Ka Nupepa Kuokoa, Volume XVIII, Number 7, 15 Pepeluali 1879 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha.

            Ua hookohuia aku o Mr.@ Brown i keia la, i Hope Luna Kakau Kope no ke Aupuni Hawaii, a he Luna Hooiaio no hoi ma kahi o Chas. T. Gulick i waiho mai.

THOMAS BROWN, Luna Hooiaio Palapala.

Keena Hooiaio, Honolulu, Feb. 1, 1879.

Aponoia: SAM'L G. WILDER, Kuhina Kalaiaina

895 tf

 

            Ua hookohu ia aku o Mr. Edward N. Dyer e ka Papa Hoonaauao i Luna Kula no ka Apana o Kohala Akau, mokupuni o Hawaii, ma kahi o Mr. J. Wight i waiho mai.

W. JAS. KAMIKA, Kakauolelo.

Keena Hoonaauao, Feb. 4, 1879. 897 2t

 

            KE kauoha ia aku nei, o na hoololi, ua hanaia mamuli o ka rula a me ka hooponopono ana maluna o na kaa hoolimalima lawe ohua i laikini ole.

            O na palapala kau hou me na uku pakahi i hooakakaia, he 12 1.2 keneta a me ka 25 keneta e hoopuka ia ana mailoko ae o ke Keena o ke Kakauolelo a ke Kuhina Kalaiaina, a e lawe ia ua mau palapala kaa nei, e like me na uku i hoakakaia e na hookele o kela a me keia o ua mau kaa laikiniia nei, a e loaa aku ana no na dala maoli ia lakou, ke hoihoiia mai ua mau palapala kaa nei ma ke Keena o ke Kakauolelo a ke Kuhina Kalaiaina.

SAM'L. G. WILDER, Kuhina Kalaiaina.

Keena Kalaiaina, Honolulu, Feb. 6, 1879. 897 1m

 

KEENA AINA.

Oihana Kalaiaina.

NA KOINA.

PALAPALA Sila Nui.....$5.00

Kope Palapala Sila Nui.....2.50

Kope Palapala a na Hona Kuleana, ina aole e oi aku mamua o Eha Apana.....1.50

Kope Palapala o na Hoona Kuleana, ina e oi aku mamua o Eha Apana, e hoohalike ia.

Kii Aina e like me ka mea mau.....1.00

Kii Aina, ina he nui loa ae, e like me ka manao o ke Kakauolelo.

Na Kope o na Palapala Hooko.....1.50

Palapala Hoolaha ke Kuhina.....1.00

Na Palapala Hooiaio, Kanalima Keneta no 100 huaolelo, i kulike ai me ka Pauku 44 o ke Kanawai Kivila.

SAM'L G. WILDER, Kuhina Kalaiaina.

Honolulu, Iulai 10, 1878. 897 2m 904

 

Hoolimalima o ka Aina Aupuni.

            Ma ka Poaono, oia ka la 22 o Feberuari, 1879, ma ka hora 12 o ke awakea, e kuai kudaia akea ia aku ai ma ke aio iho o Aliiolani Hale, ka hoolimalima no elima makahiki, kela aina kula ma ke awaua o Nuuanu, ma o mai o na aina o J. H. Wood, e pili ala i ke alanui Nuuanu, nona na eka he 36 1/2.

Maluna aku o ke $50 no ka makahiki pii aku.  E hookaa kuike ia mai ka uku hoolimalima ma ka hapalua makahiki.

SAM'L G. WILDER.

Kuhina Kalaiaina.

Ma ke Kauoha a ka Papa hoonaauao.

Hoolaha i na Luna Kula a me na Kumu

Kula Aupuni.

Ma kela hope aku, o ka manawa Kula, a me ka manawa hoomaha o na Kula Aupuni a pau, ma ka Olelo Haole a me ka Olelo Hawaii, o loko o keia Pae Aina, e malamaia e like me ka papa malalo iho nei ; a e hooko pono na Luna Kula a me na Kumu Kula Aupuni i keia kauoha.

1  O ka Mahele mua---E HOOMAKA ke Kula ana o na Kula i ka POAKAHI MUA o ka malama o IANUARI, a e HOOPAU i ke Kula ana i ka POALIMA ELUA o ka malama o APERILA.

Hoomaha Hookahi Pule.

2  O ka Mahele elua---E HOOMAKA ke Kula ana i ka POAKAHI EHA o ka malama o APERILA, a e HOOPAU i ke Kula ana i ka POALIMA EHA o ka malama o IULAI.

Hoomaha Ehiku Pule.

3  O ka Mahele ekolu---E HOOMAKA ke Kula ana i ka POAKAHI EKOLU o ka malama o SEPATEMABA, a e HOOPAU i ke Kula ana i ka POALIMA EKOLU o ka malama o DEKEMABA.

Hoomaha Elua Pule.

E malamaia na Hoike Nui o na Kula Aupuni a pau, i ka malama o Iulai, iloko o ka pule hope loa o ka Mahele elua o ka makahiki ; a o ka hooponopono ana no na Hoike, aia noia i ke Kahukuia Nui, a i ka Luna Kula o kela a me keia Apana.

E hoomau na Luna Kula i ka hooili ana mai i ke Keena o ka Papa Hoonaauao, i na Papa Hoike no keia me keia HAPAHA MAKAHIKI, e like me ka mea mau ; a e hookomo lakou i na Hoike, i ka nui o na dala i ukuia i na Kumu Kula iloko o kela me keia HAPAHA MAKAHIKI, e like me ka mea i mau.

Iloko o na Kula Haole, e ukuia ana ka Uku Komo, e ohi mau ia ka uku no kela me keia HAPAHA MAKAHIKI, a lawe aku i ka Luna Kula o ka Apana, e like me ka mea mau.

W. JAS. KAMIKA,

Kakauolelo o ka Papa Hoonaauao.

Keena Hoonaauao, Ahiolani Hale, Ian. 20, 1879.

 

Na mea Hou ma Olowalu, me Uku-

mehame.

            Ma Ukumehame, Dekemaba, 30, 1878.  Ua make kekahi wahine iloko o ke kai, a ua loaa aku i kekahi mau kanaka, e lana mai ana kona kino kupapau, ua hala ka ea ia Olepau.  I hele oia i ka luu limu, halawai mai la oia me ka pilikia, a kuu aku la kona luhi, o ka inoa o keia wahine, oia o Pokao, o ka nui o kona mau makahiki, he kanaono a oi.

            January, 23, 1879.  Ua pau i ke ahi kekahi hale pili, o ke kumu i pau ai, ua malama ole na makua i ke ahi koe, a ua loaa i kekahi kaikamahine uuku, nona na makahiki eha, o ka inoa o keia kaikamahine, oia o Peni, a o Kaae ka mea nona ka hale, i pau i ke ahi, o ka nui o na waiwai aole i loaa mai, he wahi kihei ka mea i loaa moi, o ka nui o ke poho, ua like me $150.00.

