Ka Nupepa Kuokoa, Volume XVIII, Number 10, 8 March 1879 — Page 3

Page PDF (1.69 MB)

LIHILIHI mai ka elima keneta aku no ka I-a.
LIPINE MAI KA ELIMA KENETA AKU NO KA I-A.
Halekuai Hou !!
CALIFORNIA ONE PRICE BAZAR
Waiwai hou! Kumukuai hou !

                He mau mahina i hala ae nei o ke kali ana ua loaa ia maua mai na KUAI KUDALA NUI A NA ILAMUKU, NA POE KALEPA NUI i poho (Banekerupa). a me na LUNA HOOPONOPONO WAIWAI KUAI.  MAI PARISA, LADANA, NU IOKA A ME PILADELEPIA MAI, NA ANO Paikini maikai hou loa o na Keonimana!  I AKAHI NO A HIKI I HAWAII NEI. Parisa, Ladana. EIA NA KUMUKUAI: Nu loka, Piladelepia.  E HELUHELU A NOONOO !!! Na A-i-kala Lilina ano hou.......20 keneta pakahi Na Lolewawae i umii ili ia.......75 keneta pakahi Na Palule keokeo alu Lilina......$1.25 pakahi Na Kakini kane o na ano a pau, 12 keneta pakahi Na Palule hapa Lilina ano hou, 85 keneta pakahi wale no Na Palule Papamu hou.......$1.00 pakahi Na Palemai kane o na ano a pau, 65 keneta pakahi Na Palule Kalakea ano hou loa, 75 keneta pakahi Na Bo a me na Lei A-i Kilika, 25 keneta pakahi  Na Hainaka Lilina, mai ka 12 keneta pakahi aku Pela me na Kakini o na ano like ole i hana ia i ke KILIKA HULUHULU a MARINO o na Wahine, Kane, Keiki,- MA KE KUMUKUAI HAAHAA LOA !! Ua manao maua e wehe i ke kuai ana au i kela mahina aku nei, aka ua kali iki i loaa mai ma ka mokuahi "Zealandia," na ano Lihilihi hou loa, manoanoa, a lahilahi, mai Farani a me Geremania mai. He nani okoa no hoi na Lole Keokeo Pike, na Kawele Huluhulu, a me na Lopi Huluhulu e na ano a pau. Eia pu no hoi na Kalihi ano hou, na Miki'ima ili, na Mamalu, na A-i-kala pihapiha, na Lei A-i Kilika, na Kihei Huluhulu paina hou, na Lakeke lima ole, na Lole Keokeo Keiki, a me na Lole paa o na Wahine, MA KE KUAI HAAHAA LOA!  E KAU ANA KA WELI O NA HALEKUAI PII, Aka, e piha olioli ana ka lehulehu. Maanei no nei e loaa ai na WAI-ALA hou loa, a me na AHA LAUOHO o na ano a pau-- keu ka puia. E kuai ia aku ana na Waiwai a pau ME KA HAAHAA LOA. MA KA POAONO, DEKEMABA 7, Ma ka Halekuai 'California One Price Bazar,' HELU 68 ALANUI PAPU. dec7-888-3m LIHILIHI mai ka elima keneta no ka I-a. LIPINE MAI KA ELIMA KENETA AKU NO KA I-A.

E NA
Le de a me na Keonimana !
o ka
MAKANI APAAPAA O KOHALA.

                E Kipa, E Naue, E Komo, A e ike i na Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI ! Malaila no e loaa ai ia oukou keia mau Waiwai Maikai malalo iho nei : NA PAPALE WAHINE HULU NANI HOU LOA E PULELO AI I KA MAKANI. Ina no hoi e kau mai i ko poo, aohe i kona mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi, hele kela a "Kau ka Iwa he la makani," i ka ua mea o ka Nani Lua Ole, oia no oe la o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ue, ma ko maua Halekuai wale no ; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oo e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ko hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oia no oe la, o ka Leo o ke Kolohala i ka po Lai. NA WAIALA MOANI AL A LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kona mai ka puia i ke ala me ke onaona. NA KALAKOA. Eia no hoi na Lole Kalakoa ke ahu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau kn panio Aa Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liilii, a me na waiwai e ae he nui wale, he hiki ole ke hue pau aku i ka nui launa ole! O keia mau waiwai i hoakakaia maluna, e loaa no ia oukou ma ke kumukuai makepono loa. AKINA & ASEU, Kaiopihi, Kohala, Hawaii, Nov. 9, 1878. 885 tf

Kahikina Nui!
Helu 62 Aaluni Papu.

