Ka Nupepa Kuokoa, Volume XVIII, Number 10, 8 March 1879 — Page 4

KA NUPEPA
Kuokoa me ke Au Okoa
I HUIIA.
No ka Makahiki, $2, Eono Mahina, $1.
Dala Kuike ka Rula.

MA RAKI 8, 1879. To The Work.

Go spel Hymn No 2. Hymn12.

1 Hana e ! hana e ! na kauwa a Iesu,
A mamuli no ona e hahai a mau,
Me ka bama o kana olelo maikai
E loaa ka ikaika e hana mau ai.

Cho. Hana mau Hana mau
Hana mau Hana mau.
Oli pu Kiai mau,
A hiki mai ka Haku e.

2 Hana e ! hana e ! e hanai a maikai,
I ka poe pololi, ka poe hune e.
E hoomaha i na luhi, e hai ae kakou
I ke Kea o Iesu, ke ola mau no.

Cho Hana mau, &c.

3 Hana e ! hana e ! hana mau no kakou,
I hiolo na mana kue o ka po,
I hoonani ia'e la ka lnoa o Iesu,
A hooho ia'e la, E ola ke ao !

Cho. Hana mau, &c.

4 Hana e! hana e ! na lesu e koo mai,
A e uku i lei, a i lole alii,
Ma ka home ma o, a e hui kakou,
A hooho pu ae la,
Ua ola mau no.

Cho, Hana mau, &c.

HAWAII.

Haawina Kula Sabati.
HELU 12, SABATI MARAKI 23, 1879.
KUMUHANA.
Pauku Baibala. Ko ke Akua ike ana. Halelu 139:1 12.
E IEHO VA, ua haka pono mai oe ia'u, a ua ike hoi.

