Ka Nupepa Kuokoa, Volume XVIII, Number 9, 1 March 1879 — Page 4
KA NUPEPA
Kuokoa me ke Au Okoa
I HUIIA.
No ka Makahiki. -$2 Eono Mahina, $1. Dala Kuike ka Rula,
MA RAKI 1, 1879.
NA Mi siona.
Nu Guinea. Aia no ia ma ka akaa aku o Auseteralia. Ilaila no kekahi mau misio-nari mamua aku nei. 200 kauhale ana i hele ai. 90 kauhale, akahi lakou a ike i ke kanaka keokeo. Ma ke kauwahi ua oluolu no na kanaka. Ma ke kauwahi nae. ua hihia loa na kanaka, a alualu lakou i na misionari me na newa, na ihe, a imi e pepehi ia lakou a kalua i mea ai. He ono ka io o na haole, wahi a lakou. Uwao nae kekahi mau alu oluolu, a hoopakele i na misionari.
Eia ke ano o na kanaka olaila. Kalua lakou i ni poo o na enemi i loaa na iwi poo maemae no na wahi laa.
Hookahi Uhane Nui. Palaka Bala. Aia kona wahi ma na mauna. Ko lakou akua hoomana ia. He wahi laa hookahi ko kela, ko keia ohana. Malaila lakou e kaumaha ai i na mohai na na uhane o na kupuna, na mea a lakou i makau nui ai. I na he mai, he wi, he make, na ua mau uhane la mai ia. a pono ke hoolauleaia.
Ma ia wahi 1 ia i pepehi ia'i na puaa, i mau mohai na ku uhane nui. Noni ke koko. No ka ohana nae ka io. Ua kau ia na iwi poo o na puaa nia na hale. I na he ahaaina hale hou, ua hookokokeia na inea ai i na iwi poo puaa, alaila pule lakou.
Na na uhane o na kupuna i hoopiha i na hale i ka ai, a peia aku i ka makani i ole e hina na hale.
Na ka uhane nui i hooulu ka ai, a nana i mohai ia'i kekahi mau mea ai.
Aia a make na kino, lawe na uhane i waa a holo ma o aku o ka lokokai, a pii i ka mauna kahi e ola pomaikai ai me ka hana ole, me ka lako i na mea oi, a liula a ao ku po, a hoomaha a po ka la.
Aia a make kekahi, ua manaoia na kekahi uhane i pepehi no ka huhu no ka loaa ole o kekahi mau hua ai. Mahope iho, lawe ka ohana i puaa a pepehi, a olelo i ka uhane. E oluolu oe e lawe i keia puna nau. A eli ia ka lua kupapau, akoakoa na makamaka, na hoahanau, a olelo i ka uhane, Ua huhu oe a ua pepehi i keia keiki no ka loaa ole o na hua ai ia oe. " Ke mihi nei makou i Uo makou hewa, a ke nonoi aku nei ia ne e kanu i kou huhu. " A mahope iho, kanu lakou i ke keiki ma ka lua.
THE INDEPENDENT.
Inedia (Hinedu.) Ua akaka ia aina. He misionari kai palapala mai. Mohena, he kahuna pule hoomanakii, ikaika loa kona kue ana ia'u ma ka ke Akua olelo. Loohia kana wahine i ka mai. Kii oia i na kauka Hine dia a pau e lapaau 'a ia.
Mau nae ka mai. Hoao oia i ke kauka misionari. Lapaau oia a ola ka wahine.
Loli ka manao o Mohena. Kuhi o'u mamua he poe lapuwale na misionari, Eia ka, he poe mana, ua ola ka'u wahine i ka lakou laau.
Ke ala no ia o ka noonoo o ka huli i na buke misionari. Mahope iho, huli mai oia me kana wahine, me kana kauwa, a lilo i mau hoahanau, a lilo o Mohena i haiolelo ikaika no ka aoao Karistiano oiaio. A nui loa ka poe hele e hoolohe i kana haiolelo ana. Hoike oia i ka wahahee o na hana kupanaha a na akua Hinedu, a me ka oiaio o na hana kupanaha a-lesu Kaisto. A hai uku i ke kala ia o ua hewa, a me ka hoomaemae ia, ma ka make a me ka uwao ana o Iesu.