            January.  He wai nui ka mea i pahola ia ae, ma na kaupapaloi a na kanaka o Ukumehame, a ua uhi paapu ia na loi ai, e na pohaku, a me ke one a'e, a he neo ka mea i loaa mai i ka poe na lakou na loi ai.  Aole oia poe wale, o ka pake mahiko kekahi o Ukumehame, i komo like iloko o keia haawina, no ka mea, o kahi ana i manao ai e kanu aku i ke ko, ua holapu ia mai la e ka wai, a ua hookui mai la ka wai ina hale moe o na pake paahana, aole nae he ola i poino, aole no hoi i lilo ka hale i ka wai.  O na mea paahana, oia ke kipikua, koi, kopala, ua lawe aku ka wai e like me kona makemake, aole he mea i loaa mai.  O ka inoa o keia pake, e hoomakaukau nei e mahiko, oia o Ah Sheo-On.

            Ma Olowalu.  january, 22, 1879.  Ua paa ae nei he uwapo hou ma Olowalu, no na ukana o ka Hui mahiko, o kona loa he 20 anana, a o kona laula, he kapuai, na H. H. Webb i hapa i iho nei e hana koke a paa, i ulele iho ai hoi ke keiki kamana, o Kareponi Mr. Stervanson, a ma ka Poalima ae, ua hoomaka kaukana e lawe ia maluna o keia uwapo, o ka mea nana i hapai ia keia hana, ua pau kona noho luna nui ana, a ua hoi aku nei oia (H. H. Webb.)

            January, 25.  He wai nui kai pahola ae ma na wahi a pau o Olowalu, a ua uhi paapu ia na eka ko o ka Hui mahiko o Olowalu i aneane hookahi haneri eka i paapu i na a-a, a me na one a'e, a ua hoonaueue ia ka hale moe ona paahana e ka wai kahe, ua laki no nae, aole i lilo i ka wai, a aole no hoi he ola i pilikia.

            A eia ka mea hou a'u e hai aku ai ia oukou; oia keia o ka nui o na ano Ia i pae mai ma kahakai, aole pela i na wai nui mamua, he mau wahi la uuku mai no ia, a i keia wai nui ana hoi, he nui na ano la i pae ae mauka.  Eia na ano Ia a'u i ike ai, oia ka heepuloa, kala, aweoweo, puauu, ananalo, hinalea, oopukai, humuhumu, opule, aloiloi, oio, upapalu, uhu, nunu, puhi, malua, maiii, aalawi, a pela aku.

Ke hooki nei au maanei.  Me ke aloha no.     S. KAUIHOU.

Olowalu. January, 29 1879.

KA MAKANA HANOHANO !

KII O VICTORIA !

            Ke noi aku nei makou i ke ahonui o na makamaka heluhelu e hoomanawanui no keia mau la pokole; no ka mea, ua loaa mai ia makou ka lono e hiki mai ana ke KII MAKANA ma keia mokuahi ae ma Kaleponi mai, he mau ia wale no a ku mai.  Ua hookaulua iki no hoi makou i ka moolelo o ka Moiwahine Victoria i hele pu aku ia me ke KII MANANA i ka wa e loaa mai ai.

 

KA NUPEPA

Kuokoa me ke Au Okoa

I HUIIA.

No ka Makahiki, $2.     Eono Mahina, $1.

Dala Kuike ka Rula.

FEBERUARI 15, 1878.

 

            MA ka Poakolu i hala iho nei o keia pule i piha ai ka elima o na makahiki o ko ka Moi Kalakaua noho ana iluna o ko Hawaii nohoalii, a ua malama ia ia la ma ke kauoha a ke Kuhina Kalaiaina i la kulaia Aupuni.

Ua pani ia na hale Aupuni a pau, a pela no hoi me ka hapa nui o na hale kuai o Honolulu nei.  Aohe nui o na hana lealea i ike ia, a me he la ua ano meha ke Kulanakauhale i na ouli mau o na la nui e ike mau ia nei e ka lehulehu.  Ma ke awakea he paikau na ka puali Prince's Own ma ka pa alii; a ua lohe mai makou ua haawi ia he mau medala makana i ka poe akamai o ua puali koa nei.  Ma ka po iho ua haawi ae ka Loio Kuhina he ahaaina ma ka Hotele hawaii, a o ke panina no ia o na hana o ka la.

MA ko makou ike maka, i kokua pu ia no hoi e na lono i hiki mai ia makou, ua maopopo he wa keia i pili kaumaha ai na ulia popilikia maluna o kekahi hapa o na lehulehu o keia Kulanakauhale a me na apana e pili ana.  Iloko o ke kauwela loihi i kaahope aenei ua piha loa ka honua i ke ino, i lawe ole ia aku e na wai kahe iloko o ke kai, no ka mea, aole ua e lawa ai ka wai nana e holoi aku ke ino.  A iloko iho nei o keia mau la ua nui loa, i ike ole ia ka mea like no kekahi mau makahiki, ua piha ino ka honua i ka wai; a e hoomaopopo iho kakou, ua paapu o Honolulu me na kale liilii a me na lua malalo iho oia mau hale i hoomaemae ole ia no na makahiki loihi.

            A i ka mao ana ae nei o ka ua a pa mai ka wela o ka la, o ka pii ae no ia o ke ea ino nana e hoolaha aku i na mai piva e hoopoino nei i ke ola o kanaka.  O ke ea ino he makua ia no na mai he nui.

Ua ike na Kauka a me ka poe makaikai iwaena o ka lehulehu he wa nui keia o ka mai iwaena o kanaka.  Ma kekahi mau hale a makou i ike ai ua pilikia loa na ohana i ke anu, ka pololi a me ka mai, me ka loaa ole o na kokua kupono.  Ma kekahi hale hookahi ua make aku he kaikamahine, a elua la mahope iho mai ka makuahine a make, a ano ke waiho nei ka makuakane me ka mai a ui nawaliwali loa, aole maopopo kona ola.

            He mea pono anei ka waiho wale ia o keia poe pilikia me ka ike ole ia 'ku a kokua ole ia 'ku no hoi me na wahi mea e pono ai ? O ka wa kupono keia e kokua ai ka poe waiwai i ka poe ilihune i mai.  Auhea na Ahahui Hoola Lahui i kukulu ia a puni ka aina, no lakou na tausani dala i ohi ia iloko o keia mau makahiki pokole i hala iho nei ?  Ina he aloha i ka poe pilikia, ano ka wa e hana ai.  E hele aku iwaena o ka poe mai iloko o keia wa anu, me na huluhulu a me na mea ai kupono.  E hele na komite o na ahahui Hoola Lahui a e imi i ka poe pololi, ilihune a mai, a e kokua me na olelo ao.  E ao aku i ko kakou poe mai e hele i ka Hale mai o ka Moiwahine:  ilaila lakou e lapaau ia'i a e hanai ia me ka ai kupono a ola me ke dala ole a me ke kumukuai ole.