                2 Ua ike no oe i ko'u noho ana ilalo, a me ko'u ala ana iluna,
            Ua maopopo hoi ko'u manao ia oe ma kahi loihi e aku.
            3 Ua hoao mai oe i ko'u ala ana, a me ko'u moe ana,
            A ua ikea no ko'u mau aoao a pau ia oe.
            4 No ka mea, aohe olelo ma ko'u alelo, Aia hoi, e Ieho va, ua ike no oe ia mau mea a pau.
            5 Ua hooke mai oe ia'u, mahope, a mamua,
            A ua kau mai i kou lima maluna o'u.
            6 Ua oi aku ke kupanaha o ia ike ana mamua o ko'u,
            Ua kiekie loa, aole au e hiki aku ilaila.
            7 Mahea la wau e hele ai, mai ko'u uhane aku ?
            Mahea la wau e pee aku ai, mai kou alo aku ?
            8 Ina pii aku au i ka lani malaila no oe, Ina e halii au i kahi moe ma ka malu o ka make aia no oe ;
            9 Ina lawe au i na eheu o ke kakahiaka, A noho hoi ma na kihi o ka moana :
            10 Malaila no kou lima e alakai ai ia'u, A na kou lima akau hoi e hoopaa ia'u,
            11 A ina olelo au, Oiaio, e haule mai ka pouli maluna o'u
            Alaila, e lilo no ka po i malamalama a puni au.
            12 Aole hoi e hoonalo ka pouli i kekahi mea ia oe,
            Hoomalamalama mai ka po me he ao la:
            Ua Iike no ka pouli, ua like hoi ka malamalama.
            Pauku Gula. "O oe e ke Akua ka mea i ike mai ia'u." Kin 16:13.
            Mele. Him 15. E ke Akua oia mau, p 1 2 3 5.
            Pule i noho me ka makau i ko ke Akua maka e nana mau mai ana.
            Ka wehewehe me ka ninau ana.
            Ekolu mahele o keia haawina. 1 Ko ke Akua ike i na mea a pau. 2 Kona noho ana ma na wahi a pau. 3 Kona mana.
            He ano pule keia Halelu. Da vida ka mea e pule ana me ka haohao weliweli ana i ko ke Akua ano kupaianaha loa.
            P 1, 2, Owai kai haka pono ia Da vida, a ike hoi ? Heaha ka Iehova i ike ai ? Hai mai i na mea ekolu ana i ike ai ? Ina e noho ana ke Akua ma kahi e loa 'ku, akaka anei ko Davida manao, me ko kakou manao iaia ? Me ia anei ko ke kanaka ike ? Ike anei kakou i ka manao o ke kanaka e noho kokoke loa mai ana ?
            P 3, 4. Heaha ka ke Akua i hoao ai ? Hoao, ua nana nui, ua ike i ke ano o Ke ala ana, o ka moe ana, he pono, he pono ole, he ala makau, makau ole, he moe pule, pule ole, moe mihi, mihi ole. He hele pilikia, pilikia ole; he moe pilikia, pilikia ole, a pela aku. Ko kakou mau aoao a pau, ua aha ia e ke Akua ? Pehea hoi ko ke Akua pepeiao ? Lohe anei i na olelo a pau a ke alelo i hoopuka mai ai ? Lohe anei i na hawanawana ? Akaka anei ke ano o na olelo, ina he mau huaolelo ano lua, ano pono, ano hewa ? Pehea ke kakaulima? lua he mau lalani pohihihi, ano lua, ina he lima apuka i kakau ia, akaka anei ia i ke Akua ? Ina he palapala hoopunipuni, akaka anei ?
            P 5. Ua aha ke Akua ia Da vida ? Hooke, hoopuni a puni. Aia Ke Akua imua, ihope, ma ka lima akau, ma ka lima hema o ke kanaka, o ke keiki, aohe wahi i koe. Nana loba 13:21, 27. Pili mau ke Akua i ke kanaka. Paa mau oia i ka lima o ke Akua, aole hiki ke hele, ke hana, ke hookuu ole ke Akua. Paa mau ke kanaka pono i ko ke Akua lima, aole hiki ke haule, ke kaili ia aku. Ioane 10:28.
