Ka Nupepa Kuokoa, Volume XVIII, Number 9, 1 Malaki 1879 — Page 3

ʻaoʻao PDF (1.62 MB)

LIHILIHI mai ka elima keneta aku no ka i-a
LIPINE MAI KA ELIMA KENETA AKU NO KA I-A
Halekuai Hou ! !
CALIFORNIA ONE PRICE BAZAAR
Waiwai hou ! Kumukuai hou!

                HE MAU MAHINA i hala ae nei o ke kali ana ua loaa ia mai na KUAI KUDALA NUI A NA ILAMUKU. NA POE KALEPA NUI i poho (Banekorupa), a me ka na LUNA HOOPONOPONO WAIWAI KUAI, MAI PARISA, LADANA, NU IOKA A ME PILADELEPIA MAI, NA ANO Paikini maikai hou loa o na Keonimana! I AKAHI NO A HIKI I HAWAII NEI. Parisa, Ladana, Nu Ioka, Piladelepia EIA NA KUMUKUAI: E HELUHELU A NOONOO!!! Na A-i-kala Lilina ano hou…...20 keneta pakahi |Na lolewawae i umii ili ia …..75 keneta pakahi Na Palule keokeo alu Lilina ….…..$1.25 pakahi Na Kakini Kane o na ano a pau, 12 ½ keneta pa Na Palule hapa Lilina ano hou , 85keneta pakahi kahi wale no Na Palule Papamu hou ………....…$1.00 pakahi Na Palemai kane o na ano a pau, 65 keneta pakahi Na Palule Kalakoa ano hou loa,75 keneta pakahi |Na Bo a me na lei A-i Kilika, 25 keneta pakahi Na Hainaka Lilina, mai ka 12 ½ keneta pakahi aku Pela me na Kakini o na ano like ole i hana ia i ke KILIKA HULUHULU a MARINO o na Wahine, Kane, Keiki,--MA KE KUMUKAHI HAAHAA LOA!! Ua manao maua e wehe i ke kuai ana’ku i kela mahina aku nei, aka ua kali iki i loaa mai ma ka mokuahi “Zealandia,”na aon lihilihi hou loa, manoanoa, a lahilahi, mai Farani a me Geremania mai. He nani okoa no hoi na Lole Keokeo Pike, na Kawele Huluhulu, A me na Lopi Huluhulu o na ano a pau. Eia pu no hoi na Kaliki ano hou, na Mikilima ili, na Mamalu, na A-i-kala lihilihi, na A-i-kala pihapiha, na Lei A-i Kilika, na Kihei Huluhuulu paina hou, na Lakeke lima ole, na Lole Keokeo Keiki, a me na Lole paa o na Wahine, - MA KE KUAI HAAHAA LOA!  E KAU ANA KA WELI O NA HALEKUAIPII, Aka, e piha olioli ana ka lehulehu. Maanei no hoi e loaa ai na WAI-ALA kou, loa a me na AILA LAUOHO o na ano a pau, - keu ka puia. E kuai ia aku ana na Waiwai a pau ME KA HAAHAA LOA. MA KA POAONO, DEKEMABA 7, Ma ka Halekuai ‘California One Price Bazar,’ HELU 68 ALANUI PAPU. Dec7-888-3m LIHILIHI mai ka elima keneta aku no ka i-a LIPINE MAI KA ELIMA KENETA AKU NO KA I-A

E NA
LEDE A ME NA KEONIMANA!
o ka
MAKANI APAAPAA O KOHALA.