            AOLE PAHA i poina i ko makou poe heluhelu ka paonioni ikaika mawaena o na aoao elua ma Amerika Hui iloko o ka makahiki 1876, oia ka wa i koho ia ai ka Peresidena e noho hooponopono nei ia aupuni i keia wa.  O ka aoao repubalikana a me ka aoao Demokarata, oia na aoao nui elua e lawelawe nei ma na mea pili aupuni ; a na ka aoao Repubalikana i koho ka Peresidena, oia hoi o ko lakou kanaka kai puka ma ia koho ana, oia o Peresidena Hayes e noho nei ma ia kulana.  Mai ia wa mai a hiki i keia wa, aole i pau ka hoopaapaa ana iloko o ko laila mau kau Ahaolelo no kekahi mau hana kolohe i ulu ae iawena o na lawelawe ana o ka poe Demokarata.  He mea maopopo no paha, ua lawelawe ia na hana pono ole iloko no o na aoao elua ma ia koho ana.  Aka nae, o na mea i laulaha loa, a i kaulana loa no hoi a puni ka aina, oia na lawelawe pono ole e pili ana i ka poe negero, a me na hoike hoopunipuni a kekahi poe luna nana koho e pili ana no ka mea holo balota a lakou i ake nui ai e puka.  Ua hoopuka ia na olelo a me na moolelo hoopunipuni e pili ana no ia mea.  Ua hana akamai ia no hoi keia mau hoopunipuni ana i mea e nalo ai ka hoopunipuni, ma na hoailona a me na hua ano hunahuna i hiki ole i ka lehulehu ke hoomaopopo iho, pela i hoihoi ia mai ai na hoike a kekahi poe luna nana koho mahope o ke koho ia ana o ka Peresidena.  O ke kumu o keia, no ka hopo o kekahi aoao o haule kona kanaka, nolaila keia mau hoike hoopunipuni i kumu e puka ai ka mea a ka aoao hoopunipuni i ake nui ai.

            Ua olelo iho nei makou, o ke kanaka eleele kekahi kumu i hoopuka ia mai nei keia mau hana kolohe mawaena o na aoao paonioni pili aupuni o Amerika.  O ka lahui eleele malaila, he mau miliona ka lakou heluna ; a i ko lakou wa e noho kauwa kuapaa ana, he mea ole lakou, aole wahaolelo, aole pono koho balota ; ua hela ia lakou ma ke ana he waiwai e like me na holokolona.  Aka, i ka wa i pau ai ko lakou kulana kauwa kuapaa, mamuli o ka olelo kuahua kaulana a Peresidena Linekona e hookuu ana i na kauwa, a mahope mai o ka pau ana o ke kaua kuloko, ua lilo ka lahui Aferika ma Amerika i poe ana nui.  He wahaolelo ko lakou e pane ana no lakou iho, a he mana koho balota no hoi ko lakou ; a ua like lakou me na kanaka e ae imua o ke kanawai.  Eia nae ka hewa, he poe naaupo lakou ; aole i ao ia mamua, oiai, he kulana okoa ko lakou ia wa.  A i keia wa hoi, ua loaa ia lakou ke kulana o ka poe naauao, koe nae ka naauao a me ka ike e pono ai ko lakou lawelawe ana maluna o keia kulana hou a lakou e noho nei i keia wa.  Nolaila, ua lilo na kanaka eleele ma Americka i poe luaiele ia a kalohe nui ia e ka poe akamai ma na hana e pili ana i na pomaikai aupuni, e laa na koho balota ana a pela aku.  ua hoao ia e kuai ko lakou mau balota, a ma kekahi mau wahi, ua hoomaka'uka'u ia a pepehi mainoino ia ke ae ole lakou e koho e like me na alakai ana o ko lakou poe luna.

            Noloko ae o keia mau hana pono ole, ua ulu mai na hoopaapaa nui i kela a me keia kau.  A maloko o ka nupepa New York Tribune o Dek. 18, i ike iho ai makou i kekahi haiolelo kaulana a kekahi o ka poe Senate imua no o ka hale Senate ma Wasinetona, o Mr. Blaine kona inoa.  Ua hele ka hale a piha u ia la i ka poe makaikai, na maka hanohano a me na malihini naauao o Europa a me ko na aina e.  Ua olelo ia o kekahi keia o na haiolelo kaulana loa iloko o ka Hale senate, a he mea hiki ole ke hoopale ia na kumu manao i hoonohonoho ia mai iloko oia haiolelo.  Ua kamailio mai o Mr. Blaine no na hewa i hana ia e ka aoao Demokarata ma ka Hema ma na mea e pili ana i ke koho balota ana, a ma ia hana ana ua kaulike ole na pomaikai mawaena o ka poe ma ka Hema a me ko ka Akau.  Ua loea kona wehewehe ana me ka meakaka loa.  Ina aole ka haiki loa o ko makou mau kolaumu, ina ua unuhi makou i keia haiolelo holookoa a hoolaha aku no ka pomaikai o ko makou poe heluhelu.  Ua lawa paha keia wehewehe ana, a he mea pono i ko makou poe makamaka i ike i ka olelo haole ke kuai i ka nupepa New York Tribune o ka la 18 o Dekemaba a e heluhelu no lakou iho.

 

I NA LUNA NUPEPA KUOKOA.

            Ua makemake ia na Luna NUPEPA KUOKOA a pau mai Hawaii a Kauai, i ka wa a oukou e hooili mai ai ia makou i na dala o ka poe lawe nupepa ; e hoike pu mai i ka papa inoa o ka poe hookaa palua mamua ae ka la 31 o Maraki i kulike ai me ka makou rula.  A i hiki hoi ia makou ke hookaawale pono i na Kii Makana no ia poe.

 

NU HOU KULOKO.

            KE KANAWAI.---No ka pilikia o ka mea kakau Kanawai i keia pule, nolaila, aole e puka aku ma keia helu, aia a keia pule ae.

            I keia Poakahi, Feb. 17, e ku mai ai ke "Zealandia," mai na panalaau mai o ka Hema, e lawe pu mai ana oia me na mea hou o ka Hikina.

            HANAU.---Ma ka la 2 o keia malama ma Wainiha kauai ua hanau ia mai la he kaikamahine na Edward Shaw a me Hana.

            HE PUA I MAE.---Ma ke kakahiaka o ka la 10 o keia malama ua o-u ia ae la ke ola o William Cook, he keiki nona na makahiki ekolu a kaialupe ia aku la ma kela aoao.  Aloha wale!

            AHAAINA KOMO HALE.---Ma ka Poakahi iho nei, ua haawi ae la ke Kuhina Waiwai His Ex. Simon Kaai i ahaaina maloko o kona hale hou e ku nei ma Kapalama.

            HUAKAI LEPO.---Ma ke kakahiaka Poakahi iho nei, ua hoomaka ae la ke kai ana a keia huakai lepo mai Hoaeae ae ma Ewa, a hele aela ma loko o ke kai a hiki i Waikiki-kai, a malaila i hooluana ai lakou.  He mea hou kupanaha keia akahi no a ike ia.

