Ka Nupepa Kuokoa, Volume XVIII, Number 7, 15 February 1879 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I  HULU

No ka Makahiki, $2 Eono Mahina $1 Dala Kuike ka Rula.

FEBERUARI 15. 1879.

Na Misiona.

                He halawai hui misionari ma Ladana mamua aku nei. No na wahi he nui wale na elele ma ia halawai. Ua lilo kekahi mau la ma ka heluhelu ana i na nuhou no na aina e mai, e pili ana i ka oihana misionari.

                No Inedia. (Hinedu.) Ua wehe akea ia ka puka e komo ai ka oihana misionari ma Inedia ma ka makahiki 1813. O na kanaka ma na papa haahaa, poe mahiai, poe ilihune hanohano ole, lakou ka i hoolohe nui i ka na misionari. Huli hakalia nae kakou mamua. Kakaikahi no na hoahanau. Mahope iho nae, mahuahua na huli. Ma ka makahiki 1861, 213,000 ka nui o na hoahanau. 1871. 318,000 ka nui. A ma keia manawa, ua mahuahua loa na huli. A ma ka nana'ku, ua ane hiki mai ka manawa e hoohiolo loa i'ae ka hoomana ana i na akua kii.

                No Kina. Ma ka makahiki 1843 ka hoomaka o ka holo pono ana o ka oihana misionari, ma Kina. Ma keia manawa ua 238 misionari Euanelio  ma ia  aupuni,  me na wahine mare ole. 63, na wahine mare 172, e ao ana i na Pake ma na kula, 91 kihapai nui. 511 kihapai uuku, 312 ekalesia, 13,100 hoahanau.

                73 Kahu ekalesia, 511 haiolelo, 76 haiolelo kaapuni, 90 wahine hele i kauhale e heluhelu ai i ka baibala i na ohana.

                30 kula hanai no na keiki kane. 38 kula hanai no na kaikamahine. He mau tausani haumana iloko.

                30 Kula kahuna Pake. 151 Kula Sabati, 16 Halemai a na misionari i kukulu ai, a e 4 hale lapaau o na misionari.

            50,000 Pake i kapaia he  poe Karistiano. Kupaa no na hoahanau. Holo pono ka hana misionari. No na moku Polenesia, Samoa ma, Maikonisia, Hawaii. Ua olelo ia  68,000 hoahanau a oi  aku i keia manawa ma keia mau moku.  Ua 340,000 kanaka e noho ana ma ke ano Karistiano. E mahuahua ana na kahunapule maoli.  Ka olelo a ke Akua ke ola o na lahui.

                No Afegana. Ke kahua kaua ia i keia manawa iwaena o ko Beritania me na kamaaina. Afekanikana ka inoa o ka aina. Aia no ia ma ke komohana akau o Hinedu. 460 mile ka loa. 430 mile ka laula.

                He aupuni kuokoa. Sere Ali ke lii, Kabula ke kulanakauhale alii. Ka hoomana Mahomeda ka hoomana nui. 5,000,000 kanaka a oi aku paha.  He poe hihiu naaupo ka nui. He aina pohaku, aina mauna ka nui. Nolaila paha ka hiki uuku aku o ka malamalama ilaila. He mau misionari no nae malaila. A ua oluolu no na lii ia lakou.  Ua unuhiia ka baibala ma ka lakou olelo, a me kekahi mau palapala e ae.

                O keia kaua iwaena o ko Beretania me na Afegana, aole akaka ka  aoao pono me ka aoao hewa. Ua manao Beritania, ko lakou aoao ka i pono. Ua hoouka no ke kaua.  Ua auhee ke lii Sere Alii. Ua lanakila paha ko Beritania. A ma keia hope aku e holo pono ana paha ka oihana misionari malaila, a e huli nui  ana paha na Mahomcda i poe Karistiano.

                Beritania Hou.  Irelani Hou, &c. He mau mokupuni keia ma ka hikina akau aku o Auseteralia. Ua hoounaia'ku na  misionari malaila mamua aku nei.