                $50,000 ka Heluna o na Lole Nani, a me na Lole" Aulii " Maikai, na Lole Kane, na Kamaa Puki, na Kamaa Haahaa, a me na mea nani e ae he lehulehu wale. E KUAI IA AKU ANA ME KA EMI IHO MALALO O KE KUMU LILO. Ua hoonee ae nei o Magnin i na mea nani, a me na mea maikai a pau o Kona Hale Kuai ma ke Alanui Nuuanu ma na lumi maemae o Kahikina Nui. Ke Ualo aku nei ia i na mea a pau, e kipa ae malaila, a e loaa no na mea " Hoohie," a Hoonani no na la " Kulaia," o kakou o hiki mai: NA LEDE, A ME NA KEONIMANA. Hele mai nui ! Hele mai pau loa! E kuai hooemi aku ana au i na mea a pau mamua o ko'u kaawale ana aku ; no Europa i keia " Kupulau " ae. O ka mea e kuai mai a oi aku mamua o na kauna elua ka heluna, alaila e manuahi ia aku na mea nani no na kane me na wahine. 890 tf S. MAGNIN.

KAUKA T. P. TISDALE.
HOMEOPA TIKA.

                A IA kona keena a me kona wahi noho ma ke alanui Beri tania, mawaena o ka halepule o Kaukeano a me ka pa o ka Moiwahine Ema. E hamama ana ke keena mai ka hora 8 a hiki i ka hora 10 am. a mai ka hora 1 a hiki i ka hora 3 pm. a me ka hora 6 a hiki i ka hora 9 o ke ahiahi.
Honolulu, No v.12, 1878. 895 tf

Na Wa ti a me na Nani Hoo hiluhilu.

                KE hoike aku nei o CRUNG FOY imua o ka lehulehu, aia oia ke PAA nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM, Na KAULA GULA, Na KAULA DALA, Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hana Wati a me na Mea Gula. He Maliu no oia i na kauoha. He 25 keneta wale no ke aniani poi o ka wati. Aia kona halekuai ma ke alanui Nuuanu, ma o mai o kahi o Hollister & Co. 893 6ma.

E Kuai ia Ana,

                HE 1,000 Hipa a me 8,000 Kao o ka Hui hanai Kao o Kaupulehu ma Kona, Hawaii. E ninau ia H. Cooper (Kupa) o Kailua. 858 tf A. S. CLEGHORN & CO.,

OLELO HOOLAHA.

                E NOHO ana ka Aha o ke Komisina o na Palena Aina o Maui, Molokai a me Lanai, ma ka hale hookolokolo ma Wailuku, Maui, ma ka Puaha oia ka la 29 o Maraki, 1879, ma ka hora 10 o ke kakahiaka, e hoolohe i ka oiaio o na palena o ke ahupuaa o Pulehunui, e hele ae ma kahi a ma ka manawa hoi i hoike ia.
L.A. AHOLO,
Komisiona o na Palena Aina o Maui, Molokai a me Lanai.
Lahaina, Feb. 25, 1879. 901 2t

            E IKE auanei na mea a pau, owau o ka mea nona ka inoa malalo iho, ke kauoha aku nei au ia Mape w e kii koke mai i kona ukana e waiho nei ma kuu lima, ina e hala na la he kanakolu me ke kii ole ia mai, alaila, e kudala ia aku no e a'u ua mau waiwai la, i uku no na mahina ekolu i noho hoolimalima ai ma kuu hale, oiai aole oia i kookaa mai.
KIOPE W.
Kapauhi, Honolulu, Mar. 8, 1879. 901 4t

Kuai o na Aina Hanai Holoholona.

                O NA hoolimalima i pau ole o ka aina o Kaupulehu, e waiho ia ma Keena Akau, Hawaii, a me ka aina o Honuaula, ua huiia. O keia mau aina i hoike ia ae la maluna, ua kupono no ka hanai holoholona, a aia no hoi he 6,000 kao i hoailona ia, a mai ka 1000 a hiki i ka 2,000 hipa maikai i oi aku a emi mai paha e hoio ia maluna o ua mau aina nei. O keia mau aina ke pili pu ia me ka aina hanai hipa o Dr. Trousseau, a e haawi ia aku no keia mau aina nani i ke kanaka nona na manao maikai. A ina aole e pane mai ana kekahi no keia mau aina i hoike ia ae la maluna, a hiki i ka la 5 o Mei, alaila, e haawiia aku no ma ke kudala akea ana.
No na mea ano nei, e ninau ia A.S. CLEGHORN &Co.,
901 2m 908

KUAI KUDALA !
A ka Lunahooponopono Waiwai.