Ke ala koke no ia o ka hoomaau ana. Hookukeia oia mai kona hale aku me ka lepo a me ka pohaku. Kipaku kona ohana ia ia iwaho. Aole i ne ia e huki i ka wai inai loko mai o kekahi luawai o haumia ia luawai ia ia. Hao ia kona waiwai a pau. Puhiia kona ano kii i ke ahi, a hooneleia i na mea a pau, koe nae kana wahine.
Na na misionari i hookipa ia ia u pau keia haunaele nui. Aole nae i loihi ia hoo-maau ana. Ua pau, a ke hana nei Mohena i ka ke Akua hana me ka maluhia no keia wa.
He mea nui ka mana wahine ma na ohana Hinedu. A o ke kumu naauao nui i keia manawa keia. Pehea la e lilo oi na wahine Hinedu i poe naauao?
Ke ano o ka oihana mare ka mea keakea nui i ka pii ana o ka naauao.
Ma na wa wi, e like me na makahiki elua i hala, kuai na makua i ka lakou mau keiki no ke dala hookahi, a peka kulina hookahi no ke keiki hookahi. Ua kuai ka Hinedu mea papa kiekie i mau kaikamahine uuku, mai ka lima a i ka umi makahiki no ko dala pakahi. Hou oia i na ihu me na pepeiao a hookomo i na apo, pena i na lae, a kuai aku i ka poe mea papa kiekie me ki hoomahuahua nui i ke kumu kuai.
Kuhi ka poe kuai, he mau kaikamahine no ia papa kiekie no lakou. Aole ka. No ka papa haahaa loi lakou. Aole liuliu a hooma re ia ua mau kaikamahine nei. Ua ao ia na kaikamahine, o ka mare ana, oia ka mea nui. Nolaila, imi na makua i mea e ma re koke ai na kaikamahine.
Ka mare no ia o lakou ma ko lakou wa kamalii a lilo i ka malama ohana, me ka loaa ole o ka manawa e ao ia'i ma na kula. He Aha kinai ona, kinai rama i kukuluia ma Hinedu mamua aku nei. A holo pono no ka lakou hana. Nui wale ka poe i hoopakele ia mai ke kalua ia ana mai.
Aka, ma keia wa, ua emi ka hana a keia Aha. Nolaila, e mahuahua hou ana paha ka ona, NEW YORK OBSERVER.
Lo! Reapers of Life' s Harvest!
Go spel Hymn, No 2. Him. 17.
l E ala na pahana,
Ka poe ohi nei.
E ala a hoolana,
Mai hiamoe e.
Ua oo na mei ulu,
Ua keokeo mai.
Hookomo i na pahi,
A ohi koke ae.
2 Ua ao, ua awakea,
Ke ani nei ka la.
Eia ae ke ahiahi,
E pau ka molowa.
E ala, a e hana.
Mai kali ae no hoi.
E ohi i ka hua,
A pua ae a maikai.
3 E ohi ma na mauna,
A ma na puu omao.
Ke puka ke alaula,
A poha mai ke ao.
Mai ku a awakea,
A ahiahi mai;
E ohi no ke wela,
Ke ua, ke laelae.
4 E ohi ma na awawa,
A ma na kula no,
Ma o, ma o a puni,
E ohi no a mau.
E ohi i na keiki,
I na makua pu;
A loaa no maluna
Ka lei olino mau.
HAWAII.
Haawina Kula Sabati
HELU 11. SABAT1 MA R. 16, 1879. KUMUHANA.
Ku olioli iloko o ka Hale o ke Akua. Pauku Baibala Hal. 84 ; 1 — 12. NANI wale kou wahi noho oi, e Iehova o na kaua !
2 Iini ko'u uhane, no na hale o lehova ; Kahea aku no ko'u naau a me ko'u kino i ke Akua, i ke Akui ola.
3 Ua loaa i ka manu liilii ka hale, A i ka derora hoi, ka punana,
Aia ma kou mau kuahu, e lehova o na kuua,
Kahi e waiho ai i kana mau keiki, E kuu alii a me ko'u Akua.
4 Ua pomaikai ka poe e noho la ma kou hale ;
Ua mau loa no ko lakou halelu ana ia oe. Sila.
5 Pomaikai ke kanaka i loaa ka ikaika ia oe,
A me ka poe i paa na alanui maikai iloko o ko lakou naau.
Ia lakou e hele ae ma ke kahawai o Baka.
Hoolilo lakou ia ia i waipuna ;
Na ka ua hoi e hoopiha i na punawai.
7 Hele no lakou, mai kela ikaika, a i keia ikaika aku.
E ikeia mai lakou e ke Akua ma Ziona.