            HALAWAI MAKAAINANA.---Ua lohe wale mai makou ma ke ahiahi o ka Poalua o keia hebedoma ae Feb. 18, e malama ia ana he halawai makaainana maloko o ka luakini o Kaumakapili, no ka noonoo ana i na hana no ka hookipa ana 'ku i ka malihini kaulana oia o Generala Kalani ke hiki mai; a ke kono ia aku nei ka lehulehu e naue nui ae.

            Ma ka Poaono aku nei i hala, ua hookuku ke kaawai mahu; Helu 1, me na keiki o ka Helu 2, a ma ka hookuku ana i ka mea kiekie o na wai, aole no e loaa mai ka Helu 2 ; ua lele ae ka ikaika o kona wai ma kahi e kokoke ana i ke 30 kapuai maluna ae o ka wai o ke kaa mahu Helu 1.  Aole no he kau ona e eo ai.

            LEO KAHEA.---I na Kahu Kula Sabati o Hawaii Akau mai Kaula a ke Ahualono.  Aloha oukou ; Ke kauoha ia aku nei oukou a o ko oukou mau hope paha, e hui pu ae me ka Ahahui Euanelio, ma ka pule mua o Maraki, ma ko lakou wahi e halawai ai.

Ka oukou kauwa.     W. A. MIO.

            KA PAHU PONOGARAPA OLELO.---O keia po, ka wa e hoike ia ai ke kamailio ana a ka pahu Ponogarapa ma ka Hale Keaka Hawaii, malalo o ka hookele ana a Kohler ; nolaila, o ka wa keia i haawiia mai ai ia kakou ka ike ana ia mea kupanaha. nolaila, e naue ae i ike kumaka.

            Ua hooikaika nui makou e imi i mau kowa kaawale maloko o ko kakou wahaolelo no ka pono o ko makou poe heluhelu, ma ka hoihoi ana aku i kekahi kolamu hoolaha mawaha i kaawale iki ai o loko, a ua loaa he kowa kaawale iki.  O ko makou ake nui, o ka pono heluhelu o ka lehulehu, nolaila makou i kau ai i ka auhau kiekie no na kanikau a me na mele inoa.

            MAKANA IA.---Ua lono mai, makou ua makanaia aku o M. Kahalewai a me C. Hookano o ka Pua@ "Prince's Own." i ka Poakolu iho nei.  he mau medala dala ; a ia H. Berger hoi ke alakai o ka puali Puhi Ohe o ke aupuni, he medala gula.  he 12 kihi, a ma ka aoao mawaho na huaolelo e kau ana ---"No kou Akamai"---a ma kekahi aoao---"He makana na ke Alii ka Moiwahine ia H. Berger, Feb. 12, 1879."

            LA 12 o FEBERUARI.---O ka Poakolu o keia pule iho nei ka la kulaia aupuni, i kulike ai me ka hoolaha a ke Kuhina Kalaiaina, ua malamala me ka eehia a me ka maluhia; a oia no hoi ka piha ana o na makahiki elima o ka noho alii ana o ko kakou Moi aloha ma ke kalaunu ou e Hawaii ; a ke hehi nei oia i ke eono o na anuu o kona nohoalii ana i keia wa.  E ola ka Moi a me ka ohana alii i ka ihiihi o na mana Lani.

            IKEA KA OIAIO.---Ma ke kakahiaka Poakahi nei, ua eleu ae la na kanaka o Waikiki-kai e hoopuni i ka Anae holo; a i ka hoopuni ana, puni ihola ka ia a hooili ia maluna o ka waa no ke aloalo mai i Honolulu, ia manawa, e poi ia iho ana e ka nalu a mai piholo, hoolana hou ae la a poi hou ihola no ka nalu; kei no hoi o ka pau ia e poi hou iho ana no a hakihaki ke ama me ka iako; ia manawa hoopuka ae la kekahi lawai i kana olelo penei ; " Ka ! o ka hoolaha ia ana mai nei no o kakou i ka lawaia i ka la Sabati ma ke Kuokoa, a loaa koke no ia kakou keia pilikia; he oiaio, ua ike ke Akua i ko kakou hewa, nolaila, hoopai mai la oia ia kakou."

            PAKELE KE OLA.---Ma ke kakahiaka o ka Poalima aku nei i hala, ua pakele iho la ke ola o ka Hooilina Moi mai ku i ka poka ; oiai Oia e ku ana ma ke opu ohe ma Kona wahi noho, hihio ana ka poka ma kona papalina a ku aku la i ke pine pa.  Ia manawa, ua imi ia ae la kahi i la ia mai ai keia poka, a ua loaa, ua ike ia no hoi aole he kolohe, aka, he ulia hemahema, a he poka auwana wale iho no mamuli o ka lawelawe hemahema ana a kekahi mea ma ka hoomaamaa ki poka paani ma kona pahale.  Ua pomaikai ka pakele ana o ke ola o ke'lii.  A eia ka olelo ao i ka poe ki poka paani. e hele i Puowina e ki ai i kahi kaawale.

 

            A HA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o Henry Gordon, o Waialua, Oahu, i make kauoha ole.  Imua o ka Lunakanawai McCully.  Olelo kauoha e hoolaha aku no ke noi ana mai e koho i lunahooponopono waiwai.  Ma ka heluhelu a me ka waiho ana mai o ka palapala noi a Robert Halstead, o Waialua, Oahu, e hoike mai ana, o Henry Gordon no Waialua, Oahu, ua make kauoha ole ma Waialua, Oahu, ma ka la elima o Feberuari 1879, a ua waiho mai i kekahi mau waiwai me ka hana ole i palapala kauoha a e noi ana e haawi ia ka palapala hookohu lunahooponopono waiwai a palapala hookohu kahu malama waiwai o na keiki oo ole ia W. R. Castle.  Ua kauoha ia, o ka Poakolu, ka la 5 o Maraki 1879,oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou. e ae ole ia ai ua noi la.  A o keia olelo kauoha, e hoolahaia ma ka olelo Hawaii & Beretania i ekolu pule ma ka P. C. Advertiser & Kuokoa he mau nupepa ma Honolulu.

Kekauia ma Honolulu, ko Hawaii Pae Aina, Feb.10, 1879.

LAWRENCE McCULLY,

Ikea     Lunakanawai o ka Aha Kiekie.