            P 6. Pehea keia ike ana o ke Akua ?
            He kupanaha loa. pohihihi ia Da vida, hiki ole ke ana i ke kiekie, i ka hohonu. Oi loa aku i ko wai ike ?
            P 7. Ko ke Akua noho ana ma na wahi a pau. Ehia, a heaha na ninau ma keia pauku ? Kou uhane, aole ko'u. Heaha ke Akua ma Ioane 4:24 ? Heluhelu Ie remia 23 :24. Owai kai hoao e holo mai ko Iehova alo aku ? I ona 1:3. Hiki anei ? Nui no ka poe hoao e mahuka mai ko Iehova alo aku no ka hewa, no ka makuo i ka hoopaiia, no ka makemake ole e lohe i ka pule, i ka olelo a ke Akua. Ua loaa anei kahi i noho ole ai ke Akua ?
            P. 8. Ina pii aku i ka lani pehea? Ina halii i kahi moe ma ka malu o ka make, pehea ? Aia no ke Akua ma ka lani iluna lilo, aia hoi ma kahi paa o lalo. Heluhelu Amosa 9 ; 2, 3, 4. Ioba 26 ; 6. Sol. 15 ; 11.
            P. 9, 10. Pehea ke lawe Da vida i na eheu o ke kakahiaka a lele a noho ma na kihi o ka moana ? Loaa anei kahi i noho ole ai ke Akua ? Malaila kona lima e aha ai? Ko ke Akua mana ia, hiki ke alakai, ke hoopaa i kela, i keia pakahi a pau loa kanaka, kamalii i ka wa hookahi, a lilo ole aku ka mea hookahi.
            P. 11, 12. Pehea ka po ke manao Davida, malaila e pee ai ? Hiki anei i ka pouli ke hoonalo i kekahi mea i ke Akua ? Me he aha la ka po i ke Akua? Ua like ka pouli me ke aha ? Heluhelu Ioba 34 ; 22 Dan. 2; 22. Heb. 4; 13.
            Mele. Him. 16. "Ke Akua aui, he maka kou." p 1, 3, 4.
            Na Ninau Hoi Hope.
            Heaha ke kumuhana ? Heaha ka pauku gula ? Nawai ia i hoopuka mua? Nawai i kakau keia Halelu ? Ehia mahele o keia haawina ? Ka mua, ka lua, ke kolu, hai mai. Hai mai i na mea e pili ana i ko ke Akua ike, i kona noho ma na wahi a pau, i kona mana. He wahi anei i koe, aole i ike ia e ke Akua ? He hana, he olelo, he manao anei i koe, aole ikeia e ke Akua ? Owai ka i lalau i kahi hua i papa ia me ka manao, aole paha e ike mai ana ke Akua?
            Owai ka i pepehi i kona kaikaina me ka manao aole paha ke Akua i nana mai? Owai ka i hana ino i ko lakou kaikaina me ka manao, aole paha ke Akua i ike mai? Owai ka i aihue a huna i kekahi waiwai me ka manao, aole i ikeia e ke Akua ?
            Kuhi pono anei kela kanaka ma Ioba 24; 15? Heaha ka Ioba ninau ma 31;4? Pehea ka olelo kuhi hewa ma Hal. 10; 11 ? Heaha ka olelo me ka ninau ma Hal. 97; 7-9 ? Owai ka i kuai i ka aina a huna i ka hapa o ka uku me ka manao aole paha ke Akua i ike mai ?
            Heaha ke kumu nui o ka hana hewa, olelo hewa, manao hewa ana ? Ina ike ke Akua i na mea a pau loa, heaha ko kakou pono ? E hookolokolo ia'na anei kakou no na mea a pau a ke Akua i ike ai e pili ana ia kakou ? Ma ke aha ko ke Akua hoopai? ma ka lohe anei ? ma ka ike maka paha ?
            Mahea ke Akua i noho ole ai ? Ina noho oia, ma na wahi a pau, pakele anei ka poe hewa i kona ike ana ? Heaha na eheu o ke kakahiaka? Keia haawina, he mea hoolana i ka manao o ka poe pono, ka poe paulele ia Iehova ; a he mea hooweliweli loa i ka poe hewa. Aohe wahi e pakele ai, e pee ai lakou.
            Mele. Him. 17. " Ua ike mai ke Akua ia'u." p 1,2, 3,5.
            Plue i kau mai ka makau no ko ke -Akua ike &c.
            Haawina no Ma raki 30, Hoi Hope.