                E Kipa, E Naue, E Komo, A e ike i aa Nani o kela a me keia ano o na Waiwai Hou Loa i hiki mai nei ma ko maua HALEKUAI MA KAIOPIHI! Ma la ila no e loaa ai ia oukou keia mau Waiwai Maikai malalo iho nei: NA PAPALE WAHINE HULU NANI HOU LOA E PULELO AI I KA MAKANI. Ina no hoi e kau mai i ka poo, aohe i kana mai ua mea o ka Pulelo o na Lipine a me ka luhe maewa o ka Hulu i ke oho makani, nana aku no hoi hele kela a "Kau ka Iwa he la makani," i ka ua mea o ka Nani Lua Ole. oia no oe ia o ka HULU MAMO GULA LELOLELO O KA IU O GOMOHERA. NA KIHEI KUWELU. O keia mau Kihei, aohe i laha ma na Halekuai e ae. ma ko maua Halekuai wale no; ua lawe mai maua no ka Pomaikai o na Lede papalina nohenohea o ua aina nei a ke aloha i anoi ai; ina no hoi oe e Hoani ae ana i ka Aluna Ahiahi. Nolaila, ke kau leo aku nei maua ia oukou, ano wale no ka wa kupono e loaa ai keia mau Kihei Nani ia oukou NA LEI A-I HIPUU KIKEPA O NA KEONIMANA E LINOHAU AI. Ke hoohiolo nei iloko o ko maua Halekuai na Lei A-i Silika o na ano waihooluu like ole he nui, e kau mai ai i ka A-i, aohe i kana mai ke kinikohu. Na Kamaa Hila Aulii a Mikioi o na Kane, Wahine a me na Kamalii. O keia na Kamaa Hila Aulii Helu Ekahi a maua i lawe mai ai no oukou e na Lede a me na Keonimana o ua Aina Haaheo nei. He mau Kamaa keia e uwe hone ai i ka Papa Lohi o Maukele, oio no oe la, o ka Leo o ke Kolohala i ka po Lai. NA WAIALA MOANI ALA LOA. Eia pu no hoi ia maua na Waiala Iliahi Moani Ala Loa no na Hainaka, e unuhi ae ai oe aohe i kana mai ka puia i ke ala me ke onaona. NAKALAKOA Eia no hoi na Lole Kalakoa ke ehu mokaki mai nei o na ano he nui wale. Na Pahu. A pela no hoi me na Pahu Pake, i hele kela a panio lua o waho i ka waniki. Na Moena. Eia no hoi ia maua na Moena Pake, oia no oe la o ka Pawehe o Niihau ka panio. Na Pa, Bola., &c. A eia no hoi ma ko maua Halekuai nei na Pa, Bola, Ipukukui, o ke nui a me ka liiiii, a me na waiwai e ae he nui wale, he hiki ole ke hue pau aku i ka nui launa olle. O keia mau waiwai i hoakakaia maluna, e loaa no ia oukou ma ke kumukuai makepono loa. AKINA & ASEU, Kaiopihi, Kohala, Hawaii, Nov. 9, 1878. 885 tf

Kahikina Nui!
Helu 62 Aaluni Papu.

                $50.000 ka Heluna o na Lole Nani, a me na Lole " Aulii " Maikai, na Lole Kane, na Kamaa Puki, na Kamaa Haahaa, a me na mea nani e ae he lehulehu wale. E KUAI IA AKU ANA ME KA EMI IHO MALALO o KE KUMU LILO. Ua hoonee ae nei o Magnin i na mea nani, a me ua mea maikai a puu o Kona Hale Kuai ma ke Alanui Nuuanu ma na lumi maemae o Kahikina Nui. Ke Ualo aku nei ia i na mea a pau, e kipa ae malaila, a e loaa no na mea " Hoohie," a Hoonani no na la " Kulaia." o kakou o hiki mai: NA LE DE, A ME NA KEONIMANA, Hele mai nui ! Hele mai pau loa . E kuai hooemi aku ana au i na mea a pau mamua o ko'u kaawale ana aku ; no Europa i keia " Kupulau " ae. O ka mea e kuai mai a oi aku mamua o na kauna elua ka heluna, alaila e manuahi ia aku na mea nani no na kane me na wahine. 890 tf B. MAGNIN.

KAUKA T. P. TISDALE.
HOMEOPATIKA.

                AIA kona keena a ma kona wahi noho ma ke alanui Beri tania, mawaena o ka halepule o Kaukeano a me ka pa o ka Moiwahine Ema. E hamama ana ke keena mai ka hora 8 a hiki i ka hora 10 am., a mai ka hora 1 a hiki i ka hora 3 pm a me ka hora 6 a hiki i ka hora 9 o ke ahiahi. Honolulu. Nov. 12.1878. 883 tf

Na Wa ti a me na Nani Hoo- hiluhilu.

                KE hoike aku nei o CHUNG FOY imua o ka lehulehu, aia oia ke paa nei ma kona lima i na mea hoohiehie i kupono no na Keonimana a me na Lede, oia hoi na WATI WALTHAM. NA KAULA GULA, Na KAULA DALA. Me na Wati Nui Amerika i kupono no ke kauhale, a me na mea makamae e ae he nui wale, a e kuai makepono aku ana oia ma ke kumukuai haahaa loa. Mea Hana Wati a me na Mea Gula. He Maliu no oia i na kauoha. He 25 keneta wale no ke aniani poi ka wali. Aia kona halekuai ma ke alanui Nuuanu, ma o mai o kalii o Hollister & Co. 893 6ma.

E Kuai ia Ana.

                HE 1,000 Hipa a me 8,000 Kao o ka Hui Hanai Kao o Kaupulehu ma Kona, Hawaii. E ninau ia H Cooper (Kupa) o Kailua.
858 tf A. S. CLEGHORN & CO

OLELO HOOLAHA

HOOLAHA A KA LUNAHOOPONO- PONO WAIWAI.