                O Mr. Baraunu ka inoa o ka misionari haole. He mau misionari Figi me Tonegana kekahi i hele pu. Ua oluolu no na kamaaina o Beritania Hou i na misionari i kinohi. Ua hele e ilaila o Salisa he kahuna pule. Makemakc no na kamaaina e hele hou oia a noho loa ilaila.

                Ka ae no ia e hele oia. Hele pu oia me kekahi poe kumu Figi. Pau koke nae lakou a pau i ka pepehi ia me ke kumu ole.

                Kalua ia na kino a ai ia. Mahope iho, puka ilaila ke lii nana i kena e pepehiia na misionari, a olelo i kekahi alii e ae, e hui laua a pepehi i na wahine me na keiki o na misionari i pepehiia, a e puhi i ko lakou hale i ke ahi.

                Ke ano keia o ka poe naaupo loa i ike ole i ka ke Akua olelo. Aole lakou nei i pepehi i na misionari no ka huhu. Aka, he poe aikanaka lakou. Ka io o na kanaka, o na haole, he mea ono loa ka ia wahi a lakou.

                He hana kupono ole i ka Iesu ao ana kai hanaia mahope e na haole me kekahi poe kanaka maoli. Ua hele lakou a puhi i ke ahi i na kauhale o ka poe nana i pepehi na misionari ; a ua pepehi pu ia kekahi poe kanaka. Ua hewa ia. Aole make e hoihoi aku i ke ino no ke ino.

                Ua ae nae na kamaaina,  ka poe nona ka pepehi ana i na misionari ua pono no ia hoopai ana. Ua mihi lakou i ko lakou hewa. A ua hoohiki, aole lakou e hana hou pela.

THE INDEPENDENT.

 

I am Sweeping thro' the Gates.

 

Gospel Hymn, No 2. Him. 48.

1

Ua auau a maemae au

Ma ke koko o Iesu.

Ke kakali a iini nui au

E lelele mai nei ae

I kuu home maluna'e,

I kuu maha me lakou la ma ke ao

Ref.  Pau kuu hewa, kuu luuluu

Ma ke koko o Iesu.

Maemae au la, makaukau la

No ka home ma ke ao

2

Ke Lii o ka lama mau,

Oia ke hoopaa mai ia'u.

Ma na lima  mana ona. malu au 

A ma kona poli no

Ou no au a maha pu.

Haleluia! ke pii au la i ke ao.

Ref. Pau kuu hewa, &c.

3 

Ke pii au la i ke ao;

Ke kali la lakou no'u.

A malaila, maha au la, maha mau

Pau na luhi ino nei;

A loaa ko luna lei.

Nani! nani! ke kauhale ma ke ao.

Ref. Pau kuu hewe,  &c.

4

Pau kuu noho pio nei.

Ke pii au la iluna'e,

I ka home o lakou la ma ke ao. 

Aia hoi!  poha ke ao !

Kani mai na mele mau.

A ke komo lanakila au ma o.

Ref. Pau kuu hewa, &c.

HAWAII.

 

Haawina Kula Sabati.

 

HELU  9. SABATI  MAR. 2, 1879.

KUMUHANA.

Ka Pule a ka mea e mihi ana. Pauku

                Baibala. Halelu 51:1 — 13. 

 

E ALOHA mai oe ia'u, e ke Akua, e like  me kou lokomaikai;

                Mamuli o ka nui loa o kou aloha e hoopau i ko'u mau hala.

                2 E holoi lea mai ia'u i pau kuu hewa;

                A e hoomaemae mai hoi ia'u i ko'u lawehala ana.

                3 No ka mea, ke hoikc aku nei au i ko'u rnau hala;

            Mau no hoi ko'u hewa imua o kuu alo.

                4 O oe, oe wale no ka'u i lawehala ai,

                A i hana hewa hoi imua o kou mau maka:

                I pono oe i kau olelo ana,

                I hemolele hoi i kuu hoahewa ana mai.