8 E lehova ke Akua o na kaua, E hoolohe mai oe i ka'u pule ;
E haliu mai kou pepeiao, e ke Akua o lakoha. Sila.
9 E ke Akua, e nana oe i ko makou palekaua,
E ike hoi i ka maka o ka Mea au i poni ia.
10 No ka mea, ua oi aku ka maikai o ka la hookahi ma kou hale mamua o ke tausani.
Ua oi aku ko'u makemake i kiai puka ma ka hale o ko'u Akua.
Mamua o ka noho ana ma na halelewa o ka poe hewa.
11 No ka mea, o lehova, ke Akua, he la no ia, a he palekaua ;
E haawi mai no o Iehova i ka lokomaikai, a me ka hanohano ;
Aole ia e aua i kekahi mea maikai i ka poe hele ma ka pololei.
12 E Iehova o na kanaka.
Ua pomaikai ke kanaka hilinai aku ia oe.
Pauku Gula pauku 4, hoopaanaau.
Mele. Him. 407. " Nani loa kou kauhale." p 1, 2, 3.
Pule i mahuahua ka poe i olioli iloko o ka hale o ke Akua.
Aa Wehewehe me ka Ninau ana.
I akaka ke kumu o ke kakau ana i keia Halelu e nana ia Halelu 63, a ia 2 Sam. 15; 13—18, 23, 25, 28, 30. 16 ; 2, 5. 17 ; 22, 24.
Ua kakau ia ma Halelu 84 me Hal. 63 no ka manawa i mahuka aku ai o Davida mai lerusalema aku i pakele oia i ka pepehi ia e Abesaloma kana keiki kipi. No ia wa hookahi paha Halelu 42. me Hal. 143. Pela ma ka naua aku. Mahope o ko Davida mahuka nua, ua kaawale oia mai ka hale o Iehova, a mai ka pahu berita aku, a hiki i ka wa i pau ai ke kipi ana, a hoi hou oia Ierusalema. Ma ia manawa kaawale kona iini nui ana no ka hale o ke Akua.
P, 1. Heaha ka mea naai wale? Ka hale lewa keia, kahi i hoomana ia'i o lehova, kahi i waiho ia'i ka pahu berita kahi i Ini ia mai ai ka manao, ka olelo a ke Akua. He wahi ia i aloha nui ia e Davida. Ieho va o na kaua, na kaua, o na puali lani paha ia, me na puali koa a pau o ka honua nei.
P. 2. Heaha ka Divida i imi nui ai? Aia mahea oia ia wa? No ke ahi kona noho ana ma kahi kaawale aku, a hiki ole ke hele i ka hale o lehova? Me ia anei ko ou-i ana, ke inai, a hiki ole ke hele i ka luakini ? Ina hiki ole ke hele i ka luakini maoli, heaha ka luakini kokoke loa a hiki ke komo ? Kahea Davida me keaha ? A ia wai? Ke Akua oia, ke Akua naa* inai ke ola, ke Akea ola. Uke o& EC na ohua kv. oa mea oia o.**.
P. 3. Heaha ka i loaa i na manu liilii? a i ka derora hoi? Derora, he mana liilii no e pili ana i na hale, i na pa hik a hani no i na panana maloko o na hale, o na laau o na pa hale. Aia mahea kekahi hale a punana a kahi e hoomoe ia'i na manu keiki? Koa mau kuaha, oia paha na pa, na lanai e pili aoa i na kuahu o ka hale lewa. la wa ua oi ka pomaikai o na manu i ko Di-vi da. Ua pili lakou i ka hale o lehom. Ua kaawale aku Divida. Ake oia e loaa hoa ia pomaikai.
P. 4. Owai ka i pomaikai ? Ua like anei ko oukou manao me ko Divida ? Ina malaila ka pomaikai, no keaha ka hele ole o kekahi poe i ka hale o Ieho va ? No keaha hoi ka makemake e pau koke ka halawai, ke kula Sabiti ? Heaha kekahi hana nu ka hale o ke Akua? He poe halelu anei oukou apau ? Ua lako anei i na buke himeni ? Ua loaa anei na leo mele ?
P. 5—7. No ka poe e hele ana i ka hale o lehova keia mau pauku. Hele huakai lakou mai na wahi loihi, a ma na wahi ino maloo wai ole waonahele, n i ka hale o ke Akua, no na ahaaina makahiki, a no na halawai malama, halawai hebedoma paha. Nohea ko lakou ikaika? Mahea ka manao, ka naau ?