Na Wepa Wanana Ehiku.

            HELU 1. Mamua aku nei, ua wehewehe ia ke ano na pu wanana ehiku ma Hoikeana, mokuna 8 me ka 9. Ua paanaau paha ia oukou ia wehewehe ana. Ua nalowale paha.
            I keia manawa, e nana ana kakou i hope, i na hihio wanana i loaa ia Ioane mamua o na hihio wanana no ua pu ehiku.
            Aia keia mau hihio wanana o na wepa ehiku ma Hoikeana, mokuna 5, 6, me ka 7. 1. Aia no Ioane ma Patemosa i ka wa i loaa'i ia ia na hihio no na wepa ehiku. Ma ka manao o ka poe i huli nui, ua wailanaia Ioane i Patemosa e Domitiana ke lii o Roma ma ka mak. 94, 95, paha.
            Domitiana, oia ka hope o na Kaisa ra he 12. He alii hana ino oia, a hoomaau i na haipule, a pepehi ia lakou. Ua make oia ma ka mak. 96, A. D. A lilo ke aupuni o Roma ia Nerewa, He alii oluolu a maikai no oia.
            Ia Ioane e noho pio ana ma Patemosa, ua loaa ia ia na hihio wanana e pili ana i ke aupuni o Roma me ka ekale sia mahope iho o Domitiana.
            O keia mau hihio no na wepa ehiku no na wa okoa ehiku ia. Ma ka hihio, ike Ioane he buke iloko o ka lima akau o ka mea e noho ana ma ka noho alii. O Iesu ia. Ua palapala ia buke maloko, mawaho, a hoopaaia i na wepa ehiku. He buke owili keia. Aia mawaho ka wepa mua. Penei i maopopo. Ua huna ia no na mea a pau i kakau ia ma ia owili.
            Aia a akaaia ka wepa mua mawaho a wehe ia ka pepa, alaila, hoike ia ke ano o ka wa mua mai ka wepa akahi a i ka wepa elua.
            Aia a akaaia ka wepa elua, a wehe hou ia i ka pepa, alaila hoike ia ke ano o ka wa elua mai ka wepa elua a i ka wepa ekolu. A akaa ia ka wepa ekolu a wehe ia, akaka ke ano o ka wa ekolu mawaena o ka wepa ekolu me ka wepa eha. Ka wa eha, mawaena ia o ka wepa eha me ka lima. Ka wa elima, mawaena ia o ka wepa elima me ke ono. Ka wa eono, mawaena ia o ka wepa eono, me ka hiku. Ka wa ehiku mawaena ia o ka wepa ehiku me ka pu mua a pela aku. 2. Ka wepa mua. Ua loaa ka mea nana e akaa na wepa. eia hoi ke Keikihipa, Iesu Kristo. Ma ka hihio, ike Ioane i ke Keikihipa, ua akaa oia i ka wepa mua. A kahea ia oia e kekahi o na mea ola eha, kekahi luna Anela, luna lani paha e hele mai e ike. Nana aku la Ioane, aia hoi he lio keokeo. Ua hoike ia ma ka pepa mawaena o ka wepa mua me ka wepa elua, he kii lio keokeo. A o ka mea e noho ana maluna iho ona he kakaka kaua a ua haawi ia mai nona kekahi papale alii ; a hele lanakila ia, a e lanakila ana.
            He wanana ia no ka wa mua mahope iho o ka make ana o Domitiana. He wa lanakila ia o ke aupuni o Roma mai ka make ana o Domitiana mak. 96 a hiki i ke alii ana o Komodo (Commodas) mak. 180 A. D. oia hoi 84 makahiki ka loihi. Eia na lii o Roma ma ia wa, 1 Nerewa. (Nerva) 2 Terai-na; (Trajan) 3 Haderiana. (Hadsian) 4 Anetonino, Aurelio.
            Ka lio keokeo, kupono ia ano lio no na alihikaua, no na luna koa. ke holo lakou i ke kaua, a hoi lanakila mai. Ke kakaka, he hoailona ia no na mea kaua. Na papale alii, pili ia i na lii, i na luna koa, i na alihikaua. He mau kaua no ma ia wa, a lilo mai na aupuni ma ka akau, a ma ka hikina akau ia Roma. A hele no Roma a hiki i ka piko o kona nani, a o kona lanakila ana. Aole nae he wa kaua wale no ia. Loihi ka manawa kaua ole, ka manawa maluhia. He mau alu ano maikai no keia mau alii. Ikaika i ka hoomalu ana, i ka hooponopono ana, i ke kaukanawai ana, i ka imi ana i na mea e pono ai na makaainana.
            Ka hoomanakii nae, oia ka hoomana aupuni. Ua hookapu ia no na hoomana e ae, e like me na hoomana Karis tiano. Ua hoomaauia no na haipule. Aka aole ikaika loa ka hoomaau ana, ua kanahai iki no, aole like me na wa mamua aku. Ua oluolu no kekahi mau alii, me na luna aupuni, i na haipule.
            Nui.no hoi na pegana o Roma i lilo i poe haumana na Iesu. Ua hoomama ia kekahi mau kanawai hoomaau kaumaha.
            Ua akaka paha ke ano o ka wepa wanana mua. He wa lanakila ia o ke aupuni o Roma, a lanakila iki hoi ke aupuni o Iesu.
Aole i pau.