                UA hookohu pono ia mai ka mea nona ka inoa malalo iho ma ka la 19 o Okatoba, i lunahooponopono no ka waiwai o Charles H. Luscomb o Wailuku, Mauii make. Nolaila, ke hai ia aku nei na mea a pau mau koina ka kakou no ka waiwai o ka mea i make e hoike mai iloko o na malama eono mai keia la aku, o hooleia ka lakou mau koina. A o ka poe aie a he mau waiwai paha ko ka mea i make ma ko lakou lima e paa nei, e pono e uku a hoihoi koke mai, a ina he mau aie ko ka mea i make i kekahi mea a mau mea paha, e pono e hoike koke mai.
H A LUSCOMB
Lunahooponopono Waiwai o C. H. Luscomb i make. Wailuku Maui 883tf

OLELO HOOLAHA.

                E MANAO ana o MR. CLAUS SPRECKLES o Kaleponi, e hana i auwai nui ma ka mokupuni o Maui; no ka hookahekahe wai maluna o na mea kanu. O ka mea a mau mea paha e makemake ana e eli i elima haneri kapuai a oi aku paha o keia auwai ma ka olelo aelike, a e uku ia aku no hoi no ka hana ma ka heluna o na kapuai kubita, a i ole ia ma ka heluna o na kapuai loa o ka auwai i eliia; ke noi ia 'ku nei lakou e ninau ia H. Schussler ma Haiku, Maui, a i ole ia William G. lrwin & Co. ma Honolulu, a e loaa ia lakou na hoakaka kupono.
CLAUS SPRECKLES
888 tf H. SCHUSSLER.

Hoolaha Papa.

                KE HOIKE ia aku nein a AILA HONUA kupono ole, no lakou na kuhikuhi i hoike ia maloko iho. Ua ike ia ka pilikia nui, ma ka lawelawe ia ana, oia hoi ma ka hoomaemae kupono ole ia ana; a o lakou na mahu i emi iho malalo o hookahi haneri degere Faranaheita. O na mea a pau he mau aila ka lakou, ke papa ia aku nei ko lakou kuai ana, haawi ana a me ka hoolako ana i keia ano aila in a kanaka, me ka hoao ole ia mamua a ike ia ka pono. O ka hoopai no ka mea kue i ke kanawai, aole e emi iho malalo o na dala he Kanalima, aole hoi e oi aku maluna o na dala he Elima Haneri, a i ole e hoopaahao ia ma ka hana oolea aole e oi aku mamua o ka makahiki hookahi.  Eia na Aila i Olelo ia. O ka Aila KOMETA, e a ana ma ke ana wela o na degere he 86 a hiki i ke 93, Faranaheita.  O ka Aila ALADINA, aneane e a ana ma na ana wela a pau.  O ka Aila ORIENATELA, e a ana ma na degere he 95.  O ka Aila DAYLIGHT, e a ana ma na degere he 91.  O ka Aila LUSTRE, e aneane a ana i na degere a pau.  O ka Aila a ka Hui EUREKA, e a ana in a degere he 84.  Kakauia i keia la 14 o Okatoba, 1878.  881 tf W.C. PARKE, Ilamuku .

PAPA KIHIKIHI MANAWA HOLO
o ka
MOKUAHI HAWAII
LIKELIKE!
KAPENA, REYNOLD.

Poalua. Mar. 4,hora 5pm..............................Hilo
 " 11,hora 5pm................Kaapuni ia Hawaii
 " l8,hora 5pm............................Hilo
 " 25,hora 5pm................Kaapuni ia Hawaii
            AOLE AIE NO NA UKU OHUA!
            Ke hoole ia aku nei ka aie no na uku ohua, a ke hoike ia aku nei i ke akea, ina he mau paiki, ukana a puolo hooili ko lakou e pono e hoailona ia me ka moakaka pono; aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
            HE KUIKE KA UKU UKANA.
            Ma na ukana a pau a na makamaka, e pono e uku mua ia.
            A e hookoia no na kauoha no ka lawe a hiki i kahi i makemakeia. A e malama ia no me ka makaala na ukana, paiki a me na puolo, lio, pipi a me ka hoki.
            E hoailona ia me ka moakaka na Pahu Rama a me Waina.
            O ka poe no kakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana mai a ka poe no lakou keia mau waiwai.
            O na koina no na pilikia a me na poho, e pono e hoike koke ia mai iloko o ka malama hookahi.
            Aole e ae ia na hookele kaa, na keiki a me na mea like e pili iluna o ka mokuahi i ka wa e pili mai ai i ka uapo, aia wale no a pau na ohua eepakeke ika lele.
            No ke aku nei e hoopomaikaiia ka lehulehu kaalele, ua hoololi ae nei na ona o Likelike i ka Papa Hoike Manawa o ia Mokuahi e like me maluna.
            Ma ka Hale Oihana e loaa'i na Palapala.
            Aole keena e hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. E hookaaia ka uku ukana ka wa e noiia aku ai.
WI LDER & CO.

D R. F. LESLIE MINER.