A. Rosa, Hope Kakauolelo.

 

            A HA Kiekie o ko Hawaii Pae Aina, ma ka hooponopono waiwai.  Mokupuni o Oahu, Hawaii Pae Aina ss.  Ma ka waiwai o B. Lulana k i make.  Olelo kauoha e koho ana i la e hooiaio ai ka palapala kauoha a no ka hoolaha ana.  No ka mea, ma ka la 13 o Feberuari 1879, ua waihoia mai imua o ka Aha, kekahi palapala i olelo ia, oia no ke kauoha hope loa o B. Lulana k i make aku la; a me ka palapala hoopii e noi ana e hooiaioia kela palapala kauoha a e hoopuka ho i ka palapala luna hooko ia Wm. Keaweamahi ua waiho ia mai e Wm. Keaweamahi.  Nolaila, ua kauohaia o ka Poalima oia ka la ehiku o Maraki 1879, ma ka hora 10 am, ma ka Rumi Hookolokolo o ia Aha, ma Aliiolani Hale ma  Honolulu, oia ka la me ka hora e hooiaio ia ai ia palapala kauoha, a e hoolohe hoi no i a noi ana mai, a me ka poe a pau i pili, e kue ana ia palapala kauoha a me ka hoopuka ana i ka palapala luna hooko.  A ua kauoha hou ia; e hoolaha no ia mea no na pule ekolu iloko o ka nupepa Kuokoa he nupepa i pai ia a i hoolaha ia ma Honolulu.  A ua kauoha hou ia, e hoopuka ia na hooilina o ka mea make, ma kea Pae Aina e hele mai a e kue i kela palapala kauoha i ka wa i oleloia.

Kekauia ma Honolulu, ko Hawaii Pae Aina, Feb.13, 1879.

A. FRANCIS JUDD,

Ikea     Lunakanawai o ka Aha Kiekie.

A. Rosa, Hope Kakauolelo.

 

            A HA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o Rosalie J. Giliiland o Honolulu, wahine kane make, i make kauoha ole.  Imua o ka Lunakanawai Judd.  Olelo kauoha e hoolaha aku no ke noi ana mai e koho i lunahooponopono waiwai.  Ma ka heluhelu a me ka waiho ana mai o ka palapala noi a Emanuel Cunha, o Honolulu e hoike mai ana, o Rosalie J. Gillialand no Honolulu, he wahine kane make ua make kauoha ole ma Honolulu, ma ka la 30 o Ianuari 1879, a e noi ana e haawi ia ka palapala hookohu lunahooponopono waiwai iaia ma ke ano hunona, na ka mea make.  Ua kauoha ia, o ka Poakolu, ka la 4 o Maraki 1879,oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou. e ae ole ia ai ua noi la.  A o keia olelo kauoha, e hoolahaia ma ka olelo Beretania a me Hawaii i ekolu pule ma ka Pacific Commercial Advertiser a me ke Kuokoa, he mau nupepa ma Honolulu.

Kakau ia ma Honolulu, ko Hawaii Pae Aina, Ianuari 7, 1879.     A. FRANCIS JUDD,

Ikea     Lunakanawai o ka Aha Kiekie.

A. Rosa, Hope Kakauolelo.

 

            A HA Kiekie o ko Hawaii Pae Aina, ma ka hooponopono waiwai.  Mokupuni o Oahu, Hawaii Pae Aina ss.  Ma ka waiwai o Kaiaioleo k Honolulu, Oahu i make. 

Olelo kauoha e koho ana i la e hooiaio ai ka palapala kauoha a no ka hoolaha ana.  No ka mea, ma ka la 8 o Feberuari 1879, ua waihoia mai imua o ka Aha, kekahi palapala i oleloia, oia no ke kauoha hope loa o Kaiaiole k o Honolulu, Oahu i make 'ku ia; a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia J. Kekea k, ua waiho ia mai e J. Kekea k.  Nolaila, ua kauohaia o ka Poakahi oia ka la 3 o Maraki 1879, ma ka hora umi am., ma ka Rumi Hookolokolo o ia Aha, ma Aliiolani Hale ma  Honolulu, Oahu, oia ka la me ka hora e hooiaio ia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha a me ka hoopuka ana i ka palapala luna hooko.  A ua kauoha hou ia; e hoolaha no ia mea no na pule ekolu iloko o ka Nupepa Kuokoa,he nupepa i pai ia a i hoolaha ia ma Honolulu.  A ua kauoha hou ia, e hoopuka ia na hooilina o ka mea make, ma kea Pae Aina e hele mai a e kue i kela palapala kauoha i ka wa i oleloia.

Kakauia ma Honolulu, ko Hawaii Pae Aina, Feberuari 8, 1879.     CHAS. C. HARRIS

Ikea     Lunakanawai Nui o ka Aha Kiekie.

A. Rosa, Hope Kakauolelo.

 

            MA ke Keena o ka Lunakanawai Kaapuni o ka Apana 2 o ko Hawaii Pae Aina.  Ma ka waiwai o S. P. Ahiong (pake) no Makawao, Maui i make.  Ua heluhelu ia a ua waiho ia ka palapala noi a  J. D. Havekost ka lunahooponopono o ka waiwai o S. P. Ahiong (pake) no Makawao, Maui i make. e noi ana e hoapono ia kona moowaiwai a e hookuu ia mai ka oihana.  Nolaila, ke kauoha ia aku nei na kanaka a pau ke pili, o ka Poakahi oia ka la 10 o Maraki, 1879, ma ka hora 10 1/2 am, ma ka hale hookolokolo ma Makawao, oia ka la a me kahi i koho ia no ka hoolohe ana i ua nonoi la a me na mea kue ke hoike ia.     ABR. FORNANDER,

Lunakanawai Kaapuni Apana 2 H P A.

Lahaina, Feb. 8, 1879.

MA ke Keena o ka Lunakanawai Kaapuni o ka Apana 2 o ko Hawaii Pae Aina.  Ma ka waiwai o Hikiau k no Hamakualoa, Maui i make.  Ua heluhelu ia a ua waiho ia ka palapala noi a  J. D. Havekost ka lunahooponopono o ka waiwai o Hikiau k no Hamakualoa, Maui i make, e noi ana e hoapono ia kona moowaiwai a e hookuu ia mai ka oihana.  Nolaila, ke kauoha ia aku nei na kanaka a pau ke pili, o ka Poakahi oia ka la 10 o Maraki, 1879, ma ka hora 10 am, ma ka hale hookolokolo ma Makawao, oia ka la a me kahi i koho ia no ka hoolohe ana i ua nonoi la a me na mea kue ke hoike ia.     ABR. FORNANDER,

Lunakanawai Kaapuni Apana 2 H P A.

Lahaina, Feb. 8, 1879.

OLELO HOOLAHA.

 

Hoolaha Hoopau Moraki.

            MA keia ke hoolaha ia aku nei, mamuli o kekahi mana kuai i hoike ia maloko o kekahi palapala moraki i kakauia ma ka la 20 o Dekemaaba, 1875, i hanaia e John Alapai o Honolulu, Oahu, ia Alex. J. Cartwright, i kope ia ma ke Keena Kakau Kope o ke Aupuni, ma ka Buke 45, ma na aoao 45, 46 a me 47, a i hoolilo ia e ia ia F. T. Lenehan kahu waiwai, a ua kakau ia ia hoolilo ana ma ke Keena Kakau Kope o ke Aupuni Buke 45, ma ka aoao 45; a no ka mea, ua uhai ia na olelo oia palapala moraki i olelo ia, a nolaila, o na aina a pau, na hale a me na mea a pau e pili ana, i hookakaia iloko oia palapala moraki i olelo ia. mahope o ka wa i kau palena ia e ka kanawai, e kuai ia ana ma ke kudaia akea, no ka uhai ia ana o ka olelo aelike i hoakakaia maua ae nei.