                MAMULI o ka maua i loaa mai ia'u, mai ka mea hanohano Abr. Fernander. Lunakanawai Kaapuni Apana Elua i hanaia ma ka la 27 o Ianuari. E kuai aku ana au ma ke kudala akea, ma ke alo o ka hale hookolokolo ma Pukoo, Molokai, ke hiki aku i ka la 13 o Maraki, 1879, i keia mau apana aina waiwai nui o D.W. Kaiue i make. 1 apana aina ma Waialua, o Paihala ka inoa. 2 Apana aina ma Kapualei, Kamalo, i ka mea koho kiekie. Kupono keia mau apana aina i ke kanu kalo a me ke kanu ko. Na ka mea e lilo ai e uku i na lilo o ka palapala. A ua makaukau na palapala sila nui. Ua paa keia mau apana aina i ka marakiia ia S. G. Wilder & Co.
JNO. W. KALUA.
Lahaina, Maui, Feb. 3, 1879. 898 4t

            MA ke Keena o ka Lunakanawai Kaapuni Apana 3 o ko Hawaii Pae Aina. Ma ka waiwai o Hoae w no Ninole, Kau, Hawaii, i make. Ua waiho ia a ua heluhelu ia ka palapala noi a Keonehu, k e noi ana e hoonoho ia i lunahooponopono no ka waiwai o Hoae, w no Ninole, Kau, Hawaii, i make, a e hooholo ia na hooilina. Nolaila, ke kauoha ia aku nei na kanaka a pau ke pili, o ka Poalua, oia ka la 15 o Aperila, 1879, ma ka hora 10 am. ma ka hale hookolokolo ma Waiohinu, Kau, oia ka la a me kahi i koho ia no ka hoolohe ana i ua noi la a me na mea kue ke hoike ia.
F. S. LYMAN.
Lunakanawai Kaapuni Apana 3 HPA.
Hilo, Hawaii, Feb. 21, 1879. 900 3t.

            AHA Hookolokolo Kiekie o ko Hawaii Pae Aina, ma ka hooponopono waiwai. Mokupuni o Oahu, H P A ss. Ma ka waiwai o Kalaeone k, i make. Olelo kauoha e koho ana i la e hooiaio ai ka palapala kauoha, a ao ka hoolaha ana. No ka mea, ma ka la 17 o Feb, M H 1879, ua waiho ia mai imua o ka Aha kekahi palapala i olelo ia, oia no ke kauoha hope loa o Kalaeone i make aku la; a me ka palapala hoopii e noi ana e hooiaio ia kela palapala kauoha a e hoopuka hoi ka palapala. luna hooko ia E Coil Hobron, a ua waiho ia mai e- E Coil Hobron. Nolaila, ua kauoha ia o ka Poalua, oia ka la 11 o Maraki, M H 1879, ma ka hora 10 am, ma ka rumi hookolokolo o ia aha, ma Aliiolani Hale ma Honolulu, oia ka la me ka hora, e hooiaio ia'i ia. palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu Hoko o ke "Kuokoa," he nupepa 1 pai ia i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, e hele mai a e kue i kela palapala kauoha i ka wa i olelo ia.
Kakauia ma Honolulu, ko Hawaii Pae Aina, Fe beruari 17, 1879. A. FRANCIS JUDD.
Lunakanawai o ka Aha Kiekie. Ikea : A. Rosa, Hope Kakauolelo. 899 3t

Hoolaha a ka Lunahooponopono Waiwai.

                UA hookohuia mai na mea nona ua inoa malalo nei i mau lunahooponopono no ka waiwai o August Conradt o Hanalei, Kauai, H. 1. i make, nolaila, ma keia, ke kauoha ia 'ku nei na kanaka a pau i aie i ka waiwai a e paa nei paha, e uku koke mai; a o na kanako a pau he mau koina ko lakou i ka waiwai i oleloia, ke hoolaha ia aku nei, e hoike koke mal imua o na mea nona ka inoa malalo iho mamua ae o ka hala ana o na malama eono mai keia la aku, o hoonele loa ia.
MARY ANN CONRADT,
FRANK BINDT.
Na Lunahooponopono Waiwai o ka waiwai o Augu st Con radt i make
Koloa, Kauai, Feb. 8, 1879. 898 4t

MAU AINA WAIWAI NUI MA KE KU DALA.
Ma ke kauoha a A. J. Cartwright, Esq., ke kahu waiwai.

                E kuai ku dala aku no au ma ke akea, ma ka Poaono, Maraki 15, ma ka hora 12 o ke awakea, ma ka rumi kudala i keia mau waiwai i hoike ia malalo iho, penei:
                Mahele 1— He hale me ka pa hale ma Kaumakapili, Honolulu, Oahu, ka ili he 294 anana kuea. Palapala sila nui helu 2,614 sila a ka poe hoona kuleana helu 63.
                Mahele 2—Hale a me pa hale ma Kikihale, Honolulu, Oahu.
                Mahele 3— Ka loko ia o Pahoniki, a me ke kula ma Kaluaopulu, kona ili he 39 eka.
                Mahele 4— Ka aina kula o Kaailole me na puu one ma Kaluaopulu, Kalihi, Oahu, kona ili he 56 1-100 eka.
                Mahele 5— Ka aina o Kauhiakanamee I, he aina taro ma ka aina kula ma Kaluaopulu, Kalihi, Oahu. Kona ili he 1 75-100 eka.
            Mahele 6— Ka aina o Kauhiakanamee II. He aina mahi kalo ma Kaluaopulu, Kalihi, Honolulu, Oahu, kona ili he 1 57-100 eka.
            Mahele 7— Ka aina o Kauhiakanamee III. He aina mahi taro ma Kaluaopulu, Kalihi, Oahu. Kona ili he 2 10-100 eka.
            Mahele 8— Ka aina o Kauhiakanamee IV. He aina taro, ma Kulauaepulu, Kalihi, Oahu. Kona ili he 3 60-100 eka.
            He maikai ua palapala aila. Na ka mea kuai mai e uku na lilo no ka hana ana i na palapala. No ua mea ano nui e ninau ia Ce cil Brown, Esq. E. P. ADAMS, Luna Kudala. Honolulu, Feb. 17, 1879. 899 4t