                HE Kauka Lapaau a me ke koluia ana i na wahine hanau keiki. Aia kona keena hana ma ka Hale Kuai Laau Lapaau o E. St rehz. ma ke kihi o na alanui Papu me Hotole. 881 ly

Kauka O, S. Cummings, M. D.
HOMEOPATIKA.

                Oia ke Kauka i kamaaina mua ia oukou e na kanaka Hawaii ma ka inoa, " KULU WAI LIILII" Ua hoi mai noi oia, a e pahola hou mai ana oia i kona akamai lapaau ia kakou. Aia kona Keena Lapaau a me kona w ahi noho i keia wa ma kahi o Mr. Wm. G. Irwin, ma ke kihi o na alanui Papu a me Beretania, ma keia aoao aku o ka luakini o Kaukeano. 888 tf

He Nui Anei Kou Makemake i na
Mekini Humuhumu Lole ?

                Ina pela. alaila, e kipa mai no ina ka Halekuai o KAKELA A ME KUKE. A malaila oukou e ike ai a makaikai i na ano .MEKINI a WHEELE R a me WILSON, mai ke $40 a hiki i ke $50 ke kumukuai o ka mea hookahi. Ka MEKINI a SINGER, ma ke $50 pakahi, a nie ke ano MEKINI a WILCOX me GIBBS, ma ke $30 a hiki i ke $50 ke kumukuai. I mea e pau ai ko oukou kanalua e na Makamaka no ke kupono o keia mau ano Mekini, e naue mai no me ke kuihe ole, a e ike no oukou iho. 862 tf

KO
G. WEST
MAU HALE HANA KAA HOLO LEALEA!

                Kaa Lawe Ukana. Kapili Kapuai Hao, me ka Hana Hou ana i na Kaa Nahaha. E loaa no i ka poe e makemake ana i na mea i hoikeia maluna ke hele ae ma Polelewa ma ewa iho o ka halekuai o Kakela ame Kuke, a makai o Ainahou, mauka mai o ka Hale Dute. E hana ia na hana a pau me ka maikai wale no. E hooko ia no hoi na kauoha, me ka eleu, a me ka hikiwawe. (876 3m)

KUAI KUDALA!
A ka Lunahooponopono Waiwai.

                MAMULI o ka mana i loaa mai ia'u, mai ka mea hanohano A br. Fornander, Lunakanawai Kaapuni Apana Elua i hanaia ma ka la 27 o Ianuari. E kuai aku ana au ma ke kudala akea, ma ke alo o ka hale hookolokolo ma Pukoo, Molokai, ke hiki aku i ka la 13 o Maraki, 1879, i keia mau apana aina waiwai nui o D. W. Kaiue i make. 1 apana aina ma Waialua, o Paihala ka inoa. 2 Apana aina ma Kapualei, Kamalo, t ka mea koho kiekie. Kupono keia maa apana ai-na i ke kanu kalo a me ke kanu ko. Na ka mea e lilo ai e uku i na lilo o ka palapala. A na makaukau na palapala sila nui. Ua paa keia mau apana aina ika morakiia ia S. G. Wilder & CO JNO. W. KALUA.
Lahaina, Maui, Feb. 5, 1879. 898 4t

            MA ke Keena o ka Lunakanawai Kaapuni Apana 8 o ko Hawaii Pae Aina. Ma ka waiwai o Hoae w no Ninole, Kau, Hawaii i make. Ua waiho ia a na heluhelu ia ka palapala noi a Kaonehu, k e noi ana e hoonoho ia i lunahoopono-pono no ka waiwai o Hoae, w no Ninole, Kau, Hawaii, i make, a e hooholo ia na hooilina. Nolaila, ke kauoha ia aku nei na kanaka a pau ke pili, o ka Poalua, oia ka la 13 o Aperila, 1879t ma ka hora 10 am. ma ka hale hookolokolo ma Waiohinu, Kau, oia ka U * B* kahi i koho ia no ka hoolohe ana i ua noi ia a me na mea kue ke hoike ia. F. S. LYMAN.
 Lunakanawai Kaapuni Apana 3 H P A Hilo, Hawaii. Feb. 21, 1879. 900 3t

Nuhou o ko na Aina e

KAUA NUI MA KA HIKINA
Hahana ke Kaua Mawaena o
na Koa Beritania me
na Zulu.