Ma na alanui e hiki ai ilaila. Aole makau i ke ino, i ka maloo, i ka waonahele. Hoomanawanui no, a hauoli no, no ka mea, ua ala ia e hiki ai lakou i ka hale o Iehova, ka mea i makemake nui ia. Kahawai o Baka, he awawa wai ole paha, wai awaawa paha. He laau paha o Baka, he awa-wa paha, he awawa o ka uwe ana, no ke ino paha o ia wahi. Loaa no nae malaila he wai puna, he wai ma ka naau mai ke Akua mai, he manaolana, a hele no lakou mai kekahi ikaika a i kekahi ikaika aku a hiki lakou i Liona a i ka hale o ke Akua.
P. 8, 9. He pule keia i ke Akua, e aha mai ? Owai ka pale kaua ? Owai ka mea i poni ia ? Ke Akua no ka pale kaua. Eia ka pololei. E ke Akua, ko makou pale kaua, e nana mui oe, e kokua. Davida ka mea i poni ia i alii no ka poe lseraela. E noi ana oia e nana mai ke Akua, kokua, hoopakele, hoihoi iaia i ka hale o lehova.
P. 10. Pehea ka maikai o ka la hoo-kahi ma ka hale o ke Akua ? Ua oi aku ia i ka maikai o na la ehia ma kahi e ? Ka noho kiai puka. Eia ka pololei. Ka noho ma ka paepae puka o ku hale o ke Akua. Oi ko Davida makemake e noho ma ka paepae puka o ka hale o ke Akua, kahi e hiki ai ke nana i ka maikai o loko, mamua o kona makemake, e noho mahea?
P. 11, 12. Heaha o Iehova E haawi mai oia i ke aha? Aole hoi e aua i ke aha? i ka poe hea? Owai ke kanaka pomaikai?
Mele. Him. 409. " Me wahi e maha'i." p 1,2, 3.
Na Ninau Hoi Hope.
Hai mai ke kumu hana me ka pauku gu-la, Heaha ke humu o ko Davida kakau ana i keia Halelu ?
No keaha kona mahuka ana? la ia e noho ana ma kahi e, heaha kona iini nui? Heaha ko ke kanaka pomaikai a me ka olioli ke hele mau oia i ka hale o Iehova ? Ka puka ia no keaha ? Ala keaha i oiai ka maikai o na manu liilii i ko Davida ia wa ? Mahea oukou e hoomana ai i ke Akua ke kaawale oukou mai ka luakini maoli aku ? A hiki ole hei ke hele ilaila? He alanui aha ke ala o ke ola ? Pono anei ke makau i na pilikia o ke ala ? Nohea ka ikaika e hoomanawanui ai a hiki i ka lani? Nawai i kukulu i ka hale lewa a Davida i iini nui ai e ike ? Mahea ia hale lewa ?
Heaha ko oukou pono no na luakini, a no ka poe i nele i ka luakini ole ? Mahea ka maikai nui ? ina ka hale o ke Akua anei? ma na hale alii puha? Pehea na 'hale nani o keia no ? Mahea ka luakini mau ? Ke imi nei anei oukou e komo ilaila ?
Mele. Hiin. 410. " He nani no ka hale ou." p 1,2,3,5.
Pule no ka poe hele i ka luakini, i ola lakou.
Haawina no Mar. 23 : Hai. 139 ; 1—12.
Hoke kula Sabati.
E KA NUPEPA KUOKOA E; Aloha oe:—
Ma ka la 6 o Feb. M. H. 1879; he hoike Kula Sabati ma Kaipuhao, Kohala Komoha na. me ka malu a me ka oiaio. He ekale-sia uuku keia, a ua holo mua nae na hana. Ua mahele ia i ekolu papa penei: 1, Papa o na kane, no Iosepa ka haawina, o Mr. Kikaleeka ke kumu. 2 Papa o na wahine, no Esetera ka haawina. Aulia Kanaina ke kumu. 3 Papa o na pokii, E. Palea ke kumu, he mau ninau ka lakou no ka palapala Hemolele. Maikai keia poe pokii, maikai m mele a lakou, maikai na haiolelo o lakou, ua hoolana ia na manao o na uhane i hiki mai. Mahope lulu lakou he mau kenikeni ka i kapalili ae i ka poho lima o ke Kahu Kula Sabati oia o Rev. L. Kaiwi, i mea makana no ka poe hele mau. Lako keia kuia i na Baibala, na Himeni, lako na ohana i nele mamua. Ka nui o na huke i kauoha ia ma Honolulu, no ke Kula Sabiti a no na Hoaie, 14 Baibala ili nani kaekae wai gula, 5 Buke Himeni Hawaii ili nani. 6 buke wehewehe huaolelo Baibala, 1 buke wehewehe o Mataio ; he hoailona keia no ka lokahi o ka manao, ua hiki: hookahi no manao. " E huli oukou i ka Palapala Hemolele, oia ka mea hoike no ke ola &c," alaila, e hua mai auanei i ka hua no ka pono.