Le ta mai Maikonisia mai.

TAPITEUEA, Nov. 1878

                REV. H. H. Pa rker. Aloha oe a nui aku:—I keia la no ke ku ana mai nei o keia moku manuwa, nolaila, ke kakau nei au i keia leta uuku nau.
            Ka hana i keia wa ma Tapiteuea nei. Ke holo pono nei ka hana a ka Haku ma Tapiteuea nei i keia mau mahina. E hoomaka ana mai ka malama mai o Oct. 1878 o keia makahiki no.
            Na hoahanau i hookomo ia Oct. 6 1878 he 35 ka nui. Ka poe i mihi mai he 250, a o ko makou Kula Sabati 300 a oi aku. A o ke anaina pule ma ke Sabati mai ka 800 a i ka 900. a ke kahe awai mai nei ka holo ana mai o na kanaka, a he mea oluolu ia no ko'u manao, a i iho la au ua makepono ka luhi o ko'u hoi ana mai i waena o keia lahui.
            Ka halawai wahine, he mea na'u e hoomanao ai, no ka mea, ua hala aku la o Mrs. Maria Kapu i ka make, ua manao wau, aole e hiki ke malama ia, eia ka e hiki ana no ia-lakou ke malama. O na luahine, ano palupalu, a o na mea opiopio o lakou pu kekahi e hiki ke hapai i keia hana nui. Oiaio no o ke Akua ko lakou kokua, a me ko lakou alakai o ko lakou puuhonua.
            I ka nana aku, ua kokua mai ke Akua ia'u ma keia hana nui, a me ke kaumaha o ka mea hiki ole i ke kanaka, a hiki io no i ke Akua.
            Ke holo pono nei na hana maikai, aole nae i nele na mea keakea, he mea no e kue ana i ka pono o ke Akua.
Me kuu aloha nui no
W. B. KAPU.

He Hana Hesekaliana !

                He aha hoi ia ? He hana nui lua ole Aia la mahea ? A he aha hoi ? E kii a nana i ka Palapala Aina. Huli a loaa na mauna Alepe.
            Aia ka lakou mawaena o I talia, Farani, me Suitazelani &c. Ua oi aku ke kiekie o ka piko i ko Maunakea. Ma ke kauwahi ua hou ia a loaa ke alanui e holo ai na kaa, na lio. na kanaka mai Italia a Farani, a mai Farani a Italia. A o ka hana nui i keia wa, ka hou ana ma kahi e i loaa ke alanui e holo ai mai Italia a Suitazelani me Geremania, a mai Geremania a Italia. Ua hui na lii, na kanaka oia mau aina ekolu ma keia hana nui lua ole. Ua 11 paha mile a oi ka loihi o ke alanui maloko o ka opu o na mauna Alepe. Elua poe paahana. Ma ka aoao akau kekahi poe ; a ma ka aoao hema kekahi poe. Paakiki loa me he he hao la kauwahi. waliwali kauwahi. 11,000 kapuai ka i hou ia ma ka aoao akau. 4,400 kapuai ka i hou ma ka aoao hema. Ka nui o na paahana, 1200 ma ka aoao akau ; 1500 ma ka aoao hema.
            Ua lana ka manao o ka aha hui hana e paa ana ke alanui ma ka pau ana o ka makahiki 1881. HAWAII.

            KA MAI PIWA.— Iloko o na pule i hala ae nei a iloko no hoi o keia mau la e hele nei, ua pohala ikaika ka laha ana o ka mai fiva mawaena o ke kulanakauhale nei. Ma kekahi mau hale ua aneane e pau loa i ka loohia me keia mai. Ua lohe pono mai hoi makou, ma kekahi hale. ua loohia kekahi wahine me keia ano mai, aka, ua haawi ia na ke kahuna Hawaii e lapaau, a mahope o ka lapaau ana, ua lawe ia ka mea mai e hoauau i ke kai ma Kawehewehe i Waikiki, o ke kumu ka o ka hana ia ana pela, i wehe ia na pilikia, no ka mea, ua auau i ke kai o Kawehewehe, aka, i ka hoi ana nae o ua mai nei a kauhale o ka make loa no ia. Kupanaha ke koe o keia hueloawa o ka naaupo iwaena o kakou Hawaii. A hea la hoopau ae ia mau hana o ke au kahiko.