                Ma ke ku ana mai o ka mokumahu Kulanakauhale o Nu Ioka, i ke ahiahi Poakolu iho nei, ua loaa mai ia makou na mea hou ano nui no ke kaua a me na wahi e ae a oia ka makou e noii akanele nei i ka unuhi ana no ka pomaikai o ko makou mau taosani heluhelu :
            Ua ulu ae he kaua mawaena o ka poe Zulu e noho ia ma ka hema o A ferika me na koa aupuni Beritania o ia wahi. Ma ka la 21 o Ianuari o keia makahiki, ua halawai na koa Beritania me 20,000 poe Zulu, ma kahi e kokoke ana i ka muliwai Tugelia. Ua ikaika a hahana loa me ka weliweli ka hoouka kaua ana mai a ka poe Zulu, a ua lilo pio aku ia lakou he 102 koa, 1,000 bipi kauo, 2 pukuniahi, 400 poka, 1,000 pu kaupoohiwi, 60,000 paona ni, a me na lako kaua e ae he nui wale.
            Ua manaoia he 5,000 poe Zulu i make, a he 500 koa Beritania i luku ia a me kekahi mau aliikoa.
            Mahope iho o keia hoouka kaua ana, he ehiku hoouka hou ana a ka poe Zulu i na Beritania, aole nae i loaa ka lanakila.
            Ua noho koke ka aha ninaninau no ka imi pono ana i ke kumu o keia mea. A me he la, ua haalele aku na puali koa i ko lakou kahua hoomoana, no ka mea, i ka wa i ala ae ai o keia haunaele, he mile a oi aku ke kaawale mawaho aku o ko lakou kahua.
            O na lono e hoike ana no na poino i hanaia aku maluna o na koa Beritania ma Aferika Hema, e olelo ana, ua kakia ia ka waha o na pukuniahi, mamua o ka hio pio ana. E olelo ona ka nupepa Manawa, e hoouna koke ana ke aupuni Beritania i mau kokua me ka hakalia ole.

KA NOHO ANA O KA AHA KUHINA.

                Ma ke kakahiaka o ka la 11 o Feberuari, ua hoopuka ia ae na hoolaha no ka noho o ka Aha Kuhina ma ka hora 2 o ka auwina la no ka noonoo ana e hoouna aku i mau kokua no na puali koa Beritania ma ka aina o ka poe Zulu ma Aferika.
            E hoike ana na lono teregarama i hiki mai ma ke keena o ka oihana kaua, ma ka wanaao, ua hoao aku no lakou e pale me ka ikaika nui. O ka lono no ke auhee ana, ua lilo ia i mea kamailio nui ia a puni ke kulanakauhale o La dana.