                5 Eia hoi, ua hanaia  au maloko o ka hewa;

                Maloko o ka lawehala ana i hapai ai ko'u makuwahine ia'u.

                6 Eia hoi, makemake oe i oiaio ko loko; A maloko o na wahi nalo e hoikeike mai oe ia'u i ka naauao.

                7 E huikala mai oe ia'u me ka husopa, a e maemae no wau:  

            E holoi mai ia'u, a e oi aku kuu keokeo i ko ka hau.

                8 E haawi mai e lohe au i ka hauoli a me ka olioli ;

                I hauoli hoi na iwi au i uhaki mai ai.

                9 E huna oe i kou maka i ko'u  mau lawehala ana,

            A e hoopau i ko'u mau hewa a pau.

                10 E haawi mai i naau maemae no'u, e ke Akua ;

            E hana hou mai hoi i uhane kupono iloko o'u.

                11 Mai kiola ae oe ia'u mai kou alo ae ;

                Aole hoi e lawe aku i kou Uhane Hemolele mai o'u aku nei:

                12 E hoihoi mai ia'u i ka hauoli no kou ola;

            A e kokua mai ia'u me kou Uhane lokomaikai.

                13 Alaila, e ao aku au i na lawehala i kou mau aoao;

            A e hoohuliia na kanaka hewa ia oe.

                Pauku Gula. p 2 hoopaanaau.

            Mele. Him 260. E kuu Akua maikai e, p1, 2, 5.

            Pule i mihi pono ka poe lawehala.

                                Ka Wehewehe me ka Ninau ana,

                Ua kukulu ia keia Halelu maluna o ka mooolelo o Davida ma II Samuela, mokuna 11 me ka 12. Ua haule Davida iloko o ka hewa nui. Ua ao ia e Natana ke kaula. Ua ae oia i kona hewa, a hoahewa loa iaia iho. A mahope iho, kakau oia i keia Halelu mihi. He mihi  oiaio kona. He mihi me ka haalele loa i ka hewa. Aole oia i haule hou iloko o  na hewa ana i mihi ai. Aole loihi kona alii ana i ka wa i haule ai oia iloko o ka hewa.

                P 1, 2. Pule Davida no na mea ehia?

1 E aloha ke Akua iaia mamuli o ke aha?

2 E hoopau i kona mau hala. 3 E aha hoi iaia? I pau ke aha? 4 E hoomaemae iaia i ke aha?

                P 3. Heaha kana i hoike aku ai? Hoike oia ia wai? Heaha na hewa nui ana i hana ai? Ehia, a heaha na kanawai i haki iaia? Ina ua hewa i ke kanawai i hookahi, pehea na kanawai a pau? Heaha ka mea ku mau imua o kona alo?

                P 4. Ua lawehala Davida ia wai wale no? Ua lawehala no i ke kanaka, i ka wahine, i ke kane, i na kanaka he nui. Aka, o ke Akua ka mea nui, ka Lunakanawai Nui. Ka mea nana i papa ia mau hewa a kau i ka hoopai. Ua hookiekie Davida, a hehi wale i ko ke Akua mau kanawai. Imua o na maka owai kana hana hewa ana? Owai kai mihi pela mahope loa mai? Luk. 15:21. Oia anei ka mea i nui ai ka hewa, o ka haihai  ana i ke kanawai o ke Akua? Hoike Davida i kona hewa i aha ke Akua? I pono ke Akua, i hoaponoia kana olelo hoopai, i hemolelc oia i kona hoahewa ana iaia? Heaha ka ke Akua mau olelo hoopai? II Sam. 12:10—12, 14. Ua ae no Davida, ua hewa a ua hoapono oia i keia  hoopai ana. A pehea? Aole anei ke Akua i kala i kona hewa a hoopakele iaia i ka make mai? II Sam. 12:13.

                P 5. Iloko o ke aha i hana ia ai, i hapaiia oia? Ua hewa no na makua e like me na kanaka a pau. Aole paha i hewa na keiki mamua o ka hanauia ana. Hoomaka koke nae e hana hewa mahope o ka hanau ia ana. Roma 5:12.