            MA ke Keena o ka Lunakanawai Kaapuni Apana Elua, o ko Hawaii Pae Aina. Ma ka waiwai o Joseph B. Hirst no Haiku, Maui, i make. Ua heluhelu ia, a ua waiho ia ka palapala noi a C.H Alexander, e noi ana e hoopono ia ka palapala kauoha hope loa J. B. Hirst, no Haiku, Maui, i make, a e hoopiha ia ka palapala hookohu iaia a me Robert Mitchell i Luna hooko kauoha.
            Nolaila, ke kauoha ia aku nei na kanaka a pau ke pili, o ka Poakahi, oia ka la 10 o Maraki. 1879, ma ka ho ra 11 a. m. ma ka hale hookolokolo ma Makawao, oia ka la a me kahi i koho ia no ka hoolohe ana i ua nonoi la a me na mea kue ke hoike la.
ABR. FORNANDER,
Lunakanawai Kaapuni Apana Elua. Lahaina, Feb. 11, 1879. 899 3ts

Kuai a ka Ilamuku.

                MAMULI o ka pono o kekahi palapala i hoopuka ia e ka Aha Hookolokolo Kiekie, no Weloula k, kue ia Puno-waina K. Pooila w, a me Hoopii kana kane, no na dala he T40 35-100. Ua loaa mai ia'u ka pono no ke kuai aku ma ka Poaono, oia ka la 29 o Maraki, A. D. 1879, ma ka hora 12 o ke awakea, ma ke alo Iho o Aliiolani Hale, i na pono a me na pomaikai o ka poe i hoopii la i olelo ia, i kela apana aina a pau e waiho ala ma Wananalua, Hana, mokupuni o Maui, no-na ua eka he ehiku. Sila Nui Helu 3108, a me na kuhikuhi i hoike ia maloko o ka buke kope o ke Aupuni, Helu 31 ma ka aoao 315. O kekahi mahele o keia aina. aia no ma ke awa ku moku o Hana. A pela pu no hoi me na 10 M pili hale a me kekahi mau papa manoanoa a me kekahi mau papa liilii. I hoikeia hoi me ka buke 48, aoao 256, ala wale no ke koe o keia, a uku mua ia mai na dala i hoike ia a me na lilo e ae a pau. W. C. PARKE, Ilamuku. Honolulu, Feb. 21, 1879. 899 5t

PAPA KUHIKUHI MANAWA HOLO
O KA
MOKUMAHU HAWAII
"LIKELIKE,"
KAPENA. REYNOLD.

Poalua Mar 11. hora 5 pm................Kaapuni ia Hawaii
" 18 " ..............................Hilo
" 23 " ..............Kaapuni ia Hawaii
            AOLE AIE NO NA UKU OHUA !
            Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pooo; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
            HE KUIKE KA UKU UKANA.
            Ma na ukana a pau a na makamaka, e pono e uku mua ia A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
            E hoailona ia me ka moakaka na Pahu Rama a me Waina.
            O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
            O na koina no na pilikia a me na poho, e pono e hoike koke ia mai iloko o ka malama hookahi.
            Aole e ae ia na hookele kaa, na keiki a me na mea like, e pili iluna o ka mokuahi i ka wa e pili mai ai i ka napo, aia wale no a pau na ohua eepakeke i ka lele.
            No ke ake nui e hoopomaikaiia ka lehulehu kaahele, ua hoololi ae nei na ona o Likelike i ka Papa Hoike Manawa o ia Mokuahi e like me maluna.
            Ma ka Hale Oihana e loaa'i na Palapala.
            Aole koena o hope e lilo, aia wale no a kaa mua mai ka uku moku. Aole e ili ka hewa no ua paiki, ukana a puolo paha, ke ole e kakauia ka loaa ana mai. E hookaaia ka uku ukana ia wa e noiia aku ai.
WILDER & CO.

Nuhou o ko na Aina e
[Koena mai kela pule mai.]