F. T. LENEHAN.

Cecil Brown, Loio no F. T. Lenehan Kahu Waiwai.

Kakauia ma Honolulu, Feb. 15, 1879.

 

            MA ke Keena o ka Lunakanawai Kaapuni o ka Apana 2 o ko Hawaii Pae Aina.  Ma ka waiwai o Kanakahou k no Honuaula, Maui i make.  Ua heluhelu ia a ua waiho ia ka palapala noi a  J. D. Havekost ka lunahooponopono o ka waiwai o Kanakahou k no Honuaula, Maui i make, a e hooholo ia i na hooilina.   Nolaila, ke kauoha ia aku nei na kanaka a pau ke pili, o ka Poakolu oia ka la 12 o Maraki, 1879, ma ka hora 10 am. ma ka hale hookolokolo ma Ulupalakua, oia ka la a me kahi i koho ia no ka hoolohe ana i ua nonoi la a me na mea kue ke hoike ia.     ABR. FORNANDER,

Lunakanawai Kaapuni Apana 2 H P A.

Lahaina, Feb. 8, 1879.

Hoolaha Hoopau Moraki.

            MA keia ke hoolaha ia aku nei, mamuli o kekahi mana kuai i hoike ia maloko o kekahi palapala moraki i kakauia ma ka la 18 o Mei, 1876, i hanaia e Louis Richards la'u, C S Bartow, ka Lunahoomalu o ka Papa Kahu Waiwai o ka "Hawaiian Lodge No. 21 of Free and Accepted Masons" i kope ia ma ke Keena Kakau Kope o ke Aupuni Buke 47, ma ka aoao 64 a me 65; a no ka mea, ua uhai ia na olelo oia palapala moraki i olelo ia, a nolaila, o na aina a pau, na hale a me na waiwai a pau e pili ana, i hookakaia iloko oia palapala moraki i oleloia, e kuai kudala ia aku no mahope o ka wa i kau palena ia e ka kanawai, e ka Pauku 1, Mokuna 33 o na kanawai o 1874.     C. S. BARTOW.

Lunahoomalu o ka Papa Kahu Waiwai o ka "Hawaiian Lodge No 21."

 

Hoolaha a na Lunahooponopono

Waiwai.

            UA hookohuia mai na mea nona na inoa malalo nei i mau lunahooponopono no ka waiwai o August Conrad o Hanalei, Kauai, H. I. i make, nolaila, ma keia, ke kanoha ia ku nei na kanaka a pau i aie i ka waiwai a e paa nei paha, e uku koke mai; a o na kanako a pau he mau koina ko lakou i ka waiwai i oleloia, ke hoolaha ia aku nei, e hoike koke mai imua o na mea nona ka inoa malalo iho mamua ae o ka haia ana o na malama eono mai keia la aku, o hoonele loa ia.

MARY ANN CONRADT,

FRANK BINDT.

Na Lunahooponopono Waiwai o ka waiwai o August Conradt i make

Koloa, Kauai, Fed. 8, 1879.

KUAI KUDALA!

A ka Lunahooponopono Waiwai.

            MAMULI o ka mana i loaa ia'u, mai ka mea hanohano Abr. Fornander, Lunakanawai Kaapuni Apana Elua i hanaia ma ka la 27 o Ianuari.  E kuai aku ana au ma ke kudala akea, ma ke alo o ka hale hookolokolo ma Pukoo, Molokai, ke hiki aku i ka la 18 o Maraki, 1879, i kela mau apana aina waiwai nui o D. W. Kaiue i make.  1 apana aina ma Waialua, o Paihaia ka inoa.  2 Apana aina ma Kapualei, Kamalo, i ka mae koho kiekie.  Kupono keia mau apana aina i ke kanu kalo a me ke kanu ko.  Na ka mea e lilo ai e uku i na lilo o ka palapala.  A ua makaukau na palapala sila nui.  Ua paa keia mau apana aina i ka morakiia ia S. G. Wilder & Co.     JNO. W. KALUA.

Lahaina, Maui, feb. 3, 1879.

 

HOOLAHA A KA HOPE HOOKO KAUOHA.

            UA loaa mai ia'u ka hookohuia mai ka Aha Hookolokolo Kiekie mai, i hope hooko kauoha no ka palapala hooilina hope loa a Kalua k o Honolulu i make, ma ka la 31 o Dekemaba, 1878, a o na mea a pau he mau koina ko lakou no ka waiwai o Kalua i olelo ia, e hoike mai lakou iloko o na malama eono mai keia la aku, o hoonele loa ia lakou.

LEIAU (w).

Honolulu, Feb. 15, 1879.

HALE KEAKA HAWAII !

Ka Kohler mau Hana Akamai,

---I KEIA---

Auwina la, a me keia Ahiahi Poaono,

E HOIKE IA AKU ANA KA

EDISON'S PHONOGRAPH!

---A ME KA---

MEKINI KAMAILIO

---A ME KA---

MEKINI HIMENI.

E Hoikeike pu la aku ana me na Ahi Lele, a me na kii

o ka Hoikeike nui ma

PHILADELPHIA, U.S. 1876.

A me na Kii e Hene ai o na Aka.

Naue ae e ike i na hana kupanaha a keia mau mekini.

Uku komo---O ka mea mau.  E hoomaka ana na hana i ka hora 8.

E. LILILEHUA.

Loio a he Kokua ma ke Kanawai !

IMUA o na Aha Apana a Hoomalu o ka mokupuni o Oahu.  E hanaia me ka eleu loa.  E loaa no au ma Wehekealaula, ma alanui Maunakea, a i ole ia, ma ka Hale Hookolokolo o ka Aha Hoomalu ma Honolulu.

S. AUKAI.

LOIO !   LOIO !

UA ae ia mai oia e lawelawe ma ka Oihana Loio imua o na Aha Kakau Ole o ka mokupuni o Oahu, koe nae ka ae ia mai e ka mana o na Aha Kakau.

E IKE auanei na kanaka a pau, ua hoonoho ia mai ka mea nona ka inoa malalo iho e ka mea hanohano Abr. Fornander, Lunakanawai Kaapuni o ka Apana 2 i Lunahooponopono no ka waiwai o kekua k o Lanai i make, nolaila,  o ka poe i aie iaia a me ka poe ana i aie aku ai, e hele mai imua o'u iloko o na mahina eono, o hoole mau loa ia.

D. KAHAULELIO.

Lunahooponopono o ka waiwai e Kekua k o Lanai i make.

Lahaina, Feb. 1, 1879.

Kuai a ke Kahu Malama Waiwai.

MAMULI o ka mana i haawi ia mai ia'u e ka Hon. A. F. Judd, ma ka la 28 o Ianuari 1879.

E KUAI KUDALA AKU NO AU

........ma ke akea ma ka........