                P 6. Heaha ko ke Akua makemake? Oiaio anei ko loko o  Davida i ka wa i kuko hcwa ai a noonoo ino ai? Heaha kekahi mea i pono ke noho iloko o ka naau?  Ka naauao, ke kuko pono, ka noonoo pono, ka imi pono.

                P 7. Pule Davida e aha ke Akua iaia? Me ke aha? Husopa,  he laau ia me  kona mau lau, he laau lapaau paha, he laau mea hoomaemae. Aka, aole o ka husopa  maoli keia i maemae ai Davida, ka mana ia o ka Uhane Hemolele. la kakou, ke koko ia o  Iesu, me ka Uhane Hemolele. Heaha kekahi noi? Holoi i oi ke keokeo i ko ke aha? Ke ano, ka naau maemae loa.

                P 8. E haawi mai i lohe oia i ke aha? I hauoli na iwi a ke Akua i aha ai? He mea hoohalike ia. Aole na iwi maoli i haki. Aka, ua kaumaha loa ua ehaeha loa ko Davida mau no kona mau hewa, a hiki ole paha ke moe, a hiamoe oluolu.

                P 9. Ehia nei ma keia pauku? E hana e hoonalo, e nana ole. e hoomanao ole, e hoopoino i na hewa. Ua like ia me ke kala i ka hewa.

                P 10. Ehia noi ma keia pauku?

                P 11. Mai aha oe ia'u? Aole hoi e lawe aku i ke aha? Poino anei kakou ke haalele ia e ka Uhane Hemolele? Nolaila, mai aha? I Tes. 5:19.

                P 12. E hoihoi mai i ke aha? Ua lawe ia aku ka hauoli mamua. A e noi ana Davida e hoihoiia mai, ka mea ia e ola 'i, e maikai ai kona ola mai ke Akua mai. Owai ke kokua nui?

                P 13. Aia pau ko Davida hewa i ke kala ia, a hoomaemae ia oia, a hoohauoli hou ia, alaila, e aha oia i na lawehala? A e aha ia hoi na kanaka? Nana Mat. 7:5.

                Mele. Him 264. Pomaikai wale o lakou p 1, 2, 5.

 

Na Ninau Hoi Hope

                Heaha ke kumuhana o keia haawina? Hai mai i ka pauku gula. Owai ka mea e mihi nui ana ma keia Halelu? He mea uuku anei?  he mca nui paha? Hewa anei na 'lii i kekahi manawa? Pili anei na kanawai o ke ao nei i na 'lii? U'aha ke kino o na 'lii? Pehea ke kanawai o ke Akua? Pili anei ia i na 'lii? Pili anei ia i na keiki? Pakele anei na 'lii, na keiki i ka hoopai ia e ke Akua? Pakele anei Davida?

                Hai mai i ke ano o ko Davida mihi ana? Ua paipaiia anei  oia e mihi? Owai ke kaula i ao wiwo ole aku ia Davida? Nui anei na Natana i keia wa? Ua paipai ia anei oukou e mihi? E wai? A i mihi ole, pehea  oukou? Heaha ka mea i maopopo ai ka mihi oiaio? Ua haalele anei oukou i ko oukou mau hewa? Ma ke aha e kala ia ai, e hoomaemae ia ai oukou?

                Mele. Him 283. E ka Uhane Hemolele p l,2.

                Pule i hiki mai ka Uhane, e hoala i ka mihi.

                Haawina no Maraki 9. Hal 32:1—11.

 

Kamehameha I., me Kona Huhu, a pau wale Kona Huhu.