                Iloko o ka makahiki 1800 ua holo aku ka Moi Lui Pilipo i Enelani.a mahope iloko o ka makahiki1848. ua loaa ia ia keia olelo kaulana "waiho kaiwi o kamahele i ke ala." Iloko o ka makahiki 1803 ua holo aku o Jerome Bonaparte i Amerika e hoonana ai i kona aloha a a mare oia me ka ui o Balatimoa, (Baltimore.) a i kona huli hoi ana i Europa i ka makahiki 1805, ua hahai mai o Miss Betsey Patteson no ka huhu o kona kaikunane i ke Kama'lii wahine o Wurtemburg, ka mea hoi a kana kane i haawi ai i ka noho alii o Wesphalia. A o kekahi hoi o na Bonapati oia o Iosepa, ka Moi o Napela a me Sepania, ua hiki oia i Amerika mahope iho o ka pau ana o keia kaua nui o Waterloo. a mahope mai ua huli hoi mai oia no ka pilikia mai o kekahi o kona ohana oia hoi ke Duke o Reichstadt. A i ka makahiki 1837, holo hou no ia i Amerika a pela no ia i noho ai malaila a hiki i ka makahiki 1839. Aole i hele pu kana wahine me ia, aka, o na kaikamahine nae elua, oia o Princess Zenaaide a me Karote kai hele pu, a mahope iho lilo ihola ka hoopo-nopono o kona ohana a me kona hale i kena hunona ia Charles Bonaparte, o kekahi ia o na mea i mahalo ia a he mea nui no hoi i ko Nu Ioka poe.
            A o M. Mailiard hoi ka mea i ike ia he mea hoolakalaka lio, ka i mare i ke kaikuahine o Samuel Ward.
            A mahope hou mai hiki hou aku la i Ame rika kekahi o na Bonaparte oia hoi o Lucien ke keiki alii o Canino.
            He elua mau keiki a Mu rata i hiki ma Amerika mahope iho o ka make ana o ko laua makuakane, a holo aku laua a pae aku la ma Felorida. O kela Napoliona Lucien Charles he alii uilani ia o kona manao, nolaila, ua holo hou no oia i Amerika a mare ia oia me ka moopuna a Wasinetona, a make oia ma Tallahassee i ka makahiki 1847. O Napoliona Lucien Charles he kanaka uhauha a he piha i ka lealea, a me kona ake e make o Joseph Bonaparte, aka, ua mare ia oia me ke kaikamahine a ke kiaaina o Sekotia, oia o Miss. Fraser, a ua hoi pu aku la laua i Farani i ka makahiki 1848. Ia laua e hoi ana maluna o ka mokuahi, aole loa e hiki i ka poe a pau o luna o ua moku nei ke hiamoe no ka nonolo o ka pukaihu o Joseph Bonaperte, a hiki laua i ka aina lohe iho la ia i ke kau ana aku o kekahi o kona hanauna i luna o ka noho Imepariala o Farani, a mahope iho make aku la ke Keiki alii Paresdena a haalele iho la he wahine a me na keiki elima. O kekahi o keia mau keiki oia no ke Kama alii wahine opio Anna, ke Duke wahine o Mouchy, ka mea hookipa hoi i ke Keiki alii kane a me ke kaikamahine alii o Wale. Ua hiki aku no hoi i Amerika ke Keiki alii Peresidena i make i ka makahiki 1837 a waiho aku oia i kekahi mea hoomanao ma ia kulanakauhale, a huli hoi aku oia no Europa a ike oia i kona makuahine e waiho ana ua make.
            I ka makahiki 1842, ua hiki aku ke Keiki alii o Joinville ma Amerika iloko o kekahi mau makahiki pokole mamua iho o kona hoihoi ana mai i ka lehu o ke kino make o Napoliona ekahi mai ka mokupuni mui o Sana Helena.
            A ua huli hoi hou aku no me kana keiki ke Duke o Penthiervre a me ke Duke o Chartres a me ke komite o Parisa.
            O ka mea nona ka inoa mua oia ka i komo i ka oihana kaua o Ame rika, a o kekahi mau mea ino elua he mau ukali laua no Generala Makalelana.
            A mahope iho, me he mea ala o ka wa kupulau ia o ka makahiki 1860. Ua hiki aku ke keiki alii o Wale i Amenka, e kaahele ana mai Kanada a me na wahi a pau o Amelika ma kona ano he keiki alii nui a ua hookipa ia oia me na ike alii ana he lehulehu.
            A he manawa pokole iho no hoi mahope iho, ua lanakoi ae la hoi ka puuwai o ke keiki alii Napoliona a me kana wahine, e holo aku hoi e ike i na lalani mauna Pohaku ma ke komohana o na lalani puu hoi o Kumebelana ma ka Hikina o Amerika.
            A o ka Moiwahine kane make hoi Kaleleonalani, ua hiki aku oia i Ame rika i ka makahiki 1866 e kaahele ana hoi mai Kapalakiko aku a hiki i ke kulanakauhale o Nu Ioka, ma kona alahele i Enelani, oiai oia ma Amelika, ua hoike ae oia i kona ano haipule a me kona ano naauao.
            He elua hiki ana o ke Duke o Edineboro i Amelika. Ma ka la 19 o No vmaba, o ka makahiki 1871 ua hiki aku ke keiki alii ke Duke nui Alexis ka mea hoi a na kanaka o Na Ioka e hoopoina ole ai.
            Ua huli hoi aku oia i ka malama o Feb. o ka makahiki 1877 me kona kaikaina, ( cousin) ke Duke o Konatanatine. A ma ka malama o Novemaba o ka makahiki 1864, ua holo makaikai aku ke alii ka Moi Kalakaua he manawa pokole wale no mahope iho o ka make ana o Lunalilo. A mawaena hoi o ka poe makaikai i ka Hoikeike nui o Amerika, me he mea la o Don Carlos ka mea hoonioni i ka noho alii o Sepania.
            Ka Emepe ra wahine o Berazila ka i hiki aku i Na Ioka i ka la 15 o Aperila, a me he mea ala o na mea hope loa paha ia ma ka mahele aina nui o Amerika Huipuia.