PAPA, PAPA
AIA MA KAHI O
LEWE RS & DICKSON
( O LUI MA.)

                MA KE KAHUA KAHIKO MA Alanui Papu a me Moi ! E LOAA AI NA Papa Nouaiki ! o kela a me keia ano. Na Papa Nani a Paa no ke Kukulu ana i na Hale ! Na Pani Puka, Na Puka Aniani, Na Olepelepe, Na Puu, Na O-a, Na Papa Hele, Na Papa Ku, A me na Papa Moe nui loa. NA PILI O KA HALE O NA ANO A PAU. Na Pepa Hoonani, Na Pena o na Wai a pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau. NA WAI VANIKI A ME NA WAI HOOHINUHINU NANI ! o na ano a pau loa. NA BALAKI ANO NUI WALE ! A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA ! E like me ka mea e holo ana mawaena o LAUA a me ka MEA KUAI. E hele mai ! E na Makamaka ! ! A e lawe no hoi ko oukou makemake me ka oluolu a me ka maikai ! 845 tf

KOPA KUKAEPELE
A
GLENN !
AOLE LUA NO KA HOOMAEMAE I KA ILI !

                He mea hoopau i na eha, Na Ili Poupou, A he hoomaemae i na mea ino, A he hoopau Lumatika, A he kopa auau no ho O keia Kopa ka oi aku o ka mea maikai I waihoia mai imua o kanaka. Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai. O ka hoemi ana iho i na mai o ka Ili, a o ke pale aku i ka mai mai na lele e na Mai Lele, oia kekahi. O na ohana ame na poe makaikai, ina e hoolako lakou i keia KOPA HOOMAEMAE LUA OLE ! ALAILA, UA LANAKILA LAKOU. He hoopau i ka lehu o ke poo, A he Kopa no hoi e kaohi mai ai I ka lauoho mai ka hina ana. Ua hooianui mai na Kauka no ka maikai o keia Kopa ! E loaa no ma kahi o M. McINERNY.
Kihi o na Alanui Papu me Kalepa

Castle a me Hatch.

                O KAKELA OPIO A ME F. M. HATCH, ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope.
Keena Hana, maluna ae o ka Halekuai o Dillingham & Co.
Helu 37, Alanui Papu. 3 6ma

ALFRED S. HARTWELL,
[HAKAWELA.]
LOIO a he KOKUA ma ke KANAWAI!

                Aia kona Keena Oihana maluna ae o ka Hale Baneko Hou o Bihopa ma. 867 tf

CECIL BROWN.
LOIO A HE KOKUA MA KE KANAWAI

                A He Agena no ka Hooiaio ana i na Palapala no ka Mokupuni o Oahu. Helu 8. Alanui Kaahumanu Honolulu. H.P.A. 2y

S. B. DOLE,

                HE LOIO A HE KOKUA no na KANAKA ma ke Kanawai. E hiki no iaia ke lawe i na hihia o kela a me keia ano imua o na Ahahookolokolo a pau o keia Aupuni. Keena hana ma Alanui Papu, maluna ae o ka Halekuai o Likikini. Honolulu, Oahu, Januari 19, 1878. 3 ly

RICHARD F. BICKERTON,
[PEKE TONA.]
LOIO a he KOKUA ma ke KANAWAI !

                E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae. Ua makaukau mau oia i ka hana ana i na Palapala pili kanawai o kela me keia ano. Ua hiki no hoi iaia ke hoaie dala uku ma ka moraki ana ina aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 ly

S. W. MAHELONA
HE LOIO ! HE KOKUA A HE PALE
ma ke Kanawai.

                UA makaukau au e lawelawe me ka mikini a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaihae, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m

JNO. LOTA KAULUKOU.
LOIO A HE KOKUA.