KEKAHI MAU LONO MAI KA HAKU CHELM SFORD

                Ua hiki ae keia mau lono ma ke keena kaua o Enelani inai ka Haku Chelmsford, penei : Ke hoike aku nei au i ka nui o ka poino i loohia maluna o ka mahele helu 3. ma ka ia 22 o lanuari, me Ka poe paele Zulu hihiu; ua hoonoho ia keia mahele e malama ia kahua ma kahi he umi mile ka ka mamao mui Rorke's mai. Ua lele aluka mai na paele Zulu me ko lakou heluna nui, a ma ka hakilo ana i ko lakou nee ana mai me ka wiwo ole ma ua puali koa Beritania, helu 5 o ka bataliona mua o ka regimana 24, hookahi helu o ka bataliona 2 o ka regimana 24, me na pu nui elua, 2 pu puhi kulanakauhale, 164 kaua lio a me 800 koa paele Zulu, lele aku la lakou maluna o na puali koa Beritania. He nui na mea kaua i hoohana ole ia e waiho mokaki ana i makau Kau no ka hoouna ana aku ma kekahi wahi, ma ke kahua o ka poe Beri-tania i lawe pio ia ui e na paele, a he kakaina mea i pakele mai.
            Ma ke kakahiaka o kekahi la ae, ua hiki aku la makou ma Rorke's no 12 hora hele. Ua halawai mai la na puali koa Beritania me 4,000 paele Zulu, a hoomaka ka hoouka kaua hahana ana. He 370 kino make e waiho mokaki mai ana imua o makou, a ua koho wale aku au, he 1,000 ka poino o ka poe Zulu ma keia kaua ana, a ma ka hooili kaua mua o ka la i hala ae, ma kahi o ka 2,000 Zulu i pau i ka make.
            Ua lele mai o Gen. Pearson, ke alakai o ka mahele helu 1 o ka poe Zulu, aka, ua kipaku ia aku lakou me ka hoopuehu liilii ia e na Beritania.
            Ua hooholo ka Aha Kuhina o Enelani e hoouna i 6 ba taliona koa hele wawae, 2 regimana kaua lio, 2 batari pukaa, 1 helu eneginia, 3 mahele koa kokua, 1 helu he poe haawi laau a me ka wa-hi ana i na eha, no ka hoopuipui ana aku i na puali koa Beritania malalo o ka Haku Chelmsford.
            O ka nui o na puali koa i kauoha ia aku ai i Enelani ma ka la 11 o Feb. he 7.000 ka nui. Ua makaukau o Enelani i ni mokuahi nana e lawe aku i keia mau puali koa a me na lako kaua ma ka hema o Aferika, iloko o na pule pokole. A iloko hoi o ka pale hookahi, e makaukau loa ai na mea a pau no ka nee ana aku e paio me ka enemi.
            Ke manao -ia nei ua aneane paha e pau ka hana nui ma Afeganitana, a e maha ana ia aina no kekahi manawa mai na hooluhi ana o ke kaua a me ka haunaele. Aole nae i ike ia ka wa e poka hou ai.
            E olelo ana he lono mai Hazapia ae, ua hiki kino ae o Wali Mahomeda ma Jella-labad, na ka hooko ana i ka hana mawaena o ke aupuni a me Yacoob Khan. Ua manao o Mahoimda, ua hiki no ke hookuu wale ia o Yacoob a hiki i ka make ana o ka Ameer.
            Ma Kan dahar, he elima mau mahele koa ahiu Afegnitana i lele kimopo aku maluna o ke kahoa o na koa Beritania i hoeha ia. ekolu koa i mahunehune, hookahi i poino ma keia kaua ana; a mahope o ka uluaoa ana, ua pau loa ka enemi i ka luku ia.
            Ua hoopaahao ia ke keiki a Wali Mahome da iloko o ka hale paahao e Yacoob Khan. O kona waiwai ma Cabula. ua lawe ia ae malalo o ka mana o Yacoob Khan e paa nei i keia wa,
            He nui ki haule ikaika ana a kv hau. ma na alahele mamua o Sufida. Kho a me Kalkai.
            Ke hoike mai nei na lono mai ua wahi a pau o Inia no ke kulana o na puali kana malaila; he nui ki ua ma ka akau komohana o na mahele aina a me Panjaub, a he inoino na ouli o ka aina.
            Ua hiki kino ae ka Ameer o A feganitana imua o na puali Rusia ma Sana Petereboro  E olelo ana, kekahi lono mai Khost penei; Ia Kenela Robata o na koa Beritania i haalele koke iho ai ia Matoond, ua hoopuni koke ia ae la e na tausani Managala, (koa Afeganitana ahiu.) 1 ka lohe ana o na puali, koa Beritania, ua huli hoi mai la lakou a hoopakele ae la i ke alii o ka poe Managala i hopu pio ai, pupuhi aku la i ka papu i ke ahi a. hoi aku la i ko lakou kahua hoomoana. Ia lakou i hoomaha ai, ua hoopuiwa mau ia mai lakou e na koa Managa la ma o a maanei o na kiekiena a me na awawa. Ua noho ae o Kenela Robata ma Khost no ka manawa wale no, ua ike mua no oia e ala mai ana na haunaele a me na kaua ana.
            Ua puka ae he haunaele maloko o Cab-ula, a ke kiola la o Yacoob Khan i na mea hoopahu ia Chadol, e hoolu-a ana i na mea make ma ia kulahakauhale a ke auhee nui la na ohana mai Cabula aku; a no keia haunaele i manao ia ai oia e hopu e ke aupuni a hookolokolo.
            O ka manao ana o na kanaka o Rouma-nia e lawe i ke kulana e pili pu ala me Si-lestra, ka mea a lakou e olelo nei he lihi no Dobrudja, he ouli ano nui e ala mai ana. Ua hoakoakoa ae ka poe Roumania he mahele koa, a hoomalu aku la i ka ululaau Arab Tabia o na Rusia ma ka lihi waho o Sillestra. Ua loaa mai i ke aupuni o Rou-mania he palapala kauoha mai Sana Pete-reboro mai a me Generala Todleben, e haalele koke i ka hoomalu ana ia wahi me ka unuhi aku ia mahele koa ona, aka, ua hoole koke aku la lakou, aia wale no ma ka ikaika e loaa ai.
            Ua ulu ae kekahi haunaele ma Hayti ma ka paeaina o Inia komohana. A o ka ho-pena o ia, heaha la na ka poe Aferika ma ia wahi i hoomaka ai keia haunaele.
            Ma ka la 13 o Feb. iho nei ua hiki aku o Generala Kalani a me kona poe hoa hele i Bombay ma Beretania Inia.
            Ua hapai ia iloko o ka ahaolelo o Ame-rika Hui he bila kanawai e pale ana i ke komo nui ana o na pake iloko o ia aupuni, a oia kekahi kumu hana e hoopaapaa nui ia nei. Ua mahele ia ka noonoo o kolaila lahui no keia ninau. Ua olelo ia ua kokua ka Peresidena me ka manao e pale aku i na pake,a o kona kuhina nui nae, na kue ia i ka bila. Ma kekahi haiolelo i haawi ia e H. W. Beecher ua kokua nui oia ma-muli o ka ae ana i ka lahui o Kina e komo iloko o Amerika elike me ka mea e hana ia nei i keia wa.
            Hako o keia hooilo ua nui loa ke ino ma ka moana A telanika. Iloko o Okakoba a me Dekemaba o ka makahiki i hala ae nei he 224 moku i poino loa, a he 500 i pakele mahunehune mai a he 127 ola i poino. Mawaena no hei o ia ir.au mahina ua hiki aku ka huina o ka waiwai i poho ma ke kai i ka $4,000,000.