LA 22 o FEBERUARI, 1879,

---Ma ka---

HORA 12 O KE AWAKEA,

Ma ke alo iho o ka Hale Aupuni, ia hookahi hapalua o kela aina i mahele ole ia ma

Waianae, Oahu,

Nona na Eka he 10, oia hoi ka apana 1 maloko o ka Palapala Sila Nui Helu 4874.  A pela no hoi me ka hapa i mahele ole ia o kekahi hale nui e ku la maluna olaila.

O keia mau mea i hoike ia maluna, oia no ka pomaikai o Maluna k maloko o k a waiwai i olelo ia.

KALIMAHAUNA  k.

Kahu Malama Waiwai o Maluna k.

 

Na Lauau Kahiko ma ke Kudala.

MA ke kauoha a ka mea hanohano ke Kuhina Kalaiaina,

E Kudala Akea aku no au

---Ma ka---

POAONO, FEBERUARI 22, 1879.

---:MA KA:---

Hora 12 o ke Awakea !

........ma ke........

ALANUI MOI,

I na la u o ka Halewai Kahiko.

C. S. BARTOW,

Luna Kudala.

 

RAIKI ILI !  RAIKI ILI !

UA hiki no ke haawi ia na kumukuai kiekie oia keia Ma-

keke no na Laiki i wae oie ia ka ili.

A e kuai aku no hoi au i ka

OKA RAIKI, BARANI !

No ua Puaa a me na Lio. &c. &c. &c.

Na RAIKI nahaha ai a ka Moa.

E kuai aku no hoi i ka Raiki me na poe a pau e hele mai ana, e like me ko lakou makemake ma ka

HALE WILI RAIKI MAHU

Ma Honolulu, makai o Ainahou.

J. A. HOPPER.

 

OLELO HOOLAHA.

            KE hoolaha ia aku nei ma kela, ua loaa aku ia Antone J. Lopes he laikini no ka hanai Bipi a me na holoholona e ae i kuni ia ma ke hao J x C ma ka aina o Honouhuli, Ewa, Oahu ; a ua ae pu ia aku oia e lawelawe no ka hoohana ana i na kanaka ma ka hana a ke konohiki.  Aole no hoi e ae ia na kanaka e ae e komohewa maluna o ka aina i olelo ia. A ina e loaa aku na Bipi a me na holoholona helehewa e ae maluna o ua aina ia mahope aku o keia la, e hopu ia no a lawe ia i ka Pa Aupuni e like me ke Kanawai.  A e kiia no hoi i ka pu na ilio hele wale a pau.

Kakau ia i keia la 30 o Ianuari, 1879.

JAMES CAMPBELL, Konohiki.

 

            KE kahea ia aku nei na iaia o ka Hui e hookea koke mai i ko lakou auhau he hiki aku i ka la hope o keia mahina @ mai ke $60 a hiki i ka 100, ina e hookaa oie mai lakou, aole o lakou kuleana iloko o ka aina.  Ke hai ia aku nei ka lohe ia oukou, a e loaa no au ma Kahana, Koolauloa.  E lilo keia i kanawai paa mai keia la aku.

D. W. KAMAKANIAU.

 

PALAPALA HOOLAHA.

            KE hoike nei ka Lunakanawai Kaapuni o Maui ma keia, aia ma ka la 6 o Maraki, 1879, ma ka hora 10 o kakahiaka, e noho ana oia ma ka Hale Hookolokolo ma Wailuku, hoolohe ana i na hihia hoopii a me na hooponopono waiwai e lawe ia mai ana imua ona.     ABR. FORNANDER,

Lunakanawai Kaapuni Apana 2 H P A.

Lahaina, Jan. 30, 1879.

 

            MA ke Keena o ka Lunakanawai Kaapuni o ka Apana 2 o ko Hawaii Pae Aina.  Ma ka waiwai o Makoliku k no Kapahulu, Maui i make.  Ua heluhelu ia a ua waiho ia ka palapala noi a  Mose Ulunahele, e noi ana e hooiaioia ka palapala kauoha hope loa a Makoliku k no Kapahulu, Maui i make aku nei.  Nolaila, ke kauoha ia aku nei na kanaka a pau ke pili, o ka Poalima oia ka la 14 o Maraki, 1879, ma ka hora 9 am ma ka hale kula o Mokulau, Kaupo, oia ka la a me kahi i koho ia no ka hoolohe ana i ua nonoi la a me na mea kue ke hoike ia.    

ABR. FORNANDER,

Lunakanawai Kaapuni Apana 2 H P A.

Lahaina, Jan. 30, 1879.

 

            A HA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o Wahineokapu k o Wailua, Kauai i make kauoha ole.  Imua o ka Lunakanawai McCully.  Olelo kauoha e hoolaha aku no ke noi ana mai e koho i lunahooponopono waiwai.  Ma ka heluhelu a me ka waiho ana mai o ka palapala noi a Hookano @ no Waialua, e hoike mai ana, o Wahineokapu k o Wailua, Kauai, ua make kauoha ole ma Waialua, Oahu, ma ka la 15 o Feberuari 1879, a e noi ana e haawi ia ka palapala hookohu lunahooponopono waiwai ia G. B. Palohau no Anahola.  Ua kauoha ia, o ka Poaha oia ka la 6 o Maraki 1879, i ka hora 10 kakahiaka, oia ka manawa i koho ia no ka hoolohe ana i ua noi la, mua o ua Lunakanawai la, ma ke keena hookolokolo o keia Aha, ma Koloa, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou. e ae ole ia ai ua noi la.  A o keia olelo kauoha, e hoolahaia ma ka olelo Hawaii i ekolu pule ma ke Kuokoa he nupepa ma Honolulu.

Kekauia ma Koloa, ko Hawaii Pae Aina.  Ianuari 23, 1879.

JACOB HARDY.

Lunakanawai Kaapuni Apana Eha.

 

            MA ke Keena o ka Lunakanawai Kaapuni o ka Apana 2 o ko Hawaii Pae Aina.  Ma ka waiwai o Wm. T. Cooper no Makawao, Maui i make.  Ua heluhelu ia a ua waiho ia ka palapala noi a  J. D. Havekost ka lunahooponopono o ka waiwai o Wm. T. Cooper no Makawao, Maui i make, e noi ana e hoike ia na bila aie, i ae ia e ua Cooper la ia hai, a e hoapono ia kona moowaiwai o ua lunahooponopono ia.  Nolaila, ke kauoha ia aku nei na kanaka a pau ke pili, o ka Poakahi oia ka la 10 o Maraki, 1879, ma ka hora 9 am ma ka hale hookolokolo ma Makawao, oia ka la a me kahi i koho ia no ka hoolohe ana i ua nonoi la a me na mea kue ke hoike ia.    

ABR. FORNANDER,

Lunakanawai Kaapuni Apana 2 H P A.

Lahaina, Jan. 30, 1879.