 

                I kekahi manawa mahope iho o ka pau ana o ke kaua, ma Iao, Wailuku, Maui, iaia i huli hoi ai no Hawaii mai kona holo ana i Oahu nei, mauka o Waimea, Hawaii, ia wa, haawi ae la ia he ahaaina hauoli me kona mau pukaua, a me kona mau koa, kalua ia na puaa momona, na manu ai lehua o ia uka, na Iiwi hulu melemele o ka ulu laau, a me na mea o ke kai, a i ka makaukau ana o na mea a pau, hana ia no hoi ka lanai a paa, a ia Kamehameha e lealea ana me kona mau hoa luhi na hoa alo o ka moana, na hoa oo ihe, a i ka ekolu o na la o kona lealea ana, ku ana kekahi moku Okohola i kai o Kawaihae, ia wa holo aku la ko uka poe kanaka i luna o ka moku, am hoi, he kanaka Hawaii kekahi maluna o ua moku nei, ia ike ana mai la oi ala i keia poe kanaka, ninau mai la kela, ina mea hou o ka aina, hahai aku la no hoi lakou nei, ina mea hou, a me ka ahaaina a ke alii Kamehameha I. iuka o Waimea, ia wa, olelo wale ae la no keia, na'u hoi paha ia mea ai la ina wau e hiki aku ana ilaila, a me ka poe e hele pu ana me a'u. e ai lakou a kiola, e inu i ka awa a ukauka ka waha, no ka mea, o ko'u kaikuaana no ia, a o wau no kona pokii.

                Ia lohe ana o keia poe kanaka i keia olelo hoi aku la lakou nei iuka, a pii no e hai i keia olelo ia Kamehameha, a ia lohe ana o Kamehameha, a me na 'lii iho malalo ona, na pu-kaua, he mea e ka huhu o lakou, ia wa, ninau ae la o Kamehameha i kona mau makua, a me kona aialo, na 'lii, na kilo, na kahuna, a me na kuhikuhi puuone, he oiaio auanei keia, he kaikaina pokii no anei kekahi o'u, eia ka na 'lii a me ka poe a pau;

                E ola mau loa ke 'lii i ke Akua, a kolo-pupu, a haumaka iole, a  pala-lauhala,  aole hookahi, aole no hoi he mca  e ae  mahope mai ou e ke alii, o oe, a o oe wale no,  a o kela mea i olelo mai nei, he kaikuaana oe a he kaikaina ia, he kipi oia,  a he hookano, nolaila, e ke alii e, e ae mai ia makou e kii a lawe mai e kalua i inai no  ko  akua,  eia ka Kamehameha kauoha i kona mau Hamuku, e kii aku iaia a lawe mai imua o'u a ina e ku ka hewa iaia, alaila, e make ia, ia wa iho aku la na elele a ke  alii,  a loaa  keia iluna o ka moku, paa keia i ka hopu ia, lawe ia keia a imua  o Kamehameha,  ninau mai la o Kamehameha,  ea,  he oiaio  no ko olelo hookano ana, he kaikuaana au nou,  a he pokii oe no'u eia ka olelo  pane a ua kanaka nei imua o Kamehameha, ma ka inoa o Kalaipahoa, ke akua nana i hoohui i keia mau mokupuni a pau malalo o kou malu, a me kou ihiihi kapu e ke alii,  e ola mau loa oe, Ae, ua olelo au pela, ia wa, ke ke-u mai nei na alii, a me ke anaina,  a ke hoa mai nei ka imu, a ke anehe mai nei ka lehulehu e hopu iaia nei, a i hakalia wale no ia ka lani i ka pane ae, ninau hou aku la o Kamehameha, ma owai la oe i pili ai ia'u, a owai ko kaua mau makua i hui pu ai, a lilo au i kaikuaana a i muli oe eia hou ka pane a ke kanaka, e hoonani mau loa ia oe a kau i ka puaneane, a mau loa aku, a e hoopomaikai ia kou noho ana me ka maluhia, eia wale iho na ko'u pili ana ia oe, a oia ko'u lilo ana i kaikaina nou e ke alii,  o ke kaua ana i Kaawaloa, owau pu kekahi ilaila, i ke kaua ana i Aalaloloa, a me  ke kaua i Iao, ilaila oe i pane iho ai. I nui  ke aho e na pokii, nolaila, ma ia hua olelo au e ke alii, i nui ke aho e na pokii, oia kuu wa i lilo ai au i kaikaina nou, oia hoi pokii.