Makemake o Rusia e aie.

                Ua hoike ia ae maloko o ka nupepa Zietung o Rusia e pili ana i ko Rusia makemake e aie, penei; Ua ae no na aupuni o Europa e hoolako aku ia Rusia i ke dala, i na e ae o Rusia i ko lakou makemake oia hoi ko Rusia unuhi ana aka i kona mau puali koa mai ka lepo aku o Tureke, a aole no hoi ia e komo aku i keia kaua e noke mai nei ma Asia ; a i oa e ae aku ke aupuni o Rusia i keia, alaila, aole e hoole ia aku kona makemake.

Ke Keiki Alii no Balagaria.

                Tienora.— Ua hoopanee ia ke koho ana o ka Ahaolelo i keiki alii no Balagaria; a o ka mea nae i manao wale ia e lilo i keiki alii, oia no ke keiki alii Alekanedero o Batenabuga.

Ki ia i ka pu.

                Kana dahara.—Ua ki ia i ka pu o Mekia Sana Ioane, ke alakai o na koa Beritania ma ke alanui e kekahi kanaka Afegana, a aole nae i poino. A e ka Lutanela nae o ka puali pukaa o ka Moi nae kai eha mahunehune me kekahi mau koa elua.
            Ua haule ka Hooilina o ke Kalaunu o Ge remania mailuna mai o ke kaa lio ma ke alo iho o ka Hale Alii ma Berelina, aole nae i manuheu ino loa.
            Mai kekahi mea kakau mai Parisa mai, penei; Ua hopu ia kekahi wahi keiki no kona hoao ana e lawe i ke ola o Gambetta.
            Ma ka ma re ana mai nei o ke Kaikamahine a ke Duke nui Mikaela, ua hookani ia na hele o na Halepule iloko o na la ekolu, ma Sana Peteroboro.

Ke kaua hahana me na Ilikini.

                Papu Ro binesona.—He kaua hahana ka i hoouka ia mawaena o na mahele 4 o ka puali koa kaualio helu 3 malalo o ke alakai ana a Kepena Wessels. O keia mau mahele 4 ua mahelehele ia lakou ma na laina penei; O ka mahele F. ia Lutanela Baxter, e nee ana ma ka hema a i ka hikina akau ; mahele H. malalo o ke Kapena Wessles ma kela aoao mai ia, mahele E. malalo o Kapena Sawsen, ma ka waha mai ia o ke awawa, kahi hoi a na ilikini e manao ai he wahi ia no lakou e pono ai. A o ka mahele A. hoi e nee ae ana oia ma ke kua mai, ka apua hoi o ua poe ilikini nei e oili aku ai a pakele; a ike ia aku la na ilikini e puuluulu ana i kahi hookahi me ka ponalonalo ole.
            Oiai, na mahele koa Ame rika e ku mamao aku ana he hanerikanalima anana mai na kanaka hihiu mai.
            Ia manawa e iliki mai ana na ilikini i ka lakou mau mea make, a make iho la ke kakiana Taggert, a me Baraunu a me Nelson o ka mahele A. a hele palalu mai la me ka weliweli a loaa mahunehune mai la o Debrisse o ka mahele H. komo mai la no nae ke ano makau iloko o na puali koa, pela ko lakou kakali iki ana a hiki lakou i ke 75 anana, mai ke kulana mai o na ilikini, ia manawa, ua wehe pau mai la na mea kaua ma na aoao a pau me ka weliweli nui.
            I ka wa i mawehe ae ai o ka paa ana o ka uahi o na mea kaua, ua ike ia aku o Kapena Wessles e alakai ana me ka wiwo ole e hooho ana me ka leo hauoli no ke kahea e nee imua, a halawai mai la oia me ke ku pahia ana o ka poka ma kona ili poo mai ka pu panapana mai a kekahi o na ilikini a oia ka mea nana i hoonawaliwali mai iaia. Ma ka hina ana o Wessles ilalo i ike mai ai o Lutanela Chase ke alakai o ka mahele A. holo mai la me ka eleu a hopu ia Kapena Wessles a lawe aku la ia iaia i hope o ka puali koa e hoolei nei i na mea make imua o na ilikini. Alaila, holo aku la ia ma ke poo o kona puali a alakai aku la oia imua o ka enemi me ka wiwo ole a me ke kuemi ole i hope, me ka hooili kaua me na enemi me ka weliweli. He manawa pokole mahope iho, ua loaa ia Kapena Wessles he oluolu iki, hele mai la oia ma ke alo, a ike iho la oia i ka waiho mokaki o na kino make o na ilikini, ia wa i kena ae ai ia i kona mau koa e hoopau i ke ki pu ana, i mea e ike ia aku ai ke koena o na ilikini, alaila, kii aku e hoopuni a lawe pio mai ia lakou.
            Aka, mahope iho o ka pau ana o ke ki pu ana a na puali koa, ia manawa, ua holo maila na ilikini me na pahi i loko o na pualii koa me ke kuihe ole a lele mai la e oki, mamua ae o ko lakou lawe pio ia a me ka make; oiai lakou e nee mai ana imua, ia wa ua loaa ia lakou he wahi e puka ai a pakele, oiai ua hakahaka loa na puali koa a pau loa aku la lakou i ka puhalahio.
            O ke kulana o ka mahele F. a me E. he ino loa, a oiai hoi ko Kolonela E vans me ka mahele B. a me D. e noho paa ana ma kela aoao o ke awawa me ka ike ole mai hoi i ke kulana o ko Wessles mahele koa, a ma ia mea, ua ano ulolohi loa lakou ma ka hana. Mahope iho o ka pau ana o ke ki pu, ia wa i ike ia aku ai na kino make o na ilikini he 23 ma ka lua hoahu pu kau poohiwi a lakou i hoomakaukau ai.