AME RIKA HEMA

                Ua make mai nei ka Peresidena mua o Panama, oia Generala Delgado.
            Ua holo aku ka mokuahi Alaska ma ka la 21 Jan. no ka makai ana aku ma na kapakai o Kapalakiko a me ka Hema, a e hoohiki loa mai ana oia i Hawaii nei.
            He haunaele kai ulu ae mawaena o Kili a me Boli via, mamuli o ka hookau ia ana o ka auhau kaumaha kekahi maluna o kekahi o na manao mawaena oia mau aupuni, ke pioloke la, a o ka manao hookahi iwaena o ka lahui Kili no keia ninau oia no ka hoomakaukau kaua koke ana.

I NA LUNA NUPEPA KUOKOA.

                Ua makemake ia na Luna NUPEPA KUOKOA a pau mai Hawaii a Kauai, i ka wa a oukou e hooili mai ai ia makou i na dala o ka poe lawe nupepa ; e hoike pu mai i ka papa inoa o ka poe hookaa palua mamua ae o ka la 31 o Ma raki i kulike ai nae ka makou rula. A i hiki hoi ia makou ke hookaawale pono i ua Kii Makana no ia poe.

NU HOU KULOKO.

                UA HANAU.—Ma ka Poaha iho nei o keia pale Feb. 27, he keikikane hou na Hon. A. F. Judd me kana lede.

            HE PUA I MOHALA.—Ma Hakalau, Hilo, Hawaii, ua hanau mai o R. Kamalii ai Kaohuleilua na ko makou makamaka Hosea K. Unea, me Mrs. S. Lani Unea.

            HALAWAI NA KAWAIAHAO.—Ma ka po o ka la apopo, ma ka ho ra ehiku, me ka hapalua, e haawi ana o. Rev. K. Maka i ka moolelo piha o kona lawelawe ana i ka hana misionari ma Maikonisia no na makahiki he umikumamalima a oi. Ua koe o ia ka lehulehu e hele ae.

            KA WILIKO O KAPAA KAUAI—Mai ka peni mai a ko makou makamaka oiaio I saac D. Iaea i ike ai makou, ua hoao ia ka wiliko hou o Kapaa, Kauai ma ka la 23 o Feb. iho nei. A o ka ikaika o ka mahu ua hiki aku i ke 60 degere. Na ka wai e lawe mai ke ko a kau iluna o ka papa opiopi. O ka nui o na eka ko i makaukau no ka wili ana he 300 a oi aku, a e pu aua i ka Wili ia ke ko iloko o na mahina, eono.

            KA HAU.—Mai ka lokomaikai mai o ka maka peni a Enoka o Wailuku, Maui. i hoike mai ai i ka hoalii ana iho o ka hau ma ka piko o ka mauna Haleakala ; ke hele ala a hulali i ka la.

            MAKE HIKIWAWE.—Ma Alanui Liliha mauka o Kunawai, ma ka po o ka Poalima iho nei ua make hikiwawe loa o Kalai (w), aohe mea i ike i ke aili ana o kona hanu hope loa, oiai. oia hookani wale no ma kona hiie. Walohia wale kona make ana.

            MAKE KA MAUNALEI LANAI. —Ma ke alanui pali ma Maunalei, Lanai, ua make o Mr s. Kuaole Holokahiki mamuli o kekahi ulia poino ma ka haule ana mai o kekahi kio pohaku a pa ia ia a kakaa aku la a paa i kekahi kumu wiliwili a o ka make loa no ia. Pela mai nei ki leta a W. N. P. Kauhi Jr. o Palawai, Lanai ia makou.

                Ma keia Poalua ae, e koho at ka puali " Hawaiian Guards, Co. B," i ko lakou mau alii koa no ka makahiki e hele nei. Ma ka po Poalua iho nei, i paikau hou ai ua puali nei malalo o ko lakou kapena Chas. B. Wil son, ua eleu a holopono na hana o ia po. Ua makemake ia na lala a pau e akoakoa ae ma ka hale paikau i keia ahiahi Poalua ae. Maraki 4.

            KA HOKUAO.—Ma ke awakea Poakolu iho nei Feb. 26 i ku mai ai ka moku mi sionari " Hokuao " mai kana huakai aku nei i ka pae aina o Maikonisa. A maluna ona i huli hoi mai nei o Rev. K. Maka me kana wahine kekahi o ko kakou mau misionari ma ka pae aina o Gilibati. A keia pule ae hoolaha aku makou i na mea hou o Maikonisia.