                I ka wa i pa pono aku ai keia mau olelo a pau imua o Kamehameha, he mea e kona olioli a me ke aloha, lele koke aku la ia a hopu i ua kanaka nei, a ma kona wahi kapu, noa ae la iaia nei, mama ia mai la ka awa a na apu no hoi pu-kc apuawa ae la laua nei, kena ia aku la na alii nui o ka aina i aipuupuu mai na ia nei, hana na lealea a pau, kalua hou na puaa, na manu ka poi no hoi, a hoouna ia ana i kai o Kawaihae.

                O ko'u pae ana aku no ia me kuu kupunakane, e lawe ia ae ana na mea ai a ua kanaka nei, a o ko maua panee aku la no ia i kahi waa o maua a kau i kula, hopu iho la no kuu kupunakane, Kaihumua, i ka Hokeo a kau no i ke kua, o uka o Waimea ka pelena. Nolaila, ma ka nui akamai o keia kanaka i ke kamailio, i loaa ai ka pomaikai iaia, oiai, he wa naaupo ia o Hawaii nei, a ke lana nei ko'u manao, ua oi loa ae keia wa, i ko ia manawa.

                Ua oki au maanei me ke aloha nui. A i ka Lunahooponopono ka iini pau ole o ko'u  aloha. A me na keiki  poahi  Hua Kepau ko'u welina pau ole.

SAM. K. KALAIKINI.

Honokaupu, Honolulu, Feb. 3 1879.

 

OLELO HOOLAHA

Castle a me Hatch.

O KAKELA OPlO A ME F. M. HATCH, ua hui loaa ma ka lawelawe ana i ka oihana Lono  Ua hiki ke loaa ke ka imua o na Aha a pau, mai ka Aha Nolulu a hele ia.  A e lawelawe no hoi ma na hana pili i ka hooponopono waiwai, no ka ina ana i na Palapala Sila Aina la hana ana i na Palapala Kuai.  Hoolimalima, a me ka Hoike Dala ana.

W R CASTLE Luna Honolulu Kope.

E@ Hana, @@@ ka Halekuai o Dillingham & Co.

Helu 37, Alanui Papu                         3-6m

 

ALFRED S. HARTWELL,

[HAKAWELA.]

LOIO a he KOKUA ma ke KANAWAI!

Aia kona Keena Oihana maluna ae o ka Hale Baneko Hou o Bihopa ma. 867 tf

 

CECIL BROWN.

LOIO A HE KOKUA MAKE KANAWAI!

A HE AGENA no ka Honolulu ana i na  Palapala no ka Mokupuni o Oahu. Helu 8. Alanui Kaahumanu.  Honolulu. H. P. A. 2y

 

S. B. DOLE,

He LOIO A HE KOKUA no na KANAKA ma ke Kanawai.  He hiki no iaia ke lawe i na hihia o kela

a me keia ano imua o na  Ahahookolokolo a paa o keia Aupuni.

Keena hana ma Alanui Papu, maluna ae o ka Halekuai o  Likikini.

Honolulu. Oahu, Januari 19, 1878                               3 1y

 

RICHARD  F.  BICKERTON,

[PEKETONA.]

LOIO a he KOKUA ma ke  KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

                Ua makaukau mau oia i ka hana ana i na Palapala pili kanawai o kela a me keia ano.

                Ua hiki no hoi iaia ke hoaie dala aku ma ka moraki ana ina  aina, ma ka ukupanee haahaa loa.

            E hanaia na hana me ka hikiwawe a ma ka uka haahaa.

                Keena hana, Helu 23 Alanui Kalepa, elua puka ma o aku o  ka hale kauka o Kauka Minuteole.

                                840 1y

 

S. W. MAHELONA

HE LOIO! HE KOKUA A HE PALE

ma ke Kanawai.

Ua makaukau au e lawelawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee.            876 3m

 

JNO. LOTA KAULUKOU.

LOIO A HE KOKUA.

 UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m

 

DAVID  K. MALEKA.