I NA LUNA NUPEPA KUOKOA.

                Ua makemake ia na Luna NUPEPA KUOKOA a pau mai Hawaii a Kauai, i ka wa a oukou e hooili mai ai ia makou i na dala o ka poe lawe nupepa ; e hoike pu mai i ka papa inoa o ka poe hookaa palua mamua ae o ka la 31 o Ma raki i kulike ai me ka makou rula. A i hiki hoi ia makou ke hookaawale pono i na Kii Makana no ia poe.

NU HOU KULOKO.

                LELE I KA PALI—Ma Waihee, Maui, ua lele i ka pali o Ioane Uluhani, ua haihai na wawae, ua poholehole na papalina, a ke waiho la me na palapu a ka mainoino.

            KAPENA BRAY—E haiolelo ana o Kapena i B ray o ka moku " Hokuao" maloko o ka luakini o Kaumakapili ma ka Hora 7 o ka po o ka la apopo.

            KEONI LIKA UA HALI—Ma ka po o ka Poakolu iho nei, mauka o Makiki ua make o John Kerate oia o Keoni Laka. Ua ike nui ia oia a ua kamaaina hoi mawaena o ka hapanui o ka Honolulu nei poe maluna o kona wahi kaa lawe waiu huila lua, aka, ua hala nae kela.

            MOKU KAUA RUKINI—Ma ka po Poaha iho nei, i ku mai ai ma ka nuku o Mamala ka moku kaua Rukini Djiguit iloko o na la holo he 38 mai Valeparaiso mai, a ma ke kakahiiaka Poalima i komo loa mai ai oia iloko o ke awa lulu o Kou nei.

            MAI PAU PEAPEA I KE AHI—MA ke ahiahi Poalua iho nei, oiai ka mokuahi " Likelike " e hoomakaukau ana no ka holo ana no na awa ma ka hikina, ua puiwa ae la ka lio kaa o kekahi wahi haole, a holo aku la iwaena o na kaa e ae, a mamuli no o kona eleu me ke kokua ana mai a kekahi kanaka ua pau ka pilikia, i na la ua pau Peapea i ke ahi.

            MAI LAHAINA MAI—Mai ka peni mai a S. K. Kalaikini i ike ai makou, ua pae nui ae na ano ia he nui ma Lahaina, a he mea haohao ka ia na ko laila kini. E hai pu mai ana no hoi aia wale no maluna o na waapa huelo boti e holo ai ko laila poe lawaia, aole hoi maluna o na waa maoli; pau io aku la ka nu kahiko o na waa lawaia malaila.

            POHOLO I KA WAI A MAKE. —Ma ka auina la o ka la Sabati aku nei i hala ua poholo kekahi kaikamahine uuku nona na makahiki 4 a oi aku ma ke kahawai o Kaluaolohe ma Kamoiliili, a make loa; o ke kumu o keia pilikia, oia no ka malama ole o na makua i ka lakou mau keiki, a lilo ma na holoholona ka hiipoi ana. Aloha wale ia opuu i mae aku la.

            E KUHIKUHI MAI —I KE KUOKOA Aloha oe:
— E hoike ae oe i keia i ko kakou mea wehewehe Kanawai. E nana i ka mokuna 1 pauku 3 o ke Kanawai Karaima, noloko mai oia pauku i puka mai ai keia ninau. 1. "Heaha na pono ike ole ia o ke kanaka ?" Owau iho no me ka mahalo.
W. EUAE.
Kalapana, Puna, Feb. 21, 1879.

