oki i na laau o nA aina i hoike ia malalo iho, a e waiho la ma Hamakua, mokupuni o Hawaii, oia hoi keia. Opihilala, Kaalaea.Hauola, Pa-auilo, Koholalele, Kainehe, Kaawikiwiki, Kaao, Kekualele. Kukaiau, a me Manowaikohao. O ka poe kue i keia olelo papa, e hoopii ia lakou ma ke kanawai.
CHAS. NOTTEY, 900 6m Mar.l,

            KE papa ia aku nei na kanaka a pau aole e komohewa a. lawe wale a hoopoino i na mea ulu, a kululu wale a, hookuu wale paha i na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui. O ka mea hookuli i keia. hoopii koko ia no e like me na Kanawai o ka Aina, nolaila o ka hoolohe oa ka pono o pilikia auanei.
JAME S MAKEE & CO.
Waihee.Maui,Sept.7.1878.  876 6m

            E IKE na kanaka a pau ma keia hoolaha, o maua na mea nona na inoa malalo iho, mamuli o ke kauoha a ka Aha Kiekie o ko Hawaii Pae Aina ia maua; i mau Lunahooponopono no ka waiwai o Pi Lulana o Honolulu i make, a nolaila ke kauoha ia aku nei ka poe a Lulana, i aie aku ai a me ka poe i aie mai ia. Lulana e hoike mai ia maua iloko o na mahina eono mai keia la aku.
Wm. KEAWEMAHI (k) A. KEPA(w)
Kamanuwai, Honolulu, Mar 19, 1879 904 4t

HOOLAHA A KA LUNAHOOPONO-
pono Waiwai no ka Manawa.

                UA hookohuia ka mea nona ka inoa malalo e ka Hon. A. Fornander, Lunakanawai Kaapuni o Maui, o ko Hawaii Pae Aina, i lunahooponopono waiwai no ka manawa, no ka waiwai o Akela pake, mea malama hale ai i make kauoha ole ma Wailuku, Maui. Ke kauoha ia aku nei na mea a pau no lakou na koina iloko o ka waiwai eono, a i ole e hoole mau loa ia aku. A o na poe a pau i aie i ua waiwai la i oleloia, e hookaa koke mai lakou ia'u ma Wailuku, Maui.
THOS. W. EVERETT,
Lunahooponopono waiwai no ka manawa, no ka waiwai o Akela pake i make.
Wailuku, Mar. 20, 1879. 901 4t