Loio a he Kokua ma ke Kanawai.

Ua makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 1y oc26

 

EDWARD KEKOA.

HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae. 882 1y oc26

 

J. KAPOHAKIMOHEWA.

He Loio a he Kokua.

No na Aha Hoomalu a me Apana o ka mokupuni o Maui. E loaa no au ma Makena, a e hooko ia na kanoha mai na wahi e ae o ka mokupuni me ka eleu a me ka hikiwawe loa.      883 6m no2

 

S. M. P. KALEO.

He Loio, he Kokua, a he Pale ma ke Kanawai.

No ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 1y no9

 

P. NUI.

LOIO! LOIO!!

O ka Ua Ukiukiu o Makawao, Maui.

Ua makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku.    885 1y no16

 

HENRY N. KAHULU

Loio a he Kokua ma ke Kanawai.

Ua makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole.        885 1y no16

ASA  KAULIA.

Loio a he Kokua ma ke Kanawai.

Ua makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31 ; a e hooko ia na kauoha mai na wahi a pau o ka mokupuni me ka eleu a me ka hikiwawe.

885 1y  nol6

 

L. A THURSTON.

LOIO!

WAILUKU, MAUI.

889 6m dec 14

 

TIMOTHY KALAEONE.

He Loio a he Pale ma ke Kanawai.

Imua o ka Aha Hookolokolo Apana o Kawaihau, Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakaiua, Koolau, Kauai. E makaala no au i na kauoha me ka eleu loa.

                                895 1y Jan. 25.

 

J.W. M. POOHEA.

He Loio a he Kokua ma ke Kanawai.

No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokopuni o Molokai; a he Agena Hooiaio Palapala Ku pa no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o "Kalauonaona," ma Wawaia, a i ole ia, ma ka Hale  hookolokolo ma Pukoo. 895 1y Jan 25.

 

OLELO HOOLAHA.

A.  McWAYNE,

HALE KUAI LAAU LAPAAU, A ME NA WAIALA o na ano a pau, me na SOPA ALA o na ana he mau wahe.  Ma ka hiki o Alanui Papu me Kalepa.                      840 1y

 

DR. RODGERS,

OIA O

KAUKA LOKEKE.

Ua hoonee ae nei i kona keena oihana mai ka hale ae o Ailuene ma Monikahaae e iloko o ka Hale Mu, helu 54 Ailanui Papu.

                Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai.

                O kena hale noho, aia no ma ka pa o ka Holele Hawaii, ma kahi i noho mua ai. 881 tf

 

E. STREHZ.

(AILUENE.)

MALAILA E LOAA AI NA ANO  LAAU A pau;  a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 ly)

 

E. O. HALL & SON.

(E. O. HOLO MA.)

NA MEA KUAI  I NA MEA MAHIAI.

Na Lole. Na Pena, Na Aila, a me

Na ano Lako e ae a pau he lehulehu wale.

846         Kihi o Alanui Papu me Moi.             ly

 

LOLE MAKEPONO

Ke Kuike.

E  LOAA NO IA MA KAHI O

KAKELA ME KUKE!

 E LAA NA

 

Ahinahina, Kalakoa,  Keokeo, Leponalo,

                Pena, Aila, Aniani,

 

HA MEA PIULA !

KOPA, AILA HONUA,

                                AILA  HOOMALOO

                Kui Kakia, Pakeke, Tabu, Kaula, Noho Lio,

                Hulu Palaki, na Pulumi.

            A  HE

 AGENA NO HOI NO NA MOKUPUNI O HAWAll NEI NO NA

 

Lainakini-nao,

Lainakini Maoli,

Palule Kalakoa, Alapia, Kelepa, Kilika,

                Na lole kupono i ka wawae,

                Palule Huluhulu, Na Lole Huluhulu,

                Ma Lole no ka hoohehelo ana

                Lipini, Lihilihi, &c.

LIPINE, LIHILIHI, &c.

 A ME NA

Mikini Humuhumu MakeponoLoa !