 

            MA ke Keena o ka Lunakanawai Kaapuni o ka Apana 2 o ko Hawaii Pae Aina.  Ma ka waiwai o M. Kahananui, he mea pupule, no Hana, Maui.  Ua heluhelu ia a ua waiho ia ka palapala noi a  Mrs. Hooipoipo, no Hamakualoa, Maui, e noi ana e hoonoho iaia i kahu malama waiwai no ka waiwai o kona makuakane, oia hoi o  M. Kahananui, he mea pupule, no Hana, Maui.  Nolaila, ke kauoha ia aku nei na kanaka a pau ke pili, o ka Poalima oia ka la14 o Maraki, 1879, ma ka hora 10 am ma ka hale kula o Mokulau, Kaupo, oia ka la a me kahi i koho ia no ka hoolohe ana i ua nonoi la a me na mea kue ke hoike ia.     ABR. FORNANDER,

Lunakanawai Kaapuni Apana 2 H P A.

Lahaina, Jan. 30, 1879.

 

            E IKE IA ma keia ua kapu loa ka hookuu wale ana i na holoholona o kela a me keia ano.  maluna o kuu apana aina ma Kaauhulu, hamakua, Hawaii, o Pahoa ka inoa.  A na kapu pu hoi ke kii wale ana i na mea a pau maluna o ua apana aina la.  e lilo keia i kanawai mai ka la e puka ai ma ka Nupepa Kuokoa a mau loa aku.  A o ka mea kue i keia, e hoouku ia no e like me ka pono, a ua hoomana piha pu aka au ia Peter poliahu oia wahi no, i hope a i luna nana hoi, a e hoolohe na mea a pau iaia.     SAM'L K. KAAIAI.

Lahaina, Jan. 17, 1879.

 

Hoolaha a na Hope Hooponopono Waiwai.

            O NA mea no laua no inoa malalo iho, ua kohoia ; mau Hope Hooponopono Waiwai no ka waiwai o C. Ai o Wailuku, he mea i Banekerupa.  Ma keia ke hoolaha ia aku nei i na kanaka a pau i aie ia C. Ai i oleloia. e hookaa koke mai lakou ia M. Green ma ke keena hana o M. Phillips & Co., ma Honolulu, a i ole ia ia T. W. Everett ma Wailuku, Maui.

M. GREEN, T.C. ACHONG.

Na Hope Hooponopono  Waiwai o ka waiwai o C. Ai he Banekerupa.

 

            A HA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o Kilinahe k o Kalihi, Honolulu, Oahu  i make kauoha ole.  Imua o ka Lunakanawai A. F. Judd.  Olelo kauoha e hoolaha aku no ke noi ana mai e koho i lunahooponopono waiwai.  Ma ka heluhelu a me ka waiho ana mai o ka palapala noi a Lama w o Honolulu, Oahu,  e hoike mai ana, o Kilinahe k o Kalihi, i oleloia ua make kauoha ole ma Kalihi, Honolulu.  Oahu, ma ka la 18 o Augate 1878, a e noi ana e haawi ia ka palapala hookohu lunahooponopono waiwai ia Lama w.  Ua kauoha ia, o ka Poalua, ka la 18 o Feberuari 1879, hora 10 am. oia ka manawa i koho ia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou. e ae ole ia ai ua noi la.  A o keia olelo kauoha, e hoolahaia ma ka olelo Hawaii i ekolu pule ma ke Kuokoa nupepa ma Honolulu.

Kakau ia ma Honolulu, ko Hawaii Pae Aina, Ianuari 27, 1879.     A. FRANCIS JUDD,

Lunakanawai o ka Aha Kiekie.

Ikea:     A. Rosa, Hope Kakauolelo.

 

            MA ke Keena o ka Lunakanawai Kaapuni, Apana Ekolu, ko Hawaii Pae Aina.  Ma ka waiwai o Aho (pake), no Hilo, Hawaii i make.  Ua heluhelu ia a ua waiho ia ka palapala noi a Ahana, ka  lunahooponopono o ka waiwai o Aho (pake), no Hilo, Hawaii, H P A i make, e noi ana e apono ia na bila aie a ka mea i make, a e hooholo ia na hooilina, a e hooholoia ka waiwai i na hooilina, a e hookuu ia oia mai ia oia mai kona oihana lunahooponopono waiwai  Nolaila, ke kauoha ia aku nei na kanaka a pau ke pili, o ka Poalima oia ka la 28 o Feberuari, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i koho ia no ka hoolohe ana i ua nonoi la a me na mea kue ke hoike ia.     F. S. LYMAN,

Lunakanawai Kaapuni Apana Ekolu. 

Hilo, Hawaii, Ianuari 15, 1879.

 

            MA ke Keena o ka Lunakanawai Kaapuni, Apana Ekolu, ko Hawaii Pae Aina.  Ma ka waiwai o Kamai k no Hilo, Hawaii i make.  Ua heluhelu ia a ua waiho ia ka palapala noi a William H. Reed, e noi ana e hoonoho ia o Kemukai i lunahooponopono no na waiwai ai a Kamai k no Hilo, Hawaii i make.  Nolaila, ke kauoha ia aku nei na kanaka a pau ke pili, o ka Poalima oia ka la 28 o Feberuari, 1879, ma ka hora umi o kakahiaka, ma ka hale hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoike ia.     F. S. LYMAN,

Lunakanawai Kaapuni Apana Ekolu. 

Hilo, Hawaii, Ianuari 15, 1879.

 

            KE papa ia aku nei na kanaka a pau aole e komohewa a lawe wale a hoopoino i na mea ulu, a kukulu wale a hookuu wale paha i na holoholona a komohewa paha ma ke ano e a'e maluna o na aina ponoi a me na aina i hoolimalima ia e ka Hui Mahiko o Waihee, Maui.  O ka mea hookuli i keia hoopii koke ia no e like me na Kanawai o ka Aina, nolaila o ka hoolohe oa ka pono o pilikia auanei.

JAMES MAKEE & CO.

Waihee, Maui, Sept. 7, 1878.

 

NU HOU !  NU HOU !

E kuai ia aku ana ma ke Kumukuai emi loa.

.....MA KA.....

HALEKUAI WAI HINUHINU

---O---

F. H. WILT.

Ma ALANUI HOTELE, MONIKAHAAF.

Na NOHO,

Na MOE,

Na BELA MOE,

Na PAKAUKAU,

Na PAHU UME

A me na mea nani e ae ma ia laina.

KE kono ia aku nei no hoi ka lehulehu o na makamaka mai na mokupuni e ae, e kipa mua mai ma ko'u halekuai mamua o ka hele ana i na halekuai e ae o keia ano, no ka mea, he oluolu loa ke kumukuai a he waipahe maoli no.

ANO NO I LOAA MAI NEI !

Na Kaa Lio

Holo Lealea!

Na Kaa Lawe Ohua a me na kaa holo palua, mau mea hoikekeike aku, mai ka Hale Hana Kaa mai o ka Hui o Cortland ma Nu Ioka.

DILLINGHAM & Co.,

Na Agena kuai ma Hawaii nei.