            MAI WAIMEA HAWAII MAI. —Ma ka leta a J. H. Kaluaokeala makou i ike iho ai, he nui ka ke anu ma Waimea, Hawaii, iloko o na mahina i hala ae nei. A e hai pu mai ana no hoi i ka pii o ke kumukuai o ka lio, a me ka bipi malaila, aole hoi e like me ko ke au i hala, pela no, no ka mea, he wa ko na mea a pau.

            NA KANAWAI O KE OLA KINO. —Ma ka aoao mua o ka pepa o keia la ke hoopuka aku nei makou i kekahi mau manao e pili ana i ke ola kino e like me ka makou i hoolaha aku ai mamua. A ke nonoi aku nei makou i ka lehulehu o ko makou poe heluhelu e heluhelu akahele i kela mau manao, a e loaa no kekahi mau ao maikai ana mai laila mai, a he mau manao waiwai hoi i kupono ke hoopaa ia.

            HE NANE EEHIA. —Elua a'u mea e manao nei, o ka mua, he mau hua palapala, o ka lua, he mau huahelu. O ka hapa mua o na hua palapala, ua huhu mai ia ia oe, o ka hapa hope o na hua palapala, ua hoalii mai ia oe, o na huahelu kona mea ia e piha pono ai kona inoa. O ka huina mai na hua palapala a na huahelu, he koa e kiai ana ia oe e ke alii. Eia ka ninau, owai la ua koa kiai la ? E hai mai i ka haina o ka naue me na wehewehe pololei. DANIEL KAUA.
Maemae, Mar. 7, 1979.

            MAU KANAKA PAAHANA. —Ma ka hui mahiko o Haiku, Maui, ua malama o Sila Kaiaiki he mau eka ko he 120 malalo o S. T. Alekanedero, ua uku ia oia he $40, no ka eka. A o ka lua o na kanaka, oia o Kawahahee, ua hana oia ma ka hui mahiko o Hamakuapoko malalo o Rowell, a ua loaa mai no ka uku o ka luhi ana. He kumu alakai maikai keia no na Hawaii e ae. Pela mai nei ka leta a E. Helekunihi o Hana ia makou.

            MOKUAHI HOU O WAILA. —Ua hoouna mai nei o Samuela K. Kalaikini o Lahaina, Maui, i kana mau inoa i manao ai no ka mokuahi hou o S. G. Waila. Eia ua mau inoa 'la. Kamehameha, a i ole ia, o Kinau, a i nele hoi ia inoa, o Kaiulani, a i neo hoi ia, alaila, eia kana inoa hope o Honolulu Kuu Pohaku. Aka o kana inoa nae i hilinai ai oia no ka inoa ekolu, oia o Kaiulani. A ke nonoi mai nei e hoouna aku i kona palapala ae holo wale no ka makahiki hookahi e like me ka Olelo Hoolaha e pili ana i ka mea nana e hai pololei i ka inoa o ua mokuahi 'la.

            NA PAKA UA ELOELO O KA HOOILO. —Ma ka po o ka la 17 o Feb. ma Kawela, Molokai, ua haule nui mai la na paka ua eloelo o ka hooilo. Ma ka la 18 ae, ua lohe ia'ku na leo kupinai o ka lehulehu e hauwalaau ana no ke komoia ana o kekahi mau hale e ka wai. Ekolu mau hale i komoia e ka wai, ko H. Peelua, ko Pihi, a me ko Lukela, ma ka hale o Pihi 3 kapuai ka hohono o ka wai maloko. Pela ka lono i loaa mai ia makou mai a J. M. Maunaloa-opio mai oia wahi no.

            MAI KOHALA MAI. —Ekolu mau hale i pau i ke ahi ma Makapala, Kohala Akau. Hawaii, ma na manawa like ole. Ma ka la 29 o Ianuari o keia makahiki, ua paa ka hale o Paumano, ma ka la 10 o Feb. Ua paa i ke ahi ka hale o Ehu, a ma ka la 22 o Feb pau no hoi ka hale o Pialu. O ke kumu o keia pilikia, o ka hoohemahema o na makua i ke ahi koe. He nui na olelo ao no keia mea. Ma ka la 24 mai no o Feb. ua pau kekahi luahine i ke ahi o Uluhani ka inoa. O ke kumu, ua ho-a oia i ke kukui aila bipi, a hiamoe aku la, a i kona oni ana pa aku la ua ipukukui nei a hina, ua a ia ke kihei, i kona ala ana e kinai, oia ka wa i pau ai kona papaplina a me kona poohiwi a hiki ilalo o kona puhaka, a he ano manaonao ke ike aku. Pela mai nei ka leta a G. W. K. Keawehala o Makapala, Kohala ia makou.