 A HE

Ka Palaoa. Kopaa.

                Raiki, Pia. Hoohu.

                                Paakai. Huaala,

                                                Pia Kulina, &c.

 

A he Laau Lapaau Kaulana Loa

A DR. JAYNES.

Laau Kunu,

                Laau Hoomaemae Koko,

                                Laau Hoopau Naio,

                                                Penikila, Huaale,

A ME NA LAAU HAMO, A PELA'KU!

827 3m 839 

 

PAPA!  PAPA!

NO

UA WEHE AE NEI MAUA I

PA KUAI PAPA

MA

KA UWAPO O PAKAKA

                Na Papa Ulaula o na ano a pau.

                Na Papa Paina o na ano a pau.

                                Na Pili Hale Ulaula.

                                Na Pili Hale Keokeo.

                Na Pepa Hoonani Hale,

                Na Pepa Molina.

Na Pena a me na Aila Pena !

NA KUI O NA ANO A PAU.

NA PANI PUKA a me

NA PANl PUKA ANIANI

                NA PANIPUKA a me

                NA OLEPELEPE.

NA LAKO KUKULU HALE

O NA ANO A PAU!

E KUAIIA MA KE

KE KUMUKUAI HAAHAA LOA

O keia Makeke.

                ALLEN & ROBINSON

Honolulu, Ian. 1, 1878 840 3m

 

PAPA, PAPA

AIA MA KAHI O

LEWERS & DICKSON!

(O LUI MA.)

MA KE KAHUA KAHIKO MA

Alanui Papu a me Moi!

E LOAA AI NA

Papa Nouaiki!

o keia a me keia ano.

Ka Papa Nani a Paa no ke Kukulu ana i na Hale!

Na Pani Puka. Na Puka Aniani,

                Na Olepelepe, Na Pou, Na O-a.

                                Na Papa Hele. Na Papa Ku.

                                                A me na Papa Moe nui loa.

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau.

                Na Kui mai ke Nui a ka Makalii,

                                Na Ami Puka.Na Ami Puka Aniani,

                                                Na Ami o na ano a pau.

                                Na Aila Pena, o kela me keia ao.

                Na Aila Hoomaloo, he lehulehu wale.

Na Aila e ae o na ano a pau.

 

NA WAIVANIKI

A ME NA

WAI HOOHINUHINU NANI!

o na ano a pau loa.

NA BALAKI ANO NUI WALE!

A ke hai ia aku nei ka leno i na makamaka pau, ua makaukau keia mau makamaka

o oukou  e  hoolawa aku ma

na mea a pau e pili ana

ma ka laua oihana

NO KA

UKU HAAHAA LOA!

E like me ka mea e holo ana mawaena o LAUA a me ka MEA KUAI.

E hele mai! E na Makamaka!!

A e lawa no hoi ko oukou makemake

me ka oluolu a me ka maikai!

845 tf

 

KOPA KUKAEPELE

A

GLENN!

Before using                         After using

AOLE LUA NO KA HOOMAEMAE I KA ILI!

 

He mea hoopau i na eha,

                Na Ili Puupuu,

                                A he hoomaemae i na mea ino,

                                                A he hoopau Lumatika,

                                                                A he kopa auau no ho

 

O keia hopa ka oi aku o ka mea maikai

I waihoia mai imua o kanaka.

 

Aole wale no ka Hoopau ana i ka Huehue Ili Poha, Wela la, Luluaina, a me

na mea e ae o ka Ili;

A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai.

 

O ka hoemi ana iho i na mai o ka Ili, a o

ke pale aku i ka mai mai na lole e na

Mai Lele, oia kekahi. O na ohana

ame na poe makaikai, ina

e hoolako lakou

i keia

KOPA HOOMAEMAE LUA OLE !

ALAILA, UA LANAKILA LAKOU.

 

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

 

Ua hooia nui mai na Kauka no ka maikai o

keia  Kopa!

E loaa no ma kahi o

                                M. McINERNY.

Kihi o na Alanui Papu me Kalepa