Aohe mea olioli e ae i keia, i ka ike ana i na hapauea, na ui, a me na opio o Kohala Komohana, e paikau ana ma ke alanui o ka hiehie lani. Hoomau ia i nui ke aho, mai kanalua no ka uuku, aka, e nee, nee imua a h:ki i ka wa a oukou e lohe ai i ka leo hoolana o kela alihikaua lanakila, e i mai ana. " Ua hele mai nei au i aliikoa no ko Iehowa pu*!., " e nana losoa 5: 14.
W. H. NOPOLEMIKA. Kohala Komohana, Feb. G, 1879.
OLELO HOOLAHA.
Castle a me Hatch
O KAKELA OPIO A ME F. M. HATCH, ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima, a me ka Hoaie Dala ana.
W. R. CASTLE, Luna Hooiaio Kope.
Keena Hana, maluna ae o ka Halekuai o Dillingham & Co.
Helu 37, Alanui Papu. 3 6ma
ALFRED S. HARTWELL
[HAKAWELA,]
LOIO a he KOKUA ma ke KANAWAI:
Aia kona Keena Oihana maluna ae o ka Hale Baneko Hou o Bihopa ma. 867 tf
CECIL B ROWN.
LOIO A HE KOKUA MA KE KANAWAI
A He AGENA no ka Hooiaio ana i na Palapala no ka Mokupuni o Oahu. Helu 8, Alanui Kaahumanu Honolulu. H. P. A. 2y
S. B.. DOLE,
HE LOIO A HE KOKUA no na KANAKA ma ke Kanawai. E hiki no iaia ke lawe i na hihia o kela a me keia ano imua o na Ahahookolokolo a pau o keia Aupuni. Keena hana ma Alanui Papu, maluna ae o ka Halekuai o Likikini.
Honolulu, Oahu, Januari 19, 1878 3 1y
RICHARD F. BICKERTON,
[PEKETONA.]
LOIA a he KOKUA ma ke KANAWAI!
E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae. Ua makaukau mau oia i ka hana ana i na Palapala pili kanawai o kela a me keia ano. Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 ly
S. W. MAHELONA
HE LOIO! HE KOKUA A HE PALE
ma ke Kanawai.
UA makaukau au e lawelawe me ka mikioi a me ka eleu lua ole i na hihia a pau o kela. a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Ala Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m
JNO. LOTA KAULUKOU.
LOIO A HE KOKUA.
Ua makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m
DAVID K. MALEKA.,
Loio a he Kokua ma ke Kanawai.
UA makaukau au e lawelawe i na hana a pau U ma keia Oihana imua o na Aha a pau o ka mokupuni o Hawaii. E loaa no au ma ka; hale hookolokolo ma Hilo, a e hooko ia no na kauoha mai na wahi a pau o ka mokupuni nie ka hiki-wawe loa 882 ly oc2G
EDWARD KEKOA.
LOIO ! LOIO ! LOIO !
He Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. 882 1y oc26.
J. KAPOHAKIMOHEWA.
He Loio a he Kokua.
No na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na wahi e ae o ka mokupuni me ka eleu a me ka hikiwawe loa. 883 6m no2
S.M.P . KALEO.
He Loio, he Kokua, a he Pale ma ke Kanawai.
No ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, a i ole ma ka Hale Hookolokolo ma Wailuku. 8841y no9
P. NUI.
LOIO! LOIO!!
O ka Ua Ukiukiu o Makawao, Maui.
Ua makaukau oia e kokua i na mea a pau e helo aku ana i ona ia, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16
HENRY N. KAHULU
Loio a he Kokua ma ke Kanawai.
Ua makaukau no au e lawelawe i na hana a pau ina ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly no16
ASA KAULIA.
Loio a he Kokua ma ke Kanawai.