                UA makaukau au e lawelawe i na hihia a pau o kela a me keia ano iloko o na Aha Hookolokolo a pauo ke Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m

DAVID K. MALEKA.
Loio a he Kokua ma ke Kanawai.

                UA makaukau au e lawelaWe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 ly oe26

E DWARD KEKOA.

                HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae. 882 ly oc26

J. KAPOHAKIMOHEWA.
He Loio a he Kokua.

                NO na Aha Hoomalu a me Apana o ka mokupuni o Maui. E. loaa no au ma Makena, a e hooko io na kauoha mai na wahi e ae o ka mokupuni me ka eleu a me ka hikiwawe loa. 883 6m no2

S. M. P. KALEO.
He Loio, he Kokua, a he Pale ma ke Kanawai.

                NO ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 ly no9

P. NUI.
LOIO ! LOIO !!
O ka Ua Ukiukiu o Makawao, Maui.

                UA makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16

HEN RY N. KAHULU
Loio a he Kokua ma ke Kanawai.

                UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly no16

A SA KAULIA.
Loio a he Kokua ma ke Kanawai.

                UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana, ma alanui Papu, Helu 31 : a e hooko ia na kauoha mai na wahi a pau o ka mokupuni me ka eleu a me ka hikiwawe. 885 ly nol6

L. A. THURSTON.
LOIO !
WAILUKU, MAUI.
889 6m dec 14

TIMOTHY KALAEONE.
He Loio a he Pale ma ke Kanawai.

                IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa. 895 ly Jan. 25.

J. W. M. POOHEA.
He Loio a he Kekua ma ke Kanawai.

                No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooiaio Palapala Kepa no hoi no ia Apana. E hookoia na koi-i a ka makemake mo ka eleu loa. E loaa no au ma ko'u home ponoi oia o " Kalauonaona," ma Wawaia, a i ole ia, ma ka Hale hookolokolo ma Pukoo. 895 ly Jan 25.

OLELO HOOLAHA.
A. M cWAYNE,

                HALE KUAI LAAU LAPAAU A ME NA WAIALA o na ano a pau, me na SOPA ALA o na ano he nui wale. Ma ke kihi o Alanui Papu me Kalepa. 849 ly

DR. RODGE RS,
OIA O
KAUKA LOKEKE.

                UA hoonee ae nei i kona keena oihana mai ka hale ae o Ailuene ma Monikahaae a iloko o ka Hale Ma, helu 34 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i kapoe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 881 tf

E. STREHZ,
(AILUENE.)

                MALAILA E LOAA AI NA ANO LAAU A pau: a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 ly)

E. O. HALL & SON.
(E. O. HOLO MA.)

                NA MEA KUAI I NA MEA MAHIAI. Na Lole, Na Pena, Na Aila, a me Na ano Lako e ae a pau he lehulehu wale. 846 Kihi o Alanui Papu me Moi. ly

LOLE MAKEPONO
Ke Kuike.
E LOAA NO IA MA KAHI O
KAKELA ME KUKE !

                E LAA NA Ahinahina, Kalakoa, Keokeo, Leponalo, Pena, Aila, Aniani, KA MEA PIULA ! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu MakeponoLoa ! A HE MAU MEA AI KAHI Ka Palaoa Kopaa Raiki, Pia, Hoohu, Paakai, Huaala, Pia Kulina, &c. A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU ! 827 3m 839

PAPA ! PAPA !
NO
ALLEN & ROBINSON

                UA WEHE AE NEI MAUA I PA KUAI PAPA MA  KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena ! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU ! E KUAIIA MA KE KE KUMUKUAI HAAHAA LOA. O keia Makeke. ALLEN & ROBINSON Honolulu, Ian. 1, 1878. 840 3m