            AHA AINA INU TI—Ma ka po Poaono i hala Feb. 22 ma ka luakini o Walakahauki ma Peleula, ua malama ia ka ahaaina inu ti a ka Papa Himeni o Kawaiahao malalo o na hooponopono ana a ka Hooilina Moi, a ua puipui no ka huina o na loaa ma ia po. Oia mau dala a pau no ka hoomaemae hou ana i ka luakini o Kawaiahao.

            KEAKA LIO.—Ma ke awakea Poaha iho nei, ua kai huakai ae ma kekahi mau alanui o ke kulanakauhale nei ka poe keaka lio me ko lakou mau aahu ano e; i alakai ia e ka poe puhi ohe o ke aupuni. A ma ka po ana iho i uniki ai lakou i ka lakou hana, ua lohe mai makou ua piha pono ka Hale Keaka. A oiai e Keaka ana ua hanee iho la na noho. Ma keia po e Keaka hou ai.

            IPU KUKUI PAHU.—Mai a Mr. Lililehu mai makou i lohe ai i ke pahu ana o kekahi ipu kukui ma keia mau po aku nei i hala ma ka hele o Kaipo ma ma Kikihale i ke pa-hu ana, ua lele aku la ke omo ma ka puka aniani a puka i waho, a hoomaka ae la ke ahi e puoho ma kahi o ka ipu kukui e ku ana ; e ole e kinai ia me ka eleu, pio ai.

            KA MOKUAHI KULANAKAUHALE O NU IOKA. —Ma ke ahiahi Poakolu iho nei i ku mai ai ka mokuahi " Kulanakauhale o Nu Ioka" mai Kapalakiko mai. A maluna ona i huli hoi mai nei o W. D. Alekanedero, S. T. AIekanedero, Miss. H. E. Carpenter, Miss. L. AIekanedero, Miss. Mary Hopper a me kekahi poe haole kamaaina e.e o kakou

                WAHINE HOONOHONOHO AKUA.—Aia ma Punakou, Molokai, kekahi wahine hoonohonoho akua, o ka inoa o ke akua iluna ona o Kaoaka. O ka nui o ka poe i kipa aku malaila, he umikumamaha, a ua kipaku mai la ua akua nei iluna o ua wahine 'la ia lakou. E na Hawaii oiaio. E haalele i keia mau ano hana o ka wa kahiko.

            KEIKI PEPE I KE KAA.—Ma ke ahiahi Poa kahi iho nei, ma na huina o alanui Nuuanu a me Chaplan, ua pepe kekahi keiki opiopio i kekahi kaa holoholo, oiai ua keiki nei e hele ana iwaena konu o ke alanui. Ua hooikaika ke kahu kaa e kaohi mai i ka holo o ka lio, aole nae e hiki, a kau aku la ka huila o ke kaa maluna o ke keiki. Ma ka hoomaopopo ana o ka lehulehu, aole i hewa ke kahu kaa. O ka makou ia e kauleo aku nei ia oukou e na makua mea keiki. E malama pono i na keiki, he ole loa ka mala-ma i na ilio punahele a oukou.

            KE KU MAKANA.— Ua minamina makou i ka hoike aku imua o ka lehulehu o ka poe e lawe ana i ke KUOKOA, oiai, ua hoola-ha aku makou i ka wa e hiki mai ai na kii Makana no ko makou poe hookaa palua i na dala mamua ae o ka la 31 o Malaki o keia makahiki. A ua hai ia mai ia makou e hiki mai ana ma keia mokuahi Kaleponi i haukawewe aku la no ka Hema, a ua lana hoi ko makou manao e hooko koke ia ana ka makemake o ka lehulehu, aka, ua hooka-olaa ia nae ka hiki ana mai. Ua hai mai ka mea nana i kauoha na loaa mai na palapala e hooia mai ana no ua mau Kii Makana nei. Aohe kanalua no ka hiki mai, no laila, ke nonoi aku nei makou i ke ahona! o ko makou poe lawe pepa. e hoomanawanui a hiki mai, alaila, e hooko koke aku no ma-kou me ka hookaulua ole.

            PAIPAI NO NA KULA.—E ke KUOKOA. Mamuli o ka hoolaha ana a Kauka Hyde i na Ekalekia Hawaii, e hoouna mai lakou i ka lakou hookupu o ka mahina o Feberuari ia'u, a na'u e mahele iwaena o na Kula Hanai Kaikamahine, ua loaa mai nei ko " Kalihi a me Moanalua, ma ka lima o D. J. Mahu he $10.00, a me ko Ewa. " ma ka lima o Makanui, he $10.00. Pehea na Ekalesia i koe ? Kaumakapili, Kawaiahao, Waialua. Kahuku, Kaneohe, Wailupe, a pela aku ? Ke hele nei ka manawa. Me ke aloha.
A. F. JU DD Honolulu, Feb. 1879.