Ua makaukau au e lawelawe i na haua a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31; a e hooko ia na kauoha mai na wahi a pau o ka mokupuni me ka eleu a me ka hikiwawe. 885 ly nol6
LA.THU RSTON.
LOIO!
WAILUKU, MAUI.
889 6m dec 14
TIMOTHY KALAEONE.
He Loio a he Pale ma ke Kanawai.
IMUA o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Wai-akalua, Koolau, Kauai. E makaala no au i na kauoha me ka eleu loa.
895 1y Jan 25.
J.W.M. POOHEA
He Loio a he Kokua ma ke Kanawai.
No na kauaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai ;a he Ageua Hooiaio Palapala Kope no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o " Kalau-onaona," ma Wawaia, a i ole ia, uia ka Hale-hookolokolo ma Pukoo. 895 ly Jan 25.
OLELO HOOLAHA.
A. McWAYNE,
Hale kuai laau lapaau. A me na Waiala o na ano a pau, me na SOPA ALA o na ano he nui wale. Ma ka kihi o Alanui Papu me Kalepa. 840 1y
DR.RODGERS,
OIA O
KAUKA LOKEKE.
Ua hoonee ae nei i kona keena oihana mai ka hale ae o Ailuene ma Monikahana a iloko o ka Hale Mu, helu 54 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai. 881. tf
E. STREHZ.
(AILUENE.)
Malaila e loaa ai na ano laau a pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 ly)
E. O. HALL & SON.
(E. O. HOLO MA.)
Na mea kuai i na mea mahiai, Na Lole, Na Pena, Na Aila, a me Na ano Luko e ae a pau he lehulehu wale. 846 Kihi o Alanui Papu me Moi. ly
LOLE MAKEPONO
Ke Kuike.
E LOAA NO IA MA KAHI o
KAKELA ME KUKE!
E LAA NA Ahinahina, Kalakoa, Keokeo, Leponalo, Pena, Aila, Aniani, NA MEA PIULA! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae. Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu MakeponoLoa! MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c. A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU ! 827 3m 839
PAPA! PAPA!
NO
ALLEN & ROBINSON
UA WEHE A E NE I MAUA PA KUAI PAPA
MA
KA UWAPO O PAKAKA
Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me ua Aila Pena! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE. NA LAKO KUKULU HALE O NA ANO A PAU! E KUAHA MA KE KE KUMUKUAI HAAHAA LOA O keia Makeke. ALLEN & ROBINSON Honolulu, Ian 1,1878 840 8m
PAPA, PAPA
AIA MA KAHI O
LEWERS & DICKSON!
(O LUI MA.) MA KE KAHUA KAHIKO MA
Alanui Papu a me Moi!
E LOAA AI NA Papa Nouaiki! o kela a me keia ano. Na Papa Nani a Paa no ke Kukulu ana i na Hale! Na Pani Puka. Na Puka Aniani, Na Olepelepe, Na Pou, Na O-a, Na Papa. Hele, Na Papa Ku, A me na Papa Moe nui loa. NA PILI O KA HALE O NA ANO A PAU. Na Pepa Hoonani, Na Pena o na Wai a pau. Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau. NA WAI VANIKI A ME NA WAI HOOHINUHINU NANI! o na ano a pau loa. NA BALAKI ANO NUI WALE! A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA! E like me ka mea e holo ana mawaena o LAUA a me ka MEA KUAI. E hele mai! E na Makamaka !! A e lawa no hoi ko oukou makemake me ka oluolu a me ka maikai! 845 tf
KOPA KUKAEPELE
A
GLENN
AOLE LUA NO EA HOOMAEMAE I KA ILI!
He mea hoopau i na eha, Na Ili Puupuu, A he hoomaemae i na mea ino, A he hoopau Lumatika, A he kopa auau no hoi O keia hopa ka oi aku o ka mea maikai i waihoia mai imua o kanaka. Aole wale no ka Hoopau ana i ka Huehue, Ili Poha, Wela la, Luluaina, a me na mea e ae o ka ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai. O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekehi. O na ohana ame na poe makaikai, ina e hoolako lakou i keia KOPA HOOMAEMAE LUA OLE! ALAILA, UA LANAKILA LAKOU. He hoopau i ka lehu o ke poo, A he Kopa no hoi e kaohi mai ai I ka lauoho mai ka hina ana. Ua hooia nui mai na Kauka no ka maikai o keia Kopa! E loaa no ma kahi o M. McInerny. Kihi o na Alanui Papu me Kalepa